رواية عشقت منتقبه الجزء الثاني الفصل التاسع 9 بقلم وفاء رشدي
رواية عشقت منتقبه الجزء الثاني الجزء التاسع
رواية عشقت منتقبه الجزء الثاني البارت التاسع
رواية عشقت منتقبه الجزء الثاني الحلقة التاسعة
نرجع من جديد مع خديجه وهند اللى عيونهم متعلقه ببعض اول مامدت هند ايدها تسلم على خديجه
خديجه وقفت وراحت عليها وحضنتها حضن مافيش زيه وفضلت تعيط وهند كمان محدش عارف هم بيعيوطوا ليه
هيثم عارف ورانيا كمان ووائل شك فى اللى قالته هند له نسرين عندها إحساس بس عدي اللى ميعرفش واستغرب من كدا
فضلوا حوالي عشر دقايق وبعدها هند :-ازيك
خديجه:-الحمد لله
بعد ما كل واحده فيهم مسحت عيونها من الدموع يمكن هند عندها إحساس أن هي بس خديجه مش عارفه هي بتعيط ليه
سلمت على نسرين وحضنتها بس مش نفس حضن هند اللى كله لاحظ كدا
ورانيا هتموت
عايزة الحفله تخلص قبل مايكتشفوا أن هي رحمه بس على مين تقريبا كلهم عرفوا
هيثم:-قاعد منتظر عادل ع نااار
بس عادل هيجي؟؟؟؟؟
فضلت هند مع خديجه
خديجه شويه تتكلم خليجي وشوية مصر
بس اللى لاحظته هند ودا شئ واضح أنها ممكن تكون هي وفاقدة الذاكرة مارضيتش تتكلم هند سكتت بس حبت تاخد معلومات من خديجه زي اسمها وبلدها ايه
خايفه تقول تطلع مش هي خصوصا مع هيثم
بس الكل ملاحظ أن هيثم مش بيشيل عيونه من على خديجه
ويشيلها ازاي هو حد هيقدر يسيب روحه بعد مارجعت
هند عايزة تعمل حاجه بس هتعمل ايه
كل اللى قدرت تعمله أنها عزمتها عندها فى الفيلا مع رفض لوائل بس هي أصرت فى حاجه فى دماغ هند هي ايه ………؟؟؟؟
الحفله كلها مافيش حاجه معاها غير سمو الأميرة خديجه والطله اللى طلت بيها عليهم محدش عارف ان سمو الأميرة خديجه هي هي الفتاه المجهولة المنتقبه اللى عشقها هيثم
رانيا قاعده مش على بعضها رن الفون
رانيا :-الووو… وبعدها وقفت وخرجت
لاحظها هيثم خرج وراها من غير ماتعرف
رانيا:-انت اتجننت انت بتقول ايه ……. اوعي حد فيهم يجيب سيرتي فى الموضوع …. يووووووووه انت مش بتفهم …… لا بقولك ايه انا اللى هقول لهيثم لو مابعتدش عني وهخرج نفسي من الموضوع انت فاهم … وتقفل السكه
هيثم سمع بس اختفي بسرعه
هيثم :-بقااااا كدا ماشي حسابك معايا بعد الحفله ويانا يانتي
تدخل رانيا الحفله اللى وشها اتغير تماما بعد ما خديجة سلمت على هند وكمان اتكلمت معاها
بس هند غبيه للدرجه كدا مش عارفاها
لا هند مش غبيه هند بتخطط لحاجه هتعملها بس انا لازم اخلص منها والليله
خرجت تاني اتكلمت فى الفون بس المرة دي محدش لاحظ أنها خرجت
واخيرا انتهت الحفله وكل واحد على بيته بس عادل مجاش
هيثم ودع عدي ومع عدي قلبه اللى نفسه ياخدها يختفي بيها خالص عن كل الناس بس ازاي وامتي ؟؟؟؟
هند مع وائل فى البيت حكت له كل حاجه واحساسها
وائل :-وهتعملي ايه
هند:-عندي فكرة هعملها
وائل:-اللى هي .
هند:-هقولك ؟؟؟؟
ايه هي الفكره ؟؟؟؟
عدي جاب أمن كتير معاه هو ورحمه وروح على الفيلا بس اتكلم فى الفون وسأل على اللى قطعوا عليهم الطريق عرف أن واحد فيهم هرب وكان ليله البدي جارد مع عدي اسود ولحد دلوقت مش عايزين يتكلمو ولا يقولو تبع مين
..
خديجه :-عدي فى ايه طمني
عدي:-والله مو خابر أخبرك ازاي بس شكل موضوعك كبير الناس اللى باعوكي مش هقول انهم سفروكي للخدمة لأنهم باعوكي وقبضوا التمن من الكلب عدنان الواضح انهم عرفوا انك هون فى مصر وبدهم يخلصوا منك لأنك قتلتي زميل لهم
خديجه:-ايه بعدم استيعاب انا قتلت لا لا انت بتهرج
عدي:-لا مابهرج هاد اللى عرفته أمس فى مشوار ومارديت اقولك بس لا تخافي الموضوع فى شئ غلط
خديجه:-بعياط غلط ايه غلط ايه انا اقتل ايديه دول وبصت على ايديها قتلت انا طب ازاي
عدي:-قرب منها وحضنها لا تخافي واهدي اهدي احنا الي الآن لم نعرف ماضيكي اكيد فى شئ غلط وانا ماراح اتركك انتي الآن اصبحتي جزء من حياتي لا بل حياتي كلها وانا ماراح اسكت حتي اعرف هالناس دول واعرف كل شئ ….
************************
عند هيثم فى الفيلا
هيثم:-مش لاحظتي حاجه
رانيا:-زيي
هيثم:-خديجه
رانيا:-انتبهت للاسم مالها
هيثم:-حضنها لهند والعياط هم الاتنين
رانيا:-عادي يعني بتحصل
هيثم:-بتحصل ازاي امال ماحضنتكيش ليه انتي
رانيا:-بردو عادي يعني يمكن يعرفوا بعض
هيثم:-لا مايعرفوش تعرفي انا خديجه بحس معاها بأيه
رانيا:-سابت الفون من ايديها وبصت على هيثم
هيثم:-بحس أنها رحمه فى كل حاجه فى كلامها فى مشيتها فى صوتها فى حضورها فى كل شئ
رانيا:-بضربات قلب سريعه انت بتقول ايه طبعا لا رحمه بتاعتك ماتت
هيثم:-مسك رانيا من دراعها أياكي اسمعك تغلطي فيها أو تتكلمي كلام مالوش لزوم عليها
رانيا:-بخوف انا مش قصدي بس ماتت ايه اللى هيخلي واحده خليجيه وكمان أميره تكون زيها
هيثم :-ومين قالك أنها مش أميره دي برنسس وهتفضل طول عمرها كدا
رانيا:-لا ياراجل وانت بقا ايه وايه كلامك دا كأني مش موجوده معاك ومش مكسوف من نفسك وانت متجوز وهي كمان متجوزة
هيثم:-انتي اتجننتي خلاص انا بقول بتشبه يام مخ تخين بس تعرفي انا حاسس أنها عايشه وهترجع قريب
رانيا:-يووووووه ماقولنا ماتت انت ايه
هيثم:-مين اللى كنتي بتتكلمي معاه فى الفون فى الحفله
رانيا:-بارتباك ها مين وامتي
هيثم:-فى الجنينه سبتي القاعه وخرجتي
رانيا:-انت هتقلب الموضوع ليه خلينا فى خديجه بتاعتك دي أقصد رحمه
هيثم:-هه رحمه ولا خديجه ماتفرقش
رانيا:-بخوف ظاهر عليها هتعمل ايه وهتخلص من هيثم ازاي
قربت منه هو بعد عنها
رانيا:-انت بعيد عني ليه اليومين دول
هيثم:-عادي ماليش نفس
رانيا:-بس انا مراتك
هيثم:-تصبحي على خير ونام
……
رانيا على الرغم من أنها فرحانة أن هي خلصت من سؤال هيثم الا أنها زعلت من تصرفه وأنه مش طايقها
هي فاكره كدا بس هيثم فوت بمزاجه اجابه السؤال لحد مايمسك دليل قووي عليها
عدت الليله على الكل
بين الفرح والاستغراب والحزن اللى فيه خديجه
***************
هند راحت لندى بس مالقتهاش لا هي ولا عادل
عادل وندى بيفتحو الباب على وليد نفس الممرضه بس المرة دي مسكها عادل ومسابهاش وجاب الأمن كله ولما شاف الدكتور الحقنه عرف أنها حقنه فيها سم بيموت بالبطئ فى كذا يوم عشان محدش يعرف
عادل:-مين له اليد أن وليد يموت الموضوع فى لغز
ندى:-الحمدلله انك لحقته
عادل :-سبحان الله لو ماكناش جينا فى الوقت دا كان حصله ايه لا انا كدا مش مطمن عليه انا هيجيب أمن ورديات عليه لحد ماربنا يكرمه
ندى:-كنت هقولك كدا بس انت عارف اكتر مني
فى الوقت دا وليد بدأ يحرك فى عنيه عايز يفتحهم قرب منه عادل
عادل:-وليد انا عادل وندى هنا كمان شد حيلك يابطل وحشتنا والله احنا بنيجي نزورك كل يوم انا وندى
وليد :-بيحرك فى عينه بس مش قادر يفتحهم من الاضاءه وكمان ليه فترة كبيره مافتحهمش بس سامع ومستوعب فضلوا معاه شويه ومشيوا بس قبل مايمشي عادل كان جاب أمن بالفعل عند وليد كمان جوه الاوضه وهيباتوا معاه والمستشفي مامنعتش
كدا عادل اطمن على وليد فاضل انه يطمن عليه خالص أن ربنا يكرمه ويخف
عادل رجع ندى البيت وطلع هو على الشركه ندى لقت هند فى البيت
سلمت عليها واتكلموا مع بعض شويه
ندى:-وقفت مخضوضه انتي بتقولي ايه
هند:-اقعدي بس والله زي ما بقولك
ندى:-شبه مين وصوت مين رحمه
هند:-والله خلاني شكيت اكتر لما حضنتي اووي وعيطت وكمان افتكرت كلام ماما هي ومستنيه رحمه وكمان لما قالت إنها هتيجي بكرة على امبارح ودا نفس الكلام اللى حصل
ندى:-باستغراب مع استنكار لا لا احنا هنصدق وهم احنا هنضحك على نفسنا
هند:-انتي معذوره عشان كدا بتقولي كلام زي دا لأنك ماشفتيهاش
ندى:-ولو شفتها انا عارفه أنها مش هي
هند:انتي بتقولي كدا وحياتك لخليكي تشوفيها وبعد ماتشوفيها هشوف
ندى:-ازاي
هند:-هقولك …
**************
رانيا وهى بتتكلم فى الفون:- انا جايه اقفل
خرجت رانيا من الشركه وهي مش عارفه أن فى حد بيتابعها وصلت مكان كدا عشوائي وبعيد جدا فى حته زي القهوة كدا بعد دقايق كان هيثم وصل لنفس المكان وشاف وعرف واتاكد
رانيا:-نعم اديني جيت خير
محمد:-اهلا بالهانم
رانيا:-اخلص
محمد:- براحه على نفسك ومتخافيش الحته امان ولا انتي مش متعودة تيجي هنا
رانبا:-اخلص يا محمد انت عايز ايه
محمد:-انا عملت لعبه كدا على ندى ورجعتها تاني لعصمتي بورق مضروب
رانيا:-مش جديد عليك ما انت مزور لنفسك بطاقه باسم …..
محمد:-ايه ياهانم انتي هتسيحي ولا ايه
رانيا:-اخلص وأقول عايز ايه
محمد:-عايز اخلص من عادل
رانيا:-وانا مالي متخلص منه
محمد:وحدي لا
رانيا:-معني ايه
محمد:-انتي معايا زي ما ساعدتك أنك تخلصي من رحمه تساعديني فى عادل
رانيا:-هههههه بضحكه عاليه جدا سمعها هيثم فى عربيته ودمه غلي .. مش لما تخلص من أخته الأول
محمد:-لا ما أخته مراتي بعد ما اخلص من أخوها هروقلها
رانيا:-انا بقول انك عبيط
محمد:-بتقولي ايه
رانيا:-اللى سمعته انا مش أقصد ندى
محمد:-بارتباك اومال مين ؟
رانيا:-خديجه
محمد:خديجه مين مفيش غير ندى انتي هتجننيني
رانيا:-مش بقول عبيط انت هتضيعنا رحمه مامتتش رحمه لسه عايشه وهي نفسها سمو الأميرة خديجه مرات سمو الملك عدي
محمد:-بصدمه ايه
رانيا:-ههههههه رجالتك خانوك فهموك انهم موتوها بس هم مموتوهاش دول باعوها وقبضوا تمنها لانها جميله جمال شرقي
محمد :-مش مجمع اللى قالته رانيا
بس رانيا قاصدة الكلام لمحمد عشان توقعهم فى بعض ويموتوا بعض وتخرج هي منها دا اعتقادها بس عشم إبليس فى الجنه
محمد:-وانتي عرفتي ازاي
رانيا:-زي ماعرفت المهم شوف رجالتك وانا معاك حتي لو خلصنا من ال 3 انا معاك العيله دي مالهاش مكان وسطنا دول قاع المجتمع وهيفضلوا طول عمرهم كدا
محمد:-رجالة مين انا هغيرهم دول خطر دلوقتى بس بعد مصفي حسابي معاهم
…..
هيثم ف العربيه ملاحظ الوضع العربيه فى مكان محدش شافه فيه خرج من العربيه وقرب منهم وصورهم كذا صورة دلوقتى بقا معاه دليل
********************
نرجع عند عدي جه معاد العزومه اللى عزمتها هند لخديجه بكرة خلاص خديجه مش عايزة تروح
عدي:-لا لا هي عزمتك وانتي وافقتي ليش هاد الحين تقولي لا
خديجه:-تعبانه ومش هقدر
عدي:-انتي صاحبه الذوق كله وانا بدي انك تروحي عشان تفكي شويه من كتر هاد التفكير
خديجه:-مش قادرة
عدي:-لا راح تقدري وانا معك
خديجه:-حاضر
عدي:-انتي تعرفي بالعنوان
خديجه:-لا معرفش
عدي:-بلا اشوف هيثم عليه
خديجه متعرفش أن هند ساكنة جنب منها ولا هند كمان تعرف انهم فى الفيلا بتاعة هيثم
………..
نروح عند ندى اللى مش عارفه تفكر من يوم ماقالت لها هند
دخلت على عادل فى المكتب
ندى :-عادل
عادل ساب اللاب من ايده وقال : نعم تعالي
ندى :-هتعمل ايه مع الزفت
عادل:-هههه انتي خايفه
ندى :-بصراحه اه
عادل:-يبقي انا مش اخوكي لما تخافي وانا معاكي محمد خلاص أمره انتهي
ندى :-ازاي طمني
عادل:- طول ما معاكي اخوكي عادل الصعيدي يبقي اطمني
ندى :-ربنا ما يحرمني منك ابدأ يا اخويا
عادل:-ولا منك يا قلب اخوكي
ندى سمعت الكلمه ودموع ف عيونها ياااااااااه الكلمه دي مش بتخرج غير لرحمه انا ليا زمان ماسمعتهاش
عادل: حط ايديه ع كتف أخته ومسح دموعها انتو الاتنين قلبي من جوة راح نصه فاضل النص التاني عايش بيه
ندى: فى موضوع عايزه اتكلم معاك فيه
عادل:-اتفضلي كلي اذان صاغيه
ندى:-حكت اللى هند قالته
عادل:-أيييييييييييييه ازاي دا باستغراب
ندا:-والله زي مابقولك خلت عندي فضول اني عايزة اشوفها صح زي ماقالت ولا لا
عادل:-لا لا انتوا اتجننتوا
ندا:-انا قولت كدا بردو
يلا هسيبك واروح اشوف ماما
……
خرجت ندى من عند عادل اللى أدماغه اتشلت من كتر التفكير
عادل:- طب ازاي انا بقول عليهم اتجننو منا مجنون قبل منهم انا لحد دلوقتى مش مقتنع أنها ماتت دا غير الاحلام اللى بحلمها أنها بتستغيث بيا…….. ممكن؟؟؟؟
دماغه يمين وشمال طاب ازاي التاني عايز يتأكد
وفجأة يجي هيثم
يدخل
هيثم:-ندى اخبارك عادل فين
ندى:-أخيرا افتكرتنا مالك اهدي عادل فى المكتب
جري هيثم على المكتب يفتح الباب يفاجئ عادل قدامه
عادل:-هيثم مالك فى ايه بتنهج ليه
هيثم:-محمد
عادل:-ماله الزفت
هيثم:-هو اللى وراه موت رحمه
عادل:- بصدمه عرفت ازاي
هيثم:-عرفت وخلاص المهم عايزك فى موضوع وياريت تساعدني فيه
عادل:-رقبتي احنا قبل أي شئ أخوات
هيثم :-هو دا العشم
عادل:-انت عرفت
هيثم:-بخضه فاكر أن عادل هيتكلم على خديجه بس طلع انه مايعرفش بس كمان مايعرفش أن هند خبرت الكل
…… عرفت ايه
عادل:-محمد عمل ورق مضروب ورجع ندى لعصمته
هيثم هنا ربط الخيوط ببعضها أن مقابله محمد لرانيا كان وراها حاجه
هيثم:-ازاي دا
عادل:-أجله قرب على كل حاجه عملها مع أخواتي والله ما هسيبه
ها قولي كنت عايزني فى ايه
هيثم:-سمو الملك عدي ومراته خديجه
عادل:-رن الكلام ف دماغه وانتبه لهيثم. . مالهم
هيثم:’سري دا معاك انت مش مع حد ولا حد يعرفه
عادل:-اكيد ياصاحبي
هيثم:-موجودين فى الكومباوند هنا فى الفيلا بتاعتي اللى جنب منكم ومحدش يعرف
عادل:-ايه بتقول ايه …. عادل مش قادر يستوعب اللى قاله هيثم فعلا هنا يعني بينه وبين اللى شاكين فيها أنها أخته أمتار
هيثم:-مستهدفين يا عادل انا شفت كدا بعنيا عشان كدا جبتهم هنا ومحدش يعرف خصوصا رانيا مراتي
عادل:-ليه
هيثم:-بعدين اقولك المهم تخلي بالك منهم من بعيد من غير ما يلاحظوا لحد ما يرجعو بلدهم انا استنيتك فى الحفله تيجي بس ماجتش
عادل:-لنفسه يارتني رحت …. معلش كنت تعبان شويه
*****************
جه معاد الحفله النهاردة
جهزت كل حاجه هند وعملت الأكل اللى كانت بتحبه رحمه
وكل شيء جاهز عدي كلم هيثم يسأل عن عنوان وائل
من سوء الحظ أن رانيا سمعت المكالمه بالصدفه وعرفت أن عدي فى فيلة هيثم
هيثم اتفق مع عدي انه هو هيجي يوديهم لوائل
هند عزمت نسرين اللى قالت لوالدتها داليا والتانيه على نار عايزة تشوف خديجه وطبعا هيثم بس طلبت منه مايجبش رانيا معاه ومايقولهاش طبعا جهزت كريم حبيب رحمه
واتصلت بندى وندى مترددة عايزة ومش عايزة مش عايزة توهم نفسها بحلم ممكن يكون سراب بس قلبها عايز دا رابط الأخوة
الكل منتظر خديجه
وأخيرا وصلت فى صحبة عدي اللى ماسك ايدها وظاهر عليها التعب وهيثم طبعا اللى هيموت عليها من كتر الغيرة بس هيعمل ايه عايز يكتشف كل الأركان الأول قبل مايعلن أنها رحمه
نسرين سلمت عليها وحضنتها كالعادة داليا مش مصدقه لو فى شبه هيكون زي كدا دي نسخه تبيكال
نسرين:-دي ماما
خديجه:-وشها مألوف شفتها فين بتسلم عليها ضربات كتير ف دماغها جت وصور لداليا بكذا شكل منها الكويس والوحش من كتر ضربات الصور فى دماغها كانت هتقع ورا سندها هيثم وبص فى عيونها اللى وحشاه وليه زمان مشافهاش ايوة العيون دي ملكي انا وبس
جه جري عليها عدي مسكها
عدي:-قلبي شو بكي
هند:-خير مالها
عدي:-نحن نعتذر هي تعبانه شويه
هند:-ارتاحي ارتاحي طيب
قعدت بالفعل وكلهم مع بعض
هند جابت كريم اول ماشافته خديجه قربت منه حضنته وباسته
خديجه:-وحشتني
كله استغرب من الكلمه المفروض انك اول مرة تشوفيه بتقولي لو وحشتني
هند:-تعرفي دا مين ؟؟؟؟
كمان كله استغرب من سؤال هند
عدي بدأ يشك فى حاجات هو التاني زكي وبيفهم
خديجه:-اكيد دا ابنك صح
هند:-اه ابني تعرفي اسمه
هيثم فهم أن هند حست أنها رحمه هي كمان ودي محاولات منها تعرف بيها
خديجه:-بتسترجع وراه بس مش فاكره
هند:-لما شافت أم كله مستغرب ههههه دا ابني كريم
خديجه:-كريم وبدأت صور تاني فى دماغها وكلام يجي اه من كريم بس مش دا طفل تاني أكبر منه اسمه بردو كريم
مسكت دماغها …. ااااااااه دماغي ااااااااه
كله استغرب بس هيثم متأكد ان رحمه فاقدة الذاكرة بس ياتري ايه اللى حصل ليها
عدي:-كنت عامل حسابي هاد دواكي المسكن
أداها الدوا وهي اعتذرت من كدا وحبت تمشي بس محدش وافق لها
قامت هند اتصلت بندى
هند:-انتي يازفته فينك
ندى:-فى البيت
هند:-تعالي
ندا:-لا وبطلي جنان
هند:-بقولك تعالي حصلت حاجه غريبه اختك تعبانه وشكلها فاقدة الذاكرة بقولك تعالي
ندى :- بخضه ايه ياحببتي يا اختي …… الله ما انتي من شويه مش مقتنعه . دي هي الأخوة
ندى دخلت ع عادل المكتب
ندى:-عادل انا رايحه عند هند
عادل:-لسه فى دماغكم برضو
ندا:-معلش خلينا نتأكد هند بتقول أنها تعبانه وشكلها فاقدة الذاكرة
عادل:-ما شاء الله عليكم بتتكلموا وبتحللوا مع نفسكم روحي يا ندى بس ماتعشميش
خرجت ندى من عند عادل وسابته قلبه وجعه على كلمه أنها تعبانه وفاقدة الذاكرة ممكن يكون صح ااااااااه ياقلب اخوكي طب يارب اعمل ايه منا كمان عايز اتأكد يارب
خرج عادل راح على والدته الحاجه عليه يشوفها
ندى بالفعل لبست بس لسه ماخرجتش
عادل:-اخبارك ياست الكل
الحاجه عليه :-الحمدلله يابني
عادل:-مالك بس
الحاجه عليه :-بس تجيني اختك هي اتاخرت ليه كدا ماجتش معاك ولا مع هيثم
عادل:-بدموع فى عيونه اختي مين
الحاجه عليه :-رحمه شفت انا مستنياها هنا عايزة اشوفها قالتلي مش هتاخر
عادل:-انتي عايزة تشوفيها
الحاجه عليه :-ايوة يابني
عادل :-……………..
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية عشقت منتقبه الجزء الثاني)
