رواية عشقت مطلقة وأولادها الفصل الثالث 3 بقلم مارلي إيهاب
رواية عشقت مطلقة وأولادها الجزء الثالث
رواية عشقت مطلقة وأولادها البارت الثالث
رواية عشقت مطلقة وأولادها الحلقة الثالثة
سلطان بحزن
اني خابر ان اللي عملته معاكي كان غلط في الطريقة اللي عملتها بيها لكن ده حقي وشرع ربنا وهي طريقتي كانت غلط بس بسببك انتي اللي استفزتيني يا شمس وخرجتني عن شعوري اني اسف حقك عليا يا شمس و اللي انتي رايده
شمس پبكاء
ليه هو انت لما تجي تقولي اسف انا كدة هنسي اللي انت عملته فيا يا همجي انا مش هسامح حد وبقولك اهو اطلع بره انت مش هتقعد معايا في بيت واحد ولا ليه انا اللي همشي انا نسيت اصلا ان ده مش بيتي علشان اطردك منه
سلطان بضيق
يا شمس اعقلي شوية لا انتي هتخرجي ولا اني هخرج من هنا ابوي هيرفض يا شمس و اني مش خابر هو رايد اية من جوازتنا بس الاكيد ان انتي خابره هو جوزني ليكي قوليلي وريحي جلبي
شمس پبكاء
انا بقي مش هريحك ومش هتكلم في حاجه و اتفضل اطلع بره الاوضة وملكش دعوة بيا نهائي
سلطان بحزن
طيب يا شمس اني هجدر حالتك دي ومش هقرب منك واصل وهجرب منك واصل
شمس پبكاء
بره اخرج بره
خرج سلطان وهو بيتنهد بتعب شديد و قعد علي الكنبة وقال
يا مرك يا سلطان عملت اية في دنيتك علشان يحصل فيك كل ده ليه يا بوي عملت فيا اجده
فاق سلطان من سرحانه علي صوت رنه تليفونه وكانت فرحه رد سلطان بحزن
سلطان بحزن
ايوة يا فرحة كيفك
فرحة
اني بخير طول ما انت بخير يا حبيبي كيفك انت وعملت اية
سلطان بحزن
اتجوزتها يا فرحة
فرحة بحزن مصطنع
ايوة ربنا معاك يا حبيبي مخابرش ۏجع جلبي كيف دلوجتي يا سلطان خابر ندمت اني جولت ليك اتجوزها كان نفسي اني بس اللي اكون معاك وفي بيتك دلوجتي مش هي
سلطان بحزن
انتي كمان هتبقي في بيتي يا فرحة اني جولتلها اني هتجوز غيرها صرحتها وفهمتها اني بحب واحدة وهتجوزها
فرحة بفرح
طيب امتي هتجي يا سلطان
سلطان
ان شاء الله قريب بس اعدي فترة من جوازتي من دي و بعدين اتجوزك
فرحة بضيق
فترة قد اية يا سلطان
سلطان بحزن
متجلجيش يا جلب سلطان يعني شهر ولا شهرين علشان ابوي ميضايجش
مني
فرحة بضيق
طيب يا حبيبي بس اني رايده اطلب منك طلب
سلطان
انتي تؤمري يا فرحة جلبي
فرحة بدلع
مش رايدك تجرب منها خالص يعني ولا كأنها موجودة معاك يا سلطان
سلطان اتنهد بضيق
حاضر يا فرحة اللي انتي رايده
فرحة بحزن
مالك اضايجت ليه يا سلطان انت رايدها ولا اية
سلطان
رايد مين همليني لحالي يا فرحة اني مش طايجها ولا طايج نفسي يا فرحة
فرحة بحب وقلق مصطنع
ليه بس يا حبيبي حصل اية
سلطان بحزن
ولا حاجة يا فرحة معلش اجفلي دلوجتي ارتاح و بعدين اكلمك
فرحة
حاضر بس متنساش تتطمني عليك يا حبيبي
سلطان بحزن
حاضر
قفل سلطان التليفون وفضل قاعد يفكر هيتعامل ازاي مع شمس
في بيت القناوي كان يجلس وهو يفكر في الذي فعله مع ابنه هل هو صح ام لا دخلت فاطمة وقالت
قاعد كدة ليه يا قناوي مش رايح الشغل اياك
القناوي
رايده اية يا فاطمة نا تهمليني لحالي حبابه هيحصل حاجة يعني
فاطمة
لا ما هيحصل حاجة بس مش عوايدك يعني ده اللي اقصده
القناوي
عادي رايد ارتاح النهارده خلاص ترتاحتي اجده
فاطمة
مرتحتش و مش هرتاح يا قناوي غير لما اكون خابره اية اللي جوزي بيعمله وهو مخبي عليا
القناوي
واني هعمل اية يا مخبولة انتي
فاطمة بتريقة
كيف اللي عملته زمان يا قناوي ولا نسيت يا حبيبي
القناوي
انت لساتك منستيش يا فاطمة
فاطمة بتريقة
ومش هنسي يا قناوي الست لمت بتنجرح بذات من جوزها وتتخان منه عمرها ما هتنسي خيانته يا حبيبي و اني عمري ما هنسي اللي عملته فيا نهائي
القناوي ببرود
عادي متنسيش عاد و خليكي في حالك و هو كان مين السبب مش انتي السبب و انتي اللي خليتني اعمل اجده بسبب اسلوبك و طريقتك العفشة
فاطمة بتريقة
ايوة ايوة اقلب الترابيزة عليا يا قناوي ولزقها فيا علي العموم اني مش هممني حاجة بالاذن يا قناوي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عشقت مطلقة وأولادها)
