رواية جيم اوفر الفصل الثامن 8 بقلم ديدا الشهاوي

رواية جيم اوفر الجزء الثامن

رواية جيم اوفر البارت الثامن

رواية جيم اوفر الحلقة الثامنة

فيلا شاكر ابو المجد
في نهار جديد… وصباح جديد
وعلي سفره الفطار كان الجد شاكر مستني اللي هيفضل وهيوافق علي شروطه
اما في اوضه شاكر وحسنا كانت حسنا نايمه وشاكر قاعد علي الكرسي ويعتبر منمش خالص من التفكير يوافق ولو وافق يبقي كل طلبات جده تتنفذ ولو رفض يبقي هيشتغل شحات في امريكا ولا هيعرف يكمل دراسته من كتر التفكير شاكر صدع وربط دماغه بمنديل حسنا صحيت من النوم واتخضت من منظر شاكر
_صباح الخير ياشاكر
_صباح الزفت علي دماغك
_هو انت لازم تقل ادبك وبعدين حرام ..
_ومش حرام اللي احنا فيه
وهنا حسنا قامت واتعدلت
_ وانت رابط دماغك زي ستوته كده ليه
_مصدع ومنمتش من التفكير
_خلاص عزمت علي السفر ورفض شروط جدي
_معرفش..
_ااه قبل ماتسافر تطلقني عشان اشوف حالي
وهنا حسنا قامت دخلت الحمام وشاكر مستغرب من برودها
_ فعلا و*اطيه
في اوضه ناديه او جناح اوضتين مفتوحين علي بعض
_ها يا ولاد فكرتم كويس في اللي قولته امبارح
_ايوه ياماما عندك حق المهم فلوس جدي واكسب رضاه وعشان اكسب رضاه اوقع حسنا في حبي
وهنا نانو قامت ومكنش عجبها تفكير مامتها واخوها
_احنا نفضل بس بلاش سولي دعوه بحسنا هي متجوزه شاكر ياجماعه وبيحبوا بعض بلاش نخرب عليهم
_بنت افكارك لنفسك واعملي اللي بقولك عليه
_اووووف حاضر
الكل جهز واستعد للنزول ناديه واولادها اول ناس كانت علي السفره
_صباح الخير يابابا
_صباح الخير يابنتي
وفي نفس واحد سولي ونانو
_صباحوا الخير ياجدو
_صباح الخير ياحبايبي… كده افهم انكم وافقتم علي شروطي
_طبعا يابابا هو احنا لينا غيرك
وفي نفس واحد سولي ونانو.. طبعا ياجدو
بعدها نزل احمد والد حسنا وبعدها سميره والده شاكر والكل مجتمع ومنتظر حسنا وشاكر قاعدوا منتظرين ربع ساعه وكان سولي فرحان ان شاكر هيمشي وهيكسب حب جدوه
وبعدها نزلت حسنا وهي عيونها في الارض
_صباح الخير ياجدو
_صباح الخير ياحببتي فين جوزك
_رفض ينزل
وهنا حسنا قعدت علي السفره
الجد شاكر كان مضايق
_خلاص اللي اقبل شروطي اهلا بيه في حياتي وكل مااملك ليه اتفضلوا افطروا
وهنا قاطعهم شاكر
_وااانا…. اناااا انااا جيت اهو
وهنا حسنا اتصدمت عشان شاكر غير رايه
_الله انت غيرت رايك ولا ايه
_انا راي ايه اللي غيرته يابت.. متصدقهاش ياجدي البت مفكراني عشان كنت قاعد ومنمتش اني رافض
_انا ياااكداب… علي فكره انا مش بكدب
_يابت كنت بهزر وهنا شاكر جري قعد جنب مراته حسنا
وطبعا اللي اضايق سولي عشان الحرب مين يكسب جده في صفه
الجد شاكر ارتاح لما شاف شاكر
_خلاص ياشاكر المهم انك نزلت ياعني وافقت
_ااه وافقت وعشان افطر كمان لحسن جعان اوي
_وايه اللي انت رابط بيه راسك
_اصل ياجدي كنت مصدع ومعرفتش انام
هنا الاسره بدات تفطر والكل كان بيتكلموا مع الجد شاكر الا.. شاكر كان مشغول في الاكل
الجد شاكر كانت عيونه علي شاكر وحسنا
_طب ياشاكر انت وحسنا بالنسبه لشرط التاني
هنا شاكر شرط تاني ايه بس اهدي كده علينا
_الحفيد ياولد
_حاضر من عيني… سامعه ياحسنا اتجدعني بقا
الجد شاكر…
يخيبك راجل هي عليها كله ولا اي،
بعد ماخلصوا الفطار والجد قاعد معاهم
ها ياولاد انا عاوز افتح صفحه جديده لينا كلنا مش عاوز حد يكون زعلان من حد
_نانو اعتذرلي لاخوكي شاكر
_يااجدو…
_ها احنا اقولنا اي الشهرين هتعملوا اللي انا عوزه وتحبوا بعض
_حاضر ياجدو
_وهنا نانو بصت لشاكر… سوري شاكر
_ماشي مش زعلان منك عفويت عنك
_الجد.. اقومي يانانو بوسي راس اخوكي
_ شاكر.. لا خلاص انا مسامح اصلي متوضي
_الجد… اقومي يلا سيبك منه
نانو قامت وقربت من شاكر وكانت قصده تدوس علي صابع رجله بجزمتها
_اااه اخ… رجلي… رجلي كل دا كعب الواحد كان زمان عارف الكعب ورا هما عملوا كعب ادام كمان
_نانو بخبث… اااه سوري ياااشاكر
وهنا الجد شاكر بص لسولي وشاكر
_اقومي انتم الاتنين عاوزكم تحضنوا بعض انتم اخوات قبل اي حاجه ومعتش حد يمد ايده علي حد
وهنا شاكر قام وسولي حضنوا بعض
_ااه براحه ياسولي هتكسر ضلوعي،
_ايه ياامان… انشف كده وسولي وهو بيحضن شاكر حضنه جامد
_اااه ظهري حاسب في اي اختك رجلي وانت ظهري
يلا عيشوا وقضوا وقتكم وعاوزكم تحبوا بعض وتخافوا علي بعض
الكل سمع كلام الجد شاكر وكل واحد قعد في المكان اللي عوزه
والكل اختار البسين وقعدوا فيه
وهنا سولي وشاكر لوحدهم
_بقولك ايه الكلام اقدام جدي بس بس عارف لو مديت ايدك علي اختي مره تانيه هعرفك شغلك
_الكلام دا ليا… شوف اختك هي اللي غلطت
_انت اللي غلطت ومتعرفش تتعامل مع البنات وبحسك غشيم
_ماتحترم نفسك انت بتكلم الاكبر منك
وهنا الجد كان داخل عليهم فجاه سولي
_يااااه بجد ياشاكر انت طيب اوي حبيبي والله وهنا شاكر حضنوا بعض ادام جدهم واللي شافهم كده رجع مكانه واطمن عليهم
وهنا اول ماجدهم دخل
سولي بعد شاكر واللي كمل شاكر انت عيل مجنون وفاضي
وهنا شاكر زء شاكر ووقعه في البسين
_اااه… يابن العبيطه
وهنا سولي جري ودخل المكان.. وشاكر بيخاف من الميه
_الحقوني… بغرق … حد يلحقني
الكل جري عليه وسولي عامل انه هينقذه واقلع تشيرته ونط في البسين ووهو بيطلعه
_ها هتلم نفسك من ناحيتي وايدك مشفهاش علي اختي
_طلعني بس استاذ سليم
وهنا سليم طلع شاكر واللي كان بيرتعش
الجد شاكر… شوفت ياشكوره سليم مطقش يشوفك بتستنجد ونزل ينقذك
_ااه شوفت كتر خيره والله… وهنا شاكر بص لسليم شكرا ياحبيبي
الكل طلع اوضهم وشاكر كان بيرتعش وبيعطس
_ايه ياشاكر نطه بسين تعمل فيك كده امال لو كنت بتغرق في بحر
_ياشيخه الملافظ سعد.. هتتتتتتش
_يرحمكم الله
شاكر نام وحسنا زهقت تقعد في الاوضه لوحدها نزلت تقعد تحت معاهم
واول مانزلت لاقت سولي ونانو قاعدين علي النت
_بتعملوا ايه
_مافيش قاعدين بنتسلي علي النت،
وهنا نانو امال فين شاكر
_نام شكله خد برد
_سولي… دا شكله طيب اوي بهباله
_حسنا… بغضب سليم متتكلمش علي شاكر كده… وهنا قامت بره في الجنينه وشاكر طلع وراها
_اسف ياحسنا مش قصدي حاجه.. بس الصراحه انتي خساره فيه
_تاني ياسليم…
_خلاص سوري مش هتكلم
_مبسوطه ياحسنا مع شاكر
_ياعني… لسه بنعرف بعض
_بجد انتي تستحقي كل حاجه حلوه
_شكرا ياسليم
_وهنا حسنا عن اذنك انا طالعه
__لسه بدري خليكي
_لا هنام تصبح على خير
وجرت حسنا علي اوضتها واول مادخلت سامعه شخير شاكر
_ياربي دا، دكتور ازي عاوزة افهم
الكل دخل اوضته ينام وفي الفجر شاكر قلق واللي كان نايم من بدري وحس بالجوع وفعلا قام ونزل تحت في المطبخ وفتح التلاجه وقعد علي تربيزه المطبخ
سولي كان لسه صاحي وشاف شاكر نزل علي المطبخ بسرعه طلع اوضته وجاب وش عفريت 👺 سولي كان بيحب يعمل مقالب في اصاحبه
ولبسكله اسود في اسود ولبس وش العفريت ونزل يتسحب في المطبخ وشاكر كان ناسي نفسه في الاكل
وسليم قرب علي تابلوه الكهربا وفصل كهربا الدور اللي تحت وبقت الدنيا ضلمه
في المطبخ
_الله حبكت النور يقطع دلوقتي وانا باكل هكمل اكل ازي بس ولا هطلع اوضتي ازي
وهنا شاكر قام يدور علي اي شمعه والدنيا كحل ويحسس في الادراج ونور كشاف موبيله وبعد معاناه لاقي شمع وبيولعه
_اخيرا لاقيت شمع هولعه بقي واطلع اوضتي بقي.. اهولاقيت كبريت الحمد الله
_اااااااه الحقوني………. الحقوني