رواية عشقت منتقبه الجزء الثاني الفصل الرابع عشر 14 بقلم وفاء رشدي
رواية عشقت منتقبه الجزء الثاني الجزء الرابع عشر
رواية عشقت منتقبه الجزء الثاني البارت الرابع عشر
رواية عشقت منتقبه الجزء الثاني الحلقة الرابعة عشر
نرجع مع رحمه ال اول ماخرجت جري ع عدي ف المستشفي بيجهز للكيماوي
عدي:-بدي أسألك بس وحياه حبك لهيثم ال ظاهر ف عيونكم لتجاوبي بصراحه
رحمه :-من غير أي حاجه انا ماقلش غير الصراحه
عدي:-انتي ليش اصريتي ع الزواج مني مع انك بتحبي هيثم
رحمه:-ممكن نتكلم ف الموضوع دا بعدين المهم دلوقت صحتك
دخل الدكتور جاهز
عدي:-جاهز بإذن الله
……يااااااااااااااااااااه ع الكيماوي وجرعاتها بتهد جبال لو نقطه وقعت ع الأرض بتحرقها مابلكم بال بياخدها ف الدم يارب هون عليهم يارب ….
ركبوا لعدي الجهاز بتاع الكيماوي بدأ يسري ف دمه وهو زي مايكون حد بيصعقه بكهربا دا بيكون حال كل ال بياخد كيماوي بيتزلزل ويهتز مؤلم موجع صعب دا حال الإنسان الكبير مابالكم لو طفل صغير هو ال بياخد كدا
رحمه قاعده جنبه وماسكه فيه وكل شوية تمسح ع وشه اهدي اهدي
واخير خلصت الجرعه وعدي كمان كان خلص نفس تعب بعدها فضل يرجع وهي معاه حاول الدكتور يخرجها من جنبه عشان بعد الجرعه مافيش حد بيكون مع المريض بس هي رفضت واصرت لازم تكون معاه زي الطفل ف حضنها حس بجد أنها قلبها عليه مش عشان حاجه شويه وعادل جه وشاف شكله وصعب عليه جدا ودعا ربنا له
سأل الدكتور ع عدي انه يخرج الدكتور مارديش قاله يتحجز يومين تاني حب ياخد رحمه رفضت قالته انا هكون موجودة معاه مش هسيبه سابها عادل مع جوزها مهو عدي جوزها وروح ع البيت
الحجه عليه ماتستغربش لأن دي بنتها وعرفاها
عادل:-حجه
الحجه عليه :-نعم ياقلب الحجه
عادل:-انا عايز اخطب
الحجه عليه :بفرح بجد دا منايا يابني البت نسرين
عادا:-بضحك هو الخبر وصلك
الحجه عليه :’قلب الأم زي ماكنت حاسه رحمه أنها عايشه وانتو كلكم كنتو بتقولو ميته حسيت بيك ومن نظرات عنيك معاها
عادل:-انتي كنتي واعيه لل بنقوله ع رحمه
الحجه عليه :-اهااااا كل حاجه بس قلبي بيقولي لا ويوم ماقولت أنها هترجع بكرة اهي رجعت
عادل:-سبحان الله فعلا قلب الأم
الحجه عليه :-طاب يابني هتخطب وجوز اختك ف المستشفي لما يخرج
عادل :-انا هتكلم بس ولما يخرج نعمل خطوبة بإذن الله
الحجه عليه :-أن شاء الله طاب ورحمه مش هتيجي معانا
عادل:-والله مش عارف بكره هحاول اجبها تحضر حتي الكلام انا مقدرش اروح من غيرها
ندا:-ماعتقدش بعد ال حصل أنها ممكن تيجي خصوصا عشان هيثم وكمان متقدرش تسيب عدي ف حالته دي
عادل:-انا عارف بس هحاول
ندا:-كلمت نسرين ول اكلمها بغمزه
الحجه عليه :-ههههههههههههه يكلم مين هو اصلا بيقفل معاها عشان يتكلم
عادل:-ههه انتو هتسيحولي ول ايه
ندا:-ياعم نضحك شوية الأيام ال فاتت كانت نكد ف نكد الحمدلله عدت ع خير
عادل:-الحمدلله
$$$$$$$
بالفعل عادل راح تاني يوم المستشفي وشاف عدي واتكلم مع رحمه رحمه ف الاول رفضت عشان عدي بس عدي اقنعها أنها لازم تروح وهو هيكون كويس اتفق معاها عادل ع الليل انه هيجي ياخدها ويرجعها تاني لعدي
عند نسرين سمير عم هيثم بيحاول يخرجه من ال هو ف هو اه بيتكلم وبياكل ويشرب بس ف عالم تاني ديما حزين ومكسور ونفسه مش قابله أي حد ف دنيا تانيه اسمها ال كان وراح
أخيرا اقنعه عمه سمير انه لازم يكون موجود ووافق ع كدا
وجت القعدة وكانت احلي قعده بالنسبة لعادل ونسرين ال الفرحه ماكنتش سيعاهم أخيرا آخره الحب الحلال الحب ال من أول نظرة حلم واتحقق بالرغم من أنها قعدة فرح العمدة ماكنتش فرح ع هيثم ورحمه الله كل واحد فيهم ف دنيا تانيه هو لابس نضارته ال كبر فيها فجأه وهي ف عالم تاني بتفكر ف عدي ممكن يكون تعب بالرغم من فرحتها باخوها بس عدي وحيد هنا تقريبا مسؤل منها هي
هيثم مش بينطق كلمه واحده ف القعدة بس ساكت قرت الفاتحه وخلاص الحمدلله نسرين لعادل وعادل لنسرين
هيثم بيفتكر يوم مالبسها الخاتم كان يوم حلو عنده
فجأه فون رحمه رن
ردت الووو. … ايه …. انا جايه
كله اتخض
رحمه :-انا لازم امشي
هيثم :-ف نفسه لحق وحشك انتي مالكيش نص ساعه
عادل:-مالك ف ايه
رحمه:-عدي تعب جدا والدكتور نقله ع العنايه
هيثم :-استوعب الكلام
عادل:-طاب استني هوصلك
رحمه:-لا خليك مع عروستك انا هاخد تاكسي
عاظل:-عيب الكلام دا يلا
وقف هيثم :-هو ف ايه مالو عدي
عادل:تعبان وف المستشفي ليه 4 أيام
هيثم كلهم ايه
هيثم :’عنده ايه
عادل:-بعدين اقولك معلش انا مضطر اسيبكم مقدرش اسيب رحمه
خرج عادل هو ورحمه ووراهم هيثم مهو لازم يعرف ف ايه
عادل:-فين ياهيثم
هيثم:-معاكم اطمن ع عدي
عادل:-بص ع رحمه ال متوترة وعايزه توصل لعدي
رحمه :-يلا يا عادل ارجوك
………..
هيثم للحظه شاف لهفه رحمه ع عدي هي ملهوفه عليه ليه كدا ف ايه ركب عربيته ووراهم وعاد كل كلمه اتقالت واكتر كلمه ركز فيها تعبان من 4 أيام ورحمه خرجت من 4 أيام دا معناه ايه
هيثم كل ما تيجي ف دماغه فكرة أن عدي لمس رحمه يتجنن اكتر ومش عايز يستوعب دا ول حتي يفكر فيه ويرجع تاني يلوم نفسه أن دا هو كان نفس إحساس رحمه عشان ال بيحب بصدق بيتوجع اوووووووووووووووووووووووووووووي
استغرب اول ماوصل المستشفي دي مستشفى أورام
ركن عربيته ونزل كان عادل مستنيه إنما رحمه فرت دخلت ع جوة جري
هيثم :-هو عدي عنده ايه
عادل:-سرطان الدم وف المرحلة الأخيرة
هيثم:-بصدمه ايه
عادل:-من قبل رحمه ماتخرج بيوم وهو هنا تعبان جدا
هيثم :-ازاي دا واحنا كنا فينا محدش قال ومعرفش
عادل:-كل واحد فيه ال مكفيه
هيثم:-ورحمه ع كدا معاه
عادل:-معاه مش بتفارقه لحظه وجبتها النهارد بصعوبة وهي مش عايزة تسيبه
هيثم:-ليه كل دا
عادل:-عدي يا هيثم وصل لمرحلة الكيماوي اخد جرعه امبارح وحالته حاله
هيثم:-وصل للكيماوي
عادل :- زي ما بقولك
وصلم للاوضه ال فيها عدي
اول ماشافه هيثم اتصدم مش هو دا اتغير شاف رحمه جنب منه تقريبا قاعده ع السرير معاها وحضناه زي الطفل وال حسه فيها أنها بتعيط عشانه معقولة تكون بتحبه
عشان لسه جديد ف المرحله دي لازم يتعبهيثم نظرته لرحمه اتغيرت تمام بدأ يرجع يحبها يحبها ايه هو كرها عشان يحبها بس بدأ ياخد أمل تاني ف رجوعها ليه حتي لو هيطول بس اهو بالرغم من أنه زعل ع عدي بس فرح أن ف أمل جديد ودا هو ال بياخده أي حد متمسك بحبه مهما كان
$$$$$$$$
عدا يوم واتنين لا دا أسبوع رحمه كانت مع عدي فيه وعادل بيجي يزورهم وهيثم كمان حتي وليد عز ال بدأ يقرب منهم جدا عشان ندا بدأ يرجع هو وهي ف الدروس تأني
وأخيرا خرج عدي من المستشفي وع فيلت رحمه دخلته جوة اوضتها ال ف مقابل اوضته هيثم هو قاعد ع السرير حالته حاله قلعت رحمه نقابها والحجاب وشعرها اتفرد وجت جنب منه وقعدت حط ايدها ع كتفه
رحمه:-مالك
عدي:-لا أدري إذ ماكنتي معي ايش كان هيصير الي
رحمه :-مسكت أيده بحنيه الحمدلله ماتقولش كدا ربنا عارف انك قلبك ابيض هو بيحسن التدبير لك
عدي:-كم تمنيت أن أري مرة ثانيه هذا الوجه الملائكي الطفولي
رحمه:-بضحكه حلوة ردت لعدي روحه .هههههههههه دانت اول واحد شافني بيه كل ال انت شايفهم دول محدش يعرف شكلي غير اخويا بس
عدي:-تهربتي كتير من اجابه سؤالي يا نور عيوني
رحمه:-انا متهربتش بس انت تعبان وكلام في المواضيع دي ماينفعش ف تعبك
عدي :-والآن
رحمه:-ال عايزة هجاوبك عليه
عدي:-انا قبل سابق سألتك ليش اصريتي ع الزواج بي مع انك بتحبي هيثم هاد ظاهر ف نظرات العيون هل جوازي شفقه عليا أم رد جميل أم. ………
رحمه:-عشان الفلوس
لا الفلوس دي آخر حاجه ممكن أفكر فيها وانت عارف كدا كويس بدليل الفترة ال قعدتها معاك ف القصر مع كل المغريات ال انت كنت بتعملها ومع ذلك ماستسلمتش لل ف دماغك لو حد فعلا بتحب الفلوس كانت وافقت إنما لا
وكوني اني اتجوزت شفقه فدا بردو لا انا من غير معرف انك مريض كنت هتمم جوازي بيك تعرف ليه
بصلها عدي بنظره تركيز
رحمه:-لأنك راجل جدع جدا وشهم ووقفت معايا ف عز ضعفي ف عز ماكنش حد معايا ول اعرف حتي انا مين وحمتني حتي من نفسي قبل ماتطلب من الجواز كنت بفكر اهرب أو انتحر عشان اخلص من طلبك ليا وأول ماطلبتتني للجواز رجعت عن الفكرة من دماغي يبقي انت كدا حمتني من نفسي وحسيت فيك انك كويس بس البيئه والناس ال محيطه بيك هي ال وصلتك لكدا خصوصا عدنان كان بيحل كل شئ غلط عليك وبيستحل لك الحرام كأنه عارف انت ايه أو فيك ايه بس أقسم بالله العظيم لو طلع يعرف بموضوع تعبك وكان سايبك ع كدا ياهيشوف هو والعقربه ال معاه أيام سودة مني
عدنان:-افهم من كلامك هاد انك هتسافري معي ؟؟؟؟
رحمه :-اكيد مش هسيبك ف أي مكان لحد آخر يوم ف عمري
مسك ايدها عدي
عدي:-يجعل يومي قبل يومك ياضي عيوني
رحمه:-ربنا يحفظك ويقومك بالسلامة
عدي:-طاب ولو ماكنا متزوجين وعرفتي انتي مين اكيد كنتي هترجعي لهيثم
رحمه:-لو رجعت وعرفت بال حصل دا وكان حصل دا ماكنتش هرجع له
عدي:-باستغراب ليش انتو حبكم ظاهر لأي أحد وهاد ال استنتجته
رحمه:-عدي يمكن ال متعرفوش عني اني ارمله
عدي:-بخضه ايش
رحمه:-ال سمعته انا حكايتي كبيره انا خسرت اغلي شئ عندي ف الوجود هم اولادي بسبب حقد وكره ابوهم خسرتهم بسببه وماكنتش اعرف ان هو كاتب كل ثروته ليا غير بعد ما توفي ب 6 شهور ودا دليل بردو اني مش بتاعت فلوس سبت البلد ال كنت فيها وهربت ع مصر حظي جابني هنا عند هيثم تعرف بالرغم ان هيثم كان خاطبني بس ول مرة شافني من غير نقاب اشترطت عليه اني مش هقلعه غير ف اوضته نومي يوم فرحي غير كدا لا وهو وافق ع كدا بدليل أن هيثم لو يعرفني وشافني عندك كان عرف انا مين هيثم لما حبني حبني بروحي مش شكلي ودا هو الحب الصادق ف حاجات جوة الوحده ماحدش بيحس بيها غيرها هي وبس انا زعلانه من هيثم وزعلي كبير حتي لو ماكنتش متجوزة منك وحصل دا ماكنتش هرجع له انا ف عز ماكنت فاقدة الذاكرة وتعبان حافظت ع نفسي مع كل الاغراءات ال كنت بتقدمها ليا ماستسلمتش وحتي بعد ماتجوزت حطيت ف دماغي أن جوازنا دا باطل عشان اسم مش اسمي وكمان ممكن أكون متجوزة وماخلتكش قربت مني يعني انا حافظت ع نفسي عشانه اتصدمت لما رجعت بالذاكرة انه متجوز وكمان مين ال كانت السبب أننا نفترق لا وايه حامل دا معناه انك قربت منها ولمستها طاب ماجتش صورتي ابدا ف بالك وانت معاها حتي لو كنت متجوز ها عشان تعرف أخبار عني ف مليون طريقه غير الجواز ول انت دماغك خلاص وقفت ع كدا هيثم جرحني وجرح كبير جدا وصعب اني اسامحه والحمدلله ربنا عوضني بيك ربنا يكرمك وتخف وترجع لي بالسلامه
عدي:-رحمه انتي لو ربنا أراد اني اشفي ستظلي معي
رحمه :-انت بتقول ايه انت متخيل أن ممكن اسيب حتي لو انت سبتني لو تقدر اعملها ههههه انا مش هسيبك
عدي:-بفرحه وانا ما اقدر ع بعدك واخدها ف حضنه ….. حضنه بس مافيش حاجه تمت ولا هتم دماغكم ماتروحش لبعيد عدي تعبان
$$$$$$$$
بال رغم من أن عدي حاسس بتأنيب ضمير ال انه حس بالراحه شويه من كلام رحمه معاه عرف أن هو ماظلمش هيثم وان عدم الرجوع من عند رحمه هو مالوش ذنب
/$$$$$$$$
ف مكان تاني بعيد
فؤاد:- انت جايبني هنا ليه
محمد:-هكون جايبك ليه عايز انفذ ال اتفقنا عليه
فؤاد:-انت ايه اهمد بقاا شوية انت اتحكم عليك بمؤبد
محمد:-مايتحكم عادي هنفذ الخطه دي وبعدها ع برا انا مرتب كل حاجه
فؤاد:-اهدي شويه وشفلك مكان اقعد فيه شويه يومين تلاته كدا لحد ما الأمور تهدي وانا هتصرف
محمد:-تمام
فؤاد :-نسبتي كام
محمد:-نعم
فؤاد:-ال سمعته امال هشتغلك ببلاش مش كفايه كنتو السبب ف فصلي من النقابه
محمد:-انا مالي مش هي
فؤاد:-ليها تار عندي ولازم اخده
محمد :-مش واحدك
……….
بتخططوا ل ايه يا ولاد ال ……
……….
$$$$$$/$$$
رحمه تقريبا الوقت كله مع عدي حدودو معاد خطوبة لنسرين وعادل وبعد الخطوبه هتسافر رحمه مع عدنان ف قصره وتشوف أوضاع الشركه ايه اكيد عدنان واخد رحته بس قبل ماتسافر لازم تعمل حاجه الأول هي ايه
طلبت من وائل
أنها عايزة زيارة لرانيا ف السجن بس استغرب وائل من كدا ومارديش يناقشها ف حاجه هيثم مايعرفش ال ناويه عليه رحمه ايه
هيثم رجع لشركته يباشر شغله ورحمه رجعت تاني الشراكه هو وعادل قالته البزنس حاجه ودا حاجه وكمان صفقه عدي كبير وهيثم مش هيقدر عليها وحده سمع كلامها عادل ورجعو الشراكه تاني ودا ادا أمل أكبر لهيثم ركز كل واحد فيهم ف شغله والحياه استقرت نوعا ما
جاب وائل إذن الزيارة ل رحمه وبالفعل راحت لرانيا ال اول ماشافتها اشفقت عليها بس ليه مهي لبست قبلها ظلم لكن هي ع حق تستاهل
رانيا:-جايه ليه تشمتي
رحمه:-تعرفي عني كدا بس صحيح انتي متعرفيش عني حاجه تعرف بس انك عايزة تخلصي مني وبس
رانيا:-ياريت عرفت
رحمه:-بردو لسه زي منتي عموما مش جديد عليكي دا طبعك انا جايا بس أسألك سؤال انتي عملتي ليه كل دا كنتي عايزة تكسبي قلب هيثم بس اديكي خسرتي نفسك
رانيا:-انا ال عايزة اسالك ايه ال عملتيه لهيثم خلتيه مايشفش حد غيرك ايه ال فيكي مميز
رحمه:-دا وحط ايدها ع النقاب دا ال انتي ول ال زيك يعرفوا
رانيا :-هه وايه دا
رحمه:-دا الستر دا العفه دا الشرف دا النقاء دا الصفاء دا الحياء دا الخجل دا الأخلاق دا القيم دا المبادئ دا أي شئ ف شرع ربنا دا ال خلي هيثم مايقدرش يشوف غيري من كتر ماشاف ال زيك مش حاسه انك هتموتي وتقفي بين أدين ربنا ويسالك عن لبسك جسمك شعرك و و و هتردي تقولي ايه أصلي دي الموضه محنا عارفين الموضه ايه بس هتكون لمين مش للكل ال الراجل مهما دار ولف ف الاخر بيدور ع ال هتصونه ف بيته ونفسه ربنا ادنا عقل ميزنا بيه عن الحيوانات لو العري دليل ع التحضر يبقي الحيوانات أولي بالتحضر دا كسبتي ايه خسرتي نفسك وكل ال حواليكي اذتيني كتير وانا عمري ما اذيتك ول كان ليا دعوة بيكي ول بغيرك انا لما كنت أسمع حاجه عنك اقول ربنا يهديها ولسه لحد دلوقت ربنا يهديكي
رانيا :-بعياط كفايه كفايه
رحمه :-كفايه ليه دا ال المفروض كانوا قالولك عليه بس مين يقولك
انا مش جايه ألوم وعاتب ول حتي اشمت لأن دا مش من طبعي انا جايه ادعيكي ترجعي لربنا حاولي انك تكفري عن ال عملتيه توبي توبه نصحوه وزي ماقال خير الخطائين التوابين ربنا يهديكي
وسابتها وخرجت
رانيا ف حاله عياط هستيريا ماكنتش متوقعة أن رحمه تطلع بالشخصية دي وانا ال بحاربها بحارب واحده بتاعت ربنا وحده مااذتش حد واحده بتهدي غيرها بتنصح بتدعوا رحمه بعد كلامها لرانيا حست أن رانيا ممكن ترجع عن ال هي فيه ودعت فعلا لها أن ربنا يهديها
بس انك لا تهدي من أحببت ولكن الله يهدي من يشاء
$$$$$$$$$
ندا ف مكتب وليد عشان الدرس قرب منها ع الكرسي بعدت قرب تاني بعدت قرب تاني وقفت
وليد :-ايه
ندا :-ايه انت
وليد :-وقفتي ليه
ندا:-بترفع حاجب أسأل نفسك
وليد:-بضحكه عليها مالي انا عملت حاجه
ندا:-لا ياراجل
وليد :-طاب خلاص اهو
قعدت ندا قرب منها وقفت
ندا :-وبعدين هسيبك ومشي
وليد:-مسك ايدها وقعدها اقعدي
ندا :-الله
وليد :-وبعدين
ندا:-بعدين ف ايه
وليد :-احنا هنستهبل انتي فاهمه
ندا:-بكسوف ظاهر فاهمه ايه
وليد :-ندا انا بحبك وعايز اتجوزك
ندا:-بخضه ايه
.وليد :لا بقولك ايه اوعي تطرشي دلوقت انتي سامعه والكلام واصل مش النهارد بس دا كل يوم
ندا:-الله انت بتقول ايه عيب الكلام دا .
وليد :-طاب ردي عليا موافقه
ندا:-خلينا ف الدرس ومسكت الكتاب
وليد :-مافيش درس النهارد النهارد يانا يانتي لازم اعرف انا بحبك وبموت فيكي وعايز اتجوزك قولتي ايه
ندا :-ف ايه
وليد :-حط ايدة ع خده ف الاستهبال دا بت انتي ماتجننيش منتي كنتي عاقله دلوقت ايه ال جرالك
ندا:-يلا ع الدرس
وليد :-حاضر
بدأت ندا ف الدرس اتكلمت وبتشرح لوليد وهو مش مركز غير ف العيون الخضراء ال قدامه وجمالها وسحرها
ندا :-ها فهمت
وليد :-ها … اه .. فهمت
ندا :-طاب ياسيدي قولي ال فهمته
وليد :-مين انا
ندا :-اه انت هو ف حد غيرك
وليد :-اقطع رقبته لو ف حد غيري
ندا :-رقبت مين اقولك ماعلينا قول يلا فهمت ايه
وليد :-بصي ياستي فهمت أن أي اتنين بيحبوا بعض زي انا وانتي كدا ومسك ايدها لازم يتجوز و وانا مش بحبك وبس انا بعشق امك الحجه عليه أنها خلفتك فهمت ياستي أن العيون دا حرام الواحد مايصتبحش بيها الصبح فهمت أن العيون دي خساره ف أي حاجه. مايقدرشها فهمت أن الحب الحلال النقي لازم ينتصر ف الاخر فهمت اني بحبك وعايز اتجوزك بقااااااا
ندا:-مش عارفه ترد بس سحبت ايدها بالراحه
وليد:-ردي عليا لو مش موافقه انا مش هتكلم تاني سكوتك دا دليل ايه الرضا ول الرفض
ندا :-مش متكلمه
وليد :-فهم أنها ممكن تكون رافضة فمتكلمش تاني
بعدها ندا اعتذرت سابت الدرس ومشيت بس وهي خارجه قبل ماتوصل الباب ووليد قاعد ع الكرسي بيفكر أنها فعلا رفضت ممكن تكون حنت لمحمد ول ف حد ف حياتها
ندا وصلت الباب بقولك
بص عليها
ندا :-كلامك مع عادل مش معايا بابتسامة حب جريت مشيت
قام ف المكتب يرقص من الفرح هي موافقه من طول ما قالت عادل يبقي خلاص ودا الحلال اطلبها من أخوها أخيرا يا وليد الدنيا هتضحكلك عقبال ماتضحك لهيثم كمان$$$$$$$$$$$
عدي بيتابع ف العلاج ال تاعبه وقف ف بلكونة الاوضه شويه الناحيه التانيه خرج هيثم اتقابلوا مع بعض
هيثم انا كنت بشوف رحمه هي ال تخرج دلوقت انت ال خارج ياتري قربت منها ول ايه ياه مش عايز أفكر في كدا تاني
عدي قصاد بعض هادي قصه عشق مش حب اكيد كنتو بتشوفوا بعض هون
هيثم كنت بشوفها هنا وشاور لها تشيل النقاب وهي تقول لا بايدها وبعد كدا عملها قلب بأيدي وشاور عليها أنها جوة هنا وهي بالفعل جوة ماخرجتش ومش هتخرج
عدي: كنتو تتغزلوا ف بعض هون ول لا لا رحمه انا اعرفها لا لا تفعل هذا شخصيه ملتزمة متدينة
هيثم يارب ف ايه تاني انا مش طالب حاجه من الدنيا دي غير أن رحمه تكون من نصيبي وبس يارب
عدي حرام هاد الحب مايكمل رحمه عنيدة جدا الله كريم
$$$$$$$$$$$
كل واحد فيهم شاور للتاني من غير نفس وبعدها دخل
$$$$$$$$
اتحدد معاد خطوبة عادل ع نسرين خلاص بعد أسبوع وبعد الخطوبه رحمه هتسافر هي وعدي ع القصر
جه يوم الخطوبة
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية عشقت منتقبه الجزء الثاني)
