رواية عشقي الوحيد الفصل السادس عشر 16 بقلم اسراء بكار

رواية عشقي الوحيد الجزء السادس عشر

رواية عشقي الوحيد البارت السادس عشر

رواية عشقي الوحيد الحلقة السادسة عشر

نرجع لاحمد لما طلب من ساره أنهم حيخرجوا يتفسحوا وطبعا خرجوا وفضلوا طول النهار بره وأحمد جاب لساره كل الا نفسها فيه وبدأ يهتم بأخته ووصلوا البيت بليل الساعه 10 اتعشوا ونامو .
تاني يوم بطلتنا قامت كلمت ندي علشان وراهم سكاشن وخدوا جدول الامتحانات وقابلت كنوز وسلمت عليها وخدوا سكاشنهم روحوا علي العصر.
نرجع لبطلنا رجع شغله من تاني ودخل مكتب سياده اللواء علطول .
اللواء حسين :اهلا اهلا يبني عامل اي حمد الله علي السلامه .
احمد : الله يسلمك يافندم .
اللواء حسين :أنا فخور بيك انت ومحمد بجد عمركم ما خيبتوا ظني فيكم .
احمد :وعمره ما حخيب يفندم دائما بفضل الله الاول حنكون عند حسن ظن حضرتك احنا تلاميذتك يفندم .
اللواء حسين :تعالي تعالي عاوز احضنك واخد ثقه ابوك بالضبط وفعلا حضنه حضره اللواء وقاله :بص بقه في مهمه عاوزه تركيز وشغل جامد جدااا .
محمد :السلام عليكم يفندم .
اللواء حسين :اهلا حضره المقدم عامل اي .
محمد :الحمد لله يفندم بخير والحمد أن حضره العقيد بخير قلقني عليه كتير بصراحه.
اللواء حسين :ربنا يديمكوا يارب أنا عارف انك بالنسبه لاحمد اخ صغير وانا مبسوط منك واخد تصرفات سيف اخوك الله يرحمه .
استووووب نعرف سيف سيف اخو محمد الأكبر كان زميل احمد الروح بالروح لكن ربنا توفاه واستشهد في مهمه ومحمد زعل كتير ودخل في حاله صدمه لأن سيف كان بالنسبالوا الاب والاخ وسيف برده وصي احمد علي محمد واحمد ليه الفضل أن محمد يطلع من حالته وبدأ يعمل بوصيه سيف ومعتبر محمد ابنه البكري مش صاحبه.
اللواء حسين :ربنا يديمكوا لبعض حبايبي .
محمد :يارب يفندم .
اللواء حسين :المهمه المره دي في راجل اسمه جابر الشيمي دا بيتاجر في الاعضاء والسلاح وخاطف مجموعه بنات كبيره جدا علشان يبيعهم ويقبض تمنهم وطبعا وبياخدهم للمتعه واحنا لازم نرجع البنات دي لاهاليها قبل ما يسفرها بره مصر .
محمد :يسفرهم بره مصر ازاي يفندم ويسفرهم ليه اصلا.
اللواء حسين :طبعا يسفرهم عن طريق المينا في سفاجا علشان يبيعهم لناس اكبر ويقبض تمنهم وياخد فلوسهم .
محمد :هو في ناس كدا يفندم .
اللواء :في اكتر من كدا يحضره المقدم .
احمد :نتحرك أمته يفندم.
اللواء :مش دلوقتي خالص علشان نقدر نلحق البنات ولسه لما يجيلي رد من القوات الا هناك يعني تكونوا مستعدين اي وقت وكل الا عليكوا تجمعوا المعلومات عنه لأن دا اخطر راجل في العالم ولازم تاخدوا احتياطاتكوا كويس جدااااااا.
احمد :تمام يافندم.
طلع احمد ومحمد وراحوا مكتب أحمد وأحمد قعد يلعب رياضه ومحمد بيدرس الملف الا اخدوه من حضره اللواء وبعد شويه علي الساعه 4 روحوا بيتهم .
وعدت الايام والليالي وأحمد ومحمد جمعوا المعلومات عن جابر الشيمي وان هو أخطر راجل في تجاره السلاح واسراء ونور وساره بيذاكروا علشان امتحانات اخر السنه والكل بيشتغل بجد وأحمد بدأ يهتم بأخته وطبعا غيرته عليها عمرها ما قلت ومحمود وناهد بيستعدوا للفرح خلاص لأن فاضل 6شهور .
نرجع بقه لبعد الامتحانات الكل ذاكر ومتستنيين النتيجه بفارغ الصبر في يوم بطلنا كان بيعمل رياضه الساعه 8بليل لقي الباب بيخبط لقاه ساره .
احمد :تعالي يساره .
ساره :يلا يا ابيه العشاء جاهز .
احمد :عامله اي الاول لسه بتكلمي مازن .
ساره :مستنيه النتيجه واه طبعا بكلمه .
احمد بدأ يتعصب :لسه برده بتكلميه هو في الاجازه كمان طب الدراسه وقولنا ماشي بيساعدك والاجازه كمان .
ساره اتوترت وقالت :ما انت عارف كل حاجه يا أبيه .
احمد بحده:اوعي تكوني قولتليه حاجه مش قولنا نركز علي هدفنا .
ساره والدموع في عيونها : والله ما قولت حاجه يا أبيه .
محمود كان نازل دخل علي صوتهم وقال :مالكم صوتكم عالي ليه كدا .
ساره حبت تنهي المشكله :مفيش حاجه يا أبيه كنت بندهله علشان العشاء .
محمود :طب يلا ونزل التلاته لقوا الاكل جاهز وأحمد استغرب أن ساره مش قاعده جمبه لأنها علطول بتقعد جمبه بصلها لقي في عيونها دموع وخوف وسرحانه كل دا تحت نظرات ابوهم احمد بص لابوه لقاه بيبصله بتحذير احمد فهم انو لازم يصالحها ويهدي عليها .
الاب :عامل اي يا احمد.
احمد :الحمد لله يحاج الشغل كله تمام .
الاب :طب عاوزك انت وساره بعد العشاء في المكتب .
الام :عاوزهم ليه هما عملوا حاجه .
الاب :لا مفيش حاجه ولقوا الجرس بيرن احمد فتح لقاه حضره اللواء حسين .
احمد :اهلا يافندم اتفضل.
اللواء حسين :اهلا يبني عامل اي .
اللواء محمد :اهلا اهلا بصاحب عمري منور البيت .
اللواء حسين :أنا قولت اسال انت من ساعد ما اتقاعدت وانت مفيش سؤال اذيك يمحمد واحشني والله.
اللواء محمد ………
اللواء حسين :اذيك انت يمحمد عامل اي واحشني والله قولت اسال أنا انت مش بتسال من ساعه ما اتقاعدت عن الشغل .
اللواء محمد :حقك عليا بجد وكمان احمد معاك في الشغل اهو .
اللواء حسين :أنا مليش دعوه باحمد انت بالنسبالي حاجه وأحمد حاجه تانيه خالص .
احمد :كب اتفضل يفندم المكتب بدل الوقفه دي .
اللواء حسين :احمد بره الشغل اسمي عمي حسين إنما في الشغل حضره اللواء ماشي .
احمد :اكيد يفندم .
اللواء حسين ضحك :تاني حيقولي يفندم ابنك واخده اخلاقك وكل حاجه منك يمحمد.
اللواء محمد :ربنا يحميه يارب .
ساره جابت حاجه تتشرب ودخلت اللواء حسين قال :اذيك يساره كبرتي يساره وبقيتي عروسه .
ساره بكسوف :اذيك يعمو عامل اي .
اللواء حسين :الحمد لله يقمر اخدك عروسه لابني بقه من دلوقتي .
ساره اتوترت :ورانا مذاكره يعمو .
اللواء حسين :مازن ابني قدك بالضبط .
ساره اتصدمت جداا وقالت :مممازن مين .
اللواء حسين :مازن ابني يساره انتي متعرفهوش انت مقولتلهاش. يمحمد هو جااي دلوقتي هو مش قايل لأصحابه أن أنا بشتغل في الداخليه هو متواضع شويه شويه غاده فتحت الباب ودخل مازن وقال :السلام عليكم.
ساره انصدمت جدااا بس مازن كان عارف وأحمد اتصدم لانو مكنش يعرف ولقي أخته حيغمي عليها وفعلا وقعت علي أيده مازن جري عليها وعيونه كلها خوف .
احمد بحده استغربها سياده اللواء حسين ومحمد وقال :ابعد ايدك واوعي تنسي نفسك فااهم .
مازن خاف من هيئه احمد بس قال بشجاعه :ممكن حضرتك تنجز أنا عاوز اطمن عليها .
احمد بحده اكبر :تتطمن بصفتك اي انت مجرد زميل في الدرس مش اكتر واوعي تنسي الكلام دا .
مازن بصوت عالي :انا مقدر موقفك ومقدر اني كدبت عليها بس غصب عني .
احمد شال ساره وداها اوضتها وبص لمازن وهو طالع وقال بصوت اترعب منه الكل :انت حسابك مني بقي كبير فاهم .
وفعلا احمد دخل اوضه ساره وحطها علي السرير وجاب برفان وفاقت لقي الدموع في عينها لانو عارف انها بتكره الكدب وقال ليها :اوعي تبكي طول ما أنا موجود .
ساره بوجع من مازن :ارجوك يا أبيه سبني انام وانا حبقي كويسه بس طفي النور وراك .
احمد فعلا خرج ونزل تحت وعيونه كلها شرار ودخل المكتب وراح ناحيه مازن وقال …………؟
كدا البارت خلص حبايبي تفتكروا مازن قال لساره انو ابن مين وأحمد قال أي لمازن واي رد فعل اللواء حسين من علاقتهم .