رواية عشقي الضائع الفصل الثاني 2 بقلم سلمى جاد

رواية عشقي الضائع الفصل الثاني 2 بقلم سلمى جاد

رواية عشقي الضائع الجزء الثاني

رواية عشقي الضائع البارت الثاني

رواية عشقي الضائع الحلقة الثانية

فجأة الباب خبط وبعد ثواني الباب اتفتح ودخلت عائشه واتكلمت بفرحة .. حمدالله علي السلامه يا حضرة الظابط
يامن بص علي مصدر الصوت واتصدم من وجود عائشه
معقول القدر جمع بينهم تاني ،خمس سنين عدت وكان فقد الأمل إنه يلاقيها ،دايما كان بيتخيل يوم ما يلاقيها
ويقولها إنه مماتش اليوم ده وإنها فهمت غلط لما شافت القنبله بتتفجر واعتبرت إنه مات ،كان بيستني الجواب اللي بتبعته كل فتره بفارغ الصبر وتحكي فيه تفاصيل يومها والحاجات اللي حصلت وضايقتها أو فرحتها ،
ورغم تفاهة التفاصيل اللي كانت بتكتبها إلا إنه كان بيقراها بكل شغف وحب
يامن ربط الأحداث ببعض وفهم إنها نفس الدكتورة اللي أنقذته من الموت ،،القدر جمعهم بنفس الطريقة لكن الظروف مختلفه ،المره اللي فاتت هو اللي أنقذها من الموت ،لكن المره دي كان هو اللي مكانها وحياته كانت هتنتهي لو ما أصرتش تنقذه
لوهله حس إنه بيتخيلها قدامه لكن صوتها فوقه لما قالت .. حضرتك سامعني ،بقول حمدالله علي سلامتك
يامن في الوقت ده ومش لاقي تفسير للي عمله قفل صندوق الجوابات بسرعه وخباه ورا ضهره
بلع ريقه بتوتر وحاول يتكلم بثقه .. احم ،الله يسلمك يا دكتوره
عائشه قربت منه وبدأت تفحصه بعمليه ومهارة ،عدت دقايق كانت بالنسبه ليامن سنين وهو بيحاول يمثل الجديه ويداري مشاعره وفرحته من وجودها قصاده
عائشه اتكلمت ..من فضلك ارفع التيشرت عشان أشوف جرح بطنك
يامن نفذ اللي قالته وبدأت عائشه تفحص جرحه بتركيز وملاحظتش عيونه اللي مراقباها لكن بالصدفه عائشه رفعت عينيها وجت في عيون يامن
« تاهت نظراتها في عينيه ..واه من ذلك التيه
عينيه فيها نور كنور القمر ..لمعان كلمعان النجوم
سحر كسحر السماء .. سحر من النوع الذي يجعل المرء هزئ ويقول مالايريد ♡ »
عائشه حست بإحساس غريب في اللحظة دي
إحساس هي عارفاه كويس وعارفه امتي حست
بيه ومع مين
عيونهم اتقابلت لثواني معدوده لكن كانت كافيه تحرك
جواهم مشاعر كانت مختفيه من سنين ،مشاعر فكرت عائشه بذكرى بتحاول تنساها لكن رجعتها لنقطة الصفر
عائشه فجأة بعدت بتوتر ومش لاقيه تفسير للإحساس اللي اتولد جواها ،إحساس هي عارفه كويس إنه مستحيل يكون حقيقي
عائشه اتكلمت .. الحمدلله حالتك اتحسنت كتير عن الأول .. محتاج بس بعد ما تتعافى تعمل عملية تجميل بسيطة عشان الاصابات متسيبش آثر في جسمك
يامن .. لا مش مستاهله يعني ،أنا متعود علي كده بحكم شغلي ،ولو كل ما اتصابت هعمل عملية تجميل عشان آثر الجروح يبقى هعيش طول عمري في المستشفيات
عائشه بمرح ..ده انت كنت جايلنا وجسمك متخرشم عالأخر ،لدرجة مكناش عارفين نفرق ايه الاصابات الجديده وايه الاصابات اللي عندك من الأول
يامن بضحك ..هههه مش بقولك يا دكتوره عائشه
عائشه ضمت حواجبها باستغراب وقالت ..انت عرفت اسمي ازاي
يامن اتوتر من سؤالها لكن عنيه جت علي الكارنيه اللي علي البالطو الطبي بتاعها وشاور عليه وقال .. من الكارنيه
في الوقت ده دخل عدي الأوضه وفي ايده أكياس كتير واتكلم بمرح كعادته ..جبتلك شوية أكل ومسليات ،أي خدمه ياباشا
عائشه ..أنا أسفه جدا بس حضرة الظابط مينفعش ياكل من الحاجات دي عشان الجرح ،لازم طول المده اللي هيقعدها في المستشفى ياكل صحي عشان أدويته
عدي باستنكار .. مستشفى ويامن في نفس الجمله
حضرتك اللي قدامك ده عالعصر بالكتير هتلاقيه خرج وبيجهز نفسه لمهمة جديده
عائشه ..لا حضرتك مينفعش الكلام ده خالص .. عالأقل أسبوع كمان عشان يعرف يخرج من المستشفى
يامن في الوقت ده نغز عدي في ظهره وبرق بعينه لعدي بتحذير وبعدين قال .. عندك حق يا دكتوره ،أنا فعلا محتاج أقعد أسبوع عالأقل هنا ،الواحد معندوش أغلي من صحته بردو
عدي باستغراب ..انت اللي بتقول كده يا يامن عايز تقعد في مستشفى أسبوع كامل
في الوقت ده سمعوا نداء بإسم عائشه في المايكروفون بتاع المستشفى
عائشه ..أنا هستأذن بقى عشان ورايا شغل ،عن اذنكم
عائشه خرجت وبعدين عدي قعد قصاد يامن واتكلم ..
هو فيه ايه بالظبط أنا مش فاهم حاجه
يامن بفرحة ..انت عارف دي تبقى مين
عدي باستغراب ..تبقى مين
يامن بحب .. عائشه
عدي .. عائشه مين
يامن مردش لكن عيونه اللي بتلمع اتكلمت بداله
عدي ..متقولش إنها عائشه اللي في دماغي
يامن بحب .. أيوه هي
عدي .. طيب ليه معرفتهاش الحقيقه ،مستني ايه
يامن ..مينفعش أعرفها دلوقتي ياعدي ، أنا مش ضامن رد فعلها وكمان مش جاهز أتكلم معاها وأنا بالحاله دي
عدي .. اومال هتقولها الحقيقة امتي
يامن .. مش دلوقتي ،بس قريب ،قريب اووي
*************
عدى الوقت ،،وعائشه بيكبر جوها إحساس مش لاقيه ليه تفسير ،لسوء حظها هي اللي تولت مسؤولية حالة يامن ،وده صعب عليها الموضوع أكتر ،بقت تتجنب ان
عيونهم تتقابل من أخر مره وتتعامل معاه برسمية عكس طبيعتها المرحه مع باقي المرضى في المستشفي
« في استراحة المستشفى »
عائشه كانت قاعده وباصه علي السما كعادتها بعد ما تخلص يومها المليان بالإرهاق والتعب ،وفي ايديها مج الهوت شوكليت المفضل ليها ،وفجاءة حست بشخص بيقعد جنبها
يامن ..ايه اللي مصحيكي في الوقت ده وقاعده هنا ليه الجو برد
عائشه ..عادي بحب أقعد في المكان ده بليل وأتأمل النجوم
يامن ..اممم بتحبي النجوم ؟
عائشه ..اه جدا ،سمعت قبل كده وأنا صغيره إنك لو بصيت لأكتر نجمه بتلمع في السما وغمضت عينك وتخيلت إنك بتتكلم مع شخص بتحبه من قلبك هو كمان هيحس بيك ،حتي بعد ما كبرت وعرفت إن الكلام ده مش منطقي ولا حقيقي بس لسه مؤمنه بيه
يامن .. وانتي بقا بتتخيلي إنك بتتكلمي مع مين
عائشه سكتت وسرحت في عيونه واستمر الصمت بينهم لكن عيونهم اللي اتكلمت
عائشه بلعت ريقها بتوتر وقالت .. شخص عزير علي قلبي
يامن سكت هو كمان لكن جوه عقله اتكلم وقال ..
هقولك الحقيقة يا عائشه بس مش دلوقتي ،لازم أتأكد الأول من مشاعرك ليا وإنك فعلا بتحبيني لإني يامن مش مجرد الظابط اللي أنقذ حياتك
*********************
عدى أسبوع وجيه معاد خروج يامن من المستشفى
« في جناح يامن »
كان بيستعد للخروج بعد ما غير هدوم المستشفى ولبس هدومه واللي كانت بالإستايل الكلاسيكي الأنيق
والمفضل لييه
الباب خبط ودخلت عائشه وفي ايديها استماره الخروج من المستشفى الخاصة بيامن
عائشه اتوترت لما شافت يامن لأول مره بلبس خروج غير لبس المستشفى اللي بيلبسه من وقت ماجيه وأعجبت بشكله اللي ذاد وسامه باللبس الكلاسيكي واللي بالنسبالها بيعطي هيبه وكاريزما أكتر من اللبس الكاچوال
عائشه ..احم ،اتفضل استماره الخروج بتاعتك
يامن أخدها منها وقال .. متشكر يا عائشه تعبتك معايا الفتره اللي فاتت
عائشه قلبها دق لما يامن قال اسمها بدون لقب دكتوره لأول مره والمشاعر اللي بتحاول تنكرها زادت في قلبها
عائشه بتوتر .. متقولش كده أنا معملتش غير شغلي
يامن بحزن بان في عيونه .. أنا مضطر أمشي بقي ،عايزه حاجه
عائشه بحزن حاولت تداريه .. خلي بالك من نفسك وحاول متنزلش مهمات خطيرة الفتره دي عشان جرحك ممكن يتفتح تاني
يامن .. الصراحه مقدرش أوعدك ،الشغل ميعرفش الكلام ده وفي أي وقت ممكن تلاقيني جايلك متشال علي نقاله
عائشه بسرعه .. بعد الشر عنك ،متقولش كده
في الوقت ده اسم عائشه اتنده في مايكروفون المستشفى
عائشه ..أنا لازم أمشي عشان محتاجيني في العمليات
يامن .. اتفضلي
عائشه خرجت ويامن اتنهد بضيق وبعدين خرج
**************
ساره .. سرحانه في ايه يا عائشه
عائشه .. مفيش
ساره .. سرحانه في حبيب القلب صح
عائشه باستغراب ..تقصدي مين
ساره .. يامن يا عائشه ،بتحبيه صح؟
عائشه اتنهدت .. معرفش يا ساره ،حاسه إني مش فاهمه أي حاجه
ساره .. عائشه حبيبتي افهمي بقا ،مشاعرك ناحية الظابط اللي أنقذك مش حقيقية ،مجرد مشاعر اتكونت جواكي بسبب اللي عمله عشانك وانتي أقنعتي نفسك بيها طول السنين اللي فاتت ،لكن انتي مش بتحبيه انتي بس أقنعتي نفسك بكده بسبب إحساسك بالذنب
عائشه اتنهدت بحزن وسكتت لكن جواها مشاعر كتير متلغبطه والف سؤال وسؤال جواها …
*******************
بعد يومين
عائشه خرجت من غرفة العمليات بعد ماخلصت عملية لظابط اتصاب ،،لكن اتفاجئت بوجود يامن وعدي اللي كانوا واقفين في الطرقة قدام غرفة العمليات
يامن جري علي عائشه واتكلم بقلق .. أهلا عائشه طمنيني علي الظابط اللي جوه ،ده واحد من الظباط اللي أنا مسؤول عن تدريبهم واتصاب في التدريب
عائشه.. متقلقيش حالته مش خطيرة ،احنا خرجنا الرصاصه من جسمه ،وشويه وهيفوق
يامن .. الحمدلله
في الوقت ده ممرضه جت واتكلمت مع عائشه بصوت واطي
يامن أخد باله وقال ..فيه حاجه ولا ايه
عائشه ..لا أبدا أنا بس هروح مع الممرضه شركة الأدوية عشان عندنا نقص في كام نوع دوا
يامن .. شركة الأدوية دي اسمها ايه
عائشه .. اسمها***
يامن ..طيب أنا ممكن أوصلكوا عفكرة ،أنا وعدي هنرجع مركز التدريب دلوقتي والشركة دي في طريقنا
عائشه ..لا لا ملوش لزوم احنا هناخد تاكسي ونروح
الممرضه اتكلمت مع عائشه بصوت واطي ..يا دكتوره ماتيجي نروح معاهم ،الشركه بعيده عن هنا والأدوية ممكن تتكسر مننا في الطريق
عائشه بصت ليامن وسكتت
******************
بعد شويه
يامن كان سايق عربيته وجنبه صاحبه عدي وفي الكنبه اللي ورا قاعده عائشه وجنبها الممرضه
يامن طول الطريق كان بيخطف نظرات لعائشه من مراية العربية واللي كان موجهها عليها
عدي اتكلم ..أنا هشغل اغنيه تسلينا
عدي وصل موبايله بكاست العربية وشغل الأغنية
♡ في جوه قلبي حاجه مستخبيه
كل لما باجي اقولها فجأه مش بقدر
قدام عينيك بقف وبنسى ايه يتقال
ليه كل مره يجرى فيها كده ليا
وديه هي كلمه واحده بس مش اكتر
والكلمه ديه عندي فيها راحه البال ♡
يامن بص علي عدي بغضب لإنه فهم نيته واتأكد لما لقاه باصصله وبيبتسم بخبث
الأغنية بتكمل ..
في جوه قلبي حاجه مستخبيه
كل لما باجي اقولها فجأه مش بقدر
قدام عينيك بقف وبنسى ايه يتقال
ليه كل مره يجرى فيها كده ليا
وديه هي كلمه واحده بس مش اكتر
والكلمه ديه عندي فيها راحه البال
وفي الكوبليه ده يامن وعائشه عيونهم اتقابلت بالصدفه في نفس الوقت في مراية العربية
♡ حبيتك يوم ما اتلاقينا
لما حكينا اول كلام
حبيتك واحلف على ده
تسمع زياده ده انا مش بنام ♡
عائشه اتوترت من الكام ثانيه اللي عيونهم اتقابلت فيها ودورت وشها بسرعه وبصت عالطريق
♡ ديه الناس في عيني حاجه وانت حاجه تانيه
انا صعب اعيش حياتي وانت لحظه بعيد
احساسي بيك في وقت ضعفي قواني
كانت حياتي ناقصه جيت تكملها
فرحة لقايا بيك بتبقي زي العيد ♡
***********************
بعد أسبوع
يامن كان قاعد في مكتبه واتفاجئ بالعسكري دخل ومعاه جواب ،،يامن فتحه بسرعه وبدأ يقراه …
{ النهاردة أنا باعته ليك جواب عشان أقول ان ده أخر جواب هكتبه ليك،،أنا عايزه أعترفلك بحاجة،،أنا بحب،،
اكتشفت ان المشاعر اللي كانت جوايا ناحيتك دي مكانتش حب ،،كانت حاجه مختلفه ،،يمكن من إحساس الذنب اللي جوايا إنك ضحيت بحياتك عشاني ،،لكن حبي ليامن مختلف ،،هو ظابط عفكرة زيك ،،وضحى بحياته عشان البلد لكن قدرت ألحقه ،،كان عندي إصرار غريب إني أنقذه ،،كنت شايفاك مكانه ،، تعرف إن عيونه شبهك اووي نفس اللمعه الغريبه فيها ،، عايزه أقولك إني عمري ماهنساك في حياتي وهفضل دايما ممتنه ليك ،، عايزه أقولك أخر حاجه ،،شكرا،، شكرا على كل حاجه،، المره ده مش هختم الجواب بجملة،،الي عشقي الضائع،، عشان خلاص عرفت مين هو عشقي♡ }
يامن قفل الجواب والإبتسامة ماليه وشه ،اتنهد بفرحة وقال .. خلاص جيه الوقت ،،خلاص يا عائشه …
******************
بعد فتره « في المستشفى »
صوت في المايكروفون بيقول .. علي الدكتوره عائشه سرعة التوجه نحو غرفة العمليات لأسباب طارئه ،
أكرر علي الدكتوره عائشه سرعة التوجه نحو غرفة العمليات لأسباب طارئه
عائشه جريت بسرعه علي أوضة العمليات لإنها فهمت إن فيه مصاب في أوضة العمليات وحالته خطيره
دخلت أوضة العمليات واستغربت إنها فاضيه تماما
الوضع كان كالتالي الأوضه هاديه ومفيش أي صوت
غير صوت جهاز ضربات القلب واللي كان بيصفر
دليل إن القلب خلاص وقف ،وشخص نايم عالسرير
وشه مش باين بسبب الملايه اللي مغطيه وشه وجسمه
عائشه قربت من السرير ورجليها بتترعش ودقات قلبها
سريعه جدا ومش عارفه ايه السبب ،أخيرا وصلت للسرير ،وبخوف رفعت الملايه عن الشخص اللي علي السرير
عائشه برعب .. يـ يامن
عائشه اتفاجئت بيامن مغمض عينه بهدوء مريب وقميصه الابيض مليان دم
عائشه بدموع وبتهز جسم يامن بقوه ..يامن رد عليا ،يامن أرجوك متسبنيش
مفيش رد
عائشه بانهيار..يامن أرجوك فتح عينك ،يامن متسبنيش
مفيش رد
عائشه في الوقت ده افتكرت كلامه لما قال ..
الشغل ميعرفش الكلام ده وفي أي وقت ممكن تلاقيني جايلك متشال علي نقاله
عائشه وقعت علي الأرض وصوت شهقاتها مالي المكان
اتكلمت بوجع .. متسبنيش يا يامن أنا ،أنا بحبك
_ وأنا كمان بحبك يا عائشه
عائشه بصت بخضه علي يامن اللي مازال زي ما هو
لكن فجأة يامن فتح عينيه وبصلها بابتسامة
عائشه بدموع ..يامن انت ،انت كويس
يامن قام من علي السرير ووقف قصاد عائشه واتكلم بمرح .. مكنتش أعرف إنك بتخافي عليا كده
عائشه ابتسمت .. وأنا مكنتش أعرف إن هزارك رخم بالشكل ده
يامن ..أنا بعترف إنه رخم بس كان سبب إنك تعترفي بحبك ليا
عائشه ابتسمت بخجل لما افتكرت إنها فعلا اعترفتله بحبها وهي مش في وعيها
يامن أخد نفس طويل واتكلم بقلق .. عائشه أنا عايز أعترفلك بحاجة بس اوعديني إنك هتسامحيني
عائشه باستغراب .. حاجة ايه
يامن .. اوعديني الأول يا عائشه إنك هتسامحيني
عائشه ..أوعدك ،فيه ايه
يامن حط ايده في جيبه وطلع ماسك اسود ولبسه وبصلها بقلق
عائشه بصتله بدون أي رد فعل وبعدين اتكلمت ..أيوة بردو يعني ايه
يامن .. عائشه ركزي فيا ،بصي في عيوني كويس
عائشه بصتله بتركيز ومازالت مش فاهمه ولكن بمجرد ما ركزت في عيونه وشكله بالماسك ،اتصنمت مكانها ودموعها نزلت
يامن بخوف من شكلها .. عائشه ردي عليا ،قولي أي حاجه
عائشه بصدمة وبتقطع في الكلام ..انت ،انت ازاي ،أنا مش فاهمه حاجه
يامن أخد نفس طويل وبعدين بصلها وبدأ يتكلم .. اليوم ده بعد ما مشيتي مع الظابط ،قدرت أعطل القنبله كام ثانيه وبعدها بعدت عن المكان لحد ما انفجرت
اتنهد وبعدين كمل كلامه ..لما رجعت لقيتك مش موجوده في المكان دورت في كل حته بس معرفتش أوصلك بعدها بفتره بدأتي تبعتي الجوابات علي مكتبي
ساعتها رجعلي الأمل إني ممكن ألاقيكي وفعلا روحت للمكان اللي بيوصلي الجوابات وحاولت أسأل عن عنوانك بس للأسف معرفتش لإنك مكنتيش بتسيبي عنوانك أو أي معلومات شخصيه عنك ،،حاولت أسأل عليكي في كل المستشفيات العسكري اللي عارفها لكن للأسف معرفتش أوصل لحاجة لإني معرفش غير اسمك
عائشه بصتله بهدوء مريب ومفيش علي وشها أي
رد فعل
يامن بقلق .. عائشه قولي أي حاجه
عائشه دموعها بدأت تنزل واتكلمت بعد صمت طويل ..ليه خبيت عليا ،ليه متكلمتش يوم لما اتقابلنا في المستشفى
يامن ..خوفت يا عائشه ،خوفت يكون حبك ليا بسبب إني أنقذتك ،خوفت مشاعرك ليا تكون مزيفة وانتي أقنعتي نفسك بيها عشان بس تتخلصي من إحساسك بالذنب ناحيتي ،انتي بنفسك قولتي كده في الجواب
عائشه اتكلمت ودموعها مازالت مستمرة ..غبي ،أنا دلوقتي اتأكدت إن مشاعري ليك زمان مكانتش مزيفه
مكانتش بدافع إني أتخلص من إحساسي بالذنب زي ما كنت فاكره بدليل إني محبتش طول الخمس سنين اللي فاتت ،لكن أول ما قابلتك في المستشفى قلبي رجع يدق تاني وكإنه مش عايز يدق غير ليك
يامن ابتسم بحب ..أنا كمان قلبي مش عايز يدق غير ليكي .. أنا بحبك يا عائشه
عائشه ابتسمت بخجل ومردتش
يامن رفع حاجبه باستغراب وقال .. بقولك بحبك
عائشه خجل .. ماشي سمعتك
يامن بمراوغه ..مش هتقولي وأنا كمان
عائشه.. لا أنا قولتها أول مره عشان مكنتيش في وعيي لكن متتعودش علي كده
يامن ..هي بقت كده
عائشه بشقاوة ..مش عاجبك ولا ايه يا حضرة الظابط
يامن بحب .. عاجبني يا قلب حضرة الظابط ⁦ ⁠♡
” اما انا مهما جرا ”
” هافضل اصون عهد الهوا ”
” وان غبت يوم ولاّ سنه ”
” هافضل انا برضه انا ” >>>⁩⁦⁦ ⁠♡
****************

لقراءة الرواية كاملة اضغط على : (رواية عشقي الضائع)