رواية عشقت منتقبه الفصل التاسع 9 بقلم وفاء رشدي
رواية عشقت منتقبه الجزء التاسع
رواية عشقت منتقبه البارت التاسع
رواية عشقت منتقبه الحلقة التاسعة
بعد ماعرفت هند سبب حزن رحمه ايه أن أولادها وزوجها ماتوا واتأثرت بكدا
هند:-ايه اللى حصل يا أمي ماتوا ازاي
الحاجه عليه:- يووووووه يابنتي موضوع طويل وحكاية شبه الافلام بس دي واقع وفى الواقع اكتر من كدا
هند:- ياقلبي يا أمي كل دا
الحاجه عليه :- رحمه بنتي اتجوزت صغيره كان عندها 16 سنه وكانت لسه في الثانوي وزي ما انتي شفتي حلوة والف واحد يتمناها كل يوم عرسان مختلفه تيجي وابوها الله يرحمه اتوفي بدري وانا كملت المسيره وراه وكانوا صغيرين معايا اعمامها رفضوا كدا قالو حلوة والعرسان رايحه جايه وغير المعاكسات ماينفعش لازم تتجوز انا قولتلهم : حرام عليكم البت لسه صغيرة سيبوها تخلص حتي ثانوي مافيش ماقدرتش على اعمامها واحنا فى الصعيد وخصوصا القري الست اللى بيتوفي زوجها وعيالها صغيرين مالهاش كلام ولا رأي ومعرفتش اعمل ايه …. اتقدملها علي الله يرحمه ويسامحه على اللى عمله كان لسه راجع من سفره كان عنده 35 سنه شوفي فرق السن هي 16 وهو 35 فوق 20 سنه شاب كويس ماديا وفى بيت عيله وبنتي لسه عيله صغيره ماتعرفش حاجه وافقوا اعمامها عليه وتمت الخطوبه ورحمه زيها زي أي بنت بس من صغرها عقلها يوزن بلد وتعرف تسياس أمورها شرطت أنها لازم تكمل تعلمها ومع اصراراها وافق علي على كدا كان فاكر أنها لما تدخل بيتهم وتخلف عيال هتبطل من نفسها كان فاكر كدا مايعرفش أن رحمه روحها فى التعليم وعندها عزيمه وإصرار مش فى حد وبتحط هدف فى دماغها ولازم تعمله اتجوزت رحمه كانت زي الملكه بالفستان الأبيض يوم فرحها حصلت مشكله اخو زوجها جمال كان متيم برحمه وبيحبها ومحدش كان يعرف دا ولا رحمه حتي زعل واتخانق مع طوب الأرض دا بعدين خالص عرفنا بعد رحمه ما تعبت لما كتر المشاكل فى البيت بسبب الموضوع دا كان مستنينها تخلص ثانوي ويتقدم لها بس أخوه سبقه وعلي كان عارف بحبه ليها ومع ذلك كسر قلب أخوه لما سألوه جمال انت عملت كدا ليه قالو انا أحق منك بيها انت لسه عيل وجمال أكبر من رحمه ب 4 سنين بس وجدع جدا احسن من أخوه ب 100 مره
من أول ما تجوزت رحمه ودخلت البيت مشاكل فى مشاكل وماكنوش عايزنها تكمل تعليم كانت بتروح الامتحانات بس بالرغم من أنها تخدم فى البيت زيها زي غيرها حبوا يخففو من المشاكل دي جوزوا جمال وجمال حتي يوم فرحه اتخانق وماكنش زي العرسان ومراته اللى اتجوزها مش كويسه وحشه ومن اول ما دخلت البيت وأولاد الحلال قالولها أن جمال كان بيحب رحمه بدأت تاخد بالها من جمال معاملته مع رحمه ايه وتتخانق مع أن والله بنتي ما كانت تعرف وانا أشهد على كدا بنتي انا مربياها تربيه صح عمرها ماتعمل حاجه حرام أو غلط تمشي فى الشارع ماتبصش على حد ولا كانت تاخد بالها من جمال انه بيراقبها كانت بتتجنب بنتي المشاكل وتيجي عندي تمتحن تقعد يومين وتمشي ربنا كرمها بأول فرحتها كريم
***************
هند:- استوعبت هنا عيون رحمه اللى اتملت دموع ولما أخدت منها كريم وفضلت تبوس فيه واتعلقت بيه
هند:- كريم ابنها الكبير اسمه كريم
الحجه عليه:- ايوة يابنتي عشان كدا اتعلقت بكريم ابنك كان طفل مش زي الأطفال كان سابق سنه واخد عقل أمه ودماغها وتفكيرها اللى دايما صح …. علي فى الفتره دي بطل يسافر أو حتي يشتغل فضل فى البيت الحمل زاد والمسؤليه زادت والمشاكل زادت من يوم ما مرات جمال دخلت البيت خلصت رحمه الثانوي حبت تقدم على كليه رفض علي قالها البيت والعيال كانت حامل فى اياد الابن التاني بعد كريم بدأت الحاله تسوء اكتر ومافيش فلوس رحمه لأول مرة تقف قدام علي واتخانقت معاه اياد تعب وعايز كشف ومفيش فلوس للكشف بتقوله قالها مفيش معايا فلوس اللى يموت يموت واللى يعيش يعيش سمعت رحمه الكلام دا واتجننت انت كنت بتتجوز ليه وتخلف عيال بتجبني ليه من بيت ابويا كنت سبتني هناك من اليوم دا انا مسؤله عن عيالي وإياك تكلمني رحمه لسانها الحلو كان ليها معارف كتير واحده صحبتها أكبر منها فى السن جمعت لها شغل قدمت على كليه وهي بتشتغل ومحدش كان يعرف ولا حتي علي كانت مع الاتنين وتشتغل وتصرف على البيت والعيال وكمان هو والله بنتي كانت بتعامله معامله عمري ما شوفت زوجه بتعاملها زوجها كدا كانت تقبض المرتب وتدهوله وتقول هو راجل البيت ويمسكه وهو يصرف علينا وكانت الدنيا مستورة معاها عارفه تدير بيتها بعد سنتين عرف علي انها بتدرس وفى كليه منه لله اخوهم التالت محسن شافها خارجه من الكليه وروح البيت عمل مشاكل وقفت رحمه قدام الكل قالت انا مريت بظروف صعبه حد فكر فيكم انه يساعدنا انا بشتغل وبصرف على نفسي ودراستي وبيتي ومحدش له عندي حاجه واللى عايزين تعملوه اعملوا وسابتهم ومشيت دافع عنها جمال انتوا مالكم كل واحد حر فى نفسه ردت مراته عليه من حقك تدافع ما هي حبيبة القلب ضربها بالقلم وقالها اخرسي طول ما انتى مش فاهمه حاجه أياكي تتكلمي انتي بتسمعي وخلاص
راح علي عند رحمه واتخانق معاها انفجرت فيه قالتله بدل ماتشكرني سخنوك عليا تحت وجاي تتكلم قالها انتي بتعايريني يومها بنتي جاتني لا حول لها ولا قوة وحصلها نزيف من كتر الضرب طلعت حامل ف مريم ف شهرين جابت بعد اياد مريم بنت عسل اه ياقلبي عليكي الدكتور لحق النزيف وحالتها اتحسنت فى الوقت دا كان سافر عادل اخوها مكنش موجود واعمامها ماعندناش بنات تزعل وتقعد عند بيت ابوها رحمه شافت كتير إذا كان من زوجها ولا حتي اعمامها ماكنش ليها ضهر زوجها عمره ماقالها كلمه شكر بالرغم من كل اللى بتعمله دا وكانت شيلاه وشايله بيته بالعكس كان دايما بيهينها وبيضربها كان فاكرها عارفه بحب جمال طب انت كنت شاكك فى كدا بتتجوزها ليه كان حاطط فى دماغه انه ماتفرقش معاه بس معامله جمال لرحمه فى البيت خصوصا لما كانت متجوزة جديد هي دي اللى خلته يشك اكتر مع أن شهاده حق جمال بعد خالص قال أنا بتعذب لما بشوفها وكمان عشان ماتحصلش مشاكل ليها جمال عكس علي لو جمال هو اللى اتجوز رحمه كان صانها بس للاسف جمال كتم حبه لرحمه وماقلهاش يمكن لو قالها كانت فى حاجات كتير اتغيرت بس هنقول ايه الحمدلله ..
*************
كل دا وهند بتعيط
الحاجه عليه:- انتي بتعيطي انتي لسه شفتي حاجه دي بدايه من مأساة بنتي انا عمري ما انسي شكل بنتي ولا منظرها وهي جاي تجري زي الأطفال الصغيرة فى الشارع من اوله لحد ما وصلت البيت وشافت شكل البيت قدامها وهو كوم تراب قلب الام مش مصدق ان دا البيت دخلت وسط الرجاله بتدور على عيالها وجوزها اول جثه خرجوها جثه زوجها وقفت فى حالة ذهووول زي ال شايف حقيقه قدامه بس مش عايز يصدق مع انها حقيقه مافيش ثواني وخرجو جثث التلات اولاد ليها هنا رحمه وقعت من طولها كانت فى حضني بعد ماخرجها جمال من وسط الرجاله وهو بيبعد فيها وهي مش عايزه تمشي مسك ايديها وهداها وقالها كلهم كويسين مع انه عارف انه ماتو بس مايقدرش يقولها كدا اغمي عليها رحمه ودخلت فى غيبوبه لمدة شهر وبعد ما فاقت جاتلها حاله هيستيريا تقوم تصرخ وتعيط يديها الدكتور حقنه منوم ترجع تنام تاني شافت كتير
*************
فضلت الحاجه عليه هى وهند ندى يعيطوا
ندا:- بتفكريني ليه يا امي باللى فات دي ايام ربنا ما يرجعها تاني ولا يوريها لحد
هند:- انا اسفه والله ماقصدش ان افكركم وماكنتش اعرف بكل دا ياقلبي عليكي يا رحمه كل دا حصلك
ندا:- رحمه اختي والله لو واحده غيرها كانت اتدمرت من زمان تعرفي كمان ان علي زوج رحمه اتجوز عليها وسابها وهي فى العمليات وطفش رجع بعدها بسنه وهو متجوز
هند:- فى حاله ذهول ? ايه دا كمان ليه يتجوز ليه عليها هو اللى معاه واحده زيها يتجوز ازاي عليها وكمان سابها فى اكتر وقت الواحده بتحتاج زوجها فيه لاااااااااا كدا كتير
الحاجه عليه:- والله يا بنتي زي ما بنقولك مريم كان عندها 3سنين ورحمه كانت خلصت كليتها بتقدير امتياز والمكان اللى كانت بتشتغل فيها ثبتها فى الوظيفه وكان ليها مكانه تعبت تعب شديد، لما كشفت ولفت على الدكاتره استقرت على دكتور يوسف اللى كان متابع معاها وهو عرف رحمه كان عندها كانسر فى المخ وفضلت فتره تعبانه وماتتحركش من على السرير كل ماتقوم تدوخ وتقع تاني مش بقولك بنتي من الجبال فضلت بين الكشف والاشاعات والتحاليل والبيت والعيال والشغل وكل دا ياريت علي كان راحمها والله بنتي كانت تروح وتيجي من عند الدكتور ما كان حتي يسألها عملتي ايه كانت تقعد تعيط الكلمه الكويسه بترفع معنويات اي حد ودي كانت عايزه اللى يدعمها وياخد بإيدها وربنا اداها راجل قلبه قاسي حتي على اهل بيته وعياله
هند:- عياط مستمر مش موقفه
ندى:- بس ياماما كفايه هند بتعيط كفايه
هند:- كفايه ايه لا طبعاً كملي دي قاست كتير لما واحده زيها يتعمل فيها كل دا وعلى مااعتقد ان سنها صغير
ندى:- رحمه دلوقت عندها 27 سنه اللى زيها لسه ماتجوزش
هند:- ايه دا دي صغيرة خالص كل دا يحصلها فى ايام المفروض تكون اجمل ايام العمر
الحاجه عليه :- هنعمل ايه يابنتي الحمدلله رحمه بنتي ماعندهاش حاجه تاني بتقولها غير الحمدلله وعلى طول تضحك وتهزر برغم من تعبها النفسي والجسدي الا انها بردو مش بتبين قدام حد انها تعبانة
*************
فلاااش باك
فى عياده دكتور يوسف خلف رحمه لسه ماكنتش لبست النقاب
ممرضه:- رحمه سيد محمود
رحمه:- ايوة
ممرضه :- اتفضلي دورك
رحمه:- شكراً
دكتور يوسف :- اتفضل
رحمه:- السلام عليكم
دكتور يوسف :- وعليكم السلام اتفضلي خير
رحمه:- كل خير باذن الله وحكت رحمه الاعراض اللى عندها للدكتور
دكتور يوسف:- خير باذن الله اعملي تحاليل دي والاشاعه دي وكله خير
وفضل الدكتور يوسف يتكلم مع. رحمه
رحمه:- ماشي يا دكتور ربنا يسهل
دكتور يوسف:- تظهر النتيجه وتجيلي تاني باذن الله
رحمه:- باذن الله سلام عليكم
دكتور يوسف :- وعليكم السلام
*************
خرجت رحمه من عياده الدكتور بالفعل عملت اللى طلبه منها وكل دا ومحدش. يعرف حاجه ولا حتي والدتها الحاجه عليه
راحت للدكتور يوسف تاني وورته نتيجه التحاليل والاشعه
دكتور يوسف:- اول ماشاف النتيجه معرفش يقول ايه
دكتور يوسف:- الحقيقه يعني انا مش عارف اقول ايه
رحمه:- هههههه فى ايه يا دكتور ق
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية عشقت منتقبه)
