رواية عشقت روح الفصل الأول 1 بقلم أمير خطاب
رواية عشقت روح الجزء الأول
رواية عشقت روح البارت الأول
رواية عشقت روح الحلقة الأولى
رعب امير خطاب وعالم ما وراء الطبيعه ..!
بسم الله وعلي بركه الله ف لنبدا ..
انا المحقق امير خطاب ، قابلت اغرب وارعب الجرائم اللي ممكن تتخيلوها وتخطر في بالكم ومتخطرش ..
من طبيعه شغلي اني لازم اكون متزن نفسيا طول الوقت ، حتي لو بمر باصعب حالات ..
طبيعي ان بقالي سنين بشتغل في المجال ده ، ف اتعودت عليه ، من جرايم قتل وانتحار وغيره وغيره الخ ..
لكن دي الجريمه اللي سببتلي رعب كبير جدا في حياتي ، وخلتني مدوقش طعم النوم لاسبوع كامل ، اسبوع 7 ايام عادي جدا …
لكن دي اسوء فتره فى حياتي كلها ..
” اسبوع الجحيم ”
____________
الموضوع بدا معايا لما جاتلي قضيه بالليل ، والمفروض احقق فيها من الصبح بدري ، قضيه قتل في بيت ممثله مشهوره ، علي مستوي الفن كنت بحبها جدا ، وبحب ادائها في كل حاجه وكمان كنت عاملها فولو علي الاكونت بتاعها
الخبر صدمني لما وصلني ، وبصراحه انا كنت حزين جدا خصوصا اننا اتقابلنا اكتر من مره …
طبعا من حزني معرفتش انام الليل نهائي ، من التفكير ، اذن آلفجر وانا لسه منمتش ، قومت اتوضيت وصليت الفجر في الجامع ، وكنت مرهق جدا ، بعد الصلاه ، روحت علي بيتي …
وقعدت افكر وافكر ، لحد ما غلبني النعاس وانا قاعد علي الكنبه ، شوفت طيف ابيض طويل وكان نوره مالي كل المكان حوليا …
وطلب مني المساعده اكتر من مره ، وهي بتتوسل اني اساعدها لانها مش مرتاحه حتي وهي متوفيه ..
انا كنت عارف طبعا مين صاحب الطيف اللي بيوصلني رساله علشان اساعده …
وهي الممثله ” هند البارودي ”
صحيت مفزوع ، ولقيت الساعه 7 صباحا ، قمت اخدت شاور ودخلت لبست وفطرت ، ونزلت من البيت اركب عربيتي …
وبعد ما عربيتي سخنت ، مشيت بيها وانا نفس التفكير ده بيتردد في عقلي وبالي ..
وصلت للشقه االي انا هحقق فيها في جريمه القتل ، طبعا رجال الشرطه كانت موجودة هناك ، للبصمات وكل الكلام ده ..
بدات اشوف وافتش في الغرفه اللي تم فيها جريمه القتل بنظري ، لحد ما عيني لمحت حل اللغز من اول دقيقه من وجودي في المكان الي هو ارعب واغمض ما شوفته في حياتي …
اول ما بصيت علي الحيطه لقيت …
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية عشقت روح)
