رواية عروستي سجينتي الفصل الثالث 3 بقلم فاطمة أبوجلاب
رواية عروستي سجينتي الجزء الثالث
رواية عروستي سجينتي البارت الثالث
رواية عروستي سجينتي الحلقة الثالثة
رامي: يحدق با زهرة وهو مبتسم ويقول فاكره أول مره أكلنا مع بعض
زهرة: أيوة كان برضو فطار وكنا في ملعب أسكواش
رامي: أيوه كانت أول مره أشوفك فيها من تلات سنين بالظبط
وكنت بلعب متش بطولة جمهورية ضد سفيان أخوكي
وكنت كسبان في أول شوطين
وكنت مغرور أوي وعمال أضحك وقتها انتي نزلت من مدرج الجمهور
لجمب مدرب سفيان
وفضلتي تشجعي سفيان وتقوليلو لسه المتش مخلصش وهتكسب يا سفيان بس ركز
وقتها كلامك شدني
اللي هو ازاي عندك أمل وانا كسبان شوطين
وقربت منك وقلت متحلميش يا شاطره أخوكي هيخسر وقتها انتي قلتي أنت أنسان مغرور وغرورك هيخسرك
وفعلاً خسرت البطولة في أخر شوط
ووقتها كنت متعصب اووي وكسرت المضرب بتاعي
زهرة: ووقتها قربتلك وانا خايفه منك وقلتلك أنت بطل عالم مرتين
متزعلش أنك خسرت مره عشان كل خسارة وراها مكسب بس لو أتعلمنا من خسارتنا
رامي: وقتها بصتلك وانا حسيت اني لسه باخد بالي منك ومن جمالك
وكلامك هداني
ورضيت بالخسارة
زهرة:ووقتها طلبت من سفيان انه يعزمك تاكل معانا
رامي:ووافقت عشان بس مبانش اني غيران من أخوكي
زهرة: وبعدها شوفتك في كل صالات الاسكواش وانت في تدريب كتير
رامي: طيب فاكره أخدت رقمك أزاي
زهرة: أيوه كنت قاعده مع سفيان في النادي وانت قربت مننا وسلمت علي سفيان وبعدها سلمت عليا وأستأذنت إنك تقعد معانا
رامي: طيب فاكره لما كنت عامل زي العبيط وانا معرفش أن سفيان أبن زوجة والدك مش أخوكي شقيقك
زهرة: ايوه فاكره لما سفيان طلع تذكرتي بتاعت المتش بتاعه وكان بيدهالي
وأنت أخدتها تشوفها
ووقتها لقيت أسمي مكتوب عليها زهرة أحمد
وأنت سألت وبتقول لسفيان انت مش أسمك سفيان سيلمان الهادي
اومال مين أحمد ده
زهرة: وقتها ضحكنا عليك طول النهار وفهمناك احنا اخوات ازاي
رامي: ايوه فاكر كل ده و لما سفيان قام يحاسب وقتها طلبت منك رقم تلفونك وأخدته
ومن وقتها عرفت اني بحبك
زهرة: اناااا انا شبعت
وقامت زهرة من علي السفره وحينها مسك رامي يدها وهو يشدها ناحيته وهو يقول
ليه بتهربي مني ليه رافضاني
أبعدت زهرة يد رامي عنها وهي تقول
أنت عارف السبب
رامي: وأنا توبة عن السبب ده وعرفت غلطي وطلبت انك تسامحيني
زهرة: في أسباب وغلط ملوش سماح بيكون كسر مبنقدرش نسامح فيه
رامي:…
يتبع…
لقراءة الفصل التالي : اضغط هنا
الرواية كاملة اضغط على : (رواية عروستي سجينتي)
