رواية عشقتها منذ نعومة أظافرها الفصل الثامن عشر 18 بقلم مريم نصار
رواية عشقتها منذ نعومة أظافرها البارت الثامن عشر
رواية عشقتها منذ نعومة أظافرها الجزء الثامن عشر
رواية عشقتها منذ نعومة أظافرها الحلقة الثامنة عشر
بسم الله نبدأ
آدم : صحى الصبح . ولبس وجهز نفسه . ومريم نزلت علشان تجهزله قهوته . وآدم نزل وكان الكل موجود على الفطار ..
آدم : صباح الخير..
الكل : صباح الخير ..
مريم : صباح الفل . على اجمل عيون في الدنيا اتفضل يا حبيبي قهوتك ..
آدم : ابتسم . تسلم ايدك يا حبيبتي. تعبتك.
مريم : تعيش وتتعبني يا روح قلبي …
..والكل منسجم من حاله العشق اللي قدامهم .
مراد : ايه يا مريوم ..فين قهوتي!؟
مريم : داده سعاد . بتعملهالك
مراد : بمكر . تؤ . ما بتبقاش حلوه . انا عايزها من ايديكي الحلوين دول ..
آدم : بص لعدوه اللدود بغيظ .. ليه يا روح امك.. تعملهالك ليه .. مش عجباك قهوه سعاد .. قوم انت واعمل لنفسك ..
مراد : الله يا حاج .وفيها ايه يعني .. لما مريوم تعملي القهوه ..
آدم : فيها اللي فيها بقى .. ده انت عيل غتتت ..
مراد : بس انا عايز مريوم تعملي القهوه ..
آدم : يابني ما تبقاش رخم على الصبح. وبص ل مريم .. ما تعمليش حاجه للواد ده فاهمه …
مريم : ساكته وكتمه الضحكه .
مراد : ازاي يعني يا حاج ما تعمليش حاجه .. ده انا بفكر اخليها تعملي صينيه بسبوسه كده .. ولا ايه رايك يا مريوم تعمليلي كيكة الفراوله .. ايوه . ايوه . انا وفريحه بنحبها قوي . وكمان ما حدش بيعرف يعملها زيك .. خلاص افطري وقومي بسرعه كده اعمليها يا مريوم اوكي ..
آدم : صك على اسنانه .. انت ابن كلب ليه يالا انت … هي امك هتخدمك … والمحروسه هتاكلها على حساب صحه مراتي .. انت ياض عبيط ولا بتمثل العبط .. ولا مش علشان كتبت الكتاب لا اقسم بالله افلقك نصين .. وكمل بتريقه .. صينيه كيكه بالفراوله .. عيل ثقيل .. وكلهم كاتمين الضحكه ..
مريم : قامت . بس يا مراد . ابعد عن آدم حبيبي . مالكش دعوه بيه .. وقربت من آدم . خلاص يا روحي . خلاص يا آدم متزعلش نفسك يا قلبي . وبتدلعه قدامهم ..
آدم : اتنرفز وبصلها .. فين الببرونه ..
.مراد ضحك بصوت كله . ورينو كمان . اما . نور . وزين مش فاهمين ..
مريم : ببرونه .!! ببرونه ليه ؟ ولمين !؟ هو عندنا اطفال هنا
آدم : ايوه انا . وقلدها . بس يا مراد ابعد عن ابوك.. مالكش دعوه بيه . وخلاص ما تزعلش . هاتي يلا الببرونه علشان مزعلش .. وممكن اعيط كمان ..
كلهم ضحكو ومش قادرين .. ومريم حضنت . آدم من الخلف . وهو قاعد على الكرسي . وقلبها مبسوط ومش قادره تبطل ضحك .. ومن كتر ضحك الكل .. آدم ضحك هو كمان …بعدها بشويه خلصو فطار .
آدم : زين ..
زين : نعم يا حاج .
آدم : وصل رينو على المدرسه . وحصلني على الشركه الأم .
زين : حاضر ياحاج ..
آدم : وانت يا بجح يا جبله ..
مراد : اؤمرني .
آدم : وصل نور على الجامعه .
مراد : من عيني يا حاج ..
نور : لا . يا بابي. انا ورايا محاضره على الساعه ٢ .. وفي عمليه النهارده في المستشفى . ومحمد هايجيلى . ياخدني على الساعه ١١ .
آدم : هز راسه اوكي يا روحي ..
.وانت يا مراد هتروح فين حضرتك ..
مراد : هوصل فريحه على المزرعه . وبعدها اطلع على الجيم ..
آدم : وصل فريحه . وتعالى على الشركه الأم في اجتماع مهم . مع بيتر وطارق .وكمان مالك هيكون موجود .. علشان انت عارف الشركه الأم . دي شراكه ما بيني وبين طارق وملك .. وتعال علشان تتعلم وتاخد خلفيه عن كل حاجه .. انت الكبير وهتبقى في ضهر اخوك زين ..
مراد : ربنا يخليك لنا ياحاج . حاضر هوصل فريحه واجيلك على الشركه
آدم : تمام . الاجتماع . الساعه ٣ . وقام .وسلم على اميرته .وباسها قدامهم . وودع الكل . وراح على الشركه ..
زين : يلا يا رينو .
رينو : حاضر . ياابيه . . وودعو مريم . وخرجو .
. مراد : سلم على مريم . علشان يوصل فريحه. وودعها وخرج .
ونور . قعدت مع مريم . لحد ما محمد . يتصل عليها وتجهز ..
نور : مامى
مريم : نعم يقلبى .
نور : عايزه اقولك على حاجه .واخد رائيك.
مريم : تعالي اقعدي جمبي تعالي . قولي يا قلبي عايزه ايه ..
نور : هو بصراحه . يامامى في بنت صحبتي فى الجامعه .. اسمها نرمين . وحالتها يعني مش قوي ..
. ومن فتره فونها اتكسر منها .. وانا باتكلم معاها وعدتها اني اجيبلها فون . لان ظروفها متسمحش انها تشترى حاجه . . وبصراحه مش عارفه اجيبلها فون .. ولا اديلها فلوس الفون . وهي تشتري براحتها اللي هي عايزاه ..
مريم : لا يا حبيبتي . انتي اشتريلها الفون زي ما وعدتيها . وغلفيه حلو كده وقدميه ليها كهديه …
اما لو اديتلها فلوس .. ممكن تفتكر انك بتقدميلها صدقه . أو بتساعديها . ونفسها تتكسر . وتزعل من جواها .
نور : يعني انتي شايفه كده يا مامي ..
مريم : طبعا يا حبيبتي . انتي مثلا لو عايزه تساعديها .. ساعديها بس بطريقه غير مباشره . يعني مثلا هتشتريلك كتب . اشتريلها معاكي وقوليلها انا جبتلك معايا .. اعزميها على الغدا .. مثلا في عيد ميلادها جبيلها هديه . ولو حالتها صعبه قوي يعني . شوفيلها شغل مثلا في مستشفى محمد .. او لو ينفع تشتغل في شركه آدم .. تشتغل اهو تحسن من دخلها .. وممكن يميزوها في المرتب …
نور : حضنت امها .. حبيبتي يا مامي .. والله انتي احسن ام في العالم كله ..
مريم : وانتو وآدم . اجمل حاجه في حياتي . ربنا ما يحرمني منكو .
نور :يارب ياقلبى . . ومحمد اتصل … اوكي يا مامي انا هطلع البس . لأن محمد كدا على وصول . وبعد كده هاروح اشتري فون لنرمين . واطلع على الجامعه
مريم : ربنا معاك يا نور يا رب . وخلى بالك من نفسك .
—————
محمد : في المستشفى من الساعه ٨ الصبح .وخلص كل حاجه .. والساعه دلوقتي 10 .. وخرج من المستشفى .. وراح علشان يجيب .. نور ..واتصل عليها .. وقالها انه في الطريق .. وقالتله انها بتجهز ..
واخيرا وصل قدام الفيلا .. ونور . خرجت وكانت جميله .. والحب والسعاده مخليها اجمل واجمل .
.محمد شافها نزل من العربيه .. وسرحان في جمالها الرباني .وسلم عليها وباس ايديها. وفتحلها باب العربيه .. وركبت .. وهو ركب واتحرك بالعربيه واتكلمو طول الطريق .. لان محمد شاف . ان نور متوتره .. واخيرا وصل المستشفى ونزل .. وفتح الباب . ل نور . ونزلت واول حاجه عملها محمد . انه مد ايده ل نور . ونور احرجت . ولكن حطت كف ايديها في ايد محمد .. ومسك كف ايديها . وطلع بيها المستشفى .. وقدام كل الموجودين هي دايما كانت بتمشي جمبه .. لكن المره دي كانت جمبه وماسك ايديها .. محمد ماشي وحاسس بالفخر . وانه اسعد واحد في الدنيا ..ونور مبسوطه جدا .. واخيرا وصلوا عند المكتب .. محمد واقف قدام الباب وساب ايد نور .. وخرج من جيبه شريط .. وقالها تسمحيلي .. وربط عيون نور بشريط ..وهي توقعت ان محمد يكون جايبلها هديه ..
محمد : فتح باب المكتب بالمفتاح . ودخل ولف ضهره ل نور ومسك ايديها ودخلها .. وقالها ادخلي تعالي معايا …
نور : دخلت … انا مش فاهمه حاجه .!!؟
محمد : امشي بس تعالي . ما تخافيش مش هخطفك مع ان نفسي اعملها .
نور : ابتسمت …
محمد : وقف نور في نص الاوضه . وشال الشريط من على عينيها .. ونور فتحت عينيها .. واتفاجئت بالمكتب . اللي كله ورد .. وعلى الارض ورد . والمكتب كله ورد .. وكمان بالونات هيليوم .. وكانت نور . واقفه جوه دايره ورد جميله .. ونور مصدومه بفرحه من المفاجاه دي .. وشافت على الترابيزه علبه متوسطه وجنبها طبق واحد .. محمد شاف فرحتها .. فرحته اضاعفت . واتحرك وراح قفل الباب بالمفتاح .. ونور شافت الباب وهو بيتقفل . قلب كبير مرسوم على الباب ومكتوب عليه I love you Noor..
وسابها مبسوطه . ومش تفرح اكتر من كده ايه .. وراح وقف ورا المكتب . وسحب شريط صغير واتفردت على الحيطه صوره ورقيه كبيره جدا وكان فيها صوره جميله ل نور .. وكاتب تحت الصوره .( دوله عشقي) . (عشقتها منذ نعومه أظافرها)
ونور لما شافت. صورتها وبالحجم ده . الفرحه مع الدموع اللي نازله في صمت . هي كانت ردة الفعل .. من الفرحه والسعاده .. الابتسامه مرسومه على وشها .. جواها مشاعر كتير . وفرحه كبيره . ومفاجاه جميله …
محمد : شاف الفرحه بتكبر مكتفاش بكده .. ونزل ستاير المكتب . علشان يقلل الاضاءه . وراح قفل الاضاءه .. وكانت في اضاءه تانيه هاديه حوالين الورد .. وكمان صورتها وكانت بتنور وتطفي .. وكان شكلها جميل جدا ..
نور : حطت ايديها الاتنين على بقها . والدموع نازله ومش مصدقه .. بجد كانت فرحانه .. وكل ده من غير ما حد يتكلم .. محمد بيفرجها على المفاجاه وهي بتتفرج وتفرح والدموع نازله ..
محمد : قرب منها وشال ايديها من على وشها وباس كف ايديها بحب . وبص في عينيها . اللي مع الدموع والاضاءه الهاديه فتنت قلب محمد ..
محمد :باس كف ايديها . ومسح دموعها بعد كده . ومسك وشها بايديه من غير قيود .واخيرا كسر الصمت واتكلم … مبروك يا نوري.
نور : عينيها في عيون محمد . ومن فرحتها مش عارفه ترد . وغمضت عينيها والدموع نازله ..
محمد : ششش . بطلي عياط .. نور العدوي . حرم محمد عزيز . ما تنزلش دمعه واحده منها . لا ف حزن ولا فرح فاهمه ..
نور ؛ فتحت عينيها . وقلبها نطق على لسانها .
..(بحبك . يا محمد) ..
محمد : قلبه دق . ودخلها كلها في حضنه . وهو مطمن خلاص .. نور اعترفت بحبها . وكمان هي بقت مراته . حضنها وهو عارف انها حلاله . ملكه ..
نورو وحبيبته في حضنه بعد 21 سنه …
نور : حضنت محمد . وهي مش قلقانه . لان مافيش حب كده .. ما فيش امان كده. ما فيش عشق كده.. حضنته وغمضت عينيها .. وهي متطمنه . وقالت .. انت اماني يا محمد ..
محمد : وانتي جنتي يا نور . وفضلو في حضن بعض فتره . كل واحد يشبع من التاني .. مع ان محمد لو فضل حاضنها العمر كله . عمره ما يشبع منها .
. بعدها بشويه نور خرجت من حضنه وبصت حواليها . وبصتله انت عملت كل ده علشاني ..!!
محمد : ما اسمهاش كده . اسمها انت مستعد تعمل ايه علشاني ..
نور : قلبها ابتسم . قبل وشها .عارف !؟ بجد احلى مفاجاه في حياتي . مفاجأتك انت .. كل حاجه بتعملها مميزه .. وجميله وليها طعم مميز .. انا مبسوطه قوي قوي يا محمد .. انا حاسه ان ما فيش حد مبسوط زيي ..محمد ..انت احلى حاجه حصلتلي في حياتي . انت السعاده في حد ذاتها .. انا بحبك قوي قوي .. بجد بموت فيك ..
محمد : بيسمع كلام نور .. وعدد ضربات قلبه بتزيد عن المعدل الطبيعي ..
محمد : نوري .
نور : نعم يا محمد ..
محمد : بعشقك .. انا مش مصدق .. انك بقيتي مراتي . حاسس اني بحلم . يعني احبك 21 سنه . وفي اقل من شهر.. اخطبك . وكمان اكتب كتابي عليكي ..! انا مش باحلم صح .!!؟
نور : هزت راسها .. انا اللي مش بحلم مش كده.!؟
محمد : جوا عايز ياخد خطوه .. ويبوس نور لاول مره من شفايفها .. وخلاص هيعملها لكن طرد الفكره بسرعه . وفاق . وقالها . لا . احنا مش بنحلم لان قلبي بيقولي نور قدامك اهي . انت مش بتحلم..
. واخد نور في حضنه تاني . وقال جواه كل حاجه انا عايز اعملها معاكي هاعملها في بيتنا وبرضاكي انتي يا نوري .. انا هاصبر . زي ما صبرت قبل كده .. وضمها اكتر .. وقالها عارفه . !! كفايه عليا حضنك ده يا نور ..
نور : بحب . حضت محمد اكتر وبعد فتره .. خرجت من حضنه .وبصت حواليها.. محمد انت عملت كل ده ازاي وامتى!؟
محمد : اتحرك وراح شغل الاضاءه . واخدها من ايديها وقعدها على الكنبه . وفتح العلبه وكان فيها تورته صغيره .. وكان عليها من فوق اسم نور .
. ونور : ابتسمت ومحمد . ادى ليها . السكينه . وقالها اتفضلي .. ونور اخدت السكينه . وقطعت التورته . وقالها دي بمناسبه كتب كتابنا يا نور. والطبق ده ليا انا وانتي وبس . وطول ما انتى معايه هناكل مع بعض فى طبق واحد .
نور : بسعاده . ميرسي بجد يا محمد .. لكن مش هتقول .. عملت كل ده ازاي وامتى ..
محمد : طلع قطعه ل نور في الطبق . وقالها بعدين .. الاول تعالى اكلك بايدي ..
نور : ابتسمت . وحست انها . ما بقتش محرجه من محمد ..
محمد : اكل نور في بقها . ومشاعره بتنهار. وبعدها هي اكلته في بوقه . وكانوا مبسوطين .. وبعد ماخلصوا ..
نور : اهو اكلت بقى قولي .ارجوك..
محمد : حاضر انا ياحبيبتى . من كام يوم .كلمت آدم.. على كتب الكتاب .. وهو وافق .. لكن وافق امبارح بس .. وكلمني امبارح الصبح . وقالي ان كتب كتابي النهارده .. وكمان مراد .. ساعتها فكرت ان العزومه كبيره .. والعيله ما شاء الله .. وكتب كتاب وكمان كتب كتاب مراد . قولت لنفسي ساعتها مش هعرف ابارك ل نور .. واعبرلها عن اللي جوايا .. نزلت امبارح قبل ما
اجي على الحفله .. وجهزت الصوره بتاعتك الجميله دي .. واخدتها معايا امبارح وانا مروح .. والنهارده بقى .. صحيت بدري وجت على المستشفى .. وكان معايا واحد متخصص في الديكور والحفلات . واتفقت معاه وانا قولتله على الفكره .. وهو نفذ وجهزنا كل حاجه زى ما انتى شايفه كده ..وخلصنا على الساعه ١٠ . وبعدها . انتي عارفه الباقي ..
نور : عيونها في عيون محمد . ومبتسمه .. ميرسي جدا يا محمد .. بجد ميرسي على الفرحه الكبيره دي ..
محمد : انتي فرحتي يا نور . انا لو اطول اجيب الدنيا كلها واحطها بين ايديكي .. انا هاعمل كده.. وقعده مع بعض واتكلمه كتير . وبعدها بشويه ..
نور : يا خبر العمليه . انت قولتلى اجي علشان في عمليه كبيره.
محمد : ههههه ما احنا اهو بنعمل اهم عمليه. بناكل تورته . هههههه .
نور : يعني ايه .
محمد : يعني مفيش عمليه النهارده .. انا قولتلك كده .. علشان تيجي .. امال كنت هاقولك تعالى علشان تاكلي تورته .. بذمتك كنت هتيجي . هههههه
نور : ابتسمت . ايوه كنت هاجي . اي حاجه منك وتطلبها . هاعملها..
محمد : اتنهد انتي يا بنتي متاكده اني مش بحلم.
نور : لا مش بتحلم .. وبصت في الساعه . ايه ده الساعه ١ يا دوبك انزل حالا ..
محمد : تنزلى ليه حالا .!؟ انت محاضرتك الساعه ٢
نور : ايوه . مانا لسه عايزه انزل اشتري فون هديه ل نرمين صاحبتي ..
محمد : والله .!! بجد وكنتي هتقوليلي امتى بقى .
. ان حضرتك نازله ..
نور : نسيت خالص تقول ل محمد . وافتكرت ان محمد جوزها . واتحرجت . احم سوري يا محمد .. معلش بكره هتعود ..
محمد : بجد هتتعودى .. على اساس قبل كتب الكتاب .. وكمان قبل ما تعرفي اني بحبك كنتي بتخبي عليا حاجه ..
نور : اتكسفت . عندك حق . انا مابخبيش عليك حاجه .. لكن والله الموضوع جه فجاءه . انا كنت ناسيه خالص .. وافتكرت النهارده الصبح .. وبعدها شوفتك ونسيت كل حاجه .. لكن لو هتزعل خلاص .. انا مش هنزل مش مهم .. ولما توافق انا هانزل ..
محمد : ابتسم . عايزه تجيبيلها فون معين ..
نور : ابتسمت .. لا لسه مش عارفه ..
محمد : طيب تعالى .. انا هاخدك . على محل اسلام صاحبي ..
نور : اوكي بس اهم حاجه انت مش زعلان .؟
محمد : عمري مازعل منك يا نوري .. لكن متكررهاش تاني اوكي .. واوعي تخبي عليا حاجه . وكمان لازم اعرف خط سيرك .. مش مراقبه .لا. ده اهتمام وخوف وحب . ماشي يا حبيبتي .
نور : بسعاده. ورقه . حاضر يا محمد .
محمد : يا لهوي انا على محمد دى .
نور : هههههه . يلا بينا .
محمد : ثوانى . وراح . شال صوره نور . من على الحيطه . علشان لو حد دخل .. ولفها واخدها معاه..
. وفتح الباب .. واخد ايد نور في ايده . وخرجوا من المستشفى . بنفس طريقه الدخول . وركبت جمبه .. واخدها المحل .. ومحمد اختار فون وكان غالي . ودفع تمنه ..وقال .. نور انتى خلاص بقيتي على ذمتي .. ومسؤوله مني .. ومافيش مليم تصرفيه على نفسك من فلوس اي حد غيري انا فاهمه ..
نور : بسعاده . حاضر . فاهمه . لكن الفون غالي قوي يا محمد ..
محمد : حبيبتي .. انتي بتقدمي قيمتك .. وقيمتك اغلى من كده بكتير .. اتفضلي واخدت الفون وهي فرحانه . ومحمد وصل نور . لقلب الجامعه . وباس على ايديها . وودعها وهو خرج من الجامعه . واتحرك ومشي .. وكانوا الاتنين طايرين من الفرحه
—————-بقلمىMariem Nasar
مراد : وصل فريحه المزرعه .. وقاعد . في العربيه بينفخ بديق.. ومستنيها تخلص علشان يوصلها البيت .وهو ما يتاخرش على الاجتماع ..
مراد : الله يخرب بيت البهايم . بتعمل ايه كل ده جوه في الزريبه .. هتاخرني على اجتماع آدم . ولو اتأخرت هينفخني .. هو اصلا مش طايقني .. لما انزل اشوفها .. يمكن الاقي جاموسه بلعتها ولا حاجه ..
ونزل وراح عند فريحه .. الل كانت لابسه جوانتى وكمامه .. وخبطت على بطن الجاموسه . وبعدها ماسكه ديل الجاموسه .. وبتكشف تدريبي عليها .. وفريحه قافله مناخيرها بايدها التانيه ..
مراد : قرب منها وشاف شكلها كده .. وشم الريحه ما استحملش .. وقفل مناخيره هو كمان .. وخبط ايده على كتفها .. وهي لفت وشافته .. شاورتله بايدها ايوه يا مراد ..
مراد : مش خلاص ولا ايه .. وكنتي ماسكه ديل الجاموسه ليه .د ما تسيبي ديلها في حاله .. ولا عايزاها من غير ديل …
فريحه : هههههه . لا يا حبيبي انا بكشف تدريبي عليها …
مراد : بتكشفى .! بتكشفي ايه ان شاء الله ..
فريحه : هتتكلم … عوض دخل وفريحه شافته . .وقالتله .. عوض الجاموسه دي عايزه تعمل سونار . علشان شكلها كده حامل ..
مراد : بصوت مهموس .حامل وسونار.. هي الجاموسه بتعمل سونار .!!!
عوض : ايهي .. بتتكلمي جد يا دكطوره .. يا الف بركه .. يا الف نهار ابيض .. يا الف مبروك ..ياولاد.
مراد : بص ل عوض الفرحان . كأن الجاموسه مبتخلفش وهتخلف ..وبص ل فريحه وقالها هي الاخت ما كانتش بتخلف ولا ايه .. وخلفت بعد صبر فريحه : هههههههه لا يا حبيبي بتخلف . وشاورت وبنتها هي اللي هناك دي ..
مراد : بنتها .!!!! وبص ل عوض .. امال ايه يا عوض .. يا الف بركه . يا الف نهار مبروك . ويا الف نهار ابيض. اركب الحماره وزف الجاموسه في البلد يا عوض ..
عوض : ايهيييي .. هو اانى عبيط يا دكطور .. ازيفهى علشان تتحسد .. لا طبعا ااني . هاقول لصاحب المزرعه .. يجيب فرده شبشب .ابنه البيه الصغير .. ونعلقها في رقبتها ..
مراد : مش مستوعب . لكن فريحه هتموت ضحك .. مراد : ثواني . ثواني شبشب ايه . ورقبة مين .!!
عوض : رقبة الجاموسه . يا دكطور . وشبشب البيه الصغير ..
مراد : وايه العلاقه يا عوض .. والشبشب يبقى في رقبه الجاموسه ليه .!؟
عوض : ايهيي . علشان الجاموسه ماتتحسدش .. ودي اهم جاموسه عندينا في المزرعه .. دي ظاربا خمس بطون . ربنا يحرسها ..
مراد : مش فاهم .. ايه ظاربه دي كمان .
وفريحه هتموت من الضحك وماسكه بطنها على شكل مراد و عوض واللقاء الحاد بينهم..
عوض : ايه يا دكطور ايش حالك دكطور وفاهم ..
ظاربا . ظاربا يا دكطور..
مراد : حس انه دماغه مش شغاله . وحس بالغباء … دكطور . وظاربا ..! ظاربا ايه فهمني . ظاربا ازاي ..
اللي انا باسمعه ده ..
فريحه : هتموت من الضحك وخايفه تعلى صوتها علشان غيرة مراد بس ماسكه بطنها . هههههه
عوض : ظاربه يعني والده يا دكطور.. دي خامس بطن ليها ..
مراد : ظاربا يعني والده ..
عوض : ايوه . ظربت ٥ مرات وال٦ فى السكه.
مراد : ظربت . طيب يا عوض ليه مش بتقول والده. على طول .. ايه لازمتها ظاربا .واللخبطه دي.
عوض : لوغاتنا وانا بتفشخر بيها .. والجاموسه دي ظاربا خمس مرات .. والجاموسه عملت صوت جمب ودن مراد واتخض . عااااااا.
.وفريحه قلبها هيقف من كتر الضحك …
مراد : بصلها انا هطلع بره دقيقه .. وتكوني ورايا .
وبص ل عوض . الهي تطزرب في معاميعك . وسابها ومشي ..
فريحه : هههههههه هههههههه هههههههه اه مش قادره اه بطني … امسك يا عوض . الدفتر ده وتسلموا للدكتوره المشرفه . وتقولها على اللي قولتهولك .. وكملت الضحكه .. وخرجت ل مراد اللي بيمسح جزمته في الارض و قرفان .. وبيغسل ايده من ازازه ميا كانت موجوده في العربيه .. وبعدها رش برفان كتير ..
فريحه : قربت عليه وكتمه الضحكه . وخايفه تضحك مش عايزاه يتنرفز …احم ايه يا مراد …
مراد : انا عايز اعرف .. مستحمله ازاي الريحه اللي جوه دي .. وماسكه ديل الجاموسه كأنك ماسكه موبايل في ايدك ..انتي اصلا . ازاى مستحمله عوض ده ..
فريحه : ههههههههه اهدا يا حبيبي . اهدا والله مقادره ههههههههه اه يا قلبي … هههههههههههه
مراد : هههههههه الجاموسه ظاربا . وخمس مرات هههههههههههههه.
فريحه : هههههه هههههه يا دكطور .. بس . بس والله ما قادره بجد …
مراد : انا حبيت عوض ده .. لما نتجوز هاشتريلك جاموسه .. وهاجيب عوض يربيها . ولما الجاموسه تبقى حامل .. هنعملها سونار .وهخلي عوض ياخد الكوتش بتاعك ونحطه على رقبه الجاموسه . هههههههههههه
فريحه : هيهيهي خفه .
مراد : الله يخرب بيتك يا شيخه . ضيعتي ام اليوم في البهايم والقرف …
فريحه : ليه بس يا قلبي.. ما احنا كنا كويسين ..
مراد : بص حواليه وكانت الدنيا مكشوفه ارض . وسما.. فريحه .
فريحه : نعم يا حبيبي .
مراد : هو انا لو عايز ابوسك في المزرعه دي .. ابوسك فين .؟.
فريحه : اتكسفت ووشها بقى احمر وبصت في الارض . من الخجل . ومردتش .
مراد : وحياه امك مكسوفه .. بعد ماسكت ديل الجاموسه دي .. ما فيش حاجه اسمها مكسوفه .انتى تشتغلي في المدبح يا ماما ..
فريحه : الكسوف راح . واتغاظت والله .. طول عمرك سادد نفسي ..
مراد : انا برده اللي سادد نفسك .. امال الريحه اللي كنتي فيها جوه دي ايه .. ده انا كان جوايا تخيلات وكمية بوس بالهبل .. بس انتي والريحه . وكمان عوض سديتو نفسي .. ابوسك ازاي بعد ما شفتك ماسكه ديلها .. يلا يلا علشان . اروحك .و اطلع على الشركه . جاتكم القرف .. خروجه منحوسه ومنظوره ومضروبه .. لا وكمان مظروبه . ههههههههههه
فريحه : ههههههههههههههه
——————
نور : دخلت الجامعه وبتدور على نرمين ومش لاقياها . واخيرا ظهرت . وجت وقعدت مع نور .
نرمين : ازيك يا نور .
نور : الحمد لله . ايه يا بنتي كنتي فين !؟ انا بدور عليكي من بدري ..
نرمين : معلش كنت في الحمام . واتاخرت فيه .. بس يعني بتدوري عليا ليه في حاجه .
نور : ابتسمت . ابدا ياستي . عندي ليكى مفاجاتين
نرمين : خير يا نور . حمستيني قولي ..
نور : المفاجاه الاولى . وطلعت الشنطه اتفضلي دي هديه بمناسبه خطوبتي ..
نرمين : لاء .. بجد. اكيد ده الفون اللي قولتلي عليه صح ..
نور : ايوه صح . افتحيه وشوفيه وقوليلي رايك..
نرمين : بسرعه فتحت العلبه وشافت الفون. وشهقت.. الله .. ايه ده . الفون جميل قوي .. وشكله غالي قوي . قوى . يا نور .
نور : مافيش حاجه تغلى عليكي يا نرمين يا حبيبتي.. المهم تكون عجبك ..
نرمين : يا لهوي . عجبنى بس .. ده جامد قوي . شكرا يا نور شكرا بجد ..
نور : شافت .. علا معديه من قدامها .. نور اوف استغفر الله العظيم يا رب ..
نرمين : فهمت . وافتكرت . وشهقت ..
نور : اتخضت ايه يا نرمين مالك ..
نرمين : اسكتي يا نور .. لو تعرفي ايه اللي حصل هتزعلي ..
نور : خير يا نرمين في ايه . وايه اللي حصل .
نرمين : انتي عارفه . ان علا وماهي صحاب قوي ..
و بنات شمال كده .. انا بس بتعامل معاهم زماله مش اكتر . وانتي عارفه علاقتهم بزفت هشام ..
نور : اتنرفزت . ايوه يعني استفدت ايه انا .. ما انا عارفه علاقتهم المشبوهه ادفى اخر فتره ..ايه الجديد .. وانا قولتلك يانرمين . ابعدي عن البنات دي انتي ما بتسمعيش كلامي .. وعلى فكره لو فضلتي تتكلمي معاهم انا هبعد عنك ..
نرمين : اخص عليكي . يا نور هي صداقتي عندك سهله كده..
نور : لا طبعا . انتي عارفه انك صاحبتي الوحيده .. بس انك تصاحبي بنات بالوقاحه دي .. مش هاسمح بكده يا بنتي دول بيشربوا سجاير ..
نرمين : ماهو ده .. اللي كنت عايزه اقولهولك ..
نور : انهم بيشربوا سجاير . طيب ما الجامعه كلها عارفه..
نرمين : اسمعيني بس .. انا اول ما جيت الجامعه رحت على الحمام .. وما كانش فيه اي حد غيري ..وانا في الحمام . في بنات دخلت . و كانت بتتكلم .. بعدها اكتشفت انها . ماهي وعلا . وكانت علا متنرفزه قوي . وماهي بتسالها مالك؟ علا قالت في مصيبه يا ماهي مصيبه …
. انا كنت هطلع من الحمام . بس قلت استنى واسمع ايه المصيبه دي … واسمعى ياستى
ماهي : مصيبه ايه . ياهلا
علا : هشام … هشام ابوه كان بيدور عليه ومش لاقيه . ومن كام يوم هشام اتصل علي ابوه . وقاله انه في مستشفى حكومي . وما قدرش يتكلم بعد كده ..
ماهي : ياااااي . مستشفى حكومي ..
علا : اسمعي بس . هشام قال لابوه انه في المستشفى متبهدل . ومقدرش يكمل ولا افتكر المستشفى .. وواحد جمبه كلم ابوه واداله عنوان المستشفى .. وابوه راحله بعربيات و بودي جاردات..
ودخلوا علشان ياخدو هشام. واي حد يتعرض ولا يتكلم .. البودي جارد يضربوه . واخدو هشام على مستشفى كبيره .واكتشفوا ان عنده ضلعين مكسورين . وكتفه مكسور . ورجليه الاتنين محروقين . وماعرفش عنده عضله كده مش فاكره اسمها مكسوره . وسنانه متكسره . ونزيف في المخ بس مش قوي . ولما هشام فاق وافتكر هو مين . اتصل علي ابوه بالعافيه . وبعدها ينسي ويغمى عليه..
ما هي : يا خبر طيب وبعدين ..
علا : ابوه خرجوا من المستشفى وسفروا بره مصر.. حاليا .. وبعدها هيعرضو على دكتور نفساني .. لانه عنده نوبات فزع و هلع و خوف و اضطراب مستمر ..
ما هي : وانتي عرفتي كل ده منين يا علا ..
علا : عرفته من رامي صاحبه كنت معاه امبارح ..
ماهي : طيب وما يعرفوش مين عمل كده في هشام.
علا : بيقولوا ان هشام مش عارف يتكلم ..او خايف يتكلم .. والدكتور قال لابوه انه هياخد فتره كبيره في العلاج . والعمليه ويظبطو كل حاجه . وبعدها يعرفوا كل حاجه من هشام .. وابو راسه والف سيف.. انه اول ما يعرف ها ينتقم .. من كل اللي عمل فيه كده. وهيقتله.
ما هي : وبعدين يا علا .. كل ده هياخد وقت . احنا كده فعلا في مصيبه ..
علا : مش باقولك مصيبه يا ما هي ..
ما هي : طيب رامى . ميعرفش يتصرف ويجيبلنا ..
الكروت ..
علا : بصت حواليها وملقتش حد موجود . . وقالت لا طبعا . اذا كان رامي البودره اللي معاه . وعنده خلصت .. لان هشام هو اللي كان بيجيبلنا كل الكروت .. وانا ما بقاش عندي حوالي غير خمس كروت .. ومش عارفه بعد كده هاعمل ايه..
ماهي : وانا ما بقاش عندي غير ٣ ..طيب ما تيجي نقول لابو هشام ده .. احنا عارفين ان هو اللي بيوزع على الجامعات والحاجات دي .. من كلام هشام وهو سكران .. ما تيجي تقوله ويبعتلنا زي ماكان هشام بيعمل ..
علا : لالالا .. انا خايفه .. انا اللي اعرفه ان ابو هشام ده . قتال قوتله. قلبه ميت ..
ما هي : احنا في مصيبه يا علا ..
علا : انا مش عارفه هنعمل ايه ..!!؟
نرمين : وهما بيتكلموا . انا خوفت اعمل اي حركه علشان ما يعرفوش اني سمعتهم .. وبعد ما خرجوا انا جيت على هنا على طول ..
نور : بتسمع . وخوفها على محمد والعيله زاد اكتر وسرحت ..
نرمين : نور .. نووور انتي يا بنتي..
نور : ها . اا.ايه .
نرمين : ايه . ايه بس .. انتي مش معايا خالص..
نور : احم . لا معاكي . بس افتكرت مشوار مهم..
نرمين : مالك يا نور .. وشك اصفر كده ليه .. وكمان معلقتيش على كل الل قولته ..
نور : مافيش يا نرمين . انا هاقوم دلوقت وهاكلمك بعدين باي .. وسبتها ومشيت ..
نرمين : استني .. استني يوووه مشيت ..وما قالتليش على المفاجاه التانيه .. بس بجد الفون ده حكايه …
نور : خرجت من الجامعه . ومش عارفه تعمل ايه . وجسمها كله فيه رجفه .. وكل السعاده اللي كانت جواها اختفت..
————-بقلمى Mariem Nasar
رينو : طول اليوم سرحانه . ومركزتش في اى كلمه فى الفصل . ورودي تعبت معاها . لكن رينو متكلمتش .ومقالتش ل رودي مالها .. ومن خنقتها . استأذنت وروحت من نص اليوم . ونامت لكن صاحيه ودموعها على خدها . لانها حاسه بالوحده من غير فهد ….
————–
فهد : نايم على الكنبه . وفتح عينيه وكان نايم بهدومه من الفجر .. لانه لف بالعربيه كتير .. ورجع الفجر . وصاحي عنده صداع .. وحاول يقوم ولكن كان كسلان ..وقام بصعوبه .وقلع هدومه وهو ماشي . لحد ما دخل الحمام . واخد شاور علشان يفوق . وهو تحت الدش . فكر كتير في رينو . سرح في شقاوتها . وجمالها . وكل حركاتها . وشاف ضحكتها مع مالك ويوسف . وهزارها مع الكل .. وكمان لما قالت انها عايزه ترقص.. غمض عينيه لانه راسه هتنفجر من الصداع .. خلاص ما بقاش قادر يفكر اكتر من كده .. خلص الشاور . ولبس وخرج من الحمام .. وجاب برشامه مسكن واخدها ودخل يعمل قهوه . ورجع يفكر تاني .. ومن غيظه كسر الاطباق والحاجه اللي كانت موجوده قدامه . وبينهج ومتغاظ وحط يده على راسه .. وقال باااس كفايه مش عايز افكر فيها تاني
————-
نور : محتاره وهي مش عارفه تروح فين . وجت توقف تاكسي . خافت تركب تاكسي تاني من يوم الحادثه .. وحست انها هيغمى عليها .. وطلعت فونها واتصلت على محمد .. الل رد عليها .. ايوه يا محمد تعال خدني من الجامعه بسرعه يا محمد .. ومحمد مقفلش وساب الخط مفتوح معاها .. ونزل بسرعه مرعوب ويسالها مالك .. تقوله لما اشوفك .. وقالها تهدي خالص .. وهو راكب العربيه اهو وفي الطريق ..
وطول الطريق .. محمد قلقان . لان نور بتنهج كانها بتجري .. وساق بسرعه البرق . واخيرا وصل عندها وشاف. نور . سانده على عربيه مركونه . ومش قادره تقف .. ونزل جرى عليها . نور ماكنتش قادره تمشي .. ومحمد شالها . بين ايديه وركبها في العربيه.. واخدها على شقته .. ووصل تحت العماره وشالها وطلعها شقته فوق .. وفتح الباب بصعوبه ودخل ونزلها على كنبه الليفنج … ودخل بسرعه على المطبخ . وجبلها عصير . وحاول يهديها . وشربها وكان قاعد جمبها . وماسبهاش غير لما شربت كل العصير .. وبعدها مسحلها بقها بالمنديل .. ومسد على حجابها .. اهدي خالص فيه ايه يا نور.. انتي كنتي فرحانه . و كويسه . انا سايبك من ساعه بس في الجامعه .. ايه اللي حصل ..!؟
نور : مسكت ايد محمد .. محمد ..
محمد : سامعك يا حبيبتي . بس اهدي ..
نور : حطت راسها على صدر محمد ..
ومحمد : قلق على نور اكتر .. نور حبيبتي .. قولي فيكي ايه .. حصل ايه .. وايه اللى مخوفك ومضايقك كده .. قولي يا حبيبتي .. انا جمبك .. وفي ضهرك ديما …
نور : هشام
محمد : جسمه اتشنج . لانه افتكر كده ان هشام قدر يجيلها على الجامعه .. واستغرب . بس ازاى قدر يتحرك .
محمد : الكلب …
نور : لا لا . اسمعني . هشام ابوه عرف يوصله..
محمد : وايه يعني . ما انا عارف ان ابوه هيلاقيه.. احنا مكناش خاطفينه . علشان ابوه ميلقهوش .. بس يا ريت يكون اتربي ..
نور : محمد .انا خايفه . خايفه قوي ..
محمد : خايفه من هشام وابوه !؟ ولا يقدروا يعملوا حاجه ..
نور : اسمعني .. انا هحكيلك كل حاجه ..
محمد : سامعك يا نور. سامعك يا حبيبتي .. اهدي كده . وقولي كل حاجه انت عايزه تقوليها ..
نور : راسها على صدر محمد ورفعت راسها واتعدلت وقعدت قدام محمد .. وبدات تحكيله .. وحكيتله كل حاجه . بخوف وقلق وعيطت .وخايفه على محمد واهلها … محمد انا خايفه عليك .. وعلى اخواتي و بابي … بابي يا محمد .. لو حصله حاجه هاموت فيها . وانت واخواتي . انا هاموت يا محمد .. انا عمري ما خوفت كده ..
محمد : هو ده اللي قلقك ومخوفك كده ..
نور : بدهشه وهو كل اللي انا قلته ده . مايخوفش .. ان . ابوه شكله كده تاجر مخدرات كبير.. وكمان حلف انه هينتقم . ويقتل اي حد يقرب من ابنه ..
محمد : نور .. نور اهدى .يا روحي . اهدى احب اطمنك . ان هشام مش هيتكلم في اي حاجه .. او على الاقل دلوقت .. لان انا كنت عارف بضربه فين بالضبط .. هشام قدامه حوالي ٣ سنين واكتر . على ما يفوق من اللي حصله .. انا عملتله عاهات . في كل حته . وتمزق في الاربطه . ورجليه محروقه.. وكسرتله ضلعين . وكمان كسرتله عضله الترقوه . وعنده نزيف في المخ . وهيزيد من الحاله النفسيه والاضطرابات اللي عنده ..
ده غير الخوف والهلوسه اللي هيعانى منه .. نور هشام ارتكب اكبر غلطه في حياته .. لما افتكر انه بس يبصلك …
نور : بصت لمحمد . طيب . وافرض هشام فاق واتكلم ..
محمد : وايه المشكله . انت شايفاني ضعيف .. ولا عيلتك ضعيفه .. ما شاء الله .. احنا نسد عين الشمس .. والبلد مش سايبه .. لكن محمد عزيز . وآدم العدوي . وآل العدوي . والسيوفي . والصاوي . عندهم قانون لوحدهم .. واللي يقرب من بنات العيله او اي ملكيه خاصه .. يبقى هو الجاني على نفسه . وكتب نهايته بأيديه … وحضنها الله يسامحك خوفتيني عليكي على الفاضي .. ينفع كده .!
نور : محمد . مش قادره اطمن ..
محمد : شاف خوف نور الحقيقي ومش عارف يطمنها ازاي . هو مش خايف .. لكن خايف على نور.
محمد : عندي فكره..
نور : فكرة ايه ..
محمد : بصي احنا نجيب اسم ابو هشام ده . ونقول لطارق عليه مع شويه المعلومات عن المخدرات والكلام ده .. وساعتها يقبض عليه وبكده تكونى انتي اطمنتي ايه رايك ..
نور :يعني مش هيكون في خطر عليك ..
محمد : لا خالص .. خطر فين . هو ابو هشام ده يعرف حاجه .. انا اساسا مش قلقان .. بس انتي اللي قلقانه .. والموضوع تافه .. وممكن اصلا البنات دي تكون بتقول اى كلام وخلاص علشان يوصلولك الكلام وتعيشي في خوف . علشان الكلب ده اكيد كان معرفهم انه عايز يتقدملك . غيره بنات وكده.
نور : لا ما ظنش …انا مبتعاملش مع البنات دى .
محمد : خلاص يبقى نشوف اسم ابو هشام ده ..
نور : اسمه توفيق
———— بقلمى Mariem Nasar
سوزي : وبعدين يا توفيق هتعمل ايه ..وجت تقوم من حضنه .
توفيق : خليكى فى حضنى .. انا بعت هشام ابني بره مصر .. وهيتعالج .. لكن الدكتور قال علاجه هياخد وقت كبير .. بس لو اعرف .مين مش هرحمه
سوزي : رجعت فى لحضنه من تانى .. مش يمكن .. يا حبيبي .. اللي عملوا كده بلطجيه .. وكان غرضهم . السرقه ..
توفيق : لا . يا سوزي . لا . انا في الاول قولت كده لما قالولى في المستشفى ان ابنك لقيناه وماكنش معاه اي ورقه او اثبات شخصيه .. لكن واحنا بندور عليه . قبل ماعرف هو مختفى فين .. رحنا على بيته اللي على الطريق الزراعي .. وكانت عربيته موجوده وكل حاجه فيها يعني اللي سرق ده اكيد هيسرق العربيه او كل حاجه موجوده في العربيه .. مش الاوراق بس
سوزي : بتفكير . طيب مش يمكن هشام ساب العربيه قدام البيت .. وخرج والبلطجيه . دول طلعوا عليه وضربوه
توفيق : مش عارف يا سوزي .. مش عارف انا دماغي هتنفجر .. ابني انا هشام توفيق .. يبقى بالمنظر ده انتي لو شوفتي شكله ما تعرفهوش .. وكل اللي تعبني نوبه الخوف والهلع اللي هو فيها ..اه يا ناري بس لما يفوق ويقولي مين اللي عمل فيه كده .. ولو كانت بفعل فاعل ..وديني ما هرحمه
———-
محمد : توفيق ايه ..!
نور : ماعرفش .. انا بسمع البنات .. يقولو هشام توفيق . وبس .
محمد : اممم . خلاص يبقى نشوف الاسم الثلاثي…
وطارق يظبط الدنيا .. لكن مش عايزك تخافي من حاجه .. اوكى يا روحي..
نور : استريحت شويه ..
محمد : هااا استريحتي .. حاسه انك احسن دلوقتى..
نور : اتنهدت . ايوه استريحت وان شاء الله خير.
محمد : ان شاء الله …باقولك ايه ..
نور : نعم …
محمد : بما انك هنا في الشقه . تعالى افرجك على الشقه .. وشوفي ايه الحاجات اللي انتي عايزه تغيريها .. وبما انك جيتي . تبقى مصلحه..
نور : ضحكت . وقامت مع محمد .. الل حاول ينسيها خوفها ..
. محمد : جواه مشاعر ل نور . وكمان نور في شقته و ماشيه جمبه ومعاه . ومن اوضه . ل اوضه .. لكن حبس مشاعرو جواه . غصب عنه . لانه عاوزها كلها على بعضها .. ونور اتفرجت على الشقه ونسيت حوار هشام ده .. لان تركيزها كله .. في اختيار الالوان والديكورات .. وفتحه الانترنت . واختارو تصاميم .. وهي في وادي ومحمد في وادي تاني خالص .. وبدا ينهار مش قادر .. وحاسس انه هيضعف . لانه مركز على شفايف نور وهي بتتكلم ..
. وكمان عايزها تقلع الحجاب .. وحس انه ثانيه كمان هيقرب من نور . وقام مره واحده.. احم باقولك ايه .
نور : نعم …
محمد : انتي كده اختارتى . كل حاجه ..
نور : ايوه .. وبجد حاجات تحفه . يا ريت تتنفذ بدرجه الكفاءه اللي موجوده في الصور .د
محمد : مغمض عينيه و عد من واحد لعشره . علشان شفايف نور مجنناه . وكمان هي حلاله..
نور : مالك يا محمد .؟.
محمد : لا ابدا . بس صدقي نسيت . اتصل على آدم واقوله . انك موجوده معايا .. اكيد لو عرف . هايتدايق ..
نور : ياخبر صح ..وكمان دلوقتي مفكرين . اني في الجامعه . دلوقت وبصت فى الساعه ايه ده الساعه ٥ اتاخرت جدا .. كان زماني في البيت من بدري..وطلعت فونها . وشافت مريم اتصلت مرتين .
محمد : ماتقلقيش . طلع فونه .. وقالها يلا تعالي ننزل علشان اوصلك . وهاقول ل آدم انك موجوده معايا .. لكن مش في الشقه .. علشان مايتدايقش… انتي عارفاه .. مع انك مراتي لكن هيغير برده .. انا هاقوله اني جبتك من الجامعه . وبوصلك في الطريق. وانتى اتصلى على مريم طمنيها اوكي ..
نور : حاضر ..
مالك : راح الشركه وسلم على جاسر . واخد ساره وخرجوا في الميعاد. وعزمها على الغدا .. واخدها وقعدوا في المطعم ..
.وكانت ساره تعبانه شويه .. لانها امبارح طول الليل مانمتش .. وكمان محتاره.. لان سوزى الصبح طلبت منها .. انها تغري جاسر باي طريقه .. وتحاول تنجز في الموضوع .. وكمان قالتلها .. انها تمثل انها تعبانه قدام جاسر ..وتعمل انها ميغمى عليها .. ويشيلها وتبدا تغريه .. وده ضايق ساره جدا .مهما كانت حجم الثروه . بس ساره شافت .. إن امها مستعده ترخص بنتها علشان الانتقام.. وحاسه بصداع.. وما فطرتش .. وحست انها تايهه .. ومحتاجه ل مالك .. لكن هي قاعده قدام .. مالك محرجه كانها اول مره تتكلم معاه.
مالك : ساره . انتي كويسه ..
ساره : بتعب . واحراج ايوه انا كويسه. بس يعني محرجه علشان .. اول مره نخرج مع بعض. وكده
مالك : لا انا عايزك تاخدي راحتك . وانا مش غريب يا ساره ..
ساره : هزت راسها مع شبح ابتسامه.. والغدا جه واتغدوا مع بعض ..
مالك : بدا يتكلم .. احم تعرفي يا ساره .. بابا بيقولي انه . كل ما بيشوفك . يحس انك مالوفه بالنسباله..
ساره : كحت . وشرقت .. ومالك خاف عليها .. وجابلها الميه .بسرعه . اشربي .اشربي ..
ساره : شربت .. وبعد شويه …اسفه بس شرقت غصب عني ..
مالك : بتتاسفي . على ايه . هي حاجه بايدك .. المهم .. انتي كويسه يا ساره ..
ساره : الحمد لله ..
مالك : قلبى كان هيقف .. احم .طيب الحمد لله.
ساره : شافت انها فرصه مناسبه . تتكلم يمكن تعرف اي خيط يوصلها للطريق الغامض اللي هي فيه ..احم قولي يا مالك ..
مالك : اتفضلي …
ساره : انا ملاحظه كده ان باباك . هو اللي بيدير الشركه لوحده . وانت ساعات تروحله .. وان الل بيزروه . كلهم صحابه.. يعني ما لكوش قرايب ..
مالك : ده انتي مركزه بقى مع بابا قوي …
ساره : اتوترت .. انا مركزه في شغلي وبس . لكن ده لفت نظري مش اكتر. ..
مالك : انا بهزر يا ساره . ويا ستي فعلا كلهم اصدقاؤه . عمو آدم . اخو ماما . و عمو طارق . وعمو اشرف . جوز عمتى هنا . وعمو حسام . دول كلهم اصدقاء بابا ..
ساره : غريبه .! يعني مالكش قرايب خالص ..
مالك : لا كان لينا . جدي حسين الله يرحمه .. واخوه جدي صلاح برده الله يرحمه ..وجدو صلاح ده خلف ولد كان اسمه عاصم .. بصي لو قولتلك عاصم ده كان شيطان . يبقى انا كده بظلم الشيطان ..
ساره : اتدايقت جدا . من وصف مالك لابوها بالشيطان . وكانت عايزه تزعقله .. واتخنقت لكن كتمت غيظها .. وكملت يااه . قد كده كان وحش.
مالك : وحش بس . انا سمعت عنه بلاوي الله يرحمه بقى .. ما يجوزش عليه غير الرحمه ..
ساره : بغيظ مكبت .. انت شوقتني بصراحه يا مالك . اعرف اللي اسمه عاصم ده عمل معاكم ايه.
مالك : ساره انا عازمك النهارده علشان حاجه مهمه .
وبعدين عاصم ده ماأذانيش معايا انا هو أذى جدي وبابا وعمتى . . انا ماكنتش لسه اتولدت..
ساره : مش عايزه تكشف نفسها . لكن فوضلها بيزيد .. ساره : احم . اوكي شكلك مش عايز تحكيلي ممكن انا ماكونش كاتمة اسرارك . خلاص براحتك .واسفه لتطفلى.
مالك : شايف ان ساره زعلت .. انتى يا ساره مش كاتمة اسرارى . انا باحكيلك يومي بالتفصيل . وعموما يا ستي . حكايه عاصم الصاوي دي . مش سر ولا حاجه .. لكن حكايه قديمه من 22 سنه . وخايف احكيهالك تخافي مني ..
ساره : اخاف منك . ليه .!؟
مالك : يعني لو قولتلك . مثلا ان عاصم . ده قاتل و كان هيبقى مغتصب . والحوارات دي ممكن تخافي.
ساره : اغتصاب .!!اغتصاب ازاي .
مالك : هههههه وهو قتل عادي كده . واغتصاب دي اللي صعبه بالنسبالك ..
ساره : استغربت . لان سوزى وابتسام . مقالوش ليها حاجه عن الاغتصاب ده … احم . لا بس انا استغربت مش اكتر .. اكيد عمك ده كان كبير .. يعني وانه يغتصب ..!؟ هوكان سنه كبير ولا صغير يامالك .!؟
مالك : بابا قالى انه كان عندو 37 سنه .. بصي هي حكايه معقده ..هقولك الل فهمته . يعني عاصم ده .! كانت امه اسمها
ابتسام .. وابتسام دي اتجوزت جدي صلاح الله يرحمه .. وبعدها كانت دايما تحاول توقعه مع جدي حسين الصاوي الله يرحمه.. لا ن جدي حسين . كان غني ورجل اعمال. وصلاح كان شغال محاسب مع اخوه حسين .وهي عيزا الثروه .. وابتسام بعدها خلفت عاصم .. وربته وزرعت فيه الشر .. ولما وصل 18 سنه .. هي ما استحملتش انها تكون ما يكونش جوزها رجل اعمال .. قتلت صلاح الصاوي .. وبعدها بخطه خبيثه منها . بعتت عاصم ده .. عند جدي حسين .. علشان يتربى وسط بابا جاسر و عمتي هنا .. وكبر فعلا معاهم .وجدي حسين عامله زي ابنه بالظبط وكان بيحبه جدا . وعاصم كبر وفهم كل حاجه في الشركه .. وعرف كل اسرار حسين الصاوي .. وجدى حسين من حبه لعاصم اشتري شقه فخمه جدا لعاصم .. علشان يتجوز فيها والحد 37 سنه كان عايش معاهم .. وبعد كدا. جدي حسين في واحد بيتصل عليه دايما . وبيهددوا .. ان في مخدرات و اطعمه فاسده هتتحط وسط الشحنات بتاعته .. لو ما سمعش الكلام وكان المتصل ده بيغير صوته .. وفضل يزاول جدي حوالي شهر .. ولما جدى حسين حس بالخطر . وزع الورث بتاعه. بالنص .. نصف لبابا ونص لعمتي هنا .. جه عاصم .لما عرف بالورث قرب من عمتي هنا .. وحاول ياخد منها معلومات . واوهمها بالحب . ومثل عليها انه هيتجوزها .. وعمتي هنا صدقته .. لانها كانت 20 سنه .. وعاصم ده كان بيمثل الاخلاق والفضيله… وبعدها جدى حسين .. حس ان الخطر بيزيد .. واتفق مع الشرطه .. وراقبوا الفيلا كويس والمتصل في يوم حدد ميعاد في مكان.. يقابل جدي حسين . علشان يقوله على الطلبات . وعايزين منه ايه بالضبط ..وبعدها حدد المكان والزمان .. وعاصم عرف من هنا كل حاجه .. وعاصم ده كان المتصل… ولم عرف من عمتي هنا ..ان جدي حسين ..متفق مع الشرطه.. غير الميعاد وقبله قبلها بيوم وكان الصبح.. مش بالليل ..زي ما اتفق معاه .. وجدي طبعا اكيد اتصدم لما شاف اللي بيهدد حياته ده .. ابن اخوه وبيعتبرو ابنه الكبير . عاصم . ساوم جدي انه يمضي على كل الاملاك بتنازل . ولما جدي رفض قتلوا بحقنه سم ف رقبته …
ساره : طبعا بتسمع .. ومصدومه ومش عارفه تصدق مين . ومذهوله . وحاسه انها ضايعه..وحست بدوخه.
مالك : وعاصم . بعد ماقتل جدى . بعد عن عمتي هنا. وقرب من بابا . وحاول يخليه يثق فيه
علشان يمضيه … في الفتره دي كان عمي آدم اللي هو صاحب بابا حاليا واخو ماما كان رائد في الشرطه. وهو الل كان ماسك القضيه. وبدا يبحث في القضيه دي .. ومسك اول خيط اللي هي عمته هنا.. وحكيتله كل حاجه ..وبعدها آدم . شك في عاصم على طول .. في الوقت ده كان بابا اتعرف على ماما.
وكانت موجود عنده في المكتب في يوم ..وجه اللواء طارق .. صاحب بابا برده . وكانت رتبته رائد .. وحظر بابا . من انه يمضي على اي حاجه تخص عاصم ..واي ورقه.. لكن بابا ما صدقش حاجه من الكلام ده… وان عاصم اخوه الكبير ..ومش معقول يعمل كده… وبعدها بكام يوم …عاصم جاب ملف ل بابا وكان لسه هيمضي .. ودخلت ماما وشافت بابا وعاصم .. وبابا هو لسه كان هيمضي وعملت نفسها دايخه . وعاصم خرج يجيب لها ميا .. وهي قامت وفتحت الاوراق .. وبابا مصدقهاش وقالها مش هتلاقي حاجه .. لكن اتصدم لما ماما جابتله الملف.. وشاف اوراق التنازل .. وعرف عاصم على حقيقته..
لكن بابا ما اتكلمش علشان كان خايف على عمته هنا.. وغير كده هو كان بيحب عاصم . وبردو عمو آدم نبه عليه ان محدش يعرف عاصم انهم شاكين فيه .. وفي الفتره دي عاصم كان مفكر وهو بيقتل حسين بالسم ما فيش دليل .. لكن كان في واحد موجود وصوره فيديو.. مع الاعتراف ان ابتسام امه قتلت اخو صلاح ..ولما الراجل اتصل على عاصم علشان يطلب منه فلوس قصاد الدليل . عاصم قتله و خطف ابنه ورماه بعد ما قتل ابوه .. وبعدها ابنه حب ينتقم لكن فشل.. وكان هيقتلوا الولد الصغير .. ولما آدم عرف .. قاله يسيب الولد ..عاصم تخيلي الحيوان قاله ايه …
ساره : مصدومه وعيونها مليانه بالدموع . لان نص ال بتسمعه عكس الل اتحكالها . لكن ردت بصعوبه..ا.ا. ايه ..
مالك : قاله تسيبلي مراتك اسيب الولد ده .. وعاصم اعترف للرائد آدم .بكل حاجه في التليفون . وكل حاجه عملها وانه كان هيخطف. ماما وكمان عمتي هنا علشان زي ما قلتلك وانت استغربتي . كان عايز يغتصبهم . وساعتها آدم ما استحملش . وعاصم كان هيقتل الولد خلاص .. لو ادم مطلقتش مراته .. ولكن آدم اتصرف وبعت صاحبه انتي ما تعرفيهوش . اسمه عمو بيتر صديق قديم ليه ولحد دلوقت . وجه انقذ الموقف .واخد الولد بس كان متكسر و متعور واخدوه . على المستشفى .. اما عاصم اخدوا على مخزن . وضربوه وعذبوه . وآدم . انتقم ل مراته واخته وكمان مرات عمى طارق . وامي . وصفاله عين واحده .. وبعدها اتعالج .واخدوا على السجن واعترف بكل جرايمه ..واعترف على والدته .. وكان معاه بنت كده استغفر الله العظيم .ماشي معاها في الحرام ..واعترف عليها .. عاصم اخد اعدام . وابتسام مؤبد والبنت دي 15 سنه ..وقالو ان ابتسام دي اتجننت ..
.وبكده يا ستي عيلتنا محدوده . جاسر الصاوي وهنا الصاوي . لكن اصل العيله من الصعيد لكن من بعيد ..
.هي دي كل الحكايه ..
ساره : حست انها فى دوامه . سمعت من سوزى . ومن مالك . وكل واحد يقول عكس التانى . لكن حقايق مالك فيهااسرار جديده .وعنيها مليانه بالدموع ..و غصب عنها دمعه نزلت .. لانها محتاره طيب الصح فين ..والغلط فين .. مين صح ومين غلط .. اصدق مين ..واكدب مين ..الحقيقه فين ..ماما حكيتلي نص .. اللي مالك حكاه .. ما حكتليش كل ده ..
مالك : ساره …ساره .. يا ساااره ..
ساره : هم . ايوه . يا مالك . اسفه . مانتبهتش .
ما لك : لما شاف دموعها . ادايق .. انتي بتعيطي ليه.
ساره : مسحت دموعها . لا ابدا اتأثرت شويه ..
مالك : قلتلك بلاش .. هي اصلا حكايه مش حلوه.. وماضي مش حلو ..
ساره : احم . طيب مراة عاصم دي كانت فين ..
مالك : مراته .!! هو انا قلتلك انه متجوز اصلا …
ساره : بلعت ريقها . ها . لا..ب.. بس .يعني .يعني.. قصدي .انك قولت عنده 37 سنه ..وجدك اشترى ليه شقه ..علشان يتجوز فيها .. اكيد يعني كان متجوز.. وممكن يكون خلف كمان ..
مالك : لا .. ابدا . ولا متجوز ولا مخلف .. والحمد لله هو الشيطان ده لو كان اتجوز . اكيد كان هيخلف شيطان صغير .. يلا اهو ريح واستريح …
ساره : غمضت عينيها ..وحست انها تايهه بجد …
مالك : الله .. ما لك يا ساره كده انتي هتقلقيني عليكي ليه .!؟
ساره : مفيش يمالك صدقني .. انا بس اتأثرت . ان يكون في ظلم كده .. وان الفلوس دمرت العيله ..
مالك : طبعا يا ساره.. الفلوس . دي ساعات بتكون نقمه على صاحبها … تعرفي ان عاصم ده.. هو اللي كان داير شركه جدي ..وكان مرتبه عالى و كويس قوي …وبابا مكانش مهتم بالشركه … حياته كلها كانت سفار ي ..
ساره : بدهشه . لكن .جواها سؤال محيرها ..ازاي عاصم ماكانش متجوز ..وقالت بحزن . اعذرني لتطفلي يعني يا مالك .. انت قولت . ان عاصم ده كان في ناس مشتركه معاه في الجريمه . اي اللي هما ابتسام والدته .. وبنت تانيه . مش يمكن دي تكون مراته ..
مالك : لا انا . وبابا وماما حكولي كل حاجه بعد محايلات طويله ..وبالصدفه كمان . ما كانوش عايزين يحكولنا حاجه ..والبنت دي كانت سكرتيره بابا في الشركه .. بعد ما استلم مكان جدي حسين . بعد مااتقتل .. وسوزي دي كانت شيطان .. مشيها مش بطال …
ساره : بصدمه . بصوت مسموع .. سوزي ..
مالك : ايوه كان اسمها سوزي .. ودي اللي كانت بتقول ل عاصم على كل حاجه وكانت بنت استغفر الله العظيم .. مش كويسه جدا …
ساره : الدنيا لفت بيها ..ومش عارفه تعمل ايه وقلبها بيقول .. سوزي .. سوزي امى .. ومش مصدقه .
مالك : شاف . ساره عينيها بتغمض وبتفتح بتعب..
و دموع نازله ..ساره ..ساره مالك يا ساره..
وقام : بسرعه .وراح قاعد على ركبه قدامها .. مالك يا ساره ..
ساره : بصت ل مالك وغمضت عينيها ..وراسها مالت علي كتفه واغمى عليها ..
مالك : ساااااره ——–
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشقتها منذ نعومة أظافرها)
لقراءة الجزء الأول من الرواية اضغط على (رواية جريمة عشق)
