رواية عشق الأدهم الفصل التاسع عشر 19 بقلم ماهي عاطف
رواية عشق الأدهم الجزء التاسع عشر
رواية عشق الأدهم البارت التاسع عشر
رواية عشق الأدهم الحلقة التاسعة عشر
عند همس صحيت من النوم بدرى زى عادتها وقفت قدام الدولاب مش عارفه تلبس ايه محروجه تطلع قدام أدهم بلبس بيت وشعرها بس اقنعت نفسها ان مينفعش تبقى عايشه معاه فى بيت واحد وتفضل بلبس خروج وطرحه لبست بادى نصف كوم بينك وبنطلون أسود وفردت شعرها الى واصل لقبل اخر ضهرها بشويه وخرجت من الاوضه راحت المطبخ تحضر الفطار
أدهم صحى وفضل نايم على السرير بيسال نفسه ياترى
لسه نايمه ولا صحيت قام يشوفها يمكن تكون خرجت
من الاوضه واول ماطلع من اوضته سمع صوت فى
المطبخ بص لقاها همس وقفه تحضر الفطار وقف سهم
همس حست بحد ورها بصت لقت ادهم واقف مسهم : أدهم مالك انت واقف كده ليه انا حضرت الفطار خلاص اهو
ادهم مردش عليها لفت وراحت وقفت قدامه : أدهم انت كويس مش بترد عليا ليه
أدهم اخد اديها وحطها على قلبه وبصوت هادى جدا :
حاسه بايه
همس : قلبك بيدق قوى ليه كده
أدهم بحب : علشان شايف اجمل وارق واحلى همس
فى الدنيا كلها
همس وشها احمر وبصت للارض ادهم رفع وشها وقالها وعينه فى عنيها : صباح الجمال والرقه ياحلى همس
فى الدنيا كلها
همس اتوترت من كلامه :. اااانا هرررح اصحى حور وادم يفطروا
جريت من قدامه دخلت اوضه العيال وقفلت الباب ووقف وراه حطت ايدها على قلبها : اهدى ياهمس فى ايه ده بيجاملك بكلمتين مش اكتر اهدى الله يهديكى هى مش ناقصه
اما بره كان أدهم لسه واقف هيمان : طب اعمل ايه
ادخل اكولها !! صبرنى يارب ..اهدى ياأدهم واجمد
كده لازم تتعود على شكلها ده كل يوم يارب هونها
عليا قبل ماهمس بنت طنط هناء تجيب اجلى
طلعت همس معاها حور وادم الى جريوا على أدهم
حور راحت باسته من خده : صباح الخير يابابا
أدهم : صباح العسل ياسكر بابا
أدم راحله هو كمان وباسه : صباح الخيى يابابا ياحيو
أدهم بصله بنص عين : انت بتشتمنى ياادم
ادم : يأ وياهى
أدهم بتفكير: اومال ايه حيو دى اختصار حيوان ولا ايه
همس ضحكت قوى ادهم بصلها عايز يقولها ارحمينى
من ام ضحكتك كمان
همس ترجمتله : بيقولك صباح الخير يابابا ياحلو
ادهم بصله وباسه قوى : والله انت الى حلو وقمر وانا
عايز اكلك (ووطى صوته ) انت وماما
ادم سمعه : عايس تاتوى ماما ليه
ادهم برق لانه فهم انه سمعه وهمس بصتله بنص
عين وابتسمت
ادهم حط فى بوق ادم حتت عيش : كل ياادم ياحبيبى واسكت هتفضحنى الله يهديك
كملوا فطارهم وقامت همس تشيل الفطار وادهم قام
ساعدها هو وحور
بعد ماخلصوا راحوا قعدوا مع بعض
أدهم بصلهم وقالهم : ها تحبوا تعملوا ايه النهارده
همس استغربت : هو انت مش رايح الشغل النهارده
أدهم : لا ماهو المفروض انى عريس واخد اجازه كام
يوم شهر عسل
همس اتحرجت منه انها حرماه من ابسط حقوقه وبان
عليها انها زعلت أدهم مسك اديها : احلى شهر عسل
ممكن اقضيه هو لما اكون معاكم وانتوا قعدين حوليا
همس ابتسمت وفضلت بصاله وسكته بس السكوت
ساعات بيكون احلى من الكلام قطع سكوتهم أدم
ادم : بابا اتم عايس يخيج
أدهم : عايس وفهمتها يخيج دى ايه
همس ترجمت: يخرج ياأدهم ماهى باينه اهى
أدهم رفع حواجبه : صدقى فعلا باينه وانا راجل مفترى .
.انا لازم اعمله كراسه واكتب فيها الكلمه ومعناها علشان
اقدر افهم مانا بحب ابقى فاهم كل حاجه
همس ضحكت : وعلى ايه كل ده انا هبقى افهمك كل
كلامه واحده واحده
أدهم بصلها وقصد حاجه تانيه : بجد هتفهمينى واحده واحده اعتبر ده وعد
همس حاسه انه يقصد حاجه تانيه فمرديش عليه
أدهم: مردتيش عليا ليه
همس : فى ايه
أدهم : انك تفهمينى كل حاجه
همس بصتله : قصدك كلام ادم حاضر هبقى افهمك .
.انا هقوم احضر الغدا
أدهم مسك اديها : لا متعمليش اكل احنا هنخرج نتغدا بره
حور وادم هيصوا وراحوا باسوا أدهم وحضنوه وكل ده وهو عنيه عليها هو كان قصده تفهمه ليه بتبعد عنه ليه مصممه تفضل لوحدها وهى فهمته و بتحاول تهرب من عنيه
أدهم قضى معاهم كام يوم اجازه وكل يوم نفس النظام يقومو يفطروا ويا يتغدوا بره ويقضوا اليوم خروج يايتعشوا ويلفوا البلد واخر الليل يروحوا بحور وادم نايمين يدخل أدهم ينيمهم وكل واحد يروح اوضته بس ياترى هيفضلوا كده لامتى
_______________________
جاسر ولوجين قربوا من بعض فى الفتره الى عدت كل
يوم مكالمات الصبح وبالليل بس محدش فيهم اعترف
بحبه للتانى وفى مكالمه بينهم
جاسر : ايوا يالوجى عامله ايه
لوجين : الحمد لله خلصت شغل بدرى النهارده ولا ايه
جاسر : لا لسه مخلصتش بس اخت بريك قولت اسمع
صوتك فيه
لوجين ابتسمت: طيب مانت مكلمنى من حوالى ساعتين وكان بريك برده
جاسر : وانت زعلانه انى عايز اكلمك كل شويه ولا
علشان باخد بريك كتير
لوجين : ولا ده ولا ده انا بهزر انا ببقى مبسوطه لما
بتتصل بيا كل شويه
جاسر : بجد يعنى مش بتزهقى منى
لوجين : اكيد لا
جاسر : ليه
لوجين : ليه ايه
جاسر : ليه مش بتزهقى منى
لوجين : لنفس السبب الى بيخليك تتصل بيا كل شويه
جاسر بصوت هادى : طيب انا بتصل كل شويه بيكى
علشان بحبك انتى مش بتزهقى ليه
لوجين سكتت بس كانت طايره من الفرحه انوا اخيرا
قالها بحبك
جاسر : سكتى ليه انتى مكنتيش حاسه انى بحبك
من اول مره شوفتك فيها دانا بقيت بعد الساعات
والدقايق علشان انزل اجازه واقدر اشوفك
لوجين لسه ساكته مش عارفه تقوله ايه
جاسر لما سكوتها طال افتكر انها مش عايزاه : الظاهر
انى اتسرعت وقولتلك على مشاعرى قبل ما اتاكد
فى حد فى حياتك غيرى
لوجين بسرعه : لا ياجاسر مافيش حد والله غيرك انا ب
وسكتت لوجين واتحرجت من اندفعها فى الكلام
جاسر ابتسم وقلبه دق بسرعه: سكتى ليه يالوجى
مستهلش تكمليها
لوجين : لا تستاهل كل حاجه حلوه فى الدنيا تكون
ليك ياجاسر
جاسر : وانا مش عايز غيرك تكونى معايا وفى حضنى ديما
لوجين بحب: وانا جنبك عمرى ماهبعد عنك ابدا
جاسر: طيب قوليها يالوجى ريحى قلبى
لوجين : اقول ايه
جاسر : انتى عارفه انا عايز اسمع ايه وحياتى عندك لتقولى
لوجين : انا بحبك قوى ياجاسر
قالتها بسرعه وقفلت السكه حضنت التلفون وغمضت
عنيها تحلم بيه ..جاسر بعد ماقفلت بص للتليفون وابتسم وقرر ان لازم بجوزها وبسرعه
عدى كام يوم ونزل اجازته اول لما دخل نده على مامته
جاسر : ماما ياماما
خرجت هدى من اوضتها : جاسر حمد الله على السلامه ياحبيبى
جاسر راح باس ايدها : الله يسلمك ياحبيبتى
هدى ،: احضرلك الغدا
جاسر : لا ياماما انا عايز حاجه تانيه
هدى : عايز ايه ياقلب امك
جاسر : عايز اتجوز
هدى فرحت جدا : بجد ياجاسر اخيرا هفرح بيك
ومين بقى الى خليتك تسلم كده
جاسر : الى غرقت بيتنا ميه وغرقتنى فيها
هدى بفرحه: لوجين بجد ياجاسر
جاسر : اه هى عايز اتجوزها وياريت بسرعه
هدى : ياواد اتقل شويه ولا مش قادر
جاسر : لا مش قادر هاا هتجوزنى امتى
هدى ضحكت: طيب استنى بس بعد فرح اختك وهجوزك
جاسر : ماشى استنى الكام يوم دول بس تعزميها على الفرح
هدى : حاضر ياسيدى هعزمها بنفسى
جاسر باس راسها ودخل اوضه يكلم لوجين
___________________________
اسر خلص شقته وجهز كل حاجه واجى اليوم الى مستنيه يوم فرحه راح الصبح اخد نور وهمس وصلهم الكوافير
نور : انا متوتره قوى ياهمس تفتكرى هطلع حلوه
همس : تطلعى حلوه يابنى انتى اصلا فى الطبيعى قمر اومال لما تلبسى الفستان العسل ده هتبقى ايه
نور راحت حضنتها : حبيبتى ياهموسه ربنا يخليكى ليا ( وبصت حوليها ) اومال فستانك فين
همس بقله حيله : حكم القوى بقى أدهم مرصاش يخلينى اخده والبس هنا
نور : ليه ياهمس
همس بتقلد أدهم : افرضى حضرتك فى كاميرا هنا ولا هنا حد يشوفك وانتى بتغيرى
نور ضحكت: سيدى ياسيدى على الغيره والحب المولع
فى الدره !! طيب هتعملى ايه
همس : ابدا ياستى هلبسك الفستان واطمن عليكى
وهيجى يخدنى البيت البس وارجعلك
نور : طيب ربنا يعينك عليه بس شكله بيحبك قوى
ياهمس واكيد انت كمان بتحبيه صح
همس بصتلها قوى وسكتت
نور استغربت سكوتها معقول تكون مش بتحبه : مالك ياهمس انتى مش مبسوطه معاه
همس بسرعه : لا طبعا بالعكس انا اسعد واحده فى الدنيا أدهم مافيش زيه طيب جدا وراجل بمعنى الكلمه
نور : طيب مالك حاسه انك فيكى حاجه بقالك فتره كبيره
همس : مافيش حاجه صدقينى كل الحكايه انى كنت بتمنى امنيه استحاله تتحقق
نور : ايه هى ياحبيبتى
همس : ان أدهم يكون اول واخر راجل فى حياتى
نور فهمت زعلها من ايه مسكت اديها : مش مهم ياهمس
هو اول ولا حتى عاشر المهم انوا الاول هنا (وشاورت على قلبها ) ويبقى الاخير انشاء الله عيشى حياتك ياهمس واعملى كل حاجه كان نفسك تعمليها واتحرمتنى منها ومتزعليش على الى راح خليكى فى الى بين اديكى وعلى قد ماهتحببه هيحبك وبزياده صدقينى
همس بتفكير كلام نور من غير ماتقصد خالها تشوف
حاجات كانت تايها عنها حب أدهم ليها هيكبر ازاى
وهى مش شايف منها حب قصاده وده خوفها اكتر
نور : همس روحتى فين
همس : معاكى ياحبيبتى يالا تعالى البسك علشان
الحق اروح وارجعلك تانى
قامت معاها وتفكيرها كله فى كلام نور خلصت واتصلت باأدهم جالها اخدها وراحوا البيت دخلت الاوضه تلبس لقت صندوق اسود كبير وعليه قلب احمر ابتسمت وفتحته كان جواه فستان فضى تصميمه يشبه جسم حوريه البحر من تحت اقل مايقال عنه روعه ومعاه طبعا كل حاجه ممكن تحتاجها سابت الفستان وطلعت لأدهم الى كان مستنى يشوف رد فعلها
همس وقفت قصاده : حلوه قوى قوى ياأدهم بس ليه انا جبت فستان
أدهم : انا عارف انك جبتى واحد بس ده عاجبنى قولت مافيش واحده ممكن تكون اجمل منك علشان تلبسه ايه المشكله
همس بزعل : المشكله ان نفسى اعمل حاجه واحده تسعدك قصاد كل حاجه انت بتعملها بس للاسف مش عارفه
أدهم قرب منها ومسك اديها : انتى بتعملى فعلا ياهمس كفايه انك جنبى ومعايا فى مكان واحد وصدقينى دى
اكتر حاجه بتسعدنى
همس : بجد ياأدهم
أدهم : بجد ياقلب ادهم يالا بقى هنتاخر على الفرح ولسه ادم باشا مالبسش والاميىره حور محتاجه تتسرح
همس : حاضر ربع ساعه وهجهز
سابته ودخلت ….وعيونه عليها هو عارف انها من جوها تعبانه والى حصلها مكنش سهل خصوصا على واحده زيها اى حاجه بتاثر فيها ومحمد كسر فيها كتير ثقتها فى نفسها رغم انها جميله معدتش حاسه بكده مافيش جوها زره ثقه فى الرجاله وفوق كل ده بقت خايفه تبين حبها لتنجرح اكتر
أدهم لنفسه : انا هفضل معاكى ياحبيبتى لحد متعدى
كل ده وتثقى فيا وفى حبى ليكى
همس خلصت وخرجت كان ادهم لبس ادم ووقف فى الصاله مستنيها اجت من وراه لف لقاها قصاده واقفه كانها حوريه طالعه من البحر
أدهم انبهر بجمالها اكتر : طيب قوليلى اعمل ايه انزلك ازاى دلوقت بالشكل ده
همس افتكرت ان شكلها مش عجبه فزعلت : هو انا شكلى وحش للدرجادى خلاص هغيره
ولفت تدخل الاوضه مسك اديها : وحش ايه ياهمس دانا حاسس ان حوريه البحر طلعتلى ومش هترتاح الى لما تغرقنى اكتر مانا غرقان
همس بزعل شبه الطفله الى قالولها انتى وحشه: يعنى
شكلى حلو ولا وحش
أدهم : قمر لا مش قمر !! ملكة جمال
همس ابتسمت : بجد
أدهم : اه والله تحبى احلفلك
همس : لا خلاص صدقت
حور طلعت ببوز : انتوا هتفضوا تتكلموا وانا ليه
شعرى عامل كده عايزه اتسرح واحط التاج ده علشان
ابقى اميره حلوه
همس راحتلها : بس كده من عنيا ياقمرى يالا بينا
أدهم : انا هدخل اجهز تكونوا خلصتوا
همس : ماشى
ادهم دخل لبس بدلته وحدد دقنه وسرح شعره ورش
من برفانه المفضل كان وسيم لدرجه تسحر اى ست
خرج كانت همس خلصت تسريح حور واول ماشفته
سهمت وقالت لنفسها : انا الى مش عايز تنزل بيا امال
انا اعمل ايه دانت هتتخطف منى فى الفرح
أدهم قرب منها : انا لو حلو قوى كده لدرجه انك
تسرحى فيا يبقى بعد كده هتغر فى نفسى
همس انتبهت وقالتله بحرج: يالا بينا هتاخر على نور
ادهم : يالا
طلعوا من الشقه ووقفوا يستنوا الاسانسير ركبوه ويدوب نزل دور ووقف ركبت واحده معاهم ومن اول مادخلت وعنيها على ادهم همس لحظت وحست انها عايزه تخنقها وفجاه لقت الى معاهم اتكلم
مدت ايدها لادهم : هاى انا سوزى جارتكم لسه ساكنه امبارح
ادهم بص لايدها وملحش يفكر حتى يمد ايده كانت همس مسكت ايدها بداله : اهلا يامدام نورتى
الاسانسير وقف همس سابت ايدها : معلش كان نفسنا
نتعرف بس معنداش وقت ليكى سلام
وبصت لادهم : يالا ياحبيبى اتاخرنا
أدهم بصلها قوى ومش مصدق ودانه هى قالت حبيبى
ولا انا متهيالى
ركبوا العربيه كل ده وسوزى واقفه تبص عليها ومتغاظه من همس وبتقول لنفسها : ماشى يابتاعه انتى ميسره هيقع تحت ايدى هو ده يتساب
أدهم طول الطريق عمال يبصلها كل شويه : همس انتى قولتى ايه واحنا طالعين من قدام سوزى
همس فاهمه هو بيسال على ايه هى اصلا مش عارفه طلعت منها ازاى : انا مقولتش حاجه قولتلك يالا ياادهم اتاخرنا اصلها شكلها ست مش مضبوطه
أدهم : انتى متاكده انك مقولتيش حاجه
همس : لا ياأدهم مالك فى ايه هو انت سمعت ايه
أدهم : ولا حاجه ياهمس يالا وصلنا
وصلوا عند نور وكان اسر كمان وصل اخدوا نور الى
كانت قمر بفستنها الابيض المنفوش واسر اول
ماشافها فضل حاضنها ومكنش عايز يسبها
وصلوا القاعه ودخلوا نور واسر على انغام اغنيه الرائعه ماجده الرومى طلى بالابيض زى ماطلبت منه نور قعدوا
فى مكانهم والكل راح يهنئهم
وبدا الفرح بالرقصه السلو على اغنيه للعروسين وبعديها
الكل بدا يهيص
ادهم كان واقف جنب همس قرب وشوشها : على فكره انا سمعت انتى قولتى ايه كويس وعارف انها من قلبك بس مش هغصب عليكى تقوليها تانى الا لو انتى عايزه
وسابها وراح لشريف وهى فضلت بصه عليه وملاحظه
ان فى كام واحده عنيهم عليه الغيره سيطرت عليها
راحت وقفت جنبه وكل لما تلاقى واحده بتبصله تبقى
هاين عليها تروح تضربها أدهم استغرب هى مالها واقفه
لازقه فيه ليه كده ابتسم وقال لنفسه مش مهم ليه
المهم انها جنبى
اياد راح لمنه نده عليها : بقولك ايه ماتيجى نتجوز احنا
كمان بقى انا تعبت
منه : ياريت يااياد مانت عارف بابا مش موافق الا لما
اخلص اهى هانت كلها سنه وكام شهر
اياد بضيق : سنه وكام شهر بتقولها كانها ساعه وكام
دقيقه وبعدين تعالى هنا ايه الفستان الى انتى لبساه ده
منه لنفسها اه هيطلع قرفه فيا : ماله الفستان ياحبيبى بس
اياد : ضيق قوى من فوق وبعدين فى خصله من شعرك باينه
منه قربت مسكت ايده : حبيبى انا عارفه انت مضايق ليه بس والله مش بايدى حاجه اعملها اقولك ايه رئيك تخلى عموا شريف وأدهم يكلموا بابا انى اكمل السنه الى ناقصه واحنا متجوزين
اياد : وتفتكرى هيوافق
منه : ممكن يوافق هنجرب مش هنخسر حاجه
اياد بزعل : ماشى ربنا يسهل
منه : اياد وحياتى عندك بلاش تزعل انت عارف انا
بضايق قد ايه لما بتزعل كده
اياد ابتسم : خلاص ياقلبى مش زعلان
منه : طيب مش هترقص معايا سلو
اياد : هو انا اطول ارقص مع القمر ده اول ماتيجى
الرقصه هنرقص
جاسر كان واقف عنيه على باب القاعه لحد ماشافها
وصلت راح وقف قصدها
جاسر بابتسامه: اتاخرتى ليه
لوجين بكسوف: كنت مستنيه بابا يوصلنى الف
مبروك عقبالك
جاسر ابتسم : قريب ان شاء الله على فكره
وحشتينى قوى
لوجين اتكسفت اكتر وبصت للارض
جاسر :بقولك ايه ماتيجى نرقص سلو
لوجين : اتكسف ياجاسر قريبك يقولوا ايه وبعدين
مينفعش انا راحه ابارك لنور
جاسر : استنى انا جاى معاكى اعرفكم ببعض هو
انتى تعرفيها اصلا
وراحوا لنور الى اعجبت بيها جدا وغمزت لجاسر انها حلوه
شويه والدى جى طلب من كل كابلز يشارك العروسين فى رقصه السلو
كل اتنين طلعوا يرقصوا حنين وفارس ومنه واياد وناديه وشريف
أدهم مسك ايد همس : ممكن ملاكى ترقص معايا
همس : لازم يعنى
أدهم : يعنى لو تتعطفى عليا بالرقصه دى يبقى كتر خيرك
لو مش عايزه اروح اشوف اى واحده ارقص معاها
همس : ماشى يالا انا هرقص معاك
طلعوا على الاستيچ وقف قصدها ولف ايده حوليها قربها منه وهى رفعت ايدها على صدره وبدات اغنيه( عمرو دياب معاك قلبى ) بص لعنيها وبدا يقول كلمات الاغنيه ليها مع صوت عمرو دياب
قولى ياحبيبى ليه وانت عنى بعيد انا شوقى ليك بيزيد
وان جيت انا برتاح
قولى ياحبيبى ايه الى غيرنى وازاى بتشغلنى عن عمر
قبلك راح
معاك قلبى وبلاش تغيب عنى بتوحشنى
معاك قلبى والله ولا بنسااااك معاك قلبى وبلاش تغيب عنى بتوحشنى ماليش غيرك حبيب قلبى يااحلى ملاك
احلى ايامى واجمل سنين تتعاش جنبك ياما بلاش من غيرك اتمناه هو ده كلامى حبك مافيش بعديه فتحت عينى عليه وعرفت راحتى معاه
معاك قلبى وبلاش تغيب عنى بتوحشنى
معاك قلبى والله ولا بنسااااك معاك قلبى وبلاش تغيب عنى بتوحشنى ماليش غيرك حبيب قلبى يااحلى ملاك
خلصت الاغنيه والكل نزل مكانه الا أدهم وهمس فضلوا مكانهم واقفين قصاد بعض وعنيهم بتقول احلى كلام وكانهم فى عالم تانى مافيهوش غيرهم كل الى فى القاعه كانوا بيتفرجوا على العاشقين الى مش حاسين بالناس وفيهم الى فرحان وفيهم الى بيحسدها عليه وفيه العكس
اياد خاف عليهم ياخدوا عين طلع لادهم وخبط على ضهروا :أدهم الاغنيه خلصت من ربع ساعه
همس انتبهت ان الكل بيص عليها وادهم بص لاياد بغيظ
انوا فوقهم من حلمهم الى مش عارف ممكن يتكرر تانى
ولا لا حلم ان همس تبقى فى حضنه وبين اديه نزلوا
الاتنين ولسه تأثير الاغنيه عليهم وخصوصا همس الى
قلبها وعقلها رجعوا يتخانقوا تانى
خلص الفرح واسر اخد نور وطار على بيته وكل واحد
روح بيته
أدهم اخد همس وحور وادم وروحوا وطول الطريق متكلموش خالص دخلوا البيت همس اخدت العيال
نيمتهم وطلعت كان أدهم واقف فى البلكونه
ومغمض عنيه همس راحتله
همس:أدهم انت كويس
أدهم فتح عنيه ولفلها قرب منها : انا كويس ياهمس
انتى كويسه
همس بصت للارض وعنيها دمعت : انا عارفه انك
تعبت منى بس صدقنى غصب عنى انا مقدره انك مستحملنى ياأدهم ولو عاي
أدهم قاطعها وحط ايده على شفايفها : هششش
متكمليش ياهمس وقولتلك قبل كده بلاش دموعك
تنزل مافيش حاجه تستهلها ابدا ياحبيبتى
همس : انت ياأدهم تستاهلها انا عارفه انك بتتعذب
بسببى انا اسفه
أدهم قرب اكتر وباس جبنها وسند عليه بجبينه: كفايه ياهمس انا عذابى ان اشوف دموعك وبس وقولتلك
ميت مره انا كفايه عليا انك جنبى وانا اسعد راجل
فى الدنيا انك مراتى ياهمس صدقينى
همس بعدت شويه : بجد ياأدهم
أدهم بص لشفيفها ومقدرش يبعد قرب منها وباسها
بكل اشتياقه ليها وهى مقومتش وحست ان دى
اول مره فى حياتها حد يبوسها
أدهم بعد شويه وبص لعنيها : عارف انا وعدتك انى مش هلمسك بس موعدتش انى مش هلمس شفافيك
همس كانت حاسه انها فى دنيا تانيه كلها فرشات ملونه طايره حوليها
أدهم قرب باس خدها : تصبحى على خير ياقلب أدهم
همس صوتها طلع بالعافيه : وانت من اهله
كل واحد دخل اوضه ومعاه حلم جميل يصبره على بكره
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشق الأدهم)
