رواية عشقني فحطمت غروره الفصل الأول 1 بقلم الشيماء ممدوح
رواية عشقني فحطمت غروره الجزء الأول
رواية عشقني فحطمت غروره البارت الأول
رواية عشقني فحطمت غروره الحلقة الأولى
تيلفوني وقع من ايدي ومصدقتش اللي سمعته بابا عمل حادثه ودلوقتي هو محجوز في العنايات المركزه!! كنت حاسه اني في كابوس حاولت اتماسك على كد ما قدر ولبست هدومي و ركبت عربيتي طلعت جري علي المستشفى.. انا ليلى الحفناوي عندي ٢١ سنه مليش في الدنيا دي غير ابويا امي توفت من وانا عندي ٥ سنين ومكانش ليا اخوات ولا حتى قرايب ابويا عمره ماحكالي عن أهله ولا كان يتكلم معايا عليهم اما امي كانت وحيده ابوها وامها زيي كده يعني من الاخر كده مقطوعه من شجرة بس ربنا عوضني بابويا كان احن اب في الدنيا مكنتش بشيل هم اي حاجه في الدنيا كنت مدلعه واللي بطلبه بلاقيه مش بتعب عشان اوصل لحاجه عشان بابا بيجبهالي لحد عندي لانه غني اووي وبيحبني اووي وشركته من أكبر الشركات في العالم وليها فروع في بلاد كتير عمري ماتخيلت حياتي من غير بابا هتكون ازاي كنت بعتمد عليه في كل حاجه في حياتي وعمري ماعتمدت على نفسي في حاجه حتى اني انطوائيه وملييش صحاب كتير ومبحتكش بحد ..وصلت المستشفى ولقيت عمو ابراهيم صاحب بابا وشريكه في الشركه وصل هناك هو وولاده الاتنين كنت منهاره وعماله اعيط جامد وعمو ابراهيم فضل يهديني ويطمني ان بابا هيبقى بخير لحد مالدكتور خرج وكلنا مستنيين انه يطمنا بفارغ الصبر ولكن قال انه دخل في غيبوبه انا هنا انهارت واغمو عليا انا مقدرش اعيش من غير بابا هو الوحيد اللي بيهتم بيا وبحياتي هو كل حاجه في حياتي انا مليش غيره في الدنيا دي
بعد مافوقت لقتني في اوضه في المستشفى وعمو ابراهيم معايا والحزن مالي وشه
_ ليلى يابنتي انتي لازم تاجي معايا وجودك في الفله خطر على حياتك انا مش هسيبك لوحدك ابدا
=لأ ياعمو متشكره جدا لحضرتك انا هعرف اخد بالي من نفسي وكمان في حرس عالفله متخافش عليا
ابراهيم بنرفزه_ لا هتيجي معايا ي ليلى الحادثه دي كانت مقصوده وانا شاكك في حد لان ابوكي كلمني قبلها وقالي انه جاي يتكلم معايا بخصوص موضوع مهم وخطير ومينفعش في التيلفون اكيد الحادثه دي كانت مدبره وانا مش هخاطر بحياتك ابدا الناس دي مش سهله يابنتي وانتي امانه في رقبتي لحد ما مصطفى يفوق ويقوم بالسلامة ان شاء الله وده اخر كلام عندي ومن غير مناقشه ي ليلى
ليلى بقله حيله: حاضر ي عمو
روحت عند عمو ابراهيم الفله ووصلني اوضتي ارتاح وشكرته جدا على وقفته معايا.. عدت ايام كتير على قعدتي هنا كنت قافله على نفسي اوضتي ومبطلعش منها والحزن متملك مني.. مبتكلمش مع حد الصدمة كانت كبيره بالنسبالي ومش قادره اتقبل اللي حصل دا.. مرات عمو ابراهيم كانت بتطلع تطلعي الأكل لحد عندي وتقعد تتحايل عليا عشان آكل وبتأكلني بايديها وبتواسيني وتطمني وايام تاني عمو بيطلع عليا ويصر عليا اني انزل افطر معاهم عشان افك عن نفسي.. وكنت كل يوم بزور بابا وارجع اعيط وكنت بصلي وادعيله يقوملي بالسلامه انا مليش غيره في الدنيا .. لحد ما فيوم عمو ابراهيم اصر عليا اني انزل اتغدا معاهم وطبعا نزلت بالعافيه لما اصروا عليا واكلت حاجات بسيطه عشان مزعلهومش لحد ماخسيت خالص ومبقتش قادره أسند طولي ولاحظت ان عمو خلص اكل بسرعه وقال لابنه آدم الصغير
(آدم ٢٧ سنه ابيض وشعره اسود كثيف وناعم وعينه عسلي مغرور اوي بنفسه وشايف انه مفيش منه اتنين ناجح جدا في شغله وحياته )
ابراهيم _ آدم عايزك في موضوع ضروري بعد ماتخلص غداك تعالالي عالمكتب
وفعلا آدم بعد ماخلص غدا راحله عالمكتب وبعد شويه مش قليلين خرج وهو مضايق وكان وشه محمر من الغضب بس انا مهتمتش للموضوع.. ورحت لعمو ابراهيم المكتب وبعد مادخلت قلتله
_ عمو انا عايزه اروح اطمن على بابا بابا وحشني عايزه اروح اتكلم معاه واحكيله عن كل اللي مضايقني وخايفه منه انا محتاجه لكده اووي وكمان عايزه اعرف من الدكتور امتا هيفوق لانه وحشني اوووي اكيد قرب يفوق انا لازم اروحله 🥹
ابراهيم بحزن وبعد عينه عن ليلي بتوتر وكأنه بيتهرب من حاجه = ليلى ي حبيبتي انا خايف عليكي من كتر الخروج لحسن ينتهزو الفرصه ويأذوكي
ليلى بقلق: عمو بالله عليك ماتخبيش عليا🥺 انت في حاجه مخبيها عليا صح؟! بابا جراله حاجه🥺؟ رد عليا بالله عليك ياعمو 🥹
ابراهيم بحزن:
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشقني فحطمت غروره)
