رواية عشقت منتقبه الجزء الثاني الفصل الخامس عشر 15 بقلم وفاء رشدي
رواية عشقت منتقبه الجزء الثاني الجزء الخامس عشر
رواية عشقت منتقبه الجزء الثاني البارت الخامس عشر
رواية عشقت منتقبه الجزء الثاني الحلقة الخامسة عشر
نرجع مع ال حصل ومعاد خطوبة نسرين وعادل واتحدد اليوم والكل فرحان معاد هيثم كل واحد مع حبيبه ال هو هيروح الحفله وهو باهت اللون مكسور القلب ضعيف وحيد من غير حبيبه
جه الليل وكله ف الحفله رحمه مع جوزها عدي كانت أشبه من الملايكه ف نقابها الأبيض ال كانت هتلبسه ف فرحها وفستانها ال أقرب للون الأبيض كمان كان نفسه تكون هي مكان نسرين وهو مكان عادل هنا كان هيكتب كتابه عليها وياخدها ويطير ف السماء هم الاتنين بعيد عن الكل بس هيعمل ايه ماباليد حيله
كله موجود والحفله فوق الوصف رحمه مع عدي ع تربيزة واحده الحجه عليه وندا ع تربيزة كل واحد وعيلته ع تربيزة ندا كانت تشبه لنسرين زي العروسه مستنيه عريسها هي كمان بس عيونه بتدور ع وليد ال لسه مجاش ياتري ايه ال آخره
عدي حاطط ايدة ف ايد رحمه رحمه مستمتعه نوعا ما بس مش كتير حاسه بهيثم بس هو ال اختار
بدأت الحفله بنزول عادل ونسرين من ع السلم ف القاعه والموسيقي تضرب لحد ماوصلو للكوشه وقعد و ف غاية السعادة الاتنين بيحبوا بعض وأهم خلاص مافيش شويه وجه المأذون ودي مفاجأة عادل عايز نسرين تكون حلاله حتي لو مسك ايدها من حقه محدش اعترض بالعكس وافقوا كان هيثم من ضمن الشهود هو والتاني مين ….. اه ال ف دماغكم عدي كان الشاهد التاني ودا شئ فرحه جدا انه يكون شاهد ع عقد قرآن اتكتب الكتاب وخلاص ياعروسه بقيتوا حلاله وانت ياعريس كلها ملكك
هيثم بيتابع عدي ورحمه ضحكتها حركاتها همسها مع عدي والنار بتاكل ف قلبه
بس رحمه من حقها دا جوزها وكانت عايزة تحسس عدي انه مش واحده انه وسط عيلته وف نفس الوقت حاسه بهيثم مهو ال يحب اوووووي بيتوجع اوووووووووووووووووووووووووووووي
كل دا وندا ع نار ازاي لحد دلوقت مايجيش مايحدرش كتب الكتاب هو مش جاي بعدها افتكرت هو ممكن يكون راح لعادل وعادل رفضه وحطت ايدها ع بقها ممكن يالهوووووووووووووي
قامت جريت ع رحمه
ندا :-رحمه
رحمه:-ندا مالك ف ايه
ندا :-تعالي شوية
اخدتها وخرجت بيها برا القاعه وحكت لها ال حصل
رحمه :-انتي ازاي ماقولتليش هو انا مش اختك وكمان معاكم ف نفس البيت لو بعيدة أقول معلش
ندا:-ماتزعليش انتي من حقك بس انا ماقولتش عشان شيفاكي مع عدي مشغوله
رحمه:-حتي أن كان انا اختك انتي فاهمه انا اختك
هنا خرج هيثم عليهم مهو بيتابع رحمه
هيثم :-ف ايه مالكم
وقفوا الاتنين رحمه ماردتش
ندا:-ولا حاجه بزعل
هيثم :-ازاي دانتي زعلانه لو ف حاجه قولي يمكن اساعدك
رحمه :-بعد اذنكم ولسه هتمشي مسكها من ايدها هيثم استني
رحمه بصلته وبصت ع أيده بصه بكشره وشالت ايدها مش من حقك تمسكني كدا
هيثم:-بخجل انا اسف بس انا عايز اتكلم معاكي شويه دا اذا سمحتي
رحمه:بعتذر عدي جوة لوحده وانا داخله عنده
هيثم:-بغيظ 5 دقايق مش اكتر
ندا:-طاب عن اذنكم انا ومشيت
حطت ايدها رحمه الاتنين ع صدرها خلف خلاف
رحمه:-نعم
هيثم:-بصلها بنظرة حب وحشتيني
رحمه:-يبقي عن اذنك
هيثم:’استني استني هنا
رحمه:-انت ال ابتديت لاحظ أن كلامك ماينفعش انا ست متجوزة والكلام دا ماينفعش يتقالي ول اسمعه من أي حد يبقي تحترم حدودك ف الكلام
هيثم:-بصلها بصه استغراب كل دا ف رحمه هي لو فعلا اتجوزتني كانت هتعمل كدا انتي بجد نعمه الزوجه
رحمه:-ها مش هتتكلم ول امشي
هيثم:-فاق من انبهاروا ها اه كنت هسالك ع عدي اخباره ايه
رحمه:-الحمدلله تمام
ف الوقت دا جه عدي عليهم مهو التاني مراقب وشاف ندا داخله من غير رحمه
عدي:-مساء الخير
هيثم:-اهلا كنت لسه بسال عليك
رحمه مسكت أيد عدي
عدي:-انا بخير الحمدلله
رحمه :-بعد اذنك واخدت عدي ودخلت بيه قعدته ع الكرسي
واتجهت ع عادل ال قاعد ف الكوشه مافيش عريس زيوا بس اول ماشاف رحمه جايه عليه عرف أن ف حاجه
رحمه:-عادل ممكن خمسه
عادل :-اكيد تعالي
اخد أخته ف حضنه هو وماشي وراحوا ف مكان مافيش حد
عادل:-بصرف النظر عن ال حصل وليد عز جالك يخطب ندا
عادل:-ها ايه ال حصل
رحمه:’انت عارف رد ع سؤالي
عادل:وليد
رحمه:-بجحرة عين عاااااااااااااااااااااااااااااادل
عادل:-قلب عادل سبيني الليله بقااااا
رحمه:-طاب رد عليا
عادل:-بعدين بعدين
رحمه:-بقااااا كدا ماشي امشي يلا امششششششي
عادل:-قلب اخوكي انتي
وسابها وجري ع نسرين ال مش فاهمه حاجه ول حد فاهم حاجه
شوية وسط الفرحه ال هم فيها جه وليد عز بهبته دخل كان الكل وقف وعمل دائرة حوالين العريس والعروسه هم بيرقصوا فجأه مسك المايك وليد عز والكل انتبه حياهم كلهم وبعدها
وليد:-انا ببارك للعريس والعروسه عادل اخويا وحبيبي ال وقف معايا ف عز محنتي ال كان له الفضل هو واخته ندا بعد ربنا أن ارجع تاني للحياة ……#عااااااااااااااااااااااادل
انا طالب ايد ندا
عادل:-وانا موافق أقسم بالله ياعم موافق وبص ع ندا ال كانت وافقه ومش مصدقه نفسها مفاجاتك اهي ندا حاطه ايدها ع بؤها مش مستوعبه
قرب منها وليد وركع ع ركبه ف مشهد زي مشاهد التلفزيون وخرج خاتم وفتحه
وليد:-تقبلي تتجوزيني
……….
هيثم واقف وشايف المنظر كان الزمن بيعيد نفسه نفس المشهد ال حصل بين هيثم ورحمه حتي هي كمان افتكرت وبصت ع هيثم ال بعد مارجع من ذكراه بص عليها لقي عيونها عليه عرف أنها هي كمان افتكرت حط ايدة ع قلبه عشان يهدي شويه من كتر النبض
……..
ندا مش مصدقه نفسها دي مفاجاه عملناه ليا قربت من وليد ومدت ايدها ال اخدها وباسها وبعدها لابسها الخاتم وخلاص الفرح بقي اتنين والعروسه اتنين والعروس اتنين وهيثم واحد وهم كلهم اتنين ورقصوا العرسان مع بعضهم احلي رقص وهيثم مافيش معاه غير العيون ال بتبص والنفس المكتوم والروح ال راحت استاذن من الحفله مقدرش يفضل تاني ومشي رحمه متابعها عرفت ان هو مشي قلبها واجعها عليه بس خلاص لازم يستحمل انا مالياش اني أحب ول اتحب وماكنتش من الاول وافقت ع حبه يارب يارب هون عليه يارب يارب
$$$$$$
هيثم مشي بعربيته وصل لمكان ع البحر هادي قعد فيه يريح أعصابه شوية وفكر كتير هيعمل ايه لحد مارسي خلاص انه هيركز ف شغله وهيحاول ع اد مايقدر أن مايقالبش رحمه خالص ول يحتك بيها
$$$$
خلصت الحفله وكله مبسوط رحمه فرحانة بخواتها بس زعلانه من تصرفهم انه محدش قال لها ودا من حقها
روحوا ع البيت أخدت عدي ادته علاجه ونام وراحت ع والدتها الحجه عليه تشوفها
رحمه:-لسه صاحيه
الحجه عليه :-رحووم حبيبتي تعالي
دخلت رحمه وقفلت الباب
رحمه:-عامله ايه معلش اعذريني مش بقعد معاكي كتير
الحجه عليه :-بتعتذري ليه عشان قاعده مع جوزك عيب عليكي هو انا صغيره ول معرفش وبعدين ماتبقيش بنتي لو ماعملتيش كدا
رحمه:-تسلميلي انا طالعه ليكي امال هطلع لمين منتي امي وحضنتها
الحجه عليه :-طالعه لامك ف كل حاجه ال حاجه واحده
رحمه :-رفعت رأسها من حضن أمها انا حاجه واحده ال هي
الحجه عليه :-قلبك ماكنش قاسي
بس قسي ع هيثم
رحمه:-اتعدلت ف قعدتها … هيثم هو ال اختار وانا ماقستش المفروض دا ال كان حصل من يوم ماجيت هنا
الحجه عليه :-مش عليا يارحمه انا امك واعرفك اكتر منك انتي لسه بتحبي هيثم ودا ال مآثر فيكي
رحمه؛-سكتت
الحجه عليه :-لما كنتي متجوزة علي كنت عارفه انك مش بتحبيه ودا كان ظاهر انك بس معاه عشان العيال
بس هيثم مختلف هيثم عيشك ف دنيا كنتي تتمني انك تكوني فيها واديكي القتيها سيبتيها ليه
رحمه:-انا ماسبتش بس هو دا ال كان المفروض يحصل من زمان انا مش بتاعت حب قلبي مقفول يبقي خلاص خليه مقفول
الحجه عليه :-انتي مش رحمه ال اعرفه عن رحمه أنها جدعه ومكافحة وبتحب الحب نفسه ونفسها فيه اتغيرتي من ساعه مارجعت لك الذاكرة مالك ياقلب امك
…..
اترمت ف حضن أمها وفضلت تعيط
رحمه:-انا تعبت والله تعبت انا تايهه من جوة انا مش عارفه انا مين انا ايه ال عملته عشان كل دا يحصلي انا مش معترضه ع حكم ربنا بس انا تعبت واعصابي باظت والله يا أمي انا مش عارفه انا مين
الحجه عليه :-بتطبط عليه خلاص اهدي ربنا هيكرمك
دخلت عليهم ندا ال فرحتها ماكنتش سيعاها
ندا:-ايه مالكم رحمه بالله عليكي ماتزعلي مني
الحجه عليه :-مالكم ف ايه
ندا:-رحمه زعلانه أن محدش قالها ع وليد عز انه هيخطبني
الحجه عليه :-ليه ماكنتش تعرف
رحمه:-لا ياماما انا انشغلت اليومين ال فاتو مع عدي واتنسيت هنا كأني مش موجودة
ندا:-ماعاش ول كان ال ينساك ياجميل احنا لينا كام رحووووووم
…….
هنا دخل عادل
عادل:-مجتمعين عند النبي
ردوا كلهم امين يارب
الحجه عليه :-انت ماقولتش لاختك ع وليد
بص عادل رحمه
عادل:-بصراحه لا كانت مفاجاه للكل
هو جاني ف المكتب وكلمني وبصراحة انا فاهم ال بينه وبين ندا ومش هلاقي احسن منه لندا خصوصا بعد تجربتها الاولي حبيت افاجأها ف الخطوبة وماقولناش لحد خالص أي كان
بس انا كنت فاكر أن ندا قالتلك
رحمه:-محدش قالي ياعادل باشا منا اتنسيت خلاص
عادل قرب من رحمه وضمها ليه مين ال ينساكي داحنا ف عز ماعرفين انك ميته وبردو مش نسيناكي ول عمرنا هننساكي
ندا:-حقك عليا انا بس انا شفتك مشغولة مع عدي ماحبتش اوجع دماغك خصوصا اني ماكنتش متأكده من رد فعل عادل
رحمه:-انا مهما انشغل عن أهلي لا ومن حقي ازعل واجيب ناس تزعل كمان
عادل:-قلب اخوكي انتي وربنا
رحمه:-ايوه ياخويا ثبتني ثبت
هادل:-هههههه هو انتي حد يقدر بثبتك دانتي الباشا بتاعنا قوليلي عدي عامل ايه
رحمه:-عدي عايز يسافر يشوف أخبار شغله ايه ويشوف مصالحه هناك ليه مده هنا
عادل:-طاب وتعبه
رحمه:-انا بفكر أسافر بيه يتعالج هناك احسن من هنا
عادل:-انتي هتسافري معاه
رحمه:-اكيد هو انا هسيبه هو مش جوزي ول ايه
عادل:-انا مأمنش عليكي وحدك
رحمه؛-انا مش وحدي وعمري ماهكون وحدي انا معايا ربنا وبعد ربنا عدي
عادل:-ونعم بالله بصي ماتاخدينيش ف الكلام انا هسافر معاكي اطمن عليكي وابقي ارجع غير كدا لا
رحمه:-طاب وشغلك هنا
عادل:-هيثم يخلي باله احنا مش رجعنا الشراكه تاني يبقي خلاص شوفي هتحددوا امتي وانا معاكي
رحمه:-ضمت اخوها ربنا مايحرمني منك ابدأ ياقلب اختك انت
عادل:-قلب اخوكي وربنا انا كنت بموت ف غيابك
ندا:-قلب اختك وقلب اخوك طاب وانا مش اختكم ول انا لقيتوني ع باب جامع انطقي ياحجه انتي انا مش بنتك ول ايه ….
كلهم مع بعض ضحكو
عادل :-يابنتي انتي هنا ع كبده واحده ف قلبي والتانيه ف كبدي انا عايش بيكم انتو الاتنين والغاليه عيوني ال بشوف بيها
الحجه عليه :-يااااااااااااااااااااه أخيرا رجعت الضحكه تاني أخيرا ربنا يفرحكم ديما يارب
كلهم مع بعضهم يارب
$$$$$$$$$$$
هناك وتحديدا ف المطار تنزل واحده من طياره وتقلع النضارة وف نفسها ياااااااااه يا مصر اكتر من 20 سنه ماشفتكيش تاني بس يلا اديني رجعت ولولا ال حصل ماكنتش راجعه …..
مين دي
……..
حددت رحمه معاد السفر وبالفعل سافر معاها عادل بعد ماظبط أموره مع هيثم
هيثم ماكنش مستوعب أن رحمه هتسافر بس خلاص المفروض يتوقع أي حاجه منها مهي مش هتسيب عدي خلاص مش جديد عليه
…….
وصلت رحمه القصر عند عدي كانت شكل مختلف تماما محدش كان متوقع أن دي هي خديجه البنت ال بشعر طويل وعيون بني تسحر ال سحرت عدي انبهر عادل بجمال القصر دورت ع عدنان وعنبر وعرفت انه هرب هو عنبر قبل الوصول دا معناه أن عرف انهم جايني ودا ال اكدلها انه وراه كل حاجه كانت بتحصل لعدي رحمه بغلت عنه واتهمت وجاري البحث عنه أخدت عدي ع أكبر المستشفيات هناك ومعاها عادل ال انبهر من أخته وكلامها وشخصيتها القوية وأنها قويه ف كلام مكان تروحه بيخضع عدي للعلاج كتير وتعبان وحالته كل يوم بتسوء الكانسر ال ف دم مالوش علاج بمعني أصح خصوصا لو ف آخر مرحله لما اتكلمت مع الدكتور عرفت انه ليه اكتر من سنه وهو مريض بكدا من غير علاج ودا ال اكدلها أن عدنان ماكنش موافق ع جوازه خالص وكان بيحل له كل شئ حرام
$$$$$$$
عادل جاله خبر شقلب كيانه ف مصيبه ف الشركه ايه ال هيحصل
كلم رحمه انه لازم يسافر يشوف ف ايه قلقت رحمه وبالفعل سافر بقي الشركه مقلوبه كلها وناس جديدة ظهرت وشرطه ع هيثم ع مكتبه
ف ايه
هيثم ومعاها مقدم من المباحث
هيثم :-الأستاذ بيقول أن رحمه باعت نصيبها ف الشركه للمشتري ال جاي يستلم حصته
عادل:-عرق الصعيدي ظهر نعمممممممممممممممممممم
هيثم :اهدي ف ورق معاهم والورق مظبوط
عادل:-مظبوط ايه انت بتقول ايه انت كمان اختي باعت امتي ول مين
يرد واحد من وراه واثق ف نفسه ليا انا
عادل :-يلتفت مين انت كمان
……. انا محمد محسن الشريك الجديد والأستاذه رحمه باعت ليا من فتره كبيره وانا كنت مسافر ولنا رجعت جيت اخد حصتي
عادل:-انت كداب دي لعبه
محمد :-لو سمحت من غلط الأوراق عندك وشافها كله متسجل ف الشهر العقاري
………
عادل هيتجنن دا غلط مش صح قبله هيثم ال مش مستوعب صح ول لا بس شك أنها ممكن تكون باعت اكتفت بعدي بس هتبيع لدا كان أولي اخوها
………….
عدي تعبان اتكلم مع رحمه انه نفسه يرجع بيته القديم ف بلده يقعد فيه
ورحبت رحمه بالفكرة بس اسناذنت منه أنها هتعمل حاجه وهو من غير مايعرف ايه وافق
اقترحت عليه أن القصر الكبير دا مالوش لازمه معاه أنها تعمله دار أيتام لكل ال مغتربين ال هنا وال شغالين فيه من خدم وخلافه انهم هم ال يمسكوة عدي عجبته الفكره ووافق وبالفعل كلمت محاميه وبدأ ف الاجرات هناك وظبطت أمور شغله كلها والصفقه ال مع هيثم وغير باقي الشغل حاولت تقلل من شغله وصفقاته عايزة تبعد عدي عن كل ال يوجعه خالص هو معاه فلوس تكفيه عمره كله مش لازم يشتغل تاني وهو رحب بردو باقتراحها وبدأ بالفعل يصفي شغله عايز يروح بيته ويقعد فيه لحد مايموت كان حاسس أن أجله قرب وهي بتحاول تخفف عنه بس خلاص الإنسان بيقعد 40 يوم وهو حاسس انه هيموت وبتترفع عنه الرؤيا وبيشوف حاجات محدش يشوفها ويحس بيها كمان ودا ال كان حاصل مع عدي
……..
اخدته بيته وانبهرت بيه ومن جماله بيت صغير بس جميل وسط جناين وناس حلوة أشبه بالضيعه ال بيقولوا عليها عاجبها الهوا والخضرا والمنظر وقالت إن دا جوا ممتاز أن عدي يتحسن فيه كانت هي ال بتطبخ بايدها وتغسل وعايشه حياه حلوة بس ال كان مزعلها تعب عدي ال كان كل يوم بيزيد
وأخيرا اتصل بيها عادل وحكي لها كل ال حصل
اتنرفزت ع عادل ف الفون
ررحمه :-انتو اكيد اتجننتو انا هبيع لمين وليه انتو ايه مافيش مخ عندكم دي اكيد لعبه وال لاعباه محمد والزفت فؤاد انا عامله توكيل لوائل خليه يتصرف
عادل:-وائل احتار بيقول كله ورقه مظبوط امضتك
رحمه:-ضحكتني امضت ايه يابني انا مش مضيت ع حاجه عادل ماتجننيش الموضوع دا بيخلص بحاجه واحده بس
عادل فتح سبيكر الفون عشان الكل يسمع
رحمه :-هاتوا خبير خطوط يشوف الخط
عادل:’ازاي
رحمه :-واضحه يا عادل يشوف تاريخ الامضه لو كانت قبل الكتابه بتاعت العقد يبقي العقد مزور ودا هو ال هتلاقوه
وائل :-انا مش بقول انك دماغ ازاى انا محامي وفاتت فيا دي
رحمه:-معلش يامتر أحيانا بتيجي فتره ع الشخص بيكون عقله عجز عن التفكير بيعمل أي حاجه وخلاص ويرجع يندم عليها
حس هيثم أن الكلام يقصده هو
$$$$$$
بالفعل بدأ وائل ف الإجراءات وعرضها الورق ع الطب الشرعي خبير خطوط ولسه النتيجه
$$$$$
عدي صحته ف النازل اخدته رحمه ع لندن بس هو كان رافض بس هي عايزة تعالجه بأي حاجه كان محاميه خلاص خلصت إجراءات تصفيات الشركات وحول المبلاغ ف البنك ع حساب عدي
صحته خلاص كل ماياخد جرعه كيماوي يتبهدل فيها آخر بهدله ورحمه معاه زي الطفل ف حضنها وهو حس بيها وفكر كتير أن لو ماكنتش معاه كان حصل ايه له كل بس ماتيجي الفكرة ف دماغه يحضنها اوووووي كأنه بيقولها أياكي تسيبيني وهي بالفعل ماسبتوش ول لحظه
$$$$$$$$$$
عند هيثم ف مكتبه واحده تدخل عليه المكتب والسكرتارية بتوقف فيها وهي رافضة
هيثم :-بيرفع دماغه يبص ماصدقش نفسه …. انتي؟؟؟
……. ايه مستغرب
هيثم :-ليكي إكتر من 20 سنه ايه ال فكرك
…….. جيت اشوفك وكمان اتأكد من حاجه
..هيثم :-تشوفيني لا ماظنش
إنما الحاجه دي عندي ول ايه
………. انت تعرفها عشان كدا جيت اتأكد وراحت قعدت ال قولي عامل ايه
هيثم :-والله فيكي الخير انك لسه فاكره
…… ومافتكرش ليه احنا ف يوم من الأيام كنا أهل واكلنا عيش ومحل
هيثم :-هههههه أهل وعيش وملح معاكي لا أعرف ال يعرف كدا يصون دا إنما انتي لا
…….. ماتحترم نفسك وماتنساش انا مين
هيثم:-مين يعني ها مين قولي كدا مين
……..مش هرد عليك
هيثم :-هههههه عشان جبانه
….. ولد عيب كدا وماتنساش انا امك
هيثم:-لا انا امي ماتت انتي مش امي اقولك سيبك من الحوار دا وقولي جايه ليه
…… رحمه ؟؟
هيثم :-نعمممممممممممممممممممم رحمه مالها وتعرفيها انتي ازاي وعايزاها ليه ……
$$$$$$
مين دي فعلا أم هيثم
$$$$$$$$$
نرجع شويه لعادل بالفعل طلعت النتيجه أن ف تزوير خط الإمضاء قبل خط كتابت العقد دا معناه أن الورقه دي مضتت عليها رحمه من فتره وكانت مركونه واستخدمت دلوقت جاري البحث عن محمد آل انتحل كدا ………
ظهر الحق رحمه عمرها ماتبيع شراكتها مع هيثم ياما هي رجعت الشركه تاني هتبيع فرحت رحمه بالاخبار بس زعلانه ع عدي ال خلاص تقريبا بيودع
دخلت عليه الاوضه لقيته بينهي مكالمه مع حد مين الله اعلم ماسالتوش دي خصوصيات وهي ماتدخلش حتي لو جوزها تمت الصفقه بنجاح وتقريبا ربحها كله ف الشركه
عصمت طبعا اعتزل كل حاجه بعد حبس بنته وصحته اتدهورت خالص شركته ف النازل
$$$$$
ف نص الليل فون عادل يرن
عادل :-الووو
…….الحقني يا عادل الحقني
عادل:-قام مفزوع رحمه رحمه ف ايه رحمه ردي عليا الووو الووو مافيش رد
نطق من ع سريره وقف ولبس هدومه وع المطار بس هيروح فين ول مين وهي فعلا رحمه ال كلمته ول مين
وصل المطار وهو مش عارف يعمل ايه ول يروح فين
فوق كل دا محدش يعرف حاجه
طاب ايه وبعدين
#في الحلقة الجاية نكمل
#توقعاتكم
الست ال جت لهيثم أمه فعلا
ف مفاجاه تاني مستنيه رحمه غير دي وياتري مين ورا دي
مين ال كلم عادل ف الفون
الست ال جت لهيثم دي تعرف رحمه منين وايه صلتها بيها
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية عشقت منتقبه الجزء الثاني)
