رواية عشقت عذابي الفصل الثامن والعشرون 28 بقلم زهرة الربيع
رواية عشقت عذابي الجزء الثامن والعشرون
رواية عشقت عذابي البارت الثامن والعشرون
رواية عشقت عذابي الحلقة الثامنة والعشرون
سراج ابتدى يفقد الوعي وصورة تقى وهما بيخطفوها قدامو مش قادر يعمل حاجه واخر حاجه سمع صوت واحد من العصابه كان بيتكلم في التليفون وقال..ايوه يا نادر بيه كلو تمام..البنت معانا
وهنا سراج غاب عن الوعي وهما اخدو تقى وطلعو بيها
عند نادر قام من النوم وفتون كانت نايمه في حضنو فضل سرحان في ملامحها البريئه وافتكر ازاي هربت لحضنو لما كانت خايفه بعد كل الي بيعملو معاها بس بيفضل امانها الوحيد
فتون فتحت عنيها وشافت نادر بيبصلها بعشق واضح في عيونه قالت..صباح الخير
نادر ابتسم وقال…صباح الجمال..نمتي كويس
فتون اتنهدت وقالت ..الحمد لله..على فكره بخصوص امبارح انا والله افتكرتو انت وفتحت و
بس نادر حط صباعو على بقها وقال…اششش واتنهد وقال..مش محتاجه تبرري..انا الي غلطت لما سبتك لوحدك ..وكمل وهو بيملس على شعرها …تعرفي وحشني الاحساس ده قوي
فتون قالت باستفهام…احساس ايه
نادر قال ..احساس اني افتح عنيا على جمالك واكون انا اول حاجه تشوفيها بعيونك القمر دي
فتون بصتلو بكسوف وقالت وهيه بتنزل من على السرير…والله انت الي حرمت نفسك من الاحساس ده من الاول
نادر ابتسم بحزن واتنهد وقال…عارف .. وكمل بمرح وقال ..مفيش داعي كل يوم اقولك اني غبي بقى
فتون ضحكت وقالت…لا وعلى ايه مش محتاج تقولي اصلا
نادر ضحك وقال…كده ..يعني انتي شايفه اني غبي مش كده
فتون كانت بتطلع هدوم من الدلاب ومن غير ما تفكر قالت…المشكله اني مش بشوف فيك اي غلطه يعني ديما كامل في عيوني
نادر عجبو كلامها قوي وفتون جات تدخل الحمام وقف قصادها وقال…ايه الي خلاكي تحبيني الحب ده كلو يا فتون ..هو انا استاهل كل الحب ده
فتون بصتلو بحب شديد وقالت…السؤال ده ملوش اجابه عندي يا نادر ..غلبت وانا اسأل نفسي السؤال ده تعبت وانت اقنع قلبي اننا مش لبعض حسيت قوي بالذل من الي عملتو واستغربت ان حبك في قلبي منقصش لحظه واحده بالعكس بيذيد ..لو كنت عرفت اجاوب نفسي كنت جاوبتك
نادر اتملت عيونه دموع من كلامها ونظرتها الي كلها عشق قرب منها وحضنها وقال…انا اسف…اسف بجد..انا ….انا بجد مستاهلكيش ابدا
فتون ابتسمت وحضنتو وقالت…يبقى مفيش حد يستاهلني
نادر بعد وبصلها وقال بس انا هعوضك ..هصلح كل حاجه و
بس قطع كلامو صوت التليفون وكان خالد رد وقال الو
خالد قال..ها منزلتش ليه الجماعه كلها دقايق وينزلو
نادر قال ..تمام نازل حالا …سراج نزل
خالد قال…لا منزلش هو كمان ابقى جيبو معاك
نادر قال تمام وقفل ولسه هيكلم سراج شاف الرساله الي بعتهالو
فتون قربت منو لما شافت القلق الواضح عليه وقالت..فيه ايه يا نادر
نادر قال بخوف..مفيش..مفيش خليكي هنا واقفلي الباب من جوه ومتفتحيش غير لما تسمعي صوتي تمام
بقلمي زهرة الربيع
فتون قلقت جدا وقالت فيه ايه طيب بس نادر خرج جري من الاوضه ونزل عند خالد وقلو على الرساله الي سراج بعتهالو نادر قال…انا بقول ننزل نشوفهم ونلحقهم على المستشفي
خالد قال..طب استنى احنا عارفين هما فين او في اي مستشفى .. مش يمكن حركه من حركات سراج علشان يخلع بعد ما ورطنا مع العملا اتصل بابوك شوف ايه الحكايه هو اكيد سمع بالخبر
نادر قال بتفكير..لا مظنش ايه الي هيخليه يعمل كده ومع ذالك انا هتصل بوالد تقى نفسو انا معايا رقمو لو فعلا عمل حادث حد من قرايبو هيقلي
نادر اتصل على والد تقى وكان كويس جدا وسألو على تقى وسراج بس ميعرفش عنهم حاجه
نادى قفل معاه وابتدى الخوف والشك يدخل قلبو
خالد قال بعصبيه…شوفت قولتلك ده بذات ما تتورطش معاه اهو سابنا وخلع هنعمل ايه مع الشركا الي جبناهم على ضمانتنا
نادر قال بقلق..انا خايف يكون جرالو حاجه
خالد قال باستغراب…خايف…ايه
نادر لسه هيكلمو اتفاجأو بسراج جاي نحيتهم بغضب مرعب وشكلو كان متبهدل ودماغو بتنزف وهدومو كلها د*م
سراج مسك نادر من هدومو بتعب شديد وهو مش قادر ينطق وقال…تقى….تقى فين…مراتي..فين يا نادر
نادر وخالد اتصدمو من منظرو ونادر سندو وقال بقلق…مين الي عمل فيك كده
سراج قال بعصبيه وهو بيتكلم بتعب شديد…قولتلك..مراتي فين..يانادر
نادر قال لخالد كلم دكتور بسرعه…وبص لسراج وقال..اهدى اهدى علشان نفهم اهدى
سراج بقى مش قادر يقف وفجأه اغمى عليه نادر وخالد دخلوه اوضتو واتصلو بالدكتور وعقملو الجرح وضمضو ومشي
نادر وفتون وخالد وعلا كلهم كانو مستنينه يفوق.. بعد شويه فتح عيونه ببطء وقال..تقى…تقى
فتون قربت منو وقالت بدموع …سلامتك..سلامتك يا حبيبي وحضنتو وبقت تبكي
نادر قرب عليها وقومها براحه وقال…سبيه يرتاح …وهنا سراج قام وهو مش قادر يقف وخنق نادر وهو بيقول بعصبيه..ودتها فين..تقى فين يا نادر ..اقسم بالله كل الي حصل بنا كفه وتقى في كفه …دي فيها روحك يا بن النوري وكمان متكفنيش
نادر كان بيطلع في الروح وزقو بالعافيه وقال..وانا ايه عرفني تقى فين..هو جنان وخلاص
سراج هجم عليه عايز يضربو وخالد مسكو بالعافيه وبقى واقف قدامو وبيحوشو عنو سراج كان متعصب جدا وقال..انت هتستعبط يا روح امك وديني لو حصلها حاجه لاندمك يا كل*ب ..انطق بقولك تقى فين
نادر رغم انو كان صعبان عليه حالتوجدا الى ان عصبيتو استفزتو قال..طب خليك كده زعق واش*تم وانا مش مضطر اسمعك اصلا ولسه هيمشي سراج جري عليه وقال بدموع…مراتي حامل..وتعبانه يا نادر..وانا..انا مش عايز غيرها من الدنيا..سبها ارجوك قلي على مكانها واطلب اي حاجه لو حتى عمري انا معرفش اعيش من غيرها..ارجوك شلها من لعبتنا
نادر بصلو بدموع وقال…انا معرفش مكانها يا سراج صدقني
سراج قال بغضب..اصدقك ازاي ورجالتك كلموك قدامي سامعو بوداني بيقولك البنت معانا يا نادر بيه مين له مصلحه غيرك انا مليش اعداء غيرك انطق وقول هيه فين يا نادر واتقى شري
نادر هنا كان في قمة زهوله مين له مصلحه بخطف تقى وكمان يقول ان نادر الي خطفها بقى مش مستوعب الكلام ابدا قال طيب اهدى ..خلينا نفهم
بس سراج بقى زي المجنون وفضل يزعق وعايز يخنق نادر ويضربو ومقدروش يسيطرو عليه وخالد نادالو الدكتور الي عالجو ادالو حقنه مهدأه
بعد ما نام طلعو بره وكلهم في حالة حزن شديد منظره كان يقطع القلب فتون قربت من نادر وقالت بغضب..انت الي عملتها يانادر …دي خطه جديده من خططك
نادى بصلها وقال….مش انا يا فتون وحياتك عندي مش انا
فتون اتملت عيونها دموع وقعدت على الكرسي وقالت..امال مين بس ..مين
نادر قال هنعرف وعمل تليفون
نهى سمعت كل كلامهم دخلت اوضتها واتصلت بالشخص اياه وقالت…انت الي عملتها مش كده
المجهول..ايوه انا ها ايه رأيك
نهى قالت بفرحه..ميه ميه..دول هيقطعو بعض
المجهول قال..لا ولسه استني واتفرجي بس
بعد ساعة زمن كان وصل الفندق فؤاد الطحاوي واتقدم عليهم بقلق وقال..فينه سراج هو كويس
فتون جريت عليه وحضنتو وهو كمان حضنها وقال..اهدي يا بنتي وفهميني اخوكي مالو
نادر جيه وقال..مراتو اتخطفت وحالتو صعبه مش عارفين نسيطر عليه علشان كده كلمتك
فؤاد لسه هيتكلم اتفاجأو بدخول سالم النوري مع المساعد بتاعو والسواق واول مدخل نادر باس على ايده وقال..اذيك يا بابا
بقلمي زهرة الربيع
سالم وفؤاد بصو لبعض بصدمه حقيقيه اول لقاء ليهم من سنين فؤاد قال…ايه الي جاب ده هنا انا ماشي
نادر مسك ايده وقال..استني يا فؤاد بيه ابنك سراج محتاجلك مش محتاج غيرك
سالم نزل راسو في الارض لانو فاهم تلميحات ابنو ونادر كمل وقال…انتو لاتنين هتفضلو هنا علشانا علشان اولادكم لحد ما نلاقي تقى
وقبل ما حد يتكلم او يعترض سمعو صوت سراج جريو على اوضتو
سراج حاول يقوم مقدرش بس وقف واتفاجأ بفؤاد في وشو
فؤاد قرب عليه بدموع وسراج اترمي في حضنو وحضنة بحب شديد وقال وسط دموعو ..تقى..تقى. يابابا راحت مني
فؤاد بقى يطبطب عليه وقال..اهدى يا ابني هنلاقيها ربنا موجود
سالم كان بيبصلهم والدموع في عنيه نادر حط ايده على كتفو وابتسملو وهو كمان ابتسم ابتسامه بسيطه حزينه
سراج قال باستغراب..انت انت ازاي جيت قصدي مين قلك
فؤاد بص لنادر وسراج كمان بصلو بغضب وقال..هو الي خطفها انا متأكد هشرب من دمو مش هتقدر تمنعني المرادي ولسه هيتقدم عليه نادر قال..بص يا سراج انت ممكن تيجي تضربني قد ما انت عايز بس مش هيغير من الامر شئ لان تقى مش معايا لا انا ولا رجالتي بالغباء ده علشان نتكلم مع بعض قدامك افهم الي عمل كده قاصد يورطني قاصد يخلق عداوه بنا
وبص لابوه وفؤاد وقال..علشان كده جبتكم فيه اسأله كتيره اجابتها معاكم زي مثلا مين له مصلحه في عداوتنا سوا
فؤاد قعد وقال..انا معرفش حد يفكر يأذينا يمكن انتو انتو بلاويكم كتيره احنا مش بتوع مشاكل
سالم بصلو بغضب وقال… لا فعلا مش بتوع مشاكل بأمارة رجليا
فؤاد قال..حتي في دي انت عارف كويس مين الي بدا بالمشاكل ولا نسيت
سالم لسه هيرد نادر قال..باااااس انا جمعتكم علشان نحاول نلقى تقى نعرف اي خيط يوصلنا ليها ..مش علشان نتخانق..اتفضل يا سراج قولنا الي حصل معاك
سراج ابتدى يحكي من اول ماجالهم الاتصال لكل الي حصل بعد كده
بعد ما سراج حكالهم كل الحكايه ونادر قلهم كمان انو اتصل على والد تقى وانو بخير سالم قال..غريبه قوي هيه الي زي تقى مين له مصلحه يخطفها اصلا
فؤاد رد عليه وقال…اكيد حد يقصد سراج او يقصد يوقعنا مع بعض زي ما نادر قال
سراج قال بغضب..ويمكن لعبه منو انا مضمنوش ابدا
نادر اتنهد وقال…طيب انا بأقسم قدامكم بحيات ابني الي لسه مجاش على الدنيا ويعلم ربي قد ايه بتمناه اني مش انا الي خطفتها ومليش اي علاقه بالي حصل مصدقني ولا لا
ردت فتون بسرعه وقالت..انا مصدقاك نادر بصلها بابتسامه حب وكان سعيد بيها
خالد وعلا قالو كمان مصدقين وطبعا سالم بس الغريب فؤاد قال..انا كمان مصدقك
سراج قعد جمبو وقال باستغراب..مصدق مين ده
فؤاد بصلو وقال..انا بصدق عقلي ..وعقلي بيقولي ان لو نادر الي عملها هيجي يقولك انو خطفها ويساومك ويغيظك ويعمل حركات العيال بتاعته انما ينكر ده معناها انو ملوش علاقه فعلا
وكده يبقى فيه طرف تالت غيري انا وسالم في اللعبه..اكيد فيه حد تالت ومن زمان قوي كمان
سالم قال..حد ..حد مين وايه مصاحتو يعني
فؤاد قال بتفكير مش عارف…احنا التنين متأكدين ان لا انا ولا انت قتلنا علا كمان ولا انا ولا سراج قتلنا طارق يبقى فيه شخص تالت ووووو
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية عشقت عذابي)
