رواية عشقت ظابط الصعيد الفصل الثالث 3 بقلم رنا أحمد
رواية عشقت ظابط الصعيد الجزء الثالث
رواية عشقت ظابط الصعيد البارت الثالث
رواية عشقت ظابط الصعيد الحلقة الثالثة
في بيت شربات ..
كان واقف زين بنهجان شديد كأنه جاي من حرب عينيه فيها خوف عليها رهيب كانت بتبصله بصدمه ازي وليه بيبصلها بكل الخوف ده وهي عمرها مشافت في عيون اي حد نظره خوف عليها بالعكس الكل عايز ينهشها وفوق كل ده ايه طلبه الغريب ده خرجها من شرودها علي صوته الحاد .
/مالك فيه ايه يلا بينا .
شربات بغيظ شديد/هو فيه ايه بالظبط انت مبلبع ايه علي المساء ي حضره الظابط.
زين بغيظ شديد/اتعدلي ي بت قصدك ايه.
شربات بغيظ /هو ايه الي قصدي ايه انت مش سامع كلامك ماذون ايه ي اخويا الي هنروحله هي هبت منك ولا ايه ولا تكون وقعت فيا بالسرعه دي معقول.
زين بحده /أنا اقع فيكي انتي ليه أن شاء الله من قله ولا ايه ده انتي متسويش بصله في سوق الستات .
شربات بغيظ شديد/لا الله الا الله مش انت الي جاي تعرض عليا الجواز ولا أنا الي بتمحك فيك ممكن اعرف ايه طلبك الغريب ده .
زين بعد مفاق من تصرفه المتسرع ده /احمم انتي فاكره اني دايب فيكي ولا ايه ده عطف عليكي ي حلوه مش اكتر بخرجك من الي انتي فيه .
شربات بابتسامه باهته /لا معلش فرصه ثانيه ي زين بيه أنا لما احب اتجوز اكيد هتجوز الي يحبني وأحبه مش الي واخدني عطف وشفقه تصبح علي خير ي زين بيه .
مشي زين بسرعه وكأنه بيلوم نفسه علي الي عمله ازي فكر في كده بالجنون ده وازي توقع أنها هتوافق علي كده .
في النقطه …
كان قاعد يوسف بقلق بالغ عليه دخل زين قعد بتعب.
يوسف بحزن شديد/روحت فين يا زين قلقتني عليك .
زين بشرود /تصدق رفضتني يا يوسف كان نفسي اوي احميها كان نفسي انجح في الي فشلت فيه مع سمر نفسي متلقاش نفس المصير .
يوسف بصدمه /ي نهارك اسود انت طلبتها الجواز ولا أيه ايه الجنان ده بس ي زين مش كل البنات سمر ي زين .
زين بصراخ /خلاص بقا ي يوسف الي حصل حصل وانسا الموضوع ده ممكن ننام بقا .
***************.
في بيت شربات..
جه الصباح كانت قاعده بتفكر في الي حصل امنبارح معقول يكون حلم جات امينه والدتها بابتسامه .
/صباح الخير ي ضنايا .
شربات بابتسامه/صباح الفل ي ست الكل حالا الفطار يكون جاهز علشان ورايا شغل .
امينه بقلق /برضه هترقصي في الحفله بتاع العمده أنا قلقانه عليكي ي ضنايا .
شربات بابتسامه/متقلقيش عليا ي أما بنتك بمائه راجل وبعدين أنا باخد فيها فلوس كتير انتي عارفه أننا محتاجين لكل قرش هنفطر واروح اسال علي ست ريحانه .
امينه بابتسامه /ربنا معاكي ي ضنايا .
******************
في النقطه ..
كان واقف يوسف بيعمل شاي صحي زين من النوم .
يوسف بسخرية/ههههه صباحيه مباركه ي عريس .
زين بغيظ شديد/مش وقت خفه دم امك خالص أنا مش عارف ازي اصلا عملت كده واضح أن الماضي ده هفضل ادفع تمنه طول عمري.
يوسف بابتسامه /أن شاء الله الي جاي هيبقى احسن ي زين موضوع سمر ده انت ملكش ذنب فيه اعرف كده ي زين علشان ترتاح .
زين بجديه /أن شاء الله أنا هتمشا شويه .
ملك بابتسامه/صباح الخير.
يوسف بابتسامه واسعه/صباح المربي والعسل .
زين بابتسامه /حتي في دي همك علي بطنك .
ملك بابتسامه خجل /انا اسفه بس جبتلكم جاتوه لام النهارده عيد ميلادي وعاملين حفله لاني وحيده ابويا ومدلعني علي الاخر .
يوسف بابتسامه وهمس /ما هو بصراحه عنده حق فيه حد يخلف بسكوته زيك وميدلعهاش .
زين بغيظ شديد/وبعدين ي يوسف .
ملك بخجل وارتباك/عن اذنكم .
يوسف بغيظ شديد/انت حد مصلتك عليا ي ابني انت في مصر كنت كاتم علي نفسي وهنا كمان .
زين بغيظ شديد/ي ابني افهم بقا هنا مش زي مصر اتلم بقا وخلينا نشوف موضوع السفاح ده ونشوف شغلنا.
يوسف بغيظ/سفاح اشكو اليك يارب .
زين بغيظ/أنا رايح اتمشا اوووف .
يوسف بابتسامه جاذبه /لا البت دي دخلت دماغي خلاص وشكلها كده هتسكن في قلبي للابد بركاتك ي نفيسه.
*****************.
في الجامعه ..
دخلت منه مع اسر بس اسر لقا أصحابه .
/أنا هقعد مع صحابي شويه اطلعي انتي المحاضره .
منه بحده /براحتك بس افتكر أننا عندنا محاضره مع الدكتور امير وده مش بيسكت ومش هيعديها .
اسر بضيق /طب كويس انك فكرتيني ده دكتور رخم وانا مش بطيقه روحي انتي .
منه بوجع وضيق وهمس /في ستين داهيه أنا مبقتش طايقه اشوف وشك ربنا ينتقم منك علي الي عملته فيا .
************.
في القاعه ….
كان واقف امير بيشرحلهم المحاضره أما منه كانت في دنيا بس فاقت علي صوت امير العصبي وهو بيتكلم مع بنت .
/ممكن اعرف ايه الصور الي بتبعتيها من تليفونك دي .
البنت بدموع /انا اسفه ي دكتور ده حبيبي .
امير بحده واستنكار /حبيبك هو الي طلب منك كده طلب منك ترخصي نفسك بالطريقه دي اوعوا تفتكروا أن ده اسمه حب ده اسمه وطي ونداله انتي بترخصي نفسك وهو بيشوفك رخيصه اوعي تفتكري أن ولد هيطلب منك ترخصي نفسك هتكوني عنده الملكه المتوجه بالعكس عمره مهيبقل يتجوزك .
كانت دموع منه بتنزل من غير توقف هي فعلا الي رخصت نفسها وسلمت نفسها لل اسر بدون تمن .
******************.
في مكان مظلم بعض الشئ في الجامعه .
كان يقف اسر ومجموعه من اصدقائه وهم يشربون المخدرات ليقف أمامهم امير بغضب جحيمي.
/ايه الي بتعملوه ي حيوان منك ليه بس سايبين محضراتي وقاعدين بتشربوا الزفت ده في الجامعه ده انتوا ليتلكم سوداء .
اسر بغضب شديد/ولا تقدر تعمل معايا حاجه ب دكتور انت مش عارف انا ابن مين .
امير وهو يمسكه بغضب جحيمي/طب تعال فوق معايا ي روح امك في مكتب العميد ولما يكتبلك جواب الفصل ساعتها هلاقي اسم ابوك مشرف فيه .
*****************.
علي جانب احدا الأراضي الزراعية.
كانت ماشيه شربات وهي ماسكه الست ريحانه ست كبيره في السن لكن شربات بتحبها اوي ودايما ترعاها .
ريحانه بسعاده /يااه ي بنت شربات كنت هموت وأشوف نور ربنا واتمشا شويه .
شربات بابتسامه وحنان /ي سلام ده انتي تامري ي خالتي عنيا ليكي .
ريحانه باستغراب /مين ي بت ي شربات الي قاعد هناك ده اول مره اشوفه .
شربات بابتسامه حنونه/ده زين باشا ي خالتي الظابط الجديد.
ريحانه بابتسامه خبيثه/لا بس واد مز علي الاخر ي يبخت الي هتتجوزه .
شربات بغيظ شديد/ريحانه احترمي نفسك انتي صغيره علي الكلام ده اقعدي هنا شويه وجايه .
ريحانه بابتسامه خبيثه/اه ي شربات اقطع دراعي أما كنتي انتي والظابط ده حكايتكم البلد كلها هتحكي بيها .
راحت شربات ل زين وقعدت جنبه كان سرحان لدرجه انه محسش بيها .
/احمم احمم بس بصراحه ليك حق تتأثر اكيد قلبك موجوع الصدمه عليك اكيد كانت قويه .
زين بغيظ شديد/صدمه ايه أن شاء الله ي اختي .
شربات بابتسامه/الله انت لحقت نسيت صدمه اني رفضتك وخرجتك من البيت قفاك يقمر عيش ههههه.
زين بغيظ/لا ده انتي زودتيها اوي أنا فعلا غلطان أنا كل هدفي اني احميكي من كلاب السكك معرفش عملت كده ازي .
شربات بابتسامه ساحره /عملت كده علشان انت راجل وسيد الرجاله كمان تعرف ي زين بيه أنا كان نفسي يبقا ليا اخ زيك كده يخاف عليا ويحميني واتسند عليه بس للاسف لقيت نفسي بطولي في الدنيا دي أنا وأمي ملناش حد.
زين بجديه /شربات أنا قولتلك تعالي اشتغل في بيتنا في مصر صدقيني هترتاحي وهتكوني في امان ايه الي عجبك في البهدله دي .
شربات بابتسامه ساحره /متقلقش عليا ي حضره الظابط وبعدين خلاص البلد في وجودك بقت في أمن وامان عن اذنك .
رحلت من أمامه لكن شعور غريب يهاجمه منذ أن رآه هل بالفعل تذكره ب الماضي ام ستكون له الحاضر والمستقبل بحكايه يتحاكا عنها الجميع …
******************.
ليلا ..
في فيلا عارف ..
كان عيد ميلاد ملك …
كام واقفه سعيده مع منه الي بتحاول ترسم الابتسامه علي وجهها .
منه بابتسامه باهته /كل سنه وانتي طيبه ي حبيبتي.
ملك بابتسامه حنونه /وانتي طيبه ي منه .
كانت ترقص شربات باحترافيه والجميع ينظر إليها بإعجاب شديد.
عارف بغيظ شديد/منه ي بنتي اطلعي استعجلي الزفت اسر الناس كتير وانا مش قادر عليهم لوحدي أنا وخلف .
منه بضيق شديد/حاضر ي عمي .
من أمام الفيلا ..
يوسف بغيظ شديد/انت هتفضل ضارب بوز كده ده وش ندخل بيه علي الناس .
زين بضيق شديد/لاني ماليش لي التفاهه دي معرفش ليه سمعت كلامك .
يوسف بغيظ شديد/اووف انت هتفضل خنيق كده لحد امتا مفيش غير الدم في دماغك افرح شويه ي سااتر وبعدين انت مش ظباط البلد والعمده عزمنا قله زوق دي لو مروحناش يلا بقا .
زين بغيظ/لا وانت بتاع اصول اوي أنا عارف انت داخل جوه ليه .
يوسف بابتسامه واسعه/بصراحه اه ي زين البنت دي دخلت دماغي وقلبي وشكلها كده هتبقي حلالي قريب عقبالك ي صاحبي يلا بقا .
دخلوا وحس زين بضيق شديد وهو شايف شربات عماله ترقص والكل بيتفرج عليها احساس كبير هاجمه أنه يوقف كل ده وياخدها علي بره ويمنعها عن اي حد بس يعمل كده اززي وبصفته ايه .
عارف بابتسامه /اهلا وسهلا نورتوا وشرفتوا.
يوسف بابتسامه/بنورك ي جناب العمده .
عارف بابتسامه /كيفك ي زين بيه .
زين باقتضاب /الحمد لله بخير .
عارف بابتسامه/خلف خود البهوات علي احسن طربيزه في الجنينه .
خلف بضيق شديد/حاضر ي ابوي اتفضلوا .
******************.
في جناح اسر …
كان واقف بليبس بضيق شديد دخلت منه وهي بتبصله في شماته.
/ايه مش ناوي تقول ل عمي انك اترفدت من الجامعه بس بصراحه بلاش ليعلقك .
اسر بحده /بت انتي اكتمي نفسك بدل ماقطعلك لسانك مالك كده زي مايكون شمتانه فيا .
منه بكره شديد /ايوه شمتانه فيك ربنا بيخدلي حقي منك مستقبلك ضاع زي ماضيعت مستقبلي .
اسر وهو ماسكها بغضب جحيمي/انت فاكره أن دي النهايه لا ي اختي أنا هوريكي الدكتور امير ده هعمل فيه ايه وهرجع الجامعه غصبن عن اي حد .
منه بحده وتحزير /لو فكرت انك تاذي دكتور امير مش هسكتلك ي اسر .
اسر بحده /نعم ي اختي وده باماره ايه أن شاء الله مانتي وسخه وتلاقيكي مدوراها معاه ومش بعيد تكوني انتي الي بلغتيه عن مكاني علشان تنتقمي .
صعفه قويه تلقاها علي وجهه بدموع ومراره.
/اخرررس أنا عمري مكنت كده بس أنا الي استاهل اني سلمتك نفسي لاني بحبك بس خلاص حبك قتلته بايديا دول وخليك فاكر تهديدي ي اسر لو قربت من دكتور امير هتلاقيني في وشك واقفه ضدك فاهم .
///////////////////////.
في الجنينه ..
كان قاعد زين عينه علي شربات الي طلعت تغير هدومها بس لاحظ تأخيرها وقلبه اتخطف لما لأحظ غياب خلف كمان طلع لفوق بسرعه البرق .
يوسف باستغراب وصراخ /زين زين يارب استر حصل ايه تاني .
*****************.
في غرفه منه …
كانت بتصرخ بعلو صوتها بس من صوت المزيكا العاليه محدش كان سمعها كان بيحاول يعتدي عليها بس فجاه دخل زين بغضب جحيمي وشاف هدومها المقطعه مسكه وضربه بكل غل جرت هي وكانت بتحاول تغطي نفسها فجاه خرج زين سلاحه وشد اجزائه جرت عليه شربات بدموع وتوسل .
/ابوس ايدك ي زين ابوس ايدك متضيعش نفسك علشان كلب زي ده ده ميسواش .
زين بوجع ومراره وصراخ /حرام عليكي ليه مصممه تخليني اعيش الي عيشته زمان ليه .
اترمت شربات في حضنه بدموع ومراره.
/انا اسفه ي سيد الرجاله انا اسفه سمحني احميني ؤ زين احميني … يتتتتتبع.
هستنا تعليقاتكم الي بتفرق معايا اووي وتفاعلكم الكبير بحبكم قد الدنيا دمتم بخير وعافية 😘😘😘😘😘😘😘.
عشقت ظابط الصعيد 😘😘😘😘.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشقت ظابط الصعيد)
