رواية عشقي الوحيد الفصل الثالث 3 بقلم اسراء بكار

رواية عشقي الوحيد الجزء الثالث

رواية عشقي الوحيد البارت الثالث

رواية عشقي الوحيد الحلقة الثالثة

نرجع لاسراء لما قامت الفجر وقعدت تذاكر لحد الساعه 9 وقامت تحضر الفطار وراحت تصحي امها واختها وفجاه دخلت اوضتها لاقت اختها مش في الاوضه ودا قلقها لانها مش في الشقه وفجاه لقت اختها طالعه من الدولاب بتفجعها ونور قعدت تضحك واسراء اتخضت .
اسراء : نووووووورررر انتي بتستهبلي ولا بتسطعبطي كدا تفجعيني .
نور: ههههههههه معلش يقلبي انتي الا قلبك رهيف ورقيق اوييييي.
اسراء : بقا كدا طب تعالي واسراء بتجري وراها في الشقه بحالها وأمهم طلعت علي صوتهم .
الام : في أي انتوا الاتنين بطلوا هبل بقا .
اسراء : بنتك الا فجعتني وكل مره بتعملها فيا وتوقع قلبي .
نور : ماماااا أنا جعانه وكمان اي يحنان قلبك رهيف انتي كمان يبيضه . الام: روحي يبت وحدفتها بالشبشب ابو ورده طبعا كلنا عارفينه واسراء قعدت تضحك لقت الجرس بيرن راحت تفتح ولقت ابوها جاي من الشغل وبيحمل الكثير من الأكياس .
اسراء : صباح الفل يحجوج حمد الله على السلامه يتري جايبلي اي حلو .
الاب : صباح الخير يا اسراء يبت خدي الاكياس الاول وبعدين ابقي اسالي.
اسراء : ماشي يعم هات الاكياس وادخل خد شاور عبل ما الفطار يجهز .
الاب : ماشي .
ذهبت اسراء للمطبخ وكملت الفطار مع امها واختها وطبعا مش بيبطلوا خناق وحطوا الفطار علي السفره والكل جلس علي السفره .
نور : بابا حبيبي عامل اي .
الاب : الحمد لله يلمضه انتي عامله اي ومدوخه اختك ومك ليه.
نور : أنا لا يحبيبي أنا كيوت خالص .
اسراء : انتي حتقوليلي يلا يختي خلصي فطار.
الام : خلاص يبت انتي وهي ناقر ونقير انتوا علطول بعد الفطار تروقولي الشقه فاهمين .
اسراء ونور : افيت يمامي فاهمين .
نرجع لبطلنا احمد بعد ما ادي فرضه وراح شغله وصل مكتبه وقعد يعمل بعض التمارين الرياضيه بشده سمع الباب بيخبط قال ادخل.
العم سيد : حضره العقيد سياده اللواء محمد عاوز حضرتك في مكتبه .
احمد :عامل اي يراجل يطيب .
العم سيد : الحمد لله يباشا في نعمه .
احمد : الحمد لله قوله جاي اهو .
العم سيد : تمام يفندم.
قام احمد بعد ما خلص تمارين الرياضه والملاكمه ومسك الفوطه الصغيره الموجوده علي المكتب يمسح جبينه لانه كان يتصبب عرقا شديد وعدل هدومه وذهب لمكتب حضره اللواء .
احمد: السلام عليكم يفندم.
اللواء حسين : اهلا اهلا يحضره العقيد اخبارك اي
احمد : الحمد لله يافندم.
اللواء حسين : دايما يا احمد المهم في مهمه لأكبر تاجر مخدرات وانت عارف تجار المخدرات بقوا كتير في البلد بس دا الريس بتاعهم .
احمد :مفهوم كلامك يفندم حجمع المعلومات في اقرب وقت وحتكون علي مكتب حضرتك في اقرب وقت .
اللواء حسين:أنا واثق فيك يا احمد انت مش من أكفأ الضباط بس لا انت ابن اقرب صاحب ليا وانا المعلومات الا حتوصلي من القوات الا علي حدود الصعيد حبعتهالك.
احمد : شكرا علي ثقتك يفندم وباذن الله حتخلص المهمه في اقرب وقت .
اللواء حسين : باذن الله اتفضل .
خرج احمد من مكتب اللواء ورايح مكتبه علشان ياخد مفاتيح عربيته محمد دخل وراه قال أي يشبح حضره اللواء كان عاوز اي .
احمد : في مهمه عن تاجر مخدرات .
محمد : تجار المخدرات دول بقوا كتير في البلد ولازم نخلص منهم .
احمد : باذن الله حيحصل قريب.
محمد:مفيش حاجه صعبه علي الشبح يمعلم .
احمد : تاني وراح اداله بالبوكس في وشه.
محمد : منك لله ايدك تقيله يعم حرام عليك .
احمد : اهو قرك دا جايبني لوراء .
محمد: متبقيش قفوشه كدا يبيضه يقمره انتي.
احمد لسه حيقوم لقي محمد جري من المكتب قعد يضحك عليه وخد مفاتيحه وركب عربيته ومشي .
احمد وصل بيته لقي عائلته متجمعه علي الغداء قال السلام عليكم.
الام : وعليكم السلام يحبيبي عامل اي .
احمد : الحمد لله يا امي راح باس ايد أبوه وأمه .
الاب : اهلا يحضره العقيد ابني الغالي .
ساره : اي يحجوج لا بقا كدا كتير هو مفيش غيرهم لا انا زعلانه ومثلت العياط.
الكل ضحك عليها وأبوها رد : لا يلمضه انتوا كلكوا ولادي وقولت كدا قبل كدا .
الام : يلا يا احمد غير وحسن جيه كمان اهو غيروا يلا علشان نتغدي.
راح احمد اوضته غير هدومه وصلي وحسن عمل زيه ونزلوا علشان يتغدوا.كان الصمت سيد الموقف واتكلم محمود : أنا عاوز اقول حاجه.
ساره : اتكلم يا أبيه انت مكسوف ولا اي.
محمود :لا يا ام لسانين مش مكسوف المهم انا عاوز اتجوز.
الام: يصلاه النبي يا الف نهار مبروك مين سعيده الحظ دي.
محمود :دي ممرضه معايا في المستشفي واسمها ناهد.
الام: نعم نعم ممرضه مين دي الا انت عاوز تتجوزها ليه يخويا من قله البنات .
الاب : مالهم الممرضين يعني يا ام محمود مش ناس زينا دول.
الام: طب ما يشوف دكتوره يخطبها واهي نفس وظيفته.
الاب : ومالها الممرضه يسعاد ولا علشان ربنا كرم ولادك يعني حنتنك علي الناس .
محمود : وبعدين يماما ناهد مش حتشتغل بعد الجواز كفايه أنها تحتفظ عليا وعلي البيت.
الاب : بص يمحمود زي قلبك ما يريد يبني بس عاوزك تتأكد من قرارك.
محمود : حاصر يابابا.
حسن : مبارك يادكتور عقبال العيال .
احمد : مبروك يحبيبي ربنا يتمم بخير .
غاده :مبروك بحبيبي ربنا يباركلك.
محمود : ربنا يبارك فيكوا كلكوا يارب .
ساره : مبروك يا أبيه هات بقه ٥٠٠ جنيه .
محمود : يبنتي ارحميني ٥٠٠ جنيه لي ما انتي واخده من يومين يمصلحجيه بس عنيا حاضر بعد الغداء حجيبلك.
بعد الغداء كل واحد راح يشوف حاله ومحمود راح اوضته يجيب الفلوس لساره لقي……..