رواية عشقي الأبدي الفصل الثالث 3 بقلم سلمى عبدالجليل
رواية عشقي الأبدي الجزء الثالث
رواية عشقي الأبدي البارت الثالث
رواية عشقي الأبدي الحلقة الثالثة
…: مقدرش اسيبك ي قمر وامشي وفجأه لقي بوكس ف وشه
…: ايه ي جدع هو انت ثوور بتضربني ليه
اسد: عشان انت انسان قذر وحيوان ازاي تعاكس بنت ف الشارع ي زباله انت
خالد: وانا اقول متغاظ كدا ليه وبيضربني ليه اكيد دي المزه بتاعتك
اسد قام ضربه بوكس كمان وقاله: دي اختي ي حيوان وشوف بقا ان اتعرضتلها تاني او فكرت بس مجرد تفكير انك تقرب منها ليلتك هتبقي سوده ماشي ي سي زفت غور من وشي
خالد بغل :ماشي بس مش خالد المنياوي الي يتعمل فيه كدا ومن واحد شبهك
خالد مشي واسد راح لفاطمه الي عماله تهدي ف شهد الي عماله تعيط
اسد: خلاص ي انسه شهد مش هيقدر يكلمك تاني صدقيني انا وقفته عند حده
شهد بعياط وهي بتبعد عن فاطمه الي كانت حضناها: انا مش عارفه اشكرك ازاي ي استاذ اسد بجد مش عارفه لو مكنتوش جيتوا كان عمل ايه
اسد بهزار عشان يغير الجو: ي ستي ايه استاذ دي ي بنتي قوليلي ي اسد انا زي اخوك بردو ولا ايه
شهد ضحكت: طبعا اخويا دا حتى شرف ليا
اسد: خلاص بما اني اخوكي معدتيش تقوليلي غير ي اسد ماشي
شهد: حاضر ي استا.. قصدي ي اسد
اسد: شاطره كدا ي شهد
فاطمه: ايه ي اسدي روح شوف الشغل بتاعك ي بني ادم هتتاخر ومتقلقش احنا هنبقي كويسين
اسد باس جبينها ومشي وشهد وفاطمه دخلوا راحوا ع المدرج بعد م راحوا خدو بيبسي م الكافتيريا عشان يهدوا نفسهم
ـــــــــــــــــــــــــــــــــــــــــــــــــــــــــــــــ
ف كليه الهندسه عند فهد
فهد: ايه ي جدعاان عايزين نبقي نخرج
عمرو صاحب فهد: ي ابني دا تاني يوم جامعه للدرجه دي زهقت وعايز تخرج
فهد: ي ابني انا بطلع م الجامعه ع الشركه وم الشركه ع البيت يدوبك اتغدي واسهر شوسه معاهم ف البيت وانام وهكذا كل يوم
عمرو: خلاص ي سيدي نخرج الجمعه الجايه ان شاء الله اشطا
فهد: اشطااا…. ولا بص كدا الواد خالد شكله متخانق مع حد وضربه بالبوكس
عمرو: ي عم يستاهل هو بيبطل دا بني ادم زباله اساسا تلاقيه دايق بنت ولا حاجه م دا طبعه
فهد: عندك حق والله ربنا يهديه
عمرو: طب يلا عشان المحاضره هنتاخر
فهد: تمام يلا
ـــــــــــــــــــــــــــــــــــــــــــــــــــــــــــــــ
ف الشركه عند اسد
اسد داخل بهيبته المعروفه وثقته ف نفسه
اسد: صباح الخير
الكل: صباح النور ي فندم
اسد راح ناحيه مكتبه
اسد: سمر اول م فهد ييجي دخليهولي علي طول
سمر: تمام ي فندم
اسد: وقوليله يجيب الملفات بتاع امبارح.. اه وهاتيلي القهوه بتاعتي
سمر: حاضر ي فندم
ومشت عشان تعمله القهوه
ـــــــــــــــــــــــــــــــــــــــــــــــــــــــــــــــــــــــــــــــ
ف كليه الطب
شهد كانت بتحكي لفاطمه كل الي حصل وهي زعلانه وبتعيط فاطمه خدتها ف حضنها وقالت: انا اسفه ي حبيبتي لو مكنتش اتاخرت مكنش دا حصل
شهد: دا مش ذنبك ي فاطمه يلا الحمدلله
فاطمه: الحمدلله ي حبيبتي ايه رايك تيجي تتغدي معايا انهارده
شهد: لا مش هينفع اسيب ابوحميد وسوسو لوحدهم
فاطمه: ابوحميد وسوسو مين
شهد: ابوحميد دا بقا ي ستي دا كل حياتي بابايا اسمه احمد وسوسو دي قلبي دي مامتي اسمها سلوي انا مش بحب اقول لحد باسمه بحب ادلعه يعني انتي اساسا انا عايزه اقولك ي توتي او ي فطوم بس محروجه
فاطمه: وبتتحرجي ليه يعني زي م انتي ي عايزه ي شوشو قلبي انتي وضحكوا هما الاتنين
ــــــــــــــــــــــــــــــــــــــــــــــــــــــــــــــــــــــــــــــــــــــ
ف الشركه..
سمر: بشمهندس فهد ي بشمهندس فهد
فهد: خير ي سمر
سمر: مستر اسد عاوز حضرتك وبيقول انه عايز الملفات بتاع امبارح
فهد: تمام روحي شوفي شغلك انتي
سمر: ماشي ي فندم
فهد راح جاب الملفات وراح لمكتب اسد لقاه متعصب جدا راح قعد ع الكرسي الي قصاده واتكلم
فهد: ايه ي اسد مالك متعصب كدا ليه
اسد: فاكر الحيوان حامد المنياوي
فهد: اه طبعا فاكره ودا يتنسي دا كفايه الي عمله
فلاش باك
حامد: يعني ايه عايز تفك الشراكه ي حسن
حسن (والد اسد): يعني انت شغلك مش مظبوط ي حامد وابتديت تعك وتدخل ف صفقات مشبوهه وهتبوظ شغلي ف هتاخد نسبتك وتتفضل تطلع بره الشغل ي حامد عشان خاطر حتي الصحوبيه الي كانت بينا
حامد بغللل: ماشي ي حسن ومش انا الي يتعمل معاه كدا
حامد خرج بغضب جامح باين ع وشه واتقابل مع اسد ومكلموش واسد دخل لابوه وابوه حكاله الي حصل
اسد: حضرتك عملت الصح ي بابا زعلان ليه
حسن: زعلان عشان دا الوحيد الي متوقعتش منه الخيانه ف يوم من الايام
اسد: معلشي ي بابا بس دا قدر ونصيب مش انتو فضيتوا الشراكه خلاص الحمدلله
وعدت الايام بعدها لحد ما ف يوم حسن كان رايح الشركه اتضرب عليه نار في طلقه جت ف صدره وراح المستشفي وكان بيموت بس ربنا نجاه وفاق وبعدين جابوا الولد الي ضرب عليه نار واعترف ان الي قاله يعمل كدا هو حامد المنياوي واسد كان هينتقم بس ابوه وقفه ومن يومها وهو بيكرهه
باااااااك
اسد: انهارده وانا رايح اوصل فاطمه الجامعه حصل كذا كذا وحكاله كل الي حصل وبعدين ف الاخر قالي انه اسمه خالد المنياوي ف عرفت انه ابنه ف مسكت نفسي عن قتله بالعافيه
فهد وقتها عرف ليه خالد كان جاي عامل كدا بس هو مفيش عداوه بينه وبين حامد المنياوي بس دلوقتي بقت فيه بعد الي عمله ما شهد
فهد: وهي شهد عامله ايه دلوقتي
اسد: هي كانت منهارده وبتعيط بس فاطمه هدتهاا وتقريبا احسن
فهد: طب يلا قوم معايا
اسد بعدم ففهم: اقوم معاك فين!!
فهد: اسد مش ناقصه غباء هنروح الجامعه نطمن ع شهد
اسد: وانت هتاخدني معاك ليه
فهد: عشان هما هناك عارفينك ي متخلف
اسد: وانت متخليهمش يعرفوك ليه انا مش عارف انت ليه مداري ع الكل انك شريكي ف الشركه وزيك زيي
فهد: عشان مستني الوقت المناسب ي اسد ويلا انجز
نزلوا من الشركه وراحوا الجامعه عند فاطمه وشهد
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ف كليه الطب….
فهد واسد نزلوا من عربياتهم و دخلوا جوه اسد طبعا كان عارف المدرج الي فيه اخته خده وراحوا هناك وخبطوا واول م دخلوا
فهد: چووو حبيب قلبي
دكتور يوسف: فهد وأخده بالحضن وسلم ع اسد واخده بالحضن بردو في وسط اندهاش فاطمه وشهد
يوسف: المحاضره انتهت ي شباب كلهم فرحوا وخرجوا ما عدا شهد وفاطمه فضلوا قاعدين
فهد: انت ازاي ي چو متتواصلش معايا طول الفتره الي فاتت دي تصدق انك حيو…. ولسه هيكمل قاطعه صوت يوسف
يوسف: اهدوا فيه ايه في طالبتين لسه مخرجوش
اسد بضحك: ولا هيخرجوا
يوسف: نعممم!!!!
فاطمه: ايوه ي دكتور دا اسد اخويا
شهد: ودا فهد ابن عمي
يوسف: وليه مقولتوش طول الفتره دي
شهد وفاطمه مع بعض: نعمم!! فتره ايه دا انهارده تاني يوم لسه
كلهم ضحكوا
يوسف: فيه ايه اهدوا المهم اني عرفت دلوقتي اساميكوا ايه بقاا
فهد بتعجب: هو انت متعرفش اساميهم
يوسف: لا هو انا هقوم كل واحد يقول اسمه انا بقرا الاسم الي هيجاوب من الكشف وخلااص وبنسي اصلا بعدهاا
اسد: لا جدع يلاا والله انت متأكد انك معيد وبتدرس لطلاب
يوسف: م خلااص بقا لازم تهينوني كدا الهيبه هتروح ي جدعان
فاطمه بضحك: متقلقش ي دكتور الي هيحصل هنا مش هيطلع بره
يوسف برق م الي قالته وهما كلهم ضحكوا خرجوا بره المدرج وقعدوا يتكلموا ويهزروا وبعدين اتفقوا انهم كلهم هيخرحوا يوم الجمعه
شهد رنت ع باباها بعد م اسد وفاطمه مشيوا وهو جه خدها وفهد راح الشركه عشان يكمل شغله
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ف البيت…
شهد: بس ي ماما هو دا الي حصل
سلوي: ي حبيبتي ي بنتي بقا كل دا يحصلك انا هخلي بابا يجبلك عربيه بسواق عشان ميحصلش كدا تاني
شهد :الي يريحك ي ماما بس متقلقيش انتي
سلوي: ماشي ي حبيبتي قومي يلا غيري وخدي دش وصلي ونامي
فعلا عملت كدا واتفكرت اني نسيت اقول لماما ع الولد الي بيبعت ف قولت اول م اصحي ابقي اقولهاا وبفتح تليفوني اشوف الساعه لقيت الرقم باعتلي مسدج بس المره دي اتاكدت انه مش غلطان ف الرقم زي م توقعت لان محتوي الرساله اكدلي انه يقصدني
محتوي المسدج “كان نفسي انا الي اضرب الحيوان الي غلس عليكي دا كان نفسي اكون جنبك نفسي اخبيكي عن العالم كله انتي اغلي حاجه ف حياتي ومش.هسمح لحاجه تاذيكي ”
قولت ف نفسي طب هو عرف منين ومين دا اساسا وازاي بيعرف كل حاجه عني يمكن يكون حد م الجامعه لقيت نفسي حيرانه فقولت انام احسن
ــــــــــــــــــــــــــــــــــــــــــــــــــــــــــــــــــــــــــــــــــــــ
سلوي: يلا ي حبيبتي قومي المغرب اذن والاكل ع السفره واحنا صلينا لسه انتي وكلنا بره مستنييينك
شهد: حاضر ي ماما صحيت اتوضيت وصليت المغرب وطلعت باسدال وطرحه وقعدت اكل
احمد: مالك ي حبيبتي مش مبسوطه ليه
شهد: مفيش ي حبيبي
سلوي: لا فيه وحكتله الي حصل
احمد: من بكره العربيه والسواق هيكونوا معاكي ي شهد
سلوي: انا قولتلها كدا
شهد: تمام الي تشوفوه صح اعملوه
فهد: شهد انتي فيكي ايه حاسك متغيره متدايقه فيه حاجه حصلت ي شهد
شهد: لا اه لا بصوا هو فيه انتو عارفين اني مش بعرف اخبي عليكوا حاجه ف هقولكوا وقامت مطلعه الفون وورتهم الرسايل كلهم سكتوا شويه
شهد: فيه ايه ي جماعه سكتو ليه
فهد و هو بيضحك: دا عاشق ولهان ي قلب امه
سلوي: ايوه بس هو جاب رقمك منين وازاي عارف كل التفاصيل دي
احمد: ايوه انا مستغرب جدا ازاي عارف كل تحركاتك دي ي شهد
شهد: م هو دا الي هيجنني
فهد: هاتي الرقم كدا
شهد ادته الرقم وبحث عنه لقاه مش متسجل فقالهم انه اكيد واخد حذره ومأمن نفسه كويس عشان ميتكشفش
شهد: طب اعمل ايه هو فيه رقم كان باعتلي قبل كدا بس عملت بلوك وقولت ممكن يكون حد متلخبط ف الرقم ولا حاجه وبعدين لما دا بعت هو كمان قولت لا لازم اقولكوا
سلوي: خلاص ي حبيبتي متعمليش بلوك وامسحي الرقم وخلاص
احمد: ايوه اصل لو عملتي بلوك هيدخل من رقم تاني وتالت وعاشر ومش هنخلص
فهد: انا عندي فكره تعالو نرن عليه من رقم تاني مثلا رقمك ي عمي ونكلمه
شهد: اشطا عليك ي فهود بنبهر بذكائك والله
فهد: ي بنتي محدش مقدرني والله
شهد: هسحب كلامي تاني بكل سهوله
فهد: لا خلااص يلا ي عمي ونقلوا الرقم ورنو ولقوه مغلق رنو من فون فهد ولقوه مغلق
فهد: يبقي كدا اكيد هو عامل الرقم وهمي للواتس بس دا طلع ذكي جداا
شهد: والعمل ايه
فهد: الارقام الوهميه دي مفيش اكتر منها فممكن يدخلك بمليون رقم ف بلاش تعملي بلوكات ولا تردي امسحي الرقم وريحي دماغك
شهد: اشطا يلا انا الحمدلله شبعت هقوم اعمل الشاي وندخل البلكونه
الكل: ماشي
روحت عملت الشاي وطلعت لقيتهم ف البلكونه لكن فهد واقف بعيد شويه وسرحان روحت من وراه بدون م يحس وخضيته
شهد بضحك: بخخخ
فهد بخضه : اعوذ بالله
شهد: اي شوفت عفريت
فهد: اسوأ للاسف
شهد :مش هرد عليك وسابته ومشيت وهو راح وراها
قعدت معاهم وبعدين لقيت مسدج مبعوته من نفس الرقم بتقول “انا قريب جدا منك لدرجه اني اعرف انفاسك بس عمرك م هتعرفي انا مين بس كل الي عاوزك تعرفيه انك عشقي الابدي “ضحكت ف كلهم بصوا باستغراب
كلهم: فيه ايه
شهد بضحك: العاشق الولهااان وضحكتت ووريتهم الرساله كلهم ضحكوا وبعدين فهد طلع ينام وكل واحد فينا دخل اوضته دخلت اوضتي اتوضيت وصليت وبعدين قعدت كنت منتظراه يبعت اي رساله مش عارفه ليه بس قلبي بيدق جامد لما بيبعت اي رساله بحس ان في حاجه بتربطني بيه اي هي مش عارفه والحمدلله بعت رساله
“كنتِ قمر انهارده اصل انتي قمر من غير حاجه ليكِ سحر خااص بيكِ لوحدك تجذبي اي حد ليكِ وع فكره بعد م اتجوزك هلبسك نقاب انا مش عايز حد يشوفك غيري ”
حاسه انه بيفكر بدماغي بجد انا كنت عاوزن فعلا البس النقاب بعد.م اتجوز بس الفكره اني اتجوزه هو اتجوز فهد محدش تاني ربنا يريح قلبك ي ابني ويريح قلبي انا كمان اما اقوم انام دماغي وجعتني
ياتري مين هيكون الولد الي بيبعت لشهد الرسايل؟؟
وهل فهد هينتقم من خالد المنياوي علي الي عمله؟؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشقي الأبدي)
