رواية عسران الغول الفصل الثالث 3 بقلم رحيق عمران
رواية عسران الغول الجزء الثالث
رواية عسران الغول البارت الثالث
رواية عسران الغول الحلقة الثالثة
اتفاجت وقولت اى ده مش انت صاحب ب قطعها عامر وقال أنا عامر صاحب ابراهيم جيت اطمن عليكوا وبعدين استغرب وقال هو في اى حاجه!!! قولت بدموع بابا في المستشفي ولازم نروح حالا يلا يا ماما..عامر بقلق طب استنوا هوصلكوا خير مفيش حاجه.. روحنا المستشفي ودخلنا بسرعه وسألنا علي اسمه وروحنا عنده لاقناه مدشمل ومتعو’ر في وشه ومجبس في دراعه اترميت عليه بعياط وقولت بابا اى اللي حصل لكل ده ومين الي عمل فيك كدا !!هبه بدموع بلاوي بتنزل علي دماغنا ياربي …اسامه بوجع أنا روحت يابنتي عشان ابيع كل اللي حيلتي عشان عسران الكل’ب جيت عشان ابيع الدهب لاقيت العربيه انفجر’ت وطلع عليا شويه عربجيه وضربوني وناس منهم الله كانوا واقفين يتفرجوا لولا واحد ابن حلال بلغ البوليس كان زماني حصلت اخوكي …قولت بدموع بعد شر عليك يابابا متقولش كدا المهم سلامتك مش مهم الباقي …عامر اتحرج وقال حمدالله على السلامه يا عمي طيب لو عاوزين مساعده اى حاجه أنا تحت امركم ليا واحد صاحبي ظابط هخليه يجيبلك العيال دي متقلقش ياعمي كل حاجه هتتحل وربنا يعوض عليك… اسامه بتعب لا يابني متتعبش نفسك خلاص قدر ومكتوب الحمد لله علي كل حال مش بأيدينا نصلح حاجه…قولت بزهول طب وحقنا يابابا هنسيبه أنا لازم اعمل محضر تعدي علي الشخص …اسامه بتعب يابنتي خلاص قال يعني الداخليه هتساعدنا يجيبوا العيال دي تلاقيهم استخبوا لسابع ارض ومحدش هيلمحهم حتي خلاص يابنتي يعوض علينا حقنا عند اللي خالقنا …
في بيت عسران وهو رافع التليفون علي ودنه وقال بانتصار كل واحد فيكوا هزودله مكسبه عشان اشتغلته زي ماانا عايز بظبط وبعدين ضحك بسخرية….عدي ساعات وانا وماما في المستشفي مع بابا طلعت استفسر من الدكتور هل ينفع ناخده معانا ولا لا روحت للدكتور واستفهمت منه وقالي هو ممكن يخرج انهارده بس الاحسن يفضل في المستشفي عشان نغيرله حاجات والممرضين بيهتمه بيه اكتر مش هتعرفوا تهتموا بيه زي عندنا …قعدت ثواني افكر لو قعد كتير الفلوس بتزيد وانا معيش افرله كل ده سألته وقولت طيب هو هيقعد قد اى مثلا … الدكتور بجديه معاكي اسبوع افضل لي عشان حالته متسمحش يطلع بدري وزي ما قولتلك احنا بنهتم بالمريض لحد لما نتأكد هيطلع ولا لا …اتنهدت بقله الحيله واستاذنت منه وطلعت وأثناء وانا ماشيه في الطرقه تليفوني رن من رقم غريب فتحت بدون اى تفكير ولاقيت صوت عامر استغربت وقولت انت جبت رقمي ازاي..عامر اتنهد وقال سيبك أنا جبت رقمك منين انتي كويسه بابا كويس محتاجين حاجه…مسحت وشي بزهق وقولت أحنا كويسين وشكرا انك وصلتنا المستشفي..عامر بهدوء أنا معملتش حاجه أنا عايزكم تكونوا كويسين وبقولك اى أنا دفعت تمن علاج باباكي عشان متدفعيش انتي وينصبه عليكي …قولت بصدمه انت دفعت الفلوس دي كلها لي يا عامر احنا مش محتاجين حد يدفعلنا احنا الحمد لله معانا اللي يسترنا معلش بكرا هجمع الفلوس وهدهملك كفايه انك وقفت معانا …عامر بجمود ياستي خدي راحتك مش لازم تجمعيهم علي طول وبعدين أنا دفعت لعمي مش ليكي وعمي زي ابويا ومش هاخد حاجه بجد خلاص ..قولت بضيق عامر فلوسك هتوصلك بكرا عن اذنك وبعدين قفلت في وشه دخلت الاوضه وقعدت وبابا قالي امشوا انتوا عشان متسبوش الشقه لوحدها …هبه بحزن لا يا حج مقدرش اسيبك لوحدك هقعد معاك يعني هقعد معاك…اتنهدت وقولت خلاص هروح أنا واجبلكوا حاجات معايا عشان بابا هيطول شويه في المستشفي … اسامه باستغراب لا طبعا مش هقعد كتير من بكرا هروح أنا كويس ومفيش حاجه…اتنهدت وقولت بابا الدكتور قال لازم تقعد شويه في المستشفي عشان التحاليل و تغير الجروح وهما فاهمين يابابا …حاولت اقنعه كتير أنه يقعد في المستشفي والحمدلله اقتنع وروحت سبتهم ورجعت البيت وعملت الاكل وجهزت هدومه لحد لما بدأت انعس ودخلت انام …دخل عليا واحد بهدوء وانا مكنتش دريانه بحاجه دخل الاوضه وقرب مني وضرب الحقنه في رقبتي اتوجعت شويه بصيت بنغوشه ومكنتش شايفه خالص مين الي قدامي النوم غلب عليا ونمت لحد الصبح صحيت جسمي كله وجعني اوي مش قادره احركه حاولت افتكر مش فاكره حاجه لمست رقبتي وملقتش حاجه بس كان منفوخ معرفش من اى بس انا متاكده أن حد دخل عليا بدأت اخاف جامد وحاولت اقوم معرفش جسمي وجعني لي قومت بالعافيه وفضلت ارقاب في كل حته المشكله ان الشبابيك كلها مقفوله والباب مقفول بالترباس طب اى ده انا مبقتش فاهمه حاجه فضلت ادور يمكن الحرامي ده خد حاجه من الشقه لا ده كل حاجه سليمه و موجوده افتكرت مره واحده وقولت اكيد عسران جيه بس عسران لو جيه كان خدني الموضوع بقا محير بنسبالي ومش عارفه اجيب نقطه الوصل بس لي جسمي وجعني اوي بزياده بلعت ريقي بخوف وجهزت نفسي وخدت كل حاجه ومشيت عدي كذا يوم وانا بيحصلي نفس المشكله دي بقوم جسمي وجعني حاولت اتجاهل الموضوع ده بس بيزيد بابا الحمدلله رجع البيت وقولت انزل اشوف شغل بابا قالي عامر جابلك شغل معاه في الشركه بتاعته وقالي تقدر تبدأ معايا من بكرا …وفقت الصراحه ومكنتش عايزه عاند مع اني كنت عايزه ارفض لأن بيحسنني بشعور النقص والاحتياج بس لاقيت الوقت بيضيق اكتر وعسران هيبدا يتسلل ورانا طبعا وقفت وجربت اروح الشغل وقبلت عامر في مكتبه وكنت محرجه جدا وقفت قدامه وسمحلي اقعد وقالي بصي يا ستي انتي مهنتك تساعديني في الملفات دي وتخلصيها وكمان ممكن تقدمي اقتراح للمشروع الجديد مش انتي مهندسه معماريه!! هزيت راسي باحراج وقولت ايوه ..عامر اتنهد وقال علي فكرا السي في بتاعك عاجبني ومشاء الله عليكي طالعه بامتياز وواثق انك هتبقي مهندسه شاطر..ابتسمت وقولت ميرسي لذوقك واها أن شاء الله لما احضر المبلغ هبلغك .. عامر بزهق انتي مصممه لي تحرجيني ماقولت خلاص مش لازم يعني ومش مضلع بنسبالي اعتبريها هديه يا ستي ..اتنهدت بشك وقولت هو انت ظهرت مره واحده في حياتي وبلاقيك جنبي وجبتني اشتغل ودفعت تمن علاج بابا هو حضرتك بتعمل كل ده لي!!! عامر بجمود يمكن عشان ابراهيم ده كان صحبي وكان اخويا وريحته من رحتكوا ..قولت باستغراب بس مش ده اللي يخليك تعمل كل ده عشانه …عامر جز علي سنانه ببرود ورانا شغل يا زهراء مش وقته نتكلم في امورنا الشخصيه خدي الملفات دي وخلصيها قدامي ..اتنهدت بخنقه وخدت منه الملفات وبدأت اشتغل قعدت ساعات كتير بشتغل وتعبت من الشغل ده زاد التفكير الزائد اللي مآثر عليا من ناحيه عسران وانا ببص في الملف حسيت بزغلله في عيني دعكتهم بايدي وكنت بحاول أوضح الروئيه بالعافيه..في الوقت ده كان عامر مركز معايا وقالي ببراءة زهراء انتي كويسه !! بصيت عليه وانا بقفل عيني وافتحها من كتر شوشره في عيني وقولتله بتلقائيا لا أنا تمم ممكن بس خش التواليت ..عامر شاورلي علي التواليت وقالي اهو قدامك .. قومت اتعدلت وخدت نفس وحاولت اوزن نفسي وبعدين دخلت بليت وشي بالمايه سندت علي الحوض وبصيت في الازاز واستغربت من عيني حمرا اوي بلعت ريقي وغسلت عيني جامد وبردو زي ماهي اتجاهلت الموضوع وطلعت قعدت وكملت شغل…عامر حب يطمن عليا وقالي بقيتي احسن لو حاسه انك تعبانه روحي وكملي بكرا ..هزيت راسي ب لأ ، وقولت لا أنا كويسه ..اشتغلت وكل يوم كنت بثبت أن قد المسؤولية وان محدش يكس’ر عيني أو يضعفني من نقطه معينه ، عدي اسبوع ونص باين وطبعا عسران يسكت علي الوقت ده أكيد لا كان بيجي كالعاده يهددنا بالجواز ويزلنا بفلوسه كنت بحاول امسك نفسي ولا اعصابي لان اتخنقت من تنجيزي عشانه روحت للشركه وطلعت في الاسانسير وانا ماسكه الملفات لاقيته عطل مره واحده والنور قطع خوفت اوي فضلت اصرخ جامد لأن بخاف من الضلمه وافتكرت ذكريات وحشه وانا صغيره في الاوضه و محبوسه وحضنه نفسي وبصيت علي اللي قدامي وهو بيقفل عليا الباب وقولتلوا ونبي متقفلش الباب لا يا عسران متعملش كدا عسراااان رجعت لوعيي وقعدت الأرض بعياط وحضنت نفسي بحر’قه الاسانسير اشتغل ولاقيت عامر مخضوض عليا قرب مني وقومني وحضني وهو بيمسح علي شعري بهدوء وقالي خلاص انتي كويسه والله اهدي فضلت اخد نفسي بتشهق وكنت بترعش جامد عامر طلعني الاوضه وجبلي مايه وعصير وحاول يهديني وانا كنت مكتومه وحابسه النا’ر اللي جوايا كان بنسبالي يوم لعين لما افتكرت عسران وعمايله فوقت من شرودي لما عامر قالي حقك عليا أنا احاسبهم علي العطل ده المهم انتي كويسه …بلعت ريقي وقولت برعشه أنا ..أنا كويسه متشكرا بصيت علي الملف وقولت معلش اتبهدل مني بس الاوراق من جوه نضيفه ..هز رأسه وابتسم وقال هو أنا اهتم بصحه الملف ولا بصحه الشخص الملف كدا كدا بيروح ويجي أما الشخص مبيرجعش تاني مدته مره في الحياة..بصيت في نظراته لاقيت حنيه ودفئ وحاجات كتيره بتعبر عني وختم بنظره اعجاب ..اتكسفت وهو حس بكدا قام من قدامي وقالي طيب وريني عملتي اى في الملف احنا دلوقتي اختارنا المكان اللي هنبدا في المشروع وفي إجتماع كمان شويه جهزي نفسك..قعدت ثواني بدون تركيز وفوقت وهو بيقولي انتي معايا يا زهراء ..اتكلمت بتوتر وقولت أنا معاك ..عدي ساعات كتيره والوقت اتاخر جامد وخلصنا الاجتماع وكنت خلاص همشي لأن تعبت جدا معرفش مالي الايام دي عامر محبش يسبني لوحدي ومصمم امشي معاه في العربيه عشان حالتي بتسوء وجسمي بدأ يسخن وأعرق كتير وللأسف أغمي عليا محستش بحاجه حسيت بتقل في جسمي وضربات قلبي بتقل فقدت السيطرة علي كل خليه في جسمي كل ده حصل في العربيه وعامر كان ماشي اكتشف اني أغمي عليا اتخض عليا وقلق جامد وقف العربيه وحاول يوفقني مكنش في اى استجابه مني عامر اتنهد بخوف ومكنش عارف يتصرف إزاي ….كل اللي حصل اني صحيت وحسيت بتقل وجع في جسمي جامد مش اول مره يحصلي كدا الموضوع بقا بايخ رميت نظراتي في كل حته لاقيتني في بيت غريب بصيت علي نفسي لاقيتني لابسه قميص رجالي صوتت جامد لأن اخر مره كنت مع عامر ..دخل عليا بذعر وقالي مالك في اى أهدي متخافيش… اتكلمت برعشه وقولت هو..هو انت عملت حاجه فيا !!! وبعدين دمعت ..عامر باستغراب لا طبعا هو أنا هعمل كدا لي فيكي انتي بس تعبتي مني ووديتك للدكتور وقالي….سكت مره واحده بضيق وحسيته بيتكلم بخنقه وقولت بخوف قالك اى ما تكمل بقيت الجمله…عامر بلع ريقه وخد نفس بضيق وقال قالي انك حامل يا زهراء !! سهم نزل علي قلبي وشقه من الصدمه وكل خليه وقفت في جسمي والد’م وقف لمجاريه وقولت وانا مصدومه حامل!!!أنا حامل !!!! ووووو الأحداث بقت فيها ألغاز وازاي زهراء حامل ومحدش قرب منها و زكريات اى اللي بتكلم عنها في حاجات كتير مليانه لغز كل ده هيتعرف في البارتات اللي جايه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عسران الغول)
