رواية عروس الالفا (الهجينة 2) الفصل الرابع 4 بقلم ماهي أحمد
رواية عروس الالفا (الهجينة 2) الجزء الرابع
رواية عروس الالفا (الهجينة 2) البارت الرابع
رواية عروس الالفا (الهجينة 2) الحلقة الرابعة
( علي راح اوضته وخبط علي الباب قبل ما يدخل عشان يجيب الهدوم لبربروس )
(فتح اوضته شم ريحه د””م بيبص لقي الطبق الازاز اللي كان حاطط في الاكل لزهره متكسر نصين وزهره ماسكه ازازه منه في ايديها ومرميه في الارض ومقطعه شرايين ايديها )
علي : زهرتي
(جرى على زهره اول ما شافها بالمنظر ده واول حاجه عملها بص علي رقبتها لقاها لابسه السلسله اتنهد وارتاح
شالها بسرعه وحطها علي السرير )
علي : ( بخوف) زهره .. زهره .. عملتي كده ليه ؟
( بربروس شم ريحه الد” م اللي جايه من اوضه علي غصب عنه غمض عنيه وبقي يتلذذ بريحته قام وقف وبص علي نفسه في المرايه لقى تحت عنيه عروق سودا بتظهر تحت جلده وعنيه اتحولت للون الاسود وهو مش فاهم اللي بيحصله )
( رفع ايديه وبقي يلمس جلده اللي تحت عنيه وهو بيبص علي نفسه في المرايه وايديه بتترعش وهو مش مصدق انه شايف نفسه في المرايا بالمنظر ده .. بيبص لقى انيابه بتطلع غصب عنه بس المره دي بقوه وبألم خلته يتوجع ويبقي مش قادر يتحكم في نفسه )
( مشي علي ريحه د”مها ووصل لأوضه علي غصب عنه .. علي كان ماسك زهره وكان مدي بربروس ضهره وبيحاول يلم جر”حها مره واحده مسك علي من ضهره ورفعه بكل قوته ورماه علي الحيطه .. مسك زهره ولسه هيغرز انيابه في جسمها.. لقي اللي وقف قدامه وعيونه متحوله وتحت عنيه العروق السودا في كل مكان باينه علي ملامح وشه)
بربروس : ( بغضب ) ابتعد عني ايها اللعين
(ياسين مسك بربروس من ايديه ورفع ايده وحدفه بعيد بربروس وقع في الارض وعلي حاول يقوم بالعافيه بربروس قوته لا يستهان بها في لحظه بربروس كان واقف قدام ياسين ومسكه من رقبته رفعه فوق ..علي جه من وراه وبقي يمسكه من ضهره وبيحاول يبعده عن ياسين
بربروس رجع بضهره لورا وبكل قوته ضرب علي في الحيطه من قوه الضربه الحيطه اتقسمت نصين وعلي دخل جواها والطوب وقع على دكتور علي بربروس لما اتحرك وقع ياسين من ايديه في الارض ياسين بكل جسمه وبكل ما اوتي من قوه ضرب بربروس في بطنه وقعوا في الارض وبقي ضهره ساند علي الارض وعلي في لحظه كان موجود وهما الاتنين مسكوا ايد بربروس كل واحد مسك ايد ياسين فجأه مسك ايد بربروس كسرها بأيده صوت عضم ايده وهو بيتكسر كان عالي اوي )
بربروس : ( صرخ ) رباااااااه
(مره واحده ابتدى يهدى ويفوق لنفسه وعنيه ترجع طبيعيه
من جديد )
علي : ( وهو ماسك بربروس من دراعه بيتكلم وهو بينهج )
علي : اهدى .. انا عارف اللي بتمر بي كلنا مرينا بي هنا قبلك
(علي ساب ايدين بربروس ورجع خطوه لورا وهو بينهج وبيعدل هدومه )
(بربوس ابتدى يفوق لنفسه )
بربروس : ما .. ما الذي يحدث ؟ ماذا حدث لي .. ..
حسام : لا شىء .. لا شيء مطلقآ ايها القوي
(ياسين وعلي وبربروس بصوا ناحيه الباب )
حسام : (ساند بجنبه علي الباب وبقي بيسقف ) براڤو .. هايل .. كت يافنان .. حته مشهد ماشوفتش مشهد بالعظمه دي
(ياسين كان ماسك ايد بربروس اول ما شاف حسام راح ساب ايد بربروس وقام اتعدل من مكانه وقام وقف )
ياسين : انا شايف ان المشهد مش هيكمل غير بيك .. ماتيجي تدخل جوه المشهد معانا .. ولا انت من الجمهور متفرج وبس
حسام : والله ياقلب اخوك في الوقت ده انا متفرج وبس .. انت مش شايف قوته عامله ازاي .. ده بعلي وبيك شخصيا
( حط ايده علي كتف ياسين واتكلم بهمس في ودنه )
حسام : بس اوعدك بكره لما اللعنه تتفك .. هجرى والعب في الملعب
بربروس : ( بص لحسام ) عن اي لعنه تتحدث أيها اللعين
حسام : ( بغضب ) انا لعين يا ابن ال ..
ياسين : ( ببرود وقف قدام حسام ) حاسك متنرفز .. انا مش شايف الأخ اللي هناك ده ( شاور علي بربروس ) قال حاجه غلط
حسام : لاء غلط ياحبيب اخوك ولازم يتربي
علي : مافتكرش .. احنا فعلا كلنا هنا ملعونين
(بقلمي ماهي احمد )
حسام : هو مايقصدش كده وكل واحد فيكم عارف هو يقصد ايه ؟
(العربي دخل وهو ساند علي العكاز بتاعه علي اول ما شافه داخل راح لزهره بسرعه وبقي يبص علي رقبتها ويخبي السلسله بتاعت المهدي اللي لبساها ياسين شاف كده راح وقف قدام علي وخباه بضهره عشان العربي مايشفهووش)
العربي : في ايه .. ايه اللي بيحصل هنا
بربروس : ( بألم وهو ماسك دراعه ) وحسرتااااااه
ياسين : محصلش حاجه
( العربي بص لبربروس ومابقاش مصدق انه شايفه ودراعه مكسور )
العربي : مين كسر دراعه
ياسين : ماحدش.. هو اتكعبل و اتزحلق ووقع علي دراعه اتكسر ( بص لعلي ) صح ياعلي
علي : ( بص وراه بعد ما خبى السلسله بتاعت زهره ) اه .. اه صح
العربي : الكلام ده صح يابربروس
( ياسين بص لبربروس بنظره غضب )
(بربروس وهو ماسك دراعه )
بربروس : نعم صحيح .. كل ما يتفوه به هذا اللعين صحيح
حسام : الكلام ده مش صح
ياسين : ( في لحظه وقف قدام حسام ) ماحدش سألك وطالما اللي ايديه اتكسرت بنفسه قال صح يبقي صح
حسام : بس انا بقي شوفت غير كده
(علي ساب زهره ووقف جنب ياسين )
علي : وانت اللي زيك كمان بقي بيشوف
العربي : كفايه كده .. الانسيه دي وجودها خطر علينا هنا كلنا
علي : الانسيه دي معايا وهتفضل معانا هنا لحد ما كل واحد فينا يروح لحاله
العربي : ( بغضب) انت موافق علي الكلام ده ياياسين
( ياسين بص لعلي وعلي حرك راسه من فوق لتحت حاجه بسيطه بأنه يوافق )
ياسين : ( اتنهد وهو دايس علي سنانه ) موافق
العربي : يبقي الانسيه دي مسؤوليتك من دلوقتي .. مش عايز اي مشاكل ممكن تحصل تبوظ خطتنا
ياسين : ( بص لعلي بنظره توعد ) مافيش حاجه في الدنيا ممكن تبوظ اللي خططناله سنين مش صح ياعلي
علي : ( بص في الارض ) اكيد صح
( العربي سند علي العكاز بتاعه وادالهم ضهره ومشي )
حسام : انت هتسيبهم كده
العربي : حسام تعالى معايا
حسام : ايوه بس
العربي : تعالى معايا
( حسام بص لياسين وعلي بصه غيظ وهو دايس علي سنانه وسابهم ومشي )
ياسين : اسمع كلام بابا ياصغير ..
(حسام الغل كان واضح في عنيه من ناحيه ياسين مشى وسابهم وراه وراح ورا العربي )
حسام : ماحصلش اللي قالولك عليه ده محصلش .. دوول كانوا كلهم بيدكوا في بعض من شويه عشان
العربي : ( قطع كلامه ) عاارف .. عشان بربروس كان عايز يشرب د”م زهره
حسام : ولما انت عارف بتسألهم ليه من الاول
العربي : عشان اشوفهم هيردوا بأيه
حسام : انا مابقيتش فاهمك خالص
العربي : بكره تفهم كل حاجه .. المهم واللي عايزك تعرفه ان انت الوحيد اللي اختارتك عشان تفضل معايا للنهايه
حسام : طيب وهما
العربي : يهمك امرهم
حسام : يهمني اشوفهم متق”طعين حتت قدامي
العربي : هيحصل ماتقلقش بس احنا محتاجينهم معانا دلوقتي .. وطول ما احنا محتاجينهم هنفضل كلنا ايد واحده
حسام : ( ابتسم ابتسامه شمااته ظهرت بجانب شفايفه ) فهمتك .. فهمتك اوي كمان
—————————-
(بربروس كان ماسك ايده وبيتوجع من الألم )
بربروس : ياحسرتاااه .. ياحسرتاااااه لقد انفصلت يداااي ياحسرتااااااه
ياسين : انت هتقعد تولول زي النسوان ولا ايه
بربروس : ولوله .. ما .. مالذي تعنيه بالولوله
ياسين : هات ايدك..
بربروس : لااا لقد اعطيت يدي لك مره ولن اسلمها لك مره اخرى
ياسين : ( بستهزاء) انت ليه محسسني اني طالب القرب منك .. مش هكررها تاني هات ايدك
(بربروس مد ايده لياسين ياسين مره واحده راح عدل عضم ايد بربروس ورجعه مكانه )
بربروس : ( بصوت عالي وهو ماسك دراعه ) ربااااااه ..
(بربروس بيبص لقى ايديه ابتدت ترجع طبيعيه من جديد ولا اكن حصل فيها كسر ولا حاجه والعضم بيلم لوحده )
(بربروس بص لياسين وهو مش مصدق ان عضمه لم في لحظه وبالسرعه دي )
بربروس : ( بص لياسين وهو متنح ) أيعقل !!
ياسين : ( شاور براسه من فوق لتحت بالموافقه ) اه .. يعقل
( ياسين بص وراه لقى علي عند زهره وبيبصلها وهو حزين جدا )
( مسك بربروس وشده من ايديه وطلعوا بره هما الاتنين وقفل الباب وراه )
بربروس : ( بص لياسين ) تريث ايها اللعين ..
ياسين : ( بصله بغضب ) حسنا معگ حق سأتريث تريث محدش اتريثه قبل كده بس امشي معايا هالحين
( ياسين قفل الباب وراه هو وبربروس )
——————————–
علي : ( وهو باصص لزهره وزهره مغمضه عنيها ) انا عارف انك سمعاني .. وعارف انك حاسه بكل اللي بيحصل حواليكي ..
( فتح البوكس بتاعه وطلع شاش وقطن وبقي يضملها جرحها )
(زهره قعدت علي السرير واتعدلت وهي مده ايديها لعلي وبيربطلها الجرح )
( علي وهو ماسك دراعها وبيربطلها جرحها )
علي : عايزه تعرفيني ايه باللي عملتيه ده
زهره : اني هحاول أأذيك بكل طريقه ممكنه وانا معاك
علي : ولما تقط”عي معصم ايديكي كده بتأذيني
زهره : گفايه اني شوفتكم قدامي وانت بتمو”توا في بعض
علي : اتبسطي وانا بتأذى
زهره : ( من غير تفكير ) جداااا ..
( علي كان بيضملها الجرح اول ما سمع الكلمه دي منها وقف وساب معصم ايديها)
علي : للدرجه دي مابقتيش طيقاني
زهره : واكتر كمان
علي : عايزه ايه يازهره
زهره : عايزه امشي عايزه اروح لبنتي .. سيبني امشي .. انا ماليش اي لازمه هنا ما بينكم
علي : خايف لو سيبتك وبعدتك عن عيني يقت”لوكي
زهره : المو”ت عندي ارحم من اني افضل جنبك
علي : ( بعصبيه ) ومخلعتيش السلسله ومو”تي نفسك ليه
زهره : عشان بنتي .. مش عايزه اسيب شمس لوحدها في وسط اللي بيحصل ده كله وهي مالهاش اي ذنب فيه
زهره : ( باستعطاف ) سيبني امشي ياعلي .. لو فعلا انا غاليه عندك زي ما بتقول طلعني من هنا
علي : ولو قت”لوكي دول ما بيرحموش
زهره : يبقى قدر ربنا انا مش خايفه من المو”ت كلنا هييجي علينا وقت ونم”وت طول العمر نقمه عمره ابدا ما كان نعمه
علي : بس انتي لو جرالك حاجه او بعدتي عني انا مش هعرف اعيش من غيرك
زهره : ولو فضلت معاك هبقي عايشه مي”ته وعمرى ما هبقي مرتاحه
علي : يعني لو بعدتي عني هتبقي مرتاحه يازهره
زهره : ( بتردد وبلعت ريقها وبعدت نظرها عنه ) اا .. اكيد
علي : ( رفع وشها بأيديه وبقي يبص لملامحها وزهره كانت بتتفادى تبص في عنيه ) قوليها يازهره وانتي بصالي في عنيه .. قولي انك هتبقي مرتاحه وانتي بعيد عني قولي انك مابتحبنيش زي ما بحبك
(زهره بصيتله بااندهاش دي اول مره علي يقولهالها )
علي : أيوه يازهره انا بحبك .. وهتفضلى احلى حاجه ف كل السنين اللي عيشتها
زهره : ( قلبها بقي بيدق اوي وهو سامع صوت دقات قلبها اللي بتعلى اكتر واكتر )
علي : ارفعي عيونك وبصيلي وقوليها وانتي بصالي قولي انك هتبقي مرتاحه وانتي بعيده عني ومش معايا
زهره : ( بصوت واطى وبتحاول تبص الناحيه التانيه مش في عنيه ) هبقي .. هبقي مرتاحه اكيد
علي : عالي صوتك .. صوتك واطى اوي
زهره : ( بصوت اعلى) هبقي مرتاحه اكيد
علي : ( رفعلها دقنها اكتر بصوابعه ) بصي في عيوني وانتي بتقوليها
زهره : ( بصيتله وبقت عنيها في عنيه ) ايوه .. هبقي مرتاحه ياعلي .. الراحه عمرها ماهعرفلها طريق طول ما انا جنبك ومعاك
( نزل ايده من علي دقنها وبقي بيتكلم بيأس وادالها ضهره )
علي : طيب يازهره اللي تشوفيه
زهره ( بفرحه ولهفه) : بجد يعني هتخليني اخرج من هنا
علي : سبيني اشوف طريقه ازاي اخرجك بيها من هنا من غير ما حد يحس
زهره : بيعني مابتكذبش عليا زي كل مره
علي : المره دي لاء
(زهره اتنهدت بارتياح )
زهره : دي اخر مره هثق فيك واتمني تطلع قد كلمتك المره دي
————————-( بقلمي مآآهي آآحمد )———————
( ميرا ورعد كانوا لسه في الكافيه ومستنيين الاكل الويتر جه )
ميرا : اخيرا
( الويتر حط الاكل علي الطرابيزه وميرا ابتدت تاكل بلهفه من الجوع )
رعد : ( طلع السيجاره بتاعته من جيبه وولعها واخد نفس وهو بيبص لميرا وبيبتسم )
رعد : للدرجه دي جعانه
ميرا : جدااا
رعد : انا مش عارف انتي جايلك نفس تاكلي ازاي واحنا في وسط كل ده
ميرا : واي ذنب معدتي البريئه من اللي بيحصل كل ده
رعد : طيب هاتي حته
ميرا : ( بابتسامه ) ما كان من الاول
————————–( بقلمي مآآهي آآحمد )———————
( يزن نزل وساره نزلت عشان تشوفوه راح فين )
( دورت عليه في البيت كله مالقيتهووش فتحت الاوضه اللي فيها هدير )
ساره : هدير ماشوفتيش يزن
هدير : ( مسحت دموعها بسرعه ) لا لا .. ماشفتهووش .. قصدي .. ماشفتهووش بس شوفته وهو بيخرج بره
(ساره دخلت وقفلت الباب وراها )
ساره : هدير انتي كويسه
هدير : ( ادتها ضهرها بتوتر ) اه الحمدلله كويسه خالص
ساره : ( وهي واقفه وراها ) مش باين عليكي
هدير : ( ابتسمت ابتسامه بالعافيه بتحاول تخبي اللي جواها )
هدير : وعايزاه يبان عليا ازاي بس
ساره: داغر زعلك تاني
هدير : ( اتنهدت ) سيبك مني انا المهم انتي كنتي بدورى علي يزن صح
ساره : ايوه
هدير : هتلاقيه بره
ساره : انا مقدره انك مش عايزه تتكلمي بس ممكن اقولك علي حاجه
هدير : اه طبعا
( ساره مشيت ووقفت عند الباب )
ساره : داغر بيحبك ياهدير
هدير : ( بابتسامه ) عارفه والله ياساره
زي ما عارفه كمان ان يزن بيحبك
ساره : عرفتي منين
هدير : عنيه فضحاه
ساره : عقبال لسانه مايفضحه هو كمان
( ساره ابتسمت وقفلت الباب وراها )
————————————
(ساره طلعت بره وبقت تدور علي يزن )
ساره : ( بتنادي عليه ) يززززززززن
الطفله : انا سامعه صوت ساره
يزن : طيب تيجي نفاجأها
الطفله : ( شاورت براسها من فوق لتحت كده بالموافقه)
( يزن حط صوباعه علي شفايفه وبص للطفله )
يزن : هوووووش
( استخبى ورا شجره هو والطفله عشان ساره ماتشوفهمش )
ساره : ( لسه بتنادي وبتبص شمال ويمين ) يززززززن ..
(يزن وطى بالراحه اوي هو والطفله وبقي ياخد قطع من التلج ويكورها ( يعملها علي شكل كوره صغيره ) بأيديه والطفله عملت زيه بالظبط )
(ساره وقفت بزهق ونفخت وحطت ايدها في وسطها )
ساره : راح فين بس
(يزن بص للطفله وهو رافع ايديه وكور التلج في ايديهم هما الاتنين )
يزن : ( بص للطفله بصوت واطي ) جاهزه
الطفله : ( ابتسمت وبصوت واطي جاهزه ) اه ..جاهزه
(ساره لسه هتنادي علي يزن مره تانيه )
ساره : يز
(مره واحده لقت كرات التلج في وشها .. غمضت عنيها ووقفت لثواني )
(الطفله طلعت من ورا الشجره وهي بتشاور علي ساره وبتضحك )
( ساره لسه واقفه مكانها ماتحركتش وبقت واقفه بصالهم يزن بص للطفله )
يزن : ( بابتسامه ) الظاهر انها مصدومه ياغدير
(يزن وغدير اخدوا كرات تلج مره تانيه وبقوا يحدفوها علي ساره ساره اتحركت من مكانها وهي متغاظه )
ساره : بقي كده طيب .. انتوا اللي جيبتوه لنفسكم
( ساره اخدت تلج وكورته وبقت تحدفه علي يزن وعلي الطفله )
( والطفله بقت تحدف علي يزن )
يزن : ( بص للطفله وهو بيحدف تلج علي ساره ) انتي معايا ولا معاها
ساره : ( وهي رافعه ايديها وبتحدف تلج علي يزن ) معايا طبعا
يزن : بقي كده طيب خدى بقي
(ساره بقت تجرى وهي مبسوطه اوي والضحكه كانت طالعه من قلبها بجد ويزن كان بيجرى وراها هي والطفله وكان بيحاول يمسكها والطفله بتحدف تلج علي يزن واخيرا يزن لمس ساره من ضهرها ولسه هيمسكها هما الاتنين اتكعبلوا وبقوا يدحرجوا علي التلج سوا فوق بعض لحد ما خبطوا في الشجره اللي قدام البيت )
يزن : ( وهو فوق ساره بصلها وابتسم )
ساره بصيتله وهي بتنهج وابتسمت وبقت تبص لملامحه
يزن بيبص لقى في خصلات من شعرها كانت علي شفايفها )
(رفع ايده بالراحه وبقي يشيلها خصلات شعرها وبصوابعه بقي بيلمس شفايفها )
( وقتها نبضات قلبها بقت سريعه جدا وهي بصاله وهو كمان من كتر نبضات قلبه اللي شويه وهتطلع من مكانها نفسه كان سريع اوي مره واحده الطفله جت ووقفت قدامهم )
الطفله : اي مش هنكمل لعب بقي
( يزن فاق لنفسه وقام بسرعه من علي الارض وهو متوتر وبيعدل التي شيرت بتاعه )
يزن : اه .. اه طبعا هنكمل لعب بس لما تقوليلنا انتي زعلانه من ايه الاول
(ساره قامت وقفت وهي بتبص ليزن )
ساره : هي غدير زعلانه
يزن : تخيلي
(ساره وطت وشالت هدير )
ساره : والقمر زعلان من ايه بقي
غدير : اجازه نص السنه خلصت والمدارس بدأت بقالها يومين ومحدش فيهم من هدير ولا داغر مهتم اني اروح المدرسه
ساره : ( نزلت غدير في الارض ) يعني انتي عايزه ترجعي المدرسه
غدير : ( قعدت في الارض جنب الشجره وسندت ضهرها علي الشجره )
غدير : اكيد عايزه ارجع المدرسه اومال هبني مستقبلي ازاي وكمان عايزه اقابل صحابي
(يزن قعد جنبها هو وساره )
(و اخد الطفله علي رجله وسند ضهره علي الشجره )
يزن : طيب ما قولتيش الكلام ده لداغر ليه
الطفله : هو داغر فاضيلي .. انا عارفه ان مافيش حد فاضيلي اصلا من وقت ما الجده ما”تت وكل واحد بقي بيفكر في نفسه داغر بيفكر ازاي ينتقم لموت الجده وهدير بتفكر ازاي داغر يرجع يبقي زي الاول
ساره : طيب ورعد
الطفله : رعد ما بيفكرش فيا اصلا
( يزن ابتسم واخد الطفله في حضنه وضحك ضحكه بصوت ساره بصيتله وهو بيضحك وابتسمت )
ساره: بقالي كتييير ماسمعتش صوت ضحكتك يايزن
يزن : عادي يعني .. مجاتش مناسبه عشان اضحك مش اكتر
ساره : ( بصت للطفله ) خلاص ماتقلقيش انا هكلم هدير عشان ترجعي المدرسه من جديد
الطفله : انا عايزه اروح مدرسه داخليه زي صحبتي باباها ومامتها راحوا عند ربنا زي بابا وماما بالظبط وكمان نفسي اوي ابقي مع صحبتي
ساره : الله يرحمهم
يزن : انتي بتفكرى صح ياغدير انا هكلم داغر في الحكايه دي اتفقنا
الطفله : اتفقنا
( الطفله ابتدت تتاوب )
ساره : عايزه تنامي
(وهي بتدعك في عنيها بأيديها )
الطفله : اه
ساره : ( فتحت دراعتها ) طيب تعالي
( ساره اخدت غدير في حضنها وغدير نامت جوه حضنها )
يزن: مش عارف .. مش متخيلك انك ممكن تكوني ام في يوم
ساره : ( استغربت ) ليه بتقول كده
( حط ايده علي شعر الطفله وهو بيلمس شعرها )
يزن : ممكن عشان طول عمرى شايفك صغيره قدامي .. وبتكبري يوم عن يوم .. طول عمرى هشوفك طفله مهما كبرتي
ساره : وانا مش عايزه اكبر في عيونك ابدا عايزاك تشوفني الطفله اللي مابتكبرش في نظرك .. ولو عملت غلط في يوم تسامحها عليه .. الاطفال بتغلط والكبار بيسامحوه .. هما بيغلطوا والكبار بيعلموهم غلطهم وانا اتعلمت غلطى وعمرى ما هكرره مره تانيه
( ضم حواجبه حاجه بسيطه وبص الناحيه التانيه وحاول يتوه في الكلام )
يزن : ( وهو بيبلع ريقه ) مممم هي شمس بقت مع عمار
ساره : ( اتنهدت ) ايوه معاه
يزن: افتكر .. افتكر انها لازم تعرفنا البي بيحصل ولازم تتكلم كفايه بقي كده
ساره : ( قصدها علي يزن وهي بتبصله ) فعلا وانا برضوا بقول كفايه كده انا كمان زهقت
يزن : تقصدي ايه
ساره : ولا حاجه انا هاروح انيم الطفله جوه
(ساره جت تقوم)
يزن: استني
ساره : هستني
يزن : ( اتنهد ) اقصد هاتي اطلع الطفله فوق بدالكة
( ساره ادت الطفله ليزن وهي بتدهاله ايديها لمست ايديه غصبآ عنها يزن بصلها وسحب ايديه من تحت ايديها واخد الطفله منها )
——————–( بقلمي مآآهي آآحمد )—————————-
( رعد كان بيبص لميرا وهي بتاكل وبيبتسم )
ميرا : بتبصلي كده ليه
رعد: ( انتبه لنفسه ) لاء عادي يعني بلاش ابصلك
ميرا : لا .. مش اقصد بس حساه من نظرتك انك بتشوفني لاول مره
رعد : ( بيفتكر حبيبته استر ) ممكن ملامحك وحشاني
ميرا : ممم ..تقصد ايه بكلامك ده انا مش فهماك
رعد : لا لا ابدا بصي خلصي اكل لحد ما اروح اجيب الدوا من الصيدليه هما اكيد رجعوا دلوقتي
ميرا : لا خلاص انا خلصت تعالى نروح سوا
رعد : اللي تشوفيه
( رعد بص للويتر وشاورله براسه)
(الوييتر جاب الحساب دفع الفلوس ومشيوا هما الاتنين )
ميرا : هستناك انا في العربيه بقي
رعد : تمام مش هتأخر
( رعد جاب الدوا وجه وركب العربيه )
ميرا : افتكر ان احنا اتاخرنا عليهم اوي
رعد : مش اوي .. بس يادوبك علي حسب الطريق
ميرا : ( بتتكلم بعفويه ) قولي انت عمرك حبيت قبل كده
( رعد وهو سايق وباصص قدامه )
رعد : بتسألي ليه ؟
ميرا : عادي مجرد دردشه .. لو مش حابب تجا
( قطع كلامها )
رعد : حبيت
ميرا : وليه مكملتووش
رعد : سابتني وبعدت عني وراحت لدنيا تانيه وعالم تاني
ميرا : تقصد انها
رعد : ايوه
ميرا : انا اسفه .. الله يرحمها مكنتش اعرف
رعد : ( وهو متأثر اوي ) يارب
ميرا : ماتت ازاي
رعد : بطريقه مش حابب احكيها دلوقتي
ميرا : خلاص بلاش طالما ده هيضايقك ..
ميرا : ياترى حبيت بعدها
رعد : افتكر كده
ميرا : طيب وهي
رعد : للاسف مش حاسه بيا
ميرا : يعني معجب بواحده دلوقتي وهي مش حاسه بيك
رعد : تقدرى تقولي كده
ميرا : وازاي ماتحسش بيك دي تبقي مابتفهمش علي فكره
وحماره كمان
رعد : ( ابتسم وبصلها ) لاا ماتقوليش كده
ميرا : باين عليك معجب بيها اوي
رعد : فعلا
ميرا : طيب وليه مش حاسه بيك ماتروح تقولها انك بتحبها .. يعني انا عن نفسي لما بحب حد بروح اقوله اني بحبه .. عشان الفت نظره ليا لو مش واخد باله مني ممكن يكون بيبادلني الشعور بس مش حاسس ولما قولتهاله لفت نظره ليا
رعد : انتي شايفه كده
ميرا : اكيد طبعا
رعد : يعني اقولها اني بحبها
ميرا : من غير حتي ما تفكر
رعد : وان رفضتني
ميرا : يبقي عرفت راسك من رجليك وماتكملش في الطريق ده او لو بتحبها فعلا كمل وما تيأسش البنت بتحب جدا اللي بيهتم بيها ويسأل عنها ويشاركها تفاصيلها الصغيره ماتسيبهاش لحظه لوحدها وتحسسها انك دايما جنبها بس لازم تقولها انك بتحبها
رعد : طيب اقولهالها ازاي
ميرا : قولها بحبك
(رعد بصلها وابتسم واتكلم بروحه مش بس بصوته )
رعد : بحبك
ميرا : ( بعدم فهم ) بالظبط كده شوفت سهله ازاي لازم تقولهالها .. دي مافيش اسهل منها
رعد : ( بصلها مره تانيه ) بحبك
ميرا : ايوه كده تعجبني وعرفني رد فعلها اول ما تقولهالها مع اني عارفه انت تقصد مين
رعد : ( بنرفزه )
واقصد مين بقي ياذكيه
ميرا : ساره طبعا .. انا ملاحظه انكم مقربين من بعض اليومين دوول خالص
رعد : لا بصراحه طلعتي بتفهمي
( رعد وقف العربيه قدام بيت داغر وادا الدوا لميرا بنرفزه)
رعد : وصلنا
ميرا : مالك اتضايقت كده ليه انا قولت حاجه ضايقتك
رعد : لا ابدا وانتي بتقولي حاجه تضايق
ياريت تدخلي تدي الدوا لهدير
ميرا : طيب حاضر
( رعد رزع باب العربيه وراه ومشي )
ميرا: ( بتكلم نفسها ) هو ماله اتعصب كده ليه
————————–( بقلمي مآآهي آآحمد )———————
(يزن دخل وخبط علي اوضه هدير وهو شايل الطفله )
(هدير اول ما الباب خبط افتكرته داغر ابتسمت ووقفت قدام الباب وكان نفسها يبقي هو )
هدير : ادخل
( يزن فتح الباب هدير بتبص لاقيته يزن )
هدير : هي نامت
يزن : ايوه .. احطها فين
هدير : هنا علي السرير
ساره : هدير انتي ناسيه ان مدرسه غدير ابتدت بقالها يومين
هدير : اوووبس .. انا ازاي نسيت حاجه زي دي .. اكيد غدير مضايقه جدا
ساره : فعلا .. الطفله حاسه انها مش مهمه عند حد
هدير : ازاي ماتقوليش كده .. ربنا وحده العالم انا بحبها قد ايه واكيد هوديها مدرستها مره تانيه
( ميرا دخلت ووقفت ورا يزن وفي ايديها الدوا )
ميرا : هدير انا جبت الدوا
يزن : (بصلها ) اتأخرتي اوي كده ليه ؟
ميرا : هقولك بعدين
ساره : بعد اذنكم
( ساره مشيت ويزن بقي بيبصلها وهي ماشيه .. ميرا بصت عليه وهو بيبصلها راحت اتحرجت وجت تمشي )
(يزن مسك معصم ايدها )
يزن : رايحه فين
ميرا: هطلع بره شويه .. مخنوقه عايزه اشم شويه هوا
يزن : تسمحيلي ابقي معاكي
هدير : طيب انا هطلع ادي الدوا لعز اكيد مستنيه دلوقتي
يزن : اتفضلي
( رجع بص لميرا)
يزن : ينفع اجي معاكي
ميرا : ( اتنهدت وبصيتله ) اكيد ينفع يايزن
————————————-
عز : معقول كل ده بيجيبوا الدوا
( هدير خبطت )
هدير : انا اسفه انا عارفه ان احنا اتأخرنا بس احنا
( عز شد الدوا من ايدها)
عز : هاااتي
( بص شمال ويمين )
عز : المايه فين المايه ومين هيديها الحقن دي
غرام : ( فتحت عنيها بالعافيه ) عز .. بالراحه ..( بلعت ريقها ) هي مالهاش ذنب
هدير : انا مقدره اللي هو فيه
( بصت لعز ) كوبايه المايه اهيه
هتاخد الدوا دلوقتي .. لحد ما احضر الحقنه انا بعرف أدي حقن ماتقلقش
(عز جاب كوبايه المايه لغرام وحاول يقعدها )
غرام : بالراحه .. بالراحه ياعز مش قادره
عز : انا مش هسيب السبب في اللي خلاكي بالمنظر ده انا لازم اعرف مين الناس دوول .. ( بص لهدير ) انتوا ليكوا عداوه مع مين
هدير : لاااا من الناحيه دي ماتعدش .. بس ده انا معرفش مين وداغر حتى ماقاليش
عز: يعني ايه
هدير : يعني لما داغر ييجي هو اللي هيجاوبك علي كل حاجه ممكن بس تمسك معايا دي عشان نركبلها المحلول
(هدير ابتدت تعلق الكالونه لغرام )
هدير : ماتقلقيش ان شاء الله هتبقي بخير
—————————( بقلمي مآآهي آآحمد )———————
بربروس : اريد ان اعلم في الحال ما الذي يحدث لي .. ومن انتم
ياسين : ( بغضب ) اسمعني كويس انا خلقي في مناخيري .. ومش مستحمل حد انت فاهم
بربروس : ( بص علي مناخيره بحيره ) أين خلقك
ياسين : ( باستغراب ) خلقي
بربروس : نعم الذي بداخل منخارك
ياسين : ( بزهق) يووووه
( ياسين ساب بربروس وفي لحظه مكانش قدامه )
( بربروس قعد علي السرير بيبص من الشباك لقى في عربيات جايه علي الطريق استغرب جدا اول مره يشوف حاجه زي كده )
( نزل بسرعه علي السلالم وكل ما بيسرع في خطوته بيلاقي نفسه بيتحرك بسرعه كبيره طلع بره المزرعه في وسط الزرع وبقي ياخد نفسه مابين الخضرا )
(وبيبص لقي طريق قدامه وعربيات رايحه وجايه وهو مش فاهم دي ايه بقي يمشي ورا العربيات والناس بره كانت بتبصله وهما مستغربين اللي لابسه )
( بيبص لقى في بنت جايه عليه من بعيد وماسكه الفون حطاه علي ودنها وبتتكلم في الفون )
البنت: ايوه ياماما يوحت المزيعه وجيبت الفياخ .. والبطه مانستهاش
ياماما حاضي .. الطماطم في ايدي اهيه
_ماتقلقيش علي الكتاكيت جيبتها صاحيه
ياماما الطماطم جامده مش مستويه انتي قولتيلي جامده والله
_ياماما لسه هيجع اجيبها مستويه واشوف الفيخه شامويتي ولا حميه ( حمرا )
( مره واحده البنت وهي بتتكلم في الفون ومش شايفه قدامها خبطت في بربروس وشنطه الطماطم وقعت منها في الارض هي والفون )
(بربروس داس علي شنطه الطماطم اتعفصت )
البنت : اهي الطماطم بقت مستويه اهيه 🥺
البنت : مش تفتح يا اعمى
بربروس : ( وطى في الارض بسرعه وبقي بيلم الطماطم ) معذره .. معذره يافتاه
البنت : معذيه .. اصيفها ( اصرفها ) منين معذيه دي ايوح بيها فين
بربروس: لقد كان مجرد حادث
البنت : حادث انت شايف نفسك دخلت في تييلا ( تريلا )
( بربروس بص للبنت لقاها بشعرها ولابسه بنطلون ضيق )
بربروس : استرى نفسك يافتاه .. ما الذي ترتدينه انت
البنت : انت بتتكلم عن لبسي انا يابو معذيه انت .. ده انا لبسي كله بياندات ( براندات ) بص علي نفسك شوف لابس ايه
( الفون بتاع البنت رن مره تانيه )
البنت : ايوه ياماما ..
_ياماما خلاص هيجع السوق حاضي وهايوح لعمي زي ما طلبتي عايزه حاجه تاني
_ماشي سلام ياماما
(بربروس بقي بيبص للفون )
بربروس : امجنونه انتي وتحادثين قطعه من الحديد
البنت : لا لا لا انا ماسمحلكش تتييق علي فوني ابدا ..بيستيچ
( برستيچ ) البنت في فونها ده تليفون غالي يااستاذ انت فاكييه ( فاكره ) اي كلام ولا ايه .. انت عايف ده نوعه ايه اللي بتتييق عليه ده
بربروس : وما نوعه
البنت : ( بكل ثقه ) نوكيا ٦١٢
بربروس : وما موقع هذه الجزيره علي الخريطه
البنت : جزييه .. انت منين ياعم انت .. اوعي كده من قدامي
بربروس : ايمكنني ان اطلب .. طلب صغير
البنت : لاء طبعا وانت تعيفني منين عشان تطلب مش كفايه عفصتلي ام الطماطم
بربروس : اشكرك جزيلا ..لقد سمعتك منذ قليل وانتي تقولين انك ذاهبه الي السوق ايمكن ان تصطحبيني الي السوق لشراء بعض الملابس
البنت : شراء بعض الملابس .. بصياحه ( بصراحه ) انت محتاج تتحط في متحف
بربروس : اتقصدينني انا .. بلهجتك هذه
البنت : ومالها لهجتي بقي اكمني لادغه في ال ( ي ) تقصد ال ( ر)
البنت : طيب اي قولك بقي ان من اجمل البنات اللي لادغيين في حيف ( حرف ) ال (ي) وطبعا ده انا اللي قولت كده عشان انا منهم
( مره واحده البنت طلعت علي الطريق ومش واخده بالها لاقت عربيه جايه عليها وكانت هتخبطها بربروس في لحظه كان عندها وشدها من قدام العربيه والعربيه لفت بسرعه وكملت في طريقها )
(البنت وهي بتاخد نفسها وخايفه )
البنت : هو انت قولتلي عايز تيوح فين ياباشا
بربروس : ( بفرحه ) ماذا .. ماذا قولتي لقد اشتقت الي مناداتي بالباشا
البنت : ( بعدم فهم ) ياسطا انا بسألك عايز تيوح فين
————————-( بقلمي ماهي احمد )————————
(علي راح لياسين لقاه تحت يتمرن وفي لحظه مابيبقاش موجود ومره تانيه تلاقيه ظهر )
علي : ساعدتني ليه ؟
ياسين : مش فاهم
علي : لاء انت فاهم ..انت عارف ان زهره معاها سلسله تانيه
ياسين : عرفت
علي : وليه ماقولتش للعربي
ياسين : عشان مش عايزك تم”وت
علي : ليه
ياسين : لسه محتاجك
علي : بس كده
ياسين : تقصد ايه
علي : اقف وانت بتكلمني
(ياسين وقف )
ياسين : وقفت
علي : حبيت اقولك اني متشكر اوي
ياسين : زهره مش هتسامحك ياعلي خللي بالك
وانا عملت كده علشانك مش عشانها وانا عارف انك متعلق بيها
بس عايز اقولك زهره مش هتبقي ليك
علي : خلاص عرفت ياياسين
ياسين : كويس .. شوف هتعمل معاها ايه في اقرب وقت
علي : ماتقلقش هتصرف
علي : فين بربروس
ياسين : مش عارف بس انا سيبته فوق
( هطلع اجيبه عشان ندربه )
ياسين : مستنيك
(علي طلع وبعد ثواني رجع قدام ياسين )
علي : بربروس مش هنا
ياسين : ( ضم حواجبه ) تقصد ايه
علي : لاقيت القماشه دي من المريله اللي كان لابسها قدام باب المزرعه
ياسين : ( داس علي سنانه ) ياحسرتااااااه
( ياسين وعلي في لحظه مكانوش في المزرعه وشموا ريحه القماشه اللي معاهم وطلعوا يدوروا علي بربروس بره المزرعه )
————————–( بقلمي مآآهي آآحمد )———————
(داغر كان قاعد وسط الذئاب وشيزار رجعله وبقي براسه بيحاول يقوم داغر )
داغر : خلاص هقوم ياشيزار
شيزار بقي بسنانه ويشد داغر بسنانه من هدومه
داغر : قولت هقوم انا بس بفكر هقولها ايه
(داغر قام وافتكر ايه اللي هدير بتحبه )
داغر : تمام .. خلاص عرفت هعمل ايه ؟
———————-( بقلمي مآآهي آآحمد )————————
(عمار كان قاعد هو وشمس علي الروف )
(شمس شاورت لعمار بايديه عمار فهمها )
عمار : عايزه تعرفي ايه عني ياشمس
(شمس بقت تشاور بأيديها )
عمار : ( اتنهد ) عيلتي .. مممم ماليش عيله
ام باعتني وانا عيل صغير عشان تفدى اخواتي الاكبر مني عندي حبيبه اكبر مني بسنه. واخ ولد تاني لما اللي خطفوني قالولها تختارى مين من اولادك تبعيه تمن لديون ابويا اختارتني انا
عارفه ياشمس لحد دلوقتي كل يوم بسأل نفسي الف سؤال مش معني اختارتني انا .. ليه انا بالذات ما احنا كلنا عيالها .. ولحد دلوقتي مش فاهم ازاي ام تقدر تختار وتفضل ابم عن التاني .. مش عارف ليه بحكيلك ده مع اني مابحبش احكي في الحكايه دي مع حد حتى مع يزن بس انا مرتاح وانا بحكيلك ومعاكي
(شمس بصت لعمار وابتسمت وطبطبت عليه بأيديها )
عمار : اي صعبت عليكي
(شمس شاورت بأيديها بمعني لاء )
(بصت للسما بتبص لاقت الغيوم بقت حوالين القمر باللون الاحمر ابتدت تتوتر )
( عمار بص للسما وشاف علامات الرعب اللي بانت علي وشها )
عمار : گل شويه تبصي للسما وتترعبي ويبان عليكي التوتر .. حاسس انك عايزه تقولي كلام كتير بس مش قادره
عمار ساعديني وساعدي نفسك احكيلي عنك كل حاجه حتي لو تشاورى بأيديك ما تتكلميش .. انا مش عارف ازاي بفهم اللي انتي عايزه تقوليه بس في الاخر بفهم وده المهم
شمس : ( شاورت بأيديها وحطت ايديها علي قلب عمار )
عمار : قلبي .. ماله قلبي
شاورت علي السما والقمر
عمار : القمر .. ماله
(شاورت علي شعرها )
عمار : القمر وشعرك..
( بعدم فهم )
عمار : ماله القمر بشعرك
(شمس شاورتله بأيديها بأنها ماتقصدش كده )
عمار : طيب معلش نحاول تاني
( شمس ابتدت تشاورله مره تانيه بايديها علي القمر وشعرها بس بطريقه مختلفه )
عمار : تقصدي لون شعرك مش شعرك
شمس : (بفرحه) هزت راسها بمعني ايوه
عمار : ( وقف علي السطح وبص للقمر )
عمار : فهمت القمر لما يبقي احمر
( شمس شاورت بأيديها )
عمار : بعد ٣ ايام ..
ياسين .. والعربي ..
( شمس فرحت اكتر وبقت تحاول تفهم عمار )
عمار : هييجوا ياخدوكي
( شمس بتشور وعمار بيترجم )
هما ملعونين وانتي الوحيده اللي قادره تفكي اللعنه ..
اللعنه لو اتفكت انا .. انا هبقي اقوى منهم
عمار : ثانيه واحده .. ثانيه واحده بس افهم انا ايه اللي دخلني معاهم ومين اللي لعنهم
شمس انا مش فاهم حاجه
(شمس بصت ليأس لعمار )
عمار : طيب بصي ماتيأسيش تعالي معايا
شمس : ( شاورت لعمار بمعنى علي فين )
عمار : هانروح لدماغ بتاعنا
————————— ( بقلمي مآآهي آآحمد )——————–
(يزن طلع بره وبيتمشى هو وميرا )
يزن : مش هتقوليلي بقي اتضايقتي ليه مره واحده
ميرا : لا ابدا مافيش وهضايق من ايه
يزن : ميرا ممكن نتكلم بصراحه
ميرا : يزن انت عارف اني قولتلك اني بحبك .. بس لحد دلوقتي انا معرفش شعورك من ناحيتي ايه .. المشكله انك بتسكت مابتتكلمش .. مش فهمالك حاجه
قولتلك اذا كنت بتحب ساره.. قولتلي ده موضوع واتقفل عشان كده قولتلك علي اللي حاسه بي من ناحيتك بس نظراتك ليها بتقول عكس لسانك
يزن : ميرا انا
ميرا : انت ايه .. انا عايزه اعرف انا ايه في حياتك وصدقني هتقبل كل حاجه ممكن تقولها بس اهم حاجه تقولي اللي جواك .. اه هزعل شويه .. هتجرح شويتين .. بس في الاخر ( اتنهدت )
هرتااااح .. انا كده مش مرتاحه يايزن
(يزن افتكر اللي ميرا عملته عشانه وانها رمت نفسها في وسط التلج وكان عندها استعداد انها تمو” ت نفسها في سبيل ان هو يعيش مره واحده سرح بخياله وافتكر ان ساره عمرها ما عملت عشانه حاجه في يوم وانه كان بيحب ساره وجرحها لسه معلم في قلبه وخاف علي ميرا لا يحصلها نفس اللي حصله من ساره بسببه وهي ماتستاهلش منه كده )
ميرا : كل ده تفكير
يزن : ( فاق لنفسه) لا ابدا من غير تفكير .. انا كمان بحبك
ميرا : ( بفرحه ) بجد يايزن
يزن : ( بلع ريقه ) بجد ياميرا
(ميرا حضنت يزن وهي فرحانه اوي )
ميرا : انا كمان بحبك .. بحبك اوي والله
(يزن ضمها لحضنه اكتر )
ميرا : اوعدني انك مش هتأذيني ابدا يايزن
مش هتأذيني مهما حصل
يزن : اوعدك ياميرا
(عمار قرب منهم وكان سامع كل كلمه هما بيقولوها )
عمار : يززززززن
(ميرا بعدت عن يزن ووقفت جمبه )
يزن : عمار .. في حاجه
عمار : لا ابدا مافيش .. خلينا في المهم دلوقتي
يزن : اي هو المهم
عمار : شمس .. شمس بتقولي ان القمر لما يبقي احمر في لعنه هتتفك
يزن : ( باستغراب ) لعنه .. لعنه ايه
عمار : كملي ياشمس
( شمس بقت تشاور لعمار)
عمار : من زمان اوي ابويا حط لعنه علي المستئذبين
( شمس بقت تشاور بأيديها اكتر )
عمار : لاء دي مش فاهمها
(ساره جت من بعيد )
(ساره بقت تترجم مع عمار )
ساره : كان في مستئذبين ٣ اساسيين كانوا بيشربوا د”م كل اللي يشفوه قدامهم لحد ما البلد اتحولت لغابه ودم البني ادمين في كل مكان
( شمس بقت تشاور اكتر علي نفسها )
عمار : والد شمس كان منهم ولان هو ايه ي..يعني اي الحركه دي
ساره : تقريبا ان هو اللي كان الاصل او .. هو اولهم زي ما يكون اللي عملهم كده
( شمس شاورت بمعني اه بالظبط )
ساره : فعمل عليهم لعنه بالضعف وبقوا ضعاف مش اقويا والعمر بيبان عليهم لحد مايضعفوا ويموتوا .. واللعنه دي الحاجه الوحيده اللي هتفكها
( شمس بقت تشاور علي نفسها )
عمار : انتي اللي هتفكي اللعنه ازاي بد”مك
شمس شاوت بأيديها بمعني لاء
(داغر جه من وراهم )
داغر : بد”م عذراء نص هجينه ونص انسانه
( كلهم بصوا لداغر )
يزن : وانت عرفت منين الكلام ده
داغر : طول عمرى بقرأ في كتب للمكفوفين عن الذئاب
طول الوقت اللي عيشته لوحدي مكنتش مصاحب غير الذئاب وكنت بقرا كتير عنهم وجه مره في ايدي كتاب من ضمن الكتب اللي كنت بشتريها كتاب عن الاساطير الكتاب ده كان بيقول ان في مستئذبين حقيقيين عايشين وسطينا وطبعا الكل فاكره مجرد تخاريف بس لما شوفت عمار قرأت في الكتاب اكتر وعرفت ان المستذئب الاصلي منهم يقدر يعمل لعنه تخليهم ضعاف وهو القوي اللي فيهم
(شمس شاورت براسها بمعني لاء )
يزن : ( بقي بيحاول يترجم كلامها ) بتقول ان ابوها كمان اللعنه صابته مابقاش اقوى
ساره 🙁 بترجم ) القمر هيكتمل كمان ٣ ايام وهييجوا ياخدوها هي متأكده .. لانها الخلاص بالنسبه ليهم ..
ساره : ( بعدم فهم ) ومين .. تقصدي مين فيهم
( شمس بتشاور )
ساره : العربي .. ابويا ..
العربي ابويا هيبقي اقوى واحد فيهم لو ده حصل الكره الارضيه كلها هتتحول من بني ادمين لمستئذبين
يزن : انتي عرفتي كل ده منين
شمس : ( شاورت بأيديها علي راسها واكنها بتنام )
عمار : وهي بتنام والدها بيقدر يتواصل معاها خلال حلمها وبيحكلها اللي حصل زمان
ميرا : مابتتكلميش ليه؟
(شمس بصت في الارض )
عمار : انا لازم اعرف انا متأكد انك بتتكلمي
( شمس بقت تشاور )
ساره : لو اتكلمت وقالت السبب هتحصل حاجه هتبعدها عنك للابد
عمار : يعني ايه .. يعني عمرك ما هتتكلمي ابدا
( شمس بتشاور )
ساره : هتتكلم بس بعد ما نتخلص من ياسين والعربي
والاهم العربي
ساره : للدرجه دي والدي مؤذي
(شمس بتشاور بأيديها )
ساره : احنا لازم نعمل حسابنا وانت .. انت ياعمار لازم تتحكم في نفسك
قدامنا ٣ ايام .. لازم نعمل فيهم احتياطتنا الحرب قربت
ياننقذ العالم منهم .. يانموت .. والعالم كله يبقي تحت سيطره العربي وذئابه
رعد : ( جه من وراهم ) ومش معني حكيتي كل ده دلوقتي كنتي فين من بدرى جايه قبلها ب ٣ ايام واحنا مانعرفش هنعمل ايه
( شمس بقت بتشاور )
عمار : مكانتش تقدر تحكي اي حاجه الا قبل ما القمر يكتمل وتشوفوه بلون الد”م البشر لو عرفوا قبل ٣ ايام من اكتمال القمر العربي وياسين هيزدادوا قوه
(داغر جه يمشي )
يزن : داغر انت رايح فين
داغر : افتكر ان احنا لازم نستعد للي جاي مافيش وقت
رعد : احنا محتاجين اسل”حه محتاجين حد بيشتغل في السلاح يساعدنا نجيب اسلحه في اقرب وقت
( يزن بص وراه علي البيت وابتسم )
رعد : تقصد عز
يزن : ايوه هو ..
عمار : تفكير سليم
—————————–( بقلمي مااهي آآحمد)——————–
بربروس : امتأكده انتي ان هذا هو السوق
البنت : والله هو .. هو ده السوق اللي انا يوحته وبجيب منه الفياخ
بربروس : ولكن اين هم البائعين اريد شراء بعض الملابس
البنت : هي الملابس بنشتييها من السوق بيضوا .. امسك امسك الفيخه دي .. بقولك ايه انت بتعيف في الفياخ
بربروس: ماذا
البنت : استني هشوفهم اذا كانوا شامويتي ولا حمي
بربروس : ( باستغراب ) حمي
البنت : اه اصل اليومين دوول الفياخ بتبقي حميا وبيبعوها اكنها بلدي ولاد النصابه
بربروس : ربااااه .. وحسرتاااه فقط ارحميني واخبريني اين استطيع شراء الملابس
البنت : طيب ثواني والله جايالك في الكلام اهوه
( بتدي الفرخه للراجل بتاع الفراخ ) خد ادبحلي دي
الراجل : حاضر يا انسه
ا
(لراجل دبح الفرخع وابتدت ريحه الد” م تبان بربروس حط ايده علي بوقه ومناخيره من الريحه )
بربروس : يا الهي.. فقط.. الرحمه
(البنت بصت وراها )
البنت : مالك يسطا فيك ايه
(بربروس جه ولسه عروقه هتظهر ياسين حط ايده علي كتفه ومسكه من دراعه )
البنت : انتوا مين
( ياسين بص شمال ويمين والسوق كله ناس )
ياسين : بربروس ابن اخويا .. ضايع مننا بقاله فتره من العباسيه .. اخيرا لقيناه
البنت : يانهاي ابيض من العباسيه
ياسين : ( رفع حاجبه باستغراب ) يانهاى ..
دكتور علي : علي العموم شكرا يا انسه انك عرفتي تخللي بالك من المجنون ده
بربروس : اتركوني فقط اتركوني
البنت : ياحول الله يايييبي .. ياخسايه القمى ده في الجنان
(ياسين اخد بربروس هو وعلي ورجعوا علي المزرعه بسرعه )
————————–( بقلمي مآآهي آآحمد )——————–
غرام : ( بتاخد نفسها ) عز .. كلمت .. كلمت ولاء وشريف
اكيد .. اكيد زمانهم قلقانين علينا دلوقتي
عز : احنا فيكي ولا فيهم دلوقتي
غرام : ارجوك لازم نطمنهم ..
عز : ( فتش في جيوبه ) التليفون مش معايا
هدير : يبقي لازم في العربيه
عز : طيب انا هنزل اجيبه
( عز نزل عشان يجيب الفون بتاعه من العربيه بيبص لقى عمار ويزن ورعد واقفين عند العربيه بتاعته مستنيينه )
( عز بص عليهم كده وماتكلمش وفتح باب العربيه )
يزن : بدور علي حاجه ياعز
عز : يخصك في حاجه
يزن : يعني لو حابب ندور معاك او نساعدك في حاجه
عز وقف وبصلهم وهو مش مهتم بكلامهم
عمار : انا سمعتك وانت بتقول انك عايز تنتقم من اللي هجم علينا وراجل من رجالته كان السبب في ان غرام تضرب بالنار
عز وقف وبص لعمار
عز : ومش هسيبه الا لما اجيبه راكع تحت رجلي
يزن : طيب هو اللي هايجيلنا وتقدر تعمل معاه اللي انت عايزه
عز : امتي
يزن : كمان ٣ ايام
بس المهم تكون معانا .. احنا محتاجينك كلنا عندنا نفس الهدف .. انت تنتقم لغرام واحنا نخلص منهم ومن شرهم .. واضح كده من العربيه بتاعتك المتلغمه اسحه انك تاجر اسلحه حط ايدك في ايدينا ونبقي كلنا ايد واحده
عز : بس انا معرفكمش
داغر : ( داغر في لحظه كان عندهم ) مش مهم تعرفنا الاهم المصلحه واحده
عز : محتاجين ايه
داغر : كل اللي عندك واكيد انت عارف الانواع اللي هنحتاجها ايه
عز : معاكم
يزن مد ايده ورعد حط ايده علي يزن وعمار
يزن بقي يبص لعز عشان يحط ايديه معاهم
عز طلع ايديه من جيبه وحط ايديه وناقص داغر
عمار : داغر
داغر : حط ايده معاهم وكلهم بقوا ايد واحده ومتفقين انهم يبقوا سوا ضدهم
—————————-
ياسين : مكانش ينفع ابدا انك تخرج لوحدك كده
بربروس : انا اريد بعض الاجوبه .. اريد ان اعلم من انا
ولما لست مثلي مثل البشر
ياسين : تلات حاجات مش عايزك تثق فيهم ( البشر .. البني ادمين .. والناس ) انت فاهمني مصلحتك معانا ضدهم
( بربروس بص لعلي )
علي : البشر مابيحبوناش .. مابيتقبلوناش .. ولازم نبقي كلنا ايد واحده ده لو عايز تعيش
(ياسين مد ايديه )
ياسين : يا احنا يا هما .. ومافيش قدامك اختيار غيرنا
علي حط ايده علي ايد ياسين
(بربروس بص لعلي راح علي شاورله براسه من فوق لتحت بالموافقه بربروس مد ايده وحطها علي ايديهم )
حسام : نستوني ياحبايب اخوكم
حسام حط ايده معاهم والعربي كمان
العربي : الحرب قربت 😈
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عروس الالفا (الهجينة 2) )
