رواية عشقتها منذ نعومة أظافرها الفصل السابع والثلاثون 37 بقلم مريم نصار
رواية عشقتها منذ نعومة أظافرها البارت السابع والثلاثون
رواية عشقتها منذ نعومة أظافرها الجزء السابع والثلاثون
رواية عشقتها منذ نعومة أظافرها الحلقة السابعة والثلاثون
بسم الله نبدأ
.. فلاش باك ..
ساره : راجعه من الشركه تعبانه . ودخلت البيت . وشافت سوزي وابتسام . قاعدين وكأنهم مستنينها . وكانت نظراتهم ليها بغيظ وغضب .
ساره : شافت شكلهم كدا .لكن قعدت قدامهم بتعب . ااه مساء الخير ياماما . مساء الخير ياتيته .
سوزى : قامت وقفت وزعقت . خير !؟ وهيجي منين الخير . بعمايلك دى يابنت عاصم .
ساره : بتعب . يووه ياماما هو انا كل يوم ارجع من الشغل لازم تسمعينى كلمتين . فى ايه !؟ حصل ايه تانى .!؟
ابتسام : حصل ايه تانى !؟ مش لما يحصل اولانى . يخسارة تعبك وشقاك ياعاصم يبنى .
سوزى : انا عايزه افهم . كل ما اقولك انجزى فى شغلك ورجعى حقنا بتماطلى ليه !؟ داخله على اكتر من سنه اهو ومفيش خطوه واحده اخدتيها . وانا صابره عليكى كل ده . واقول بكره بنتى هتفرحنى وتجبلنا حقنا . لكن لا . نسيتى كل حاجه ومشيتى ورا سي مالك بتاعك .
ساره : ممكن تهدى ياماما . انا فى ايدى ايه اعمله . جاسر فى الشركه منضبط تماما . وساعات بسال نفسي ازاى واحد زى ده يقتل ويسرق . وبقول لنفسى ممكن يكون اتغير . فلو ممكن نتكلم معاه بهدوء . ممكن انو يرجعلنا حقنا من غير خطط ولا مؤامرات .
سوزى : بنرفزه وعصبيه وهتتجنن . انتى اكيد اتجننتى . انتى مستوعبه لل انتى بتقوليه ده . مين الل اتغير . ومين الل هيرجعلك الحق . هي من امتى الحدايه بتحدف كتاكيت . انتى اكيد اتجننتى في عقلك . ولا الحب سيطر عليكى خلاص ومبقتيش شايفه الحقيقه فين!؟
ساره : حب ايه يا ماما . انتى كل شويه تلمحي انى بحب مالك . وانا اقولك احنا أصدقاء مش اكتر .
سوزى : ههههههههه . اصدقاء !! . اوعي تكونى مفكره انى مش عارفه حاجه . او انك بتقابليه فى السر من ورايا . وحججك . هعمل مشوار وراجعه . اصل معرفش عاملين عزومه فين. ورايحه فرح مين . وبصتلها بغل . اسمعى يابت .انا كل ده ميفرقش معايا . تحبى مالك تكرهيه مش شغلي . انا عندى هدف وانتى هتحققيه . انتى استنفذتى كل فرصك وسبتك تشتغلى من دماغك على جاسر . وأشوف هترجعى حقنا ازاي . وفشلتى . لكن دلوقتي جه دورى انا . وجابت علبه دوا من على الطربيزه . وقالت ل ساره امسكى الدوا ده .
ساره : كانت مدايقه من كلام سوزى . وان مشاعر بنتها الوحيده مش فارقه معاها . لكن ردت بعدم فهم . ايه ده !! وعلاج ايه ! ده بتاع مين الدوا ده !؟
سوزى : ده الل هيخلص كل حاجه فى ليله واحده . دي حبوب هلوسه . ومخدر . انا هشرحلك تعملى ايه بالظبط . وهتفذيه وبالحرف الواحد .
ساره : استغربت . وقالت بهمس . حبوب هلوسه .!!
سوزى : قعدت . وحطت رجل على رجل . وولعت سيجار . الدوا . ده هتخديه . وبكره الصبح وانتى فى الشركه تحطى حبايه واحده فى قهوة جاسر . وتتاكدى أنه شربها . وبعدها بخمس دقايق . تدخلى عليه المكتب . هتلاقي بدأت عليه أعراض هلوسه . هتقربي منه وتفكى زراير القميص بتاعه . وتقعديه على الكنبه . وانتى تقربي منه وتغريه . هتلاقيه بيستجيب معاكى بسرعه . وبعدها تقطعى فستانك من قدام . وتبهدلى شعرك . وخربشى نفسك . بحيث لما يشوفوكي فى الشركه يبان ان جاسر اتهجم عليكى . . وطلعت قزازه صغير جدا وحطتها قدام ساره. والازازه دى. فيها دم صناعي. هتحطيه على فستانك . وتحطى منه على رقبتك . كأنه هجم عليكى . وانتى بتدافع عن نفسك. وقبل مايفوق . تاخدى جاسر تنيميه على الارض وتنامى جمبه . كأنك مغمى عليكي .وتصورى نفسك وانتى نايمه فى حضنه . وحاولى الصور تكون فيها قرب جاسر منك . وبعدها جاسر هيفوق ولما يشوف كدا هيخاف على سمعته . وانتى تفوقى وتستعطفيه . وتمثلى عليه انك هتقتلى نفسك .وساعتها يتجوزك أن شاله حتى فى السر . ولو رفض . نهدده بالصور عن طريق غير مباشر . وبعدها بقى نخش على التقيل .
ابتسام : بتسمع سوزى. وعيونها بتلمع بخبث . وابتسامه شيطانيه على وشها .
وساره : قاعده بتسمع . ومصدومه . وبتحاول تستوعب الل بتسمعه . وان امها هي الل بتقولها تعمل كدا . وحاولت تتكلم لكن مفيش صوت طالع من الصدمه . لكن بعد ما سوزى خلصت . ا..اانتى . ب..بتقولى ايه ياماما . ا.انتى حضرتك مستوعبه لل انتى بتقوليه ده . انتى عارفه انتى طلبتى منى انى اعمل ايه !!؟
سوزى : بنفاذ صبر . ايوه . وهتعمليه ياساره من غير ولا كلمه فاهمه . انا صبرت عليكى كتير . وبصتلها بغل . انتى عارفه دلوقتي ثروة ابوكى وصلت لكام مليون . واراضى . ومصانع . وشركات . انتى متخيله انى هسيب غباءك ده يضيعنا .
ساره : قامت وقفت . ماما . انتى بتعرضي عليا انى افضح نفسى . انتى متخيله انى ممكن اعمل حاجه زي كده . انتى بتطلبى من بنتك تغري حد . انتى اكيد بتهزرى معايه .
ابتسام : جرا ايه يا ساره . هي الحجات دي من امتى فيها هزار . وياريت بقى تسمعي كلام امك . انتى هتفضلى ساذجه كدا لحد امتى . وازاى جايلك قلب تقعدى فى الشركه اكتر من كده مع الل قتل ابوكي وسرقه . انا لو منك هعمل الل سوزى قالت عليه واكتر .
ساره : شهقت وحطت ايدها على بقها . ومش مصدقه . انتي كمان معاها فى الكلام ده ياتيته . انا مش مصدقه بجد . انتو موافقين انى اتعرى قدام حد . او اتنازل بالشكل ده . وصوتها على لاول مره في حياتها . انتو اييهه . انتو اييه الفلوس عامتكو للدرجادى . الفلوس عمت عيونك ياماما لدرجه انك عايزه بنتك الوحيده تعمل القذاره دى . هو فى أم تعمل كدا . وبعدين انتو ليه معترضين اننا نتكلم مع جاسر قولتلكو جاسر شكله اتغير للأفضل . وحتى لو مش موافقين على قرارى ده . فى اننا ممكن نرفع قضية نسب . وانى بنت عاصم الصاوى . وبحكم السجلات والأوراق هنسبت ان أملاك بابا للوريثه الوحيده الل هي انا . وبصت لسوزى بدموع وقالت وهي مقهوره .. فى ١٠٠ طريقه ياماما نرجع بيها حقنا . من غير انى أتنازل عن كرامتى .
سوزى : سقفت وهي قاعده . برافو . برافو عليكي بجد . انا فخوره بيكى . وقامت وقفت قدامها . وربعت ايديها . بصي ياساره علشان انا قربت اجيب أخرى من كل حاجه . قدامك حل من الاتنين . ياتعملى بكره الل طلبته منك . ياهتبرى منك ليوم الدين. وهستنى منك رد بعد ما ارجع من الشغل .
ساره : شهقت . م..ماما . انتى بتقولى ايه .
سوزى : الل سمعتيه . وعلشان متقوليش انى وحشه معاكى . هسيبك تفكرى برحتك لحد بليل . ولما ارجع . اسمع منك اه او لأ . ومفيش تالت .
ساره : دموع نازله زي المطر . ومش مصدقه . ونفسها تجرى على مالك . وعيطت ارجوكي ياماما . ارجوكى .
سوزى : شاورتلها متتكلمش .
ساره : بعياط اخدت شنطتها . وجريت على باب الشقه وخرجت . ونزلت ووقفت قدام العماره تعيط . ومش عارفه تعمل ايه . وبتتخيل نفسها مع جاسر . مش عارفه حتى تتخيل أن ابو حبيبها تعمل معاه كدا . وبطلب من امها . وعيطت كتير . وفتحت شنطتها ملقتش مناديل . مسحت دموعها . ووشها بايديها . وراحت المحل الل جمب العماره بالظبط . واشترت مناديل . وبتلف شافت سوزى بتركب تاكسي من قدام المحل . وقالت للسواق على العنوان . وكان فى منطقة راقيه جدا . وساره استغربت العنوان ده . ولسه هتتحرك . التاكسى مشى . غريبه هي ماما رايحه هناك ليه . شغلها ف الشركه او فيلا الست الكبيره . واحتارت ولااراديا . وقفت تاكسى وقالتلو على نفس العنوان . وانه يلحق التاكسى فى نفس الطريق . والسواق اتحرك بيها وساره بتدور على العربيه ولما شافتها قالت للسواق ايوه العربيه اهي بس ياريت متقربش اوي . ووصلت سوزي ونزلت . وساره نزلت من بعيد . ورايحه عليها علشان تسألها لانها خايفه تكون بتخطط لحاجه ضد جاسر أو مالك . وخلاص هتقرب . لكن وقفت بصدمه لما شافت امها قربت من راجل قدها فى العمر وحضنو بعض وباسو بعض . وهو حط ايدو على وسطها واخدها ودخلو عماره فخمه . ساره بتفتح وتغمض . ومش مستوعبه الل شافته . وجسمها ارتعش . وخافت . لكن فرضت حسن النيه وانه ممكن يكون جوزها . ايوه . ايوه اكيد جوزها . لانها حرمت نفسها علشان تربينى . ومن حقها انها تتجوز . بس ليه مقالتليش وهي عارفه انى مش هرفض . وفرضت حسن النيه تانى. ايوه ممكن تكون مقالتش علشان خاطر تيته ابتسام . وكانت هترجع لكن فضولها خلاها تدخل وراهم العماره . وشافت رقم الاسناسير لما طلع أنه وقف فى الدور السادس . وهي طلعت . لكن احتارت كان فى اكتر من شقه . ووقفت كتير لكن فشلت في الاخر . ونزلت وروحت . وفكرت كتير تعمل ايه . والساعه ١٢ وامها لسه مجتش . وسرحت وفاقت على صوت باب الشقه وكانت سوزى . ودخلت على ساره ها فكرتى .
ساره : كانت لسه هتسالها انها كانت مع الراجل ده ليه . ومين ده . ولكن ابتسام دخلت علشان هي كمان مستنيه الرد . وسكتت . وقالت احم . ايوه ياماما . موافقه . انا هعمل الل انتى عايزاه .
سوزى : بابتسامه نصر . وقربت من ساره وحضنتها . حبيبتي اخيرا رجعتى لعقلك .
ساره : بشبح ابتسامه . لكن استغربت ريحه سوزى . حاجه شبه الخمره .سوزى جرحت من حضنها . وراحت جابت الدوا وازازة الدم . خدى ياروحي . وهتعملى زى مقولتلك بالظبط .وسابتها وكانت مبسوطه من ساره الغبيه انها هتنفذ خطتها . ودخلت اوضتها تكمل كلام على الشات . وابتسام ضحكت وسابتها وراحت تنام .
ساره : واقفه . مصدومه من كل حاجه ومش عارفه تعمل ايه . وسرحانه ان امها ممكن تكون بتشرب خمره . ايوه هي ريحتها خمره . وبصت للدوا الل فى ايديها . وبتفكر ازاى هتنفذ بكره .
تانى يوم . ساره فى الشغل . دخلت على جاسر وكان معاها القهوة .
ساره : صباح الخير ياجاسر بيه .
جاسر : صباح الفل . لسه بردو مصممه انى جاسر بيه. هههههه
ساره : ابتسمت . اعذرنى . مش قادره أتخيل انى ادخل المكتب واقولك ياعمى . فرق كبير جدا . اتفضل القهوه
جاسر : تسلم ايدك . عارفه انا مبحبش اشرب القهوه . غير من ايد ملاكى . وعم صبحي . لكن لما جربت قهوتك . بصراحه حاجه فخمه هههههههه . اقعدى ياساره . واخر مره هقولك . انا معاكى مش جاسر بيه . انا عمك وبس انتى زي بنتى . انتى عايزه مالك يعلن الحرب عليا ولا ايه .
ساره : وشها بقى احمر . احم خلاص الل تشوفه حضرتك . وانا ليا الشرف ان حضرتك بتعتبرنى زي بنت حضرتك .
جاسر : ها . ظبطى اوراق الملف .
ساره : ايوه . كل حاجه جاهزه . والملف عند مستر حلمى في المكتب .
جاسر : عظيم . تعرفي ياساره انا كان نفسى اشوف ماليكه بنتى عندها نفس طموحك ده .
ساره : ميرسي جدا على الكلام الجميل ده . ويارب اكون قد ثقتك فيا .
جاسر : لا من ناحية الثقه . ف انا بثق فيكى جدا . دا انتى هتبقى مرات الغالى .
ساره : قلبها دق . واتحرجت وعينيها اتعلقت على مالك فى الصوره الل على المكتب وسرحت . فعلا ممكن اكون مراتك يامالك !؟.
جاسر : لاحظ شرودها . وعيونها الل متعلقه على البرواز . احم احم . عجبك البرواز مش كدا هههههه .
ساره : ها . احم . ايوه بصراحه شكله جميل .وبحس أن البرواز من التراث العريق . حاجه جميله بجد . شكله شيك جدا .
جاسر : مسك البرواز . ده اجمل هديه من ملاكى . عارفه بقالو هنا فى المكتب ٣ سنين ملك جابتو هديه . وجمعت فيه صورنا احنا ال ٤ وقدمتهولى . وقالت مكانه حلو على مكتبك .قولتلها هيفضل فى مكتبى طول منا عايش . عمرى لا هغيرو ولا هشيلو من مكانه . انا فرحت جدا بالهديه دى . وكمل بهزار . بكره نجيب جمبه برواز صغير كدا لعصافير المستقبل . وابتسم .
ساره : اتكسفت . وقامت . احم . انا هروح المكتب . ولو حضرتك احتجت منى حاجه انا موجوده .
جاسر : تمام . بس ياريت تتصلى على حلمى . يجيلى بالملف علشان اراجع عليه . وايوه صح انا وحلمى . مسافرين بكره الصبح ساعتين تلاته كدا وهنرجع على الشركه متأخر . لو انتى عايزه تريحي بكره مفيش مشكله .
ساره : تمام حضرتك . وتسافرو وترجعو بالسلامه .
جاسر : الله يسلمك . وشكرا على القهوه الجميله دي .
ساره : العفو حضرتك . بعد اذنك . وخرجت .
وقعدت خمس دقايق على المكتب متوتره . لانها بتفكر انها عمرها ماهتعمل الل طلبوه منها .. واتوترت اكتر لما شافت رقم سوزى بتتصل عليها . واتخنقت . وفى الاخر ردت .الو..
سوزى : بلهفه . الو . ايوه ياساسو . ها طمنينى عملتى ايه . قدمتيله القهوه .!؟
ساره : غمضت عينيها . وكأنها بتقول يارب الهمنى اقول ليها ايه . ولا اراديا قالت . لا ياماما جاسر مسافر .
سوزى : بغيظ . مسافر . مسافر فين !؟
ساره : اتنهدت براحه . مسافر بره مصر . سفر مفاجئ ومحدش فى الشركه عندو علم بالسفر ده ولسه عارفين حالا .!؟
سوزى : بدهشه . يكون حصل حاجه لمراته ولا ولاده . اممم ماتتصلى بالمحروس بتاعك واعرفى . يمكن يعمل حاجه مفيده .
ساره : بنفاذ صبر . وهنستفاد ايه بس لما نعرف سافر ليه . وكملت بتريقه انتى اهم حاجه عندك . انى انفذ . ومدام مش موجود يبقى هنفذ لما يرجع .
سوزى : بغضب من ساره . غبيه . طيب متعرفيش هيرجع امتى .
ساره : اوعدك اول معرف هاقولك على طول . وقفلو .
وبعد يومين . ساره خرجت الصبح رايحه الشركه . وقالت لسوزى وابتسام الل قاعدين بيفطرو . أن لسه جاسر مجاش من السفر . وقالتلها انها هتتاخر انهردا فى الشغل وهترجع اخر اليوم . ونزلت . واكتشفت انها نسيت الفون وأوراق للمكتب . وطلعت تانى تجيبهم . ودخلت . ولسه هتقفل الباب . لكن اتصدمت صدمة عمرها كله . وسمعت كل حاجه بين سوزى وابتسام .
سوزى : بنت غبيه .مش نافعه لاى حاجه خالص .
ابتسام : مش قولتلك كلها جدها صلاح مصدقتيش . هي نفس غباءه وكمان شكله . مش واخده منك ولا من عاصم حاجه .
سوزى : طيب وبعدين . هنفضل ساكتين كدا . احنا عملنا معاها كل حاجه . مثلنا عليها اننا اتظلمنا من جاسر . وكدبنا عليها أن عاصم كان عارف بخبر حملى فيها وهو اصلا مكنش يعرف . ولا يعرف انى مضيته على عقد الجواز علشان اضمن حقى . بعد مياخد السينوره مريم الجزار . عاصم ابنك قتل عمه وكان عايز يسرق الشركه وأملاك جاسر واخته هنا .وكمان كدبنا عليها وقولنا أن جاسر قتل ابوه . وكمان كدبنا عليها في كل حاجه . احنا قلبنا الأدوار . ومثلت عليها الام الطيبه الل بتحبها . وهي متعرفش انا بكرهها قد ايه . وانتى مثلتى انك اتجننتى بسبب قتل ابنك . واتذللنا ليها. كل ده محطش كره جواها ليهم.
ابتسام : والله منا عارفه . طيب والحل . لو ساره معملتش الل طلبتيه منها .
سوزى : بابتسامة خبث . لا مظنش انها مش هتنفذ . لان المتخلفه دى . بتخاف من انى اتبره منها . قال ايه خايفه تتعذب بعد كده . بنت غبيه .
ابتسام : وافرضى بقى هي منفذتش . ساعتها هتعملى ايه !؟ .
سوزى : ساعتها يبقى ملهاش لزمه تعيش . لاننا كدا احنا ممكن نخسر . وهي لو فضلت فى شركة جاسر اكتر من كدا وحبها لمالك هيوصلها للحقيقه . ولما تعرف الحقيقه وأننا الل عملنا كل المصايب دى مش جاسر ولا آدم . ساعتها هتبيعنا واحنا هيبقى ملناش لزمه . وهي تتجوز مالك وتتمتع بالفلوس . وحتى لو ساره عرفت وفكرت بس انها تعرف جاسر . يبقى كدا حكمت على مالك بالموت .. لايمكن تتمتع بقرش واحد طول ما انا عايشه . لا ده على جثتى . ساره . دى اخر فرصه ليها ولو معملتش كدا . انا هبعتها طنطا وهسيبها لكلاب الليل . وهيخفوها في اى مكان . يا اما هقتلها بايديه دول . المهم أن ساره هي الل هتحدد حياتها ومصيرها .
ساره : واقفه جمب الباب .وسمعت كل كلمه . ومصدومه. وبتنهج . وقلبها هيطلع من مكانه . وحطت أيدها على بوقها . وعيونها مفتوحه على الآخر . وخافت من سوزى وابتسام . وخافت لا يشفوها . وخرجت بسرعه ونزلت على السلم وكانت هتقع اكتر من مره . وجريت فى الشارع . وكانت عربيه هتخبطها . وجريت كتير . وحاسه أن سوزى وابتسام بيجرو وراها . وتعبت من الجرى وقفت مكانها وبتنهج . وقعدت فى مكان انتظار السيارات . وعيونها مفتوحه ودموعها نازله منها . والشريط بيتكرر تانى قدامها . وفضلت طول اليوم فى الشارع . ومراحتش الشركه . وبعد تفكير طويل . قررت انها مش هتعرف جاسر علشان خاطر مالك . وهترجع البيت عادى كأنها لسه متعرفش حاجه . ولكن هي فى اللحظه دى كرهت سوزى وابتسام . وللحظه افتكرت الراجل الل كان مع سوزى . وفكرت انها لازم تراقبها . وفعلا ساره رجعت على البيت وقالتلهم محدش شاف فونى اصل مش لقياه قالولها اهو انتى نستيه . وساره كان جواها مرعوبه منهم . حتى لما بتدخل تنام بتقفل على نفسها بالمفتاح .ورمت دوا الهلوسه في الزباله وقررت انها هتحمى مالك من شرها .
. .. وعدي كام يوم وساره قالتلها أن جاسر مسافر بيعمل عمليه كبيره . وقريبا هيرجع . وسوزى قالتلها اول مايرجع نفذى . وساره بدات تراقبها . يوم والتانى . لكن مش عارفه تدخل الشقه . وفى يوم بتراقبها اكتشفت ان سوزى غيرت الطريق وراحت عند فيلا فى مكان شبه مهجور . ونفس الراجل استقبلها . وكان وضعهم في الشارع مش حلو وكان بيقربها منه بطريقه مش حلوه . وسوزى تضحك . وكدا كل حاجه بدءت توضح ل ساره . ورجعت على البيت .
وبعدها بكام شهر .. ساره راحت مع مالك فرح زين . ومالك قالها انه هيجى يتقدملها اخر الاسبوع . وروحت مخنوقه . لانها حاسه انها عمرها ما هتتجوز مالك وانها ممكن تموت فى لحظه .
ومبقتش تعرف تنام طول الليل . وخصوصا أنه عدى كام يوم كمان وفاضل يومين ومالك يتقدم ل ساره. وقعده فى اوضتها سرحانه ومش عارفه تنام والوقت اتاخر. لكن سمعت صوت ضحكه من اوضت سوزى . وخرجت بشويش وسمعتها بتتكلم في التليفون .
وبدءات تركز مع مكالمات سوزى . وسمعت .
سوزى : ايوه يابيبى . وحشتنى موت .
: …..
. سوزي : لالا طبعا واثقه من حبك بس انت بقالك اسبوع بحاله بعيد عنى وانا مقدرش على كدا .
: ……..
سوزي : ايه انت بتتكلم جد . يعنى الالماس وصل بجد
اممممم طيب وسوزى حبيبتك ملهاش حتة الماسه ضغنتته .
: ……….
سوزي : هههههههههههه حبيبتى انت قلبى
…والله يابيبى انا معنديش مانع . بس بما أن الالماس انت هتخبيه معايه يبقى ليا على الاقل ٥٪ ولا خساره فيا
: ……..
. سوزي : هههههههه . خلاص زى ماتحب . شوف اجيلك امتى .
: ………
سوزي : بكره امممم انت كمان وحشنى اوى .
: …………
. سوزي :. لالا متقلقش . الزفته الل اسمها ابتسام دى رجليها والقبر . والغبيه ساره . الصبح فى الشركه وبترجع على اوضتها . والالماس هيبقى فى اوضتى .
: ………..
سوزي : اوكي يابيبى . اموووا . هههههههههههه . بكره الساعه ١٠ الصبح هكون قدام الفيلا .
: ……….
سوزي : بجد اممم يعنى هتمشى كل الشغالين علشان نبقى لوحدنا . هههههههههههه اوكي ياروحي على ميعادنا . انت عايز ايه !؟ ههههه لا هات بوسسه انت الاول …….
.. ساره اتحركت جرى على اوضتها لان المكالمه قلبت قذاره .
ساره : بتفكر تعمل ايه . تنقذ حياتها وحيات مالك ازاى . وقعدت تفكير كتير . تاخد الالماس من سوزى . وبعدها قالت لا ما كدا هيعرفو انى انا الل اخدتو لان الألماس هيبقى موجود هنا فى البيت . ولما يضيع انا اول واحده هيشكو فيا وممكن يقتلونى انا ومالك . طيب اقول ل مالك !! لالا . ده يقتلوه قبل منى . طيب اعمل ايه . لحد ما جتلها فكره انها تروح تراقب سوزى بكره . وراحت بدرى عن الميعاد وعملت فونها صامت وفكرت انها تصور سوزى لانها خايفه منها. وشافت إن الأمن مش موجود . ودخلت جرى على الجنينه . واستنت لحد ما سوزى جت وقابلت الراجل ده . وسمعته وهو بيقولها انا اديت لكل الموجودين في الفيلا اجازه علشان انتى وحشانى وعايزين نعوض الاسبوع ده .
سوزى : هههههههههههه حبيبى انا هعوضك كل دقيقه ودخلو وقفلو باب الفيلا وطلعو الاوضه .
ساره حاولت تلاقى مدخل للدخول . وفتحت باب المطبخ الخلفي ببطء ودخلت . وسمعت صوت ضحكهم فوق . واخدت سكينه من المطبخ وكانت مرعوبه . بس جواها غل من الل كانت معيشاها في وهم انها أم . وطلعت ووقفت وخافت لان الباب كان مفتوح نص فاتحه . وخافت تعدى من قدام الباب . وقربت من جمب الباب ببطء شديد . وبصت من فاتحه الباب لكن غمضت عينيها بسرعه وقلبها بيدق من الل شافته . ومش مصدقه أن امها تكون بالقذاره دى . واستخبت ورا فاظه كبيره اوى . وقعدت فتره . وسامعه كل حاجه بين سوزى والراجل . وكانت عايزه تنزل لكن استنت وفتحت فونها برعشه وقلبها موجع وقربت من طرف الباب وحاولت على قد ماتقدر تصورهم من غير ماحد يحس بيها . ودموعها نازله بكسره أن امها كدا . وعيطت اكتر لانها سمعت وفهمت أن علاقتهم فى الحرام ومن غير جواز. وكمان ابوها قاتل . وسرحت في الأيام ومالك . لكن فاقت على كلام سوزى والراجل أن فى شحنة مخدرات هتتهرب الشهر الل جاى . وقال على اسم مجموعة اسماء شباب وبنات بياخدو منهم ويوزعو على شباب وبنات الجامعات . وشحنة اغذيه فاسده منتهي الصلاحيه . هتوصل خلال الاسبوعين الل جايين . وساره اتصدمت لما عرفت أن سوزى شغاله معاه من ٣سنين . وليها نسبه . لانها بتوزع مخدرات على محلات وأماكن معينه واتكلمو اخيرا
عن الاتفاق على تسليم الالماس . وان الراجل متراقب . وخايف من الحكومه . ولازم يخبى الالماس ده فى مكان آمن . وسوزى قالتله خلاص اشيله عندى وليا نسبه فيه . واتفقو على كل حاجه وقالها انها لازم تحافظ عليه لأن الالماس ده انا دافع فيه دم قلبى وتمنه اكتر من ٢٠ مليون دولار وسوزى شهقت . ولكن لما قالها نصيبك ١مليون دولار وخاتم الماس وعيونها زغللت . وقالتلو موافقه هو فين الالماس . قالها لسه جاي حالا فى مكتبى تحت . تعالى علشان انتى وحشانى . وبعدها هتوحشينى تانى وبعد ماشبع منك ننزل وتاخدى الالماس . سوزى ههههههههه .
ساره . مصدومه ودموعها غرقت وشها . وقفلت الفيديو . الل فيه إثبات أنه يقضي على حيات الأفاعي دى . ومن غير تفكير . نزلت ببطء ودورت على المكتب . وكانت مرعوبه لكن اطمنت لأنهم فوق مشغولين . ودورت بتوتر وحاسه انها هتموت من العطش من التوتر . واستنتجت أن الالماس هيكون في الخزنه . ونفخت بديق . لكن لمحت شنطه قديمه اوى اوى . وشكت ازاى واحد غنى كدا وعندو شنطه بالشكل ده . وكانت خارجه لكن فضولها خلاها تقرب من الشنطه دى وفتحتها واستغربت ايه ده !؟ خضار . وهيعمل ايه بالخضار في مكتبه . وبصت فى الشنطه لمحت علبه سودا كبيره قطيفه . ساره بلعت ريقها. وجابتها من وسط الخضار . وفتحتها . وشهقت . الالماس . واتوترت وخافت واخدت العلبه . ورمت السكينه على الارض. ونسيت تقفل الشنطه من التوتر . وخرجت من باب المطبخ والفيلا وطارت على مكتب جاسر . وكانت الساعه ١٢ وقعدت برعشه على المكتب وحضنه الشنطه . وحست انها هتتمسك وعامله جريمه .. وبتفكر اعمل ايه . اعمل ايه . اخبيه هنا في الشركه . لالا . كدا جاسر ممكن يروح فى داهيه . طيب . ادفنه فى مكان . بس المكان ده هيبقى فين . لالا برضو مش هينفع ..وف الآخر . ايوه ايوه انا هحطهم فى صندوق أمانات ايوه . بس . بس سوزى ممكن تعرف مكان الالماس من بطاقتى لو سألت فى البنك . اكيد الراجل الل اسمه توفيق المنصورى ده ليه علاقات يقدر يوصل بيها الا الماس لو عرف انه باسمى . وفاقت على صوت مالك .
مالك : ساااااره . انتى يابنتى .
ساره ها . ايوه .اه نعم . ايوه يامالك .
مالك : بقلق . اله مالك يابنتى . ووشك اصفر اوى كدا ليه . واتصل بتليفون المكتب وطلب واحد ليمون . وبعد ما شربت نص الكوبايه . مالك بيتكلم معاها ومبسوط انه هيتقدملها بكره .. وهي فى دنيا تانيه . وبعد حوالى ربع ساعه جت في دماغها فكرة . ومسكت الكوبايه وجت تشرب وقعتها على مالك .
مالك : قام وقف . ايه ياساره ده . لا. ياربى هروح المكتب ازاى بس .
ساره : بدموع لانها مش مستحمله . انا . انا اسفه بجد يامالك . و..والله بجد اسفه . ومتوتره . واترعشت .كأنها قاتله حد .
مالك : استغربها . حبيبتي . اهدى انا بهزر . مالك اخدتيها جد ليه . وبعدين فداكى ١٠٠ بدله . دا انا حصلى الشرف انهردا بالعصير الل بادلتى شربته . حتى شوفى تحسى أن البدله أعصابها بقت هاديه بعد العصير ههههه .
ساره : بشبح ابتسامه . طيب . هات الجاكيت انا هنضفهولك .
مالك : لا انتى شكلك تعبانه . انا هدخل بسرعه انضفه وأخرج علشان اتاخرت على شغلى ..
ومالك قلع الجاكيت . وطلع المحفظه وحطها على مكتب ساره . وقالها ثوانى وراجع . ودخل مكتب جاسر وسلم عليه. ودخل الحمام . ساره بسرعه فتحت محفظة مالك واخدت البطاقه . وخبتها في الشنطه . ومالك خرج . واطمن عليها . وباس ايديها وخرج على شغله . وهي افتكرت الفيديو . وبسرعه فتحت اللاب توب . ووصلته بالفون . وبعدها حملت الفيديو على فلاشه . علشان تأمن نفسها اكتر . وبعدها دخلت واستاذت من جاسر وقالتله هعمل مشوار ساعه بس وراجعه . وجاسر شاف وشها وبتترعش . اطمن عليها وقالها اوديكى المستشفى . وهي طمنته وخرجت بسرعه . واخدت الشنطه . علشان يدوبك تلحق البنك. . وركبت تاكسي وراحت البنك . وحطت الالماس باسم مالك فى صندوق امان فى البنك وكمان حطت معاه الفلاشه . واخدت نسخه من المفتاح . وعرفت الرقم السري . واخدت البطاقه وخرجت . ورجعت على الشغل .
وجاسر كان فى غرفة الاجتماعات . وفكرت تشيل المفتاح ده فين . وافتكرت كلام جاسر على البرواز . وبسرعه فتحت البرواز وحطت فيه المفتاح من الخلف . وقالت ده أأمن مكان مؤقتا . وده السلاح الل هحافظ بيه على حيات مالك .. واتخيلت انها بتتقتل على ايد سوزى . حست انها دايخه . وتعبت .واتصلت على مالك . وقالتله انها تعبانه . وجالها بسرعه . وكانت أيديها متلجه . وجسمها بيتنفض . ومالك اترعب عليها واخدها المستشفى . وكان ضغطها واطى جدا . وطلبت من الدكتور برشام مهدئ لانها حاسه بتوتر على طول . واخدت البرشامه . وشافت خوف مالك عليها . وحاولت تخرج من الل هي فيه وحاسه انها مش هتشوف مالك وان دى اخر مره هتشوفو فيها . وطلبت منه أنه يعزمها على الغدا . ورحب جدا . وخرجو وركبو . واتحرك . ومالك كل شويه يقولها انتى مش طبيعيه قوليلي مالك . او احكيلى قولى ايه الل موترك كدا .. وساره حاولت انها تحكى لمالك . بس فكرت انها لو حكتله ممكن يبعد عنها لأنها بنت الراجل القاتل . وقالتله انا كويسه صدقني . وكانت خايفه لا تنسى الرقم السرى . وشافت محل ساعات وقالت لمالك اقف على جمب . ونزلت وقالتله ثوانى وراجعه . ودخلت المحل واختارت ساعه شيك لمالك . وطلبت من صاحب المحل يكتب تاريخ بخط رفيع جدا على الساعه من الضهر . وقالتله على الرقم . وكان الرقم السري لصندوق الامان . وخرجو وراحو المطعم . ومالك حط المحفظه على الترايزه . علشان فيها الفيزا . وقعدو . وقدمتلو الساعه هديه . وقالتله اوعدنى مهما حصل متقلعش الساعه دى من ايدك ابدا . الساعه دى فيها روحي يامالك . ودموعها نزلت . ومالك كان مستغربها اخر الفتره دى .وباس على ايديها وقالها انها اغلى هديه . وطلب منها أنها تلبسهاله . وقالها خلاص هانت كلها انهردا .وبكره جاي اتقدملك وونتجوز خلال شهر . ساره قلبها اتقبض .. واتغدو . ومالك استاذنها وراح الحمام . وساره حطت البطاقه فى المحفظه . وبعد كدا مالك وصلها البيت . واول مره ساره تحضن مالك فى العربيه . وقالها انتى كويسه ياساره . دمعه نزلت منها . ايوه انا كويسه يامالك . قالها طيب ارتاحى انتى اليومين الل جايين دول ومتجيش الشركه انتى شكلك مرهق وانا هعرف بابا متشغليش بالك انتى . وبكره هنكون عندكو الساعه ٦ . ونزلت ومالك مشى . ساره طالعه على السلم برعب حاسه ان قلبها مقبوض . وخايفه من سوزى . وحاسه انها اتسرعت . لكن بردو شايفه انها اتصرفت صح . وانهم يسيبو مالك فى حاله . وياخدو الألماس . لكن اتنفست بهدوء بأن محدش شافها وهي بتاخد الألماس . وكمان دليل سجنهم معاها . وعلى مايكتشفو . ممكن تقول لمالك يسافرو . يهربو . يبعدو بعيد عن الشر ده . وقالت لنفسها انا مش هسكت اكتر من كدا . انا بكره هروح القسم وأسلم الفيديو . ده اكبر دليل عليهم . وساعتها ياخدو جزائهم . واخيرا وصلت قدام باب الشقه . وايديها كلها رعشه . وفتحت ودخلت . واول مادخلت . فجاءه حد شدها لجوه ووقعت على الارض . وكانت سوزى . وتوفيق . الل نزلو يجيبو الألماس من المكتب ملاقوش حاجه . وشغلو كاميرات المراقبة وشافو ساره وهي داخله الفيلا . والمكتب . وخارجه مرعوبه وبتجرى . وتوفيق كان عايز يقتل سوزى ويقتل ساره . لكن سوزى أقسمت انها اتصدمت زيه بالظبط . وانها هترجع الحاجه لان ساره جبانه . وانا مش عارفه هي عملت كدا ليه . بس هي هتروح مننا فين . ولو عايز تقتلها اقتلها . انا ماليش دخل صدقنى . وتوفيق شد سوزى من شعرها وركبها العربيه . وراحو على شقة سوزى . وابتسام اترعبت من شكل وغضب توفيق . وسوزى كان جواها نار من ساره . وجت تتصل عليها توفيق قالها لا متتصليش عليها كدا هتشك . هي مفكره ان الفيلا فاضيه ومحدش شافها . خليها كدا لحد ماتجيلى هنا برجليها . وسوزى راحت قعدت تحت رجليه . صدقنى ياتوفيق انا متفقتش معاها على حاجه . انا بكرها . انا سيباها بس معايا لسبب معين . لكن لو انت عايز تقتلها اول ماترجع اقتلها لكن انا ماليش زنب صدقنى . انا سايباها بس علشان ترجع حق لينا . وهحكيلك على كل حاجه . توفيق طلع سيجار . وسوزى بتحكيله وهي تحت رجليه وخايفه منه . وحكتله كل حاجه . وتوفيق باصص قدامه . وقالها . ادعي انك مايكونش ليكى يد فى الل حصل ده لان ساعتها هنسي اى حاجه كانت بينا وهخليكى تتمنى الموت ياسوزى فاهمه . سوزى باست على ايديه بخوف ابوس ايدك والله ماليه زنب وهتسمع منها صدقنى . واستنوها لحد مادخلت . وسوزى قامت شدتها وقعتها على الارض وقفلت الباب . ساره رفعت راسها من على الارض وشافت توفيق . وسوزى . وعرفت أنهم اكتشفوا انها سرقت الألماس . توفيق قام من مكانه وبيقدم خطوه وساره رجعت بضهرها . وصرخت مره واحده لما توفيق جابها من شعرها . ووقفت معاه .
توفيق : اممم شكلك قطه وبريئه . اممم ويوم ماتخربشى . تعورى توفيق المنصوري . تؤ تؤ تؤ . حد قالك انك كدا كتبتى نهايتك بايديكى .
ساره : بتتالم . اااه ابعد عني . ااه وعطيت .
توفيق : هههههههههههه بتعيطى من شدت شعرك . امممم انتى هتفرحي معايه اوى لكن لو عيزا تعيشى . وتشترى حياتك . تقولى الحاجه الل انتى اتجرأتى ودخلتى بيت توفيق المنصورى واخدتيها . فين . ومن غير كلام كتير علشان انا مبحبش اتنرفز .
سوزى : قربت منها وضربتها بكل غل وقوه بالقلم . بقى كل ده يطلع منك انتى يابنت عاصم .
ساره : صرخت فيها . وعلت صوتها . انا مش بنت عاصم . انا مش بنتك . انتى واحده نصابه انتى واحده غشاشه . وعاصم واحد قاتل . انا بكرهك بكرررررهك . وصوتها عالى جدا . وتوفيق ضربها بالقلم جامد علشان الجيران والصوت . وساره اغمى عليها . وتوفيق دور فى شنطتها ملقاش علبة الألماس وراح عليها وشالها . وقال ل سوزى تنزل قدامه وجابت شنطها وشنطه ساره ونزلت مع توفيق وكانت مرعوبه . وبعت الحرس ال واقفين تحت يجيبو ابتسام علشان متهربش واخدو سوزى وساره فى مكان مهجور . متعرفش عنه حاجه . وكمان ابتسام . ——-
بسم الله نبدأ
.ساره فاقت لقت نفسها مربوطه فى اوضه شبه المخزن . واتخضت من توفيق الل قاعد قدامها على كرسى هزاز .فى اضاءه خفيفه وبيشرب سيجار . وبصت شافت ابتسام . وسوزى مربوطين . ساره قلبها بيدق خوف . واتمنت مالك يجي وياخدها وعيطت . وخافت من توفيق الل قام وقف قدامها . ونزل على ركبه قدامها . وحط ايدو على خدها وساره بعدت وشها عنه . وجواها غل .. ابعد عنى متلمسنيش . انت ازاى تتجرأ . وبصت على سوزى . روح لسوزى هانم رب الصون والعفاف . مش كدا يا .. ماما . وبصت لتوفيق بتحذير إياك تفكر تلمسنى تانى فاهم انا مش سوزى . انا مش هي .
توفيق : اووو بحب النوع الشرس . بس تعرفى انك حلوه اوى يا ساره . المهم نأجل الكلام ده لبعدين . قوليلى بقى الالماس فين .
سوزى : انطقى ياحيوانه . انطقى . هتدمرينا كلنا .
ساره : بهستريا ووجع . هههههههههههه . ادمرك هههههه. اومال الل انتى عملتيه فيا ده ايه . مثلتى عليه انك أم كويسه ليه.
توفيق قام مستمع بالحوار . وعجبته شخصية ساره . وانها فعلا مش زي سوزى . مجرد لمسه من ايدو هاجمته . اممممم وقعد على الكرسى .
ساره : انا عرفت كل حاجه . وزعقت وصرخت. عرفت كل حاجه . عرفت انك عمرك ماتكونى ام ابدا . عرفت أن ابتسام مش تيته ابدا . عرفت أن عاصم هو الل قاتل مش جاسر . وعرفت كل ده منك انتى وابتسام وانتو بتتفقو على موتى لكن لا . مش هسمحلك . تاخدي الباقى من عمري . كفايه ٢٢ سنه ضيعتهم فى أنى اسمع بانك تسممى افكارى . هههههههههههه . عملالى فيها الشريفه العفيفة .ههههه . انا دلوقتى عرفت صلاح قريبك كان بيجيلك وتدخلو الاوضه وتقفلو على نفسكو . وقولتى انو جوزك صح وهو مش جوزك هههههه . عارفه انا لو كنت بنت حرام !! كنت قتلت نفسى وبايدى . لكن لما انتى قولتى مضيتى عاصم على عقد جواز شرعى . انا مصدقتكيش . بس انا اخدت عقد جوازك ورحت لمحامى . وبعدها اكدلى أن العقد سليم . والجواز شرعى . تخيلى انتى عملتى حسنه واحده بس فى حياتك . وساره كل الغل الل جواها قواها ومكانتش في الوقت ده خايفه من الموت . لا هي حاسه أنهم هما المفروض الل يخافو منها . وكملت . وبصت لابتسام هههههه وانتى يا .. تيته . هههههههههههه ياست الكل ياجدتى . يالل المفروض كنتى اتعظتى من موت ابنك . وكفرتى عن ذنوبك . وخدتينى في حضنك وربتينى . لكن لا حب الفلوس . فلووووس .. فلووووس . عمت عينيكى انتى وهي . وكمان عاصم . ها .. اخد ايه من طمعه . خد ايه من جبروته . خد ايه من السرقه غير انه اتعدم . عارفين هو لو موجود قدامى دلوقتي انا كنت قتلته بايدى . وبصت للسقف بانهيار .. سامعنى يعاصم . انت لو كنت عايش انا كنت قتلتك بدل المره ١٠ انا بكرررررهك يعاصم . سامعنى انا بكررررررهك علشان انت السبب في كل الل بيحصلى ده . انت السبب في وجودى .وعدم راحتى . انت السبب أن يكون ليا أم زي دى .. اختياراتك كلها غلط سامعنى . انت أحقر اب شوفته في حياتى . ونزلت راسها وبتنهج . وانتى اقذر أم شوفتها في حياتى . انتى حقيره . انا بكرهك بكرررررهك . ولو انا حره دلوقتى كنت صلحت غلطتى فى أنى مش هتردد لحظه واقتلك . وبصت ل توفيق . وانت . ناقصك ايه ها . ناقصك ايه علشان تعيش مع واحده زى دى وفى الحرام . نااااقصك ايه .
توفيق : اعجب من ساره ونفسه فى القطه الل بتخربش دى . ولكن شاور للحرس يفكو سوزى . لانه أتأكد انها متفقتش مع ساره . وهي شغاله معاه . من ٣ سنين وتعرف عنه وعن شغله كتير .. وسوزى فرحت . وقامت جرى وقفت جمب توفيق .
ابتسام : ندمت للحظه . ولكن خوفها من توفيق …ندهت على سوزى . قوليلهم يفكونى انا معاكى من زمان انتى عارفه .
سوزى نفخت بديق : ياشيخه روحي بقى انتى ايه لزقه . انا نفسي تموتى بقى .
توفيق : مسك دقن سوزى . كل حاجه انتى عيزاها هتحصل ياسوزى . بس نشوف القطه . وراح وقف قدام ساره . ها ياساره هديتى شويه . قوليلى بقى فين الالماس . وكمان عايز اعرف انتى سرقتيه ليه .
ساره : بغيظ . انتو تستاهلو انكو تتعدمو مش تتسرقو بس . وبصت لسوزى . عيزا تقتلينى!؟ . اهو دلوقتي ممكن تقتيلنى وانتى مطمنه بس اعرفى أن روحك انتى وهو فى ايدى .
سوزى : قربت منها وشدتها من شعرها جامد . انا روحي .. انا وسيدك فى ايديكى يابنت الكلب ها . دا انا هشرب من دمك شرب . فين يابت الألماس فيين انطقى .
ساره : بتصرخ . اااه . ابعدى عنى . وانا مش هقولك على اي حاجه فاهمه .
سوزى : بغيظ . طيب ياحبيبتى متقوليش . بس اقرى الفاتحه على سي مالك بتاعك .
توفيق : مالك . !!؟
سوزى : ايوه مالك الصاوى . الل قولتلك عليه .
توفيق : الصاوى !!؟ قصدك مالك يبقى ابن جاسر الصاوى رجل الأعمال .
سوزي . ايوه هو ده . مالك بقى يبقى حبيبها . نجيبو هنا قدامها ولما تشوفو متعذب هتقول ساعتها الألماس فين .
ساره : هههههههههههه . هههههههههههه .
وطبعا ده هز ثقتهم في نفسهم . واستغربو بتضحك على ايه .
ساره : لو عملتى فيا ايه ياسوزى انا مش هقولك على حاجه . ولو فكرتو بس مجرد تفكير تأءذو مالك . ساعتها يبقى الله يرحمكم .
توفيق : امممم ده ايه الثقه دى . انتى متعرفيش مين توفيق المنصورى .
ساره : زعقت . لا عارفه . عارفه مين توفيق المنصورى . اكبر تاجر مخدرات . والشحنه هتوصل بعد شهر . وعارفه كمان توفيق المنصورى . صاحب شحنات الأطعمة الفاسده . والل بيوزع مخدرات فى الجامعات والنوادى . واعرف حجات كتير اوى .
توفيق : اتصدم من ساره . وبدء يخاف فعلا . وبص لسوزى الل شافها فاتحه بوقها بصدمه .
ساره : من جواها خايفه . لكن لما شافت خوفهم اتكلمت بقوه . لان حيات مالك اهم من حياتها . وبصت لتوفيق . اسمع انا ماليش عداوه معاك . انت تسيبنى أخرج من هنا . وهسافر انا ومالك . وحاجتك هتوصلك .
توفيق : وايه الل يضمنلى انك مش هتهربى مع حبيب القلب وتاخدى الالماس معاكى .
ساره : معرفش . انا معنديش ضمانات . لكن ال اعرفه انى مش عايزه اى طريق يوصلنى بيكو تانى . خلينى امشى . وهسيبلك سوزى وابتسام هديه منى ليك . انتو لايقين على بعض .
سوزى : ضربتها بالقلم . ومسكتها من هدومها . انتى ايه يابت . بتساومى مين ها . ده يقتلك ويشرب من دمك .
ساره : ولا يقدر يعمل حاجه . انا قولتلك يا … سوزى هانم . ان روحكو في ايدى .
توفيق : على فكره انا ممكن ادفنك مكانك هنا ومش مهم الالماس فى ظرف سنة وهعمل تمنه تانى . ولما تيجى تهددى . هددى على قدك ياشاطره . وانا هخليكى تعترفى ازاى . بصراحه انتى عجبانى. وممكن اصرف نظر عن الالماس التانى . واخدك انتى . ماانتى الماس بردو .. وقرب منها وحط ايدو على رقبتها بطريقه مش كويسه.
ساره : مربوطه .. وصرخت فى وشه ابعد عنى ياحيوان.
توفيق : ضربها بالقلم . وقطعلها البلوزه . وشاور لسوزى تقلعها البلوزة . وسوزى نفذت وساره فى حالة صدمه من امها. بس افتكرت أن امها اصلا بايعه نفسها . ومعندهاش مانع انها تبيع بنتها لاى حد . وسوزى قلعت البلوزه لساره . وكانت لابسه توب كات .
ساره : صرخت . انتى حيوووانه . انتى لايمكن تكونى ام ابدا . انتى الحيوان احسن منك . سوزى ضربتها بالقلم تانى . وقالتلها انا هوريكى مين الحيوانه . وقطعتلها التوب كمان . وساره هتموت . وندهت بعلو صوتها مااااالك .
توفيق : بيملى عينيه من بنت ال٢٠ الل قدامه . وشبه عريانه . وساره بتحاول تفك نفسها . وبتشتم فيها . وبتستنجد بمالك . وكمان ابتسام . الل اول مره تشوف دموع ندم فى عيون ابتسام . وانها حست خلاص نهايتها قربت . وانها ظلمت كتير وقتلت . ودموعها نازله على بنت ابنها الل بتتعرى على ايد امها .لكن خايفه تتكلم يقتلوها . وفضلت انها تبكي بصمت . وتتفرج من بعيد .
ساره : شافت توفيق بيقرب منها . وتفت في وشه . وقالتله انت لو فيك ذرة رجوله مش هتقرب من واحده قد بنتك .
توفيق: إبتسامة خبث . وقرب من ساره . وهيبوسها من رقبتها . وبيقولها . انا هاخدك فوق فى اوضتى الخاصه . وهتعترفى . بمزاجك صدقينى . انتى هتعجبك العيشه هنا اوى . وباسها .
ساره : خبطته براسها فى راسه . وصرخت انا هوديكو في داهيه . وجاتلها حالة هستيريا . تصرخ وتشتم . وفون ساره رن . وسوزى راحت جابته من الشنطه وكان مالك . سوزى ضحكت وقالت حبيب القلب اهو بيتصل .
وتوفيق . شد شعر ساره .. قالها ردى عليه . وتقوليله انك كويسه . يااما ورحمة امى هقتلهولك بكره .
ساره : بعند . انا لو رديت هقولو ان توفيق المنصورى خطفنى هو والحقيره سوزى فاهم .
توفيق : اتغاظ منها . ولسه هيضربها بالقلم . ساره جاتلها هيستريه ضحك . الاتصال فصل . وكلهم مستغربين . ضحك ساره . وقالت لتوفيق . عندى ليك مفاجأة كبيرة .
توفيق : رفع حاجبه . مفاجاه ايه .
ساره : بصت لسوزى . وابتسامة سخريه . وثقه فى نفس الوقت . افتحي الفون هتلاقى فولدر مكتوب عليه . المنصورى . واتفرجو واتمتعو باعترافكو . سوزى واقفه جمب توفيق … وبغيظ فتحت الفون وجابت الفيديو . واتفرجت هي وتوفيق . واتصدمو . لانهم كانو فى حضن بعض . وبعترف ليها أنه بيحبها كدا من غير جواز . وبعدها هي نامت فى حضنه وبيشربو سجاير . وبيتكلمو على الثفاقات المشبوه . والمواعيد والاسماء كمان . يعنى اعتراف رسمي بحبل المشنقه ليه . ولسوزى . ساره : بتحاول تفك نفسها علشان تستر جسمها بس معرفتش . وبصت ليهم بغل . لكن شافت رعب حقيقي فى عيونهم . وان نهاية توفيق على ايد بنت صغيره . سوزى حطت ايديها على خدها . وتوفيق واقف مصدوم . ساره جتلها فكره .وقالت ليهم . الفيديو ده مش معايا انا وبس . بصولها بخوف
وكملت . متقلقوش مش مع مالك لانه لو شافه بحكم شغله وكيل نيابه مش هيستنى . لا الفيديو ده مع ٢ صحابى . وقولتلهم لو فى خطر حصل لمالك قدمو الفيديو ده للنيابه ومن غير تفكير . والالماس فى مكان محدش يعرفه غيرى انا يعنى لو خطفتو أو قتلته مالك الفيديو هيكون تانى يوم بالظبط فى النيابه . ولو انت فكرت تقرب منى او حد يلمسنى . انا هموت نفسي . وبكدا الالماس مش هتشوفه تانى . وفكر قبل ماتخطى خطوه واحده عندى . او عند مالك .
توفيق : كان بيتنفس غيظ من الل متكتفه قدامه وبتهدده . وكمان حبل المشنقه مستنيه فى اى وقت .
وسوزى : اترعبت . واول مره تحس انها غلطت انها خلفت من عاصم .
توفيق مقربش من ساره . تانى . لكن أمر انها تتعذب على خفيف لحد ماتتعب وتعترف .
وسوزى . كانت بتفذ كل أوامره .
وابتسام . سوزى أمرت أنهم يحبسوها في اوضه لو حدها ومنعت عنها الاكل والشرب . لحد ما ماتت .
وسوزى بعتت . الحرس يجيبو كل حاجه تخصها فى شقتها . ونقلت على فيلا المنصورى .
وبدءت رحلة عذاب ساره . سوزى كل يوم تضرب .. وساره رافضه تعترف . وعدت الشهور . ولسه بتتعذب . ومن الضرب دراعها اتكسر ومتعالجش . ومنعو عنها الاكل بااليومين . وكمان الميا . ومن كره سوزى ليها تخلى الحرس يقلعوها لبسها الخارجي ويحرقوها . في جسمها . وساره كانت بتصرخ با اسم مالك . وبتدعي أن مالك يكون بخير. وعدت اول سنه عذاب ليها . وجسمها ضعف من التعذيب . وكله كدامات . وتوفيق كان يروح ويضغط عليها . ولما شاف شكلها كدا إعجابه من ناحيتها قل . وقال يخساره كنتى جميله بس دلوقتي لا . ويؤمر الحرس يشربوها ولازم تبقى عايشه .. اكيد في يوم هتتكلم . وسوزى تعبت منها ومبقتش تروح . هي تؤمر بس الحرس فى الفون أنهم يحرقوها ويضربوها . ومحدش يروحلها على الفيلا . لانها مش فاضيه ل ساره. هي دلوقتي سيدة أعمال ومش مهتمه . اهم حاجه انها رهن اشاره توفيق المنصورى . وعدت الشهور التانيه . ومن كتر التعذيب . ساره بقت جسد من غير روح . تفتح عينيها ومش شايفه اوى . الرعشه اتملكت من جسمها كله . بقت هشه جدا . ومستنيه الموت فى لحظه . لحد فى يوم كانت نايمه على الارض . وحلمت ب مالك . وشافت شكله بوضوح . وقلبها دق فى الحلم . وحست بشويه قوه . وفتحت عينيها . واشتاقت لمالك . ونفسها تشوفه . وحست بايجابيه . وفكرت انها تهرب . هما مبقوش بيهتمو بيها اوى فى الحراسه علشان شايفين ساره عمرها ماحاولت تهرب . وكمان جسمها ضعيف . وعمرها ما هتقدر تجرى أو حتى تمشى . فكرت انها تفضل نايمه . ولا تأن ولا تعمل اى صوت . وعملت كدا . والحرس يدخلو عليها يلاقوها نايمه وبتتنفس وبس . لحد ماسمعت الحارس قاله البضاعه جت . يلا علشان احنا الل اتنين بس الل هانشيلها علشان باقى الحرس فى مع هشام باشا . وقاله طيب والبنت دى . التانى قاله . يعم دى ميته يلا علشان قدامنا على الاقل اكتر من ساعه . وخرجو . وساره . حاولت تقوم . وبصت من الشباك شافت الحرس ماشيين واختفو من قدامها . ساره جمعت قوتها. وحاولت وقالت دى فرصتك انتى ممكن تشوفى مالك . وراحت على الشباك وكان عليه حديد . وخافت . واتحركت دورت مفيش غيرو . خرجت شافت اوضه فتحتها ببطء .ومفيش فيها كراكيب ودولاب قديم . ولاحظت أن فى بصيص اضاءه ورا الدولاب . وحاولت تزقه لكن مقدرتش صحتها مفيش خالص . وفتحت الدولاب . ونزلت منه كل حاجه جواه . وكانت بتترعش . وحاولت تانى لما الدولاب بقى فاضي . واتحرك بسيط . وشافت شباك صغير لكن من غير حديد . الامل اتجدد جواها . ودعت ربنا انه يساعدها . وجاتلها طاقه . والدولاب اتحرك يدوب حجات بسيطه . وشافت أن جسمها هيعدى من المسافه
دى . وحاولت وخرجت من الشباك . شافت انها نزلت فى اوضة كبيره . وراحت فتحتها بخوف . لكن شهقت هي كدا جوه البيت . واتحركت بسرعه . ودورت واخيرا شافت المطبخ . وفتحت الباب. وجريب من البوابه الخارجيه . ومش عارفه هي رايحه فين . تجرى فى أراضى زراعيه . تجرى وتقع . وتقوم من تانى . وتنهج بتعب .لكن إرادتها الل هتوصلها لمالك خلت عندها قوه وفضلت تجرى كتير وتقع وتقوم . لحد ماسمعت صوت سرينة عربيات . وشافت طريق قدامها هيطلعها على طريق العربيات . وعافرت وتعبت انها توصل . واخيرا وصلت . وجريت على الطريق . وشاورت عربيات كتير محدش وقف . ولما شافت إن مفيش امل كدا هتقف قدام اول عربيه. وشافت عربية كبيره بضاعه جايه . وهي جريت قدامها وتقع وتقوم . لحد ما العربيه وقفت . والراجل عطاها الفون تكلم مالك .وحاولت تركز وتفتكر الرقم . والراجل قالها حاولى تفتكرى اى رقم . قالتله انا معرفش ارقام حد غير الرقم ده . وحاولت بدموع . لحد ماافتكرت . ولما سمعت صوت مالك . حست انها فى امان ومحستش بنفسها واغمى عليها . .
عوده للوقت الحالي ——-
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشقتها منذ نعومة أظافرها)
لقراءة الجزء الأول من الرواية اضغط على : (رواية جريمة عشق)
