رواية عروسي الهاربه الفصل الرابع عشر 14 بقلم وتين الصافي

رواية عروسي الهاربه الجزء الرابع عشر

رواية عروسي الهاربه البارت الرابع عشر

رواية عروسي الهاربه الحلقة الرابعة عشر

عدي اكتر من اسبوع مفيش اي جديد
محمد لسا بيدور علي ريما
وعلي اتشفي تماما وقرر انو يأجر شقه لوحده وسافر بره البلد يخلص شغل
ومراد بيحاول يجمع ادله ضدد محمد وبيقرب من وتين اكتر
________________

————–
-ممكن تعمليلي قهوه يا داده انا هقعد في الجنينه
÷حاضر يابنتي
بصت وتين ب استغراب علي ست غريبه شغاله مع الست فاطمه في المطبخ فسالتها
-مين حضرتك مين دِ يا داده
ردت عليها الست فاطمه بود
÷دي الشغاله الجديده اسمها نعمه يا وتين يابنتي
نعمه كانت واقفه مديه وتين ضهرها وملتفتتش ليها
فاستغربت وتين وخرجت للجنينه عشان تذاكر شويه
بعد دقايق
_______
×اتفضلي ياست هانم
حطت نعمه القهوه وهي باصه ف الارض وكانت ماشيه
لكن وتين وقفت ومسكتها من اديها
-استني
التفتت ليها الست وقالت وهي باصه في الارض ÷تُأمري بحاجه تاني ياست هانم
-لا بس ياريت متقوليش ليا ست هانم انا اسمي وتين عادي وحضرتك ست كبيره المفروض انا اللي احترمك
هزت راسها بطاعه
×حاضر يا ست…
-هاه
×ياوتين
ابتسمت وتين بحب وقالتها
-بعدين انتي لي باصه في الارض ارفعي راسك
قربت وتين وحطت اديها علي ذقنها ورفعتلها راسها
نعمه مقدرتش تستحمل ودموعها خانتها ونزلت علي وشها بسرعهه
اتخضت وتين وقالت بلهفه
-مالك في حاجه انا اسفه لو دايقتك
هزت نعمه راسها ب لاء
-اومال فيكي ايهه

×اصلك فكرتيني ببنتي هي شبهك اووي
-طيب وهي فين
×مسافره مع جوزها
-اها
-طيب ياستي اعتبريني بنتك ولا تزعلي
حضنتها وتين بحب وبعدها مشيت نعمه علي المطبخ
وتين
غربيه الست دي اول مره اشوفها وقلبي بيدق جامد زي ما يكون اعرفها او تقربلي والاغرب انها شبهي جداا
مهتمتش للموضوع وكملت مذاكره
————-
ب الليل
وتين كانت قاعده قدام المسبح
وبتفكر في كل حاجه بتحصلهم وف باباها
فجأه شهقت بخوف لما لقيت حد بيلف اديه حوالين وسطها
_هششش اهدي يا حبيبتي دا انا مراد
التفتت لي وقالت بإطمئنان
-حد يخض حد كدا
ضحك علي طريقتها الطفوليه في التعبير
_طب والحد دا بيعتزر من الحد اللي اتخض
ضربتوا علي صدره وقالت بزعل طفولي
-بتتريق عليا يا مراد خلاص مش مكلماك تاني
كانت ماشيه وسيباه لكونوا شدها لحضنه
_وانا اقدر برضوا اترق عليكي يا قلب وروح وعقل مراد

ابتسمت وتين بخجل زادها جمال
وسكنت في حضنوا
فقال مراد بحب
_ممكن اعرف بقا كنتي سرحانه بتفكري في ايهه
اتنهدت وتين وقالت
-في الحياه اللي عايشينها في بابا وفي موضوع زينه وكرم وزعلانه علي تيم اللي كل يوم يبكي ويقول ان زينه وكرم وحشوه
شدد مراد علي حضنوا ليها وقال ب اطمئنان
_ لو علي باباكي ف كدا كدا هياخد عقابوا وزينه وكرم دَ قضاء ربنا وملناش اننا نعترض وتيم اهه انتي هنا وانا كمان واظن لو زينه كانت عايشه مكانتش هتحبه زيك
-تفتكر هنرجع نعيش تاني ف هدوء
_انشاء الله يا حبيتي
_عايز اسالك سؤال
-اكيد
_انت مش زعلانه عشان باباكي وانو هيتسجن وفي حاجه كمان انا من لما جيتي هنا متكلمتيش عن مامتك خالص ولا حتي شوفت صورة ليها معاكي
-باباه لا ابويا ب الاسم بس عمره ما حبني زي الاب بيحب بنته ديما كنت الشخص الممبوذ ف العيله د حتي يوم جبت مجموع يدخلني طب مكلفش نفسوا يقولي مبروك وغير كدا دا شخص قاتل يعني ميستاهلش تعاطف حتي لو كان مين
-ولو علي ماما ف بابا مانع تواجد اي صوره ليها في البيت د حتي انا معرفش شكلها
شدد مراد علي حضنها وطبع قبله هاديه علي جبينها وقال بحب
_هعوضك عن كل دا يا وتيني بس اخلص من مشكلة باباكي دي
-طب يلا روح غير هدومك وتعالي عشان نتعشي
_حضرتيلي هدمومي طيب
-صحيح اشمعنا بتخلينا انا اللي احضرلك هدومك واكلك و و مع ان قبل كدا الداده كانت بتعمل ده كلو
مسك ايدي وباسها بحب وقال
_عشان بحب اشم ريحتك في كل حاجه تخصني بحب فكرة انك مسكتي هدومي واهتميتي انك تجهزيهالي الاكل من ايدك لي طعم مختلف
بصتلوا وتين بخجل وخدود حمرا
-احم طيب يلا روح بقا غير عشان انا جوعت
_طب متيجي تساعديني
ضربتوا وتين بخفه وهي بتزقوا
-يلا يا قليل الادب من هناا
بعد العشاء
__________

في الاوضه
كان نايم مراد وواخد وتين في حضنه
-مرااد
_همم
-انت نمت
_اه وواخد فاص من الحلم عشان ارد عليكي
-خفه
_عايزه ايهه
-شوفت الشغاله الجديده
اتعدل وبصلها
_لا بس مالها
اتنهدت وتين وقالت
-مش عارفه حاسه انها تقربلي اول م شوفتها قلب فضل يدق جامد دا غير انها فيها شبهه كبير مني او انا اللي فيا شبهه منها
_تقصدي ايهه
-مش عارفه اقولك انسي الموضوع
حضنها مراد تاني وناموا في سبات عميق
في اوضه الخدم
كانت نعمه قاعده علي السرير ودموعها مغرقه وشها
وماسكه صورة صغيره لوتين وبتمشي اديها علي والصورة
×بتقوليلي اعتبرك زي بنتي وانت هي بنتي اههه يا وجع قلبي