رواية عشقي الأبدي الفصل الثاني 2 بقلم سلمى عبدالجليل
رواية عشقي الأبدي الجزء الثاني
رواية عشقي الأبدي البارت الثاني
رواية عشقي الأبدي الحلقة الثانية
اول يوم ف جامعتي….
صحيت الساعه 5ونص خدت دش واتوضيت وصليت الضحي وبعدين قرات الاذكار والساعه بقت 6 ونص قومت لبست دريس اوف وايت وفيه ورود بينك صغننه ولبست خمار بينك وطلعت من اوضتي
ف المطبخ…
شهد: صباح الخير ي احلي سوسو
سلوي: صباح النور ي حبيبه قلبي ايه الحلاوه دي قمر ي يا ناس
شهد(بفخر): بنتك بقا ي سوسو
سلوي(بضحك): ايوه طبعاا
شهد: اومال فين ابوحميد مشوفتوش من ساعه م صحيت والواد البشمهندش فهد
فهد من وراها: الواد البمشمهندس فهد ي شيخه هتحترميني امتى
شهد بخضه: ي شيخ اتنحنح ولا كح ربنا ع الظالم ي شيخ خضتني
فهد: اتنحنح!!! دي كلمه تقولها دكتوره ي ناس
شهد: بص ي فهود انا والله صاحيه مبسوطه ومتفائله وهاديه ف مش عايزه خناق ومتخلنيش افقد اخر ذره هدوء فيا وعديها ع خير ع الصبح
فهد: ايه دا الحق ي ابو حميد بنتك بتقول انها بقت هاديه ي فرحه امك بيكي
شهد: سخيف سخافه اقسم بالله م شوفتها ع حد
احمد: بطلوا مناقره بقا مش من الصبح كدا دماغي صدعت
سلوي: اه والله ي احمد انا تعبت مش عارفه هيفضلوا كدا لحد امتي
فهد: لحد م اتجوز واسيبكوا هي مش هتلاقي حد تتناقر معاه بسيطه اهي
كلهم ضحكوا بس انا اتدايقت معني كدا انه اكيد بيحب واحده وناوي ع جواز اهو وبعدين هو جاهز بيشتغل وعنده شقته الي هي شقه مامته وباباه وشاب محترم وكويس فضلت سرحانه شويه لحد م لقيته بيحرك ايده قدام وشي
فهد: ايه ي بنتي روحتي فين
شهد: هااا لا مفيش
فهد: مش متطمنلك بس تمم يلاا عشان هنفطر
شهد: حاضر يلا ي ابوحميد خد الواد البشمهندس دا واستنونا ع السفره
فهد: تاني والل…. قاطعه صوت احمد
احمد: والله م هترد يلا كفايه المناقره الي من خمس دقايق يلا ي ابني نطلع نستني الاكل
فهد هز دماغه بمعني ماشي وطلعوا هما الاتنين وانا وماما شيلنا الاكل وطلعناه بره وقعدنا نفطر خلصنا فطار وقومت غسلت ولبست شنطتي وخرجت م الاوضه
شهد: يلا ي ابوحميد عشان توصلني
فهد: لا انتي طريقك ف طريقي هاخدك معايا
شهد: لا مينفعش ي فهد الا لو بابا او ماما هيكونوا معانا ف العربيه متنساش ي فهد انك اجنبي عني يعني حرام اكون معاك ف مكان مقفول حتي لو المكان دا عربيه انا بعتبرك اخويا انت فعلا اخويا بس ف الحاجات دي طبعا عمري م اغضب ربنا
لقيت بابا خدني بالحضن وقالي: كنت عارف انك هتقولي كدا دي بنتي حبيبتي تربيتي
بادلت بابا الحضن وبعدين سابني ولقيت فهد بيبتسم وبيقول: ع فكره انا عارف انك هتقولي كدا كنت كالعاده بناقرك حتي لو انتي قولتيلي وصلني انا اصلا مش هوصلك عشان كدا انا عارف حدودي كويس ي شهد
فرحت انه فهمني او اصلا هو دايما فاهمني انا اي نعم بهزر وبضحك معاه دايما بس بيبقي ف وجود ماما وبابا وبتبقي قعدتنا الجماعيه مش عشان بحبه انسي ديني مثلاا
نزلنا وبابا ساق وفهد قعد جنبه وانا قعدت ف الكنبه الي ورا وعماله افكر ف شكل الجامعه والناس الي هتبقي موجوده فيها و يا تري هيبقي عندي صحاب ولا هفضل زي م كنت فالثانوي اه انا طول الوقت بتاع الدراسه كنت لوحدي معنديش صحاب بسبب اني مش بعرف اسكت لما الاقي حد بيتمايص او لابس ضيق او حاطط ميك اب ف مكنش حد بيحب يتعامل معايا بس بابا وماما وفهد مكنوش بيحسسوني ب دا ابدا كانو دايما خير الاصدقاء اساسا فوقت من سرحاني لما لقيت العربيه وقفت لحظه دي الجامعه واو بجد ما شاءلله ايه الحلاوه دي يارب تبقي الناس الي جوه حلوه زيها كدا بابا فتحلي العربيه كعادته اساسا اه م انا اميرته بقا نزلت وباس جبيني وانا حضنته ودخلت الجامعه اول م دخلت انبهرت حرفيا بجد كانت تحفه حاجه حلوه اوي وفيها ناس كتير جدا كنت ماشيه تايهه م انا اول مره ادخل جامعه او اشوفها اساسا من جوه دخلت فضلت ماشيه ببص حواليا اشوف المكان وخبطت ف واحده
….: مش تحاسبي.. ايه دا انتي خايفه كدا ليه
شهد: انا اسفه والله مخدتش بالي والله انا اسفه بجد
فاطمه: خلاص ي ستي اسفك مقبول فيه ايه انتي خايفه كدا ليه انا مش بعض والله قالتها بضحك
حسيت ليها بارتياح ف قولتلها: انهارده اول يوم و مش عارفه حاجه ف المكان و بعدين انا مش عارفه اروح فين ولا اقعد فين
فاطمه: طب وريني الجدول الي معاكي كدا
افتكرت ان بابا اداني جدول كدا الي هو فيه محاضراتي طلعته من شنطي واديتهولها
فاطمه: ايه دا انتي معايا ف المدرج تعالي
خدتني وروحنا قعدنا ف كافتريا كدا ف الجامعه ع معاد محاضرتنا م تبدا
(فاطمه حسن الدمرداش عندها 19 سنه معايا ف نفس المدرج بنت قموره عينيها خضره وبشترها بيضاء اموره بتلبس خمار بردو حمدت ربنا ان فيه حد شبهي)
في الكافتيريا……
شهد: انتي ازاي عرفتي ان انا معاكي. فالمدرج
فاطمه: اصل انا جيت قبلك بشويه صغنين واخويا جه معايا هنا وعرفني مكاني ولما خبط فيكي الصراحه كنت هزعق بس ارتاحتلك كدا اول م شوفتك حسيتك هاديه حسيتك شبهي كدا ف مرضتش انكد بق وضحكت
فرحت جدا بكلامها لان انا فعلا اول مره ارتاح لحد كدا وبعدين هي شكلها طيبه وهاديه فعللا انها تساعد حد متعرفوش دا لوحده حاجه كويسه تقدرو تقولوا ان اخيرا لقيت صديقه ليا)
شهد: شكرا انا فعلا مكنتش عارفه هعمل ايه لو مكنتيش قابلتني انا طول الفتره الي فاتت مكنش عندي صحاب ف خوفت انك تتعصبي انتي كمان وكدا ابقي ضربت اليوم الي كنت بحلم بيه وشكرا تاني ليكي
فاطمه: اولا مفيش شكرا بين الاخوات ثانيا انا اصلا يعتبر زيك كدا مكنش عندي صحاب خاالص طول الفتره الي فاتت مفيش غير اخويا اسد ومراته وبابا وماما دول كانو اصدقائي ف اول مره الاقي حد شبهي وارتاحله كدا ينفع نبقي صحاب
فرحت جدااا دي قالت نبقي صحااب الحمدلله اخيرا هيكون ليا صحاب
شهد: اكيد طبعا ينفع انتي بقيتي صحبتي واختي كمان بما اني معنديش اخوات بنات
فاطمه: اشطا يلا ي شوشو لان المحاضره معدش عليها غير ربع ساعه وتبدا وبيقولوا دكتور يوسف دا اهم حاجه عنده الالتزام بالمواعيد
شهد: تمم يلا مش عايزين تاخير من اول يوم
قومنا مشينا وخرجنا م الكافتيريا وروحنا المدرج يدوبك دخلنا وقعدنا لقينا الدكتور دخل
ف المدرج….
دخل الدكتور وهو شاب عنده ييجي 30 سنه وساعه م دخل البنات فضلت تتغامز وايه الحلاوه دي دا مزز والكلام القرف دا انا وفاطمه قعدنا نستغفر بسببهم م هو اصل حرام والله منهم لله وبيقولوا الامراض والبلاوي الي بتحصل دي بسبب ايه م هو دا بسبب قله الدين الي بقت موجوده تقريبا الدكتور حس ان الكل ماشاء الله يعني عمال يتكلم ويعاكس ف اتكلم هو وقال
يوسف: السلام عليكم ورحمه الله وبركاته انا دكتور يوسف عز الدين الشامي قبل م اكون الدكتور بتاعكم انا هكون اخوكم وصاحبكم طبعاا اهم حاجه هي اننا نتعامل مع بعض بادب واحترام عشان نبقي كويسين مع بعض
كلنا أيدنا كلامه وهو قعد يشرح وفعلا الكل مركز وفيه الي مركز فيه هو بس هو نظرته للي بيبصوا عليه كانت كافيه ان محدش يبص تاني خلصنا المحاضره ونزلنا الكافتيريا تاني شربنا بيبيسي وطلعنا كملنا المحاضرات خلصنا العصر
واحنا مروحين…
فاطمه: اسد اخويا ف الشركه دلوقتي ايه رايك نروح ليه وبعدين نبقي نوصلك ف طريقنا
شهد: لا انا هرن ع بابا ييجي ياخدني مش عايزه اتعبك
فاطمه: تعب ايه بقولك انتي بقيتي اختي خلااص يلا بقا عشان نروحله
هزيت راسي بمعني ماشي
ركبنا تاكسي وروحنا الشركه بتاعته بجد حلوه اوي ساعه م روحنا هي اخدتني ودخلت عند اسد اخوها
ف مكتب اسد….
اسد: وانا بقول الشركه منوره وحلوه كدا ليه انهارده مكنتش اعرف ان قمري هنا
فاطمه: انت الي عنيك قمر عشان كدا شايفني قمرك
شهد: لا استاذ اسد عنده حق انتي قمر فعلا ي فاطمه
فاطمه ابتسمت واسد اتكلم
اسد: ايه ي فطوم مش هتعرفينا ولا اي
فاطمه: دي شهد صاحبتي الجديده ي اسد
اسد: ما شاءلله الي يشوفكوا وهو ميعرفكوش يقول عليكوا توأم ربنا يحفظكوا يارب
شهد: شكرا
سمعوا صوت من وراهم
..: اسد شوفت الملف الي بعتهولك
شهد مصدقتش هو فعلا صوته طب ازاي معقول دي الشركه الي بيشتغل فيها لفت وراها بسرعه عشان تتاكد
شهد: فهد!!!
فهد: شهد!! انتي بتعملي ايه هناا
فاطمه: ايه دا انتو تعرفوا بعض؟!!
شهد: دا فهد ابن عمي
فهد: انتي جايه هنا ليه في حاجه
شهد: دي فاطمه صاحبتي قالت انها جايه تشوف اخوها الي هو استاذ اسد وقالتلي تعالي معايا وهي هتبقي توصلني وهي مروحه
فهد: تمام بس الشركه هنا بتقفل المغرب هتتاخري و مرات عمي هتقلق
شهد بتفكير: خلاص هرن ع بابا ييجي ياخدني وبصت لفاطمه وقالت: مش قولتلك كان زماني ف البيت
فاطمه: ي بنتي عادي بصي مش انتي رنيتي ع مامتك خلااص وبعدين هقول لاسد يلا نقفل ونمشي واهو نروح انهارده بدري وبصت لاسد وقالت: ولا ايه ي اسدي
اسد بضحك: بعد اسدي دي لازم نقوم نروح
كلهم ضحكوا
فهد: تمام انا هخلي حد يروح عربيتي واجي معاكوا او تيجوا معايا وانت ي اسد روح عربيتك
اسد: خلاص انت اصلا بيتك قبلي ف روح عربيتك وانا هوصلكوا ونزلوا كلهم
ف العربيه…….
اسد ساق وفهد جنبه وفاطمه وشهد قاعدين ورا
فاطمه بهمس: هو دا ابن عمك بجد
شهد بنفس الهمس: قالتلها اه واخويا كمان انتي عارفه ان معنديش اخوات بس هو دايما كان معايا زي اخويا ويمكن اكتر
فاطمه: ربنا يخليهولكوا يارب
شهد: يارب
وصلوا البيت وفهد وشهد طلعوا
شهد دخلت شقتهم وفهد دخل وراها مامتها طلعت م المطبخ تشوف مين الي جه
سلوي: ايه دا انتو كنتو مع بعض ولا ايه
شهد: اه ي ماما وحكتلها الي حصل
فهد: انا هطلع ي سوسو اخد دش وانام شويه عما الغدا يخلص كدا كدا الغدا بيخلص المغرب
سلوي: ماشي ي حبيبي
شهد: ماما انا مش قادره جسمي مدقدق حرفيا هخش انام وابقوا صحوني ع الغدا
سلوي: تمام ي حبيبتي خشي يلا خدي دش الاول وبعدين نامي
هزيت راسي بتعب ودخلت خدت دش وطلعت سرحت شعري وكنت لسه هنام لقيت مسدج مبعوته من رقم غريب
محتوي المسدج “كنتٍ جميله اوي انهارده ي عنيا كنت بشيل عيني من عليكي بالعافيه عشان اغض بصري امتي تكوني حلالي انا بحبك اوي ربنا يجعلك من نصيبي ي عشقي الابدي ”
ابتسمت تلقائيا لما قراتها الي هو فيه حد بيحب حد كدا ي جدعان قولت اكيد اتلخبط ف الرقم ف عملت بلوك ونمت بس ميمنعش ان كنت فرحانه ي تري فيه حد بيحب حد كدا طب ليه فهد مش بيحبني زي م بحبه زهقت من تفكيري
المغرب اذن لقيت ماما داخله تصحيني صحيت اتوضيت وطلعت بابا صلي بينا وبعدين طلع صحى فهد ونزل واتغدينا
بعد الغدا….
احمد: ها ي حبيبتي عملتي ايه انهارده ف الجامعه
شهد: والله ي ابوحميد كان يوم قمر كدا واتعرفت ع واحده عسوله اوي اسمها فاطمه حسن الدمرداش بنت عسل اوي اتصاحبت عليها حبيتها اوي شبهي كدا ي بابا مختمره زييي وكملت بضحك وهاديه نفس هدوئي بالظبط
قعدوا يضحكوا
فهد وهو بيضحك: ايوه دا انتي هدوئك مفيش منه
شهد بفخر: عيب عليك ي ابني دا انا شهد احمد القناوي
سلوي: والله م جايبنا ورا غير غرورك دا
شهد: دا مش غرور ي سوسو دي ثقه بالنفس ي حبيبتي
احمد: خلاص اهدوا بقا انتو م صدقتوا ووجه كلامه لفهد وقال: الا صحيح ي فهد فاطمه صاحبه شهد دي مش اخت اسد صاحبك ف الشغل
فهد: ايوه ي عمي هي فعلا اخته انا اتفاجئت انا صاحبه شهد بس البنت محترمه وفعلا شبه شهد
احمد: انا كدا اتطمنت علي شهد ربنا يحفظها يارب
شهد بصوت عالي: اميييييين اصل انتوا اصلا متعرفوش تعيشوا من غيري اساسا
فهد: ي جدع طب دا اصلا عمي ومراتت عمي مستحملينك عشان انتي بنتهم مش اكتر والله
شهد: نينيننينينينييي دمك بقا باااارد
فهد: مش ابرد منك وطلع لسانه وطلع يجري وهو بيضحك ع شقتهم
شهد: شوفتوا الجبان جري ازاي
احمد: خلاص ي حبيبتي انا هاخدلك حقك منه دا عيل عبيط اصلا
شهد: حبيبي ي ابوحميد خدلك بوسه وبوسته من خده وبوست ماما من خدها
قضينا بقيت اليوم بسلام ودخلت عشان انام لقيت مسدح مبعوته من رقم غريب محتوى المسدك “ادعي انك تكوني من نصيبي بحبك ” ضحكت وقولت : اي حوار الارقام الغريبه دي ربنا يستر.وبكره ابقى اقول لماما
ـــــــــــــــــــــــــــــــــــــــــــــــــــــــــــــــ
تاني يوم…
صحيت عملت نفس الروتين بتاع اليوم الي قبله وبعدين بابا خدني وصلني الجامعه دخلت استنيت فاطمه جوه بس مجتش رنيت عليها قالتلي انها خلاص جايه طلعت وقفت بره استناها
مجهول: هو القمر واقف لوحده ليه
مردتش وبعدت شويه عنه
مجهول: لالالا كدا ازعل طب تعالي واحنا نقف معاكي بدل م انتي واقفه لوحدك كدااا هو اتاخر عليكي ولا ايه تعالي احنا نسد مكانه
شهد: لو سمحت ابعد بدل م انده السكيوريتي بتاع الجامعه وتبقي ليلتك سوده
مجهول: مقدرش اسيبك ي قمر وامشي وفجاه لقي بوكس ف وشه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشقي الأبدي)
