رواية عشق الأدهم الفصل الثالث 3 بقلم ماهي عاطف
رواية عشق الأدهم الجزء الثالث
رواية عشق الأدهم البارت الثالث
رواية عشق الأدهم الحلقة الثالثة
عند محمد. ولورا.
محمد وهو بيوصل لورا البيت وماسك اديها وخلاص المفروض تنزل من العربيه بصتله وقالتله
لورا :ها ياحبيبي هاتيجي تكلم بابا امتي
محمد ببسمه وهو باصص لعنيها اول مااخلص موضوع مراتي تاني يوم هكون عندك ومسك ايدها باسها
لورا :طيب لما اشوف اخرتها معاك كنت شايل هم هتقولها ازاي اهي عرفت لوحدها وطلبت الطلاق من نفسها يبقي فاضل ايه خلص بقي بكره علي طول انا تعبت من الانتظار بقالنا سنه مستنين
محمد:خلاص ياعمري بكره هخلص كل حاجه وبعد بكره هكون خاطبك انتي تامري
ضحكت لورا وقالتله : طيب سلام بقي ابقي كلمني لما تروح
محمد :حاضر ياحبيبتي سلام
ومشي بعربيته بعد ماهي طلعت وصل البيت واول مادخل كان فاكر ان همس موجوده وتقولوا دى شقتى وشقه عيالى وتعملها خناقه بس ملقاش حد في البيت رمي مفاتيحه و اعد علي اول كرسي قابله وقال في نفسه
عمرى ماكنت اتوقع ان اسمع الكلام ده من همس اه انا كنت عارف انها مابتحبنيش وان جوزنا كان جواز عادى بس مش عارف ليه قلبى وجعنى .ياتري الي انا عملته غلط ولا صح انا بحب لورا مش قادر اكمل مع همس طيب وعيالي انا مبقتش عارف .. هو ليه انا مش فرحان المفروض افرح ان خلاص هتجوز الي بحبها صح مش مهم اى حاجه تانيه انا عايز اعيش حياه تانيه حياه فيها حب ودلع ولورا هدلعني اخر
دلع واقنع نفسه ان هو صح ونسى انه ظلم انسانه بريئه عمرها ماجرحته ومافكرش ان الدنيا داين تدان
_____________
تانى يوم عند همس اتصلت باختها
همس بصوت تعبان : الو ايوا ياحنين عاملين ايه
حنين :الحمد لله مالك ياهمس صوتك تعبان كده
ليه انتى كويسه
همس بعياط:لا مش كويسه ياحنين فارس فين
حنين بخضه:فارس نزل الشغل مالك ياحبيبتى
فيكى ايه العيال كويسين
همس: اه كويسين ياحنين
حنين بقلة صبر :طيب ريحينى وقوليلى مالك بس
همس:انا هطلق ياحنين
حنين بصدمه:ايه ! طلاق ! ليه ايه الى حصل
احكيلى ياهمس
همس حكتلها كل حاجه
حنين :بتقولى ايه يا همس بقى سبها تبجح فيكى ومنطقش
همس بعياط:ولا حتى قدر يتنفس قدمها
حنين بغيظ : الواطى قليل الاصل منه لله عموما انا جيالك
ياحبيبتى هدى نفسك وانا هكلم فارس وهنجيلك
قفلت معاها حنين وكانت منه جنبها
منه: خالتوا مالها ياماما
حنين وهى مسهمه :خالتك هتطلق يامنه
شهقت منه :ايه ليه ياماما ايه الى حصل
حنين :هقولك بس استنى اما اكلم ابوكى الاول
وكلمت فارس جوزها وحكتله الى حصل ومنه جنبها
سمعاها وعيونها مبرقه
حنين اخت همس الكبيره اتجوزت فارس بعد قصه
حب ايام الكليه وربنا مارزقهمش غير ببنتهم الوحيده منه الي بتعتبر خالتها هى امها التانيه وروحهم في بعض
دخلت حنين لهمس واول ماشفتها خدتها في حضنها
ورجعت همس لدموعها تاني
حنين :كده ياهمس ماتكلمنيش تقوليلي وابقي معاكي
غير انهارده
همس بدموع :معلش ياحنين مكنتش عارفه اعمل
ايه كان لازم اوجه بس انا مش زعلانه عليه انتى
عارفه اني مكنتش بحبوا انا زعلانه علي الست سنين
الي ضاعوا مني معاه
حنين:ولا يهمك انتي لسه صغيره محدش عارف
بكره في ايه.
همس:هيكون في ايه ياحنين خلاص انا هربي
عيالي وهعيش علشانهم بس
حنين :مش وقت الكلام في بكره المهم فارس اتصل
بيه وقاله هيجي علي الساعه 7 علشان نشوف هنعمل ايه
همس:مافيش غير الطلاق الي هيتعمل هو اصلا كان
كده كده هيطلقني ده الكلام الي الهانم الجديده قالتهولى
حنين:الواطي سابها تبجح فيكى خطافة الرجاله و بعد ماستحملتي معاه كل ده والعيشه الي يادوب علي القد
اول ماربنا رزقه ويكبر يعمل كده هقول ايه منه لله
(محمد كان ماسك اداره معرض عربيات ومع الوقت فتح معرض خاص بيه واخد توكيل كذا نوع عربيه)
همس :المهم كلمي فارس وعارفيه كل حاجه وقوليلوا
ان انا مش عايزه منه حاجه غير الطلاق
حنين:يعني ايه الكلام ده انتي هتسيبي حقك وحق
عيالك لا ياهمس دا لازم يجبلك كل حقوقك
همس:ياحنين انتي عارفه اني مبحبش المشاكل انا
عايزه اخلص وافوق لعيالي
حنين بغضب من اختها :لا ياهمس كفايه سلبيتك دى
هى الى وصلتك لكده طول عمري اقولك خدى موقف
معاه فى اى مشكله وانتي تقوليلي لا انا كده كويسه
انا مبحبش المشاكل وادى النتيجه حقك هجبهولك
وهندمه علي الي عملوا معاكى وده اخر كلام
وسابتها وطلعت تكلم فارس اعدت همس وهي مش
عارفه هي صحيح كانت غلط علشان كانت عايزه تعيش
من غير مشاكل
عند حنين وهى بتكلم فارس :لا يافارس المرادى مش
هسمع كلامها كل حقوقها هتخدها منه ورجله فوق رقبته
فارس : اهدي ياحنين طيب مايمكن نعرف نصالحهم
علي بعض
حنين :نصالح مين يافارس بقولك كده كده كان هيطلاقها تقولي نصالحهم خلاص يافارس كفايه كده عليها همس
تعبت كل السنين الي فاتوا وهى مستحملاه وياريت عجبه
دا كمان الزباله الى كانت معاه بنبجح فيها وهو قاعد زى
قلته يطلاقها وبكره ربنا يعوضها ويفرحها انشاء الله
فارس:ماشي ياحنين الي تشفوه انا اصلا جاي علشان هو علي وصول
حنين :طيب سلام
فارس:سلام ياحبيبتي
قفلت معاه ودخلت لهمس لقتها اخدت عيالها فى حضنها وسرحانه ودموعها نزله بصت لهناء وراحت اعدت جنب همس
حنين :همس ياحبيبتى انا مش عايزه اشوف دموعك
دى تانى علشان خاطرى
همس بصتلها:انا مش زعلانه صدقينى ياحنين كل
الحكايه ان تعبانه شويه ونفسى ارتاح
هناء بدموع:ربنا يريح قلبك ياقلب امك ويعوضك خير
همس قالت لمامتها :ياماما ياحبيبتى بالله عليكى
ماتعملى فى نفسك كده انا والله كويسه قوى علشان
خاطرى متعيطيش
هناء: حاضر ياحبيبتى حاضر المهم هتعملى ايه لما يجى
همس:انا مش عايزه اشوف وشه هفضل جوه مع العيال
لحد لما يمشى
حنين : طيب وحقوقك مش هتكلمى معاه فيها
همس :ياحنين علشان خاطرى انا مش عايزه منه حاجه
هناء وهى بتبص لحنين علشان تسكت:خلاص ياهمس
الى تشوفيه
_____________________
عند محمد لورا بتكلمه فون
_____
محمد :ايوه ياحبيبتى انا خلاص وصلت
لورا : فهمت هتعمل ايه اتفاوض معاهم علي قد ماتقدر وحقوقها تخسف بيهم الارض يعني لو ليها الف تخليهم ميه سامعني احنا محتاجين كل قرش علشان نتجوز
محمد:خلاص ياحبيبتي فهمت وبعدين هى ملهاش غير ماخرها ونفقة عيالي واذا كان علي الشقه تاخدها تع
قاطعته لورا :شقه ايه دي الي تاخدها انت اتجننت لا طبعا تروح تعيش عند امها هي مش امها عايشه لوحدها
محمد:اه عايشه لوحدها بس علشان العيال مايسبوش
بيتهم وانا هجبلك احسن منها
لورا بعصبيبه :بقولك ايه مافيش شقق هتتساب وبعدين
احنا هنبعها علشان نجيب شقه اكبر سامعنى ياانا ياالشقه
محمد بسرعه :خلاص الي انتي عايزاه هعمله
لورا ببسمه :ايوا كده ياحبيبي انا خايفه علي مصلحتك
وبعدين مانا بكره اجبلك عيال وهيبقوا محتاجين كل
قرش معاك
ابتسم محمد :معاكي حق ياقلبي خلاص انا هقفل دلوقت ولما اخلص معاهم هكلمك
لورا:ماشي ياعمري سلام
قفلت معاه وهي بتفكر في الى ناويه تعمله _________________
في بيت همس وصل محمد وكان مستنيه فارس وهناء وحنين وكانت همس في اوضه عيالها مش عايزه تطلع
مش طايقه تشوفه
دخل محمد واول ما هناء شافته بصتله بصه عتاب وقهره على بنتها
بص في الارض لان من جواه عارف انه طلع واطي اتكلم
فارس : عمري ماتوقعت ان انت تعمل كده مع همس
يامحمد بعد مااستحملت معاك كل السنين دى بس
هاقول ايه الاصل بيبان مع العشره
بصله محمد واتعصب عليه :قصدك ايه يافارس اني
قليل الاصل
فارس :مشاء الله مانت نبيه اهو انت
محمد : مش يمكن هى الى وصلتنى لكده بعدم اهتمامها
بيا على طول مش فاضيه غير لعيلها وبس
حنين :وهما عيالها لوحدها يعنى وبعدين همس عمرها ماكانت مهمله فيك دى لحد لبسك بتحضره فين الاهمال ده
هناء :وهى يعنى حتى لو اهملتك شويه تروح تحب غيرها وكمان تتجوز سبحان الله على الزمن الى احنا فين
فارس :انت متستهلش واحده زى همس فعلا كفايه عليك واحده تتخدك علشان فلوسك وبكره تندم وهفكرك
في اللحظه دى خرجت همس وقاطعة فارس
همس: فارس لوسمحت مالوش لازمه الكلام ده كل واحد عارف نفسه كويس محمد انا طلبت الطلاق ومش عايزه غيره
حنين بعصبيه :وكل حقوقها تجبهلها والشقه كمان
محمد :لا معلش دي شقتي من تعبي وشقايا اسبهلها ليه انشاء الله
همس بصدمه :وانا اصلا مش عايزها ولا عايزه حاجه
تفكرني بيك
حنين:انتي بتقولي ايه ياهمس
همس:الي انتي سمعتيه مش عايزه الشقه انا هاخد
حاجتي منها وهسيبهالوا
فارس :ازاي ياهمس دى حق عيالك
همس :اذا كان هو مش هموا عيالوا ولا فكر فيهم
محمد بص في الارض تاني كان عايز يسبلها الشقه بس
خايف لورا تسيبه
همس :طلاقني يامحمد لو سمحت
محمد بصلها قوي وطلعت منه الكلمه وجعاه مش عارف ليه :انتى طالق ياهمس طالق !! بكره هنروح للماذون
نخلص كل حاجه وماخرك ونفقه العيال كمان هجبهم
بكره معايا عن اذنكم
مشي محمد ودخلت همس اوضتها معندهاش اى
استعداد تسمع حاجه من حد
دخلت لقت حور بنتها اعده بتلون قالتلها :ماما هو بابا مشى
همس :اه ياحبيبتي
حور :هو مجاش يكلمني ليه كنت عايزه اوريه اني شاطره في الحضانه وجبت عشره من عشره
همس بدموع مش عايزه تحررها :بصي ياحور انتي عارفه ماما بتحبك انتي وادم قد ايه ايه صح
حور :ايوه ياماما وانا كمان بحبك قد البحر
همس :احنا هنفضل هنا مع تيتا هنعيش هنا
حور مستغربه:ليه ياماما وبتنا مش هنروحوا تاني
ولعبي وحاجتي الحلوه
همس بتنهيده مش عارفه تقولها ايه :معلش ياحور
هنفضل هنا مع تيتا مش انتي بتحبيها
حور:اه ياماما بحب تيتا بس انا عايزه بابا
همس وقلبها وجعها قوي علي بنتها :بابا هيسافر
ومينفعش نعيش لوحدنا
حور بخضه:يعني مش هشوف بابا تاني
همس :لا ياحبيبتي هتشوفيه كل لما يرجع اجازه اتفقنا
حور:حاضر ياماما
حضنتها همس :قلب ماما يارب يخليكوا ليه
دخلت حنين متعصبه :انتي ازاى تتنزلي عن حقك كده
همس وهى بتبصلها قوي علشان ماتتكلمش قصاد حور :بعدين ياحنين
حنين فهمتك راحت لحور :حور ياقلبي وحشتيني
حور : وانتي كمان ياخالتوا منه فين
حنين :في اوضه تيتا
همس مستغربه لانها مشافتش منه :هى جت معاكي
اومال ماجتش تكلمني ليه
حنين :من ساعت مادخلت وسمعت الي حصل وهى
بتعيط جوه
جريت همس على منه ودخلت لقتها مبهدله نفسها عياط
همس: منه مالك ياقلبي
جريت عليها منه وحضنتها : حبيبتي ياخالتوا متزعليش
انتي احسن واحده في الدنيا هو الي خسر
همس غمضت عنيها بوجع وطلعت من حضنها : انا مش زعلانه يامنه انتي اكتر واحده عارفه انى مكنتش بحبوا
كل الحكايه ان صعبان عليا سنين عمري الى راحت معاه
منه:انتي لسه صغيره والف واحد يتمناكي
همس : خلاص يامنه انا اخدت نصيبي من الدنيا اهم
حاجه عيالي وبس
منه :بس انتى
قاطعتها همس : خلاص يامنه علشان خاطري المهم
عامله ايه فى الكليه واياد عامل ايه
منه فى سنه تالته كليه فنون جميله وبتحب زمليها وابن صاحبة مامتها من سنه ومتفقين ان بعد مايخلص يجي يخطبها
منه وهى بتحاول تخرج همس من حاله الحزن الى
هى فيها : الحمد لله اسكتي عملتلك فى اياد حته
مقلب انما ايه طلع من دماغه
همس بضحك :يابنتي حرام عليكي هتموتيه قبل اوانه
منه :وانا مالى هو الى بيحب يعصبني وانا مش بسيب
حقي وفضلت ترغي معاها وتحكلها علي عملته في
اياد وهمس مش بطله ضحك
بره هناء وحنين وفارس سامعين صوت ضحكهم
هناء بوجع علي بنتها :ياقلبي يابنتي انا السبب في
الى انتي فيه
حنين مسكت اديها وبستها :لا ياماما ده نصبها ويعالم
بكره في ايه
فارس: ايوه ياماما همس لسه صغيره والعمر قدمها
بكره ربنا يرزقها بواحد ابن حلال
حنين :مفتكرش انها ممكن توافق تتجوز تاني يافارس
فارس :سبيها للايام يعالم مخبيلها ايه !!!!!!!!!!!!
(فعلا ياعالم الايام مخبيلها ايه )
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشق الأدهم)
