رواية عشق الأدهم الفصل الرابع 4 بقلم ماهي عاطف
رواية عشق الأدهم الجزء الرابع
رواية عشق الأدهم البارت الرابع
رواية عشق الأدهم الحلقة الرابعة
تاني يوم حنين وفارس راحوا اخدو همس ووصلوا
للمؤذون فارس بص لهمس الى كانت سرحانه وبص
لحنين علشان تكلمها هى .
حنين :هموسه حبيبتى مالك ياقلبى
همس :مافيش ياحنين بس مكنتش عايزه اشوف وشه تانى
فارس :احنا هنخلص وهنمشى على طول والله لو كان ينفع كنت خليته طلقك غيابى ومحتتكيش فى الموقف ده بس لازم تستلمى حقوقك قدام المؤذون
همس :انا عارفه يافارس وصدقنى الموقف مش فارق
معايا وحتى مش حاسه انى زعلانه انا حاسه ان فى
طوق كان خانقنى ودلوقتى بس هقدر اشيله.
حنين :طيب ياحبيبتى يالا علشان منتاخر على العيال
همس :يالا
ودخلوا للمؤذون وبعد رغي كتير علشان يحاول يوفق
بينهم ومعرفش قال لمحمد
المؤذون: ارمي عليها اليمين
بصلها محمد شويه كانت بصه الجنب التاني ووقفه
جامده ومش متأثرة :انتي طالق !!!!!
همس غمضت عنيها وحست براحه غربيه اول مره
واحده تطلق وتبقي مرتاحه كده
المؤذون لهمس :استلمتي كل حقوقك يابنتي
رد فارس بدلها :ايوه حضرتك .
المؤذون :طيب امضي يابنتي هنا
قربت همس ومضت علي قسيمه الطلاق او بمعني
اصح عقد حريتها
همس:لسه في حاجه تانيه حضرتك
المؤذون :لا خلاص كده وبص لمحمد قوى وبصلها
تاني ربنا يعوضك خير
استغربت كلامه قوي بصتله وهزت راسها ومشيت اما
محمد كان عامل زي الى مضروب على راسه مش عارف
هو صح ولا غلط وبصه المؤذون ليه وكلمة لهمس اتاكد
ان هو مشى طريق غلط بس حاول ميفكرش مضى
على القسيمه ومشي هو كمان
واول ماركب عربيته لقي لورا بتتصل ابتسم ورد عليها
محمد:حبيبت قلبي خلاص فضتلك حددى معاد مع
ابوكي بقي بسرعه
لورا ببسمه نصر :مبروك ياحبيبي انا هكلم بابا وحددلك
معاه معاد بس قولي ادلتها كام
محمد بتوتر من رد فعلها :ابدا كل الحكايه 50الف
وقبل مايكمل قاطعة لورا :يانهار اسود 50الف ليه كنت متجوز مين نانسي عجرم كان كفايه قوى 10الاف
هى فلوس في الارض
محمد: ياحبيبتي علشان عيالي مش علشانها
لورا بزهق :خلاص يامحمد خلصنا انا هكلم بابا
وهرد عليك سلام
وقبل مايرد كانت قفلت بص للتلفون ونفخ دى همس
عمرها ماعملتها ايه ده انا ليه بقارن بينهم وبعدين هى
خايفه عليا مش اكتر عشان كده زعلت وافتكر اول مره شاف لورا فيها
(فلاش باك )
كان فى معرضه وبص لاقى واحده واقف محتاره قام
يشوفها واول لما قرب منها ولفتله انبهر بجمالها
محمد: اؤمرينى عايزه حاجه معينه
لورا كانت مايشيه من قدام المعرض وكانت طبعا
ظروفها استحاله تخليها تشترى عربيه شغلها كان
يادوب مكفيها لبس ومصروف ابوها حبت تتفرج على العربيات وتمنى نفسها انها ممكن يبقى عندها واحده
لورا بتكبر متعوده عليه :انت بتشتغل هنا
محمد ضحك :لا انا صاحب المعرض
عجب لورا وقالت لنفسها :صاحب المعرض اه وماله
مش يمكن اعرف اوقعه وابقى فى عز
لورا بضحكة دلع لمحمد : اه اهلا وسهلا انا لورا
محمد باعجاب واضح :محمد تحبى تتفرجى الاول
ولا تشربى حاجه
لورا بدلع اكتر :معنديش مانع ممكن اشرب قهوتى
اصل كنت مستعجله ومشربتهاش
محمد :ياسلام احلى قهوه لاحلى لورا اتفضلى
لورا حست باعجاب محمد ليها وبدأت تلعب عليه وفهمته
انها مستوى وباباها كان مدير عام وطلع على المعاش
لورا :بصراحه مش لقيه عربيه احسها ليا خالص عايزه
حاجه كده اسبشيال
محمد وعينه على كل حاجه فيها :عنيا ليكى وهتبقى
هديا كمان
لورا بفرحه بدريها:لا كده يبقى كتير
محمدوهو بيقرب عليها :مافيش حاجه كتير عليكي
لورا قامت وقفت ومثلت انها متعصبه :ايه ده انت
هتعمل ايه انت فاكرنى ايه انا غلطانه انى اعدت
معاك وكانت هتشمى محمد لحقها
محمد :استنى بس انا اسف ياستى مش هعمل كده تانى
لورا :توعدنى تكون مؤدب
محمد بضحكه :اوعدك
لورا لنفسها :شكلك هيبقى سهل توقع على بوزك
وفعلا وقع فى شباكها الى هو لسه مش حاسس بيها
وبعد كام شهر طلب يتجوزها وهى وفقت وفهمته انها
بتحبوا ومش قادره تبعد عنه حتى لو متجوز
فاق محمد من ذكرياته ومشى بالعربيه للبيت وهو مقتنع بحب لورا الكبير ليه
_________________________
في بيت همس بعد ما وصلت هى وحنين وفارس جريت عليها منه وحضنتها وحاولت تقلبها هزار شويه
منه : حبيبتي يا هموسه يلا خد الشر وراح
حنين بصرامه :منه مش وقت هزار
همس بتنهيده :فى ايه ياحنين هو فعلا اخد الشر وراح
كلهم بصولها خصوصا هناء وفجأة لقو نفسهم بيضحكوا ومش عارفين يبطلوا ضحك
__________________________
فى بيت اياد حبيب منه دخل وفضل ينادى على مامته
ايادبصوت عالى:ياماماااا ياماماااا انتي فين ياست الكل
خرجت مامته ناديه من المطبخ :نعم ياحبيبي بتزعق ليه
اياد :ايه ياحبيبتي وحشتيني فينك كده يابطه
ناديه :ياولا يابكاش انا بردو الى حبيبتك اومال منه تبقي ايه
اياد وهو ولهان وباصص لفوق :منه دى العشق والغرام ايييييح
بصت ناديه مكان ماهو باصص فوق :لا اله الا الله الواد
اتجن (وبصوت عالى) اننت باصص على ايه فوق
اياد بخضه :فى ايه ياماما حرام عليكي قطعتيلى الخلف
ناديه : اعملك ايه اول ماتيجى سيرة منه تتهبل
اياد: اعمل ايه ياماما بحبها قوي ولسه كمان ست شهور
عبال مااخلص السنه دى المهم عمى مجاش انهارده
ناديه :اه لوسمعك وانت بتقوله ياعمى هيفرمك لا مجاش مسافر يخلص شغل فى دبى اسبوع وراجع
اياد :انا مش عارف واحد زى ده طول بعرض بوسامه
بفلوس ومنصب انا نفسى ياراجل معجب بيه مش
بيجوز ليه مش عارف انا
ناديه :والله يابني كل بنات العيله والجيران وصحابى فى النادى هيموتوا عليه الى عايزاه لبنتها والى عايزه لنفسها بس هنعمل ايه دماغه حجر قال ايه مش عايز وجع دماغ هو حر بكره تيجي الى تخليه يطب على بوزه
اياد:بكره امتى ياماما دا خلاص داخل علي الاربعين
ناديه بشهقه :اربعين ايه ياولا كل الحكايه ٣٧ سنه
اياد بضحك :مالك يانونه محموقه كده ليه انا كده هغير منه
ناديه :تغير ليه انشاء الله دانت قلبي من جوه بس ربنا يعلم انا بحبوا زيك لما بشوفه بيفكرنى بابوك فى شبابه
صوت من ورها : وماله ابوه دلوقتى ياست ناديه
اياد بضحكه مكتومه وبيوشوش امه :وقعتى مع الى مابيرحمش (وعلا صوته ) حبيبى يابوب والله كنت لسه هقولها وماله بابا ماهو لسه زى القمر
راح لباباه شريف وباس ايده لاقي قلم نازل على قفاه بص لابوه بسرعه :ليه كده يابوب
شريف بغضب مزيف:ايه بوب دى ياولد وبعدين ماتحولش توقع بينى وبين مامتك مش هتعرف انا مش عارف انت طالع لمين
اياد :ليك طبعا (وجرى استخبى ورا ناديه)
ناديه بوشوشه :بقى انت عايز توجع بيناماشى ياايدو ( وعلت صوتها) عيب كده يااياد حد يكلم باباه كده
اياد :خلاص وحياتي متشعليله عليا خلاص يابابا انا اسف ياغالى
ضحك شريف وقربت منه ناديه وخدها فى حضنه بصلهم
اياد قوى بصدمه :انتوا بتشتغلونى
الاتنين فى صوت واحد :اه
اياد بغيظ منهم:ماشى الاقيها منكم ولا من منه هتجننونى
(ولسه هيكمل لاقها بتتصل ) هى بتيجى على السيره
ولا ايه (وفتح الخط ) حبيبى
وفجاه سكت شويه وكمل مالك يامنه انتي معيطه ليه
ناديه راحت عليه بخضه :مالها منه؟حنين كويسه
اياد شاورلها تستني
اياد لمنه:طيب ممكن تهدى وهى عامل ايه يعني
سكت يسمعها وناديه جنبه هتجن عايزه تعرف فى ايه
اياد لمنه :ماشي ياقلبى اهدى كده وخليكى جنبها هى بتحبك وبعدين محدش هيخرجها من الى هى فيه الا انتى
(سكت يسمعها ) خلاص اشوفك بكره فى الكليه سلام
وقفل الخط بص لناديه كانت واقفه هتفرقع منه
ناديه بزعيق:فى ايه ماتقول انتى هتشلينى
اياد بزعل :همس اطلاقت
ناديه بشهقه :ياحبيبتي ياهمس ليه كده ايه الى حصل
اياد :مش عارف تفاصيل
شريف :طيب هى عامله ايه
اياد :منه بتقول عامله نفسها كويسه قدمهم لكن هى حسه بيها وبوجعها
شريف :ربنا يعوض عليها باحسن منه انا صحيح ماشفتهاش كتير بس باين انها اخلاق وجمال يعنى ربنا هيعوضها
ناديه :اه ياشريف والله مافيش فى ادبها ولا رقيقتها باحبيبتى لما كانت تجيب الولاد النادى وتاعد معانا انا وحنين ومنه مكنتش بسمع صوتها اكيد عمل فيها حاجه كبيره دى كانت مستحمله منه كتير
اياد :منه بتقولى هيجوز
ناديه :الواطى بعد ماستحملت ظروفه فى الاول ومعملتوا ليها دى جزاها اول ماربنا فتحها عليه يطلقها
شريف :وانتى عرفتى منين
ناديه :من حنين اختها كانت حكتلى عنها وانها اجوزت علشان ترضى مامتها
شريف :هو لسه فى بنات كده يالا ربنا يعوض عليها
اياد وناديه مع بعض :اللهم امين
اياد : المهم انا جعاااان
ناديه بصتله بغيز :صبرني يارب ورمت فى وشه الفوطه الى فى اديه بقالها ساعه ودخلت المطبخ تانى
اياد :مش عارف ليه حاسس انى لقيت
شريف وهو سايبه وداخل اوضه: عرفتها لوحدك دى
اياد :ماشى والله لانا داخل اكل ايه
ودخل المطبخ يدور على اكل لقى ناديه صوتت جرى على اوضه تانى واتصل بمنه يرغى معاها ويعرف تفاصيل الى حصل
_____________________
بعد يومين عند لورا
لورا لبابها شوقى : بابا انا قولت لمحمد يجى النهارده علشان نتفق على كل حاجه
شوقى وهو بيبصلها ورافع حاجبه : يعنى انتى ملقتيش واحد اغنى من محمد بتاعك ده تتجوزيه كان ماله شاكر الحلو راجل غنى ومش عارف يودى فلوسه فين
لورا بنفخ: شاكر حلو مين بس يابابا دا لا منظر ولاشكل وبعدين متجوز ٣وعايزنى اجبلوا الولد وغير كده عرفت انوا بخيل قوى اخدوا اعمل بيه ايه ده
شوقى : وهو يعنى محمد بتاعك ده الى مش هيبقى بخيل
لورا ببتسامه ثقه: لا طبعا دا زى الخاتم فى صباعى قولتوا هطلق مراتك طلاقنا قولتلوا مافيش شقق ليها سمع كلامى وبكره كل فلوسه تبقى ليا وبعدين هو كل الى محتاجه شويه دلع مكانش لقيهم مع السنكوحه مراته وممكن اخليه بالدلع يبع الدنيا علشانى واصلا بخيل ازاى وانا على طول بسحب منه بالالفات
شوقى وهو قايم يشرب كاس :طيب ياختى اهم حاجه القى حد يصرف عليا
لورا بعصبيه :انت مش هتبطل تشرب الزفت ده
شوقى وبدء يسكر : لا ياختى مش هبطل و مش عايز وجع دماغ انا مصدقت امك ماتت وخلصت منها
لورا بقهرا : ماهى ماتت من الغلب الى شافته معاك كنت مشغلها علشان تشرب الزفت ده ومستخسر فيها العلاج لحد مجلها فشل كلوى وسابتهالك سابتلك الدنيا كلها وسابتنى لغلبك
شوقى بسكر تام :بت بقولك ايه مطيريش الكاسين من دماغى بادل مااطيرلك عريس الغفله
لورا بسرعه :خلاص بس ابوس ايدك بلاش بكره تشرب والبس البدله الى جبتهالك انا بقالى سنه باخد منوا فلوس علشان اشترى الشقه دى وأظهر ادامه زى مانا مفهماه
شوقى:خلاص بقى غورى من وشى السعادى
سابته لورا ودخلت اوضتها وهى بتقول : انا لازم اسرع الجواز قبل مايبوزها انا استحاله هفضل عايشه ومستحمله الغلب ده معاه انا لازم ابقى غنيه وغنيه قوى إنشاءالله على حساب اى حد !!اى حد
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشق الأدهم)
