رواية عشقتها منذ نعومة أظافرها الفصل الحادي عشر 11 بقلم مريم نصار
رواية عشقتها منذ نعومة أظافرها البارت الحادي عشر
رواية عشقتها منذ نعومة أظافرها الجزء الحادي عشر
رواية عشقتها منذ نعومة أظافرها الحلقة الحادية عشر
جاسر وملك ومالك بيجهزوا للحفله في الجنينه وعايزين كل حاجه . على اتم الاستعداد ..وبعد شويه
جاسر : حبيبتي كله كده تمام .!؟
ملك : تمام قوي قوي يا حبيبي بجد انا مبسوطه.
جاسر : حبيبتي وده اللي انا عايزه انك تكوني مبسوطه .
ملك : حبيبي ربنا ما يحرمنيش منك .
جاسر : ولا يحرمني منك .. انا هطلع دلوقت هاخد شاور واغير هدومي
ملك : اوكي يا حبيبي . وانا هادخل اجهز العصاير مع داده سنيه .. تكون انت خلصت . وانا هطلع بعد منك اخد شاور و اجهز نفسي ..
..جاسر اتحرك وطالع على اوضته . لكن هو ما شافش مليكه من اخر مره ضربها بالقلم .جاب فونها. ووقف قدام اوضتها .. واتنهد … خبط عليها ودخل وقال مليكه..
مليكه .كانت قاعده على السرير فاتحه اللاب ..
جاسر : مليكه ..
مليكه : شافت باباها داخل .. ونده عليها لكن مردتش عليه ..
جاسر : راح وقعد جمبها على السرير.. ماليكه ..
مليكه : بديق .. افندم ..؟؟
جاسر : مجهزتيش نفسك ليه .!؟
مليكه : قامت من مكانها .. واجهز نفسي ليه .؟؟
جاسر : تجهزي نفسك ليه ..!؟ علشان الحفله يا حبيبتي . وبعدين العيله كلها هتتجمع .. ولازم تكوني موجوده معاهم ..
ماليكه . حبيبتك .. والله … انا مش حبيبه حد يابابي .
جاسر : شاف انها لسه زعلانه .. وراح وقف قدامها ..
. انتي مش حبيبت حد يا مليكه .. هو انا عندي كام بنت .. علشان ما تكونيش انتي حبيبتي …
.. مليكه .. انا عارف انك زعلانه منى …. وانا كمان زعلان من نفسى .. لاني مديت ايدي عليكي .. لانها اول مره اعملها .. لكن يا مليكه صدقيني .. انا ماعملتش كده من فراغ … يا بنتي انا عايزك تقعدي مع نفسك … وتفكري شوفي تصرفاتك … اعملي مقارنه بينك وبين اي بنت تانيه … واي بنت من بنات العيله … حبيبتي مفيش حد غيرك بيتصرف كده ..
. ما فيش بنت بتسهر بره بيتها كده … وكمان يامليكه ايه اللي جرالك … لبسك..!! ايه اللبس اللي انتي كنتي لابساه ده ..!؟ انا لما شوفتك باللبس ده .. قولت دي اكيد مش مليكه بنتي اللي انا مربيها …
. وكمان انا من زمان بحاول اغير فيكي صفاتك …. لانها بتزعل الكل منك .. انا عايزك الاحسن دايما يابنتي .. وتقوليلي مش حبيبة حد .!!!
مليكه : اسلوبي وتصرفاتي عاديه جدا . انتم بس اللي حابسين نفسكم .. انا بستغرب انكو تكونو اغنيه كده .. ومش عايشين حياتكو .. حياتكو روتينيه ..
. وممله ومافيهاش جديد .. فين السهرات والخروجات .. انت مفكر إن دي عيشه اللي انتو عايشينها دي .. وكمان مسمى انك عازم عيلتك على الغدا إن دي حفله .. في نظري دي عزومه عاديه جدا… وكمان انت عازم ناس .. انا مابحبش اغلبها …
.. تفكيرهم قديم .. تقاليد واصول وحاجات انا مابحبهاش .. وكمان مش من مستوايا انى انا اقعد معاهم وخصوصا …… وسكتت
جاسر : كملي .. خصوصا مريم حسام صح . وبعدها ريتال … وبعدها لارين ونور وفريحه .. انا عايز اعرف مالهم … دول بنات اي حد يتمنى يكون عندهم بنات زيهم .. انت ليه شايفه انهم آاقل منك …
. مع انهم زيك في المستوى الاجتماعي ويمكن اكتر بكتير كمان .. انا رجل اعمال عادي وبسيط .. انما بسم الله ما شاء الله .. خالك آدم وصل للقمه في وقت قصير جدا وأثبت نفسه وكمان ولاده يشرفو اى حد . مراد هيتخرج السنادى وهيبقى ظابط ف المخابرات .. وكمان زين . ف كلية االاسن .. كلها سنتين ويبقى مترجم للوفود ف شركة والده .وكمان العلاقات العامه وهيمسك مكان ابوه ف المستقبل… وبنته نور . كلها سنتين تلاته . وتتخرج وديما الاولى ع الدفعه . وهتبقى جراحه ممتازه ..
ولارين مشاء الله عليها . ثانوى علم علوم . وليها مستقبل ..
واللواء طارق … حاجه تشرف. وكمان شغال ف البيزنس مع خالك آدم . ابنه فهد هيبقى بردو ظابط ف المخابرات .. وفارس ابنه مشاء الله كلها ٣سنين وبكفأته هيتعين وهيبقى سفير … وفريحه . ف طب وكلها بردو كام سنه وتبقى دكتوره وهتكمل رسالتها وهتوصل لأعلى الشهادات …وكمان عمك حسام راجل متواضع وجميل وميسور الحال وبنته محترمه جدا .. وف كلية صيدلة وكلها سنتين وتبقى دكتورة صيدله قد الدنيا . وأبوها عامل حسابه وبيجهز ليها واحده واحده صيدليه وكمان فلوس الصيدلية زياد محوشها لأخته .. وعايشين في سعاده . وزياد . الل مستقبله مستنيه قدامه ..
وجوز عمتك … اشرف . مشاء الله رجل اعمال وناجح زيي ف مجاله . وابنه يوسف مشاء هيخلص ويبقى مهندس يشرف اى حد . وريتال الخجوله المحترمه . هتخلص دراستها وهتبقى نفس مجال .. زين ابن عمك آدم … كل دول وتقولى مش من مستواكى . انتى تجاره انجليش ياماليكه .. فوقى
واتصدم من بنته .. يا بنتي حاولي تشوفي الامور بقلبك مش بعقلك … حرام عليكي امك اللي شالت الهم بسببك .. وكمان انا مش مرتاح من تصرفاتك دي … قومي بقى ومش وقت انتقادات ..
مليكه : لو سمحت يا بابي كل الل قولته ده مش موضوعنا… على العموم انا تعبانه وعايزه انام … وحفله مش هتحضر ….
جاسر : بغضب ظاهر .. هاتحضري يا مليكه .. ورجلك فوق رقبتك .. لان الذوق مش نافع معاكي..
مليكه : لسه هتتكلم …
جاسر : شاورلها .. قسما بالله يا مليكه .. لو ماجهزتى نفسك ولبستى .. وتنزلي تقابلي الناس اللي على وصول .. لا يكون ليا تصرف معاكى .. ومش هيعجبك ابدا فاهمه … ورمالها فونها ع السرير . وسابها ومشي ….
مليكه : واقفه متدايقه .. ولعنت العيله كلها ف سرها … وراحت على الدولاب علشان تلبس وتجهز نفسها … لكن أقسمت انها لازم تزلهم كلهم ..
———بقلمى Mariem Nasar
محمد : اتصل على مالك .. واتكلموا مع بعض شويه .. ومالك سأل محمد هيتاخر .!؟ محمد قاله انه هيروح مشوار الاول . وهيطلع على المستشفى .. ويطلع من المستشفى على عندهم على طول …محمد قفل مع مالك واتصل على نور….
نور : بتلبس الطقم اللي محمد جابه ليها عن طريق رينو … و كانت فرحانه جدا .. لانها لحظت ان محمد عارف كل حاجه عنها .. وكمان الالوان اللي بتحبها .. .وهي بتلبس فونها .رن . وراحت تشوف مين . وكان المتصل محمد … نور ابتسمت وردت على طول …
نور : الو ….
محمد : الو .. نورى . عامله ايه ..
نور : بحب الحمد لله كويسه .. انت عامل ايه .
محمد : انا عامل فرحان . ومبسوط . واسعد واحد في العالم .
نور : ابتسمت يا رب ديما مبسوط … احم ..متشكره على الطقم الجميل ده بجد حاجه وهم ..
محمد : عجبك ..
نور : عجبني … عجبنى اوووي … بجد اتفاجئت .. انا كنت قاعده مع مامي وبابي .. وروينو جت وشوشتني في ودني انها عايزاني ضرورى … وقومت معاها .. وجابتلي الطقم .. وقالت .. ابيه محمد جابلك ده مع السواق بتاع باباه .. واتصل عليا .. اطلع اجيبه من غير ما حد يشوفني … وبجد فرحت قوي قوي
محمد : وانا كل الل انا عايزه . انك تفرحي قوي قوي.. وهو انا عندي كام نور في الدنيا كلها ..
نور : اتحرجت ميرسي يا محمد ..
محمد : احلى محمد والله. .
نور : ضحكت .. انت صوتك في العربيه رايح ع الحفله
محمد : لا يا حبيبتي ورايا مشوار كده لحد المستشفى … همر على المرضى و اظبط شويه حاجات كده … وهطلع من المستشفى على الحفله على طول
نور : بحب ورقه . هتتاخر يامحمد
محمد : قلبه دق هااا …
نور : ابتسمت .. احم .. هتتاخر ..
محمد : عمري … عمري .. ما اتاخر عليكي يا نور
نور : ابتسمت .. واتكسفت .. وسكتت
محمد : حس انها مكسوفه .. طيب يا روحي انا هقفل دلوقتي .. وانتي شوفي هتعملي ايه .. وخلي بالك من نفسك ..
نور : وانت كمان .. خلي بالك من نفسك ..
محمد : نور…
نور : نعم
محمد : بحبك
————-بقلمى Mariem Nasar
طارق لبس وجهز نفسه … وقاعد بغيظ مكبت مستنى رنا تخلص …
وكمان فارس .. وفهد اللي مستعجل .. علشان يشوف لارين ….
رنا : بتلبس . وكمان فريحه … طارق قاعد يعد الوقت على الساعه … ومش عايز يتكلم علشان رنا ماتزعلش
فهد : راح خبط على مامته … ماما خلصتي ولا لسه
رنا : ثواني يا حبيبي خمس دقايق واكون جاهزه
فهد : بديق خمس دقايق ايه يا ماما انتي بقالك ساعه بتلبسي … ارجوكي انجزي بقى ..
طارق : فتح الباب .. انجزي … حد يقول لامه انجزي..
فهد : بابا .!! احم انا قصدي يعني تلبس بسرعه علشان ما نتاخرش اكتر من كده
طارق : قرب على ودنه انجزي … انت تقولها اخلصي .. علشان انا قاعد بقالي ساعه مستنيها …وخايف اتكلم تبلعني ..
رنا : بتقول حاجه يا طارق
طارق : احم ا.اابدا ياحبيبتي انا بزعق ل فهد علشان ب يستعجلك .. بقوله سيب امك براحتها
فهد : هههههه بحب سيطرتك يا بابا .
طارق : لا انا ما اقولكش … انا في الشده شديد … وفي القوه قوي . هههههه .
فهد : ههههههههه … وزعق ما تخلصي بقى يا ماما
رنا : حاضر ..حاضر اهو خارجه .. ايه متصربعين على ايه ..
طارق : انا عارف عمال اقوله براحتها … براحتها وهو اللي مستعجل
فهد : صادق ياحج … ومستعجل ع ايه !!!؟
خالو أشرف اتصل … وقال انهم رايحين على فيلا الصاوي . مع جدو مصطفى ونانا شيرين … وكمان عمو حسام وكلهم رايحين في الطريق … واحنا لسه في البيت …
رنا : غمزتله طيب …ولارين فين …
فهد : ها .!!! لارين .. وانا هعرف منين … اكيد هما كمان في الطريق …
فريحه : جت من وراهم .. لا لسه ما اتحركوش من البيت ..
رنا : مراد اللي قالك .!؟
فريحه : ايوه يا مامي .. مراد كلمني وقالي انه لسه بيلبس .. وكمان نور . ورينو . وزين . لكن بقى عمو آدم وطنط مريم مش عارفه ما ساألتش بصراحه .
طارق : لا يا حبيبتي .. آدم ومراته .. لازم يوصلوا اخر ناس .. اموت واعرف بيتاخروا في ايه .. والواد آدم ده بيعمل ايه ..
رنا : هههههه وانت مدايق ليه يا حبيبي ..
طارق : وهتدايق ليه يا روحي … حبيبتي وعمري كله جمبي . هعوز ايه تانى
رنا : حبيبي انا ياناس .. ربنا يخليك ليا يارب .
طارق : هييح حبيبتي انتي . اموواه ع الهوا
فهد : بغيظ ما تيلا بقى يا جماعه
———بقلمى Mariem Nasar
مراد : نزل .. وكمان زين جهز ونزل … كمان رينو لبست ونزلت بعد ما اتصلت واتطمنت ع رودي .. وأنها خرجت من المستشفى بالسلامه..و بعدها نور … وكلهم قاعدين في الليفنج ..
مراد . الله الله. ايه القمر ده انتى وهي . وايه الحلاوه .دى . بت يانور هاتنورى ايه اكتر من كده
نور . بجد يامراد . انا طالعه حلوه .
مراد بص ل زين . الحق. اختك نور بتقول هي طالعه حلوه ..
زين : حلوه بس . مشاء الله عليكي يا نور . زى القمر. والفستان. تحفه بجد عليكى . قمر . قمر
نور : ميرسي بجد . وانتو تهبلو .. بجد عسلات اوى
رينو : استغفر الله العظيم يارب . يعنى ايه يعنى . انا مش باينه للدرجه دى . خيال . هوا
مراد . بغمزه . وهو ف خيال بيسحر كدا . دانتى عسل يابت . موزة المزاميز
زين . سيبك من المعاكسة بتاعة الواد ده .معاكسته بيئه. انتى بجد قمر يارينو . والله زى البدر مشاء الله . وكمان الطقم هياكل منك حته
رينو : ايوه كدا . مبتجوش غير بالعين الحمرا . وأبيه مراد انا بحب كلامه اوى ..
زين : اشبعى بيه . انا غلطان . بت رخمه . فكرتك كيوت .
مراد : كيوت هههههههه .اديك بالشلوت هههههه وضحكو …
زين : اووف انا مش عارف بيعملوا ايه كل ده …
مراد : دول لو بيلبسوا . كل اللي في الدولاب .. كان زمانهم خلصو ..
نور : الساعه ١ وكلهم في طريقهم على هناك ..
مراد : طارق ورنا .. الل كنت باقول عليهم هيوصلوا متاخر .. خرجوا حالا من الفيلا وفي الطريق ورايحين عند جاسر ..
رينو : مستعجلين على ايه .. وقامت بتقلد مليكه …. ايه ده .. ايه ده … داده سنيه . لما تحطي العصير قدامي حطيه بطريقه متحضره . هههههههههه
وداده سنيه . قالتلها يووه يابنتي ما انا حطيت الكوبايه اهي احطها ب متحضره دى ازاي يعني …
مليكه : يااااى . بنتك .. انا بنتك .. اوووف روحي روحي يلا ….
…ولفت ل نور .. وبتقلد مليكه اكتر .. وانتي يا مريم جبتي الطقم اللي عليكي ده منين … اكيد طنط مريم مساعداكى فيه ….. بت رخمه وقليلة الذوق …. كلهم ضحكوا …
زين : عارفه لو ماما سمعتك وانتي بتتريقي على حد.
رينو : عارفه . عارفه . حرام وعيب . بس اللي هي بتعمله مع مريم ده .. وزياد كمان .. مش عيب وحرام . انا اصلا حابه الحفله .. لكن كل ما افتكر مليكه دي وتصرفاتها .. ماببقاش عايزه اعدي من جمب بيتهم اصلا …بت حيزبونه بصحيح .. عارفين . دى كانت عيزا رودي صحبتى كانت هرتها مقالب ..
وكلهم بيضحكو عليها …
زين : مراد ما تيجي نسبقهم احنا …
مراد : ابدا . لازم اشوف مريومه الاول .
زين : لاااااا .. ابوس ايدك بلاش رخامتك دى انهردا .
مراد. لاا . ازاى ….لازم اخلي ابوك كرات الدم البيضه عنده تركن على جمب .. وكرات الدم الحمرا تاخد في وشها .. هههههههه
وكلهم ضحكو ورينو انت فظيع يا ابيه مراد .. بس خايفه عليك من بابي …
مراد : ومين سمعك يا رينو يا حبيبتي . آدم العدوى خلاص اقسم انه ينتقم .. وبما أنه انتقام ب انتقام بقى .. يبقى عليا وعلى اعدائي .. نعمل اللي علينا وبضمير كمان …
نور : والله تستاهل اي حاجه بابي يعملها فيك .. انت مش عاتق يابني على طول تعاكس مامي قدامه .. مراد : شوفو مين اللي بيتكلم … والله يا جدعان …
.يا بنتي ده انتي اكتر واحده كوشتى علي ابوكي .. ده انتي . الله يكون في عونه اللي هتتجوزيه . لو حد جه وعكسو ولا يبصله هتاكليه .. كلهم ضحكوا وقاعدين منتظرين آدم . ومريم
———-
عند آدم مريم .
مريم لابسه وجاهزه ولسه الحجاب والنقاب ..
مريم : حرام عليك يا آدم .. انت كل مشوار تأخرنا كده .
آدم : لابس ونايم على السرير .. وماله وبعدين النهارده اجازتي .. وحبيبتي في حضني .
مريم : طيب قوم بقى يلا .. انا لابسه ومستنياك تلبسني العقد .. علشان البس الحجاب والنقاب ..
. انا كنت هالبس انا العقد المرادى .قولت مش مشكله المره دي ..
آدم : اتعدل .. تقدري ده انا كنت اطربق الدنيا .. انما ايه العسل ده بس ماتجيبي بوسه تعالى ..
مريم : واقفه .. يا نهار يا آدم .. قوم بقى الساعه عدت ١ واتاخرنا .
آدم : قام وقرب منها .. عيون آدم . وقلب آدم انتي
مريم : قلبها دق واتوترت .وخافت ل آدم أنه يطلبها . لانها كانت بعيده عنه فتره . واخدت العقد من العلبه على التسريحه اتفضل ..
آدم : عينيه في عيون مريم .. اللي توترت من هيام وغرام آدم .. اللي واقف قدامها .. اخد العقد وقالها حاضر .. ووقف خلفها .. وجاب شعرها على جمب ..وبيلبسها العقد بكل حب . و همس في ودنها بحروف . ب. ح . ب . ك .
و مريم خلاص هتنهار .. من آدم . مريم .. احم .. ومغمضه عنيها .. وآدم لبسها العقد وباسها من كتفها
.. ومريم جسمها اتشنج واتوترت اكتر لانها مشتاقه ل آدم .. آدم حضنها من الخلف . وواقفه قدام المرايه وبص ع وشها ف المرايه وحاطط راسه ع كتفها . جمب رقبتها . وقال في جمال اميرته اللي كل يوم تزيد جمال عن اليوم اللي قبله شعر ……….
..أتدريـنَ أنكِ بشرى لنـا .. وأنكِ خيرٌ يفيـضُ هنـا أتدريـنَ أنـكِ نبعُ الحيـاةِ .. يجوبُ الزمانَ ويروي الدُّنا أتدريـن أنـّك أمُّ الجمـالِ .. وبنتُ الدلالِ و أختُ السّنا وأنكِ حين ارتديتِ الحجابَ.. سموتِ، علوْتِ على المنحنى .
حجبتِ الجمالَ فحُزتِ الجلالَ … وحُسنكِ للطّهـر قد أَعلنـا ..
صنعتِ الرجولةَ، أمَّ الرجـالِ بنيتِ .. فأعليتِ مَنْ قد بَنى ..
حضنتِ الطفـولةَ في مهدها .. وكنتِ الخميـلةَ والمسكنـا ..
فقلبكِ ينشرُ دفءَ الحنـانِ .. وكفّكِ تمسـحُ عنّا الضّنـا
إذا ما رضيتِ سترضى الحياةُ .. وتضحكُ لو تضحكيـنَ لنا..
لأجلكِ غنّى وطـارَ النشيدُ … يرفرفُ حولكِ حتـى دَنـا ..
تهـاجر كلُّ الحروفِ إليكِ … وتهـوي إليك كـرامُ المُـنى …. تحومُ عليكِ .. وتأوي إليكِ وتبغـي لديكِ هُنـا موطنـا ..
تعـاليْ لِنبنيَ بيتَ القصيـدِ .. بشطريـنِ: منكِ .. ومنّي أنـا ..
تعاليْ نصلّي لربِّ الوجـودِ .. ليغمُـرَ بالديـن أعمارَنـا . لأنكِ أنتِ .. لأنـي أنـا ..
تسيـرُ الحيـاةُ رُخـاءً بِنـا .. ظلمناكِ دهراً فهل تغفرينَ ومِثلكِ يصفـحُ عمَّنْ جَنـا …. . بحبك
مريم : بتسمع كل كلمه بقلبها .. ومغمضه عيونها بتستشعر الكلام وبتعيشه وعينيها متجمعه فيها الدموع . ولفت ل آدم وبكل حب حضنته. بحبك يا آدم .. بحبك ااوي . انا بعشقك . بعشق كل ثانيه انت جمبى فيها .. انا ما اقدرش اعيش ثانيه من غيرك …
. آدم مسد على شعرها بحب .. وانا بعشقك يا مريم ..
. وخرجها من حضنه . وباس جابهتها بكل حب …
. ومسح دموعها … وبعدين بقى كلام حلو تعيطي …
. نسكت تعيطي .. ايه بقى بطلي دموعك دي يا قلب آدم … وبتامل ف جمال عيونها ..
آدم : للحظه افتكر مراد … وقال ل مريم بتحذير…
. عارفه يا مريم .. لو مراد اتكلم وانتي رديتي عليه !؟ صدقيني هافلقو نصين قدامك …
مريم : هههههههه بعد الشر عليه . متقولش كدا ع مراد..
آدم : ماشي ياختي ع الله كلامى مايتسمعش .. وجاب الحجاب ولبسه ل مريم وهي لبست النقاب وهو ساعدها فيه .. ومريم لبسته الساعه ورشتله البرفان .. وهو لبسها الخاتم والساعه .. وخلاص اخيرا جهزوا . والطقوس تمت ع خير
آدم : اتحرك وجاب فونه ومفاتيحه وكان معاهم علبتين قطيفه .صغيرين ..
مريم : شافتهم ايه العلب دي يا حبيبي .. هديه ل ملك
آدم : ايوه يا روحي دي هديه ل ملك ولحد تاني
مريم : ممكن اعرف الهديه التانيه لمين ..!؟
آدم : بغمزه هتعرفي بعدين . مفاجأه. يلا بقى انتي اخرتيني قوي الساعه ٢ يامريم
مريم : بدهشه ايه ٢ .. وانا اللي اخرتك .. انت بجد مشكله يلا بقى ..
آدم : اتحرك وحط ايد مريم في دراعه ونازلين على السلم … وكانهم عرسان .. مريم كانت لابسه فستان اسود .. وشريط ستان نبيتي من على الوسط .. وحجاب ونقاب من نفس لون الحزام .. وكانت جميله ..
كلهم وقفوا واتشاهدوا .. اخيرا …
مراد : اول ما شافها .. صفر صفاره كبيره …
زين ل مراد : مراد وحياة ابوك مش النهارده ..
مراد : اوعا يالا . ده اهم حاجه النهارده ..
آدم ومريم . جم عليهم .. وادم شاف مراد وسمعه وهو بيصفر … وحاول يبقى بارد قدام ابنه ..
مراد : راح عند مريم . الله اكبر .. الله اكبر .. ايه ده .!!؟ .. ايه ده ..!؟
. يامريم ياجزار … انتى احلى مريم في المجره كلها..
آدم : بدأت الاعراض تظهر على وشه .. ومريم كاتمه الضحكه .. وبصت لمراد بنظره ترجي انه يعدي اليوم ده على خير …
مراد : هز راسه ليها . بلاء .. ايه ده يا مزه ده …حرام عليكي .. وغمز هي الانسه مرتبطه ..
رينو ضحكت .. ونور اتغاظت من مراد علشان باباها بيتدايق … وزين بيدعي أن اليوم يعدي على خير علشان روتي وحشاه ..
آدم : صك على اسنانه مووررااد
مراد : عيون مراد ياحاج .. وبص على مريم ..الجميل ماردش عليا ليه .. ممكن تعرفيني سر جمالك ايه!؟
وانك خطفه قلبي ليه .!؟ وبصلها بهيام انتي اجمل انثى على الكره الارضيه .!؟
آدم : جاب اخره . واتحرك ولسع مراد على قفاه .
وانت بقى ارخم عيل على المجره كلها .. وكمان انا هخلي عيال المنطقه والمجره كلها تعلم عليك .. انت ياض عايز مني اييه ها .!؟ عايز مني اييه .!!!؟
مراد : حط ايده على قفاه ..بردو. تسلم الايادي ياحاج … انا مش عارف ياحاج .. انا عايز اعرف قولي بس الغلط اللي انا باعمله .. وبص ل آدم كأنه مسكين … هو حرام احب امي .. وبص على مريم وغمز بذمتك دي ما تتحبش دى .!!؟
آدم : وصل للقمه .. وشد مراد من قفاه وخرج بيه في جنينه الفيلا . والكل طلع وراه … قسما بالله يا مراد الكلب انت .. لو ما لميت نفسك لااعمل معاك الصح .. وعارف بقى هتشوف وكلها يوم واحد .. استعد بقى يا روح امك … وسابوا واتحرك ..
ومراد : بلع ريقه .. وقال هاتها جمايل يا رب …
ومريم خرجت وقلبها مبسوط من آدامها ..وكمان من ابنها اللي بتحب كل تفاصيله وتصرفاته ..
ودعت ربها انه يتم عليهم نعمه السعاده …
آدم : فتح باب العربيه ل مريم بغيظ مكبت .
.ومريم ركبت . وآدم رزع الباب . وراح يركب وهو بيقول . ابو ام دى شغلانه زفت . واد ابن كلب رخم .
.
مراد : اخد معاه نور .. وزين اخد معاه رينو ..
آدم : اتحرك . واولاده ماشيين وراه وكان متدايق وهو سايق .. مريم مسكت ايده في العربيه وبساتها بحب .. وحاولت تخلي آدم ينسى زعله وهزرت معاه . وغازلته وفعلا قدرت بحبها الكبير .. تخرج آدم من الغيظ اللي كان جواه
————–
جاسر : واقف في الجنينه واستقبل كل العيله .. ماعدا آدم اللي أتأخر كالعاده …
جاسر استقبل .. مصطفى عزيز وشيرين . وجايبين معاهم هديه ..
واشرف وهنا ويوسف وريتال .. ومعاهم هديه
.وبعدها حسام وهدى ومريم … ومعاهم هديه
.وبعدها طارق ورنا وفهد وفارس وفريحه .ومعاهم هديه ..
. مالك : جهز كل حاجه و استعد للشوي ..وصفر للشباب . وفارس قام وراح جمبه يساعده . فهد كمان اللي متدايق ونفسه يشوف لارين …
ويوسف : الل سلم ع الكل . وراح عند مريم وهمسلها وحشتيني . وسابها .وراح يساعد الشباب .
مليكه : لبست ونزلت .. وسلمت على كل الموجودين . من باب الذوق .. وقعدت وفتحت الفون تتصفح فيه .. وماتكلمتش مع حد وللحظه افتكرت زياد لما بيكون موجود مع حسام وهدى ومريم ..
..وطردت الفكره وقالت غبي ..
. كلهم قاعدين منتظرين . آدم واخيرا ..
آدم : دخل الفيلا بالعربيه .. ووراه عربية مراد وعربية زين . اللي عينيه بتدور على ريتال ..وهو لسه في العربيه ..
رينو : غصب عنها بتدور على فهد …
ومراد : لمح فريحته قاعده .. وبتتكلم مع شيرين و ملك و رنا و هنا … واخيرا نزلوا كلهم …
مريم راحت وسلمت على اختها شيرين بحب كبير
وهنا ..وبعدها ملك وسلمت على رنا ..وبعدها مليكه وفريحه …وحسام .وهدى. ومريم.وريتال
مليكه جواها بتحب مريم وآدم … مريم سلمت ع مصطفى . لكن مش بالايد طبعاً … وجت نور . ورينو وسلموا على على الكل بحب كبير . وشيرين سلمت ع نور بحب كبير … وسلموا على مليكه من باب الذوق
ومراد وزين ..جم سلموا على الكل .. مراد غمز لفريحه اللي اتكسفت .. وزين هز راسه لريتال اللي اتوترت … ونور بتبص فى الساعه ومستنيه محمد..
ورينو بتدور على فهد وشافته واقف بعيد مع فارس ومالك … مالك جه وسلم على خالو آدم الل بيقفل باب العربيه .. وراح سلم ع مريم واخد مراد وزين معاه علشان يقضو الوقت كلهم مع بعض .في المشاوي …
وآدم : جه وسلم على مصطفى بحب كبير واحترام وكمان سلم على طارق .. وجاسر .واشرف .وحسام . وقرب من ملك وباس جابهتها .. وباس جابهة مليكه وعكسها ومليكه حبت ده جدآ … ادم سلم على شيرين و رنا و هنا وهدى . وبص على الشباب وصفر للشباب اللي واقفين قدام الباربكيو وكلهم رفعو اديهم ليه وبعتوله السلام … وفهد وفارس ويوسف راحو سلمو ع ادم … وفهد بص ف عيون رينو . ورجعو تانى عند الشباب …. وآدم قعد يتكلم مع جاسر . وطارق . والكل …
داده سنيه . جت وشايله صينيه عصير كبيره ….. مريم قامت بسرعه واخدتها منها .. هاتي عنك يا دادا سنيه …
ملك : والله يا مريم باقولها ريحي نفسك .. البنات موجودين جوه معاكى جوه هما يشتغلو ..
داده سنيه : حبيبتي يا ست ملك وانا يفديكى الساعه .. لما اجيب للحبايب .. ده انتو قد احفادى ..
جاسر : والله يا داده . انا حابب انك تستريحي خالص .. انتي بس اشرفى عليهم ..
داده سنيه .. تسلملي يا سي جاسر يابني انا حابه اني اخدمكو .. ده انت مولوده على ايديا دول .. وكمان الست هنا …
هنا : حبيبتي يا دادا ربنا يديكي الصحه والعافيه.
داده سنيه : تعيشي يا بنتي ويامرحب بيكو نورتونا والله . انا جوه لو احتاجتو حاجه نادوا عليا وسبتهم ومشيت ..
مريم : جميله قوي داده سنيه .
هنا : جميله جدا داده سنيه معانا هنا من قبل ما بابا الله يرحمه يتجوز .. ولحد دلوقتى بقالها عمر في البيت ده .. ربنا يديلها الصحه .
ملك : يا رب . والله باقولها ريحي نفسك . لكن هي تقولي .. لو ما اشتغلتش هتعب ..وسبتها برحتها ..
. المهم .. عامله ايه يا هنا ..اخبارك يا حبيبتي .!؟
هنا : انا الحمد لله يا ملك بخير ..
ملك : يارب ديما . وبصت وانتي يا مريومه . عامله ايه . واخيرا شوفتك
مريم : بخير يا ملك والله تسلمي يا حبيبتي . ومعلش .الدنيا واخدانا من بعض
ملك . حبيبتي . كفايه انك انتى وآدم كل يوم تتصلو عليا . دى عندى بالدنيا ..
وبصت . شرفتيني بجد يا ابله شيرين .. الحفله منوره جدا …
شيرين : منوره بيكي يا قلبي .. وفكره جميله قوي .
ملك : حبيبتي تسلمي . ورنوش بقى حبيبتنا عامله ايه .!؟
رنا : انا كويسه يا قلبي تسلمي لقلبي .. والله بجد فكره جميله يا ماما .. احنا من زمان ما تجمعناش كده
ملك : نورتينى ياهدى بجد . بس زعلانه منك . لانك مبقتيش تسالى عليا .
هدي : معلش ياملك ياحبيبتي . الدنيا تلاهى والله . غصب عني سامحيني.
ملك : مسمحاكى طبعا ياحبيبتي . بس اعرفى انى بحبك جدا . ولو غيابك مكانش فرق معايه مكنتش هسال . انتى اختى وصحبتى . وكمان .ناناه نهاد الله يرحمها موصيانا كلنا عليكى
كلهم . : الله يرحمها ويغفر لها يارب ..
—–
آدم قاعد بيتكلم مع مصطفى وجاسر واشرف وطارق وحسام …
ورينو قامت . مامي بعد اذنك انا هاخد نور وفريحه وريتال ومريم ونتمشى شويه
مريم : احم .. وماله يا حبيبتي .. مليكه ياحبيبتي تحبي تروحي معاهم ..
آدم : ايوه طبعا .. ماليكه لازم تقضي وقت حلو مع اخواتها ولا ايه يا قمري …
ماليكه : ابتسمت . اوكي يا خالو حاضر
. ماليكه قامت والبنات متدايقين … لانهم كده عرفوا ان مليكه هتنتقد مريم وريتال واخدو بعض واتمشو
وجاسر وملك . جواهم ممنونين . ل آدم . لانهم حاسين أن ماليكه بتستجيب مع خالها آدم ..
آدم : طلع من جيبه علبه قطيفه . وقدمها لملك بكل حب . وفتحها ليها وكانت عباره عن اسوره جميله . وملك قامت باست اخوها بكل حب … وشكرته وفرحت جدا .. وكمان جاسر كان مبسوط .. وكل اللي قاعدين مبسوطين …
فهد : واقف جمب مالك وعينيه على رينو اللي ماشيه فراشه وسط البنات .. وفارس متابع نظراته وعايز يضحك .. وفجاه افتكر رودي وطرد الفكره بسرعه .
.مراد وفريحه .. عينيهم بتبعت السلام لبعض بالاشاره .. وزين عينيه هتطلع على ريتال اللي مش راضيه ترفع عينيها من الارض لانها مكسوفه …. ومالك سرحان في ساره … وكان بيتمنى انها تكون موجوده معاهم …
يوسف : مالك فين الكاتشب .. ما لك اه نسيت اجيبهم من جوه .. يوسف طيب خليك وانا هاروح اجيبها .
ومالك سرح من تاني ف ساره …
مراد : مالك انت يالا يامالك .
مالك : ها … ايوه يا مراد . بتقول حاجه
مراد : خلي بالك اللحمه هتتحرق . يا بيضه . سرحانه في ايه كدا ياموزه … ومالك والكل ضحك ….
مالك : سرحانه فيكي يا قلبي …
مراد : طب يلا يا حبيبتي علشان انا جحان قوي
مالك : حبيبتك .!!!؟
فهد : بعد كل اللي عملته . وبتقوله حبيبتشك .
زين : لالا .. احنا لازم ندارى على المصيبه دي بسرعه..
مراد : اهم حاجه نتاكد أن مالك انوووو……..
مالك : ساب المشواه وجيري ورا مراد هههههه
مالك : انا ايه .. انا ايه .. هااا … وكتف مراد .
ومراد : بيضحك .. والبنات عينيهم كلها عليهم وبيضحكوا
زين : شاف اخوه متكتف وراح جيرى عليهم ..
وفهد واقف هو وفارس بيضحكوا عليهم … فهد واقف بيشوي مكان مالك …..
لارين : الله يا بنات … اممم ريحة الاكل حلو اوى جوعتنى .. ثواني وجايه .وراحت عند فهد
لارين : فهد انت هتخلص امتى انا جوعت .. الريحه جوعتني قوي …
فهد : سرحان في عيون لارين .. اللي مع انعكاس الشمس كملت سحر على قلب الفهد …. فارس شاف اخوه كده انسحب بهدوء .. وراح يجري مع زين ومالك ومراد ال مجننهم ومش قادرين على استفزاز مراد
ومراد سايب مالك يكتفوا بمزاجه . ولكن وقت الجد ميقدروش عليه ..
.وطارق وآدم وجاسر واشرف بيضحكوا عليهم وكمان مراتاتهم ….
رينو : فهد .. ياااافهد
فهد: هااا . ايوه يا رينو بتقولي ايه.
رينو : تاني !!! هاقول كل ده تاني .. بقولك انا جعانه قوي يا فهد ..
فهد : عيونه متركزه ع شفايف رينو وهي بتتكلم .. ومن كتر الدقات حاسس ان قلبه اتحرك من مكانه.. احم . بس كده … رينو استحاله تجوع وانا موجود..
رينو : وشها بقى احمر . واكتملت لعنتها على فهد . وشايف . قدامه بنوته رقيقه جدا . عيون زيتونى . غمازتين . شفايف كريز . وخدود حمرا . ف الوقت ده عايز يخطفها حالا … وانتبه ..احم واخد قطعه لحم وحطها في طبق وظبطه . اتفضلي يا ستي خدي دى تصبيره مؤقتا . احنا خلاص فاضل حوالي 10 دقايق وكل حاجه تكون جاهزه ..
رينو : ابتسمت واخدت الطبق ومشيت بسرعه من قدامه .. شكرا يا فهد
فهد : اتنهد هييح شكرا يا فهد . وحس أن شفايف رينو مجنناه . وبعدها. اي الل انا بفكر فيه دا … وبص حواليه .. مالقاش حد معاه .. ونده على الشباب . انت يالا انت وهو .. انجزو بقى وتعالوا .. علشان الناس اللي جاعت دي
رينو : اخدت الطبق وراحت للبنات . نور ومريم وريتال ضحكوا عليها ههههههههه
.اما فريحه : حبيبتي . حبيبتي اللي حاسه ب مراة اخوها .. هاتي حته ..
رينو : حتة ايه .. حد قالك اني بوزع دي يادوبك تصبيره .. روحي اجري من هنا ..
فريحه : بت طفسه وراحت ل مرادها .. انا هاروح لمراد وهاجيب طبق اكبر من طبقك .. البنات ضحكوا عليها ههههههههه
.ما عدا ماليكه .. اللي واقفه بتنتقد تصرفاتهم..
مليكه : بتعجرف .. ايه ده .. يا رينو مش قادره تصبري يعني لحد وقت الغدا .. وبعدين ايه التصرفات دي .. تجري وتروحي تقوليلهم انا جعانه ..
.. هيقولوا عليكي ايه تصرفك .بلدى
رينو : ببرود .. تاخدي حته …
نور : كتمت الضحكه ..ومريم متدايقه منها علشان اخوها . زياد . وماليكه شافت مريم وهي بتبصلها بغيظ
مليكه : لا ميرسي .. لكن لو مريم عايزه جيبيلها طبق .. يمكن جاعت هي كمان .. اكيد خرجت من غير فطار …مش كدا يا…. مريم
.البنات اتغاظت منها ولسه هيردو ..كان في واحد جاى وسمع الحوار بالصدفه ..واتكلم .
يوسف : مين دي اللي جعانه .! مريوم .. ده انا وهي فاطرين احلى فطار . وملوكى كمان . صح يا قلبي . الكل واقف متنح .. ورينو كانت لسه هتحط حته لحمه في بقها … سابتها وفتحت بقها .. وكمان نور ..
..لكن ريتال عارفه .. ان يوسف بيحب مريم ..
مليكه : اتغاظت . و شاطت …
.ومريم اتكسفت . لان ده ما حصلش وماردتش عليه.
يوسف : ساب ماليكه وعدى من جمبها .. وراح ل مريم … اللي اتكسفت وعطا الكاتشب ل نور …
. ومسك ايد مريم بحب .. وباس علي ايديها قدامهم كلهم ..
ورينو ونور بيفتحوا عينيهم ويغمضوها و بقهم بيوسع ..
يوسف : باس على ايد مريم .. حبيبتي انا عارف انك محترمه ومؤدبه .. وما بتحبيش تجرحي حد .. لكن يا قلبي مش كل الناس تستاهل الاحترام ده … وبص على مليكه … وبعدين ما ينفعش حرم يوسف عزيز في المستقبل … تتحمل اى اهانه من اي حد ابدا …
..وماتردش .. وكمان مريم الجزار اللي في كليه صيدله .. والاولى على الدفعه … وجمال رباني سبحان من ابدع .. ما ينفعش تتهان اصلا .. انتي اتخلقتي علشان تبقي ملكه. ماشي يا روحي ..
وشاور بصوباعو على مناخيرها بحركه سريعه … وقالها عايزك تقضي وقت حلو اوكي ياقلب يوسف ..
. ومريم هتموت في جلدها .. ولكن جواها كان مبسوط جدا .. وهزت راسها ل يوسف وماردتش..
.. ويوسف قالي رينو .. بت يا رينو
رينو : فاتحه بقها هي ونور …
يوسف : رينووو
رينو : هاااا ..ايوه . يا يوسف
يوسف : لو احتاجتو .تصبيره . تعالى مالك هيرحب جدا .. انتي عارفه .. مالك محترم جدا .. وبص بسخريه على مليكه . واخد الكاتشب من نور ومشي
فريحه : جت عليهم ومعاها فعلا طبق أكبر .. ولسه هتتكلم .. شافت اعراض الغضب على مليكه .. ونور ورينو فاتحين بقهم .. وريتال مبتسمه … ومريم وشها زي الطماطم ..
فريحه : ايه دااا مالكو .. ما حدش رد ..
فريحه : انتي ياغبيه منك ليها مالكووو
نور : ورينو في نفس واحد . انا عايزه اعرف ايه ده يا مريم.. وفهمينا ايه اللي حصل ده .
مريم : واقفه ساكته .. وريتال متغاظه من مليكه لانها اتريقت على حجابها الاسود .. اول مااتمشوا مع بعض .. ونور ورينو دافعو عنها ..
ريتال : احم تفهموا ايه يا بنات .. كل الحكايه ان ابيه يوسف . بيحب مريم .. وكمان كلم بابي وجدو وهيتقدمو ل مريم قريب .. وكمان مريم بتحب ابيه يوسف .. هي دي كل الحكايه …
البنات فرحت اوى ل مريم ….
نور : بجد .. بجد احلى خبر يا مريم يا حبيبتي وحضنتها … حبيبتي الف الف مبروك
فريحه : اوعى كده .. لما اباركلها انا كمان .
وفريحه حضنت مريم .. اللي فرحت لما شافت انهم فرحانين علشانها … ورينو .. وسعي كده يا لازقه انتي .. وسلمت على مريم . مبروك . مبروك . مبروك.
. يا قلبي بجد انت تستاهلي واحد زي يوسف …
شوفتو يابنات كان بيحب فيها قدامنا ازاي …
..حاجه واو .بجد .
رينو : بصت على مليكه .. عقبالك يا مليكه لما تلاقي حد … و… تتخطبي ….
مليكه : اتنرفزت وسابتهم وماشيه .. ورينو احسن ده انتي بت رخمه ….
وبصت لمريم وكشرت عينيها .. امممم قوليلي بقى فطرتي فين انتي ويوسف هااا قولي …
نور : قربت منها كمان . ايوووه قولي فطرتوا فين.. وايه الفطار الملوكي ده .. قرى واعترفي حالا .
فريحه : ايه يا ريا انتي وسكينه .. سيبوا البت تتنفس .. هتموت منكو … وريتال .ضمتها بحب
ومريم ساكته وكلهم ضحكو .. وهي كمان ابتسمت وماردتش وغمضت عينيها .. بسعاده من يوسف اللي فخور بيها في اي مكان ..
———بقلمى Mariem Nasar
مليكه ماشيه متنرفزه .. وآدم شايفها وهي رايحه الفيلا ..
واستاذن منهم ورايح في اتجاه مليكه ….
آدم : مليكه ….
مليكه : كانت داخله الفيلا ولفت ل آدم نعم
آدم : تعالي عايزك
مليكه : نفخت بديق .. وراحت لعنده … نعم
آدم : تعالى نتمشى ف الجنينه. عايز ادردش معاكي شويه
مليكه : لسه هترفض علشان تعبانه ..
آدم : شاور بايديه .. وقالها اتفضلي ..
مليكه : اوكي يا خالو واتمشو مع بعض وبدء آدم يتكلم
آدم : ممكن اعرف مالك ..!؟
مليكه : انا ..! مالي يعني …! ما فيش حاجه.
آدم : ما فيش حاجه ازاي .. ده انتي العفاريت كلها بتتنطط في وشك .. قولي مالك .. حاسه بايه .. وايه حكايتك ..!!؟
مليكه : بعدم فهم .. حكايتي .!! حكايه ايه يا خالو .. انا مش فاهمه . حضرتك تقصد ايه !؟
آدم : وقف وبصلها .. الغرور .. والتكبر .. العز.. والفخر… الغلاف اللي انتي مغلفه نفسك بيه يا مليكه…!!! لأن مليكه مش كده خالص … مليكه بنت عاديه وطيبه .!!! عايز اعرف سبب الغلاف ده ايه .!؟
مليكه : ولا غلاف ولا حاجه .. انتو بس اللي شايفين كده ..
آدم : انتو .!! انتو مين ..!؟
مليكه : انتو . حضرتك . وبابي ومامي ومالك وكمان بناتك .. وبنات العيله .. وكمان … وسكتت
آدم : وزياد .. مش كده ….
مليكه : لو سمحت . ما تجبش اسم البني ادم ده قدامي . ده انسان .. وقبل ما تكمل ..
آدم ؛ بنظره تحذيريه .. انها ما تغلطش …
آدم : اتنهد بنفاذ صبر .. يعني انتي شايفه ان الكل مش عاجبه اسلوبك … امك وابوكى .. وبنات العيله … وكمان زياد .. واخوكى مالك …يعني انتي عايزه تقنعي نفسك انك انتي اللي صح .. وكل العيله دي غلط …
.طيب انتي ليه ماقعدتيش مع نفسك وفكرتي كويس .. ان ازي العيله دي كلها .. متفقه على رأي واحد .. وانتي اللي مختلفه ..
..مليكه انتي عيبك الوحيد انك مفكره ان مفيش حد زيك .. اتولدتي وف بقك معلقه دهب . ادلعتي .. جاسر وملك ماحرموكيش من حاجه .. زياد كان واقف جمبك طول الوقت .. وكان بيلبي كل طلباتك … وانتي فهمت كل ده غلط …
مليكه : انا مش فاهمه يا خالو .. انا تعباكم في ايه … انا عايشه مع نفسي ولنفسي .مبضرش حد ..
ومبأذيش حد .. انا عايزه افهم بابي ومامي عايزين مني ايه ..
آدم : لا بتأذي … بتأذي يا مليكه .. لما تنتقدي مريم الصغيره يبقى بتأذي …. لما تهزى ثقت ريتال في نفسها يبقى بتأذي .. لما تتجنبي امك وابوكى واخوكى.. تبقى بتأذي .. واذيتهم كتير .. واكتر واحد اتأذى منك زياد …
مليكه : بصتله . اووى
آدم : بلاش البصه دي .. انا عارف كل حاجه .. انا مش عبيط .. ومش معنى اني بعاملك كويس . وانك زي بنتي بالظبط ابقى مش زعلان منك … لاء
مليكه : تزعل مني انا .. ليه يا خالو .!؟ واذيت زياد ؛!؟ عايزه اعرف ايه … انا اذيت زياد ف ايه!؟
آدم : انتي اذيتي زياد .. في مشاعره .. في كرامته ..
.. في شخصيته .. في حياته .. في اخته .. في قلبه .. في كل حاجه … تخص زياد … زياد بيحبك يا مليكه …وانتي خسرتي الحب ده ..
مليكه : بسخريه . ايه زياد بيحبني .!!! انا ملك الصاوي …
آدم : اهووو …. رجعنا لنفس النقطه .. مليكه الصاوي …. انتى شايفه نفسك فوق …وان زياد فقير .. مع انه كان بينفذ كل طلباتك لانك شايفاه فقير …. لكن بالعكس انتي اللي كنتي محتاجاله مش هو … زياد راجل من صغره ويعتمد عليه … وكمان ابوه حسام شغال في الشركه ومرتبه كويس جداً .. وعايش ميسور ومستور … وعندهم عزه نفس كبيره..
.. وزياد اتعلم . وتعب وكون نفسه .. وبيصرف على نفسه .. وكمان مش حارم اخته وامه من حاجه. وكمان عنده رصيد في البنك .. ومؤهل انه يبقى رجل اعمال ناجح في اي وقت … زياد مش فقير يا مليكه .. انتي اللي فقيره …
مليكه : ابتسامه سخريه .. كل ده وفقيره ..!!
آدم : انتي فقيرة مشاعر .. فقيره حب .. فقيرة احساس بالغير … زياد اغنى منك يا مليكه … زياد عنده حب يكفى العالم كله … زياد عنده احساس ومشاعر مش موجودين عند اى واحده غنيه زيك
.. وتعرفي ان زياد جمال ده … أبوه جمال الله يرحمه ليه جميل فى رقبتنا و لحد ما نموت مش هنقدر نسده ..
مليكه : زياد وجميل … جميل ايه ده بقى ان شاء الله..
آدم : بلاش اسلوبك ده .. احب افكرك بس قبل ما اقولك .. زياد عمل ايه … ان جدك خالد الله يرحمه ..كان فاتح محل ورد .. يعني مكانش غني قوي زي ما انتي شوفتيه . في اخر ايامه … لا يا حبيبتي ابويا … كان فاتح محل ورد . بياع . وكان حاله على قده …..
. أما . بقى الجميل .. اللي عملوا زياد وابوه … ان ابوه انقذ جدتك نهاد الله يرحمها من الموت .. واخدها عنده .. رغم ديق الحال .. وعيشها معاهم
٨ سنين .!!!! ٨ سنين .. اكل وشرب وعلاج ولبس .!!! ولا اشتكى ولا مل .. وكان سايب كل حاجه على ربنا …
.اما بقى زياد ..! هو السبب في اني اكشف قاتل جدك حسين الصاوي .. وكان مستعد انه يضحي بنفسه علشان يجيب حق ابوه .. وهو ابن ١٠ سنين .. وكمان وقف جمبك وساعدك .. وانا قربت منه .. وعرفت دماغه فيها ايه .. وكان نفسه يبقى ظابط .. او دكتور لما يكبر .. وانا كنت شايفه هيبقى ظابظ مخابرات مفيش بعد كدا .. لكن شاف البنت اللي بيحبها من اول ما اتولدت .. وشالها بين ايديه . حابه تدخل تجاره .. قال مش مهم مستقبلي … المهم ان مليكه تكون حاجه كويسه .. وتدخل حاجه بتحبها .. وغير مساره . وضحى بحلمه .. ودخل كليه تجاره علشان خاطرك .. وعلشان خاطر يراجعلك اهم حاجه تبقي موجوده جمبه .. لكن جيتى انتى بغباءك وتكبرك وغرورك . الل ملوش اى لزمه .. اهنتيه ..وزعلتيه بكلامك .. وانتي فكرتي .. ان زياد هيبقى تحت طوعك … لا زياد كان بيعملك كل حاجه بحب … لانه كان بيحبك يا مليكه … زياد انا اتمناه لبنتي .. واتمناه ابني .. انتي خسرتي يا مليكه .. خسرتي راجل كان بيحبك وعشقك للاسف …
مليكه : واقفه مصدومه .. زياد .!! زياد بيحبني انا .!!!
آدم : الظاهر انتى ماخدتيش بالك من اللي انا قولته… زياد كان بيحبك .. كاااان … ونصيحه فوقي قبل فوات الاوان ….لانك لو فضلتى بأسلوبك وتصرفاتك دى …هتخسرى اكتر من كدا .
——-بقلمى Mariem Nasar
رينو : جات من وراهم .. بابي .بابي يلا علشان الغدا جاهز . وعمو جاسر مستنيك .
آدم : هز راسه بحب .. حاضر يا حبيبتي …
.. وبص ل مليكه .. وسابها ومشي
. مليكه واقفه مكانها .. مصدومه .. وبتراجع شريط ذكرياتها .. مع زياد …
آدم : راح عندهم وكانت الترابيزه عليها .. جميع انواع المشاوي …
آدم : بص ل جاسر .. هي الحريم هتقعد فين .
جاسر : ابتسم … علشان عارف ان آدم غيران على مريم … ما تقلقش انا ومالك مجهزين الخيمه اللي هناك دي … علشان الستات تقعد براحتها .
آدم : لا تمام اووى .اووى
نور : قاعده زهقانه . لأن محمد لسه ماجاش والساعه عدت ٣ ومكسوفه تتصل عليه ..
جاسر : يلا يا جماعه اتفضلوا الغداجاهز .. بسم الله.
مالك : ايوه يلا يا جماعه .. والدكتور محمد على وصول .. ثواني ويكون داخل علينا …وفعلا ..اهوووو الدكتور وصل ..
نور : لفت بسرعه . وكان محمد جاي ولابس بنطلون وقميص شيك جدا ومشمر الكم . ولابس الساعه .والنضاره.. وماسك فونه ومفاتيحه .. وقرب منهم وبرفانه .. اخترق قلب نور .. وابتسمت ..
محمد : السلاااااام عليكم ..
كلهم : وعليكم السلااااام
شيرين : ايه يا حبيبي اللي اخرك كده …
محمد : عينيه على نور . اسف يا ست الكل .. كان ورايا كشف في المستشفى .. وخلصت وجيت بسرعه.. ده انا حتى لبست في المكتب .. وسلم على الكل .. ووصل ل عند نور وهز راسه . ازيك يا نور
نور : بخجل .احم الحمد لله يا محمد . حمد لله على سلامتك ..
محمد : بحب . الله يسلمك ..
رينو : ما تيلا بقى يجماعه . انا جعانه قوي . والأكل هيبرد … كلهم ضحكوا …
جاسر : ملك يا حبيبتي خدى البنات و مدام شيرين .. واقعدوا في الخيمه .. علشان تاخدو راحتكم .
ملك : بابتسامه . حاضر يا حبيبي …وقامت
مصطفى : لا يا حبيبي سيب شيرين جمبي مش هتفارقني .. ولا ايه يا روحي ..!؟
شيرين : عمري ما فارقك ابدا يا حبيبي …
أشرف : ااااه الحب ولع في الدره .. وضحكوا كلهم .
رنا : قامت. طارق : رايحه فين يا رنا ..
رنا : حبيبي هاقوم اتغدى جوه مع مريم والبنات
طارق : امم خلاص انا هاقوم اتغدى معاكي
آدم : انت ياض هتفضل عبيط لحد امتى
رنا: هههههه . حبيبي ما ينفعش اللي جوه منتقبين.
طارق : شدها من ايديها .. يبقى تقعدي جمبي هنا …
. وتاكلي وانتي جمبي …
رنا : بس . يا طارق ..!!!!
طارق : ولا كلمه .. ومن غير بس… هتاكلي وانتي معايا . كلهم ضحكو . ورنا استسلمت ل
طارق …. وفعلا قعدت شيرين جمب مصطفى ..
.. ورنا جمب طارق
ومريم : استاذنتهم .. وبصت ل آدم اللي غمزلها ..
.. ومراد متابعه بخبث ..وادم بالصدفه شاف مراد عينه علي ابوه .. اللي برقله بغيظ اول ما شافه ..
مراد : احم واتعدل … ومحمد قعد وعيونه على نور اللي ماشيه في اتجاه الخيمه ..
وكل الشباب والرجاله وشيرين ورنا مع بعض …
وطارق : كان بيأكل رنا غصب عنها . ويحطلها الأكل ف بقها بالعافيه . وكلهم هلكو ضحك ع طارق .
اما البنات ومريم وملك وهنا مع بعض ..وبدءو اكل.
..ومليكه كانت بتاكل وهي سرحانه في كلام آدم..
بعد شويه
————
رينو أكلت . وقامت .. وقالت اااه تمت عملية تعبئه الكرش بنجاح .. وضحكو عليها .. انا رايحه اغسل ايدي ..
نور : استنى يارينو خديني معاكى
وفريحه . ومريم . وريتال قامو كلهم ورا بعض
و الرجاله .. اكلو وخلصوا كلهم …
كده الكل اكل الحمد لله .. وظبطه كل حاجه ..
آدم : يلا يا شباب العصر أذن علشان نصلي جماعه..
والكل بدء يقوم يتوضأ . والشباب فرشو سجاد في الجنينه .. .
وآدم : صلي بالرجاله .جماعه …
اما البنات .. اتوضو وصلو في الخيمه .. ومريم اللي صلت بيهم .. وبعد الصلاه قعدو كلهم في الجنينه مع بعض يهزر ويضحكوا ….
وكل حبيب عينه على حبيبته … ولغه العيون كانت اكتر من لغه الكلام …
مالك : جه . عليهم .وماسك كوره ف ايده . يلا ياجماعه ..
الكل . انتبه . فهد يلا فين . وايه الكوره دى.
مالك : هنلعب كلنا ماتش صغير . ومن فرقين
زين : ايوه بقى . انا موافق وهكون ف فريق محمد طبعا .
الشباب عارفين طبعا أن محمد مدمن كوره وحريف فيها . وبدء الصوت يعلا . وكل واحد عايز محمد ف فريقه . وطبعا نور . مبسوطه . إن الكل بيتخانق وعايز حبيبها .
محمد . باااااس . باااااس . اهدو . احنا هنتقسم لفرقين .
مراد . وزين . وفهد . وفارس . ويوسف . ومالك . فريق
وآدم . وطارق . وأشرف. وجاسر . وحسام . وانا .
فريق
وبابا مصطفى هيبقى الحكم .
الشباب . اعترضو . لانهم عايزين محمد معاهم . وطارق . كان هيتخانق معاهم علشان عايز محمد معاهم .
.والكل واقف يضحك عليهم . واخيرا كلام طارق . الل مشى عليهم . وإن الماتش اتقسم . زى ما محمد قال . والشباب . راحو ورا الفيلا . يظبطو للماتش …
ورنا . هتموت ضحك هي وشيرين ع طارق.
————
مريم : حبيبي ..
آدم : عيونه ..
مريم : تسلملي عيونك .. مش هتقولي بقى العلبه القطيفه التانيه دي لمين .!؟
آدم : بغلاسه . لاء ..
مريم : كشرت عينيها ..واتقمصت ….
آدم : ضحك عليها ههههههههه . حبيبتي انا ياناس الل بيزعل بره البيت . عارفه انتى لو ف البيت . وشوفت القمصه دى كنت اكلتلك . بحبك يابت . وبعدين دى مفاجأه . يقلب آدم
مليكه : جت .وقفت جمب آدم …
ماليكه : خالو آدم …
آدم : بص ليها نعم يا ماليكه
مليكه : هو زياد فين . . ——–
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشقتها منذ نعومة أظافرها)
لقراءة الجزء الأول من الرواية اضغط على (رواية جريمة عشق)
