رواية عشقك لعنتي الفصل الرابع والثلاثون 34 بقلم شروق مجدي
رواية عشقك لعنتي الجزء الرابع والثلاثون
رواية عشقك لعنتي البارت الرابع والثلاثون
رواية عشقك لعنتي الحلقة الرابعة والثلاثون
صلى على الرسول صلى الله عليه وسلم ♥️
…………………………………..
جاء الصباح على الجميع
استيقظت نور بفرح بعد ان انتهى خلافها بالامس مع يحيى و بدات تسند بالعكاز وهي تجهز ملابس لها لهذا اليوم
اتصل عليها يحيى ردت سريعا وهي تقول : الو ايه ده صاحي من بدري كده ليه لسه الساعه 8:00
يحيى: ما انتي عارفه اليوم النهارده مضغوط جدا عندي كذا حاجه بقى وكده و عايزك معايا من اول اليوم فا اي اعدي اخدك امتى
نور : طب انت قلت لبابا اصلا ان انا هاجي معاك يحيى : اه انا مكلمه امبارح ومتفق معاه اني هاخدك النهارده من بدري يلا بقى البسي اي حاجه وخدي الفستان معاكي او الطقم اللي انتي هتلبسيه و البسي عندي
نور : طب هو في مكان اصلا في الكافيه عشان اغير هدومي و البس فيه
يحيى : اكيد لا بس في فندق جنب الكافيه وانا حاجز في اوضه لما اخلص نروح نغير هدومنا هناك
يلا بقى يعني نص ساعه بالكثير و هعدي عليكي شوفي عمران فين صحيح كان قال لي هاجي لك من بدري فلو هينزل اخده معايا في طريقي
نور : خلاص تمام هرن عليه ولو ما ردش واحنا نازلين نخبط عليها
يحيى: لا نخبط عليهم ايه ده راجل متجوز يعني ومع مراته اخبط عليه 8:00 الصبح ما ينفعش طبعا
نور : لا ما تخافش اطمن جوازهم تقريبا مع ايقاف التنفيذ لما ربنا بقى يفرجها معاهم وبعدين انت شايفه يعني قادر يتحرك قوي من اول يوم العيد
يحيى : ايوه ليه بقى مع ايقاف التنفيذ انا ليه حاسس ان في حاجه ما بينهم مش مظبوطه او كانهم كده بيتعرفوا على بعض لسه من اول وجديد هي مش برده ليان اختك اللي بتحب عمران من صغرها فانا مش فاهم الصراحه ايه الفكره
نور : لا ده موضوع طويل شويه فخليني بس البس واقابلك ولما يجي وقت هبقى احكي لك يلا سلام هستناك
يحيى: ماشي حبيبي سلام
بالفعل ارتدت نور ملابسها ورفعت هاتفها تحاول الاتصال بيحيى ولكن الهاتف مغلق عواد الاتصال على ليان مره اخرى ولكن لا رد
نور : هم دول هيردوا اصلا وبعدين انا برن على مين ليان لو شافت التليفون هتعمله صامت وتنام دي عيله بارده لما يجي يحيى اننزل لهم بقى وخلاص
…………………………………..
اما بالاسفل كان هو ياخذها بين احضانه ويضع يده على شعرها يحركها ببطء وهي نائمه ظل ينظر لها ولا يصدق ما حدث بينهم هذه هي طفلته المشاغبه التي دائما تشاكسه لم يكن يعرف انه يحبها لهذا القدر الا اليوم بعد ان اقترب منها بهذا الشكل وجد نفسه يعشقها بل يتمنى قربها تاكد اليوم انه يعشقها من قديم الازل وتاكد ايضا من حبها له لم يكن يعرف انها تعشقه بتلك القوه
فتحت عيونها بضيق من حركه يده على خصلات شعرها وقالت : في ايه يا مارو انت صاحي تبيع لبن هو في حد يصحى دلوقتي الساعه تقريبا ما جتش تسعه اي اللي مصحيك كده
عمران بشغف وهو يحرك يده على وجهها ببطء: انا صحيت من بدري عشان بفكر في اللي شاغلني ونايم وسايبني انتي ازاي قادره تنامي كده امال انا ليه مش عارف انام
حركت حاجبيها بمشاكسه وهي تقول : انت مش عارف تنام بقى من امبارح لي ظهرك وجعك يا مرو ضحكه بقوه واكمل : لا قلبي اللي وجعني يا شقيه عشان وحشتيني
ليان بدلع : وحشتك وانا معاك طب تيجي ازاي بقى
اقترب منها واكمل بهمس: تعالى اشرح لك تيجي ازاي بقى
ضحكت بقوه ولكن قاطعهم صوت الطرق على الباب عمران باستغراب : هو مين ده اللي جاي دلوقتي
ليان : اكيد نور النهارده افتتاح الكافية بتاع يحيى
عمران بتذكر: اه انا نسيت خالص الموضوع ده ده انا قايل له عدي عليا من بدري طيب على العموم ما تتحركيش من مكانك هزحلقهم واجي لك
ليان وهي تجلس على الفراش وتغطي جسدها بالغطاء : هم مين دول اللي هتزحلقهم خلص قوم البس وتعالى نروح لهم
عمران وهو يرتدي ملابسه وينظر لها بتحذير : عارفه لو اتحركتي من مكانك ولا جيت لقيتك قايمه من على السرير انتي حره انا هزحلقهم وارجع لك انا بقول لك اهو
ضحكت بقوه عليه : طب بسرعه بقه انا مستنيه اهو
اتجه هو للخارج و اغلق الباب وهو يقول : مش عارف انا ده وقته حد يجي في وقت كده اي الناس دي ايوه اااايوه جااااي
وفتح الباب بغيظ وهو يقول : نعم خير في ايه
فتحت عيونها نور بصدمه من مظهره وتحدث يحيى بهمس لها وهو يتنحنح بحرج : هو ده اللي ما فيش حاجه بينهم ها منك الله ربنا يسامحك يا شيخه
نور بحرج : واضح ان انا جينا في وقت غير مناسب هو مش انت قلت ليحيى انك هتكون معاه يعني من الصبح فهو عدى عشان ياخدك في طريقه مش اكثر
عمران باستغراب : انتم مالكم عاملين تبصوا لي كده ليه على العموم اوكي يا يحيى روح انت وانا هبقى اجي وراك
يحيى بحرج : لا لا ما تجيش عادي بص خليك على اخر النهار يعني على معاد الحفله خليك براحتك انا كده كده معايا الشباب وما فيش حاجه ناقصه حتى بيشوي جاي برده انجوي بقى استمتع يلا سلام يلا يا نور
وسند نور واتجه للاسفل
استغرب عمران طريقتهم واغلق الباب وهو يقول: احسن برده جت منه
ولكن توقف بصدمه وهو ينظر لنفسه بالمراه ويقول يا نهار عشان كده عمالين يبصولى باستغراب الله يكسفك يا ليان
فكانت اثار بعض بقايا الروج على وجهه و عنقه ايضا
اتجاه للداخل لها وجدها عادت للنوم مره اخرى فقال بصوت عالي وهو يجلس بجانبها : اصحي يا ماما انتي يا لولى هانم
ليان بنوم : في اي يا عمران عايز ايه على الصبح عمران : هو انتي ما اخذتيش بالك وانا خارج تقولي لي امسح الروج من على وشك
ليان وهي تضحك بمرح : مش انت قلت عايزه تزحلقهم قلت اساعدك بقى لما شافوك كده هيمشي لوحدهم
جذب الوساده وهو يضربها ويقول بغيظ : بتحطيني في موقف محرج كده ماشي انا عارف اصلا انك رخمه وسوسه
ضحكت بمرح وقالت : خلاص خلاص ما تزعلش يا مارو كنت بهزر يلا بقى عشان نقوم نروح لهم ولا هننام ولا هنعمل ايه
اقترب منها بخبث وهو يقول : هو من ناحيه هنعمل في احنا هنعمل حاجه ثانيه خالص اما بقى من ناحيه اختك في احنا نروح لهم على ميعاد الحفله وبعدين هم كلهم هناك فا خليكي انتي بقى معايا انا
ضحكت بغزل واكملت : اخليني معاك انا ازاي يعني مش فاهمه احتضنها من خصرها بقوه وهو يقول : هفهمك انا دلوقتي
ليان وهي تبعدوا : بس انا جعانه عايزه افطر
عمران بشغف ؛ طب ما انا كمان عايزه افطر فطريني الاول وبعد كده ابقي افطري انتي
ضحكت بمرح عليا
❤️❤️❤️❤️❤️❤️❤️❤️❤️
…………………………………..
بالمساء كان المكان بغايه الروعه الكل على اتم الاستعداد مروان سيليا بيشوي مريم عيسى الذي ينتظر قدوم ميرنا
اما زيدان فاخذ نور للغرفه بالاوتيل لترتدي ملابسها
تحدثت نور بغيظ وهي تقول: انا عايزه افهم انت مخليني قاعده ومش بلبس الفستان بتاعي ليه طب فين لبسي هفضل قاعده كده يعني الحفله قربت انت بتهزر
زيدان : استني دقيقه ما تعرفيش تصبري دقيقه خلاص اهو
بالفعل بعد اقل من دقيقه دق الباب فتح زيدان وهو ياخذ من النادل شيء واغلق الباب وقال : يلا البسي ده
نور باستغراب : هو ايه ده فستان يعني جايب لي فستان هديه ما قلتليش ليه
واقتربت وفتحت الثوب بفرح وجدته فستان طويل ضيق من الاعلى وينزل باتساع منفوش باللون الاوف وايت ومطرز ببعض فصوص اللؤلؤه كان فستان بغايه الرقه
فقالت نور بفرح : وووواو روعه جدا حلو قوي بجد ابتسم يحيى وقال : طب يلا البسي هدومك وانا هدخل البس في الحمام لما تخلصي اندهي عليا
بالفعل دخل وارتدى ملابسه وهي ايضا ورفعت شعرها على شكل كعكه فوضويه وانزلت بعض الخصلات على وجهها بفرح شديد وقالت : لو خلصت يا يحيى انا خلصت خلاص
بالفعل فتح الباب واتجه للخارج نظرت الله باعجاب شديد وقالت : ده انت مخطط بقى
ضحك بقوه واكمل : ايه رايك
فكان يرتدي بنطلون باللون الاسود وقميص باللون الاسود وبليزر باللون الاوف وايت وحذاء باللون الاوف وايت كان في غايه الوسامه
فقالت نور: لا ما اقدرش اتكلم حلو جدا على فكره الفستان رائع والطقم بتاعك حلو قوي على فكره عجبني اوي طب يلا بينا بقى
ابتسم وهو يتحرك حولها ويقول : مش لما اشوف الجمال اللي معايا الاول ايه القمر ده الفستان يجنن عليكي
واقترب يحاوط خصرها واكمل : اللون الكشمير اللي على شفايفك ده حلو قوي
وضعت يدها امامه بتحذير : يحيى انزل علشان انا حاطه حاجات كثير جدا عشان اعمل اللون ده
يحيى : حاطه ايه مش فاهم
نور : فاونديشن هايلايتر كونتور قلم شفايف لون فاتح ولون غامق ولبلاس وروج يعني لو عملت اي حركه هتبوظ كل ده
ضحكه بقوه : ايه يا بنتي كل ده انتي بترممي عماره انتي حلوه من غير حاجه خالص اصلا وانا اقول برده شكل شفايفك متغير ليه
نور: طب يلا حضرتك
يحيى : انتي كلمتي اللي نايمين في العسل دول قال و تقولي لي ما فيش بينهم حاجه ده كان ناقص يشتمنا ان احنا خبطنا عليه
ضحكت عليه بقوه : على فكره انا اتصدمت بجد اعرف ان مفيش ما بينهم اي حاجه وواضح ان اللي حصل ده حصل امبارح يعني فانا كنت انا كمان محرجه جدا
يحيى : ما هو ده يبقى اوحش يعني حصل امبارح واحنا مصحينهم الساعه 8:00 الصبح ده حقه ما يجيش ولا يعبرنا اصلا
نور بمرح لا ما تخافش جاي كلمت ليان وقالت لي راحوا الفيلا عشان لبسهم هناك وهيلبسوا وجايين
يحيى : طيب انت تمام قادره تمشي من غير عكاز
نور : لا تمام ما تقلقش انا كويسه
تمسك يحيى بيدها وهو يقبلها ويقول: طب يلا يا ستي اتفضلي يا فندم
عشقك لعنتي بقلم شروق مجدي
…………………………………..
بالفعل وصلت نور للمكان وهي تقول له : مش هتقولي بقى سميت المكان ايه يعني انا ظبط اليافطه و جهزتها انك هتعمل الاسم الخارجي ب الاكريليك على مزاجك انت عند حد تعرفه فأقول بقى اسمه ايه
يحيى : لما نوصل اكيد هتشوفي اليافطه هو انتي ما تعرفيش او ما سمعتيش عن حاجه اسمها مفاجاه يا نور ممكن تستمتعي النهارده اليوم ليكي سيبي لي نفسك خالص
نظرت امامها وهي تقول : ماشي يا سيدي هستنى
بالفعل اقتربت من المكان و نزلت وهي تنظر له بفرح وتقول : NORE سميت المكان نوري انت بتهزر صح
يحيى : عجبتك المفاجاه
نور : جدا ما كنتش متوقعة انك تسميه كده انا قلت يمكن عايز تسميه ze و مش عايز اعرفه عشان ما تضايقش يعني
يحيى : اكيد مش هسميه اسم انا عارف انك هتضايقي منه
وتمسك بيدها ويقول : يلا بينا
ضحكت بفرح واتجهت معه للداخل كان الجميع بالمكان والكل يصفق لهم بترحاب شديد
فقال عيسى بهمس له: ها اطلع بالمفاجاه الثانيه يحيى : لا لسه ادهم باشا و الفريق لسه ما جاش استنى شويه
عيسي : اوكي بووص
ليان : هو انت ممكن تسيب ايدي شويه عايزه اروح اتفرج على المكان تحفه وانت لازق فيا واقف مع الناس صحابك ومش عايزني امشي انا عايزه اروح اقف مع البنات بليز
عمران : بس انا عايزك معايا تعالي نروح سوا ونقف مع البنات ما عنديش مشكله
ليان : نعم يا اخويا هو ايه اللي نروح سوا نقف مع البنات دي عمران هو في ايه مالك سيب ايدي
عمران بغمز : بعد اللي حصل ما بيننا امبارح ده وبتقولي لي اخوكي
خجلت هي بشده مما قالوا : بس بقى هو انت في ايه مالك اوعى بجد
عمران : خلاص تعالي نسيب الولاد ونسيب البنات و نوقف انا وانتي على جنب تعالي نقعد على الترابيزه اللي هناك دي
ليان : وهنقعد على الترابيزه اللي هناك دي نعمل ايه لما اروح البيت نقعد مع بعض انا عايزه اقعد مع البنات اوعى بقى
عمران : ماشي يا لولي روحي بس اعملي حسابك ان احنا النهارده راجعين الفيلا
ليان : ليه
عمران : هو ايه اللي لى مش بيتنا يا حبيبي ولازم نرجع
ليان : طب ما تخلينا شويه في الشقه عادي يعني عمران : لا بصراحه مش هينفع انا عايزه استفرد بيكي وكل شويه بقى خد يخبط عليا او انتي فوق لا لا احنا هنروح الفيلا و النهارده
ضحكت مرح وهي تقول : اوكي ان كان كده ماشي ورحلت من امامه
تنهد بقوه وهو يقول: هتجنني معاها تجنن
بيشوي : الله الله انا شايف في ريحه الجو رومانسي هنا
عمران: اخيرا اخيرا يا بشوي كسرت الحوادث بيني وبينها حاسس ان انا كنت في معركه وطلعت منها منتصر
بيشوي: يعني قريب بقى عمه ولا لسه
عمران: لا قريب هتبقى عمو ادعي لي انت بس
ضحك بيشوي بمرح وهو يحتضنه ويقول : انا ابارك لك من دلوقتي يا صاحبي ادعي لي انا ان ابوها يخلص بقى بيقول لي اربع شهور يعني انت ويحيى اتجوزته قبلي وانا اللي خاطب قبلكم ابوها عمال يذل فيا قال ايه اصلها بنته الوحيده وصعبانه علىه انها تمشي وتسيبه ، طب ما انا كمان صعبان عليا انها سايباني لوحدي ، وشكلي كده اخر ما هزهق هروح اشتكي في الكنيسه واخلص بقى
عمران : صعبت عليا تصدق حاضر يا سيدي انا هكلمه لك يمكن اخليهم ثلاث شهور بدل اربعه واضحك هو و بيشوي بقوه
عشقك لعنتي بقلم شروق مجدي
…………………………………..
وقف زيدان يتحدث مع مروان وعيسى عن ترتيبات في المكان وكانت نور تقف مع مريم ويتحدثان بمرح
وليان تقف مع سيليا ويتحدثان بمراح ايضا والجميع كان بغايه السعاده مع بعض الموسيقى الهادئه بالمكان
وصل ادهم ومعه فيروز ببطنها المنتفخه قليلا وايضا مازن ومعه زوجته اميره
و حاتم وزوجته ايه ومصطفى وزوجته منى وطارق وزوجته ليلى
اقتراب زيدان بفرح شديد يرحب بها وهو يقول : اهلا اهلا نورت المكان والله يا ادهم باشا حقيقي كنت هزعل لو ما كنتوش جيتوا
فيروز بهمس لمازن : هو احنا فين ادهم قال لي عامل لك مفاجاه هو ده افتتح كافيه جديد ولا مطعم ده ولا ايه
مازن : اه مش شايفه مكتوب على المكان نوري ما هي دي البنت اللي كانت معانا في المهمه اللي جوزها مات يا عيني
فيروز بصدمه : يا عيني اه جايبني فتتاح مطعم نور
مازن : شفتي اموره ازاي هي اللي واقفه هناك دي نظرت لها فيروس بغيظ ورأت انها فتاه جميله بل شديده الجمال
اكمل مازن وهو يعتقد ان ادهم قص لها عن عوده زيدان فقال : يا بنتي ده خد فلوس من الجهاز وهو اللي قدم طلب بنفسه عشان يعمل المطعم ده ليهم
فيروز بغيظ في نفسها : مطعم هو قال لي معاش معاش مش مطعم وكمان جايبني لحد هنا
منى بهمس وهي تستمع لهم ؛ هو كمان جايبك هنا افتتاح المطعم بتاعها هو قال لك ان هيفتح لها مطعم مش قلتي انه هيعمل لها معاش باين
فيروز بغيظ : عايزه اروح اجيبها من شعرها عايزه اقطعها
منى : ومستنيه ايه تروحي روحي خليه يفرح بالمطعم بتاعه اعملي زيي لما فرجت على مصطفى المطعم كله قال ايه بيقول لي كانت مهمه
قالت فيروز بغيظ : يعني انتي فكرك اروح ها
منى : روحي خدي بالك من اللي في بطنك خليه يبقى يوريني المطعم بتاعه اللي جايبك فيه عشان بعد كده ما يحطكيش قدام الامر الواقع
اقتربت منها فيروز بغيظ وبالفعل جذبتها من شعرها صرخت نور بقوه وهي تقول : اااااه ايه ده انتي مجنونه يا ستي انتي اوعي شعري
فيروز بغضب : والله شكلك حاطه اكستنشن وشعر عيره اصلا
مريم بصدمه وهي تبعد نور عنها؛ هي اي الست المجنونه دي بس يا ستي انتي ده انتي حتى حامل
جاءتك تقترب منها فيروز مره اخرى فقالت نور بغيظ: يا ستي انتي احترمي نفسك بقى انا لو مديت ايدي عليكي هكسرك
فيروز بغضب: انتي تمدي ايدك على مين يا بت انتي
منى : اه دي ما تعرفكيش يا فيروز بقى انا شايفه انك تديها وتوريها مقامها
اقتربت منها فيروز وهي تجذبها مره اخرى من ذراعها بغضب فصرخت نور وقالت : حد يبعد المجنونه دي عني ااااااااه
التفت زيدان وادهم على ما يحدث ورقد الجميع لهم
وتدخل فورا زيدان وادهم للتفرقه بينهم فقال ادهم بغضب : بس يا فيروز انتي بتعملي ايه هي عملت لك ايه بس
نور : ايه المتخلفه الهمجيه دي دي ست مجنونه
فيروز بغضب : انا مجنونه طب تعالي بقى وانا اوريكي الجنان بجد هطلعه عليكي
يحيى ؛ بس يا نور انتي عملتي لها ايه ولا هي عملت لك اي اهدي يا مدام فيروز هو ايه اللي حصل
ادهم بغيظ : انا اسف اسف يا نور دي فيروز مراتي ايه يا فيروز انتي ايه اللي انتي بتعمليه ده بوظتى لهم اليوم
نور وهي تمسك ذراعها بالم : والله انا ما حبتش امد ايدي عليها عشان هي حامل وكمان طلعت مرات حضرتك مش فاهمه ازاي بجد
منى : اه قولي يا بنت كده بقى طبعا شويه شويه وهتقولي له ما تستاهلكش وتطلع في الاخر ان انتي اللي تستاهليه يا اختي
يحيى : هو ايه ده في ايه
مصطفى : دي منى مراتي منى ارحميني يا منى ارحميني يا حبيبتي في ايه ايه اللي حصل عشان كل ده
منى : اسكت انت ما انت عارف زيه ان هو واخد الفلوس وعامل الحلوه بتاعته المطعم وكمان جايبنا الافتتاح بتاعها ناوي تاخد اي واحده في الحلوين اللي واقفين دول
سيليا بمرح : واو هم بيتخانقوا صح الله كان نفسي اشوفها وهي بتشدها من شعرها اصلي ما شفتش كده قبل كده
منى: تعالي يا حلوه وانا اوريكي يا اموره
فيروز : انت جايبني هنا يا ادهم يعني انت قلت لي انك هتعمل لها معاش وفي الاخر الاقيك فاتح لها مطعم وكمان جايبني يوم الافتتاح بتعرفني بمراتك الثانيه والله عال ويا ترى بقى ناوي تعزمني على الفرح
ادهم بغضب وهو يضع على راسه : بس بااااس اسكتي انتي وهي اسكتوا فيروز انتي هرمونات الحمل عندك ضربت على الاخر فيوزاتك فرقعت وانا قربت اتشل انتي كنتي في فريده ومكه عاقله ايه اللي حصل لك الواد ده عامل لك ايه لو عشان ولد هتتجنني كده مش عايزه بس ارحميني وارجعي زي ما كنتي
واكمل بتعب : ثم ان هي مين دي اللي جايبك عندها دي نور اللي كانت معانا في المهمه وده يحيى خطيبها وانا جايبك عشان اعرفك عليهم وعشان كده عزمنا
فيروز بتهكم : هي دي اللي كانت زعلانه على الواد اللي مات محروق قدامها دي في ثانيه بتتخطب لغيره ده انا من كتر ما مازن حكالي كنت هعيط عشانها اخص على الستات صح بقولك اي انا عايزه امشي
نور بهمس ليحيى: لا دي مجنونه خالص
استمعت لها فيروز اقتربت منها بغضب تقول : هي مين يا بنت اللي مجنونه ما تحترمي نفسك بدل ما افعصك تحت رجلي
ادهم : اهدي عشان هي متعلمه فنون القتال يعني ممكن تديكي ضربه تموتك فيها
فيروز بغضب: انت ناسي ان انا اللي معلمني انت وحمزه ده انا لو مسكتها اعملها صينيه بطاطس
ادهم بغضب : انا مش فاهم هي منى بهتت عليكي هي اللي لعبت في دماغك الحركات دي حركات منى انتي عاقله
منى بتهكم : هو انا كنت جيت جنبك انا واقفه ساكته اهو انت اللي ما قلتش لمراتك وما كنتش صريح معاها انت رايح فين النهارده
فيروز بغضب : انا عايزه امشي انت سامع
ادهم : تمام سوري يا جماعه على اللي حصل ده تعالي يا حبيبتي اقول لك على حاجه
فيروز بغضب : انا قلت عايزه امشي
نظر لها بهدوء شديد وتحذير ان تصمت فقالت بغضب وهي تصرخ بوجهه : هات مفاتيح العربيه ادهم بضيق وهمس : اهدي يا فيروز ها…….
صرخت بوجهه مره اخرى وهي تقول : قووولت هااااات المفااااااتيح
تنهد بغيظ شديد وهو يجذب المفاتيح ويعطيها لها اخذت منه المفاتيح واتجهت للخارج بغضب وخلفها منى وجميع الفريق
تنهد بتعب ونظر ليحيى وهو يقول : طبعا انا مش عارف اقول لك ايه على الموقف الزباله ده
يحيى وهو يحاول يكتم ضحكته : لا تمام ما فيش مشكله خالص روح حضرتك شوف المدام عشان واضح انك هيتنكد عليك النهارده
ادهم بصدمه : نعم
يحيى وهو يحاول ان لا يضحك : يعني لا كنت فاهم ظباط المخابرات كده بيبقوا في بيتهم شخصيه يعني ما اقصدش شخصيه اقصد يعني انه ما كنتش متوقع الصراحه يلا كلنا في الاخر بنخضع قدامهم ان كيدهن عظيم
عيسى وهو يفتح فمه بصدمه ويقول : هي مش دي الفورتيكا نايا ولا انا متهيالي لا هي دي طلعت جامده قوي بس ثواني انت فيروز مراته ازاي
ادهم بتحذير شديد وغضب : فيروز ومراتي خد بالك من الكلام ده كويس يا عيسى عشان ما نزعلش من بعض ماشي واتجه للخارج
يحيى بضيق : عمال يقول لك مراته مراته مراته وانت تقول له فورتيكا انت ما فيش فهم خلاص وجاي عند ادهم ده لو نفخ فيك هيطيرك
نور : انا الى مش مصدقه ان الهمجيه دي مراته
ليان : انا اللي مش مصدقه ان انتي كنتي مع دول في المهمه ايه ده حلوين قوي ولا ادهم ده كيوت خالص يعني
عمران بصدمه : نعم حضرتك بتقولي ايه يعني انا مش واخد بالي هو اللي انتي بتقوليه ده هو انتي بتعاكسي حد وانا واقف جنبك
ليان بمرح : اه سوري صح استنى اما تمشي وبعد كده اعاكس
عمران : ليان اتعدلي هو في ايه انتي ازاي تتكلمي كده وانا واقف
يحيى : واضح ان اليوم اتضرب منورين يا جماعه والله الافتتاح جميل جميل مش قادره اقول لكم
عمران : لا تمام يا يحيى شغل الموسيقى وكمل افتتاح خلينا نخلص
مريم : انتم مش شايفين ان كلكم كده على بعض في فقر فعلا ما بيكملكوش مناسبه حقيقي انا تعبت منكم
نور : والله عندك حق انا هروح الحمام اوضب شعري الي باظ ده
مريم بمرح : وانا جايه معاكي اليوم تحفه جميل جميل اقدام سبحان الله
ليان : على فكره انا بهزر ما تكبرش الموضوع سوري عمران : اول واخر مره اسمح لك انك تتكلمي عن راجل كده قدامي وده تحذير اخير ليكي يا ليان لازم تفرقي ما بين علاقتنا الاول وما بين علاقة دلوقتي معاكي انا وجوزك وبحبك وبغير عليكي فاهمه
اقتربت منه الدلع وهي تضع يدها حول عنق وتقول: خلاص يا مارو بقى انا اصلا كنت بقول كده عشان افك يعني اليوم حسيتهم قفشوا قوي
عشقك لعنتي بقلم شروق مجدي
…………………………………..
بالخارج اتجه ادهم للخارج وجد الجميع يقف معها اقترب منهم وهو يقول : ينفع اللي حصل ده انا مش قادر اصدق مش قادر اصدق اللي انتوا عملتوه جوه ده بتضربي البنت يا فيروز هو انتي اصلا فيكي نفس دي لو اديتك بوكس هتروحي فيها احمدي ربنا انها ما مديتش ايدها عليكي واحنا مش واخدين بالنا مش قادر اصدقك بجد
فيروز بغيظ : على فكره انت ما قلتش ان اللي جوه ده يبقى………..
قاطعها هو بتحذير : يحيى اسمه يحيى مش عايز كلام غير كده فهموكي يبقى خلاص يعني و يلا نروح بقى لان بصراحه ما ليش عين ادخل لهم تاني اتفضلي
كان يحيى يخرج له ومعه نور وهو يقول : انت رايح فين يا ادهم بتهزر اكيد مش هتسيب افتتاح المطعم وتمشي
ادهم بحرج: يعني اعتقد بعد اللي حصل جوه ده ما لوش لزوم ان احنا نفضل اصلا
نور: بالعكس حضرتك ازاي ده انت تشرفنا
قلدت فيروز حركات نور بغيظ منها وهي تهمس بالكلمات التي قالتها
نظر لها ادهم وقال بهمس : مش هتعتذري ولا ايه
وضعت يدها في خصرها بغضب وقالت : ايه ولا ايه عايز ايه انت دلوقتي
يحيى بهمس لنور: اللي يشوف ادهم لما كان معانا ما يقولش خالص ان هو اللي قدامي دلوقتي انا حقيقي مصدوم فيه هموت واضحك انتي مش فاهمه ادهم ده الكل بيتكلم عنه ازاي وان هو شخصيته جباره زي كده الرجل الالي مش مصدق بجد هموت واضحك
ادهم بهمس: خليكي فاكره الى عملتيه ده كويس قوي تمام …….. معلش يا جماعه احنا هنروح عن اذنكم
وقف على صوت فيروز تقول بتكبر : على فكره يا جماعه ما كانش قصدي بس يعني هو كمان ما فهمنيش وما قاليش الحقيقه وما كنتش اعرف اصلا انا جايه فين وانا الصراحه بقى مش طايقاكي من يوم ما عرفت ان انتي كنتي معاهم في المهمه كنت خايفه على جوزي على فكره حقي يعني خلاص ما تزعليش
نور : مع اني مش فاهمه انتي تقصدي ايه بس تمام انا مش زعلانه والله خالص اللي ادهم عمله عشانا يخلي اي حاجه تعدي عشان خاطره يعني
فيروز بغضب: شوف شوف بتتكلم ازاي مين بقى اللي عايز يضايق الثاني دلوقتي
ادهم بتعب: معلش يا نور هرمونات حمل بجد مش عارف اقول لكم ايه طب انتي دلوقتي يا فيروز هتكملي القعده ولا نروح
فيروز : ماشي خلينا
يحيى بهمس : واخده بالك ده بيستاذنها انا مش مصدق انا لو صورته ونزلتها على موقع التواصل ما حدش هيصدقني ان ده ادهم هيقولوا اكيد ده ذكاء اصطناعي هههههههههههه
ضحكت نور بمرح وقالت : اتفضل جوه وممكن اقف انا اتكلم مع استاذه فيروز شويه
فيروز بغضب وهي تضع عياده في خصرها : شوف شوف بتقول لك انت يا ادهم عادي وانا استاذه فيروز عشان تعرف بس انها قصده تضايقني
ادهم : يا رب يا رب ارحمني
نور ‘ اتفضلوا جوه يا جماعه واقتربت من فيروز وهي تقول انا وانتي بقى نقعد نتكلم مع بعض شويه وواضح ان في حاجه غلط حضرتك فاهماها او مش عارفه في ايه بالظبط
فيروز: بليز اولا اسمي فيروز عادي على فكره انا ما كملتش ال 30 وانتي شكلك 40 فانا اللي المفروض اقول لك يا طنط يعني وحضرتك
نور وهي تحاول ان لا تضحك: طيب تمام ما فيش مشكله ماشي يا فيروز انا بس اقصد ان احنا ما بنعرفش بعض يعني فاكنت بقول ألقاب فا اوكي ممكن بقى نتكلم مع بعض بصراحه بما ان ادهم حابب يقعد وانا بجد بعزه ويحيى كمان جدا وحقيقي كان نفسي اشوفك من زمان سمعت عنك منهم هناك كثير قوي بس ما كنتش اتوقع بصراحه انك حلوه قوي كده
فيروز وهي تبتسم بتكبر من حديثها : اه يا حبيبتي طبعا حلوه امال ايه الكل كان عايزني يلا وقعت في نصيب ادهم بقى وخلاص
ادهم بغيظ : والله ماشي ماشي يا فيروز تعالو يا جماعه ندخل سيبوهم على الله ما اخرجش الاقي مارلين مرو هانم كلتك يا نور
فيروز وهي تنظر له بغيظ: نينينينيني خفيف
اتجه الجميع للداخل وهو يضحك عليهم
ادهم وهو ينظر ليحيى : قول قول اللي في قلبك طبعا صورتي بقت زفت قدامك صح هههههههههههه
يحيى وهو يحاول ان لا يضحك : الصراحه مش قادر هموت واضحك هههههههههههه هههههههههههه مش مصدق بجد حاسس ان الموضوع قدامي كده متركب فيك بقى انت ادهم اللي بتوقف رجاله في شنبات والناس بتخاف منك ولما تكون وداخل مهمه في عالم المافيا بيترعبوا ان نسبه موتهم 100% فا غريب ان بنوته قد كده تعمل فيك كده
ادهم بمرح : ان كيدهن عظيم يا ابني مش شايف نور عملت فيك ايه يبقى فيروز مش هتعمل فيا كده وبعدين دي هرمونات حمل امتى امتى هتولد وتخلصني
يحيى : في دي عندك حق انا فعلا مع الكل حاجه ومع نور حاجه تانيه خالص وما بقدرش ازعلها والوحيده الى انا ما بعرفش اجي عليها ربنا يعيننا
بعد قليل بعد ان قصت فيروز لها ما حدث وايضا قصت نور لها ما حدث
اتجه كلا منهم للداخل وهم يضحكون بمرح وفيروز تسند بيدها على يد نور
فقال يحيى لادهم : وواضح ان الحمد لله الامن استتب بين الدولتين
ادهم : طب الحمد لله طلع بقى المفاجاه بتاعتك وخلصنا بدل ما الامن يقلب ثاني لاحسن دي تقلباتها المزاجيه طالعه على دماغي انا
ولكن لفت نظر ادهم ان عيسي ينظر لها بينبهار شديد
فقال ادهم : يحيى انا عارف ان عيسى ما كانش يعرف موضوع جوازي من فيروز بس قول له يخف لاني مش ضامن نفسي ممكن اعمل فيه ايه
يحيى بحرج : على فكره هو بس اول مره يشوفها وكان فعلا نفسيه يشوف ان هي دي فعشان كده مصدوم مش اكتر حاضر واسف ثواني
واتجه بالفعل لعيسى ليحذره
…………………………………..
بعد قليل وجدت نور العاملين بالمكان يضعون طوله كبيره امامهم وجدت شخص يرتدي بدله واقترب يجلس بمنتصف الطاوله ويفتح الدفتر ويقول : اين العريس والعروس
اقترب يحيى وهو يتمسك بيدها وجعلها تجلس وجلس بجانبها وقال : احنا يا سيدنا الشيخ
زظلط تنظر لهم بصدمه فجلس والدها وايضا جلس ادهم وجلس معه عمران
فقالت هي : بتهزر صح كتب الكتاب النهارده وانا ما اعرفش انت ما قلتليش ليه
يحيى : كتب كتاب النهارده والفرح بعد اسبوع مبروك
نور: بتهزر انت بتتكلم جد
يحيى : اه طبعا بتكلم جد يلا يا شيخنا
بالفعل بدات مراسم كتب الكتاب والجميع سعيد لهم وايضا نور تنظر حولها بفرح وسعاده شديده مما يحدث الى ان فاقت على صوت الماذون يقول : بارك الله لكما وبارك عليكما وجمع بينكما في خير والجميع بصفق بمرح لهم ويحتضنها
اقترب منها يحيى وحملها بين يدي من خصرها وهو يدور بها بقوه امام الجميع وكان يحاول ان يمنع دموعه من النزول من شده فرحته بها
ولكن توقف وانزلها برفق وهي تضع يدها على وجنتيه وتقول: انا مش مصدقه كنت حاسه انه حلم انت بجد بتحقق اللي انت قلته بتحقق حلمك انا بعشقك
احتضانها بقوه والجميع يصفق لهم بفرح
فقالت فيروز وهي تبكي بدموع لادهم : شفت شفت بيحبها ازاي ما رضيتش يقرب منها الا لما ينزل يتقدم لها ويتجوزها قدام كل الناس انت ما عملتش كده لى يا ادهم وليه ما حضنتنيش كده وشلتني لما كتبنا الكتاب على فكره انت ما كنتش بتحبني
ضحك حاتم ومازن ومصطفى وطارق عليه فقال ادهم بغيظ : هو انتي جايه بعد السنين دي كلها تفتكري كده يعني ، لا اله الا الله حبيبتي هو انتي مالك اليومين دول بتدوري على اي نكد وخلاص
فيروز : يعني انت ما كنتش بتحبني يا ادهم انت ما جاوبتنيش على السؤال يبقى انت ما كنتش بتحبني
ادهم: هو انتي فقدتي الذاكره يا حبيبتي ما انا فعلا ما كنتش بحبك يا فيروز لما اتجوزتك وحبيتك بعد كده انتي نسيتي
فيروز ببكاء: لا ما نسيتش بس انا عايزه كتب كتاب زي ده وعايزاك تشيلني وتلف بيا قدام الناس يلا طلقني واتجوزني ثاني
ضحك مصطفى عله وهو يقول: لا ربنا يعينك
ادهم : ما انا شلتك يا فيروز وعملت لك فرح يجنن ولفيت بيكي قدام الناس كلها مش لازم يعني كتب الكتاب يا حبيبتي ما انا عيشتك في جو الفرح وجبت لك فستان وكده ولا اي
فيروز بتفكير : اه صح افتكرت خلاص ماشي واحتضنته بفرح وهي تقول: بس شكلهم حلوين قوي بيفكرني بيه انا وانت يا حبيبي كنا بنحب بعض قوي كده
ادهم وهو يحاول الا يضحك: اه فعلا يا حبيبتي صبرني يا رب
عمران: بالمناسبه الحلوه دي بقى هنقضي يومين في العين السخنه وانا اللي اعزمكم
يحيى : طب ما تخليها بعد الفرح
عمران: لا اليومين دول بعد الفرح خذ مراتك وشوف لك اي حته روحها لان انا كمان هاخد ليان ومش عايز اشوف وشك ثاني
يحيى بمرح : الصراحه بعد اللي حصل الصبح ده عندك حق
ضحكت نور و وليان عليهم وهي تحتضن كل منهم الاخرى
تجمع الجميع حول طاوله كبيره عليها تورته بحجم كبير بصوره يحيى ونور ووقف الجميع حوله عمران يضع يده حول خسر حبيبته لولي ومروان يقف جنب سيليا بفرح اما بيشوي فيقف جنب مريم حبيبته اما عيسى فبدا يميل لميرنا الفتاه الجميله ويقف محمود بجانب زوجته ناهد وايضا وجدي بجانب زوجته مارينا
و فريق الصخر كل منهم يحتضن زوجته بحب وهم يضحكون بقوه ويلتقط المصور تلك الصوره المليئه بالسعاده والفرح
انتهى الاحتفال و اقترب ادهم من يحيى وهو يقول : بتمنى لك السعاده من كل قلبي يا يحيى ولو احتجتني في اي حاجه مكتبي مفتوح لك دايما اشوفك على خير
يحيى: وانا مش عايز اقول لك المكان هنا مكانك اتمنى دائما تشرفني انت والجماعه حقيقي شكرا ليك مش هنسالك عمري جميلك ده
ادهم : انا قمت بشغل يا يحيى
يحيى : لا لا شغلك ما كانش ان انت تعمل كده يا ادهم انت غيرت في الخطه عشاني كان ممكن تكبر دماغك وتنفذها زي ما هي واللي يحصل يحصل بجد شكرا
ابتسم ادهم وهو يودع يحي وذهب الجميع
وجاء يوم سفرهم للسخنه ❤️ الحياه ما زالت تبتسم لهم فهل كل تلك السعاده ستنتهي وينتهي معها هذا الحب ويتحول للعنه لعنه العشق عزيزي القارئ احب ان اذكرك باسم الروايه عشقك لعنتي اراكم يوم الخميس اخر حلقه بروايه عشقك لعنتي فهل لهذا الاسم نصيب في حبهم ام لا هذا ما سنعرفه غدا في اخر بارت من 🔥 عشقك لعنتي 🔥
…………………………………..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عشقك لعنتي)
