رواية عشقي الوحيد الفصل الثاني 2 بقلم اسراء بكار

رواية عشقي الوحيد الجزء الثاني

رواية عشقي الوحيد البارت الثاني

رواية عشقي الوحيد الحلقة الثانية

البارت التاني من روايه عشقي الوحيد.
نرجع لبطلنا وهو راجع من شغله بعد يوم طويل وداخل من البوابه الخارجيه للفيلا قابل بنت خالته سلوي .استووووووب نعرف مين سلوي سلوي بنت خاله احمد كانت كليه تجاره بس مرضتش تشتغل حقوده طماعه مستهتره وبتعشق احمد بس هو بيصدها .
سلوي : احمد اذيك عامل اي.
احمد: انا الحمد لله كويس انتي عامله ايه.
سلوي بمياعه: بقيت احسن لما شوفتك .
احمد: تمام عن اذنك .
دخل احمد من باب الفيلا لقي عائلته تجتمع علي الغداء ذهب وقبل يد والده وقاله عامل اي يوالدي انهارده .
الاب: الحمد لله يسياده العقيد اخبار شغلك اي.
احمد : الحمد لله يوالدي كله تمام .
الاب :اكيد كله تمام بوجودك أنا عارف انك اشطر مني وتفوقت عليا علشان كدا مندمتش اني دخلتك الشرطه ربنا يوفقك يحبيبي.
احمد :يارب يوالدي .
اتكلمت ساره وقالتله يعني هو حبيبك واحنا ولاد البطه السوداء ولا اي يحجوج .
رد حسن وقال : اه يساره احنا ولاد البطه السوداء واحمد ومحمود ولاد البطه البيضه مش كدا يحاج وبيمثل العياط.
الكل ضحك علي كلامهم ورد الاب: لا يا لمض انت وهي انتوا كلكوا ولادي والغلاوه واحده .
ساره : مش مصدقاك يحجوج بس ايدك علي 1000 جنيه اجيب طقم حلو .
احمد: يبت انتي بتاعه مصلحتك مش انا لسه مديكي 500 جنيه .
ساره : اه يا أبيه بس دول منك انت انا عاوزه منو هو ملييش دعوه .
الكل ضحك علي ساره وعلي تصرفاتها الطفوله وأحمد راح باس راسها وراح اوضته يغير وصلي ونزل يتغدي معاهم وطبعا مش بيخلوا من مشاكسه ساره وحسن لاحمد ومحمود وبعدين احمد راح لصاله الرياضه .
استتتووووب بيت احمد عباره فيلا مش كبيره ولا صغيره الطابق الاول المطبخ والصالون واوضه الرياضه والطابق التاني اوضهم كل واحد ليه اوضه وجنينه صغيره وفيها ورد من برا.
نرجع لبطلتنا اسراء اتصدمت لما لقت زمايلها الا حتعمل معاهم التجربه 5 شباب استريحت لما شافت بنتين بس انصدمت اكتر لما مشيوا وسألتهم مش حيعملوا التجربه معاها قالوا لها لا احنا في البنش التاني ودا زاد من توترها وخجلها لأن عمرها ما اتعاملت مع شباب فراحت للدكتوره .
اسراء : دكتوره لو سمحتي أنا زمايلي الا حعمل معاهم التجربه شباب ممكن اغيرهم واروح اعمل مع بنش تاني .
الدكتوره: لا يا انسه مينفعش ولازم تتعودي علي كدا انتي في كليه مش مدرسه اتفضلي .
راحت اسراء وعملت التجربه مع الشباب وكانت خجلانه جدا ومتوتره جدا وخلصوا ومشيوا واسراء طلعت من المعمل وقابلت ندي .
اسراء : ندي انتي روحتي فين أنا دورت عليكي كتير .
ندي : أنا حضرت سكشن الكيمياء انا وانتي بدلنا مع بعض .
اسراء : ماشي يلا علشان فاضل ساعه علي المغرب .
ندي : ماشي يلا .وهما ماشيين في الطريق جات مي صديقه ندي .استوووووت نعرف مين مي مي صديقه ندي من تالته ثانوي وكانوا بيروحوا مع بعض دروس كتير علشان كدا عارفين بعض .
مي : اذيك يندي معلش كنت في التواليت.
ندي : ولا يهمك أنا رنيت عليكي لقيتك مشغوله فكرتك روحتي.
مي : لا لا اكيد كنت حستناكي مش حتعرفينا ولا اي.
ندي : دي اسراء اتعرفت عليها في الكشف الطبي ودي مي صاحبتي يا سوسو كنا مع بعض في الثانويه.
اسراء : اذيك يمي عامله ايه.
مي :الحمد لله كويسه يسو اتشرفت بيكي.
اسراء : وانا كمان يقمري .
ومشيوا التلات بنات وركبوا ووصلت اسراء بعد المغرب لقت اخواتها وامها قاعدين في الصاله .
اسراء : السلام عليكم.
الام واخواتها : وعليكم السلام قالت امها يلا علشان تتغدي غيري هدومك ويلا.
اسراء : حاضر يماما.
مراد : عملتي اي انهارده .
نور : اه يلا قولي احكيلي كل حاجه يلا يلا .
مراد وهو بيضرب نور بخفه علي رأسها براحه عليها يلمضه شويه اتهدي بقه .
اسراء : احلي حاجه عملتها يمراد لا راجل يشبح.
مراد : خبطها بالشنطه في رأسها وقال لي يارب رزقتني باختين هبل .
اسراء ونور في وقت واحد : إذا كان عاجب ياحبيبي .ولسه حيهجموا عليه .
مراد : لاااااااا عاجب والله عاجب وقعدوا يضحكوا واسراء طلعت تغير هدومها وتصلي ونزلت لقت والدتها حطت الاكل وحكت لهم بعض التفاصيل وسلمت علي والدتها ودخلت غرفتها علي تنام بس قبل ما تنام كلمت روان صحبتها استووووب نعرف روان دي صاحبه اسراء من تالته ثانوي اسراء اتعلقت بيها جدا وحبتها وروان دخلت طب اسنان بس بعدين اسراء حتندم ندم أنها صاحبتها وحتقطع علاقتها بيها وحتمحيها نهائي حنعرف لي بعدين .
اسراء : اذيك يروان عامله ايه وحشاني جدا .
روان : وانتي كمان يقلبي وحشاني عملتي اي.
اسراء : الحمد لله كويسه حتنزلي أمته كليتك .
روان : بكره أن شاء الله انا وانتي عكس بعض دي حاجه تشل يشيخه.
اسراء : اهدي يدكتوره اومال حتبقي دكتوره قمر ازاي اسكتي أنا عملت تجربه مع شباب انهارده .
روان : يحلاوه من اولها كدا وبعدين اي دكتوره دي دكتوره في عينك انا اسمي روان بس .
اسراء : وهي بتضحك ماشي بستي وبعدين انا كنت محرجه جدا بس الحمد لله عدت .
روان : الحمد لله يقلبي يلا روحي نامي تلاقيكي تعبانه .
اسراء : فعلا أنا تعبانه تصبحي على خير .
روان : وانتي من أهله سلام.
اسراء قفلت مع روان وراحت صلت العشاء وطلعت تطمن علي اخواتها لقتهم نايمين ووالدتها نامت لأن الساعه كانت ١١ فدخلت نامت هي كمان وتأني يوم قامت اسراء الفجر صلت فرضها وقعدت تذاكر لحد الساعه ٩ وقامت حضرت الفطار وبدأت تصحي امها واختها لأن اخوها راح شغله وفجاااه…….
كدا البارت خلص لو لقيت تفاعل كويس حنزل البارت التالت بليل باذن الله
الكاتبه المهندسه اسراء بكار روايه عشقي الوحيد.