رواية عشق الأدهم الفصل الثاني 2 بقلم ماهي عاطف
رواية عشق الأدهم الجزء الثاني
رواية عشق الأدهم البارت الثاني
رواية عشق الأدهم الحلقة الثانية
بعد تفكير كتير هتعمل ايه لبست همس وجهزت
عيالها ونزلت راحت عند مامتها،
همس وهيا دخله عند مامتها وبتتكلم بسرعه :مساء
الخير ياماما عامله ايه بعد اذنك خلي العيال معاكي
عندي مشوار مهم و..
قاطعتها مامتها وهى بتقول
هناء:ايه يابنتي بالراحه مالك تعالى اقعدى مستعجله
كده ليه ومشوار ايه ده الى مخليكي متوتره كده
همس بحزن باين عليها جدا راحت قعدت جنبها :مشوار
مهم لما اجي هحكيلك علي كل حاجه .
هناء وهي بتمسح علي ظهرها :مالك ياهمس فيكي
ايه ياحبيبتي عمرى ماشوفتك حزينه كده غير يوم
ماباباكي اتوفي .
همس افتكرت يوم مابابها اتوفى وانهيارها عليه وهى
كانت يادوب ١٥ سنه
همس وبدات الدموع تتجمع في عنيها :بعدين ياماما
بعدين خالي بالك من العيال لحد لما ارجع معلش
هتقل عليكى
هناء : تتقلى ايه بس ياحبيبتى روحى ربنا يصلح
الاحوال
سابتها همس ونزلت وعنين هناء عليها وهي حاسه
بقبضه في قلبها ودعت
هناء :استر يارب.
________________________________
وفي نفس الوقت نزلت همس وركبت تاكس وراحت
للمكان الي محمد هيقابل حبيبته فيه وصلت وفضلت في العربيه خايفه تنزل مش هتقدر تشوف جوزها مع واحده حتي لو مش بتحبه مش هتستحمل بس لازم تواجه
السواق بصلها مستغرب منزلتش ليه :هو انتي نزله ولا
ايه معلش بقالي 10دقايق واقف
همس بصتله بتوهان :اه اه نزله اهو
ونزلت وقفت شويه غمضت عنيها تهيئ نفسها للموقف وفتحت عنيها ومشيت في اتجاه الكافيه دخلت وعنيها
بدور علي جوزها بتبص يمين وشمال لحد ماشفته !!!!
محمد قاعد علي كنبه وجمبه واحده ماسك ايديها
ومقرب منها وبيتكلموا وبيضحوا قوى
قربت منهم ووقفت قصاده انتبه محمد ان في حد
واقف قصاده يادوب بيرفع عنيه لقاها همس ساب ايد الى قاعده جمبه ووقف مصدوم مش عارف يقول ايه
همس :متوقعتش صح بس ادينى وفرت عليك مؤمرات وخطط علشان تخلص منى ومن عيالك بس ياترى هى تستاهل تعمل علشانها كل ده
محمد : همس انااا
قطعته همس :انت ايه ؟ كمل !!! مش عارف تقول ايه صح هتبرر بايه انا عمري مقصرت معاك عمري ماخليتك تنام زعلان في يوم بالعكس كنت باجي علي نفسي علشانك وعلشان عيالي. مفكرتش فيا بلاش مفكرتش في عيالك
بس عارف انا مش زعلانه عارف ليه
محمد بيحاول يتكلم بس قامت الي معاه وبصتله
قوي وقالتله
لورا:مالك انت عامل كده ليه هو مش المفروض انك خلاص كده كده هتسبها خايف منها ليه ماتقولها انك بت ..
محمد قاطعها ،: لورا لو سمحتي اسكتي انتي دلوقت
همس :لوسمحت انت بجد كده من امتي انا مش قادره اصدق بس عارف انا مش زعلانه ليه علشان انا عمري ماحبيتك
بصلها محمد بصدمه !!!!
همس :مستغرب ليه ايوه عمري ماحبيتك كنت عايشه
معاك بمايرضي الله وخلاص لكن حب لا عمري ماحسيته معاك بالعكس كنت ببقي عايزه ابعد عنك بس كنت براجع نفسي عشان عيالي وبقول اهي عيشه والسلام بس خلاص الحمد لله لحد كده انت من النهارده بره حياتي كل الي يربطني بيك عيالي وبس
بصتله بوجع وقهرت عشره وسنين ضاعت من عمرها
همس :طلقني يامحمد
ضحكت لورا بشماته:اوعى تكونى فاكره انوا هيجرى
وراكى ويقولك لا خلاص اخر مره لا ياحبيبتى هو
اصلا كان ناوى يطلقك بس ياعينى كنتى صعبانه عليه
مش عارفه ليه بس اهى جت منك يا حلوه
محمد بص للورا علشان تسكت بس همس ردت عليها
خليته اتصدم لتانى مره
همس بسبات : لا والله فيه الخير انى صعبت عليه
وعلى العموم اشبعى بيه هو اصلا مش فارق معايا
ولا عمروا كان فارق
وسابتهم ومشيت
قعد محمد مصدوم من كلامها وبيفكر مع نفسه انا
صحيح حبيت غيرها بس كان ضميرى وجعني عليها
كنت فاكر انها
بتحبني يعني كانت عايشه معايا كل ده وهي مش
قاطعت افاكره لورا :مالك انت زعلان عليها ولا ايه
محمد: لا هزعل ليه انتي عارفه اني كده كده كنت
هسيبها واهو كويس ان جات منها
___________________
وفي نفس الوقت
جريت همس وهي حاسه بضياع ودموعها متحجره
في عنيها وركبت اول تاكسي قابلها وكأن الدنيا
موجعه معاها
السواق كان مشغل اغنيه اليسا هعتبرك موت
هعتبرك مت ومن بكرة أنا هلبس أبيض وأخلي
أصحابي وأهلي يهنوني
هعتبرك مت ولو جاني مخلوق بعينيه ينكر موتك
هعتبره أنا زيك فـي عيوني
هعتبرك مت ومن بكرة أنا هلبس أبيض وأخلي
أصحابي وأهلي يهنوني
هعتبرك مت ولو جاني مخلوق بعينيه ينكر موتك
هعتبره أنا زيك فـي عيوني
أنا همنع حد يجيب سيرتك
وأشيل من صوري كمان صورتك
ولحد ما أكره روحك فيك
هعتبرك مت لكن عمري ما هقول في خيالي الله
يرحمه واللي يحبني يدعي لي عليك
أنا أول ما هغمض عيني إنت هتختفي لا هيبقا لك
ولا فوق ولا تحت الأرض وجود
حتى إنت هتشك في نفسك وهتجري تدور في مرايتك
هتلاقي نفسك مش موجود
أنا أول ما هغمض عيني إنت هتختفي لا هيبقا لك
ولا فوق ولا تحت الأرض وجود
حتى إنت هتشك في نفسك وهتجري تدور في مرايتك
هتلاقي نفسك مش موجود
أنا همنع حد يجيب سيرتك
وهشيل من صوري كمان صورتك
ولحد ما أكره روحك فيك
هعتبرك مت لكن عمري
ما هقول في خيالي الله يرحمه
واللي يحبني يدعي لي عليك
يدعي لي عليك
عليك؛!!!!!!!!
___________________
وصلت همس بيت مامتها واول مادخلت كانت مامتها قاعده مسكه المصحف صدقة وبصتلها جريت عليها همس ورمت نفسها فحضن مامتها ودموعها نزله بشهقه توجع القلب
هناء بخضه من منظر وعياط همس:مالك ياقلبي فيكي ايه اتكلمي ياهمس جوزك جراله حاجه .
همس بدموع وصوت يقطع القلب: اااااه ياامي انا عملت ايه علشان اتوجع كده عملت ايه عشان اعيش مخدوعه سنه بحالها طيب لو انا ست وحشه كنت قولت عقاب ربنا ليا بس انا عمري ماعملت في حاجه عمري ياماما وفي الاخر يخوني
هناء بصدمه : يخونك محمد جوزك ازاي احكلي يابنتي الله يخليكي ايه الي حصل يمكن تكوني فاهمه غلط.
همس بصوت عالي موجوع :فاهمه غلط يااااريت مكنتش حسيت اني ولا حاجه كده انااا ولا حاجه جوزى سابني ورمى عياله ورى ضهره عشان حبيبته الجديده الي مقدرش ينطق قدمها هى وقفه تبجح فيا وتقولى هو اصلا كان هيسيبك بس صعبتى عليه الزباله بتقولى انا الكلام ده وهو ولا نطق . وينطق ليه مانا كنت يادوب واحده جابوهالوا علشان يفتح بيت وخلاص
هناء :طيب اهدي ياقلبي واحكيلي الي حصل
همس: عايزه تعرفى بنتك حصل فيها ايه هحيكلك حاضر …
وحكتلها كل حاجه من اول معملة محمد الي اتغيرت لحد مارحتلهم الكافيه والكلام الى اتقالها من لورا
همس :سمعتي لسه هتقولي فاهمه غلط ولا هتقوليلي معلش ارجعي بيتك علشان خاطر عيالك ولا لالا عشان تبقي مطمنه عليا (وصوتها علا) مش ده كلامك ليا عشان اتجوز عشان تبقي مطمنه عليا مع راجل يحميني ويبقي عندى بيت وعيال واهو ادى النتيجه سيبت دراستى الى كان فاضلى فيها سنه واتخرج عشان ارضيكى و اتجوزت راجل خاين باعني انا وعياله عشان وحده تانيه
وسكتت شويه وبصت لامها الي دموعها نزلت علي بنتها وحست بالذنب ان هى الى اتسرعت وجوزتها لاول واحد جالها وادى النتيجه
هناء بدموع:حقك عليا يابنتي انا السبب بس والله ماكان قصدى انا فكرته راجل يعتمد عليه بس طلع واطى وبعد ماستحملتي ظروفه كل السنين دى اول ماربنا رزقه باعك
انا السبب انااا السبب
وفضلت تبكي جريت همس عليها لما شافتها انهارت كده وحست بالذنب
:انا اسفه ياماما اسفه والله انا مش عارفه بقول ايه دانصيبي والحمد لله انها جت لحد كده انا طلبت الطلاق منه وهرجع اعيش معاكي تاني انا وعيالي كفايه لحد كده
هناء:الي يريحك ياحبيبتي اهم حاجه متزعليش نفسك انتي لسه صغيره والف مين يتما
وقبل ماتكمل قطعتها همس :لا ياماما خلاص أنا هعيش اربي عيالي والحمد لله علي كده انا عمرى ماهعرف اثق فى راجل تانى عمرى
سكتت هناء لان مافيش كلام ينفع يتقال
همس:تصبحي علي خير ياماما انا هادخل انام
هناء:طيب هنعمل ايه اتصل باختك واخوكي كمان لازم يرجع من السفر
همس:لا متتصليش بحد الموضوع منتهى اصلا وسيبي اسر اخويا في غربته هو مش ناقص وانا الصبح هكلم حنين هقولها هي وفارس علشان يروح يخلص معاه اجرائات الطلاق
هناء بكسره قلب :الي تشوفيه ياحبيبتي تصبحي علي خير
همس:وانتي من اهله
دخلت همس الاوضه الي نايمين فيها عيالها ودموعها نزلت تاني بس مش علي جوزها علي نفسها وعيالها الي خلاص المفروض تاقلمهم يعيشوا من غير اب راحت نامت وسطهم واخدتهم في حضنها وغمضه عنيها واتمنت ان كل ده ميكنش حصلها وتصحي تلاقي نفسها تاني لسه بنت في بيت اهلها
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشق الأدهم)
