رواية عشقت منتقبه الفصل الرابع عشر 14 بقلم وفاء رشدي
رواية عشقت منتقبه الجزء الرابع عشر
رواية عشقت منتقبه البارت الرابع عشر
رواية عشقت منتقبه الحلقة الرابعة عشر
هيثم واجه رحمه فى المطبخ
هيثم:-ليييييييه
رحمه:-ليه ايه
هيثم:-اللى انتي بتعمليه دا
رحمه:-بعمل ايه
هيثم:-كل محاول أقرب منك بتبعدني عني ليييه
رحمه:-انت بتقول ايه
هيثم :-اللى سمعتيه انا بحاول أقرب منك وانتي بتصديني ليييه
رحمه:-ارجوك بلاش الكلام دا
هيثم:-ارجوكي انتي انتي مش فاهمه ولا فاهمه وعامله عبيطه
رحمه:-بعد اذنك أبعد عايزة أخرج
هيثم:-لا اسمعني وبصي لي هنا انت لحد دلوقت مش فاهمه نظرات العيون انا براقبك من زمان من فترة كبيره وكل يوم بتشد ليكي إكتر
رحمه:-ارجوك
هيثم:-لا لازم تسمعي انا عمري ماتعلقت بحد كدا ولا اتشديت ليه زيك انا وفى البنج نطقت اسمك فاهمه يعني ايه دا يعني حتي وانا مغيب انتي بردو معايا
رحمه:-أبعد من قدامي عايزة أخرج
هيثم:-بقي كدا ماشي يارحمه كملي القهوة وانا خارج للحاجه
رحمه:-باصه فى الأرض
هيثم:-ارفعي وشك
رحمه:-مافيش أي استجابة
هيثم خرج من المطبخ وسابها تكمل قهوتها
رحمه:-أخيرا هتاخد نفسها خرج وياريته مخرج كل دا فيه عشاني هو بيحبني هو دا الحب انا عمر ماحد حبني ولا انا حبيت حد بس إحساس حلو بس ياتري هو صادق فى كل دا ولا تسليه لا اصحي وفوقي انتي شفتي مراته ايه انا بالنسباله حاجه مختلفه مافيش منها ممكن اللى هو فى دا يكون إعجاب مش اكتر ومع الوقت هيمشي
هيثم خرج بس جواه بيغلي أنها مانطقتش بكلمه ممكن تكون مش عارفه ولا عارفه وبتستهبل ولا مش عايزة …. اه هو الاحتمال الأخير مش عايزة حد يدخل حياتها ايه دا ممكن يكون فى حد فى حياتها غبي انا غبي المفروض كنت عرفت دا الأول قبل ما اقولها لا كدا احسن لو فى حد هعرف ومعلقش نفسي اكتر من كدا بس انا وراكي يارحمه ويارب مايكون فى حد
…….
خرجت رحمه بالقهوة قدمت للوالدتها وقدمت له هيثم عيونه عليها وهي مارفعتش عيونها من الأرض
الحاجه عليه:-الله مش بقول قهوتك حلوة مافيش حد يعمل زيها
هيثم:-مالحلو مش بيعمل غير الحلو والله جميله واتعلمتيها لوحدك دي
الحاجه عليه:-هي دي بس رحومه بنتي ست بيت شاطره كل حاجه بتعرف تعملها مافيش حاجه بتستعصا عليها
هيثم:-بجد والله نادرا لو لقيت حد كدا
كل دا ورحمه ساكته
رحمه:-خلصتي يا أمي يلا عشان ندى خايفين عليها
هيثم:-لسه بدري والف سلامه على ندى
الحاجه عليه:-الله يسلمك يابني ربنا يستر عليها
قامت الحاجه عليه سبقتها للبآب رحمه هيثم وراهم بيعرج
الحاجه عليه :-خليك مكانك يابني
هيثم:-اوصلكم للباب
الحاجه عليه:-لا احنا هنخرج ونقفله ورانا خليك عشان رجلك
خرجوا ورحمه مابصتش خالص على هيثم
هيثم: ..شكلها زعلت يبقي فى حد فى حياتها دي حتي مابصتش عليا ياربي
******************
رحمه احساسها لا يتوصف هو ليه كدا مهتم ليه اوووي ياربي
روحت على البيت ندى تعبانه وجدا كمان
*****************
نرجع ع المنيا فؤاد المتر اتحبس على ذمة القضية فؤاد جته زيارة راح يشوف مين
فؤاد:-مين انت
……. انا تبع …….
فؤاد :-اه وهو مجاش ليه
………. هو باعتني ليك بيقولك انه اتفق مع محامي ليك بس أهم شئ ماتجبش سيرته ولا اسمه
فؤاد :-اممممممم والمحامي اللى جايبه كويس ولا لآ أقسم بالله لو أخدت يوم واحد يلازم يشاركني فيه
…….. هو عامل حساب كل حاجه بس بيقولك إياك تنطق اسمه وهيبعتني تاني ليك
فؤاد :-ماشي
………
انتهت الزيارة رجع فؤاد عيسى زنزانته وهو بيتوعد انا مش هسيبك لو يوم واحد لازم تشاركني فيه انت اللى كنت السبب في كل دا وانت اللى عرفتني عليها قولتلي دي قطه مغمضه نعرف ناخد من غير متعرف
قطه مغمضه دي مفتحه احسن مننا كل دا يطلع منك يارحمه ماشي ماشي
………
عد يوم واتنين و 3 و 4 وكتير ورحمه متجنبه هيثم خالص
أخيرا هيثم فك رجله وبدأ يتمشى بس أيده لا ووائل مش سايبه ولا هند التانيه ومن وقت التاني بيجي وليد عز وبيشوفه بس الشخص الوحيد الذي نفسه يشوفه مش بيجي ايوة رحمه هي بتعمل ليه كدا ومحرج يكلمها فون ماتردش عليه هيكون شكله وحش جدا قرر هيثم أن لازم يروح عندهم
……
هناك عند رحمه فى الفيلا جرس بيضرب رحمه فى اوضتها مافيش غير الحاجه عليه بتفتح عنايات الباب
…….مساء الخير
عنايات :-مساء النور أي خدمه حضرتك
…… .رحمه هانم موجوده
عنايات :-ايوة نقولها مين
……. وليد عز باشا
عنايات :-حاضر اتفضل
الحاجه عليه …
عنايات:-الاستاذ وليد عز عايز الست رحمه
الحاجه عليه:’ركزت فى الاسم هو دا اللى اتكلم عليه هيثم
الحجه عليه :-اهلا بيك اتفضل
راحت عنايات لرحمه تقولها
رحمه:-بخضه ايه مين
عنايات :-وليد عز
رحمه:-ودا ايه اللى جابه عايز ايه
عنايات :-هو تحت مع الحاجه
رحمه:-روحي انتي قدميله حاجه وانا جايه
بتفكر رحمه تعمل ايه وايه اللى جابه اعمل ايه اعمل ايه فجأة هيثم
مسكت الفون جابتك نمرته ورنت
هيثم:-أخيرا افتكرتيني
رحمه:-انا أسفه أن برن
هيثم:-أسفه ايه انا ماصدقت اسمع صوتك انا اللى اسف على كل حاجه
رحمه:-مش وقته الكلام دا فى حاجه
هيثم:-فى ايه مالك
رحمه:-وليد عز
هيثم:-نعم وليد عز ماله
رحمه:-هنا
هيثم:-هنا فين
رحمه:-عندنا في الفيلا انا مش عارفه هو جاي ليه وعايز ايه بيقول عايز رحمه
هيثم:-نعم يا اختي
رحمه:-نعم
هيثم:-اقفلي اقفلي نهاره اسود معايا
قفل هيثم ومسك عكازة وعلى بيت رحمه
رحمه كل دا ومانزلتش من اوضتها بصت من الشباك كان هيثم بالفعل فى الجنينه شاورلها بايده أخيرا ردت له الاشاره بايدها ودخل
هي شويه ونزلت
اول ما دخل هيثم اتفأجا بيه وليد عز
هيثم:-وليد باشا هنا
وليد:-اهلا يا هيثم باشا ماكنتش اعرف انك بتيجي هنا انت كمان
هيثم:-ايه انت كمان دي
دا بيتي والحاجه دي امي انت بقي جاي هنا ليه والله اللى اعرفه انك ماتعرفهمش فى ايه يا وليد باشا
هنا نزلت رحمه كله باصص عليها برنسس بنقابها هيثم قلبه كان هيخرج منه
رحمه:-السلام عليكم
الكل وعليكم السلام .
رحمه:-اهلا استاذ وليد
ازيك يا هيثم أخبارك ايه
وليد:-اهلا بيكي يا هانم
هيثم:-انا بخير طول منتو بخير مش صح يا أمي
الحاجه عليه:-صح يا ابني
رحمه:-خير يا استاذ وليد فى حاجه
وليد:-كل خير طبعا انا جاي اشكرك على اللى عملتيه عشاني وانتي ماتعرفنيش
هيثم:-ياراجل
ابتسمت رحمه تحت النقاب
رحمه:-انا ماعملتش غير الواجب دا حقك وكان لازم يرجع ودا كان حد تبعي
وليد:- بس واحده غيرك حقها رجع كانت قالت وانا مالي أجيب ليه لغيري إنما انتي غير كدا خالص
هيثم:-عايز يقوم يضرب وليد عز بيسبل بعنيه لرحمه ورحمه عايزة تنفجر من كتر الضحك بس ماسكه نفسها بالعافية
هيثم:-رحمه تعرف الحق كويس جدا مش زي ناس
رحمه:-شكرا ليك بس دا المفروض اعمله مش انا بس أي حد فى مكاني الساكت عن الحق شيطانا أخرس
هيثم:-أي حد اه لا مش أي حد بيرجع الحق لأصحابه صح يا وليد
وليد:-ها اه فى طبعا
هيثم:-انت جيت سكنت هنا امتي
وليد:-من حوالي 10 أيام
هيثم:-ليه ما انت ماكنتش عايزة تسكن فيها
وليد:-انا ازاي دي حتي حلوووة جدا منظرها تحفه أي حد يتمني يعيش هنا وسط الناس الجميله دي
هيثم:-خلاص فاض بيه ها شكرت رحمه خلاص يلا بقي من غير مطرود
رحمه:-حطت ايديه على بقها و
الحاجه عليه :-ايه دا يابني عيب مش كدا
وليد:-هههههه سيبيه ياحجه هو كدا انا متعود على رخامته
هيثم:-رخمتي انا والله محد رخم غيرك جاي لناس فى الوقت دا وكمان متعرفهمش انت ايه راجل أعمال ازاي انت
الحاجه عليه:-خلاص يابني وهو كمان ابني والف شكر انه جاي يشكر رحمه
وليد:-متغاظ جدا بس مش عايز يبن انه متغاظ وبيضحك
وليد:-عادي يا حاجه سيبه عموما انا همشي بس اكيد هاجي تاني
الحاجه عليه:-تشرف يابني وسابهم ومشي وليد بس متنرفز من اللى عمله هيثم
هيثم:-يجي تاني وربنا اقطع رجله
رحمه:-ضحكت هههه مالك بتعماله ليه كدا بردو يشكر انه جاي يشكرنا
هيثم:-نعم يا اختي انتي كمان وهو يجي ليه فلوسه ورجعت له كان شكرك فى المستشفي لما شافك إنما يجي هنا لا يستحيل
الحاجه عليه:-اهدي يابني متعصب ليه كدا اهو مشي
رحمه هتموت من كتر الضحك على
هيثم :-بتضحكي طاب يلا روحي انا جعان عايز أكل طابخين ايه النهارد
رحمه :-ولا حاجه ماعندناش
هيثم:-لا والله يبقي هتطبخي
رحمه:-?لا طبعا مش هطبخ
الحاجه عليه بتضحك :-يابني متصدقهاش احنا عندنا الخير كله ايه رايك أن هي كمان اللى طابخه بايديها
هيثم:-بجد يبقي اكيد حلو مهو الحلو بيعمل اللى زيه
رحمه:-من تحت النقاب رفعت حاجب واحد
هيثم:-بتبرقي ليه كدا يلا امشي جعان وانا تعبان وباخد علاج
رحمه:-انت هتشحت هنا خلاص هقوم بس كنا مسكنا فى وليد عز أكل معاك ?
هيثم:-امشي من قدامي امشي يرتكب جنايه امشي
مشيت رحمههيثم:-امشي من قدامي امشي يرتكب جنايه امشي
مشيت رحمه
ضحكت الحاجه عليه
هيثم:-والله بنتك مجنونه
الحاجه عليه :-هي مجنونه بعقل رحمه الضحكه ماكنتش بتفارقها بالرغم من همها وتعبها وحزنها بس لازم تضحك اللى حواليها الحمدلله انا حاسه أنها بدأت ترجع زي الاول
هيثم:-سامع الكلام بس مش مستوعب معناه ايه
هيثم:-ربنا يحفظها ويقدرني وفرحها
الحاجه عليه:-يارب يارب
حضرت رحمه بالفعل الغداء وأكل هيثم والحاجه عليه وندى وبدأ يتريق على ندا وبطنها اللى قدامها رحمه طبعا ما اكلتش
هيثم:-الله جميل الأكل خليكي انتي كدا اتفرجي علينا
رحمه:-? منا اللى طبخاه يعني عارفاها
الحاجه عليه :-سيبها يابني دي هتاكل الحب بتاعها
هيثم:-نعم
الحاجه عليه:-الشوكولاته يابني
هيثم :-اه
رحمه:-دي مش الحب دي العشق كله
هيثم:-نفخ وشه لا والله
رحمه:-اه والله?
رحمه اتعمدت تغيظ هيثم عشان تشوفه ايه بيغير عليها ولا
لكن هيثم مش بيغير بس دا نفسه يحطها جوه قلبه ويقفل عليها محدش يشوفها غيره بس لحد امتي وهي بتصده
رحمه اتاكدت أن هيثم بيحبها بس هيثم لسه مش عارف رحمه ايه
عد اليوم وجه تاني يوم رحمه خرجت للمكان بتاعها هيثم عارف الوقت اللى بتروح فيه كان لازم يوضع حد ويعرف منها راح هناك
رحمه:-هيثم
هيثم:-اه ممكن
رحمه:-بخجل ظاهر اتفضل
هيثم:-بتقري فى ايه
رحمه:-قرآن
هيثم :-جميل بتقري قصص وروايات
رحمه:-اكيد
هيثم:-انا شكيت فى كدا
رحمه:-وايه اللى خلاك تشك فى كدا
هيثم:-احساسك
رحمه:-احساسي
هيثم:-ايوة احساسك جميل جدا وفوق الوصف بتحسي بأي حد وبأي حاجه بتحسي بالموجوع وبالتعبان حتي اللى بيحب بتحسي بيه ولو اتنين بيحبوا بعض انتي بتحسي احساسهم ولو حد فيهم قلبه اتوجع انتي بتتوجعي معاه
رحمه:-بذهووووووول ايوه فعلا عرفت ازاي
هيثم :احساسي بيكي
رحمه:-نعم
هيثم :-اللى سمعتيه انا بحس بيكي بس هل انتي بتحسي بيا؟؟؟؟؟
رحمه:-ارتبكت
هيثم:-ردي عليا وياريت تبصيلي انا وبتكلم
رحمه:-انا معاك اهو
هيثم :-يارب ديما معايا وعلى طول
رحمه:-انت تقصد ايه بكلامك دا
هيثم:-انتي فاهمه قصدي كويس جدا وحاسه بيا بس بتكابري ليه
رحمه:-انت هترجع تتكلم تاني فى الموضوع دا
هيثم :-تاني وتالت وعاشر لحد ما اعرف انتي فى حد فى حياتك لو فى انا هبعد إنما أقسم بالله لو مافيش انا مش هسيبك
رحمه:-يخربيتك انت بتقول ايه انا مافيش حد فى حياتي ولا عمري حبيت ولا كان ليا قصه حب وإنما انت عندك اللى فى حياتك
هيثم:-بتعجب عندي انا عندي
رحمه:-مراتك انت مش متجوز
هيثم :-ههههههههههه مين قالك
رحمه:-بتضحك عليا مافيش حاجه تضحك
هيثم :-رانيا مش مراتي دي طليقتي ويستحيل ارجعها
رحمه:-باستغراب ليه مالها دي بتحبك
هيثم :-لا دي عمرها ماحبتني واديكي شفتي لبسها وانا مش بحب كدا دا غير……
قاطعته رحمه
رحمه:-ارجوك انا مش عايزة اعرف دي أسرار بيوت وانا مالياش دخل فيها
هيثم:-انا بس حبيت اوضحلك
رحمه:-يعني انت أعجبت بيا عشان لبسي مثلا
هيثم :-مين قال كدا انا كنت بشوفك اه لفتي نظري محترمة جدا مافيش زيك هنا قعدت فتره اراقبك حبيت اعرف انتي مين روحت لعم محمد وسألته عليكي انتي دخلتي علينا انتي حتي مالتفتيش ليا خالص
رحمه:-انت اللى اديت عنوان الشركه لعم محمد
هيثم :-بصراحه اه وفى خلال اليومين كنت جبت الفون ولفيته الهديه وغرقته برفيوم من عندي عشان تفتكريني كل ماتمسكي الفون واللى جنني اكتر الفيلا وكنت متأكد ان وليد سمسر عليكي وكنت ناويله نية سودة بس هو اختصر واهي رجعتله فلوسه
رحمه:-يعني استنتاجي صح
هيثم :-استنتاج ايه
رحمه:-كل اللى قولته دا انا استنتجته وربطه فى بعضه من يوم ماروحت الشركه وجبت الفون
هيثم :-فعلا دماغ زي بيقول وائل عليكي
رحمه:-ههههههههههههه ولا دماغ ولا نيله
هيثم :-ياسلام يابوووووووي على الضحكه الحلوة أخيرا حسيتي بيا
رحمه:-هترجع تاني تتكلم فى دا
هيثم :-ومين قالك اني هسكت مش هسكت لحد ماتحسي أن بحبك❤بجد
رحمه:-لا اله الا الله انا همشي
هيثم :-محمد رسول الله لا خلاص هسكت بس ماتمشيش خلينا قاعدين كمان شويه ها قولتي ايه
رحمه:-فى ايه
هيثم :-الشغل
رحمه:-شغل فين
هيثم :-الله تشتغلي عندي
صوت من وراه جاي
انت مكوش على الكل كدا يا هيثم باشا سيبها تشتغل عندي
رحمه وهيثم اتفأجوا
وليد:-ايه خضتكم مساء الخير والله مكان جميل ومنظر رائع انا بحيكي ع ذوووقك فى اختيار حاجتك يا هانم
هيثم:-عايز يمسك وليد يخنقه
رحمه:-اهلا بحضرتك وبعدين انا مش هانم وبعد اذنكم انا همشي
وليد:-على فين انا جاي اتكلم معاكي شويه
هيثم:-عايز تتكلم اتكلم معايا انا عايز ايه
وليد:-وانت مالك انت ولي أمرها
هيثم:-اه انا ولي أمرها هنا عايز حاجه
رحمه:-بس بس كفايه فى ايه يا وليد باشا
وليد :-مافيش والله انا جاي اعرض عليكي شغل
رحمه:-وانا بشكرك جدا انا مش عايزة اشتغل بعد اذنكم
وسابتهم ومشيت رحمه
وليد بص لهيثم اللى عيونه حمرة وكان عايز يقوم يخنقه
وليد رجع وراه ماشي ياهيثم يلا سلام
هيثم:-بيلعن وليد زي مابيلعن رانيا
مشيت رحمه وفى الطريق بتفكر فى كلام هيثم ممكن صح بيكون بيحبها طاب ازاي وامتي مالناش شهرين متعرفين على بعض بس نسيت رحمه أن الحب الصادق الطاهر بيتولد من أول لحظه ونظره ودا نفسه اللى حصل مع هيثم انه حبها حب صادق وطاهر حبها لذاتها لشخصها رحمه احساسها فرحانة بس افتكرت اللى حصل لها رجعت تاني قالت لا خلاص على كدا ودا تقصد قلبها يستحيل يدق فاهمه سامعه
لا لا يعني لا انسي بقي
ومشيت رحمه على البيت
هيثم:- قاعد وبيفكر وليد عز عايز ايه بيتابع رحمه ليه انا لازم اخليها تشتغل معايا
………… رحمه كل ماتروح فى المكان لازم وليد عز يجي بطلت تروح عشانه وهيثم فرح بكدا بس مش عارف دماغ وليد فيها ايه بتعدي الأيام بين مد وجزر على هيثم ورحمه مره يشفوها وعشره لا بيختلس النظره منها هي بتحاول تبعد
***********************
بالليل على حوالي 3 الفجر سمع هيثم صوت صريخ جاي من عند رحمه فى ايه فى ايه خرج فى البلكونه نور الاوضه والع رن بالفون مافيش حد بيرد قلقل اكتر رن على وائل كلم هند هند فعلا ماكدبتش خبر وراحت على رحمه لقيت ندى بتولد وهم مش عارفين يعملو ايه ومش معاهم حد هند رنت على وائل جه وائل بعربيته ياخد ندى اخدها بالفعل هي والحاجه عليه ومعاها هند بعد ماسابت كريم مع عنايات مافيش مكان لرحمه فى ثانيه كان خارج هيثم بعربيته تعالي اركبي معايا اترددت رحمه
هيثم:-اركبي واخلصي ايه هتاخدي تاكسي فى الوقت دا
كان مشي وليد بعربيته خلاص
ركبت رحمه مع هيثم ولاول مرة ماتكونش لابسه الجوانتي فى ايديها نسيته حاطه ايديها على بعض وصوابعها فى مقابل بعض لمح هيثم ايديها
هيثم:-اهدي متوترة ليه كدا
رحمه:-خايفه خايفه على ندى جدا
هيثم:-ايديكي بترتعش
رحمه بصت على ايديها
رحمه:-يالهوي انا نسيت البس الجوانتي وبتداري فى ايديها
هيثم :-ههههههه بس طيب اهدي ربنا يقومها بالسلامه اديكي حلوة اهي?
رحمه:-يووووووه انت فى ايه ولا ايه ركز فى الطريق
هيثم :-منا مركز اهو هو انا عرفت ازاي انهم حلوين
رحمه:-يخربيت جنانك يابني اسكت
هيثم:-لا مقدرش اشوفك وماتجننش الصراحه
رحمه:-هيثم بطل رخامه وسوق ?
هيثم :-?حاضر حاضر خلاص
وصلو المستشفي وندى على العمليات على طووول بس قلق مسيطر على رحمه خصوصا أن آخر مره الدكتور قالها ان البيبي تعبان وهي ماقالتش لحد مش عايزة أختها تتوجع أو تدوق نفس الكأس اللى شربت منه وبتدعي ربنا انه يكون كويس
جه الصبح واتصلت رحمه بمحمد قالته أنها بتولد بس ياتري محمد هيروح يشوف مراته؟؟؟؟؟
أخيرا ولدت ندى والبيبي على الحضانه على طول لما سألت رحمه وكان معاها هيثم الدكتور قالها انه فى صمام فى قلبه تعبان خبت الخبر عنهم وطلبت من هيثم انه مايقولش لحد وهيثم فرح أنها استأمنته على سر وهو اد السر دا عشان بس أختها تقوم بالسلامه وربنا يشفي كل مريض
تاني يوم عند ندى فى المستشفي مشيت هند ووائل بعد ما اطمنوا عليها
رحمه:-يلا انت كمان
هيثم :-بتكلمي مين انا
رحمه:-هو فى غيرك هنا
هيثم :-يارب مايكون فى غيري
رحمه:-يوووه يلا انت تعبان روح كفايه عليك
هيثم :-لا شويه تاني يمكن تحتاجه حاجه انا قاعد هنا فى الكافتيريا
رحمه:-هيثم
هيثم :-عيون سمسم
رحمه:-? امشي ولو احتجنا حاجه هكلمك
هيثم :-لا انتي مش بتكلميني انا عارف دماغك
رحمه:-انت مش عندك شغل
هيثم :-هروح من أول بكره النهارد لا
رحمه:-ولو قولتلك عشان خاطري
هيثم :-ايه خاطرك يالهوي انتي مش عارفه انتي ايه عندي
رحمه :-هيثم مش وقته الكلام دا امشي يلا
وقف هيثم
هيثم :-انتي بتطرديني
رحمه:-لا يلا امشي
هيثم :-بقي كدا ماشي خلاص همشي بس لما تيجو تخرجوا قوليلي اجي اخدكم سامعه ماتجيش بتاكسى
رحمه:-ماشي حاضر ربنا يسهل امشي بقي يلا
خرج هيثم من المستشفي شويه وباب الاوضه خبط بتفتح رحمه هيثم
رحمه:-انت رجعت تاني
هيثم :-اه عندك مانع
رحمه:-ايه تاني
هيثم :-جايب أكل للحاجه وندى عشان أكل المستشفي مش كويس
رحمه:-اممممممم ندا والحاجه ماشي
هيثم 😕 اه خدي
أخدت رحمه الأكل من هيثم
رحمه :-يلا بقي امشي
هيثم :-تاني خلاص انا همشي
مشي خطوتين بقولك
جتله رحمه
رحمه:-خير
هيثم :-بصراحه انا جايب الأكل دا ليكي لأن عارف انك مش بتحبي أكل المستشفي وكمان مافطرتيش
رحمه:-بابتسامة مخفيه
هيثم:-بس انا مش عايز غيرك اشوف الابتسامه الحلوة دي
مشي هيثم وكل البنات بتتفرج عليه وعلى وسامته وشياكته ومشيته واثق الخطي يمشي ملكا وهو ملك بالفعل
******************
كل شويه هيثم يرن يطمن عليهم ويسالهم هيخرجو امتي لأنه عارف رحمه ودماغها ممكن ماتقولوش وتيجي بتاكسى
وأخيرا عرف معاد خروجهم امتي وراح بالفعل جابهم كل دا ومحمد لسه ماجاش يشوف مراته وجابهم هيثم
الحياة هديت نوعاً ما عند رحمه وهيثم , هيثم رجع شغله ورحمه بتحضر فى السبوع محمد مافيش اي خبر عنه وجه يوم السبوع وخرج النونو من الحضانه
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية عشقت منتقبه)
