رواية عشقت جبروته الفصل الخامس 5 بقلم مريم أشرف
رواية عشقت جبروته الجزء الخامس
رواية عشقت جبروته البارت الخامس
رواية عشقت جبروته الحلقة الخامسة
نوران: يبقى نخلص عليه!
مراد بانفعال: نخلص عليه ايه ياهبله…لازم شغلنا يكون نظيف …كل واحد فينا هياخد اللي عايزه من غير مانوسخ ايدينا…
نوران: طب ازاي هنعملها؟
مراد: زين كان قالي ان ابوه هيسافر بره كام شهر عشان شغل مهم وهياخد امه معاه وهو اللي هيدير الشركه فغيابه…
نوران: وبعدين؟
مراد بابتسامه: متشغلي مخك شويه يابنتي…انتي هتتقربي منه وتعمليلهم مشاكل مع بعض…
نوران: مع انو صعب بس يلا ربنا يسهل
________________________________________________
في الڨيلا
قعدت بسنت على السفره المليانه أكل وبصت للساعه ولقتها 10ونص…
اتنهدت وقالت: هو مش هيتعشى ولا ايه؟…الله وانا مالي مايتعشى ولا يولع…تأففت:يووه!…مش هقدر آكل لوحدي…شكله زعل أوي من اللي حصل…أحسن يستاهل!
بس ولو يا بسنت ده زين…زيييين!
قامت من على السفره ومسكت صينيه وحطت عليها الأكل…وطلعت بيها على فوق…
وقفت قدام باب الأوضه وحطت قبضتها عليه بتردد خبطت بخفه…بس مفيش رد…
:شكله نايم
فتحت الباب بهدوء وبصت على الأوضه…بتدور عليه بعيونها لقته بيشتغل عاللابتوب…حاولت أن تسيطر على خوفها منه واقتربت بضع خطوات
بسنت: زين…أنا…جبتلك…جبتلك العشا!
لارد…
بسنت: أكيد مكلتش من الصبح ولما شفتك منزلتش قلت أطلعهولك…أنا آسفه…والله ماكنت ناويه أقلها حاجه بس هي فضلت تزن عليا و….
قام من مكانه ووقف قدامها بعصبيه خلت جسمها كله يترعش
زين بعصبيه: انتي عارفه عملتي ايه؟؟؟!!
بصت للأرض ومردتش…
زين: ماما زعقتلي بسببك…بسببك انتي… كل حاجه!…كل حاجه حصلت بسببك انتي…بسببك مقدرتش اتجوز البنت اللي بحبها…بسببك بابا ضربني وأخد مني كل حاجه وحرمني من صحابي…انتي أخدتي مني كل حاجه حرفيا حتى حبهم وحنيتهم خذتيها!!
بسنت بدموع: طيب انا ذنبي ايه فكل ده…هاه؟!…ذنبي ايه؟
مش ذنبي ان ماما وبابا اتوفوا…مش ذنبي ان خالتي جابتني عندكوا…مش ذنبي ان هما بيفضلوني عليك…مش ذنبي ان انا حبيتك يازين والله مش ذنبي!!!!
زين: أنا بكرهك يا بسنت…بكرهك من كل أعماق قلبي!
بسنت بدموع: هو كل ده عشان البنت اللي بتحبها؟…
نظرت في عينيه لتعرف الإجابة لكنه لم يرد
هزت رأسها: ماشي يازين…طلقني …واتجوزها وأنا هكلم باباك في الموضوع واقوله اني مش عايزاك…وأكيد مش هيرفض طلبي…بس استنى لما يرجع من السفر اللي قالنا عليه…لو قلتله دلوقتي أكيد هنشغله وهيتضايق ويسيب شغله ده…
بصتله مره ثانيه عشان تشوف رد فعله لقته ابتسم ورد: كده.يبقى أحسن وأنا هدفعلك اللي نتي عاوزاه…أهم حاجه تسيبيني فحالي أصلي زهقت منك!
بسنت: مش محتاجه فلوس من حضرتك أنا…أنا هروح أنام فالأوضه اللي جمبك عشان مزعجكش…قالت كده وحطت الصينيه عالسرير وخرجت وهي مقهوره…
قعد زين عالسرير وفضل سرحان في كلامها…بعدها قام وأخد شاور ونام من التعب…
أما فأوضة بسنت فكانت بتصلي وبتدعي ربنا انو يساعدها وميسبهاش لوحدها…ولما خلصت اترمت عسريرها ونامت
________________________________________________
في صباح يوم جديد صحي زين على صوت التيليفون اللي بيرن…
اتأفف بكسل وفتح الاسبيكر: نعم؟
نوران: صباح الخيييير!
قام اتعدل على سريره: صباح النور على أحلى نوران في الدنيا…
ضحكت ثم ردت: ايه رأيك نلتقي النهارده بالليل ؟
بتفكير:اممم…ماشي أنا كنت أصلا هجيلك أقولك على خبر
نوران: خبر!؟…خبر ايه ده؟
زين: بعدين وأقولك
________________________________________________
صحيت بسنت…أخدت شاور واتوضت وصلت بعدها نزلت على تحت…قعدت على السفره وبدإت تفطر من غير ماتستناه..
نزل زين هو كمان بعد ماغير هضومه…ولقاها بتاكل قعد على راس السفره وبدأ ياكل هو كمان…بصتله بسنت بطرف عينيها وكملت أكل وقامت…
وقفها صوته: أنا ممكن اتأخر النهارده فالشغل…
بسنت ببرود: براحتك أنا مش مانعاك خالص
بصلها بصدمه من ردها وقام خرج وراح الشركه…
________________________________________________
مر أسبوعين تقريبا عالحال ده…
بسنت بقت بتتجنب زين بأي طريقه
وزين بقى واخد راحته أوي بيخرج وبيسهر بره وبيعمل كل اللي هو عايزه…
أما عبد الله فسافر هو ومروه على أمريكا عشان شغل مهم وهيطولوا في القعده هناك…
ونيجي لليوم ده…
________________________________________________
دخل زين الڤيلا ومعاه نوران وواضح عليهم انهم فرحانين أوي مع بعضهم…في الوقت ده كانت بسنت قاعده في الصاله بتتفرج على التيليفزيون بس قفلته بعدما سمعت صوتهم…
قربت عليهم بانهيار واضح…
بصلها زين بانتصار وقال: دي نوران يا بسنت…حبيبتي وهتجوزها بعد ما نتطلق….ضغط عالكلمه الأخيره عشان يغيظها…
بصت عليها بسنت باحتقار ومدت ايديها ناحيتها: آه عارفاها…اتشرفت بيكي يانوران
دورت نوران عينيها بقرف منها وقالت: زين قالي انو هيطلقك بعد مايرجع أبوه من السفر…انتي لساتك قاعده بتعملي ايه…مش هتروحي بيت أهلك…؟
اتنهدت بسنت بزعل وردت: مادام أنا لسا على ذمته فمش هروح حته…ولا ايه يازين بيه؟
سحب زين نوران من خصرها في محاولة منه إثارة غضب بسنت لكنه تعجب من ملامحها البارده الغير مهتمة بما حصل
زين بحب: يلا يا حبيبتي أوريكي اوضتنا واوضة اولادنا
نوران بدلع: ماشي يا حبيبي يلا… قالت كده وخرجت لسانها لبسنت وطلعوا فوق…
بسنت: في داهيه انتي وهو…قالت كده وبدإت ترمش عشان متوقعش دموعها وتفضح شخصيتها الحقيقيه الغيرانه…..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشقت جبروته)
