رواية عشق الفهد الفصل الثامن 8 بقلم مريم نصار

رواية عشق الفهد البارت الثامن

رواية عشق الفهد الجزء الثامن

رواية عشق الفهد الحلقة الثامنة

بسم الله نبدأ
عادل : امم . طيب يا استاذ طلعت . انا عايز اعمل جرد لحسابات الشركه والشحنات من ١٠ سنين فاتت لحد انهردا !!
طلعت : بصدمه حقيقه . اييييه .!!
عادل : بعدم فهم . خير يا استاذ طلعت . انا طلبت حاجه غريبه ولاحاجه !؟. انا جاى اشتغل هنا .مدير حسابات ومن الطبيعي اعمل جرد لحسابات الشركه من وقت كبير علشان افهم واعرف .
طلعت : بصوت جهورى . فيها انك بتشك فيا . وفى حسابات الشركه. انا هنا من زمان جدا وانا الل بعمل الجرد . واخر جرد كان من اسبوع والملف بتاعه قدامك اهو . اتفضل راجع عليه بنفسك . ولما تبدء شغلك تبقى عيد حساباتك انت برحتك . انا مش حرامى علشان تقولى جرد من ١٠ سنين .
عادل : بتعجب من رد فعل طلعت . حضرتك انا مش شايف اى غلط فى كلامى لرد فعلك ده . وانا مقولتش أن حضرتك سرقت أو شكيت فيك . انا بعمل شغلى مش اكتر . وانا بحب شغلى . وطلبت الجرد لانى فى اى شركه او اى شغل بعمل جرد علشان ابدء صح .واكون على وعي وفهم . وبصله . هو حضرتك انا قولت حاجه غلط!؟ ولا مش من الطبيعي أنى اعمل جرد ولا ايه يا ..استاذ طلعت !؟
طلعت : بتوتر . وبيمسح وشه بالمنديل . ها. ايوه ايوه . طبعا . احم. طيب ادينى اسبوع كدا وانا إن شاء الله اجهزلك كل حاجه .
عادل : هز راسه. ولكن مارتحش لتوتر طلعت . امم تمام . انا اتشرفت جدا بحضرتك ..
طلعت : بتوتر . و..وانا كمان يبنى . استاذن انا وخرج على طول .
عادل : راح ل آدم . وخبط ودخل . اسف للازعاج . وكمان السكرتيره مش موجوده بره علشان استأذن ..
آدم : تعالى يعادل . اتفضل ومتقولش كدا . مكانك وشاور اقعد يعادل .
عادل : قعد . متشكر يافندم .
آدم : ها بقى . طلعت شرحلك هتعمل ايه بالظبط !؟
عادل : بتوتر . احم .بصراحه انا جاى لحضرتك مخصوص علشان اتكلم معاك فى الموضوع ده.
آدم : موضوع ايه !؟
عادل : حضرتك الاستاذ طلعت قدملى ملف بالحسابات لآخر شحنه واخر جرد من اسبوع بس . وانا طلبت منه أنى عايز اعمل جرد لحسابات الشركه من ١٠ سنين فاتت . لقيته اتعصب عليا واتكلم بنرفزه . واتهمنى كدا انى بشك فيه واني شايفه حرامى . وانا والله صدقنى مقصدش كدا ابدا. انا بس دى طبيعة شغلى . لازم افهم نظام الشركه من أكبر وقت فات علشان افهم واعرف ولا ده مش من حقى . وبعدين انا استغربت رد فعله وأنه يثور بالطريقه دي . وغير كدا انا فاضى ومواريش حاجه . قالى اسبوع واجبلك الاوراق والملفات ..
آدم : سمع عادل . وسكت شويه ومردتش عليه . وبعدها رفع سماعة الفون . واتصل على السكرتيره . وقالها ابعتيلى مسؤول في الحسابات على مكتبى .
وعادل اتوتر من سكوت آدم .
المسؤل دخل . تحت امرك يافندم .
آدم : الاستاذ عادل مدير حسابات الشركه الجديد وهيستلم مكان الاستاذ طلعت . وانا طلبت منه يعمل جرد لحسابات الشركه والشحنات حالا . استاذ عادل هيروح معاك على الأرشيف .وشوف ايه الل هيطلبه منك وتعمله . اتفضل . وبص ل عادل اتفضل يا استاذ عادل . عايزك تعملى جرد على ملفات الشركه الوارد والصادر في المخازن وتقارنها بملفات الحسابات وخد وقتك . وهستنى منك تقرير فى اقرب وقت.
عادل : اعجب جدا بطريقة آدم وتفكيره . وقاله بإذن الله يافندم اسبوع وملف شامل يكون قدام حضرتك . واستأذن . ومشى .
.وآدم فضل ساكت شويه يفكر في رد فعل طلعت . لكن رفض الفكره لان طلعت شغال معاه اكتر من ٢٠ سنه وبيثق فيه . وفاق على صوت فون الشركه .
محمد : فى المكتب .والباب لسه هيخبط . قالها ادخلى ياروحي .
نور : ضحكت . ههههه ودخلت . والله نفسي اعرف انت عرفت ازاى بجد أنى على الباب حتى بعد النقاب .
محمد : قام وقفل الباب بالمفتاح . وقرب منها . حبيبتي وبنوتى الحلوه . لازم احس بيكى لآني بحس بطاقه غريبه . وساعتها بعرف أن نورى قريبه جدا منى .
نور : مسكته من البالطو . اممم عارف!؟ . بتمنى ديما انك تحس بيا طول العمر .
محمد فك النقاب . وحطه على الكرسي . وحاوطها من وسطها . طول ما محمد بيتنفس . اعرفى انى هحس بيكى ديما . انتى رحلة عشق يانورى مش حب وبس .
نور : بصت فى عينيه . حبيبى يامحمد ربنا يخليك لينا وانت كمان حب وعشق عمرى كله .
محمد : لاارديا . قرب من نور بحبك يانورى . وباسها . ونور تجاوبت معاه . وبعد فتره . نور حطت راسها على صدره . انا الل بحبك اوى ياحماده .
محمد : انهار من جواه . مابلاش حماده دى احنا فى مكان شغل .
نور : بطفوليه . اله بقى . وبصتله انا اقولك حماده فى اى وقت . انا بحب اقولك حماده ..
محمد : وانا تحت امر نورى حبيبتي قولى حماده فى اى وقت لكن مش قدام حد اتفقنا وخصوصاً تيمو.
نور : بضحكه رقيقه . اتفقنا ياحماده .
محمد : لأ بقى دا انتى مصممه .
نور : بدلع مصممه على ايه يابيبى .
محمد : مصممه انى هشيلك دلوقتي وهنطلع على عشنا .
نور : اتكسفت ووشها بقى احمر . وسكتت .
محمد : رفع دقنها بايده وباسها بوسه رقيقه . وحشتينى اوى يانورى..
نور : بصوت مبحوح . وانت كمان يا حماده ..
محمد : همس فى ودنها . البسي نقابك ويلا بينا على عشنا .
نور : طيب وفرح نرمين والدكتور مروان انت ناسي انه انهردا.
محمد : لأ مش ناسي .ولسه بدرى . كدا كدا . هنروح البيت علشان نلبس ونجيب تمارا وتيم من عند آدم . يلا بقى احنا دلوقتي . لانى عايزك فى كلمتين مهمين جدا . وبعدها نجيب الولاد ونروح الفرح اوكي .
نور : ابتسمت بحرج . اوكي . ولبست النقاب .
ومحمد اخدها وخرجو وطلعو على عشهم . واول مادخلو الشقه شالها ودخل بيها على عشهم وعاشو وقت جميل مع بعض .
وبعدها . اتغدو ولبسو وراحو عند آدم واخدو تيم وتمارا وراحو على فرح نرمين . وحضرو الفرح وكان يوم جميل. وكانت نرمين ومروان مبسوطين جدا . وكان فرحهم مميز . ومروان اخد نرمين على عشهم . وأصبحت مراته قولا وفعلا . ونقول مبروك لنرمين ومروان .
——————–بقلمى Mariem Nasar
بعد يومين .
مراد راجع من الشغل وكان مخنوق . والكل موجود في الفيلا .
مراد : السلام عليكم .
كلهم : وعليك السلام ..
مراد : باس مريم وكانت شايله آدم . اذيك يامريوم .
مريم : حبيبي الله يسلمك يامرادي حمدلله على السلامه ياروحي.
مراد : الله يسلمك ياحبيبتي. اذيك ياحج آدم..
آدم : الله يسلمك .حمدالله على السلامه.
مراد : الله يسلمك ياحج . وسلم على زين وريتال واريان و لي لي
وقرب على آدم الصغير وباسه . اومال فريحه ومريم فين !؟
مريم : بنتك مريم غلبت فريحه وغيرانه من آدم . قولتلها اكلى آدم وخليه معايه وخدي مريم جمبك علشان متأثرش على نفسيتها من ناحية اخوها .
مراد : بتفهم .. فريحه اتغدت .
مريم : مكانتش عايزه تاكل غير لما انت تيجي . وبعتلها مع زينب طبق فاكهه تاكلها لحد ما انت تيجى . اطلع انت وغير هدومك وانا هاقول لسعاد تجهز الغدا .
مراد : هز راسه تمام . وقام وقف .
آدم : حس ان مراد متغير .. اطلع انت يامراد . وهبعتلك الغدا على فوق واتغدي انت ومراتك وبنتك مع بعض .
مراد : يسلام . عليا النعمه برنس . وبص ل مريم . شوفتى الحج آدم ده دماغه الماظات . تسلم ياحج .
آدم : لا انا هبعتلك الغدا علشان تخفى من وشى مش عايز رخامه .
مراد : ههههه رخامة مطبخ.
آدم : اطلع ياض .. اطلع واتغدى وابعتلى مريم نونو جايبلها الشيكولاته بتاعتها .
مراد : يسلام . ربنا يخليك لينا ياحج .وقرب وباس راسه . وآدم اتنهد بحب . ومراد طلع . وشاف فريحه قاعده على السرير وبتلاعب مريم . وبيهزرو مع بعض .
فريحه : اول ما شافت مراد . ضحكت بفرحه وقامت لان مراد فاتح ايديه . وفريحه اترمت في حضنه . مرادى حبيبى وحشتنى .
مراد : اتنهد بزعل . وانتى كمان يافريحتى وحشتنى اوى اوى . وفريحه خرجت من حضنه
مريم : مولاد مولاد .
مراد : ابتسم بحب . قلب مولاد انتى تعالى وفتح ايديه ونزل على ركبه وحضنها كتير وفضل يبوس فيها . انتى يابت عسل كدا ليه وطلع من جيبه شوكليت لمريم . ومرضيش يقول ل آدم لان آدم كل يوم يجبلها . ومريم فرحت وسقفت لاتا لاتا . مولاد بيبى يعنى مراد حبيبى .
ومراد فتحها ليها وسابها . وكان ساكت .
فريحه : استغربت مراد . حبيبى انت كويس .
مراد : بصلها . ومش عايز يقولها أنه هيطلع مأموريه مع فهد بعد العقيقه . واتنهد . لا يابت مفيش حاجه . انا بس من الصبح فى الجهاز وروحت المرور وحجات من دى . ورجعت متأخر . وقام وقرب منها وبصلها تانى وقربها منه . انتى ماتغدتيش ليه يافريحه !؟
فريحه : حاوطت رقبته بايديها . اممم . مستنيه مرادي حبيبى علشان ناكل مع بعض .
مراد : حاوطها من وسطها وقربها منه اكتر . متعمليش كدا تانى . لما اتاخر كلى انتى وبعدين انتى لسه والده ولازم تاكلى كويس.
فريحه : بدلع تؤ انا هستناك . انت عارف !؟ الاكل حقيقى فى وجودك ليه طعم تانى .
مراد : زعل من جواه . طيب ولو قولتلك علشان خاطر مرادك حبيبك .
فريحه : بصت فى عينيه . علشان خاطر مراد حبيبى اعمل اي حاجه حتى لو مستحيله .
مراد : ضمها لقلبه بحب وحضنها ومتكلمش .
فريحه : مغمضه عينيها فى حضنه . تعرف انى مشتقالك أوى ياحبيبى .
مراد : حب يهزر . وحيات امك يابنت الورما انتى . طيب وده ينفع .
فريحه : ههههههه . اله بقى ياموراد انا قولت الل جوايا .
مراد : لا ياروح امك . خلى الل جواكي . جواكي علشان انا بصبر نفسي بالحضن ده اشطا . والباب خبط .
مراد : طلعها من حضنه . ده اكيد الغدا . وفتح الباب واخد الغدا . وشكر زينب . وحط الغدا على التربيزه . وشاور لفريحه وقربت منه . وقعدها على رجله وهيااكلها.
فريحه : ابتسمت . لأ بقى انا هاخد على الدلع ده .
مراد : ومالو يقلبى خدى كل الدلع .. ونده على مريم نونو . تعالى ياقلبى كلى
مريم نونو . جريت عليه . وبتزن علشان ينزل فريحه من على رجله .
مراد وفريحه ضحكو . وشالها على رجله التانيه . وقالها تعالى ياحبيبت ابوكي . انا هاكلك انتى كمان . وبدء يأكل مريم الاول لانها غيرانه من فريحه واكل فريحه . وفريحه بتاكله . ومريم نونو بتقلدها وترفع المعلقه ل مراد وبتحاول تأكله . وضحكو هما التلاته وكان غدا مميز ومريم عملت جو حلو للغدا .
وبعد الغدا .
مراد : مريومه . تروحي ل آدم .
مريم : رفعت ايديها يشيلها . اتم بيبى اتم بيبى .
مراد : بيبك . تعالى ياختى وشالها . ونزلها ليهم . اتفضل ياحج بيبى . مريم اهي .
آدم : بصله بغيظ . ايه بيبى ده كمان .
مراد : هههههههههههه والله ما انا مريم بتقولى اتم بيبى . ههههه بت عندها نظره بردو .
آدم : بغيظ . قصدها آدم حبيبى يامتخلف .
مراد : وهي حبيبى وبيبى ايه ههههه واحد ياحج آدم . وجتله فكره . وبص ل مريم امه .
مريوم . بصي علشان نفرق بين آدم الكبير والصغير . زى ما بنقول مريم نونو . هانقول ل آدم الصغير آدم بيبى هههههههههههه.
وكلهم ضحكو عدا آدم . لكن ضحك لما شاف مريم نونو بتضحك . بتضحكى على ايه يابنت ال… واتنهد ما هو ابن كلب جبله مش عارف اشتمك .
مراد : هههههههه . معلش ياحج استحمل .
آدم : طلع الشيكولاته . ومريم سقفت آدم بيبييى
والكل ضحك .
ومراد طلع عند فريحه ياخد شاور ويقعد معاها شويه . وكان محتار ومش عارف يقولها أنه مسافر بعد ٣ ايام ازاى . هي بلد عربي لكن بعيد شويه . واتنهد وبيفكر ياترى يافهد عرفت رينو ولا لسه .
رينو : بتعيط فى حضن فهد .
فهد : متدايق علشانها . واخدها كلها في حضنه . بس يارينو كفايه عياط .
رينو : فااهد انت رايح مهمه يافهد وهتسبنى وبتعيط ..
فهد : نفخ بديق . طيب بطلى عياط علشان اعرف افهمك . انا يدوبك قولتلك جاتلنا مأمورية . وانتى نازله عياط وخرجها من حضنه ومسح دموعها . حبيبتي . ده شغل وغصب عنى مش بايدى . انا لو عليا انقل مكتبى هنا جمبك .
رينو : بتعيط بشهقات بسيطه . انتو بتروحو مهمات وبتقعدو بالشهور يافهد . وانا مش عارفه هعمل ايه من غيرك وعيطت. .
فهد : زعلان علشانها . وقربها منه حبيبتى انا هسافر ايوه انا ومراد لكن المأموريه في بلد عربي . وإن شاء الله هنخلصها بسرعه. وبعدين يارينو الدراسه هتبدء اهي كلها ١٠ ايام . وانتى هتروحي الكليه . يعنى وقتك كله هتضيعيه في المذاكره ياقلب فهد . وبصلها بزعل وترجي كفايه دموع بقى ارجوكي .
رينو : بعياط طفولى . انا بحبك اوى يفاااهد ومبقتش بعرف انام غير فى حضنك .. متسنيش وتمشى . واترمت في حضنه .
فهد : مش عارف يسكتها . وقام وشالها ودخلها اوضة النوم . ونيمها على السرير . وقعد جنبها . وجابلها ميا . وشربها . حبيبتي اهدى وصدقينى انا هتصل عليكى فى اى وقت اكون فاضى فيه .
رينو : نايمه . واتكلمت بشهقات بسيطه . ابيه مراد كان بيقول لفريحه كدا . ومكنش بيتصل كتير . وبصتله بعشق ودموعها نازله . انا مقدرش اعيش من غيرك يا فهد .
فهد : قلبه دق من نظرتها . وقرب منها . وباس عيونها . وقالها وفهد مايقدرش يتنفس طول مارينو بتعيط وقرب من ودنها وهمس لو بتحبى الفهد كفايه دموع .
رينو : غمضت عيونها . وقلبها بيدق . وسكتت .
فهد : شافها مغمضه وشهقات بسيطه . قرب منها وباسها . البوسه المعهوده . واخد رينو فى جنته وحاول ينسيها العالم كله .
وبعد فتره كبيره . شالها واخدها الحمام ونزلها فى البانيو . وشاف أن رينو مش معترضه على حاجه . وباسها من جبينها . واخدو شاور لاول مره . وخرجها . وقالها انا هصلى العشا . وانتى كمان صلى . علشان نتعشى مع بعض
ونقعد شويه فى البلكون .
رينو : اتنهدت بزعل . وهزت راسها ومردتش . وفهد حاسس بيها . وزعلان علشانها وزعلان أنه هيبعد عنها . وخصوصاً أن الدراسه هتبدء وهيكون قلقان عليها . لكن هو هينبه عليها متروحش لوحدها ابدا .
وصلى العشا . ورينو صلت وعيطت وهي بتصلى وافتكرت جرح كتفه . والخطر الل بيقابلهم ودعت ربنا كتير انه يحفظ مراد والفهد . وبعد شويه . خرجت وكان فهد بيجهز في العشا وهي جهزت معاه لكن ساكته وبتكابر ومش عايزه تعيط قدامه .
فهد : شافها كده . وعيونها حمرا . ولكن سكت معلقش . وقعدو يتعشو وهي كانت بتاكل بتمثيل . لكن فهد اكلها غصب عنها . وبعد العشا بص فى الساعه وكانت ٨ . وقام وشالها . وقالها تلبس علشان هنخرج مع بعض نتمشى شويه .
رينو : معترضتش ولبست فستان اسود رقيق فهد بيحبه . ولبست نقاب بلون تانى . وكانت فاتنه . وكان عايزها تلبس نقاب اسود . لكن شايفها ساكته وزعلانه متكلمش واخدها وخرج وقعدو على البحر ومودها بدء يتظبط . واشترالها بلون كبيره . وورده . ونزل على ركبه يقدملها الورده فى وسط الشارع والناس موجوده والكل منبهر بالفهد . ورينو فرحت وضحكت . وفهد ضحك لما شاف ضحكتها . وقدملها الورده وقالها بحبك اوى ياعشق الفهد
وقضو وقت جميل اوى مع بعض . واخدها على محل مجوهرات . واشترالها سلسله عليها اسم فهد وقالها دى سلسله باسمى وانى انا بين ايديكى . ورينو كانت مبسوطه جدا . وروحو البيت مبسوطين . ورينو قلعت هدومها ولبست طقم رقيق . وفهد قرب منها ولبسها السلسله . وقالها دى رمز حبى ليكى وان فهد بين ايديكى يارينو .
رينو : حطت راسها على صدره . هستناك يافهد . وهدعيلك في كل وقت وكل سجود . تروح وترجع لمعشوقتك بالسلامه يافهد .
فهد : زاد من حضنها . وابتسم . حبيبتي انتى يارينو . واخدها وقعدو على السرير . وهو رجع راسه لورا . وخدها في حضنه . وقالها . اسمعى يارينو . الكليه قربت وع الأبواب . ومفيش يوم تروحيه لوحدك . آدم او زين أو طارق أو محمد . يوصلوكى وترجعى بنفس الطريقة . انتى هتكوني عند آدم . انا علمتك ازاى تدافعي عن نفسك . وكمان عايزك وانا مش موجود تتدربى وتمرنى نفسك علشان ليقاتك اوكي . واسمعى اي حد يكلمك في الجامعه مترديش عليه . واتكلم بتحذيرر شديد .وااسمعي يالارين . لو شوفتى حد بيموت قدامك فى الشارع مالكيش دعوه . الشارع مليان ناس كتير غيرك. اديكى شوفتى الل حصل معاكي قبل كده . ودلوقتي خطف البنات بقى بالطريقه دي . وكمان بيخدروهم عن طريق العصاير والمناديل . واحده تقولك اتفضلى منديل . او اتفضلى اشربى العصير ده . فكك من الحوارات دى . ده كله شغل عصابات . ويالارين مش عايز اكون قلقان عليكى متروحيش الجامعه لوحدك . ولو مفيش حد فاضى وفارس هيوصل رودي . يبقى يعدى عليكى ويوصلك مع رودي . فاهمه يا لارين .
رينو : بصتله مدام قولت لارين يبقى انت مخنوق قوي صح يافهد !!
فهد : ضمها لحضنه .واتنهد اسف ياحبيبتي . انا مش مخنوق . انا بس خايف عليكى .
رينو : زادت من حضنه . متقلقش يافهد انا هكون بخير علشانك . إن شاء الله كل حاجه هتكون كويسه . وانت كمان خلى بالك منك علشانى.
فهد : ابتسم . وباس جبينها . انا كلى علشانك يارينو . ونيمها في حضنه ونام .
فيلا العدوي . يوم الاجازه
آدم ومريم . والكل موجود على الفطار . مراد وفريحه . وزين وريتال . ومريم نونو على رجل آدم . والكل بيفطر . علشان يجهزو للعقيقه انهردا وكل العيله معزومه .
آدم : استغرب صمت مراد. وإن دى مش عادته وكمان لاحظ ان مراد كل شويه يبص على فريحه كأنه عايز يقولها حاجه . وشاور ل مريم تشوف مراد ماله .
مريم : بصت على مراد وشافته بنفس الحاله .
مرادي . مالك ياحبيبى ساكت ليه مش عوايدك يعنى .؟
مراد : اتنهد . ابدا يامريوم مرادك كويس ومسك ايديها وباسها . ربنا مايحرمنيش منك أبدا يااميرة البيت .
آدم : لما شاف مراد بيتكلم بالطريقه دي . فهم وعرف إن مراد هيسافر . وزعل من جواه .
مريم : متأكد يامراد . انت بقالك يومين ساكت كدا وسرحان . ايه ياحبيبى فى حاجه مضيقاك .
زين : مراد لو في حاجه مزعلاك قول . احنا فعلا مش واخدين عليك كدا .
مراد : بتمثيل . جرا ايه يازينو . وانا ايه الل هيزعلنى يعنى . انهردا عقيقة آدم بيبى ههههههه . وبعدين الواد هيتنقط انهردا . ياترى عمه زينو هينقطه بكام . ااقل من ٥٠ج مبنقبلش ههههههههه .
مريم : ضحكت وفريحه .
زين : ٥٠ ج !!! انت داخل على طمع بقى . انا هكرمشلك ٢٠ج وتحمد ربنا .
مراد : لا بتتعب والله . وبص ل آدم طبعا الحج الكبير . اكيد هيفاجأنا انهردا . اومال انا سميته آدم ليه . علشان تتوصى ومش هقبل بااقل من ٩٥ ج ههههههههه .
آدم : اتنهد . وقاله عينيه ل آدم وأبو آدم .
مراد : فهم ان ابوه كاشفه . احم تسلم ياحج وده العشم . وبص ل مريم وانتى بقى يامريوم هتدفعى كام لحفيدك . وخلى بالك اسمه على اسم الغالى وغمز . هاا .
مريم : بحب . ولا كنوز الدنيا كلها تساوى حرف من حروف ال آدم .
كلهم . اوووووو . وزين سقف هو ده .. ومراد صفر . ايوه بقى . والبنات ضحكت . ومريم اتكسفت
آدم : قلبه دق من اميرته . لكن ضحك على جنون ولاده . ومسك أيد ملهمته وباسها حبيبتى وروحي . ربنا مايحرمنيش منك أبدا يااميرة قلب آدم .
فريحه وريتال . حاطين ايدهم على خدهم وقالو بصوت واحد . اممم هيييييح .
زين : بص ل ريتال . وبص على مريم . شوفتى البت اهي تنحت اهى .
مراد : بص على فريحه . جرا ايه يابت المستخبى هو انا مقصر ولا حاجه .
فريحه : بحب بصت ل مراد . انت !؟ انت سيد الرجاله كلهم يامراد قلبى .
مراد : ايوه كدا اتعدلى . والكل ضحك وكملو احلى فطار جماعى .
مريم : فريحه اطلعى انتى ياحبيبتي وحاولى تنامى شويه . ومريم نونو مع آدم . علشان تقدرى تقعدي مع العيله فى الحفله .
فريحه : حاضر ياماما ربنا يخليكي لينا يارب واتحركت على فوق .
ريتال : همست زينى .
زين : نعم يا روحي .
ريتال : بدلع زينى .
زين : ايه يابت بقولك نعم .
ريتال : برقه . وحشتنى اوى اوى يازينو.
زين : احم. وانتى كمان ياقلب زين وحشتينى اوى
ريتال : مش هتيجي تقفل البلكون ونشد الستاير على اريان ولي لي .
زين : بلع ريقه . بتيجي في أوقات صعبه انتى ياروتى . وغمزلها . بس كدا العيال ممكن تبرد . اطلعي انتى اسبقينى وانا هحصلك .
ريتال : ضحكت برقه . اوكي يازينو . وقامت واستاذنت علشان تشوف اريان ولي لي.
آدم : قام وعطا مريم نونو .لمريم .امسكي ياحبيبتى . وبص لمراد تعالى عايزك فى المكتب .واتحرك ومراد اتحرك وراه .
زين : قام.وعايز يطلع ل روتى . احم مريوم انتى هتعوزى منى اجبلك اى طلبات من بره انهردا للحفله .
مريم : قامت وشايله مريم نونو . لا يازينى . منحرمش منك ياحبيبى. عبدالله جاب كل الطلبات . وواقف مع الطباخ . وسعاد والبنات بيعملو الحلو .
زين : طيب انا هطلع اريح شويه هتعوزي منى حاجه ياحبيبتي .
مريم : عايزاك سعيد ومتهنى يازينى . اطلع ياحبيبي . ولو الولاد مش هيخلوك تعرف تنام . نزلهم هنا انا قاعده مبعملش حاجه . اهو هقرأ قران ويسمعوه جمبى . وشويه كدا توصل اختك نور وتيمو وتمارا . ورينو بنت اللذين الل وحشانى دى .
زين : باس على ايديها . حبيبتي يامريوم ربنا يخليكي لينا ويديمك في حياتنا .
مريم : ولا يحرمنى منك ولامنكو ابدا يازينى .
وزين طلع . وكانت ريتال منيمه الولاد فى اوضتهم الخاصه بيهم .ورجعت لبست طقم رقيق . وزين شافها . وقرب منها وبعدين معاكى ياروتي . انتى هتجننينى معاكى .
ريتال : قربت منه وحاوطت رقبته بايديها . وبعدين معاك انت . جوزى ووحشتنى فيها حاجه دي يازينو .
زين : قربها منه اكتر . دي فيها حجات . تعالى هقولهالك . وقرب منها بكل اشتياق وجنون .
——————–بقلمى Mariem Nasar
آدم : قعد ومراد قعد على الكرسي الل قصاده .
آدم : طالع مأموريه مش كدا !؟
مراد : اتنهد بزعل . ايوه ياحج بإذن الله.
آدم : امتى !؟
مراد : بكره .
آدم : بدهشه . بكره يامراد !؟ ومعرفتش حد لحد دلوقتي. ولو مكنتش انا سالت كنت هتقولنا امتى . وانت نازل للماموريه تسلم وتمشى !؟
مراد : سامحنى ياحج . الحكايه مش كدا خالص والله.
آدم : طيب ممكن اعرف ايه سبب سكوتك اليومين الل فاتو دول . وكمان الماموريه دى فين وعباره عن ايه !؟
مراد : اتنهد . حاضر يابابا هقولك . انا مسافر بكره انا وفهد على بلد عربي . والماموريه عن تهريب آثار بره مصر . وأنهم اكتشفوا مقبره كبيره جدا . لكن الاثار دى اختفت تانى يوم من اكتشافها . ووصلت معلومات أنهم بيجهزو لبيع الآثار دي لبره مصر . وكلفونى انا وفهد . وهنسافر بكره .
وسبب انى ساكت . انا مش عارف اقول لفريحه ازاى انى هسافر . وبصله .فريحه كانت تعبانه اوى يابابا وهي بتولد . الدكتوره قالت إنها ولاده متعسره . انا شوفت فريحه كأنها كانت بتودعنى ومش عايزاني أبعد خطوه واحده بعيد عنها . ولما سألت الدكتوره عن السبب قالتلى اسباب كتير ومن ضمن الأسباب دى النفسيه وانها تكون اتعرضت لضغوط نفسيه . وفريحه يوم ماعرفت انها حامل انا سافرت انا وفهد وقعدت ٤ شهور . وكانت فتره صعبه عليها وعليا . ولما كنت بكلمها كانت ديما تعيط . وغير كدا لما اتصبت هي كانت حاسه اني مش بخير . ومريم وحضرتك . وانا حاليا مش عارف اقولها ازاى انى هسافر . انا خايف تدخل في اكتئاب ما بعد الولاده . وانا بردو مش عارف هسافر وهرجع امتى . ومحتار . وده سبب انى متكلمتش لحد دلوقتي . حتى فهد قال ل رينو . ومن ساعة ماعرفت وهي بتعيط وزعلانه . ونبهت على فهد ورينو ميعرفوش حد من البيت هنا بموضوع السفر . وخصوصاً فريحه . انا بجد مخنوق ومش عارف اعمل ايه !؟
آدم : اتنهد بزعل . وقاله لازم فريحه هتعرف يامراد . وانت غلطان إنك مقولتلهاش من ساعة ماعرفت على الاقل كنت هتحتويها الل يومين الل انت موجود فيهم . وقام اطلع لمراتك وعرفها يامراد . وحاول بطريقتك انها متزعلش. وغير كدا انا مش عايزك تشيل هم فريحه . فريحه هنا الكل موجود جمبها . انت بقى ربنا معاك فكر في نفسك وركز في شغلك . وفريحه لما تفوق ترجع العياده وتباشر شغلها . وهتلاقى نفسها فيه . انت متقلقش فريحه بنتى قبل ما تكون مراتك . وبص ل مراد بقلب اب موجوع . ربنا يوفقك يبنى وتروح وترجع لينا بالسلامه .
مراد : قام وقف وحضن ابوه . واتنهد ربنا يخليك ليا يابابا . ويبارك في عمرك .
آدم : غمض عينيه . وافتكر الرصاصه . مراد عايزك تاخد بالك من نفسك . ومتتهورش ومتقربش اكتر من اللازم . فاهم يبنى .
مراد : اتنهد فى حضن ابوه . فاهم ياحج الله المستعان ..
آدم : عيونه لمعت بدموع . وطلع مراد من حضنه . يلا بقى اطلع لفريحه . وعرفها وجهزو شطنة السفر مع بعض . وحاول تجيبهالها بطريقه حلوه يعنى مهمه خفيفه كدا . مش لازم تقولها. اثار . علشان متخفش فاهم يبنى .
مراد : هز راسه . فاهم ياحج . بعد اذنك . وخرج وطالع لفريحه .
آدم : قعد مكانه . واتنهد . وخايف . خايف من المجهول وأن حاجه تحصل تأثر فى اجمل عيله واجمل ولاد فى الدنيا بالنسباله . ودعى ربه انه يحفظله مراد من كل سوء وشر. ومش عارف هيقول ل مريم ازاى وكمان زعلان على فريحه .
مراد : حس انه اتشجع شويه بعد ماتكلم مع آدم . وطلع ودخل الاوضه وكانت فريحه نايمه على السرير لكن كانت نايمه صاحيه . وشافت مراد وابتسمت .
مراد : ابتسم وراح قعد خلف منها . ورفع راسها وحطها على صدره . وحضنها من الخلف وباسها بحب من خدها .
فريحه : اتنهدت بحب . ومبسوطه إن مراد جمبها . ومسكت كف ايدو وباستها بحب . ورجعت راسها تحت دقنه . عارف يامرادي . انا بس مجرد وجودك في حياتي دى من أكبر النعم عليا . مراد انا بحبك اوى اكتر من اى حد . قلبى بيحبك اوى يامرادي .
مراد : زاد من حضنها . وباس راسها . ومراد مبيحبش حد قد فريحته وبس . ورفع راسها ليه وبص فى عيونها . مراد عايش علشان فريحه وبس . انتى بنتى انا الل مربيكي يابت . انا مش واخدك حبيبه وزجه وبس لأ . انتى من وانتى صغيره انا موجود جمبك . وابتسم .اخدتك مليكه خاصه من الاعدادى فاكره . لما لبستك الحجاب. انتى بتاعتى انا وبس . علاقتى بيكى انا مش عارف افسرها . حبى ليكى غريب مع انى مش رومانسي اوى بس بعشق امك يافريحتى .
فريحه : قلبها بيدق . وانا بموت فيك يامراد . وانا عايزاك ذي ما انت كدا رومانسي على مهيبر انا بموت فيك كدا .
مراد : انا مهيبر يابنت المستخبى .
فريحه : ههههه احلا مورادى والله .
مراد : أممم بتسبتينى يابت . وحاول يتكلم . احم. فريحتى .
فريحه : ماسكه كف ايدو . نعم يامراد .
مراد : هوا ..احم .ومش عارف يجبهالها ازاى .
فريحه : ايه ياحبيبى عايز تقول حاجه !؟.
مراد : انا عايز اقول . انى عايزك على طول مبسوطه . وعايز كمان اقولك ع حاجه لكن عايزك قبل ماتتكلمى وتعملى اى رد فعل سيبينى اكمل للآخر ماشى .
فريحه : بقلق . وحاولت تقوم وتتعدل . لكن مراد رجعها لحضنه تانى . مراد فى ايه انت قلقتنى .
مراد : حبيبتي مفيش حاجه. وغمض عينيه . ودفن وشه في رقبتها . وقرر أنه يكدب عليها علشان متتعبش ومتزعلش . فريحه انا جالى شغل فى بلد عربي . وقبل ما تتكلمى الشغل ده سهل جدا . مهمه خفيفه جدا جدا . عباره عن ملف هنجيبه . هندور على الراجل ده وهنجيبه ومفيش اى خطر . لاننا مش هنبان في الصوره . انا وفهد هتكون فى مكتبنا وندي الاوامر . لضباط من نفس البلد ويقبضو عليه .
فريحه : دموعها نازله . انت هتسافر وتسبنى يامراد .
مراد : رفع راسه . ولفها ليه . حبيبت مراد . انا قولتلك اهو . مأموريه خفيفه . وصدقينى مفيهاش اى خطر .
فريحه : بدموع .لا يامراد انت شغلك كله خطر .
مراد : بتمثيل . مسح دموعها وابتسم . ومسك دقنها بايده وهو مرادك عمره كدب على فريحة قلبه . لو المهمه صعبه هقولك صعبه علشان تدعيلى . لكن هي مهمه سهله جدا . وغمزلها وميمنعش بردو انك تدعيلى . وابوس ايدك حاولى متزعليش . صدقينى ياحبيبتي . انا لو عليا أفضل فى حضن ام آدم طول العمر . وكمان مش هشتغل . هاكل واشرب ببلاش عند آدم . وخميس وجمعه عند ابوكي المستخبى هههههه
فريحه : غصب عنها ابتسمت .
مراد : حضنها . ايوه كدا . اضحكى .
فريحه : بزعل . هتسافر امتى يامراد .
مراد : اتنهد . بكره يافريحتى .
فريحه : بدهشه ايييه . بكره .
مراد : حب يفكها شويه . ومبسوط لانها منهارتش زى كل مره . وغمزلها ماهو مش هينفع بقى يافريحه . قولت اسافر بدرى بدرى . علشان ارجع الاقيكى مستعده ههههه.
فريحه : بتضحك بدموع . بس بقى يامراد .
مراد : هو ايه الل بس . طيب بزمتك . يرضيكى اقعد جمب منك الفتره دى . وانتى مزه ووتكا كدا واغنى ظالموه . ها يابت .
فريحه : ههههه يلهوى بقى سبنى ازعل.
مراد : قرب من بوقها . فريحه العدوي متزعلش ابدا فاهمه وباسها باشتياق .
فريحه : قلبها دق . وغمضت عينيها . وتجاوبت معاه . ودموعها نزلت . لان مراد واحشها من دلوقتي .
مراد : ضمها لحضنه. بحبك يافريحتى . وصدقينى إن شاء الله هرجعلك .
فريحه : زادت من حضنه . هدعيلك في كل وقت يامراد . ومن دلوقتي هستودعك عند الله .
مراد : رفع دقنها بايده وباسها بكل عشق وفريحه تاهت في عشق مراد . وفريحه استكانت وكمان اطمنت أن مراد فى مهمه سهله ومفيهاش خطر عليه وعلى فهد.
ومراد من جواه مبسوط أن فريحه معيطتش زى كل مره . وشكر آدم بقلبه . وفضل قاعد جمب فريحه يهزر معاها .واخدها في حضنه . وقالها بت يافريحه صدقى نسيت حاجه مهمه اوى اعملهالك.
فريحه : حاجة ايه يامرادى .
مراد : انتى والده والمفروض اجيب شبب واعلقه في رقبتك . هههههههههههه الله يخربيتك ياعوض هههههههههههه
فريحه : هيهيهي . وحبت تغيظه . والله كانت احلى ايام . ايام عوض .
مراد : لسعها على قفاها . عوض مين يابنت الورما .
فريحه : عااااااااا بتضربنى وانا والده ياموراد .
مراد : وحيات امك يافريحه لو سمعتك بتقولى كدا تانى . لاعمل من وشك ده شارع بعربياته فاهمه يابت .
فريحه : بدلع يلهوووى حمش .
مراد : لا انا فى الحمشنه معنديش يمى ارحمينى .
فريحه : هههههههه . يادكرى هههههه.
مراد : جرا ايه يابت . هضربك صدقينى .
فريحه : بدلع . تؤ انا عايزاك تبوسنى .
مراد : ينهار اسوس . انتى الل جبتيه لنفسك ياوتكا تعالى واخدها في حضنه وباسها وقضو وقت جميل مع بعض.
وقامو يحضرو شنطه مراد . ومداش فرصه لفريحه انها تعيط . وكل شويه يضحكها ويفكرها بالمواقف بتاعتها معاه . وجهزو كل حاجه . وهيلبسو علشان الضيوف على وصول.
——————–بقلمى Mariem Nasar
اشرف بيلبس وكان زعلان جدا .
هنا : زعلانه ولبست وراحت عندو ووقفت قدامه . ايه يااشرف هتفضل زعلان كدا . إن شاء الله. بابا مصطفى . ربنا هيشفيه ويقوم بالسلامه .
اشرف : بزعل حقيقي. وهز راسه . ومتكلمش.
هنا : مسكت ايده . حبيبى انت مؤمن وموحد بالله . وبابا مصطفى كبر فى السن ومعرض في اى وقت انه يتعب . وبعدين يااشرف الدكتور طمنا انها ازمه خفيفه وعدت . حبيبى ارجوك خليك قوى . ماما شيرين منهاره ومحتجالك. وهتتقوى بيك .
اشرف : اتنهد بحزن . إن شاء الله ياهنا . وعيونه اتملت بالدموع . اسمعى احنا هنروح العقيقه ساعة زمن ونرجع . ومش عايز اى حد يعرف أن بابا تعبان وبالشكل ده . احنا هنقولهم هما قاعدين مع مريم وكريم فاهمه .
هنا : حاضر ياحبيبى. طيب ما يوسف ومريم يروحو معاك وانا اقعد جمب بابا وماما .
اشرف : مينفعش . غيابك انتى وبابا وماما . هيخليهم يشكو أن فى حاجه . وانتى شايفه يوسف منهار ازاى .وحابس نفسه . يوسف بيعتبر بابا . ابوه مش جدو . انا هطلع اشوف ماما وهنزل على تحت حصلينى . وسابها وخرج .
وهنا : دعت ربنا أن يجيب العواقب سليمه . لان مصطفى تعبان جداا ..
اشرف : خبط ودخل . ودمعه نزلت منه . لما شاف شيرين دموعها على خدها وماسكه ايد مصطفى . وبتتأمل فيه . وافتكر لما وقع في المكتب . وشالو وجابو الدكتور . وقال جلطه خفيفه على المخ . وحوله على مستشفى غير مستشفى محمد . . وعلقله محاليل وكتبله علاج . وأشرف روح ابوه ع البيت وجاب ممرضه . ومرضيش يعرف محمد . علشان ميكسرش فرحته فى الحفله انهردا وان محمد هيزعل اوى. وهيعرفه بعدين . وقرب من شيرين ومسح دموعها .واتكلم برعشه . جرا ايه ياست الكل . ايه لزمتها الدموع دي . انتى عارفه أن مصطفى عزيز بيحب يهزر معانا . وهيفوق وهيبقى زى الفل .
شرين : بصت ل اشرف . بترجي . تفتكر ابوك هيقوم منها يا اشرف . وبصت لمصطفى . قوم يا مصطفى . قوم علشان انا مش هعرف اعيش من بعدك . انت وعدتنى انك هتفضل جمبى . وانا قولتلك خلينى انا الل اتعب وانت توصل الامانه لمكانها الاول قوم يا مصطفى .
اشرف : دموعه نازله . ايه ياامى. لااله إلا الله .ايه الكلام ده . انتى عارفه أن ناس كتير بتتعب وبتفوق وبترجع زى الاول واحسن . استغفرى ربك ياامى .
شيرين : استغفر الله العظيم . يارب سامحنى يارب . ومسحت دموعها . وباست ايد مصطفى . وحاولت تتكلم . اسمع يابنى مش عايزه حد يعرف بتعب والدك . مش لازم تكسر فرحتهم . ويلا خد مراتك وروحو العقيقه . وقامت وفتحت الدولاب ودموعها نازله . وجابت علبتين قطيفه . امسك يااشرف . العلبه دى هدية فريحه . والعلبه دى ل آدم الصغير . وقولها اى حاجه واعتذرلها . وياريت رنا متعرفش . رنا لو عرفت ابوها تعبان هتتعب علشان خاطرى يابنى . وخصوصاً محمد لو عرف هيزعل اوى . ده روحو فى ابوه .
اشرف : اخد الهدايا . وحضن شرين الل كأنها مصدقت وعيطت بكسره . وإن دى مش اول مره مصطفى يتعب كدا . وعيطت بكل وجع . وأشرف عيط وعيونه على ابوه الل نايم ولاحول له ولاقوه .
زياد لبس وجهز . وماليكه وصلت الشهر السابع . والحمل تاعبها شويه .
زياد : يلا ياماكي تعالى هساعدك في اللبس .
ماليكه : حبيبي ربنا يخليك ليا يازيزو .
زياد : ساعدها في اللبس . وبص عليها قمررر ايه الحلاوه دي قشطه يخربيت كدا .
ماليكه : ههههه .انا بعد ما ولد إن شاء الله هعملى مخصوص صنية بسبوسه بالقشطه . علشان اشوفها هتاثر عليا. زيك كدا ولا ايه .
زياد : اسكتى متفكرنيش . دي كانت احلى واجمل صنية بسبوسه بالقشطه . ياخرابى . ولا القشطه بتاعى انا وباسها من خدها اممم الله عسل هههههههه
ماليكه : ههههه بقيت بكاش اوى يازيزو .
زياد : باسها برقه من شفايفها . طيب وكدا .
مليكه : اتكسفت . ووشها بقى احمر .
زياد : شاور على خدودها .اهى دى بقى قشطه بالفرواله .وضمها لحضنه بحب . حبيبتي ياماكى ربنا يخليكي ليا ياقلبى.
ماليكه : زادت من حضنه . ربنا مايحرمنيش منك أبدا يازيزو .
زياد : اهي زيزو دى بقى بصنية قشطه لوحدها . وغمزلها لما نرجع من الحفله نشوف موضوع زيزو ده وقرب منها وباسها بصراحه انتى وحشانى اوى.
ماليكه : بصت فى عينيه . وانت كمان وحشتنى اوى يازيزوز .
وبعدها لبست الحجاب . وساعدها . واخدها ونزل على الحفله. وحسام وهدى سابقوهم على الحفله .
مالك داخل الفيلا مع ساره وماسكين ايد بعض . والضحكه على وشهم .
ملك : بغيظ . وقامت وقفت . والله يسى مالك . وانتى ياساره . بتصل عليكو من ساعه . ولاحد منكم معبرنى . وداخلين دلوقتي تضحكو ومبسوطين . طيب مفكرتوش انى ممكن نكون انا وجاسر قلقانين عليكو . مكنش مشوار نص ساعه وتقعدو ساعتين واكتر . واتاخرنا على الحفله.
مالك : قرب منها وباس على ايديها . حبيبتي يااااست الكل ياأحلى ملك فى الدنيا . غصب عننا التأخير والله .
ملك : غصب عنكم . ممكن افهم . انت قولت هشترى هديه للبيبى . ومحل المجوهرات . مفيش ربع ساعه وتكون عندو . ايه بقى الل اخرك كدا . انت عايز اخويا يزعل مني ويقول اختى جايالى اخر واحده . وبصت ل جاسر انا قولتلك نمشى انت مسمعتش كلامى .
جاسر : اهدى ياملك . لسه بدرى على الحفله ويستى هتوصلى في ميعادك بالظبط . لكن نعرف بس ايه الل حصل معاهم .
ساره : قربت من ملك . اسفه ياماما . انا السبب في التاخير ده .
ملك : ساره متتاسفيش . انا بس قلقت عليكو لانى اتصلت عليكى وعلى الباشمهندس . ولما مردتوش انا قلقت جدا .
ساره : شافت ملك متعصبه . ومسكت أيدها وحطتها على بطن ساره . وقالت ل ملك . عاقبيه هو بقى . هو الل اخرنا .
ملك : بعدم فهم . وبصت على أيدها الل على بطن ساره . ومش مستوعبه .
جاسر : بص ل مالك وشافه مبسوط .
ملك : فتحت عينيها على الاخر .وحطت ايدها التانيه على بوقها . وقالت بدهشه ساااره انتى ..انتى ..
ساره : ضحكت بدموع . ايوه ياماما . انا حامل . وفي شهرين . حفيدك هو الل اخرنا لانى اغمى عليا فى المحل ومالك اخدنى المستشفى . وعرفت أنى حامل . والفون كان فى العربيه . اسفين ..
ملك : بتضحك بدموع . وحضنت ساره . ياحبيبتى . ياحبيبتى . ساره هتملى علينا البيت الف الف مبروك ياروحي .وعيطت .
جاسر : حضن مالك بسعاده كبيره . ألف ألف مبروك ياحبيبى .
مالك : بفرحه الله يبارك فيك يابابا .
ملك : من فرحتها بتضحك بدموع . وراحت حضنت مالك . مبروك ياروحي مبررروك يانور عيني . انهردا عيد . والله انهردا عيد . انا مش مصدقه .
ساره : دموعها نازله . وضحكت . اهو ده نفس الل مالك عمله . واتغاظت . ابنك رايح يحضن الممرضه من الفرحه . وكلهم ضحكوا .
ملك : شهقت . وانتى سبتيه يحضنها.
ساره : ههههههههه .لا طبعا هو كان هايحضنها وانا صرخت بصوتى كله . وقولتله ماااالك انا هنا هههههه وكنت هقلب عليه . وحطت ايديها على بطنها وابتسمت بحب . بس حفيدك شفعله عندى .
جاسر : حضن ساره . ألف مبروك ياروحي . إن شاء الله هتجبيلنا اجمل احفاد .
ساره : إن شاء الله يابابا . وربنا يرزقنى بجاسر صغير .
جاسر : لااا والله مايحصل . انا مش عايز لخبطه . انا متلخبط طبيعى .
ملك : ابتسمت بسعاده وحمدت ربنا بقلبها على كم النعم الل هما فيها .
جاسر : يلا بقى علشان منتاخرش على الحفله . ونعلن الخبر الحلو ده للكل . واتحرك مع ملك وسبقو مالك وساره .
مالك : قرب من ساره . حبيبتي الف مبروك ياروحي.
ساره : بسعاده . الله يبارك فيك يا حبيبي . انا مبسوطه اوى يامالك .
مالك : قرب منها اكتر وباسها من شفايفها . وقالها . انا من فرحتى كنت هباركلك كدا في المستشفى . لكن دلوقتي اباركلك برحتى .
ساره : اتكسفت . احم . يلا علشان هنتاخر وبابا وماما منتظرين فى عربيتهم علشان نمشى مع بعض .
مالك : اخد ايد ساره وحطها فى دراعه . وخرج بيها . وفتح ليها باب العربيه . وركب جنبها وكان سايق وهو فى منتهى السعاده .
عند الفهد —

بسم الله نبدأ
عند الفهد
.
رينو : لبست . وواقفه قدام المرايا بتحط روج خفيف جدا . وفهد دخل عليها وشافها .
فهد : قرب منها . وحضنها من الخلف . واتكلم بغيره . ايه بقى الل انتى بتعمليه ده إن شاء الله!؟
رينو : بتظبط الروج . ايه ياحبيبى لبست خلاص فاضل بس الحجاب والنقاب .
فهد : اممم . طيب انا هعمل نفسي فاهم انك مش فاهمانى اوكي . ايه يالارين الل انتى بتحطيه في وشك ده .!؟
رينو : ده صوباع روج . وقبل ماتتكلم . وتقول لارين . انا هكون لابسه نقاب . يعنى مش هيبان حاجه . وانا حاطه لمسات خفيفه . ولفت ليه . بزمتك مش حلو عليا .
فهد : عيونه على شفايفها هو بصراحه يهبل . وباسها البوسه المعهوده . ومحى اي أثر للروج . وقالها كدا انتى تجننى . وجاب منديل ومسح كل حاجه . قمررر يارينو قمررر.
رينو : من بوسة الفهد . وانه محي أثار اى حاجه على شفايفها . مزهوله . ومكسوفه . ومش عارفه ترد .
فهد : لفها للمرايا . وقالها شوفتى نجمتى قمرر مش محتاجه . وكمان مش مسموح لأى حد يشوف حبيبتي وهي بالميكب . الميكب ده . لجوزك وبس . ل عشق الفهد وبس .
رينو : كشرت عينيها لفهد . وصكت على أسنانها . ولفت ليه . فهد انا منتقبه ومفيش حد غريب هيشوفنى واحنا في حفله . وانا عايزه احط ميكب ولمسات خفيفه وبعدين انا مش حاطه حاجه فى عينيا يعنى هو روج وبس .
فهد : ممنوع .
رينو : بديق حقيقي . يعنى ايه يافهد ممنوع . دى حاجه بسيطه ولو سمحت متأڤورش .
فهد : رفع حاجبه . نعم مأڤورش . امم . طيب يالارين مفيش ميكب خالص هيتحط بره البيت . اوكي .
رينو : بصتله بزعل . انا هحط روج يافهد مفيش حد هيشوفنى غير بنات العيله وبس واحنا في حفله يافهد .
فهد : من جواه غيران عليها وكمان هي جميله مش محتاجه . ومش عايز يزعلها . لكن مسح وشه بايديه . وقالها البسي حجابك ونقابك علشان منتاخرش .
رينو : بصتله . انا قولتلك عايزه احط روج يافهد .
فهد : وانا قولت .لا يالارين .
رينو : نزلت عينيها بعيد . وزعلت . تمام حاضر يافهد . ولفت للمرايا ولفت الحجاب بنرفزه ولبست النقاب . وجابت شنتطها بنرفزه . وخرجت من الاوضه . وسابت فهد واقف مكانه ومتكلمتش معاه .
فهد : غمض عينيه واتنهد. وشاف انها زعلت . وكمان مسافر بكره . واخد صوباع الروج . وخرج لكن شافها خارجه من باب الشقه .اول ماشافته خارج من الاوضه . وفتحت الاسانسير وركبت وفهد ركب . وبصلها وهي باصه قدامها ومدايقه .
فهد : اتنهد . ونده عليها بحب . رينو
رينو : باصه قدامها ومتأثرتش ومردتش .
فهد : قرب منها . والاسانسير وقف ورينو خرجت قبل مايقرب منها وسابته وفهد خرج وراها . وفتح العربيه وهي ركبت ومتكلمتش .
فهد : ركب جمبها . ومسك ايدها رينو اسمعيني .
رينو : سحبت أيدها بهدوء . وبصت من الشباك وعيونها لمعت بدموع. اتاخرنا على الحفله .
فهد : اتنرفز . وساق بسرعه وكان متدايق .
الكل وصل فيلا العدوي .
آدم رحب بكل الضيوف . وسلم على اشرف .
ايه يااشرف اومال مصطفى عزيز ومدام شيرين ماجوش ليه . وكمان يوسف ومريم .
اشرف : بتمثيل . ابدا ياعم آدم . الحج شكلو كدا كان سهران طول الليل . ومنمش كويس . وشيرين ماصدقت أنه نام وقالتلى سيبه نايم. وانا هبقى اروح ل آدم ومريم على رواقه. وقاعده مع كريم انت عارف بقى . حبها لكريم قد ايه . ومريم الحمل تاعبها وكان نفسها تيجي لكن داخت ويوسف قاعد معاها هو بيعتذر جدا . لكن اكيد بكره إن شاء الله هيجيلك . اهم حاجه متزعلش .
آدم : لأ ربنا مايجيب زعل . انا كان نفسي بس مصطفى عزيز يكون موجود . كبيرنا بقى وانا من سنين واخده الكبير .
اشرف : بقلب موجوع . وهو بيعتبرك ابنه يا آدم . واتنهد . وسكت .
آدم : بصله . انت كويس يا اشرف .؟
اشرف : ابتسم .ايه ياجدع انت . هتاكلنى بالكلام فين الاكل ياعم انا جعان . ولا هي حفله قورديحي .
آدم : ههههه . لا عيب عليك . دى عقيقة آدم العدوي الصغير .
اشرف : يتربى في عزك وعز ابوه يارب .
آدم : وعز جده اشرف كمان. .وضحكو .
ومريم : سلمت على اشرف وهنا وسألتهم وجابو عليها نفس اجابتهم على آدم .
وبعد كدا . الكل عرف ان ساره حامل . والكل بارك وفرح بالخبر ده .
فهد : قاعد مدايق . وبيراقب رينو . وقاعده فى الليفنج جمب فريحه . وتيمو قاعد على رجليها . لكن ساكته وواضح اوى عليها الزعل . وفهد قريب منهم . وسامع البنات بيسالوها مالها وهي تقولهم مفيش عندي صداع بس .
والحفله بدءت والكل بيتغدى ما عدا رينو . وآدم ومريم ومراد وزين ونور . يتحايلو عليها لكن هي رافضه بحجة أنها شبعانه وهتاكل كمان شويه .
وفهد مرضيش يتغدى . وراح عندها رينو انتى مبتاكليش ليه .
رينو : باصه الناحيه التانيه . شبعانه .
فهد : رينو انتى مفطرتيش كويس . ياريت تقومى تتغدى .
رينو : اه تحت امر حضرتك يافندم . نسيت انك تؤمر وانا انفذ . لكن اسفه استحملنى المرادى لانى ماليش نفس . بعد اذنك .وسابته وطلعت على السلم ورايحه الاوضه بتاعتها .
فهد : اتنهد بزعل . وطلع وراها .
رينو : دخلت الاوضه . وقلعت النقاب والحجاب . وواقفه ومدايقه هي شايفه انها لسه عروسه وعايزه تفرح . وكمان هي كانت هتحط روج وبس وكمان العيله كلها موجوده تحت ومش هتشيل النقاب . لكن فكرة إن فهد . كل حاجه لأ لأ لأ . خايفه لا بكره تحصل حاجه اكبر . وكمان ما اهتمش بزعلها . وفاقت على صوت فهد . ممكن ادخل . ودخل وقفل الباب .
رينو : اتنهدت بزعل . ومردتش .
فهد : وقف قدامها . واتنهد . زعلك وحش اوي يارينو .
رينو : …….
فهد : رينو . انتى زعلتى من غير سبب . حبيبتي انا بغير عليكى .
رينو : بصت فى عينيه . باستغراب . بتغير عليا!؟ بتغير عليا . من ايه . وليه . لبسي ديق !؟ ولا رسمه عينيا !؟ ولا فرده شعرى !؟ ولا عامله ميكب كامل !؟ ولا لابسه بنطلون جينز !؟ ولا واقفه بهزر وبضحك من كل الموجودين !؟ بتغير عليا من ايه !؟ من لمسه خفيفه هحطها . وكمان لابسه نقاب وكل العيله موجوده . وهفضل لابسه النقاب قدامهم . بتغير عليا من ريتال ولا فريحه ! ولا نور ولا مامي وبابى اوووو ممكن ابيه مراد !؟ وأبيه زين !؟ ولا رودي وبابا طارق وماما رنا !؟ وزعقت بتغير عليا من ايه يافهد !؟
فهد : بيسمع رينو وساكت لكن لما زعقت . هو اتنرفز . لكن صك على اسنانه وغمض عينيه وسكت . ومش عايز يعمل مشكله . لانها مش فاهمه ولاشايفه مقدراها عندو . وافتكر المواقف الحلوه الل بينهم واتنهد . وقرب منها . ومسك وشها بايديه . انا قولتلك قبل كدا . إنى بغير عليكى من الهوا الل بيلمس خدك . وقولتلك انى بغير عليكى من عيون الناس . وبغير عليكي من الجماد الل بتلمسيه . بغير عليكى لانك مش اى حد . رينو انا مكنتش عايزك تزعلى كدا . انا فكرت انك هتكونى مبسوطه لانى مش عايز حد يشوفك حتى لو بلمسه خفيفه . رينو انتى جميله . وجميله جدا ومش محتاجه انك تجملى نفسك لحد . الحجات دى لجوزك لحبيبك لفهد يارينو . وانا لما قولتلك مش هتحطى كنت مفكر انك هتكوني مبسوطه باهتمامى بيكى . انتى لو مش مهمه جدا عندى انا كنت قولتلك حطى الل انتى عايزاه . وايوه بغير عليكى من اى حد . اياكان . ودي طبيعه فيا من ناحيتك انتى وبس . انا من صغري وانا بغير عليكى . وده مش جديد عليكي . ده عشق .!! ده عشق الفهد يارينو . وشاف رينو عيونها بتلمع بدموع وغمضت عينيها . ومستحملش . وقرب منها وباس جبينها . وباس عيونها . اسف .
رينو : بتسمعو . وجواها مبسوط . لكن مش للدرجادى يافهد الغيره مش كدا . وعيونها لمعت وغمضت ومردتش . لكن قلبها دق من لمسة فهد على جبينها . وباس عيونها . وسمعت كلمة اسف . فتحت عينيها . وشافت عيون فهد حبيبها ومعشوقها فيها ترجي انها متزعلش .
فهد : شال ايديه من على وشها . وضمها لحضنه بحب كبير . بحبك ياعنيده .
رينو : غمضت عينيها فى حضنه . بحبك يا مجنون .
فهد : ابتسم . وزاد من حضنها . ايوه مجنون . انا مجنون بيكى. بس انتى ظلمانى على فكره .
رينو : ضربته فى كتفه . انا ظلماك .
فهد : بيمثل انه اتوجع من الخبطه .. اااه . وطلعها من حضنه . اااه ومسك كتفه مفتريه . وانا بعملك علشان تجربيه فيا .
رينو : ضحكت . بطل تمثيل .
فهد : شاف ضحكتها . وقالها . خليكى اضحكى على طول يارينو . وعلشان تعرفى أن زعلك مقدرش عليه . تعالى . واخدها قدام المرايا . وطلع قلم الروج من جيب الجاكيت .
رينو : بدهشه . ايه ده يافهد .
فهد : بصي . حطى بس ااقل من اللمسه الخفيفه .
رينو : ابتسمت . لأ خلاص يافهد مش مشكله . انا بس كنت مبسوطه لانى لسه عروسه وكمان حفله . عادي صدقنى مش مشكله .
فهد : فتح قلم الروج . وقربه من شفايفها . وانا عايز رينو تكون مبسوطه على طول . وكمان هي هتفضل عروسه كل يوم وعلى طول العمر . وحط ليها لمسه خفيفه . ومن جواه كان مدايق لكن فكر انها فعلا هتفضل لابسه النقاب .
رينو : مغمضه عينيها . وفتحتها . وشافت فهد وحطلها روج . وعارفه أنه عمل كدا علشانها رغم أنه غيران . وكمان مسافر بكره. واتجرات وقربت من فهد وباسته باشتياق كبير وفهد غمض عينيه وبادلها نفس الاشتياق واكتر . ومحى اي أثر للروج من تانى . ودى كانت رغبة رينو . وبعد فتره فهد حط راسه على جبينها . ورينو بتتنفس بصعوبه وقلبها بيدق . وقالت صدقنى الموضوع كان محتاج نقاش بينى وبينك مش اكتر . وانا مش عايزه احط ميكب غير ليك وبس . انت عشقي . انت عشق الفهد..
فهد : فى اللحظه دى كان عايز يشيلها ويجرى على عشهم . لكن حضنها بكل حب ورفعها من على الارض ودفن وشه في رقبتها ولف بيها كتيررر . بحبك ياقلب فهد .
وبعد كده . رينو لبست الحجاب والنقاب . ونزلت مبسوطه هي والفهد . واتغدو مع بعض فى اوضه لوحدهم . وااكلها وااكلته . واليوم والاحتفال عدى على خير .
وتانى يوم . فريحه عيطت كتير . ومريم كمان علشان مراد مسافر . لكن حاول يطمنها ويطمن مريم . وسلم على آدم وزين . ونور . وشايل بنته وباس آدم بيبى .ومنتظر فهد . لانه هيجيب رينو على بيت آدم .
فهد : لبس وكمان لبس السلسه وخباها . ورينو بتعيط بصوت عالى وطفولى وده كفيل يخلى الفهد يقدم استقالته . وحاول يطمنها وحضنها وباسها . وضحكها لكن مفيش فايده . بتعيط . لكن مسكتتش غير لما قالها لو بتحبينى هتبطلى عياط وتدعيلى .
ورينو . بطلت عياط . وضمها بحب . واخدها علشان هتقعد عند آدم . لكن راح يسلم على طارق ورنا وفارس . ورجع عند آدم . ووصل رينو . ونبه على الكل أن رينو متروحش الجامعه لوحدها . وسلم على كل الموجودين وفريحه . وختم سلامه بمعشوقته الصغيره . ورينو حابسه دموعها قدامه بالعافيه . واتحرك هو ومراد وكل واحد عيونه متعلقه بحبيبه . واول ما ركبو العربيه مع زين واتحركو . رينو جريت على اوضتها بتعيط . وفريحه حضنت مريم والاتنين عيطو . واستودعوهم عند الله . وآدم . اتنهد بزعل . واخد مريم وفريحه . ووصل كل واحده لاوضتها . وقال ل ريتال تهتم بفريحه . ونور تهتم ب رينو . وكل واحده سمعت كلامه واتحركو . وآدم اخد مريم . يطمنها . واتكلم معاها . ومريم حست بدوخه بسيطه لكن مهتمتش . وآدم نيمها وقعد جنبها . وبعد مانامت . راح يطمن على فريحه . وبعدها نوتيلت البيت . وماسبش حد فيهم غير لما ابتسم .
وسافر مراد والفهد . وفريحه ورينو كل واحد عايش مع أحلامه .
بعد اسبوع .
عادل خبط بسرعه ودخل على آدم بتوتر .—