رواية عشقت منتقبه الفصل العاشر 10 بقلم وفاء رشدي
رواية عشقت منتقبه الجزء العاشر
رواية عشقت منتقبه البارت العاشر
رواية عشقت منتقبه الحلقة العاشرة
عرفت هند موضوع رحمه ايه وأنها قاست كتير فى حياتها
فلاش_باك
رحمه سابت علي و خرجت وهي بتعيط راحت على اوضه الأولاد وفضلت تعيط جه وراها
علي:- ايه اللى بتقوليه دا
رحمه :- اللى سمعته انا عندي سرطان فى المخ وممكن اموت ياعلي
علي:-وقف وسكت
رحمه :- ايه مش مصدق
علي:- لا مصدق عادي لو موتي اتجوز تاني
رحمه:- فى حاله ذهول من اللى سمعته ايه عادي وكمان تتجوز
علي:-امال انتي فاكره ايه لو موتي هقعد بعدك من غير جواز طبعا لا حتي عشان العيال
رحمه:- لا متاخدش العيال مبرر للدرجه دي انا مش مهمه عندك اموت ولا أعيش كنت بتتجوزني ليه
علي:-مزاجي كدا انتي عايزة ايه اهو اتجوزتك وبردو اديكي مع حبيب القلب
رحمه:- تاني هترجع تقول حبيب القلب يا أخي ارحمني بقي اقولك على حاجه لو جمال اخوك قالي انه بيحبني قبل ما انت تتقدم أقسم بالله يا كنت عملت المستحيل وماكنتش اتجوزتك عايز حاجه تاني يا علي
علي:-جن جنونه اول ماسمع كدا انا عارف انك بتخونيني معاه
رحمه :- أخرس ماسمحلكش انك تتهمني اتهام باطل عمري ماكان فى حاجه بيني وبين اخوك مش اخوك بس أي حد عمري ماعمل حاجه غلط وقبل ماتكون غلط حرام انا متربيه كويس
علي:- انتي كمان بتردي عليا
مسكها علي من دماغها حجابها اتفك وشعرها البني الناعم الطويل ظهر مسكها منه
رحمه:-اوعي سيبني سيب دماغي حرام عليك دماغي وجعاني ياخي سيبني
علي:-مش هسيبك غير لما اربيكي
رحمه:- انا متربيه وعمري ماعملت الغلط انت اللى بتتهمني اتهام باطل زور ربنا بيقول : “والذين يقذفون المحصنات المؤمنات ثم لم يأتوا بأربعة شهداء فإجلدوهم ثمانين جلدة” انت فين شهودك عليا انت بتتهمني من غير ادله
*************
جمال قاعد مع أولاد عمه كلهم فى منطقه واحده واخوه محسن معاهم سمع صوت صريخ والصريخ جاي من عند بيت علي جم جري كلهم يخبطو على الباب مافيش حد بيفتح جمال عارف ان دا صوت رحمه واكيد علي بيضربها
كسر الباب وكلهم اتفاجئوا بالمنظر قدامهم علي أيد ماسك بيها شعر رحمه والايد التانيه بيضربها بعصايه المكنسه
شاف جمال المنظر اتجنن بكل قوته ودفع علي من على رحمه وبعدها مسكه وبالبوكس فى وشه قامت رحمه تجري على اوضتها بعد ماكله شاف شعرها الطويل البني الناعم اللى عمره ما اتكشف على حد
علي:-مسك فى جمال واتخانق معاه اتدخلو ولاد عمهم وفرقوهم عن بعض وقعد علي يزعق ويتهم جمال انه على علاقه برحمه
رحمه جوه اوضتها بتعيط فجأة سمعت علي واتهامه لجمال بطلت عياط ومسحت دموعها واستجمعت قواها ولمت شعرها ولبست حجاب على شعرها وخرجت
الكل اتفأجا بيها لما خرجت
رحمه:-علي
كله سكت
رحمه:-فرصه وأخواتك موجودين وأولاد عمك لأن انا مش لاقيه لك كبير اروحله
رحمه :-جمال
بص جمال على رحمه
رحمه:-انا فى حاجه بيني وبينك
جمال:-لا وعمره ماهيكون فى حاجه
رحمه:-كنت أعرف بحبك
جمال:-لا ماعرفتيش غير بعدين لما اتجوزتي علي وكمان خلفتي بس علي كان يعرف
رحمه:-انا بقابلك برا البيت كل دا ورحمه بتتكلم بعياط
جمال:-عمري فى حياتي ماقابلتك برا البيت لا وانتي بنت ولا وانتي متجوزة ومسألة حبي ليكي دي من طرف واحد وموضوع وانتهي واللى نهاه اخويا وكسر قلبي
رحمه:-قول كل دا لاخوك وأولاد عمك اخوك بيتهمني اني على علاقه بيك واتاخرت النهاردة عشان كنت معاك انا اتأخرت النهاردة عشان كنت عند الدكتور اللى قالي انى عندي سرطان فى المخ ومحتاجة عمليه وممكن كمان اموت فيها
جمال:-اتصدم صدمة عمره من اللى سمعه ايه انتي بتقولي ايه
رحمه:-اللى سمعتوه
علي:-انتي لسه بردو بتكدبي
صوت جاله من وراه….. اخرس خالص اياك اسمع صوتك تاني متتكلمش ولا كلمه انت فعلاً مالكش كبير الموضوع دا اياك اسمعك تتكلم فيه تاني رحمه متربيه كويس جداً وكلنا عارفينها بنت ناس واصول ومتربيه كويس وعمرها ماتعمل الغلط وانت جاي تتهمها فى شرفها
( دا يبقي الحج مختار ابن عم علي راجل كبير فى السن وعاقل وكان فاكر ان علي نسي الموضوع بس طلع لسه فى دماغه)
ياراجل يالي ماعندك دم جايه من عند الدكتور وبتقولك سرطان وعمليه وممكن اموت دا بدل ماتاخدها فى حضنك
وتقولها ماتخافيش انا معاكي وحاجة بسيطه تتخانق معاها وكمان تضربها فى مكان الالم انت فعلا ماعندكش دم وأقسم بالله العظيم لو اتكلمت تاني فى الموضوع دا لسانك انا هقطعهولك وتقعد من غير لسان يا تتعدل يا اعدلك انت فعلا مالكش كبير واقفل على الموضوع دا انت سامع ولا لأ وخلي بالك انا هعرف كل حاجه الواحد يكبر يعقل وانت تكبر تتجن الظاهر كدا عقلك اصغر من عقل العيال بدل ماتشكرها على اللى بتعمله معاك مراعياك ومراعيه بيتك وعيالك وعمرها ما غلطت فيك ولا حتي عايرتك وكفايه انها بتحترمك وانت اللى زيك مالوش احترام اقسم بالله لو سمعت حاجه تاني عنك ياهتعرف صالحك
علي:- واقف ساكت قدام ابن عمه الكبير
رحمه:-أخيرا لقيت حد يدافع عنها
جمال:-فى دنيا تانيه غير الدنيا بعد ماسمع أنها ممكن تموت
فضت الخناقه وكل واحد على بيته فى الليله دي رحمه نامت فى اوضته أولادها وهي معاهم وكريم عارف وشايف كل اللى حصل وبدأ يكره ابوه افتكرت رحمه العلاج قامت اخدته وفعلا زي ماقالها الدكتور انه هيتعبها تاني يوم أخدت إذن ومارحتش الشغل جتلها الحاجه عليه تطمن عليه وشافت شكلها عرفت ان كان فى خناقه حبت تأخذها معاه بس رحمه رفضت عشان امتحانات الأولاد فضلت الحاجه عليه تيجي لبنتها كل يوم تشوف طلباتها هي وأولادها وكمان علي ومن يوم اللى حصل مافيش كلام بين علي ورحمه
جمال:-مش مستوعب اللى حصل ولا قادر حتي يفكر مشي فى الطريق وهو مش عارف يروح فين أو يعمل ايه رجليه اخدته للشجره اللى كان بيقف يستني رحمه عندها ويشوفها من أيام ماكانت طفله بضفاير وبعدين كبرت دخلت إعدادي بالجيبه الكحلي والقميص الأبيض والحجاب الأبيض وهي بيضه وشنطتها ومشيتها اللى زي الألف بتمشي زي المسطره عمرها ماكانت تبص وراه هي وماشيه على طول خط مستقيم ومهما كان يعمل من أساليب عشان يلفت نظرها يستحيل حتي ترمش رمش عليه
جمال :-لنفسه ايوة اهي جايه من بعيد استني رحمه رحمه انا بحبك يا رحمه لا لا لا انا مش بحبك انا بعشقك اه ياربي ياريت يرجع الزمن تاني أقولها بس اللى راح عمره مايرجع تاني معقولة ممكن تموت لا لا دانا اموت وراها الشئ الوحيد اللي مصبرني أن بشوفها ماقدرش ماشفهاش ماقدرش ماقدرش وفضل يعيط???
*************
رحمه :-كل يوم بتتعب عن اليوم اللى قبله وعلي ولا حتي فكر انه يكلمها أو يطمن عليها
ومعاها كريم عارف بكل حاجه واللى بيعمله ابوة ورحمه بتتابع مع الدكتور يوسف
أه نسيت اوصف دكتور يوسف هو دكتور عنده 28 سنه مبتدئ بس شاطر جدا أسمر عيونه عسلي شعره اسود ناعم السمار مع العيون العسلي والشعر الناعم فى الشباب بيعمل جو فظيع
رحمه بتروح لدكتور يوسف كل يوم والدكتور يوسف بيزيد إعجابه برحمه كل يوم عن التاني على اصراراها وعزيمتها وعدم استسلامها للمرض وأنها فعلا عايزة تخف منه وعندها إرادة وعزيمه مش عند حد
جمال:- قرر انه لازم يسافر ويبعد عن رحمه لأن لو فعلا حصلها حاجه هو ممكن يموت وراها وأنه مش عايز يسبب مشاكل تاني خصوصا أن دماغ أخوه متركبه شمال ومش مقتنع بحد بالفعل سافر جمال الإمارات وبعد عن رحمه
واخيرا اتحدد يوم العمليه اليوم الموعود اللى يا عالم هترجع رحمه تاني ولا لأ بتجهز رحمه فى شطنة هدومها ومتفائله جدا وواثقه فى ربنا وعندها حسن ظن بربنا انه هيقومها بالسلامه عشان أولادها
حسن الظن بالله يقول الله تعالي “انا عند ظن عبدي بي” احنا لازم نظن كل خير عشان ربنا يدينا الخير ماتقولش لا مش هيحصل ظن الخير فى الله أنه هيحصل وبالفعل ربنا هيخليه يحصل
سمعت رحمه صوت زغاريط جاي فرحت قالت يمكن فرح راحت على البيت الكبير لقيت الشربات بتوزع فيه مرات جمال رحمه على نياتها زيها زي كتييييييير بيتعامل بحسن نية بس للاسف غيره نيته سوده
رحمه:- خير يا كوثر فرحيني معاكي
كوثر:-بشفه مقلوبه أخيرا هترتاح من اللى كان تاعبني
رحمه:-ازاي مش فاهمه
كوثر:- يعني منك انتي مش جالك المرض العفش وراحه تعملي عمليه النهاردة يعني هتموتي أخيرا هتموتي وارتاح منك خلي جمال يرجعوك
رحمه:-مش مستوعبه اللى قالته وكمية الحقد والكره اللى فيها دي والشماته والمعايره انا عمري ماعملت حاجه لحد وأولهم انتي فضلت رحمه السكات ومشيت ودموعها فى عيونها قابلها الحج مختار
الحج مختار:-خير يابنتي مالك النهاردة العمليه
رحمه:- ايوه يا عمي …
رحمه كل اللى كان فى البيت كانت بتقوله ياعمي لانهم أكبر منها فى السن بكتير
الحج مختار:-وعلي رايح معاكي
رحمه:-معرفش هيروح ولا لأ
الحج مختار:-هو فين ومالك بتعيطي ليه
رحمه:-ولا حاجه ياعمي عن اذنك
وسابته ومشيت دخل الحج مختار فى البيت وشاف اللى عملاه مرات جمال وصوته طلع وبهدلها وبهدل كل حاجه قالها قليله أصل بإذن الله هتخف وترجع البيت تاني أخص على تربيتك
رحمه فى المستشفي بتجهز للعمليات والأولاد مع ندى أختها ومعاها الحاجه عليه بس لا عم ولا جوز ولا أي حد
قعدت الحاجه عليه فى الاستقبال شويه وجه علي عليها اتفاجات بيه علي جه لما بهدله الحج مختار
دكتور يوسف متجه على العمليات وقفته الحاجه عليه :- دكتور
دكتوريوسف:- نعم ايوه
الحجه عليه:- حضرتك دكتور يوسف
دكتور يوسف:-ايوة انا اتفضلي
الحجه عليه:-انا الحاجه عليه والدة رحمه ودا الأستاذ علي جوزها
دكتور يوسف:- بص على علي واستغرب شكله انه كبير فى السن وشكله ماكنش مسافر زي ما قالت رحمه وكمان شكله ماكنش عايز يجي
دكتور يوسف:- اهلا ياحاجه وبص لعلي حمد الله على السلامه
علي:-بقرف ليه هو انا كنت مسافر
هنا استوعب دكتور يوسف أن رحمه كذبت عليه لما قالت إنه مسافر وهو مش مسافر
الحاجه عليه:-اهلا بيك يا ابني كنت عايزة اتكلم معاك شويه قبل العمليات
دكتور يوسف:-اه اتفضلي معايا على المكتب
الحاجه عليه :-علي هتيجي معايا
علي:- لا
راحت الحجه عليه مع دكتور يوسف على المكتب
دكتور يوسف:- خير ياحجه
الحجه عليه:- خير يا دكتور. عايزة اطمن على بنتي
دكتور يوسف :-ماتخافيش عليها ادعي ربنا أن الورم مايكنش اتشعب فى المخ وقولي يارب
الحجه عليه :-قلب الأم يابني
دكتور يوسف:- عارف يا أمي عارف الا قوليلي يا أمي أستاذ علي ماله
الحاجه عليه :-مالو هو هامه حاجه انا ماكنتش متوقعة انه يجي ممكن يابني تقول لرحمه ان جوزها علي جه برا عشان روحها المعنويه ترتفع
هنا استوعب دكتور يوسف أن رحمه وجوزها مختلفين وفى حاجات كتيير غلط بس ازاي واحده زيها تتجوز واحد زي كدا وكمان كبير فى السن سبحان الله
دكتور يوسف:-هو كان مسافر
الحجه عليه:-لا يابني من بعد ماتجوز ولا سافر قاعد فى البيت وبنتي عليها الشغل والضغط كله
دكتور يوسف :-رحمه دي دماغ ربنا يكون فى عونها وان شاء الله تقوم بالسلامه عن اذنك معاد العمليه
خرج دكتور يوسف وراح على العمليات دخل لقي رحمه الممرضة لبستها لبس العمليات وشالت الحجاب وبتلبس على دماغها حاجه كدا زي الطقيه بس دكتور يوسف دخل اتفأجا بالشعر الطويل البني الناعم
وشعر رحمه من. كتر نعومته كان بينفرد واحده
دكتور يوسف:- ايه الجمال دا ? اوعي تفهميني صح انا بعاكس
ضحكت رحمه
رحمه:- دكتور هو مكان العمليه فى دماغي انتو دلوقت ممكن تحلق شعر من دماغي
دكتور يوسف:- هههههههههه احنا هنحلق دماغك كلها وهتبقي من غير شعر
رحمه:- ? ايه بجد لا والنبي شعرى هيجراله حاجه
دكتور يوسف:- متخافيش والله هحاول على ما اقدر ان محلقش كتير وبعدين ماتخافيش حتي لو اتحلق هيقوم مكانه وبصراحه هو خسارة فيه الحلاقة
رحمه:- ياريت يا دكتور ارجوك
دكتور يوسف :- اه علي جوزك. جه برا فى الاستقبال
رحمه:- عرفت ان الدكتور يوسف عرف ان علي ماكنش مساافر
رحمه :- ماشي يا دكتور
دخل فريق الدكتاره اللى هيعمل مع الدكتور العمليه كانت رحمه جهزت ولبست فى شعرها الطقيه بتاعت العمليه فضلت تردد ايات من القرآن وكانت على وضوء قالت عشان لو مت اموت على طهاره
قرب منها دكتور التخدير ومسك ايدها بيديها حقنه البنج اتشاهدت رحمه وبدأ صوتها يروح وخلاص العمليه هتبدأ
بالفعل الدكاتره لقيو الورم فى جدار المخ بس وماكنش لسه اتشعب لسه فى مرحلته الاولي شالو الورم والحمدلله نجحت العمليه وخفت رحمه
برا عند الحجه عليه وعلي
علي وقف وبعدين مشي
الحاجه عليه:- علي علي انت رايح فين
علي:- بيشاور بايده عايزه ايه
الحجه عليه:- انت رايح فين
علي:- ف 60 داهيه بنتك عندك
الحاجه عليه:- انت بتقول ايه يمكن يحصلها حاجه وعيالك
علي:- البركه فيكي لو بنتك خفت مع اني ماعتقدش دول فتحوا دماغها يبقي هتعيش يبقي العيال عندها ولو ماتت يبقي البركه فيكي انتي
وسابها ومشي
والحاجه عليه مش عارفه تعمل ايه لا بيها بنتها اللى فى العمليات ولا جوزها اللى طفش
خرج دكتور يوسف من العمليات وهو فرحان ان رحمه عمليتها نجحت
جريت عليه الحاجه عليه
الحاجه عليه :- خير يابني طمني
دكتور يوسف :- الحمدلله يا امي العمليه نحجت ورحمه قامت بالسلامه بس يمكن تدخل فى غيبوبه مؤقته يوم او اتنين بالكتير وهترجع تاني الحمدلله ودي مافيهاش خطورة عليها
الحاجه عليه :- الحمدلله الحمدلله
لاحظ دكتور يوسف ان علي مش موجود
دكتور يوسف : هو استاذ علي فين
الحاجه عليه:- ها ….. خرج يجيب حاجه من برا
دكتور يوسف :- غريبه ومراته مش هيستني يشوفها وبعدين يروح الحاجه موجوده
الحاجه عليه:- دلوقت يرجع
خرجت رحمه من العمليات على العنايه المركزه وبالفعل دخلت فى غيبوبه وفاقت منها بعد العمليه ب 3 ايام والدكتور يوسف مش بيسيبها لحظه حتي انه نقل الكشف من العياده للمستشفي عشان يكون جنب رحمه
فاقت رحمه
رحمه:- اه دماغي وجعاني
دكتور يوسف :- حمدلله على السلامه ياقمر
رحمه:- الله يسلمك يا دكتور
الحجه عليه :- بنتي حبيبتي وحضنتها وعيطت
رحمه:- بتعيطي ليه دلوقت يا امي الحمدلله ربنا كرمني اهو فين الاولاد وعلي
الحاجه عليه :- الاولاد مع ندى اختك وعلي خرج مشوار واهو راجع
بص الدكتور يوسف للحاجه عليه وعرف انه من يوم العمليه خرج ومارجعش تاني
رحمه:- ندى لا يا امي دي عندها امتحانات كليه ماينفعوش معاها
الحاجه عليه:- متخافيش عليها انتي بس اختك شاطره
عوده من الفلاش باك
بعد ما مشي هيثم من عند رحمه، رحمه رجعت البيت اول ما دخلت وشافت هند فى البيت وكلهم فى حاله كآبه عرفت ان فى حاجه قربت منها هند وحضنتها حضن جامد وعيونها كلها دموع
هند:- حبيبة قلبي رحمه انا حبيتك من غير ماشوفك واتمني اننا نكون صحاب ويارب اقدر اعوضك ولو جزء بسيط عن اللى حصلك
هنا رحمه عرفت ان والدتها وندى حكوا حاجه لهند ونظرت لهم نظرة لوم وعتاب
رحمه:- الحمد لله على كل شيء كريم فين
هند:- اهو جمب تيته تقصد الحاجه عليه
حضنته رحمه وباسته وقعدوا شويه مع بعض واستاذنت هند ومشيت رحمه راحه على اوضتها نادت عليها والدتها
الحاجه عليه :- رحمه انتي زعلتي
رحمه:- هزعل من ايه يا امي
ندى:- لا زعلت كان باين فى عيونها
رحمه:- عادي ماتفرقش
الحاجه عليه :- ايه اللى متفرقش هند بنت كويسه باين عليها حتي وحبت تعرف سبب حزنك
رحمه:- يا امي انا عارفه انها كويسه بس انا جيت هنا عشان انسي اللى فات ومش عايزه حد يعرف بيه عايزه ابدأ حياة جديده
الحاجه عليه:- ربنا يكون فى عونك يابنتي بس ماتزعليش
ندى:- انسي انسي اللى فات
رحمه:- ياريت اقدر انسي
واستأذنتهم رحمه وعلى اوضتها اول ما دخلت الاوضه فتحت البلكونه اتفاجأت ان باب البلكونه اللى فى الفيلا اللى قصادهم مفتوح مافيش ثواني وخرج منه هيثم ابتسملها ابتسامه حلوة كدا زيه هي ماكنتش مصدقه انه هو اللى قصادها وكمان فى نفس الاوضه شاورلها بايده هي اتكسفت انها تبادله نفس الاشارة فإكتفت بهز الراس ودخلت على الاوضه وقفلت باب البلكونه وهو فرحته مش سيعاه انه شافها مرتين النهاردة وحمد ربنا ان اوضتها هي اللى قصاده
رحمه احساسيسها ملخبطة زعلانه وفرحانه وبتفكر ان هند ممكن تقول قدام هيثم وماله فيها ايه هو ماله بيا افرض قالتله لا انا مش عايزه حد يعرف خصوصاً هو ممكن يبصلي بصة عطف او شفقه انا مابحبش كدا
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية عشقت منتقبه)
