رواية عشق الأدهم الفصل السادس 6 بقلم ماهي عاطف

رواية عشق الأدهم الجزء السادس

رواية عشق الأدهم البارت السادس

رواية عشق الأدهم الحلقة السادسة

عند اسر فى الشركه
كان لسه داخل الشركه وباصص للموبيل وفجاه خبط
فى حد الموبيل وقع منه نزل يجيبه ويادوب بيرفع
عنيه علشان يتأسف لانه مكنش باصص قدامه
كانت الى خبط فيها بتزعق
البنت :مش تاخد بالك ايه مابتشوفش ولا ايه
(ولما لقيته مسهم) ماله ده بينوا مجنون
وسابته ومشيت
اسر سهم من جمال عنيها الى زى موج البحر وساعتها
افتكر دعوة همس.
(يارب تتخبط فى الى تسرق قلبك من نظره ) حس
ان قلبه بيدق لدرجه ان مسمعش هى قالت ايه وسابته ومشيت فاق لنفسه وطلع على مكتبه وهو بيسال ياترى
مين دى اول مره يشوفها هنا .
دخل مكتبه وشويه ودخلت السكرتيره : استاذ اسر
الموظفه الجديده و صلت وعايزه تقابل حضرتك
اسر :خليها تتفضل ياسيلا
خرجت سيلا ودخلت البنت اول مادخلت كان اسر باصص للورق الى على المكتب واول مارفع عنيه قالت لنفسها
يانهار اسود اترفضتى يانور من قبل ماتشتغلى ايه
الحظ ده يارب.
اسر سهم تانى وبعد فتره فوق نفسه :اتفضلى ياأنسه ..
نور بتوتر:نور يافندم نور نادر السيوفى وده السي فى
بتاعى ياعنى لو قبلت
اسر بابتسامه :ليه بتقولى كده
نور بصت للارض:يعنى علشان الى حصل تحت
اسر:محصلش حاجه انا الى كنت غلطان ومركز فى الموبيل
نور :انا اسفه يعنى لو طولت لسانى
اسر مستغرب لانه مكنش مركز هى قالت ايه ساعتها :هو انتى طولتى لسانك قوى يعنى
نور لنفسها هو ماسمعنيش ولا ايه :ابدا يافندم انا ماقولتش حاجه خالص
اسر بضحكه بينت غمازته وزادته وسامه : خلاص اتفضلى روحى لسيلا هى هتوريكى مكتبك
نور لنفسها وهى مسهمه يخربيت حلوتك وهو انا ازاى
دخلت فيك شمال وانت كده يلا بقى اعمل ايه غبيه
الوقت يقول عليا ايه
اسر وهو اخد باله انها مسهمه :يانسه نور اتفضلى عند
سيلا هتوريكى مكتبك
نور بعد ماركزت مع كلامه :حاضر عن اذنك
وخرجت وفضل اسر باصص على الباب وقلبه عمال يدق
اسر لنفسه :عمرى ماشوفت عيون بالجمال ده بركاتك ياشيخة همس
وكمل باقى اليوم وهو كل تفكريه فى نور
________________________
واخيرا جه اليوم الى اياد ومنه مستنينوا كانوا كلهم متجمعين فى بيت حنين وبيقروا الفاتحه وحددوا معاد الخطوبه اول الشهر يعنى بعد عشر ايام
اياد بعد قروا الفاتحه كان هيطير من الفرحه وبص لمنه الى مكسوفه من الموقف ونفس الوقت هتموت من الفرحه
اياد:اخيرا بقيتى خطبتى انا مش مصدق
منه بغلاسه: دى لسه يدوب نص خطوبه بس
اياد بغيظ: ياسلام صدقى انا شكلى هرجع فى
كلامى من الجوازه دى
منه بصتله برفعه حاجب :بتقول حاجه يااياد
اياد :ابدا ياحبيبتى بقول انا فرحان قوى وكلها عشر
ايام ونعمل خطوبه ونعلى الجواب
منه بضحك :دى بيقولها فى كتب الكتاب مش فى الخطوبه
اياد بغمزه:ياستى كلها شهرين تلاته ونكتب الكتاب ونعلى الجواب
حنين وهمس وناديه وهناء اعدين مع بعض جنب منه
واياد وبيتكلموا ويتفقوا هيعملوا ايه وهينزلوا يجيبوا احتياجاتهم للخطوبه امتى
اما فارس واسر وشريف فضلوا يرغوا فى الشغل
ادهم اتصل على اياد علشان يباركلوا
اياد :حبيبى الله يبارك فيك
ادهم:منه فين ادلها الموبيل اباركلها
منه لادهم:الوا الله يبارك فى حضرتك
ادهم : الولا ده لو زعلك ولا عمل فيكى حاجه اتصلى
بيا بس وهتلاقينى معلقوا فى المروحه
منه بضحك؛ههههه عنيا بدال هتعلقوا انت اول واحد
هتصل بيك
اياد:وانتى فرحانه انى هتعلق
منه:اه طبعا مش هتبقى مزعلنى
اياد بحب:وانا اقدر ازعلك برده دانتى عمرى كله
منه اتكسفت لان ادهم سمعه وضحك فحدفتله الموبيل
وكمل هو كلام مع ادهم
ادهم :ماشى ياعم مش هقطع عليك المهم الخطوبه امتى
اياد:اول الشهر اوعى بقى تسافر ولا تطلع باى حجه
ادهم :وانا اقدر انا اصلا جاى كمان خمس ايام يعنى
متألقش هبقى معاك من بدرى
اياد :كويس علشان اعرف اتحفظ عليك
ادهم ضحك وقاله:اسيبك بقى مع خطبتك وسلملى
على شريف وناديه
اياد:عنيا سلام
قفل وبص لمنه: وحشتنى الحبه دول
____________________________
تانى يوم همس وحنين وناديه ومنه نزلوا يجيبوا
الفساتين. الى هيحضروا بيها الخطوبه دخلوا الاتيليه
حنين لهمس :اسود ليه ياهمس ماالالوان كتيره وحلوه اهى
ناديه :ايوه ياهمس ياحبيبتى بصى فى فيروز حلو قوى اهوا
همس :ياجماعه مالوا الاسود دا حلو قوى انا بحبوا
حنين:ياحبيبتى بيكبرك قوى اتكلمى يامنه
منه لهمس :هموسه اصلا بتحب زوقى بصى ياقلبى الفستان ده من ساعت مادخلت الاتيليه وانا شايفاكى فيه
كان فستان لونه موف غامق شيك جدا واول ما همس
شافته عجبابها بس حبه تعترض انه مش سنها
همس :يامنه الفستان حلو قوى بس مش سنى
منه بشهقه:ليه انشاء الله عندك ميت سنه دى كل الحكايه
٢٧ سنه بصى بقى والله لو ماختيه هزعل منك هى
همس:خلاص امرى لله
ابتسمت حنين لمنه وغمزتلها انها قدرت على همس
تقنعهاوكملوا شرى فساتين ومنه اختارت فستان
كشمير وكانت فيه شبه الاميره
______________________
تانى يوم عند اسر فى الشركه
كان بقالوا فتره مراقب نور واكتشف انوا حاسس بحاجه
من نحيتها وجه وقت الانصراف كان نازل ومقرر يتكلم معاها راح مكتبها ملقهاش نزل يدور عليها لقاها خارجه
من الشركه يادوب هيتحرك يروح نحيتها لقى عربيه
وقفت فيها شاب وهى ركبت وباسته من خده ومشيوا
اسر حس ان فى نار قايده فى قلبوا روح البيت متعصب جدا
اسر داخل البيت :السلام عليكم
هناء:وعليكم السلام عامل ايه ياحبيبى
اسر مبوز :الحمد لله انا داخل انام
هناء :مش هتتغدا
اسر:ماليش نفس ياحبيبتى
ودخل اوضه طلعت همس لقت مامتها :مسهمه مالك
ياماماانا سمعت صوت اسر هو فين
هناء:مش عارفه ماله مبوز دخل مرداش يتغدا
همس :طيب انا هقوم اشوفه
ودخلته همس لقيته نايم وباصص للسقف :اسوره
مالك ياحبيبى
اسر :مافيش حاجه
همس :لا فى وفيه حاجه كبيره كمان
اسر :ولا كبيره ولا حاجه بس اظهار انا الى اتسرعت
همس:فى ايه ياحبيبى احكيلى
اسر :هحكيلك
وحكالها كل حاجه من اول ماخبط فى نور لحد شعوره
الى حاسس بيها من نحيتها والى حصل قبل مايجى
همس :انت حبتها ياسر ؟
اسر :مش عارف بس من ساعت ماشفتها وهى بتركب
العربيه وبتبوسه وانا مخنوق
همس :يبقى حبتها طيب مش يمكن ابوها
اسر:لا ياهمس دا شكله صغير شاب تقريبا فى سنى
همس:طيب يمكن اخوها او قربها
اسر بخنقه :وهو قريبها تبوسه ليه
همس بضحك:لا دانت واقع خالص
اسر:انتى بتهزرى ياهمس وانا مضايق
همس:خلاص ياسر اهدى وقبل اى حاجه لازم تعرف
ده مين وبعدين تتكلم معاها براحه قبل ماتظلمها ده الصح
اسر:انتى شايفه كده
همس :اكيد طبعا
______________________
تانى يوم اسر راح الشركه واول مادخل مكتبه طلب من
سيلا تكلم نور تجيله
نور خبطت ودخلت :ايو يااستاذ اسر حضرتك طلبتنى
اسر بعصبيه ونسى كلام همس انوا يتكلم معاها بالراحه :ممكن اعرف ازاى حضرتك تسمحى لنفسك
تركبى عربيه واحد وتبوسيه قصاد الشركه دى شركه
محترمه مش نادى
نور بدموع من هجومه عليها وقلبها وجعها : حضرتك
انا مسمحلكش تتهمنى فى اخلاقى ومن غير ماتعرف
حتى دفاعى عن نفسى
اسر :احب اسمع اتفضلى ممكن اعرف الاستاذ الى كنتى بتبوسيه ده مين
نور بدموع مش عايزه تنزلها: ولو انوا مش من حقك بس هقولك بس علشان متفركش فيا حاجه وحشه الى اخدنى بعربيته امبارح اخويا جاسر رائد جاسر نادر السيوفى رائد فى الجيش وكان لسه واصل أجازه وحب يفاجئنى وحضرتك ممكن تتاكد من الاسم بنفسك اظن كده قولتلك
اسر بزعل من نفسه انوا اتسرع بص فى الارض ومعرفش يرد
نور وخلاص دموعها نزلت :استقالتى هتكون عند حضرتك حالا
ويدوب هتخرج جرى عليها اسر ووقفها
اسر بسرعه :نور استنى انا اسف والله ماكنت عارف بقول
ايه انا اسف
نور بعياط طفولى :لا انت كنت عارف انت بتقول ايه كويس بس انا الى غلطانه انى لسه موجوده فى الشركه عن اذنك
اسر بلهفه:انا اسف والله مكان قصدى انا اول ماشوفتك وانتى بتبوسيه اتجننت مكنتش عارف اعمل ايه ومنمتش من امبارح
نور بصتله بعيونها الزرقا الى هبلته :ليه يعنى اتجننت
اسر وتاه فى عنيها وجمالها وبصوت هادى :علشان كنت
نازل وراكى اقولك انى بحبك
نور اتصدمت ومعرفتش ترد عليه وبصت فى الارض
بكسوف مكنتش تتوقع ان هيقولها كده نسيت زعلالها وحست ان قلبها صوت دقاته جايبه لاخر الشارع
اسر لما سكوتها طال قلق :انا قولت حاجه غلط
نور بكسوف :لا
اسر :طيب فى حد فى حياتك
نور :لا
اسر ابتسم : طيب مش هتقوليلى رئيك
نور وهى لسه بصه فى الارض :فى ايه
اسر : فى انى بحبك يعنى انتى مش حاسه من نحيتى بحاجه
نور ووشها بقى كله احمر :احم هو يعنى اصدى يعنى
انا راحه مكتبى عن اذنك
اسر بسرعه :لا والنبى حرام عليكى طيب كلمه واحدة
حتى قوليلى اطمن
نور قالتله بسرعه :اطمن (وجريت على مكتبها )
اسر فضل باصص على الباب ومبتسم وقلبه عمال
يرقص وجرى اتصل بهمس وحكالها
همس بضحك :دى شكلها واقعه هى كمان ياسى اسر
اسر : بجد ياهمس يعنى هى كده بتحبنى
همس :مش بتقول قالتلك اطمن يبقى اطمن
اسر :انا فرحان قوى ياهمس. قوى
همس بسعاده لاخوها :ربنا يفرحك كمان وكمان ياقلبى
اسر :يارب انا وانتى ياحبيبتى انا هقفل اخلص شغل
ولما اجى نرغى سلام
همس :سلام
قفلت معاه وهى فرحانه قوى لاخوها ان اخيرا حب وهيتجوز وسرحت وهى بتفكر وتتمنى لو الزمن يرجع
بيها وتحب وتتحب
________________
بعد خمس ايام رجع ادهم واول مادخل جرى عليه اياد
اياد:ادهومه حبيبى وحشتنى قوى
ادهم وهو فى حضن اياد :وانت كمان عامل ايه جهزت حاجاتك ولا لسه
اياد بعد ماخرج من حضن ادهم:لسه مستنيك كلهم جابوا حاجتهم الا انا
ادهم :تمام ثانيه كده
وراح فتح الشنطه بتاعته وطلع منها بدله تحفه لونها
اسود وكرافت كشمير
اياد باستغراب: الله عليك ياادهومه بس قولى ليه
الكرافت كشمير
ادهم خبطه على دماغه:لون فستان عروستك ياناصح
اياد :وانت عرفت منين لون الفستان دانا معرفش
طلعت ناديه من جوه:انا الى قولتله ياناصح (وبصت لادهم)حمد الله على السلامه ياأدهم عامل ايه
ادهم :,حبيبتى يانونا الله يسلمك انا تمام الحمد لله
اياد :والله مانا عارف حاسس انكوا لقتونى جنب جامع
ناصح ناصح وانا يعنى بنجم
ادهم :خلاص ياعم متعيطش انت عريس ولازم نحترمك الايام دى
اياد بفرحه :ايوا كده ياااااا اخيرا هبقى عريس ومنونه
جنبى انا مش مصدق عقبالك ياعمى يارب
ادهم خبطه على دماغه تانى :مش قولتك بطل عمى دى عمك ايه دانت شحط طول بعرض دانا لسه بقول هحترمك
اياد بتاويه:اهااا ايدك تقيله قوى خلاص ياعم انا غلطان
انا داخل اقيس البدله
ادهم :روح ياخويا ومتخفش مقاسك
اياد باسه من خده :حبيبى مانا عارف ان ذوقك عالى قوى
ودخل اياد وبصت ناديه لادهم: وانت يااستاذ مش ناوى تفرحنى بيك
ادهم اعد وبصلها:انتى مش بتملى من الكلام فى الموضوع ده
ناديه اعدت جنبه :لا يادهم مش هبطل كلام الى لما تتجوز
انت هتفضل كده لحد امتى انسى بقى وافتح قلبك وحب
ادهم بعصبيه :احب تانى ليه علشان تيجى واحده
وتقولى معلش اصل جالى عريس احسن منك ومش
هقدر اقول لا مش عايز ياناديه
ناديه بنرفزه:ادهم رغد عمرها ماحبيتك دى كانت كلبه
فلوس عايزه عربيه وفيلا وفلوس ملهاش اخر
ادهم :واهو كل ده بقى عندى بس هى الى مستانتش
لحد ماتخرج واشتغل وجرت اتجوزت اول واحد جالها
معاه شويه فلوس وبعد ماخلصت فلوسه وعرفت انى بقى معايا جايه تقولى نرجع على اساس انى مغفل
ناديه :اهى الحمد لله غارت فى داهيه بشرها وبنات
الناس المحترمين كتير وفى الى تتمنى كلمه منك
دا بنات العيله كلهم هيمانين فيك بس انت الى مقفل
دماغك اوعى ياأدهم تكون لسه بتحبها
ادهم: احب مين بس ياناديه انا اكتشفت انى مكنتش
بحبها اصلا المشكله ان مافيش واحده قدرت تخلينى
افتح قلبى واحب بجد كلهم باصين للفلوس والمنصب
وبس اوعدك اول مالقي الى تحبنى واحبها هجيلك
اقولك الحقينى وجوزيهالى ولحد ما دا يحصل ومعتقدش انوا هيحصل ياريت بالله عليكى متفتحيش السيره دى تانى
ناديه بقله حيله :ماشى ياادهم انت حر بكره تندم
وسابته وقامت تحضر الغدا وهو فضل يفكر فى كلامها بس هو شايف نفسه كده مرتاح بس ياترى هيفضل كده كتير
_____________________________
عند لورا كانت سايقه عربيتها الجديده الى محمد جابهلها اخر موديل وفجاه خبط فى عربيه قدمها نزلت متعصبه ولسه هتزعق لقت شاب نازل من العربيه
الشاب :انا اسف قوى انى فرملت فجاه بس كنت هخبط واحد
لورا عجبها الشاب قوى فتكلمت برقه :ولا يهمك بسيطه
الشاب باعجاب :لا ازاى انا لازم اصلح غلطى
لورا بدلع :وهتصلحه ازاى يعنى يااا
الشاب:معتز الدمرداش صاحب شركه ادوات تجميل
واكتر واحد يقدر الجمال
لورا وبدات تحس ان مممكن توقعه وتكسب فلوسه
الى اكتر من فلوس محمد :اما اشوف
معتز :طيب اذا كان كده يبقى اعزمك على الغدا ونتعرف
لورا : تمام يالا بينا
وراحو ورا بعض بالعربيات واعدوا فى كافيه وفضلوا
يرغوا كتير ونسيت محمد الى مستنيها ومقلتش لمعتز
انها متجوزه وفكرت تستنا لما توقعه فيها الاول
_______________
محمد فضل مستنيها فى المعرض علشان يروحوا يتغدوا
ولما اتاخرت اتصل بيها لقى الفون مغلق
محمد :اوووف راحت فين دى تلاقيها زى العاده لسه نايمه هى حره بقى وسرح شويه افتكر عياله الى وحشوه قوى بس مش قادر يروح يشوفهم خايف لورا تعرف تزعل وتسيب البيت وهى بقت بالنسباله زى الادمان رجع فكر فى لورا ونسى عياله فى لحظه اتصل تانى
محمد:برده مغلق انا هكمل شغل لما تبقى تتصل
وكمل شغله وهى فضلت مع معتز لحد بالليل قبل مامحمد يروح كانت روحت وغيرت هدومها كانها منزلتش وعملت نفسها تعبانه
دخل محمد عليها القان:لورا مالك ياحبيبتى نايمه فى
السرير ليه لحد دلوقت
لورا بتمثيل :مافيش ياحبيبى الظاهر اخت برد مقدرتش
انزل معلش
محمد بلهفه :سلامتك ياحبيبتى طيب مكلمتنيش
ليه انا اتصلت كذا مره ادانى غير متاح
لورا بكذب :اه كان فاصل ومقدرتش اقوم اجيب الشاحن
من بره
محمد :سلامتك الف سلامه انا هقوم احضرلك حاجه تكليها
لورا :ماشى ياحبيبى
وطلع محمد على المطبخ وضحكت لورا انها اقنعته
وافتكرت معتز الى خلى لاول مره قلبها يدق ومهمهاش
انها شيلا اسم راجل المفروض تحافظ عليه