رواية عشقت صعيديه 2 الفصل السادس 6 بقلم رنا أحمد
رواية عشقت صعيديه 2 الجزء السادس
رواية عشقت صعيديه 2 البارت السادس
رواية عشقت صعيديه 2 الحلقة السادسة
في فيلا الجوهري…..
في جناح يااامن وعاصي…..
كان يسير عاصي بغضب وغيظ وهو يكسر كل شي بغيظ وصراخ .
/ماشي ي منه ماشي بتتحديني وحياه امي لوريكي .
يااامن بفزع/فيه ايه ي ابن المجنونه مالك كسرت الاوضه .
عاصي بغيظ شديد/الست منه وعمك متفقين عليا ي ياامن بس قسما بالله لوريهم مين هو عاصي الجوهري.
يااامن بحده /فيه ايه انا مش فاهم منك حاجه ايه الي حصل .
منه وهي تصعد الدرج لترا عاصي لتبتسم بخبث لتتحدث في الهاتف بصوت مسموع .
/ايوه ي رامي ايه لحقت اوحشك حالا ي حبيبي هجيب بس المراجع ونزلالك .
عاصي بغيظ وصراخ /شوف ي سيدي شوف اتلمت النجعه علي الخروف .
يااامن وهو يكتم ضحكاته بصعوبه ويدفعه بغيظ /اهمد بقا ي اخي.
منه باستفزاز وخبث/ازيك ي يااامن الف مبروك ي اخويا علي جوازك انت وشاهنده .
يااامن بابتسامه/الله يبارك فيكي ي منه عقبالك .
منه بخبث ومكر/قريب اوي أن شاء الله بعدك علي طول خطوبتي انا والكابتن رامي انسان محترم وراقي ووسيم .
عاصي بغيظ شديد وهو يدفعه ياامن بضحك /كابتن رامي الي عامل زي الديك الشركسي ده ميسواش في سوق الرجاله بصله اتلم المتعوس علي خيب الرجاء.
منه بخبث ومكر/علي الاقل محترم مش صايع وبتاع نسوان.
عاصي بغيظ وصراخ /لا وعربجي كمان وحياه امك .
منه بغيظ شديد/كويس انك عارف نفسك سلام ي ياامن علشان اخد المراجع وانزل ل خطيبي .
عاصي بغيظ وغيره /انزلي ي اختي انزلي اتلم الحمار علي الجربوعه.
يااامن بغيظ شديد/والله مافي حمار غيرك اهمد بقا فيه ايه.
عاصي بغيظ وغيره/شايف الا كانت بتتناه نظره مني علشان احن عليها وفضلت سنين تتمنا حبي شوفت بتعمل ايه دلوقتي .
يااامن بحده وغيظ /اديك انت بترد علي نفسك اهو يااما اتمنت حبك حاولت معاك بكل الطرق وانت مفيش فايده فيك زعلان ليه دلوقتي أنها هتشوف حياتها مع الإنسان الي يستهلها.
عاصي بغيره شديده لمجرد تخيل تلك الفكره /انت بتقول ايه ي ياامن ده انا ادبحه وادبحها .
ياامن بغيظ شديد/استغفر الله العظيم يارب انا بجد تعبت منك ومش قادر افهمك انت عايزها ولا مش فارق معاك حدد موقفك لو بتحبها خدها ضحي علشانها اعترفلها قدام العالم كله بحبك .
عاصي بغرور وثقه /لا وحياتك عندي مش هيحصل كل ده وهي بنفسها الا هتركع تحت رجلي وتتطلب رضايا زي زمان وهتشوف .
كانت تقف علي أعتاب الغرفه وهي تستمع لتللك الحديث بغيظ ودمع يتلألأ في عيناها لتتحدث بتحدي وقوه/ماشي ي عاصي هنشوف مين الي هيطلب رضا التاني ويركع تحت رجليه ويطلب منه السماح .
يااامن بحده وغيظ/انت مغرور واناني وانا قرفت منك انا ستايبلك البيت وغاير في داهيه .
عاصي بغيظ /رايح فين فرحك بكره ورايح الشغل .
ياامن بابتسامه/لا ي سيدي مش رايح الشغل نازل انا وشاهنده نشتري الفستان وبدله الفرح وحاجات ناقصانا .
هند بابتسامه /يااامن شاهنده مستنياك تحت ي حبيبي.
ياامن بجديه /حاضر ي امي عن اذنكم .
هند بجديه /عاصي اطلع شوف الناس ظبطوا جناح اخوك فوق ولا لا .
عاصي بغيظ شديد/هو انا كنت الخدام هنا ولا ايه امي شوفي وراكي ايه وسبيني في حالي انا مش ناقص .
هند بغيظ شديد/ي ساتر عمر مكان فيه منك اي فايده .
عاصي بهمس وغيظ/ماشي ي بنت ادهم انا وانتي والزمن طويل ..
في سياره يااامن ….
كانت تجلس شاهنده بحزن شديد يخيم عليها فهي تعلم أنها خسرت تلك الحب الثمين الغالي وخسرت ذاتهابما فعلت لتتدعي الله أن يتخطوا تلك المحنة بامان لتخرج من شرودها علي ياامن وهو يجلس بجانبها لينظر إليها بصدمه من هياتها الساحره فكانت ترتدي حجاب واسع وملابس فضفاضه عكس تمام ماكنت ترتدي لتبتسم بسعاده لتلك الراحه التي ترتسم علي وجهه لتتحدث بابتسامه ساحره .
/عجبتك كده صح .
ياامن بانتباه وحده /المهم انك تكوني عجبه نفسك انا اصلا مش فارق معايا .
شاهنده بدموع وندم وهي تمسك يده /يااامن انا عملت كده علشانك حاولت اني اتغير أن اخفي الي كان المفروض يكون ملك وانا كشفته للناس متسواش ارررجوك ي يااامن اديني فرصه ثانيه ارررجوك سمحني .
يااامن بوجع وجرح ينزف /سيبي الايام تعدي ي شاهنده وهي ي داوي الجروح ي تسببها تنزف طول العمر ..
في أحدا المطاعم الفاخمه ….
كان يجلس صقر مع ريم وهو ينظر إليها بإعجاب ببرائتها فكانت تاكل كالطفله الصغيره .
ريم بمرح وغمزه/ايه ي معلم بتفكر هتتدفع كام ولا ايه لو مش معاك انا ممكن اسلفك لو مزنوق عادي الناس لبعضيها برضه .
صقر بضحك /هههههه تسلفيني انتي حيلتك حاجه ي شحاته ده انتي بتاكلي علي حسابي .
ريم بغيظ شديد/كده مش واكله سديت نفسي .
صقر بضحك /ههههه لا في دي عندك حق ده انتي قربت تأكلي الاطباق .
ريم بابتسامه/طب سيبك من الهزار بقا وخلينا نتكلم جد شويه مالك .
صقر بارتباك شديد/مالي انا كويس اوي .
ريم بابتسامه/عليا انا برضه ي صقر انتي فيه حاجه وجعاك اوي انا متاكده افتحلي قلبك ي صقر.
صقر بابتسامه حزن /قلبي موجوع شويه ي ريم بس خلاص بداوي فيه علشان يعدي المرحله دي لاني مستحيل اسمع لحد يكسره ابدا .
ريم بجديه /حنين متستغربش انا عارفه انك بتحبها صورتها الي محطوطه الي محطوطه علي مكتبك تلات تربع كلامك معايا كان عنها لدرجه ان انا كمان حبيتها من كتر حبك فيها واتمنيت اشوافها هي السبب في الوجع ده .
صقر بجديه /ايوه للاسف جرحتني جرح كبير اوي ي ريم بس انا خلاص قررت افوق وانسا واعيش لنفسي وللي هيشاركني الطريق ويحبني ويفضل جنبي .
ريم وهي تمسك يده بحنان فهي تعشقه /وانا مستعده امشي معاك الطريق ده ي صقر .
صقر بابتسامه وهو يضع يده علي يدها /وانا محتاجلك جنبي ي ريم .
في سياره رامي ….
كانت تجلس منه بغيظ شديد ليبتسم رامي ابتسامه ساحره..
/الجميل ماله زعلان ليه .
منه بابتسامه وجع /ابدا مفيش رامي مكمن تقولي انت ازي طلبتني من بابا بسرعه كده .
رامي بابتسامه/لاني بصراحه اتشديد ليكي من اول مقابله وانا بصراحه مبحبش اللف والدوران وكان لازم ادخل البيت من بابه كان فيه نصيب وكملنا هشيلك جوه عنيا أما بقا لو مفيش فاوعدك أن مش هيكون بينا غير كل خير .
منه باستغراب /كده من غير ماتعرف اي حاجه عني .
رامي بابتسامه/مين قال اني معرفش عنك حاجه منه في ثالثه علوم شخصيه بريئه ورومانسيه وبتحبي عاصي ابن عمك .
منه بصدمه /افندم .
رامي بابتسامه/م انا قولتلك أن عارف عنك كل حاجه بس انا بقا داخل في تحدي أن انسيكي حب عاصي واخلي حبي انا الي يسكن جوه قلبك ي منه.
منه بجديه /بالبساطه دي عاصي حب عمري كله .
رامي بابتسامه/واي ي عني ياما ناس بتنسا حب سنين لانه ميستهلهاش وانا بقا بصراحه ناوي اكسب التحدي ده واخليكي تنسي عاصي لأن حبي ليكي هيكون اكبر من أي حاجه تاني انتي جميله ي منه وتستاهلي واحد بحبك ويقدرك بجد…
في حنينه فيلا الجوهري ….
كان يسير حمزه وهو ينظر حوله بطمع وجشع ليتحدث بخبث .
/ي ابوويا علي العز هو ده الكلام ي واد ي حمزه والله ووقعت واقف وهيبقي ليك في كل ده بعد كده .
البواب بجديه /دكتور حمزه .
حمزه بجديه /ايوه انا .
البواب بجديه/كينان باشا مستني حضرتك في مكتبه البوابه دي .
في مكتب كينان …
كان يجلس حمزه بارتباك من هيئه كينان الخاطفه الأنفاس .
كينان بجديه /اهلا وسهلا ي دكتور حمزه .
حمزه بجديه وقلق /اهلا بيك ي سياده اللواء تشرفت جدا ان قاعد مع حضرتك.
كينان بابتسامه/شكرا ي دكتور حمزه لما كلمتني قولتلي انك عايزني في موضوع شخصي .
حمزه بخبث ومكر/ايوه ي سياده اللواء بصراحه أن يكون ليا الشرف أني اطلب ايد حنين بنت حضرتك .
كينان بابتسامه/تمام ي دكتور حمزه بس انت ظروفك ي عني مش كده كل تفاصيل حياتك بقت عندي .
حمزه بارتباك /اظن أن سعادتك ممكن تفرق بيني وبين حنين علشان فقير .
كينان بجديه /لا طبعا انا مقولتش كده ومستحيل افكر بالطريقه دي ابدا علي العموم اخلاقك هي الي تهمني وبصراحه مفيش غبار عليها وهي موافقه فأنا معنديش مانع .
ليقاطعه طرقات الباب لتسير حنين الي الداخل .
حمزه بابتسامه خبيثه/اهلا ب ست البنات .
حنين بضيق وقلب مقبوض لم تعلم سبب تلك الحاله/الحمد لله بخير .
كينان بابتسامه/انا كنت لسه بقول ل دكتور حمزه انك طالما انتي موافقه انا كمان موافق خطوبتكم هتكون بعد فرح ياامن وشاهنده أن شاء الله .
حمزه بخبث ومكر/معلش ي سياده اللواء ممكن تخليها كتب كتاب عايز علاقتي انا وحنين تكون في الحلال من اولها .
كينان بابتسامه/والله لو حنين موافقه انا معنديش مانع .
حنين بارتباك /الي تشوفه انا موافقه عليه ي بابا .
كينان بابتسامه/تمام الف مبروك ي ولاد .
حمزه بابتسامه انتصار /الله يبارك في سعادتك ي سياده اللواء عن اذنكم وان شاء الله الي تتطلبه ست البنات هيكون تحت رجليها .
كينان بجديه /تمام ي دكتور حمزه بس دي بنتي الوحيده ي عني بحزرك انك تتضايقها.
حمزه بخبث ومكر/دي في عنيا ي كينان باشا عن اذنكم مع السلامه ي ست البنات.
حنين بقلق /مع السلامه ي حمزه .
كينان وهو يجلس جانبها بجديه /انا وفقت بس خليكي فاكره كويس أنه اختيارك وانتي مسؤوله عنه فاهمه .
حنين بارتباك وقلق /فاهمه ي بابا فاهمه …
في الكباريه …..
كان يجلس عاصي وهو يدخن بشراهة وغيظ .
جاسر بقلق /ماخلاص بقا ي كبير بالراحه علي نفسك مش كده .
عاصي بغيظ شديد/هطق ي جاسر هطق روح نادي البنات علشان هنمشي عايز اي حاجه اطلع فيها غيظي .
جاسر بضحك /ههههه الله يرحمهم .
في أحدا محلات فساتين الزفاف….
كانت تقف شاهنده وعيناها تتخطا جميع الفساتين بانبهار فكانت تلوم ذاتها بشده كانت من الممكن أن تكون تلك اللحظه اجمل بكثير أما ياامن فكان ينظر بتمعن ودقه واهتمام يخفيه عنها لتقع عيناهم سويا علي تلك الفستان الساحر .
شاهنده بابتسامه/ايه رايك فيه ي ياامن .
ياامن وهو يشعرها بعدم اهتمام /انا مش فارق معايا شوفي الي انتي عايزاه .
شاهنده بدموع ووجع/انا عارفه انك مش طيقني وانا عمري مهنسا الي عملته معايا وحاضر هختار كل حاجه لوحدي .
يااامن بالم لدموعها سريعا /هو حلو اوي علي فكره.
شاهنده وهي تمسح دموعها سريعا بابتسامه /بجد حلو .
يااامن بارتباك وغيظ /خلاص بقا قولتلك حلو خوشي شوفيه واخلصي ورانا حاجات كتير عايزين نشوفها يلا .
شاهنده بابتسامه وسعاده/امرك ي يااامن .
لتسير الي الداخل لينظر الي أثرها بتنهيده عاليه فمن الواضح أنها برغم كل مافعلت مازال عشقها يسيطر علي قلبه لكنه مازال لا ينوي مسامحتها مهما حدث ….
في جنينه فيلا الجوهري….
كانت تجلس عشق بغيظ شديد.
عشق بغيظ /حتي انت ي عدي مش كفايه ياامن والي هيجي يعمله لما يعرف أن سربت معلومات من الي هو كان قيلي عليها انت كمان هتزعق فيا .
عدي بخوف ورعب عليها /طبعا لاني خايف عليكي الي انت كتباه علي صفحتك ممكن يخلي الناس دول ياذوكي انا خايف عليكي ي عشق .
عشق بغيظ شديد/انا صحفيه ي عدي وده شغلي الي لازم اقوم بيه مهما كان التمن .
عدي بغيظ شديد/وانا مش هسيبك تتضيعي نفسك ي عشق ولا تحرقي قلبي وقلب كل الي بيحبوكي .
عشق بابتسامه/خايف عليا اوي كده ي عدي .
عدي بعشق /أما كنتش اخاف عليكي هخاف علي مين .
حنين بحده /ايه ده ايه الي بيحصل .
عدي بغيظ شديد/عن اذنك ي عشق علشان مش ناقص عقد .
حنين بغيظ شديد /استغفر الله العظيم يارب مش هرد عليك وانتي ايه الي انا شوفته ده .
عشق بزهق /ايه الي شوفتيه ي حنين واقفه مع ابن عمي فيها حاجه متخليكي في خطيبك وبطلي تتطلعي عقدك علينا ي شيخه .
حنين بغيظ /عندك حق برضه عن اذنك .
مساء اليوم التالي ❤️❤️❤️❤️❤️.
في فرح يااامن وشاهندا…..
في جنينه فيلا الجوهري…..
كانوا يقفون الآباء وهم يرحبون بضيوف عائله الجوهري كانت الفيلا أشبه بالجنه كانت تتزين بكل الورود الحمراء التي تجعل الأجواء أكثر رومانسيه .
في غرفه يااامن ….
كان يقف ياامن وهو يرتدي بدلته الكلاسيكيه فكان حقا في غايه الوسامه ليقف عاصي وهو أيضا في قمه الوسامه .
/الف مبروك ي تؤامي ربنا يسعدك ي حبيبي يارب .
يااامن وهو يحتضنه بسعاده وحب/ربنا يخليك ليا ي حبيبي عقبالك يارب .
صقر بابتسامه/الف مبروك ي عريس .
عدي بغمزه ومرح/عقبالنا احنا كمان ياررب .
يااامن بغيظ /مستعجلين اوي ي اخويا ولا ده حسد ولا ايه.
عاصي بابتسامه /انتوا هتقعدوا تحكوا يلا الناس كلها وصلت والماذون علي وصول يلا .
في غرفه شاهنده ..
كانوا يجتمعون حولها الفتيات فكانت زينه تنظر إليها بدموع وسعاده .
/مشاء الله قمر منور ربنا يسعدك ي حبببتي .
شاهنده بدموع وهي تقبل يدها بحنان /ربنا يخليكي ليا يا امي وميحرمنيش منك ابدا .
عشق بابتسامه/الف مبروك ي عروسه ربنا يسعدكم يارب .
منه بابتسامه /الف مبروك ي بنت عمي .
حنين بابتسامه /الف مبروك ي شاهنده ربنا يسعدكم يارب ي حبيبتي .
هند بسعاده وفرحه/يلا ي عروسه عريسك تحت مستنيكي يلا ي بنات يلا .
في الاسفل …..
كان يقف ياامن مع أصدقائه ليصعق من تلك الساحره الذي سرقت قلبه بنظره واحده ليقترب منها وهو يقبل يدها .
/مبرروك .
شاهنده بوجع والم /مبروك عليا انت ي يااامن .
هند بابتسامه وسعاده /بقولكم ايه بقا عايزين رقصه رومانسيه كده لحد مالماذون يجي .
زينه بضحك /ههههه اه ي بتاعه الرومانسيه انتي .
هند بمرح وغمزه /ههههه طبعا ده انا عاشقه اركان الجوهري ههههه.
في الأعلي ….
كان يسير عاصي إللي الاسفل لينصدم من تلك الذي تنزل بذلك الفستان الاحمر المثير ليثير غيرته الشديده ليقترب منها بغيظ .
/ايه الي أنني لبساه ده ي هانم .
منه بغيظ وحده /وانت مالك ومال الي انا لبساه متخليك في حالك .
عاصي بغيره وغيظ/انتي زودتيها اوي مش هتنزلي بالفستان ده فاهمه ولا لا .
منه بعند وغيظ/لا مش فاهمه ي عاصي خطيبي هو الي من حقه يقولي البس ايه وملبسش ايه فاهم .
عاصي بغيظ وغيره /براحتك ي منه بس صدقيني انتي الي خليتي اللعبه بينا ملهاش حدود وهترجعي بعد كده تعيطي .
منه بغيظ وحده /انا مبلعبش انت مش في دماغي اصلا ي عاصي .
عاصي وهو ينظر في عيناها بدقه وتحدي /كدابه انا بجري في دمك ومهما عملتي مش هتقدري تكوني للغيري ومش هتعرفي .
لتسير منه الي الخارج بعند وتحدي لذلك المغرور .
في الخارج …
كان يجلس عاصي بغيره وغيظ شديد من ذلك الذان يجلسون بضحك واستمتاع كأنهم عاشقان منذ زمن طويل ليتحدث بغيظ وتوعد .
/ماشي ي بنت ادهم ماشي أما وريتك مين عاصي مبقاش انا .
لينتبه الي تلك الصوت الذي يناديه .
/ي عاصي عاصي .
عاصي بفزع وغيظ /ي نهار ابوكي اسود انتي ايه الي جابك هنا .
ليسرع إليها وهو يخفيها عن الجميع.
عاصي بغيظ /الله يخربيتك انتي ايه الي جابك هنا .
سوزي الرقاصه بغيظ /ايه المقابله دي بقا كده برضه بقا انا الي سايبه ليله بفلوس قد كده علشان اجي احي فرح اخوك وارقص فيه واعمل معاك الواجب تقوم تقابلني كده .
عاصي بغيظ شديد/تحي فرح اخويا ايه انتي فكراني عملينه في كباريه بقولك ايه اخفي من وشي الله يخربيتك ل حد يشوفك .
سوزي بغيظ شديد/ي عني هما فكرينك أمام جامع مهما عارفين انك صايع وبتاع نسوان .
عاصي وهو ينظر ل منه ورامي بخبث /لقيتها بقولك ايه ي ي بت سوزي سيبك من موضوع الرقص ده عايزك في موضوع تاني خالص .
سوزي بجديه /رقبتي اؤمرني.
عاصي بغيظ شديد/بقولك ايه في بت هنا مطيره النوم من عيني وحارقه دمي.
سوزي بصدمه /ي جبروتها دي مين دي الي قدرت تعمل كده مع عاصي الجوهري .
عاصي بغيظ شديد/بنت قد كده متجيش نص سم عايزك بقا تحرقيلي دمها علي الاخر المهم هتيجي اعرفك علي اهلي كانك صاحبتي وطبعا مثلي دور واحده محترمه فاهمه انا عارف أنه صعب بس حولي .
سوزي بابتسامه وحماس /ولا يهمك هحط وشي في الأرض هعملك رابعه العدويه.
عاصي بخبث ومكر/طب تعالي .
علي طاوله عائله الجوهري…
كان يمسك عاصي يد سوزي التي تتضع رأسها أرضا بحياء مصتنع فكانت منه تشعر بالغيرة الشديده .
عاصي بخبث ومكر/بابا سوزي صحبتي .
اركان بابتسامه وهو يمد يده لها/اهلا وسهلا ي بنتي .
سوزي بإعجاب شديد وهي تمسك يده لتميل أمامه علي الطاوله .
/ي نهار اسود علي الحلويات بقولك ايه ي عسل متيجي وراء شجره الرمان ونجيب مروان .
اركان بصدمه /نعم .
عاصي بغيظ شديد/معلش ي بابا هي بس بتحب تهزر اصل حضرتك شبه والدها بالظبط الله يرحمه .
سوزي بغيظ وهمس/شبه ابويا ايه انت كمان ابويا كان بلطجي وحرامي.
عاصي بغيظ شديد/ماهو لازم يكون كده ي عني هو مخلف دكتوره ده انتي رقاصه تعالي شوفي مصيبه اتلقحي فيها علشان اقولك تعملي ايه بالظبط .
علي طاوله ….
كانوا يجلسون حنين وحمزه …
حمزه بحده وغيظ/ي عني ايه ي حنين ليه مش عايزه كتب كتاب فيه حد يقول الحلال لا انتي مالك .
حنين بارتباك وقلق /حمزه من فضلك افهمني انا قلقانه ليه منستناش شويه ليه الاستعجال.
حمزه بخبث ومكر/لأننا اتنين متدينين كل حاجه لازم نعملها في حلال ربنا مش عايز فكرتي تتغير عنك ي حنين ده انا اخترتك علشان التزامك وتتدينك صدقيني هو ده الصح عن اذنك اعمل تليفون .
حنين بضيق شديد/سبحان الله انا مش عارفه انا مالي مخنوقه ليه كده .
لتقع عيناها علي الذان يسيرون وهم يمسكون يد بعض ويضحكون باستمتاع ليقفون أمامها .
صقر بثقه وثبات/ازيك ي حنين .
حنين بقلق وارتباك /ازيك ي صقر .
ريم وهي تمد يديها إليها بابتسامه /اهلا ي حنين انا ريم خطيبه صقر.
حنين بصدمه /خطيبته ..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عشقت صعيديه 2)
