رواية عشق الفهد الفصل الثاني عشر 12 بقلم مريم نصار
رواية عشق الفهد البارت الثاني عشر
رواية عشق الفهد الجزء الثاني عشر
رواية عشق الفهد الحلقة الثانية عشر
بسم الله نبدأ
عند مراد والفهد .الساعه ٩ صباحا .
فهد : نايم بعمق على الكنبه فى الصاله ومش لابس تيشيرت .
مراد : نايم بنفس العمق في الاوضه على السرير وبردو من غير تيشرت .
ونايمين هلكانين من التعب . ومش حاسين بأى حاجه .
فهد : نايم بيحلم بمعشوقته الصغيره وهي فى حضنه .
أنصاف : قدام الباب بتخبط ومحدش سامع ولا فاقو لأنهم مطبقين اكتر من يوم. مابين شغل ومراقبه وسهر لما أنصاف تصحي وتنزل .
أنصاف : بقلق . يوه هما مفتحوش ليه . وطلعت نسخه من المفتاح وفتحت الباب. ودخلت وقفلته وراها . وخطت خطوتين وشافت فهد نايم على الكنبه ومن غير تيشرت . وعيونها مفتوحه على الآخر بإعجاب من عضلاته . وقربت منه ببطء وقعدت على الارض قدامه . وشافت فهد عن قرب وكمان رياكشاناته كلها حنيه وغرام لأنه طبعا بيحلم بمعشوقته الصغيره . وعيونها على صدره واعجبت جدا بيه . وبتتمناه . ورفعت أيدها ونزلت على خدو وحبت دقنه وشعره الطويل . وفاقت على فونها لانها عملاه ڤايبريشن . وقامت وعيونها على فهد . وراحت عند مراد تصحيه علشان الشغل . ونفس الاندهاش مقلش وقعدت على طرف السرير جمب مراد . وبتتأمل جسمه بإعجاب اكبر لكن قلبها المرادي دق . هي نفسها فى الفهد لكن هي بتحب مراد . وبتتأمل تفاصيل وشه وصدره ولا إراديا قربت من شفايف مراد علشان تبوسه وتصحيه . لكن فهد انقذ الموقف .
فهد : كان نايم بعمق وبيحلم بمعشوقته الصغيره . لكن بدء يفوق لما أنصاف حطت ايدها على خدو . وكان لسه هينطق اسم رينو . لكن فاق على صوت فونها الهزاز . وفتح عينيه وشافها داخله على اوضة مراد . وقام بسرعه وكان متدايق اوى منها ولبس التيشرت . ورايح على الاوضه . وشافها هترتكب غلطه .وبتقرب من مراد . لكن كح . وقال انتى هنا !؟؟ مين الل فتحلك .
أنصاف : اتخضت . واتعدلت . يوه ياخويا خضتنى هو انت عملى الاسود ليه كدا . اووف . طبعا هي مدايقه لأن فهد لبس التيشرت وكمان كانت عايزه تصحي مراد بطريقتها .
فهد : بغيظ حقيقي . هو انا كلمتك . انا داخل اصحي عصام لقيتك قاعده جمبه سالتك مين الل فتحلك .
مراد : فاق . وشاف أنصاف لازقه فيه . وفتح عينيه على الاخر بصدمه . وبلع ريقه . وقال جواه نهار ابوكي اسود . يابت الكلاب . واتغاظ من فهد . لأنه فكر انه فتحلها من غير مايصحيه . واتعدل . احم ايه ده القمر جمبى . لا ده انا محظوظ بقى . وشد التيشرت ولبسه بديق وخنقه حقيقيه .
أنصاف : بحب . صباح الورد والفل والياسمين
مراد : صباح العسل ياقمر . انتى هنا من امتى !؟
أنصاف : انا لسه داخله حالا .
فهد : جواه يابنت النصابه .
أنصاف : خبطت عليكو كتير . ومحدش رد عليا . ولا حد فتح . وبصت لمراد بحب . قلبى قلق عليك اوى ياعصام . قومت فتحت بالنسخه الل معايه . ودخلت عليك على طول اصحيك . علشان عندك شغل مهم جدا انهردا .
مراد : طيب ادينى بس ١٠ دقايق . هادخل الحمام واخد دش وافوقلك ياقمر ..وقام بغيظ مكبت وسابها ودخل الحمام .
وفهد : راح المطبخ يعمل قهوه . لكن اتفاجئ بيها دخلت عليه .
أنصاف : قربت من فهد . وحطت ايدها على صدره . ايه ياعمار مش ناوى تفك كدا وتنسا الل حصل معاك .
فهد : صك على اسنانه بغيظ مكبت . واتحرك يشوف القهوه . ايوه يعنى عايزانى اعمل ايه !
انصاف : قربت منه بدلع . ومسكته من دراعه ووقفت قدامه . يعنى تنساها وتبص قدامك . فى ناس تتمنا ضحكه منك .
فهد : سرح في ضحكة رينو . وغمض عينيه واتنهد . وفتح عينيه وشال أيدها براحه . وقالها للاسف انا هفضل زى ما انا . وحب يغير فى الموضوع . انتى قولتى ل عصام انه عندو شغل مهم . طيب الشغل ده لوحدو ولا انا هكون معاه .
أنصاف : اتغاظت منه . واتكلمت بنرفزه . لأ عصام هيسلم حتة انهردا فى مكان . وانت هتسلم حته فى مكان تانى وتقصد الاثار . وسابته وخرجت وقعدت على السرير بتاع مراد ومستنياه يخرج .
مراد : خرج . وشرب القهوه مع فهد واتفقو على كل حاجه بينهم بالاشاره . ودخل لإنصاف
مراد : ها ياجميل . شغل ايه بقى .
أنصاف : بديق من فهد وكمان مراد . طلعت من شنطه هدوم . حتتين اثار . خد ياعصام . الحته دى هتحطها في عربية البضاعه . وهتروح تسلمها في العنوان ده . وهيكون معاك ٣ رجاله . وبصت لفهد بغيظ وانت خد الحته دي وهتطلع بيها على العنوان ده وبردو هتحطها في عربية البضاعه وهيكون معاك ٣ رجاله . وده رقم العربيه الل هتستلم منك البضاعه . وانت ياعصام ده رقم العربيه بردو الل هتستلم منك . وكل واحد فيكو هيعرف تمن الحته الل معاه من سواق العربيه الل معاه . وهترجعو بالفلوس. وقامت وقفت . افطرو وانزلو وخدو اكل معاكو . لانكو مش هترجعو قبل الليل . وقربت من مراد خبط عليا وانت نازل . وغمزت . وخارجه من الاوضه وخبطت فى فهد عن قصد . ونزلت .
مراد : بص لفهد . وفهد بص لمراد . والاتنين مدايقين منها .
لكن فهد . كل تفكيرو في حلمو الجميل وان رينو كانت فى حضنه وغمض عينيه بحب واتنهد وهمس وحشتينى اوى يارينو .
وبعد ساعه . لبسو وخبو السلاح في لبسهم . وبعتو رساله مشفره لعميل ٣ وأنهم قريب هيوصلو للمقبره الكبيره . ونزلو واخدو القطعتين علشان يسلموها لأن ده اختبار من أنصاف ليهم . ومراد خبط عليها فى وجود فهد . وفتحت وكانت لابسه قميص نوم . ومراد وفهد اتصدمو من شكلها بالطريقه دي . وقالتلهم على شوية حجات تخص الشغل ونزلو متغاظين من المهمه دى وبيدعو تعدى على خير . لانهم قرفانين منها .
——————–بقلمى Mariem Nasar
عادل فى مكتبه ومركز فى شغله . وبيراجع ملف بالحسابات . وفاق على صوت راشوان.
راشوان : صباح الخير يا استاذ عادل . ولا اقولك عادل من غير القاب .
عادل : ابتسم . صباح الخير يا استاذ راشوان . وياريت تقولى عادل انا هكون مبسوط . اتفضل حضرتك اقعد .
راشوان :قعد اممم طمنى والدتك عامله ايه دلوقتى . ياترى عملت العمليه !؟
عادل : الحمدلله يااستاذ رشوان.عملتها من يومين وفاقت بفضل ربنا ثم حضرتك . انا لايمكن انسي جميلك ابدا . وانك انقذتنى من مصيبه كنت هعملها . وكمان أنقذت والدتى . بجد انا متشكر جدا جدا لحضرتك .
راشوان : ياراجل انت بتقول ايه . وبتشكرنى على ايه انا معملتش غير واجبى. كويس انها عملت العمليه وفاقت الحمدلله .
عادل : حبيبي يااستاذ رشوان . الدنيا لسه بخير. الل ذيك انقرضوا من زمان .
راشوان : بصراحه ياعادل . انا محرج منك . لانى كنت جاي انهردا . وقولت لنفسي هطمن على والدتك بنفسي . لكن حصل ظرف طارئ لحدقريبى فى العيله . ومش عارف اقولك ايه واجبهالك ازاى .
عادل : بتمثيل . خير يا استاذ راشوان قلقتنى قولى حصل ايه !؟
راشوان : بخبث . ابن عمى وده صحبى واخويا التانى . حصله انهردا الصبح مصيبه كبيره وخسر كل فلوسه في البورصه .
عادل : بتمثيل لانه فهم نيته . ياساتر يارب. لاحول ولاقوة إلا بالله . طيب وابن عمك ده عامل ايه دلوقتي !؟
راشوان : بتمثيل . اتنهد اهو تعبان وبيكسر في البيت . وحالته زى الزفت . لكن انا مش هسيبه طبعا في ظروفه دى وكلمته وقولتله انا هقف جمبك ووعدته أنى يومين بالكتير وهلم فلوسي الل بره وهساعدو . ما انا استحاله اسيبه في المحنه دى ولا ايه ياعادل !؟
عادل : طبعا طبعا . وده ااقل حاجه تعملها انت بتقول انه ابن عمك وصاحبك واخوك . يعنى لازم تقف جنبه . واتنهد بتمثيل الله يكون في عونه . وعونك انت كمان يااستاذ رشوان . لان معدنك طيب واصيل .
راشوان : متشكر جدا ياعادل . المهم مش عايزك تزعل مني . انا بس هطلب منك الل ٤٠ الف جنيه . وياريت تتصرف فيهم قبل يومين من انهردا . وطبعا ده غصب عني . انا عمرى مكنت هطلبهم دلوقتي .
عادل : افتكر كل تنبيهات آدم ليه . وكمان آدم مفهمه هيعمل ايه بالظبط . واتكلم بتمثيل . اتوتر ايوه يا استاذ راشوان . لكن انت عارف ظروفي . وكمان انا لسه واخد من حضرتك الفلوس مفيش يومين . يعنى حتى لو سالفهم بنفسي من حضرتك . صعب انى ارجعهم بعد يومين . صعب جداً كمان .
راشوان : معلش ياعادل انا عايزك تتصرف . انا مش هسيب ابن عمى كدا . وبعدين انا فكيتلك زنقتك وساعدتك ووقفت جنبك . المفروض تقدر ده .
عادل : انا عارف كل ده . لكن حضرتك بتطلب منى انى اتصرفلك في ٤٠ الف وانت عارف ظروفى . انا حتى كنت لسه بفكر انى اشوف جمعيه وادخل بنص مرتبى علشان اسدد حضرتك .
راشوان : اسف ياعادل . انا مش هستنى الجمعيه الل انت بتقول عليها دى . انا محتاج الفلوس بكره بالكتير وياريت تتصرف .
عادل : بتمثيل . اتنرفز وعلا صوته نوعا ما . اتصرف !؟ اتصرف ازاي يعنى . واجيب منين مبلغ ذى ده . انت ساعدتنى من يومين بس يعنى مش من شهور . وجاى تطلب منى اتصرفلك في المبلغ انت بتهزر . انا صعب انى اتصرفلك في الفلوس ولا ل٣ شهور قدام كمان . اسمع يااستاذ رشوان انا هشوف جمعيه كبيره واحاول اقبضها الاول وهجبلك فلوسك وتسلمنى الوصل . وبعد كدا كل واحد يروح لحال سبيله .
راشوان : يعنى ايه ٣ شهور . انت ناسي انك ماضي على وصل . انا ممكن دلوقتى اقدم الوصل للنيابه . وتتحبس .
عادل : بتمثيل وحب يجيب من الاخر . واتكلم بغيظ . اااه هي كدا . لأ ياحبيبى اتفضل روح قدم الوصل . انا كدا كدا كنت هسرق وهتحبس بردو . يعنى المبدأ موجود . واتفضل بقى اطلع بره واعلى ما في خيلك اركبه .
راشوان : ابتسم . اممم وفرت عليا كلام كتير . طيب اسمع انا هعمل معاك اتفاق حلو اوى . وال٤٠ الف دول اعتبرهم عربون محبه وشراكه جديده.
عادل : مش فاهم . شراكة ايه !؟ وانت مش كنت عايز الفلوس من بكره . وكمان هتقدم الوصل للنيابه . انا مش فاهم حاجه !؟
راشوان : هتشاركنى .
عادل : بردو مش فاهم !!
راشوان : اسمع ومن الاخر . انا عملت ٣ شركات تابعه لشركات آدم العدوى. وشغاله من ٣ سنين وزى الفل . لكن دلوقتي انا محتاجلك علشان باشمهندس زين بيمضيلك على ملفات الحسابات والشحنات. انا بقى هحط أوراقى الخاصه فى نفس الملف وانا عايز الامضا عليهم . وطبعا الامضا مش هتم غير عن طريقك انت . وفى شحنه كبيره وصلت من يومين . وهطلع من الشحنه دى . اجهزه تالفه غير صالحه . لكن هي فى الحقيقه. اجهزه صالحه وشغاله ١٠٠٪. والمشترى بيكون جاهز . لأنه متعاقد مع الشركه التابعه لشركة آدم العدوي. والل هي الشركه الأم .وكمان غير شوية شغل كدا فى قطع غيار السيارات . لكن بردو متوقف على الامضا وده مش هيتم غير عن طريقك انت واهم حاجه انك تتأكد ان زين أو آدم ميراجعش وراك أوراق الملف. . وانت من انهارده هتكون شريكي . وبصله والخير هينزل عليك . وهتاخد أضعاف أضعاف مرتبك . بمكرر . ها قولت ايه ياعادل !!؟
عادل : بصدمه حقيقه . قام وقف اطلع بره انا هحترم سنك ومش همد ايدى عليك . وأشترى نفسك واطلع بره علشان منساش اى حاجه . واعمل حاجه واندم عليها . اطلع بره .
راشوان : ههههههه . وحط رجل على رجل . وطلع سيجار . اهدا ياعدوله . اصل انت هتعمل الل قولتلك عليه وهتنفذ كل حاجه .
عادل : متخلقش الل هيددنى . وبعدين قولتلك روح قدم الوصل للنيابه مستنى ايه . اوعي تكون مفكر انى علشان اخدت فلوس من خزنة الشركه معناها انى حرامي . لأ تبقى غلطان . انا اخدتهم علشان امى كانت بتموت . وكان في نيتى هرجعهم .
راشوان : ببرود . تؤ تؤ تؤ . مش مبرر ياعدوله . السرقه سرقه . وبعدين انت عاجبك حالك ده . متمرمط في الموصلات . ولسه متجوزتش لحد دلوقتي !!
عادل : وانت يخصك في ايه . وبعدين انت شايف سنى عدا ال٣٠ سنه مثلا !!؟ . وقال بخبث انا سامع انك لسه متجوزتش . وانت خلاص بتهايلى داخل ع ال٤٥ . الل بيته من ازاز ياسيادة المحامى المحترم . ههههه محترم !؟ دا انت طلعت مافيا وانا معرفش . يعنى انت سلفتنى الفلوس ومضتنى على وصل . علشان تيجي بعد يومين وتلوى دراعى . بس انت غلطان روح قدم الوصل للنيابه ايه يعنى هتحبس ٦ شهور مثلا على الاقل اسمها هتحبس بوصل احسن بكتير من انى انحبس مغتلس ومستقبلى في الشركه هنا يضيع. انت خدت من وقتى كتير . اتفضل بقى اطلع بره .
راشوان : اعجب بذكاء عادل . وقال جواه دماغك شغاله وهتوفر عليا كتير مش زي طلعت ابدا . وفتح فونه وبعت فيديو عادل وهو بيسرق. على الواتساب . وقاله . احم هتجيلك رساله دلوقتي من رقمى على الواتس عندك اتفرج عليه وشوف وسمعنى ردك بعدها مصمم انى اقدم الوصل . ولا نتفق ..
عادل : فتح الواتس . وعارف إن ده اكيد الفيديو . وجاهز بالرد الل قاله عليه آدم . وفتح الفيديو . وبيمثل الصدمه وفتح عينيه على الاخر . واندهش ومسح ايدو على شعرو . وبص ل راشوان بغضب شديد ا.انت مصورني ياراشوان !؟ مصورنى وانا باخد الفلوس .!؟
راشوان : غلط . انا مصورك وانت بتسرق خزنة شركة آل العدوي . مش بتاخد الفلوس . وها بقى ايه رايك اولا فى تصويرى . ههههه . وياريت تنجز علشان عندى شغل موافق . وبصله بتحدي .. ولا ابعت الفيديو ل آدم باشا وسيادة اللواء طارق السيوفى ومتقلقش عندي منه نسخ كتير اوى اوى . وحب بخوف عادل ويرعبه . وساعتها مش هتتسجن ٦ شهور تؤ دى فيها سنين . وكمان مستقبلك فى الشركه هينتهي . ومفيش واحده هتوافق على واحد رد سجون . وغير كدا هتخرج من السجن وانت في سن ال٥٠ يعنى انت دمرت نفسك بايديك ..وكمل بخبث .. ها موافق تشاركنى مش كدا ياعدوله .!؟
عادل : بيمثل الترجي . ارجوك يا استاذ راشوان . امسح الفيديو ده وانا هتصرفلك في فلوسك وابعد عني انت طلعتلى منين ابعد عنى . انا بصرف على امي واخواتي ارجوك انا مش هقدر اعمل كدا انا ممكن اتمسك في اى وقت ..
راشوان : لا متقلقش انا عامل حسابى على كل حاجه . وانا قولتلك انى شغال على الاساس ده من ٣ سنين فاتت ولا حد عرف . ولا هيعرفو . أولا انت هنا مدير الحسابات الجديد وانت الل هتعمل جرد لحسابات الشركه والشحنات ومحدش هيعرف اى حاجه . وحتى لو عرفو . انت متخفش لان كل حاجه تمت .. زين وآدم ماضيين عليها فاهم . وبص فى الساعه وياريت ترد علشان آدم عندو اجتماع كمان شويه وانا هكون موجود فيه . قدامك حل من الاتنين . يا توافق وهتعيش ملك. ياترفض وهتتسجن واظن انك مش بالغباء انك ترفض .
عادل : انا هاقول ل آدم باشا وساعتها هيرفدك وممكن يسامحنى على الفيديو ده لما يعرف الحقيقه .
راشوان : ههههههههه . انا كنت مفكرك زكي . وتفتكر آدم هيصدق واحد متصور وهو بيسرق ٤٠ الف جنيه من خزنة الشركه . لأ وكمان لسه شغال قريب . العب غيرها انت دلوقتي روحك فى ايدى . ها قولت ايه .
عادل : بتوتر . طيب ايه الل يضمنلى انك مش هتأذينى . وكمان اضمن حقى معاك ازاى
راشوان : ابتسم . تعجبني . لكن مفيش ضمانات . انت طول ما انت شغال معايا في السليم وبتسمع كلامى يبقى انت فى امان .
عادل : طيب انا موافق بس بشرط
راشوان : رفع حاجبه . شرط !!؟ شرط ايه.
عادل : انا هشتغل معاك . وانا الل هكون فى وش المدفع .وانت قولت اني اشاركك .. يعنى مش هقبل بااقل من النص . يعنى انت النص وانا النص . غير كدا مش هوافق . واعمل الل انت عايزو . ومتنساش أنى ممكن احكى ل آدم باشا بعد ماتبعتله الفيديو وساعتها .. هو مش هيصدقنى اه . لكن هياخد احتياطاته .والعيار الل ميصبش يدوش فهمتنى يا راشوان.!؟
راشوان : مط شفايفه اممم . لأ دماغك شغاله . تمام أنا موافق .
عادل : تمام انت بقى تبعتلى صور من أصول العقود بالشركات دى علشان وانا هجهز عقد واظبط الدنيا وتمضيلى عليه علشان أضمن حقى .
راشوان : بخبث العب غيرها . انا هجهز العقد . وامضيلك عليه .
عادل : عيب عليك دا انت محامى . وانا مش همضيك على حاجه غير لما تقرأها . انا بس هضمن حقى . وانت دلوقتي الكوره فى ملعبك . موافق تبعتلى ملف بصور العقود . واجهز عقد الشراكه بينى وبينك وهيكون قدامك بكره وتمضيلى عليه . ولا تروح تقدم الفيديو وكل واحد فينا عارف حاجه يقولهااا ل آدم باشاااا !!؟
راشوان : بتفكير . لانه فعلا ممكن لو عادل اتكلم آدم هياخد احتياطاته . اممم موافق ياعادل .بعد الاجتماع هبعتلك الملف وجهز العقد . وخلى بالك انا هقراه حرف . حرف تمام .
عادل : بمكر . تمام . وكمل بغيظ بس انا اتصدمت فيك يا راشوان . كنت مفكرك حاجه غير كدا خالص .
راشوان : قام وقف . معلش بقى وخلى صدمتك لنفسك . انا طالع الاجتماع . علشان اعرف هاجهز ايه .وهنتفق وابعتلك الاوراق الل زين وآدم هيمضو عليها بخصوص الاجهزه.
عادل : هز راسه ومردش .
راشوان : خرج ومبتسم ابتسامة نصر . وقال مش مهم نص . نص . بكره نخبط خبطه كبيره واهرب بره مصر . واتجه لغرفة الاجتماعات.
عادل : بعد ما راشوان خرج . ابتسم بخبث . وبص وراه وضحك لأن آدم آمر بتركيب كاميرا امبارح .وصورت كل الل حصل ده صوت وصوره . وعادل مبهور من ذكاء آدم . وازاى آدم توقع إن راشوان هيوافق على العقد زى ما آدم طلب.
——————–بقلمى Mariem Nasar
بعد فتره من الوقت .
آدم : قاعد فى المكتب مع زياد ومالك . وبيتكلمو في الشغل . وفون زياد رن وكانت هدى . ورد الو ياست الكل .
هدى : بلهفه . الو . زياد انت فين ياحبيبى . ماليكه شكلها هتولد .
زياد : قام وقف .بتوتر .ايه هتولد . طيب مسافة السكه هكون عندك . وقفل وبص ل آدم . واتكلم بتوتر . ما..ماليكه . ماليكه هتولد .
آدم : ابتسم . طيب انزل بسرعه مستنى ايه . خدها على المستشفى . وبص ل مالك وانت يامالك روح مع زياد . وانا هروح اجيب مريم واحصلكو على المستشفى .
فى ثانيه كان زياد اختفى من قدام آدم . ونزل جري ومستناش مالك . وركب العربيه وطار بيها . ومالك جري وراه وركب عربيته ومتوتر وساق بسرعه علشان يحصله .واتصل على ملك وجاسر يعرفهم .
ماليكه : كانت قاعده فى الجنينه . مع هدي. وبتدارى المغص لانها تعبانه من الصبح بدرى من قبل ما زياد ينزل على الشركه. لكن المغص دلوقتي زاد جدا وغير مغص كل مره . واتالمت كتير . وقالت لهدى انها تعبانه اوي . وهدي دخلتها جوه فى الليفنج . واتصلت على زياد . وطلعت فوق بسرعه وجابت لبس لماليكه وشنطه وهدوم البيبى . وماليكه بتصرخ بالم ومش مستحمله الوجع .
هدى نزلت بسرعه : ودموعها نازله وبطمن ماليكه وقالتها أن ده طبيعي متخافيش . وسمعو فرمله عربية زياد . الل نزل جرى ودخل وشاف مااليكه دموعها نازله وبتتالم . وقلبه بيدق بخوف . لكن قرب بسرعه ونزل على ركبه ماليكه حبيبتي ماليكه .
مليكه : بدموع . زياااد ااااه مش قادره يازياااااااااد . الحقني ااااه ياااارب . اااه وعيطت ودموعها نازله.
زياد : بتوتر. وقام تعالى يا حبيبتي وشالها وقابل مالك وهو خارج .
مالك راح بسرعه وفتح باب العربيه وزياد قعد مليكه جمبه . وهدى قالت ل زياد اطلع انت بيها على المستشفى بسرعه . وانا هتصل على ابوك وهركب مع مالك بسرعه .
زياد : ركب العربيه بتوتر . وساق بسرعه علشان شايفها بتتالم وبتصرخ . وماليكه ماسكه ايدو . اااه ياااارب مش قادره الرحمه ياااارب ااااه .
زياد : بقلق حبيبتي ماليكه اهدى ياحبيبتى خلاص قربنا . وساق بسرعه رهيبه وكسر الإشاره لتانى مره . واتصل على محمد وقاله أن ماليكه بتصرخ ومش مبطله عياط . محمد قاله جيبها وتعالى . وانا هجهز كل حاجه .. وخلاص زياد وصل المستشفى . ونزل وشالها ودخل بيها الاوضه ونيمها على السرير . وماليكه ماسكه ايدو وبتصرخ زيااااااد متسبنيش ااااااه .
نور : جت بسرعه . حبيبتي ماليكه .
ماليكه : نوووووور الحقينى والله مقاااااااادره خلااااص انا من زماااان تعبااااانااااااا اتصرفوووو .
زياد : الدموع اتجمعت في عينيه . ومش عارف يعمل ايه .
نور : حبيبتي اهدى . حالا الدكتوره جايه . انا هركبلك الكانيولا . وكمان الدكتوره هتولدك بدون الم . ثوانى . وقاست ليها الضغط
.وركبتلها المحلول . وحطت ليها حقنه . وشافت دموع زياد نازله . وقالت زياد اهدى مافيش حاجه . إن شاء الله هتكون كويسه .
زياد : مش سامعها وعيونه على وش ماليكته الل بتصرخ وتعبانه . وقلع ليها الحجاب . ومسح وشها بايديه وحضنها جامد وخاف عليها اوى . وماليكه كلبشت فيه وصرخت .
الدكتوره : دخلت . ولسه هتتكلم . لكن بصت على ماليكه . وقالت حبيبتي انتى خلاص فاضلك دقيقه واحده . ومش هتحتاجي لبنج
نور : خرجت . علشان سمعت صوت العيله بره الاوضه تطمنهم .
الدكتوره : بتحاول تخفف عن ماليكه . مدام ماليكه حضرتك بتتالمى من امتى .
ماليكه : بتنهج بتعب . وبتتكلم كلام متقطع وقالتها من الصبح . تعبانه اوي من الصبح .
الدكتوره : طيب يامدام خلاص اهو ادفعى بس مره . وقبل ما الدكتوره تكمل ماليكه صرخت بصوتها كله . وكان ياسين خرج لنور الدنيا .
ماليكه : بتنهج وسمعت صوت ابنها . وابتسمت
بتعب . وغمضت عينيها ودموعها نزلت .
زياد : عيونه على ماليكه ومحسش اصلا أنه حضر معاها الولاده . وكمان مهتمش لأى حد . وسامع صوت ياسين لكن مش مركز عيونه على ماليكته الل وشها كله ميا وعيونها مغمضه بتعب وبتنهج . ومسح وشها بايديه . ماليكه . حبيبتي . ردي عليا . مليكه .
ماليكه : فتحت عينيها . زي..زياد اا.انا . اا.انا . ولدت يازياد . ابنى . ابنى يازياد .
الدكتوره : ظبطت كل حاجه . ومبتسمه لأن الولاده ماخدتش وقت كتير . وراحت عند ماليكه . حمدالله على سلامتك يامدام ماليكه .انتى استحملتى كل الألم ده وجايه في اخر لحظه . الف مبروك ولد زي القمر .
الممرضه : شايله البيبى وبيعيط وقربت من الدكتوره .
الدكتوره : اتفضل حضرتك . ابنك وحمد الله على سلامت مدام ماليكه .
زياد : قلبه دق لما قالت ابنك . وبص عليه بين ايدين الممرضه . وعندو شعور غريب ولاول مره . والممرضه حطت البيبى بين ايديه .
زياد : قلبه بيدق بسرعه كبيره .
ماليكه : شايفه تعابير زياد . وابتسمت برعشه . لأن ربنا كريم . وقدمت ل زياد ابن واخ وصديق . وعيطت علشان خاطر زياد .
زياد : عيونه اتملت بالدموع . ودموعه نزلت على ايد البيبى . وعندو ١٠٠ احساس مختلف . الل بين ايديا ده ابنى . يعنى انا بقيت اب . يعنى انا هيكون ليا اخ وصاحب وابن . وابتسم ودموعه نازله . وقرب برعشه وباسه من جبهته . وبص على ماليكه . وضحك بدموع ماليكه ياسين ياماليكه .
ماليكه : هزت راسها وبتضحك بدموع . ابنك يازياد ورفعت أيديها عايزه ياسين يازياد.
زياد : قرب ياسين منها وحطه على دراعها جمبها . وماليكه عيطت . وهمست ياسين حبيبى . وباست كف ايدو . وبصت ل زياد مش هات إذن لابنك !؟
زياد :كلمة ابنك كفيله تخلي قلبه يدوب . وهز راسه . وشاله بين ايديه . وإذن بدموع .
الدكتوره : بصت لماليكه . خمس دقايق وهتخرجي على الاوضه حمد لله على السلامه .
ماليكه : ابتسمت الله يسلمك . وبصت ل زياد . حبيبى . طلع ياسين للعيله . ماما هدى مستنيه اللحظه دى من زمان .
زياد : ابتسم . حاضر ياروحي . انا هطمن العيله وهطلعهم ياسين وراجعلك حالا . وخرج .
العيله : واقفه بره . وكان . آدم ومريم . وحسام وهدي . وجاسر وملك . ومالك وساره . وزين . ورنا وهنا ومريم عزيز . ومحمد ونور . وباقى العيله فى الجامعه والشغل ..
زياد : خرج والسعاده مرسومه على وشه . وهدى جريت عليه . ودموعها نازله . وملك وجاسر ومالك كلهم بيطمنو على ماليكه . وزياد طمنهم . وقال لهدى . اتفضلى ياست الكل حفيدك !!
هدي : قلبها دق من كلمة حفيدك وشالته وبتضحك بدموع . وقربته من قلبها وحضتنه بحب .
وكل العيله بتبارك لزياد وهدى وجاسر وملك وحسام .
زياد : سابهم وراح بسرعه لماليكته ودخل وقعد على طرف السرير . ماكي حبيبتي انتى كويسه دلوقتي .
ماليكه : اتنهدت بسعاده الحمدلله ياحبيبى انا بخير .
زياد : قرب من وشها . وايدو على خدها . رعبتينى عليكى .
ماليكه : ابتسمت . اسفه ياحبيبى .
زياد : قرب اكتر وباسها بكل خوف وعشق . حبيبتي ربنا يخليكي ليا ياقلبى حمدلله على سلامتك ياماليكتى .
ماليكه : بحب الله يسلمك ياحبيبى .
وبعد كدا ماليكه طلعوها على الاوضه . والكل بارك وهنا . وملك كانت مبسوطه جدا . وهدى مش عاطيا فرحتها لحد وشايله حفيدها وقاعده جمب حسام الل فرحان وحاسس أن ياسين حفيده من صلبه . ومالك وساره باركو وفرحو لماليكه وزياد . وآدم ومريم مبسوطين علشان خاطر زياد اكتر من اى حد . وكمان مليكه وشايفين حبها ولهفتها على ياسين وانها هتكون ام عظيمه . ورنا وهنا باركو لماليكه وملك وهدى . وزين بارك ل زياد واستأذن ورجع على الشركه . وطارق عرف من رنا وهو فى المديريه وخلص شغل وراح على المستشفى . وكمان يوسف وأشرف عزيز . وفارس جاب رودي ورينو من الجامعه وطلعو على المستشفى . وماليكه كانت مبسوطه جدآ بلمة العيله حواليها . وآدم قال ل زياد ميجيش بكره الشركه ويقعد مع ماليكه . واتفقو أن العقيقه الاسبوع الل جاى في فيلا زيادجمال .
ورينو : كانت مبسوطه . لكن فى نفس الوقت . كانت بتتخيل انها مكان ماليكه وفهد مكان زياد . وجايبه لفهد حته منه . واخر اليوم الكل استاذن وروحو . وزياد قاعد مع ماليكته في المستشفى . ومبسوط جدا . وحاسس أنه ابن ال٢٠ ومش مصدق انه بقى اب وهيعمل عيله . وقعد جمب ماليكه وكل شويه يبوس ايديها لانها سبب سعادته . واهتم بيها ..وماليكه نسيت كل الم عاشته وقت الولاده لما شافت سعادة زياد وكمان ياسين قلبها. وكمان مبسوطه لان عيلتها بتكبر .
——————–بقلمى Mariem Nasar
رينو بالليل فى اوضتها ———–
بسم الله نبدأ
رينو : بالليل فى اوضتها والكل نام لكن هي سهرانه وبتذاكر علشان امتحان الترم الاول قرب خلاص . وكانت الساعه ١ صباحا . والجو بيمطر . وسابت مذاكرتها وقعدت تدعي لفهد . ومراد . والعيله كلها . وفونها رن . وقامت بسرعه وجريت على السرير وجابت الفون من على الكمود . وضحكت بدموع . وردت بلهفه .الوو .
فهد : بحب .رينو .!!! نجمتى .
رينو : بسعاده . فهد.
فهد : قلب الفهد يارينو .
رينو : بتضحك بدموع وابتسامتها دخلت قلب الفهد . حبيبى وحشتنى اوى يافهد .
فهد : انتى الل وحشتينى موت . عامله ايه يا حبيبتي.!؟
رينو : انا كويسه ياحبيبى. انت كويس يافهد!؟
فهد : اتنهد باشتياق . انا كويس اوى دلوقتي . رينو بتاكلى كويس.؟
رينو : ايوه ياحبيبى متقلقش عليا .
فهد : لا يارينو . مريم قالتلى اخر مره انك انتى مبتاكليش كويس .ليه كدا يارينو.
رينو : بدموع . اعمل ايه بس يافهد . انا مش عارفه افكر في اى حاجه غيرك انت وبس . ومسحت دموعها . فهد انا مشتقالك أوى . انا حياتى ناقصه من غيرك .
فهد : اتنهد بزعل . وهمس رينو . انتى عارفه أن كل ده غصب عني . انا نفسي اغمض عيني وافتحها الاقيكى في حضنى . والله العظيم انا حياتى ملهاش لازمه من غير وجودك فيها .
رينو : بدموع . عارف يافهد نفسي اشوفك اوى . انا هتجنن من بعدك عني . انت بعيد عنى حوالى ٣ شهور يافهد من قبل الدراسه . وخلاص الامتحان كمان اسبوعين.
فهد : بزعل . امتحانك امتى ياروحي.
رينو : اخر يوم في الشهر هو يوم واحد بس .
فهد : ازاى يعنى مش فاهم ماده واحده بس
رينو : احنا بناخد ٤ مواد أساسيه . وبنمتحن فى المواد دى بعد السيكشن . لكن فى ماده واحده بس هي ماده عملى همتحنها اسمها الطب الشرعى والسموم الإكلينيكية وهمتحنها اخر يوم فى الشهر . وعيطت انت وحشنى اوى يافهد ونفسي اشوفك .
فهد : حبيبتي علشان خاطر فهد بلاش دموعك دى . طيب بقولك ايه رايك لو اتصل عليكى فيديو .
رينو : قامت وقفت. وضحكت بسعاده . بجد . بجد يافهد .وقالت بلهفه . يعنى هشوفك . طيب ياريت بسرعه .
فهد : ابتسم من قلبه علشان هيشوف رينو
.ثوانى ياحبيبتى . هقفل وهظبط حاجه فى الفون وهتصل انا.
.مراد بيكلم فريحه فى الاوضه وبراحتهم لأن أنصاف مسافره وراجعه الصبح.
وفهد فى الصاله وقاعد على الكنبه . وفتح الايميل على الفون . لان ده فون بشريحه تانيه خالص غير الل مع أنصاف وبردو مع مراد فون بشريحه تانيه.
.وفهد .اتصل على رينو .
رينو : قامت بسرعه وقلبها بيدق بسرعه كبيره. وحطت لمسات خفيفه ميكب اب . وظبطت شعرها . وسمعت صوت رنة الفيديو . وجريت وقعدت على السرير بتوتر . ورجفه في جسمها . وفتحت . وفهد شاف معشوقته ورينو شافت عشقها . وقلبهم دق بقوه رهيبه
.ومحدش فيهم اتكلم كل واحد بيتامل حبيبه . ودموع رينو نزلت . وفهد شافها . وهز راسه بلاء . واتكلم مش عايز اشوف دموعك اوكى .
رينو : ابتسمت . ومسحت دموعها . اذيك يافهد !؟
فهد : قلبه بيدق بسرعه . وبيحفر تفاصيلها. انتى جميله اوى اوى يارينو . لكن وشك متغير . وده طبعا من قلة الاكل . وضغط المذاكره . رينو لو بتحبنى ممكن تفوقى علشانى . حبيبتي صدقينى انا كويس وعايزك تكوني بخير مش عايز اقلق عليكى .
رينو : ابتسمت . حاضر . حاضر ياحبيبى . انت وحشتنى اوى . وبصتله انت ليه مربي شعرك كدا . وكمان دقنك !؟
فهد : نام على الكنبه . وابتسم . دى حجات كدا لزوم الشغل . وحب يفكها بس ايه رايك اجنن مش كدا !؟
رينو : اممم . عايز الصراحه . هو شكلك حلو اوى اوى . لكن انا بعشق دقنك الخفيفه . وشعرك المظبوط مش طويل كدا . وابتسمت انا بحب فهد جوزى انا .
فهد : ضحك . وانا بعشق رينو مراتى انا . واحنا كدا عكس بعض . انا بعشق شعرك الطويل . وانتى بتحبى شعرى القصير . خلاص ياروحي . إن شاء الله اول ما ارجعلك بالسلامه انتى قصيلى شعرى بايدك . انا هكون ملك ايديكى واعملى الل قلبك يحبه .
رينو : اتنهدت بحب . انا اول ما اشوفك مش هخرج من حضنك يافهد .
فهد : اتنهد . وانهار من جواه من جمال حبيبته واشتاقلها اكتر . انا بحبك اوى يارينو . وقوليلى بقى لسه بتتمرنى و بتذاكرى كويس .
رينو : بتمرن بسيط هنا في الفيلا على اجهزت بابى .. والمذاكره يعنى مش اوى .
فهد : بتحذير . لارين ايه يعنى دى !؟ انتى عايزه بعد الجواز تجيبى جيد جدا ولا ايه . لأ طبعا مينفعش . انا عايزك تجيبى اعلا من الامتياز كمان . حبيبتي انتى تعبتى فى الطب . ولازم تركزى ويستى ركزى علشانى . علشان فهوده حبيبك وغمز .
رينو : هههههههه . ايه ده . فهوده . انت مش قولتلى بلاش فهوده ده .
فهد : اهو علشان الضحكه الل دوبت قلبى دى . انا مستعد اغير اسمى . وابقى فهوده السيوفي . ايه رايك بقى !؟
رينو : اتنهدت بعشق . ربنا يخليك ليا يافهد .
فهد : لمح مراد خارج وشاورله يقرب عليه وميتكلمش .
مراد : اتكلم مع فريحه . وقفل وخرج . وراح قعد جمب فهد وشاف رينو وابتسم وسلم عليها وهزر معاها . ورينو فرحت جدا . وسلمت على مراد الل واحشها جدا . ومراد قالها بما أن المكالمه على حساب فهد عايز اشوف فريحه . ورينو حست بايجابيه . وقامت بسرعه . وخبطت على فريحه الل كانت طايره من الفرحه وسلمت على مراد . ومراد بيحب وبيغازل فريحه قدام فهد عادي ولا كأنه موجود . ومراد اكتشف قد ايه انه مشتاق لفريحته اكتر بعد ماشافها . وبعد كدا . رينو من فرحتها صحت البيت كله . وآدم ومريم قامو مخضوضين . لكن لما شافو مراد فرحو جدا . وكمان كانو مبسوطين علشان شافو فرحة رينو من قلبها اخيرا . وفرحو بالفهد . والكل علق على شعرهم ودقنهم . وزين صحي وسلم عليهم . وعرفوهم أن زياد بقى اب اخيرا وجاب ياسين. ومراد وفهد فرحو علشانه. وكانت مكالمه جميله جدا . وفهد عيونه على معشوقته . وقلبه بيدق بسعاده علشان وعدته انها هتتعشى بعد ماتقفل . وكمان وعدته انها هتذاكر بكل حماس . وحست بطاقه كبيره جواها .
وكانت ليله جميله جدا على كل العيله والعشاق . ورينو اول مره تنام بسعاده وضحكتها على وشها . ودعت انها تحلم بالفهد .
وفهد : نايم مبسوط قوي . وملامح رينو مش قادر ينساها . ومشتاقلها اكتر من الاول . وقام وجاب السلسه الل مخبيها . وفتحها وباس رينو . وسرح فيها لحد الصبح ماطلع عليه . وشال السلسله . وصلى الفجر وصحي مراد وصلى . ونامو بسعاده .
——————–بقلمى Mariem Nasar
تانى يوم ف شركة آل العدوي .
عادل : خبط ودخل على آدم . صباح الخير يا آدم باشا .
آدم : اهلا اهلا . صباح الخير ياعادل . تعالى .
عادل : احم . حضرتك قولتلى امبارح فى الفون انى اول لما اوصل الشركه اجي لحضرتك على المكتب على طول .
آدم : ايوه ياعادل . وفتح الدرج وطلع ملف . وقدمه ل عادل . ده الملف الل هيمضي عليه راشوان .
عادل : اخد الملف وفتحه . لكن استغرب . ايه ده حضرتك !؟
آدم : بصله . خير ياعادل . ده ملف الشراكه بينك وبين راشوان . اظن واضح عندك فى الورق .
عادل : ايوه فعلا وواضح جدا . وكل حاجه وكمان مكتوب انى انا وراشوان شركاء بالنص . وكمان شرط جزائي . وأسمى كاملا ورقم بطاقتى . واسم راشوان ورقم بطاقته . ومكان الامضا . بتاعة راشوان بس الل فاضي .
آدم : ايوه بالظبط . ورقم بطاقة راشوان مكتوبه في صور الأصول الل جابهالك امبارح . وانت سلمتها ل زين . وانا امبارح بليل في البيت جهزت كل حاجه . وكله متوقف على امضة راشوان .
عادل : حس انه غبى . وبص ل آدم . حضرتك راشوان هيمضي على عقد شراكه . انا مش فاهم حاجه . مفيش اى كلمه تثبت أن راشوان مغتلس . لأ ده عقد شغل ومفيهوش اى حاجه تخلى راشوان يشك . طيب انا مش فاهم المفرض نخلى راشوان يمضى على حجات غير كدا خالص . انا حقيقي هتجنن .
آدم : ابتسم . هتفهم كل حاجه بعد الامضا . ومتقلقش . قوم انت علشان راشوان قدامه دقايق ويكون موجود . واكيد هيدخل عندك اول واحد . واكيد هياخد منك الملف ويقراه كلمه كلمه . وهيكون قدامك طبعا . ويمضي . على كل الاوراق دى . وبعد ماياخد نسخه . تجبلى انا بقى النسخه الل معاك .ومتنساش اي كلمه الل انا حفظتهالك امبارح .
عادل : هرش في قفاه حاضر .. والله ما انا فاهم حاجه . عموما حاضر حضرتك زي ما تحب . انا هنزل انا المكتب .
آدم : هز راسه . ومتنساش تشغل كاميرة المكتب .
عادل : اكيد . اكيد بعد اذنك . وعادل نازل يكلم نفسه . ومش فاهم حاجه .ودخل المكتب وشغل الكاميرا . ولسه بيقعد . وكان راشوان داخل عليه . ومبتسم صباح الخير ياعادل .
عادل : بيمثل أنه مخنوق قوي منه علشان بيورطه . اهلا .
راشوان : ياساتر ايه اهلا دى . وايه مركبلى الوش الخشب ليه على الصبح .
عادل : يعنى انت مصورنى وبتستغلنى لمصلحتك الشخصيه . وحياتى مهدده بسببك . ومش عايزنى اصدرلك الوش الخشب . المفروض منتظر منى ايه !؟
راشوان : ههههههههه قلبك ابيض بقى ياعدوله . وبعدين مصلحتنا بقت واحده . يعنى زي ما الخير هيعم عليا . هيعم عليك انت كمان . ها جهزت العقود . ولا اعملها انا .
عادل : بتريقه . لا طبعا أنا عمرى ما هثق فيك . انا جهزتها . واتفضل اقراها برحتك من هنا لبكره .
راشوان : اخد الملف ومش واثق فى عادل . لكن فتح الملف . وقرا كلمه كلمه . وقراه مره واتنين وتلاته . وبيراقب حركات عادل . وشايفه ثابت وشغال فى ملفات الشغل عادى . واخد وقت كبير وكان متردد .
عادل : بنفاذ صبر . قفل الملف الل قدامه . وقال أنا بقول كدا بردو . انت متمضيش . ونقطع الملف بالعقود . وتسلمنى الفيديو . وتصبر عليا في الفلوس لحد ما اسددك . وكل واحد يروح لحال سبيله . واوعدك لو قابلتك فى اى مكان هكمل طريقة ولا كأنى اعرفك . ها ايه رايك .
راشوان : أتأكد أن عادل مش ممكن يغدر بيه ! وابتسم . بس ياسيدى متزعلش نفسك كدا . ومسك القلم ومضي على ٦ورقات . اهو يعم تمام كدا . اتفضل انت ٣ عقود . وانا نفس ال٣ عقود وشراكه موفقه إن شاء الله .
عادل : اخد الملف . وحطه جمبه بعدم اهتمام . وبص ل راشوان . واتكلم بلغة تهديد. وهيقول زى ما آدم قاله . واتكلم . عارف ياراشوان لو اكتشفت اى حركة غدر منك اقسم بالله ما هيكفينى روحك قصادها . انت ماسكنى من ايدى الل بتوجعنى . لكن ساعة الجد انا ممكن اقطع دراعي كله . وادفنك مكانك .
راشوان : ابتسم واتاكد كدا أن عادل عمرو ما هيعمل حاجه ضده .. اييه ياعم عادل . ماتهدى شويه . انا ماشى فى السليم . ومتقلقش انا مصلحتى معروفه . وطلع ملف اتفضل يا يسيدى . ده ملف فيه اوراق بتسبت أن فى جهازين تالفين . لكن فى الحقيقه هما زى الفل . تحط الورق ده فى ملف يخص الحسابات . وزين هيمضي . وتطلع بعدها عند آدم ويمضي . تمام . وبعدها تجبلى بقى انا الملف . وليك عليا اول دفعه هخليك تشترى شقه . اتفضل .
عادل : من جواه بيشتم في راشوان . واخد الملف وحطه فى الدرج . تمام اول ما يمضيه هاجبهولك . واتفضل بقى علشان عندي شغل . وعلشان محدش يشك في قعدتك هنا .
راشوان : قام معاك حق .انا رايح ل آدم دلوقتي على المكتب . وبعد ساعتين هروح المخزن مع زين . علشان نسلم نص الشحنه سلام يااا شريكى . ههههه وخرج .
عادل : مردش . وشتم عليه جواه . وبص للملف . بتعجب . انا هتجنن من آدم باشا . طيب راشوان مضا على العقد ومكتوب . هو هيستفاد اييييه . انا راسي ركبت على الصبح . لما اطلب قهوه يمكن افهم آدم باشا ..
——————–بقلمى Mariem Nasar
فى الجامعه بعد اول محاضره .
رينو . ورودي قاعدين في الكافتيريا . ومنتظرين المحاضره التانيه . رودي شايفه أن رينو مبسوطه جدا . وسألتها عن السبب . ورينو حكتلها كل حاجه . عن مكالمة الفيديو بينها وبين فهد والعيله . وحاسه انها اسعد واحده في الدنيا وقاعدين يضحكو . وبعدها رودي قالت . انا جعانه .
رينو : اووف عليكى بجد . انا حاسه انى معايه عيله صغيره مش طالبة طب ابدا . وكمان متجوزه و حامل في الشهر التامن .
رودي : اله يعنى اجوع نفسي وكمان چود !؟
رينو : بعدم فهم . چود !!؟ چود مين !؟
رودي : حطت ايدها على بطنها . بنتى يختى . فارس سماها چود . قالى لو ولد هاسميه چواد . ولو بنوته . هاسميها چود . او چودي . انا قولتله چود حلو . ولا انتى ايه رايك!؟
رينو : لا اسم جميل اوى . وفتحت شنطتها . وطلعت شوكلت امسكي صبرى نفسك بيها لبعد المحاضره .
رودي : اخدتها أممم احلا شوكلت دى ولا ايه وبعدين انا معنديش محاضرات تانى انهردا . انا قاعده معاكى لما تخلصي انتى. وبتاكل في الشوكليت اممممم جميله تاخدي حته .هههه .
معتز : جه عليهم . صباح الخير .
رينو . ورودي . بابتسامه صباح الخير يا دكتور معتز .
معتز : بيأس . اذيك يا دكتور لارين .
رينو : ابتسمت . الحمدلله يادكتور . وحضرتك؟
معتز : اتنهد . ونفسه يقولها أنه تعبان بسبب حبه ليها ومن طرف واحد ومبقاش ينفع . لكن اكتفي ب الحمدلله . وبص ل رودي . وحضرتك يادكتور رودي عامله ايه .!
رودي : ابتسمت الحمدلله تمام جدا . وحضرتك عامل ايه !؟
معتز : هز راسه . الحمدلله . احم انا جيت علشان اقولك يادكتور لارين انى اعتذرت عن محاضرة انهردا . وهعوضك بكره إن شاء الله . احم اقصدى يعنى هعوض الدفعه كلها بكره لان حصل ظرف طارئ . انا بعتذر .
رينو : ابتسمت اوكي يادكتور . إن شاء الله بكره هنكون موجودين . وميرسي لحضرتك . لانك قولتلى بنفسك . بجد متشكره .
معتز : متشكرنيش . يلا بعد اذنك . واتحرك .
رودي : بعدم فهم . اله . هو الدكتور معتز ماله كدا بقى مكشر على طول !!
رينو : ولا مكشر ولا حاجه . انتى مش سمعاه قالك عندو ظرف طارئ .
رودي : لأ لأ لأ . صدقينى معتز ده شكله مصدوم عاطفيا وواحده مدياله على قفاه .
رينو : اممم يسلام . الدكتوره رودي عبدالله . محللة الشخصيات . وانتى ايه الل عرفك بقى يانبغا في مجالك .
رودي : اتريقى يختى اتريقى . بس عارفه . انا شوفت الكأبه دى قبل كده اه والله . وشوفتها فيكى وفى فهد كمان . كنتو مكشرين كدا على طول . ويمكن اكتر بكتيرررر من معتز ده .
رينو : بت بطلى تقولى اي كلام وخلاص . وعارفه احسن حاجه انه كويس جدا انه لغى المحاضره . انا هموت وانام . انا نايمه بعد الفجر وقايمه كسلانه . قومي بقى خلينا نروح .
رودي استنى هتصل على فارس . واتصلت وقالها ساعه واكون عندك . وقاعدين يستنوه .
ومعتز . خارج من بوابة الجامعه افتكر أنه كان عايز يسلم ل لارين ملزمه مهمه علشان تفيدها فى الامتحانات ورجع علشان يوصلها ليها …
رينو : يابنتى فكك بقى الله اعلم بحال الناس . مصدوم عاطفيا ومعرفش ايه .
رودي : يابت صدقينى . انتى كنتى مكشره كدا من الثانوى فاكره كنتى كائيبه ازاى . ووعدتينى لما سالتك . قولتيلى سيبنى برحتى يارودي واكيد فى يوم هحكيلك . ولا حكتيلى ولا حاجه . واتاريكو كنتو بتحبه بعض ومعرفتنيش . بت سوسه .
رينو : بتوتر . يااااه انتى لسه فاكره . وبعدين مكنش فى حاجه من الل فى تفكيرك ده .
رودي : بغمزه يابت عليا انا . وقامت وقعدت جمبها . بصي بقى بما اننا قاعدين فاضيين وفارس قدامه ساعه ويوصل . بالله عليكي تحكيلى قصة حبك انتى وفهد بدأت ازاى ومن امتى . بلييييز . هموت واعرف من سنين
رينو : ابتسمت . انتى بت رخمه اوى على فكره . وبعدين مفيش قصة حب ولا حاجه .
رودي : بتمثيل الزعل . كدا يارينو . يعنى انا حكتلك كل حاجه عن فارس لانك اختى . ودلوقتي انتى مش عايزه تحكيلى عن فهد . وكمان فهد بقى جوزك . وبصتلها خلاص مش عايزه اعرف ميرسي يارينو .
رينو : كشرت عينيها . يابت انتى العبي غيرها . لكن علشان خاطرك انا هاقولك .
رودي : ضحكت ايوه بقى . استنى وفتحت اللانش بوكس وهتبدء تاكل . احكى بقى وانا بصبر البت چود بحاجه بسيطه على ما نروح . قولى قولى سمعاكى .
رينو : بيأس يخربيت طفاستك يارودي . وچود بنتك هتاكل كل ده . ماعلينا كلى كلى . وحطت الكتب على الترابيزه . وسندت علي الكتب وحطت أيدها على خدها بدءت تحكي . بحب وسعاده لانها نفسها طول الوقت تتكلم عن الفهد . وقالت ..
رينو : انا وفهد كبرنا مع بعض . وكانت طفولتنا جميله اوى فى وسط العيله . كلنا كنا نتجمع مع بعض وكبرنا مع بعض . واحنا صغيرين فهد ديما كان يلعب معايا بالالعاب . وكانت طفوله عاديه عيال صغيره مش فاهمين حاجه . وكبرنا على كدا . لكن اول ما كبرت . ومامي وبابى علمونا يعنى ايه حلال وحرام . وممنوع نسلم بالايد على شباب العيله
واللعب والهزار بحدود . وكمان الشباب كانو متفهمين ده جدا . وبعدها كبرت وكنت في الاعدادي . وبدء اهتمام فهد بيا . يعنى مثلا لو روحت فى اي مكان بحكم القرابه كان يروح معايه حتى لو ابيه مراد معايا . ولما بنكون في الجنينه بحس ديما انه بيراقبنى . ولما دخلت الثانوى . فهد اتغير وبقي بيغير عليا بطريقه ملحوظه . وانا مكنش عندى تفسير لكل الغيره دي غير أننا قرايب . وبصت لرودي . فاكره نادر الفرفور واحنا فى ثانوي.
رودي : بتفكير .ايوووه ايووه نادر الفرفور ابن المدير ابن الجزمه فاكراه ماله .
رينو : فاكره يوم ماعكسنى واتصلت على بابى وجالى المدرسه . وتانى يوم فهد جه واخدنى من الفصل تفتكرى !؟
رودي : بتاكل . امممم فاكره لما قولتيلى خدك بالعربيه وصلك لحد البيت ومشى .
رينو : اتنهدت بهيام . اهو فهد جه تانى يوم لانه عرف ان نادر عاكسنى وضربه علشانى .
ولما انتى كنتى فى المستشفى فى دكتور مش فاكره اسمه. واتكلم معايه. ولما فهد شافه بس واقف معايه وكلامه ليا كان اعجاب . اتفاجئت بفهد ضربه وزعق وقاله انت ازاى تكلم خطبتى كدا وخلا الدكتور يعتذرلى . واتنهدت بهيام فهد طول عمرو بيحمينى . وبعدها كشرت . لكن حصل مشكله يوم خطوبة اختى نور ودي بداية الفراق .
رودي :؛ ايوه بقى انا عايزه اعرف السبب
رينو : اتوترت . لكن قررت انها مش هتحكي عن البوسه ولا كلامها الجارح لفهد . لكن قالت . فى اليوم ده فهد اعترفلى بحبه ليا . وانا معرفش ايه الل حصلى . ولما ابيه محمد اتقدم ل نور انا من فرحتى حضنت ابيه محمد . وكمان رقصت مع نور . وده دايقه جدا مع انى كنت لسه صغيره . وفهد مستحملش وزعقلى وكان غيران . وانا قولتله أنه مالوش دعوه بيا ويبعد عنى وانا حره اعمل الل انا عيزاه . واتخانقنا مع بعض. ومن ساعتها فهد بعد عنى واخد جمب وانا كمان لكن اكتشفت بعدها انى بحب فهد جدا . وبعاده عنى كان بيقتلنى. وفضلنا على الحال ده اكتر من ٤سنين . لحد ماكان راجع فى يوم مجروح وانا غيرت على الجرح . ولما سافر اتصل عليا فى عيد ميلادي .وسالنى لو في حد بيدايقنى ولما قولتله كان غضبان جدا . وقدملى الهديه الل عرفنا بعد كده انها فيها جي بي اس . ولما اتخطفت . وفهد انقذنى قولت لنفسي ابقى غبيه لو بعدت عن فهد تانى . فهد امانى وحمايتى . فهد سندى . ولما كنت فى المستشفى اعترفتله بحبى ليه وقولتله مايبعدش عنى تانى . وفهد اعترفلى بحبه . واتقدملى في المانيا . والباقى انتى عرفاه . فهد غيرته قاتله . بيغير عليا من اى حد مهما كان . لكن تعرفى انا مشتاقه لغيرته اوى.
رودي : هييييح . قصة عشق الفهد . انا كدا استريحت . وبصراحه انتو الل اتنين لايقين على بعض . وفون رودي رن . وكان فارس .
ردوي : يلا بينا يابنتى فارس وصل وقامت ومسكت اللانش بوكس . هكمل اكل فى العربيه.
رينو : صكت على أسنانها روووودي . ارحمي كرشك . وضحكو ومشيو .
ومعتز كان رايح يديلها الملزمه . ووقف جمب شجره . وسمع قصتها وعشقها للفهد وغيرت الفهد عليها . واتنهد وقال أنا مش عارف انساكي . ولا قادر ابعد عنك .
——————–بقلمى Mariem Nasar
بعد فتره . ف شركة آل العدوي .
آدم وطارق فى المكتب .
طارق : هيتجنن ومش فاهم ليه آدم خلا راشوان يمضي على ورق مكتوب عليه وحاجه كمان ملهاش لازمه . ويقوله طيب فهمنى !؟ وآدم مش راضي يريح طارق . وبيضحك وده منرفز طارق جدا
وعادل خرج من مكتبه بعد ما أتأكد أن راشوان وزين خرجو من الشركه .وطلع ل آدم ومعاه الملف . ودخل احم السلام عليكم .
آدم وطارق . وعليك السلام .
آدم : اتفضل ياعادل تعالى ..
عادل : واقف قدام المكتب . اتفضل يا آدم باشا . ده ملف راشوان الل مضي عليه . وده الملف الل راشوان عايز من حضرتك تمضي عليه وكمان امضة الباشمهندس زين . وتسجيل الكاميرا صوت وصوره هيكون موجود قدام حضرتك كمان شويه . وعادل نفسه يسال آدم . خليت راشوان يمضى على ورق مكتوب بالشراكه ليه . لكن مينفعش .
آدم : فتح الملف وشاف امضة راشوان وبوضوح . وفتح ملف قديم . وقارن امضة راشوان بامضته فى ملف تاني . وشاف الامضا متشابهه وابتسم . وبص ل عادل متشكر ياعادل . تعبتك معايا .
عادل : العفو يا آدم باشا انا رقبتى فده حضرتك . حضرتك متعرفش مقامك عندى ايه . وكمان مراد ونعم الأخ .
آدم : ابتسم وهز راسه . وبص ل عادل . وقاله كلها بكره بس وكابوس راشوان هينتهي . متقلقش كل حاجه هتكون تمام . وزي ماوعدتك هيحصل تمام .
عادل : افتكر وعد آدم أنه هيخطبله شهد . وفرح جدا وشكره واستأذن وخارج مبسوط .
وآدم كان قاصد انه يخلى عادل مبسوط علشان ينسي الملف وميسالش على حاجه تخص الامضا .
طارق : انا مش فاهم حاجه ابدا . يبنى فهمنى بدل ما اتغابى عليك .
آدم : بص لطارق . عايز ايه ياض . انت صداع ليه !؟
طارق : بغيظ عايز ايه !! عايز افهم عايز اعرف ايه سبب الامضا الل ملهاش لازمه دي !؟
آدم : ببرود . رفع السماعه وقال للسكرتيره متدخليش اى حد عندي . وقفل . وبص ل طارق . وابتسم هتعرف حالا ياصديقى . وجاب الملف وطلع ال ٣ ورقات .وجاب مسطره . وكانت كل ورقه تحتها ورقه وملزوقه من الأطراف بماده بتتفك لكن بحرفيه علشان الورقه الل تحت متتقطعش . وآدم حرك المسطره بين الورقتين وبحرفيه وحظر . فصل الورقتين عن بعض .
طارق : بصدمه عيونه مفتوحه على الآخر ومتنح وبوقه مفتوح .
آدم : فصل ال٣ ورقات . واصبحو ٦ ورقات . الورقه الل تحت فاضيه واكبر من الورقه الل فوق . والامضا بتاعة راشوان . ممضيا على الورق الفاضي من تحت . ورقم بطاقة راشوان مكتوبه . وآدم شال ورق الشراكه وحطه فى الدرج . ومسك ورقه بايديه وقال ل طارق الل متنح فهمت !؟
طارق : متنح وبص ل آدم . وهز راسه مش معقول .
آدم : اتكلم . انا يسيدى طلبت من عادل انه يقول ل راشوان على حوار الشراكه وان عادل الل يكتبه . وانا الل جهزته جبت ورق وقصيت منه حوالى ٥ سم بحرفيه كبيره . وكتبت عليه حوار الشراكه وبعدها جبت الورقه الكبيره الفاضيه وحطيتها تحتها ولزقتها من الأطراف بحظر شديد بحيث الاتنين يكونه ورقه واحده . وكتبت مكان الامضا على الورقه الفاضيه علشان راشوان يمضي عليها وحصل . وبص قدامه قابل ياراشوان .
طارق : بزهول مش معقول . ايه الفكره دي !؟ ده الشيطان مبيفكرش كدا . لأ لأ لأ . انت مش طبيعي .
آدم : ههههههههه . ولسه ياض ياطارق . ولسه كلها انهردا وبس .وبكره نهاية راشوان .. انت مش عارف انا ناوى اكتب فى الورق ده ايه ..
راشوان . بدء يفوق . وبيفتح عينيه بتعب وكانت عينيه مربوطه بشريط . ومش شايف حاجه خالص. وبيحاول يتحرك أكتشف أنه مربوط ومتكتف بحرفيه شديده . وفى مكان ضلمه وفى هدوووووء شديد .ولوحدو . وخاف وصرخ انااااااا فيييييييين ———
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشق الفهد)
لقراءة الجزء الأول من الرواية اضغط على : (رواية جريمة عشق)
لقراءة الجزء الثاني من الرواية اضغط على : (رواية عشقتها منذ نعومة أظافرها)
