رواية عرض جواز الفصل السابع والأربعون 47 بقلم أسماء صلاح
رواية عرض جواز الجزء السابع والأربعون
رواية عرض جواز البارت السابع والأربعون
رواية عرض جواز الحلقة السابعة والأربعون
توقفنا لما مروان قال : وانت عاوزني اعمل ايه بقي اسيب الشغل
ونظرت له والدته وقالت باستغراب : تسيب الشغل
مروان : اه ياماما اسيب شغل الشركه والمطبعه بما الاستاذ كريم مش عجبه بقي اني اشتغل يبقي يشتغل هو بقي
كريم باستغراب : ايه اشتغل انا
مروان : اه اشتغل امسك انت بقي الشركه والمطبعه وانا مستعد دلوقتي علي فكرة اني اسيب الشغل ومعنيش اي مانع
والتفت له والدته وقالت بدهشه : ايه اللي انت بتقوله ده يامروان
مروان : ايه ياماما بقول ايه لو كريم عاوزني اسيب الشغل ويمسك هو الشغل في الشركه والمطبعه انا مستعد والله دلوقتي حالا أعمل كده ومش هزعل بالعكس هكون مبسوط علي فكرة علشان انا عاوزه يتحمل المسؤولية بقي
كريم : بس انا مش عاوز كده يامروان
مروان : ليه بقي ماتمسك انت الشغل كله وصدقني انا مش هزعل بما انك مش عاوزني اهتم بشغل يبقي خلاص امسكه انت
كريم بقلق : يا مروان انت فهمتيني غلط انا ما بقولكش ما تهتمش بالشغل علشان انا عايز امسكه لا انا مش عايز امسكه وبعدين حتى لو انت سبت الشغل علشان انا امسكه مش هرضى برده و انت مره قلت لي ان الشركه دي بتاعتي زي ما هي بتاعتك وما حدش هيمسك الشركه والمطبعه غيرك انت وانا بس هشتغل معاك مش اكتر علشان تبقى فاهم يعني وغير كده انا ما قلتلكش سيب الشغل علشان تقول لي كده انا كنت بتكلم عن الحب انت اللي فهمتني غلط
مروان باستغراب : الحب
كريم : اه يا مروان الحب اللي انت سالتني عنه من شويه لما كنت بسال ماما
وبتنظر له والدته وهزت راسها وقالت بضيق : بتسالني على ايه يا قليل الادب انت ما تقعد ساكت واتلمي بقى
كريم بابتسامه : برده اتلم ماشي يا ماما والتفت لمروان شوف يا عم المنظم انت انا هجاوبك بما انك سالتني ايه هو الحب
وبينظر له مروان باستغراب
كريم : الحب ده يا مروان حاجه كده ما تتوصفش اول ما تلاقي شريكه حياتك تلاقي السهم داخل على قلبك على طول وما تعرفش اتضرب ازاي وبتحس بقى بحاجات عمرك ما حسيت بيها قبل كده وما تعرفش بقى ايه اللي انت حاسه ده وتبقى متلخبط ومش فاهم ايه اللي بيحصل معاك ولو حاولت تفهم ايه اللي بيحصل معاك ده ما تقدرش تفهمه ما انا بقول لك حاجه كده ما تتوصفش بس رغم كل ده بتبقى مبسوط اول ما بتشوف شريكه حياتك دي بتحس ان قلبك ده بيرقص من كتر الفرحه وانك طاير من السعاده وساعتها يا مروان بتبقى في دنيا تانيه غير الدنيا دي خالص دنيا ما فيش فيها غير انت وشريكه حياتك وبس ما بتبقاش عايز اي حاجه تانيه من الدنيا غير وجودها معاك زي ما يكون روحك اتعلقت بروحها يا مروان ما تعرفش ازاي بس ده اللي حصل وتلاقيك بتخاف عليها اكتر من نفسك ولو حد اذاها ولو بكلمه واحده بس تحس انك عايز تموته علشان اذاها وبتبقى عايزها مبسوطه دايما ولما تشوفها زعلانه يا مروان بتحس انك انت اللي زعلان ازاي ما تعرفش بس ده اللي بيحصل وبتبقى عايز تعمل اي حاجه علشان بس تشوف ضحكتها ثاني وتلاقيك بتغير عليها من الهوا الطاير ومش عايز حد يبص لها غيرك انت وبس ولما بتبعد عنك شريكه حياتك دي بتحس ان في حاجه ناقصاك وتبقى بتفكر فيها دايما ونفسك تشوفها لو حتى مره واحده علشان بتحس انك ما انتاش عايش من دونها وبتبقى متضايق وزعلان وطول الوقت سرحان ومش عايز تكلم حد واول ما تشوفيها كل ده بيروح وانا ادنه كان موجود يا مروان ما تفهمش ازاي بس صدقني هو ده اللي بيحصل الحب ده يامروان حاجه غريبه وما توصفش زي ما قلت له
وبينظر له مروان بدهشه والتفت قدامه وقال لنفسه : يا ده نفس اللي انا بحس بيه معقول يكون انا بحب نجمه وسرح
وبتنظر والدته لكريم وقالت باستغراب : وعرفت ده كله منين بقى ان شاء اللّه ليكون حبيت وما قلتليش
والتفت لها كريم وقال بابتسامه : حبيت ايه يا ماما لا طبعا ولا حبيت ولا حاجه وبعدين ما اقولكيش ازاي ده انتي قطتي يعني اول واحده هتعرف لو حصل ده
والدته بدهشة : اما انا عرفت ده كله منين
كريم : هيكون منين يعني يا ماما ما انا ساعات كده بقرا روايات عن الحب وكده
والدته بضيق : طب يا اخويا بطل كلامك ده وكل
كريم بابتسامة : حاضر يا ستي هاكل اهو والتفت ان الاكل وبياكل
والتفت والدته لمروان وقالت : وانت كمان يا مروان يلا قول
وسرح مروان بتفكيره اللي قالوا كريم باستغراب
ونظره كريم لمروان وهو بياكل والتفت لوالدته
ونظرت له والدته والتفتت لمروان وقالت باستغراب : مروان وحطت ايدها على ايده
والتفت لها مروان وقال : ها ايوه يا ماما
والدته : ايه مالك
مروان : ها لا ما فيش يا ماما
والدته : طيب كل يلا
مروان : لا يا ماما انا شبعت وقام من على الكرسي والدته باستغراب : شبعت ايه يا مروان هو انت اكلت حاجه اقعد كل
والتفت لها كريم ونظر لمروان وبياكل وقال : اه يا ابني انت ما اكلتش حاجه اقعد
ونظر مروان لكريم وقال : لا انا شبعت ومشي
والتفت كريم لوالدته وقال باستغراب : هو في ايه يا ماما مروان ماله
والتفتت له والدته وقالت : مش عارفه يا كريم اما اروح اشوف ماله وهتقوم
كريم : لا يا ماما خليكي
ونظرت له والدته وقالت باستغراب : ليه يا كريم هو انت عارف ماله
كريم : لو كنت عارف ماله يا ماما ما كنتش سالتك دلوقتي
والدته باستغراب : امال ما انتاش عايز اروح وراها ليه
كريم : علشان خليه يقعد لوحده شويه يا ماما وبعدين بعد كده ابقي اتكلمي معاه وشوفيه ماله بس خليه دلوقتي يقعد لوحده دلوقتي
والدته : بس هو ما اكلش حاجه يا كريم
كريم : مش مشكله يا ماما شويه كده وخلي عايشه تطلع له الاكل فوق على غرفته
والدته : طيب يا رب يكون كويس
كريم : ما تقلقيش يا ماما هو كويس كلي يلا انتي
والدته : طيب ونظرت للاكل وبتاكل
وطلع مروان السلم وراح على غرفته ودخل وقال لنفسه باستغراب : معقول انا بحب نجمه وماشي لا لا مش معقول بس اللي قاله لي كريم تحت ده عن الحب هو ده اللي حاسس بيه يبقى انا بحبها طب ازاي حصل ده وامتا وحط ايده على جبينه بتذكر كلام كريم وهو بيقول له ان الحب ده يا مروان حاجه ماتتوصفش اول ماتلقي شريكه حياتك تلقي سهم دخل قلبك على طول وماتعرفش اتضرب ازاي معقول انا حبيت نجمه من اول ما شفتها وشال ايده من على جبينه طب ازاي وانا مش بطيقها راح عند السرير وقعد عليه انا مش فاهم حاجه بس اللي بيحصل معايا ده هو نفسه اللي قاله لي كريم تحت وده ملهوش غير معنى واحد ان انا فعلا بحب نجمه وبابتسامه معقول انا بحب المجنونه دي وحط ايده على وشه واتذكر الكلام اللي قالته له نجمه في التليفون بس دي في حد متقدم لها وهتتجوزه وهي ما رضيتش تقول لي وبضيق مش ممكن اخليها تتجوزه انا لازم اتكلم معاها وتفهم ايه اللي بيحصل معاها زي ما فهمت وانها بتحبيني انا مش اي حد ثاني دلوقتي فهمت انا ليه كنت متضايق لما قالت لي انها هتتجوز علشان بحبها ومااعرفش فين تليفوني والتفت وراه وهو قاعد على السرير لقى تليفونه عند المخده واخذه واتعدل ونظر لتليفون وهيتصل لا بلاش علشان هي مضايقه مني بسبب اللي حصل ولو اتصلت بيها مش هترد عليه بس لازم اتكلم معاه باي طريقه واعرف مين العريس اللي متقدم لها ده وهي موافقه عليه ولا لا بس ازاي وبيفكر ايوه اروح لعم شفيق وهو اللي هيساعدني هخلينا اشوف نجمه لازم اروح له هو الوحيد اللي يقدر يساعدني وقام من علي السرير ورايح عند الدولاب مش هخليكي تجوزي يانجمه باي طريقه الشاب اللي متقدملك ده انتي بتحبني انا وبس وانا بحبك ومش هتتجوزي غيري واخذ هدوم وراح مسرعا علي الحمام
في السفره :
قاعد كريم على كرسي السفره وساب المعلقه من ايده وقام من على الكرسي
والتفتت له والدته وقالت : انت رايح فين يا كريم ما تقعد تكمل الاكل
كريم : لا يا ماما انا شبعت انا هطلع بقى انام شويه
والدته باستغراب : تنام هو انت مش هتذاكر
كريم : لا يا ماما لما ابقى اصحى
والدته : لما تبقى تصحى ايه هو انت لما بتنام بتصحى يا انت بتقعد ساعه يا كريم علشان تصحى ما تذاكر دلوقتي احسن لك
كريم : لا يا ماما انا عايزه انام
والدته : غريبه
كريم باستغراب: غريبه وايه الغريب ان انام يا ماما هو انا مش انسان ولا ايه
والدته : لا انسان بس انت متعود تنام متاخر علشان كده غريبه انك عايز تنام دلوقتي
كريم : اصل انا يا ماما تعبت النهارده رحت المطبعه وبعدين رحت الشركه وبعد كده رحت المطبعه تاني والعربيه اتعطلت وكان يوم يا ماما ما اقولكيش عليه
والدته : اهااا انما العربيه تعطلت ازاي وانت اللي موصل مروان لغايه هنا وبعدين رحت المطبعه ثاني
كريم : ما انا رحت صلحتها يا ماما في الورشه وبعد كده رحت لمروان الشركه وبعدين جينا على هنا وبعدين ورحت ثاني المطبعه كان يوم متعب قوي يا ماما انا هطلع انام لي شويه علشان انا تعبان وعايزه انام
والدته بابتسامه : طيب يا حبيبي اطلع نام وانا شويه كده وهطلع انام انا كمان
كريم : طيب يا ماما ومشي
والتفتت والدته للاكل اللي قدامها على السفره وقالت لنفسها : انا كمان شبعت يا عايشه عايشه
وجاءت عايشه ووقفت قدامها ونظرت له وقالت : ايوه يا هانم
ونظرت لها وجدان وقالت : لمي الاكل وقامت وفي علبه بلح الشام على الترابيزه بتاعه المطبخ جوه فضيها وهاتي لي منها طبق في الانتريه
عايشه : حاضر يا هانم هلم الاكل واروح افضيها واجيب لحضرتك طب
وجدان : طيب ومشت
ورايحه وجدان على الانتريه وبتنظر قدامها وهي ماشيه لقت كريم طالع على السلم والتفتت على وشمالها وراحت على الانتريه ووقفت جنب الكرسي وقالت لنفسها : اما اشغل التلفزيون شويه واقعد اتفرج عليه عقبال ما عايشه تجيب لي بلح الشام
في الطرقه فوق :
ورايح كريم علي غرفته والتفت علي غرفه مروان ووقف مكانه وقال لنفسه : اما اشوف مروان كده قبل ما نام وهيمشي لا بلاش احسن اسيبه يقعد لوحده هو طلب مني كده لما كنت عنده ولو دخلته دلوقتي هيقولي كده برده اني اسيبه لوحده خليه يقعد لوحده يمكن يبقي كويس والصبح ابقي اتكلم معاه وراح على الغرفتة
في غرفة مروان :
خرج مروان من الحمام واخذ تليفونه ومفتاح العربية بس ووقف مكانه يا كريم هو اللي وصلني وعربيتي سبتها قدام الشركه اعمل ايه دلوقتي مش مشكلة اخد عربية كريم وخرج من الغرفة ومشي ونزل مسرعا علي السلم ورايح عند السفرة وبيلتفت علي يمينه بالصدفة لقي والدته قاعده في الانتريه فارايح لعندها
وقعده والدته في الانتريه وبتتفرج علي التليفزيون والتفت بالصدفه علي شمالها لقيت مروان جاي فابتسمت وقالت لنفسها : كويس انه نزل اهوه يقعد معايا بدل ما يقعد لوحده
وجاءت مروان ووقف قدامها وبينظر ملقش كريم والتفت لوالدته وقال باستغراب : هو كريم فين ياماما
والدته : طلع ينام في غرفته اصل قالي انه تعب النهارده وهيطلع ينام ونظرت علي شكله فاستغربت هو انت خارج ولا ايه
مروان : ها اه ياماما خارج
والدته بدهشة : خارج رايح فين يا مروان انت كنت لسه جاي من بره من شويه
مروان لنفسه : اقول لماما اني بحب نجمه ورايح اشوفها واتكلم معها لا بلاش احسن لما اتكلم مع نجمه الاول وتعرف انها بتحبني واشوف هتقول ايه وكمان اعرف منها هي ليه كذبت عليا وما قالتليش ان في واحد متقدم لها اتكلم معها وبعدين ابقي اقول لماما احسن
وبتنظر له والدته وقالت باستغراب : مروان
والتفت لها مروان وقال : ها ايوه ياماما
والدته بدهشة : مالك يابني النهارده مش طبيعي ليه كل اما اكلمك القيك سرحان
مروان باربتاك : ها لا ياماما مش سرحان ولا وحاجه انا هطلع لكريم
والدته : هتطلع لكريم وهتطلعه ليه ما انا قوتلك انه نايم وبعدين انت مقولتليش رايح فين
مروان : رايح مشوار ياماما
والدته باستغراب : مشوار مشوار ايه ده
مروان باربتاك : ها مشوار ياماما وخلاص
والدته بدهشة : ايه يعني يامروان مشوار ايه ده
مروان : لما اجي ياماما هقولك
والدته باستغراب : لما تجي تقولي طيب ماتقولي دلوقتي يامروان
مروان : لا ياماما لما اجي علشان مستعجل انا هطلع لكريم
والدته : وهطلع لكريم ليه ما انا قوتلك انه نايم
مروان : هطلع اخد منه مفتاح عربيته اصل عربيتي سبتها قدام الشركه
والدته : اهااا طيب ماتاخد عربية والدك من الجراج
مروان : لا ياماما دي عربيه بابا الله يرحمه ومحدش هيركبها من بعده
والدته : هو انت اي حد ياحبيبي ده انت ابنه يامروان
مروان : انا عارف ياماما بس مش هقدر اركبها من غير بابا علشان انا متعود اركبها معاه
والدته بحزن : الله يرحمه ونظرت قدامها
وبينظر لها مروان وراح لعندها ووقف قدامها والتفت جنب والدته وحط الجاكيت من ايده وقعد على رجليه ونظر لوالدته وقال بحزن : انا اسف يا ماما عشان فكرتك ببابا
والتفت له والدته وقالت بحزن : انا اساسا ما نسيتوش عشان انت تفكرني بيه يا مروان ونزلت دمع من عينيها
ومروان مسح لها الدمعه وقال : خلاص بقى يا ماما انا ما اقدرش اشوفك كده وانتي عارفه وبابتسامه وبعدين القمر بردك يعيط
وبتنظر لها والدته بابتسامه وقالت : يا حبيبي انت اللي قمر مش انا
مروان : قمر ايه يا ماما انا جنبك ولا حاجه على فكره انت اللي قمر هنا وبس
والدته : ازاي تقول كده لا طبعا ده انت ما شاء الله قمر 14
وجاءت عايشه ومعاها طبق بلح الشام ونظرت قدامها لقت مروان بيه قاعد على رجليه قدام والدته والتفتت لوجدان هانم ووقفت جنبها وقالت : بلح الشام يا هانم
ونظرت وجدان لعايشه وقالت : طيب ياعايشه والتفت للطبق واخذه
عايشه : تؤمري بحاجه تانيه يا هانم
والدته : لا يا عايشه روحي انت
عايشه : حاضر يا هانم ومشت
ونظر مروان لوالدته وقال بابتسامه : طيب ياماما اسيبك بقي تاكلي بلح الشام ومشي انا وهيقوم
ونظرت له والدته وقالت : لا استني يامروان
والتفت والدته للطبق واخذت منه ونظرت له وقال : امسك كول دي ومدت ايدها
والتفت مروان لايده والدته ونظر لها وقال : لا ياماما مش عاوز كولها انتي
والدته : لا يامروان كولها يلا انت ماكلتش حاجه علي السفرة كولها لغاية لما تجي تاكل يلا
مروان بابتسامة : حاضر ياماما ومد ايده
والدته : لا افتح بقك وانا هاكلك
مروان بابتسامة : حاضر وفتح بقه
وحطتها والدته في بقه وقال بابتسامة : بالهنا ياحبيبي
وبياكل مروان وبينظر لوالدته وبلع وقال بابتسامة : ربنا يخليك لي ياست الكل ونظر لايدها ومسكها ووطي وباسها
والدته بابتسامة : ويخليك لي ياحبيبي
مروان بابتسامة : طيب ياماما هطلع انا بقي اجيب المفتاح العربية من كريم وامشي مش عاوزه حاجه
والدته : سلامتك ياحبيبي
مروان بابتسامة : طيب ياماما والتفت علي الجاكيت
واخذه وقام ونظر لوالدته وسمع صوت حد بيقول مخطوبه فإستغراب والتفت شماله لقي التلفزيون شغال وعبد الحليم بيتكلم مع صباح فتفرج
ونظرت له والدته لقيته بيبص علي التليفزيون فاستغربت
وبينظر مروان للتليفزيون وبيتفرج فتذكر نجمه لما كانت في المكتب وبتكلمه علي نجوي السكرتيره وقال لنفسه بدهشة : ايه ده يا نجمه كانت غيرنا عليه لما لقيت نجوي السكرتيره قلقانه عليه علشان كده كانت مضايقه لما كانت بتسالني علي نجوي وقعدت تعيط وماتعرفش ليه وبابتسامة واتصرفت مع نجوي كده لما خرجت من عندي علشان بتغير عليه معني كده انها بتحبني وسرح
وبتنظر له والدته وقالت بابتسامة : في ايه يامروان
وسرح مروان بتفكيره في اللي عملته نجمه مع نجوي السكرتيره بابتسامة
وبتنظر له والدته وقالت باستغراب : مروان
والتفت له مروان وقال : ها ايوه ياماما عاوزه حاجه
والدته : انت اللي عاوز حاجه اصل قلت انك ماشي يعني ومامشيت
مروان : ها لا ياماما مش عاوز حاجه انا همشي بقي
والدته بابتسامة : طيب
وبتنظر له والدته وهو ماشي وقالت لنفسها باستغراب : ماله مروان طول الوقت سرحان ليه ياتري في ايه مخليه سرحان كده اكيد فيه حاجة هي اللي مخليه يبقي سرحان بشكل ده لما يجي ابقي اعرف منه وكمان اعرف ايه المشوار اللي هو رايحه ده اما اكل بلح الشام وبتتفرج على التليفزيون
وطالع مروان علي السلم بابتسامة واتذكر كلام نجمه اللي قالت له في المكتب وانها مش قادرة تنسها وطلع السلم وماشي وقال لنفسه : ياحبيبتي يانجمه لدرجتي انتي بتحبني ومنتش عارفها انا جاي لك ومش هسيبك تتجوزي مهما حصل وراح علي غرفة كريم ووقف قدامها وفتح الباب ودخل الغرفة والتفت لقي الغرفة عتمه وسرج النور ونظر علي السرير لقي كريم نايم وراح لعنده ووقف جانب السرير والتفت علي الكوميدينو ملقش مفتاح العربية هو حطه فين ده اما اصحيه اساله وقعد علي السرير جانب كريم وهو بينظر له كريم اصحي كريم وحط ايده علي كتفه وهزه كريم انت يابني اصحه كريم
وصحه كريم من النوم ونظر قدامه لقي مروان وقال بنعس : مروان وشال راسه من علي المخدة وهو بينظر له في ايه يامروان بتصحني ليه هو النهار طلع
مروان باستغراب : نهار ايه اللي طلع لا احنا لسه بالليل
كريم بنعس : اما احنا لسه بالليل بتصحني ليه يا انا مصدقت اني انام يامروان وحط راسه علي المخده وهو بينظر له هو انت كده تقلقني صبح وليل
مروان : معلش بس كان لازم اصحيك
كريم بنعس : ولازم ليه يعني يا مروان ايه اللي حصل البيت بيقع
مروان : بيت ايه يا ابني انت اللي بيقع حد يقول كده بردك
كريم : امال عايزني اقول ايه بتصحيني ليه يا مروان سيبني انام بقى روح انت كمان نام وغمض عينيه
مروان : طيب هسيبك تنام بس فين مفتاح العربية بصوت مرتفع كريم وهزه
وفتح كريم عينيه ونظر له وقال بنعس : ايه يا ابني مالك انت عليك عفريت اسمه كريم عايز ايه دلوقتي يا مروان ما تسيبني انام بقى
مروان : طب قول لي فين مفتاح العربيه وانا اسيبك تنام
كريم باستغراب : مفتاح عربيه ايه يا مروان انت بتحلم ولا ايه
مروان : انا اللي بحلم بردك هو انا اللي نايم ولا انت مفتاح عربيتك يا ابني فين
كريم باستغراب : وانت عايز مفتاح عربيتي في ايه هو انت خارج ولا ايه
مروان : اه خارج فين بقى مفتاح العربيه
كريم بدهشة : وخارج رايح فين هو ايه اللي بيحصل معاك يا مروان بالظبط مش كنت في غرفتك يا ابني ومتضايق هو انت ما انتاش طبيعي النهارده ليه يا مروان
مروان : معلش هبقى افهمك بعدين يلا علشان مستعجل فين مفتاح عربيتك
كريم : عندك على التسريحه
مروان : طيب وقام من على السرير وراح لعند التسريحه لقي مفتاح العربية واخذه ونظر لكريم يلا سلام وشاور بايده وماشي
ونظر له كريم وهو ماشي وقال بنعس : سلام يا سيدي اطفي النور واقفل الباب وانت خارج
وماشي مروان وقال : حاضر
ووقف مروان قدام باب الغرفة وطفي النور وخرج منها ووقف مكانه والتفت للباب وقفله ونظر قدامه ومشي مسرعا ونزل علي السلم ووقف والتفت علي والدته وهي قعدة في الانتريه وقال بصوت مرتفع : سلام ياماما
ونظرت له والدته وهي قاعدة في الانتريه وقالت بصوت مرتفع : مع السلامة ياحبيبي خلي بالك وانت سايق
مروان بصوت مرتفع : حاضر ومشي
وخرج من الفيلا ورايح عند عربيه كريم والتفت لجاد لقها قاعد جانب البوابه علي الكرسي وهو ماشي وقال بصوت مرتفع : جاد
والتفت له جاد وقال بصوت مرتفع : ايوه يافندم وقام من علي الكرسي
وماشي مروان وبينظر له وقال : افتح البوابه
جاد : حاضر يافندم وببيفحها
وفتح مروان باب العربية وركب وبيتحرك
وخرج مروان من الفيلا
في شقة عم شفيق :
في الانتريه :
وقعد جمال علي الكرسي ونظره علي الطاولة وبيلعب والتفت لعم شفيق وقال : خلاص ياعم شفيق انا اللي كسبت الدور ده
والتفت له عم شفيق وقال بضيق : مش مشكله يا جمال نلعب دور كمان وهكسبك
جمال : لا ياعم شفيق انا اللي هكسبك الدور الجاي كمان شوف رغم انك كنت مصير انك تكسب الدور ده وطلعت روحي في اللعب بس انا برده اللي كسبت علشان تعرف بس ان انا خصم قوي وبضيق واكسبلك مروان اللي انت بتقول عليه ذكي ده وانه خصم قوي
عم شفيق باستغراب : ايه ده يا انت حطيت مروان في دماغك بقي
جمال بضيق : وحطه ليه في دماغي يا عم شفيق ولا حطه في دماغي ولا حاجه انا بس بقولك اني مش خصم سهل واذا كان هو خصم قوي انا كمان خصم قوي ومحدش يقدر يكسبني بسهوله
عم شفيق بدهشة : مالك ياجمال مضايق من مروان كده ليه
جمال بغضب : وهتضايق منه ليه ياعم شفيق هو عملي حاجه
عم شفيق باستغراب : ما انا بقول برده بس طريقك في الكلام بتقول انك مضايق منه علي فكرة مروان طيب ياجمال ومش متكبر خالص
جمال : وانا مالي اذا كان طيب ولا مش طيب ياعم شفيق انا قوتلك كده علشان تصدق اني خصم قوي مش اكتر يعني
عم شفيق بابتسامه : طيب يلا نلعب ياحضرة الخصم القوي دور كمان ونشوف مين فينا اللي هيكسب
جمال : انا طبعاً اللي هكسب ياعم شفيق بس بقولك ايه استني والتفت للطبق الكيكه بتاعته
عم شفيق باستغراب : استني ايه
والتفت له جمال وقال : لما اكل خرطه الكيكه دي معتش غيرها في الطبق اكلها بقي
عم شفيق : طيب وانا كمان اكل الكيكه بتاعتي وبعدين نبقي نلعب
جمال : طيب
ونظر عم شفيق للطبق بتاعه اللي علي الترابيزة قدامه واخذه وبياكل خرطه الكيكه ونظر لجمال وقال : مش كانت نجمه تجي تقعد معانا هنا ياجمال بدل ماهي قاعده لوحدها كده في الشقة
وبياكل جمال وقال : ماهي مرضيش ياعم شفيق تجي قدامك
وبياكل عم شفيق وقال : اظهار لسه زعلانه ياجمال من الكلام اللي احنا قولنها
وبياكل جمال وقال : لا ياعم شفيق معتقدتش لو كانت زعلانه ماكنتش اتكلم معانا وضحكت كمان
وبياكل عم شفيق وقال : طيب احنا هنعمل ايه ياجمال في الموضوع ده لازم نتصرف نجمه مش شايفه اللي احنا بنقولها علشان احنا معها بس لما نكون مش معها هتشوف اللي احنا بنقولها ده وهتعرف ساعتها احنا كنا بنقولها كده ليه بس هيكون الوقت فاتت ياجمال علشان كده لازم نلقي حل
جمال : معاك حق ياعم شفيق واكل الخرطه الكيكه وحط الطبق والتفت له بس هنعمل ايه ما احنا حاولنا نتكلم معها زي ما انت شوفت مافيش فايدة ياحتي لما انت قولتها ان اي عريس هتقدم لها هنشترط عليه انها تجي تزونا كل يوم برده رفضت ياعم شفيق يعني الموضوع بالنسبه لها منتهي ياعم شفيق
وبطل عم شفيق اكل وقال : مافيش حاجه اسمها منتهي ياجمال وحط الطبق قدامه ونظر له لازم نحاول مرة واتنين زي ماقوتلك قبل كده علشان تقتنع ولا انت عجبك يعني تفضل قاعدة كده طول عمرها
جمال : لا طبعا ياعم شفيق مش عجبني انا نفسي اشوفها سعيدة في حياتها واطمن عليها مع انسان يعرف يصونها ويحافظ عليها علشان زي ماقوتلك ياعم شفيق انا مش هعيش لها طول العمر علشان كده نفسي اطمن عليها مع رجل يعرف قميتها وشيلها في عنينه مش يبهدلها ويطهقها في عيشتها ويخليها تكره حياتها
عم شفيق : معاك حق ياجمال لازم فعلا يكون رجل يقدرها ويصونها ويسعدها طول عمرها بس نجمه توافق بس انها تتجوز وبعد كده ربنا هجيب لها نصيبها وان شاء الله يكون انسان كويس ويحافظ عليه وهيحطها في عنينه
جمال : طيب وهنخليها توافق ازاي بس ياعم شفيق
عم شفيق : هو ده اللي انا بفكر فيه ياجمال ازاي نخلي نجمه توافق انها تتجوز
جمال : طيب ولقيت حل
عم شفيق : شوف احنا مافيش قدامنا احنا نتكلم معها في الموضوع
جمال باستغراب : نتكلم معها
عم شفيق : ايوه ياجمال نتكلم معها
جمال بدهشة : ازاي ياعم شفيق ما احنا اتكلمنا معها وموافقتش
عم شفيق : مش مشكلة ياجمال احنا نفضل نتكلم معها في نفس الموضوع ده لغاية ماتوافق انها تتجوز
جمال بقلق : بس ياعم شفيق كده هتنزعل وتضايق مننا
عم شفيق : ما احنا مافيش قدامنا غير كده يا جمال تزعلنا مننا دلوقتي احسن ماتفضل طول عمرها عايشه لوحدهاومحدش يسال عليها وتحس ولا ادنيها عايشه الوحده صعبة يا جمال اسالني انا وبحزن لما وزجتي اتوفت ماكنتش اقدر عايش هنا من غيرها بس وجودكم جانبي انت ونجمه خلني اقدر اعمل كده وعايش هنا وانا مش عاوز نجمه تبقي وحيدة يا جمال لازم تتجوز ويبقي عندها اسرة وبعدين لو عندك حل تاني قول
جمال : لا ياعم شفيق معنيش بس انا خايف لنجمه تعند اكتر انها تتجوز لو احنا اتكلمنا معها وبعدين كتر الضغط عليها هخليها تتضايق اكتر وساعتها ممكن تتعب ياعم شفيق ما انت عارف انها عندها ضيق تنفس والعصبية والانفعال مش كويسين علشانها
عم شفيق بقلق : معاك حق ياجمال خلاص احنا نسيبها يوم كده ولا يومين وبعدين نبقي نفتحها في الموضوع تاني ونتكلم معها براحه علشان ماتتفعلش وتتضايق وبكده مابنكونش بنضغط عليها
جمال : ماتتفعلش وتضايق ايه ياعم شفيق يا هي.بس لما بتجيب لها سيرة الموضوع ده بتتعصب وتضايق زي ماتكون غلط فيها ولا حاجه تعرف ياعم شفيق لو انت شتمتها يعني مثلا مش هتبقي مضايقه ومتعصبها بشكل ده
عم شفيق : صح يا جمال انا لاحظت كده برده عليها لما كنت بتكلم معها في المطبخ كانت مضايق وعصبية ومرضتش تسمعنا خالص ومشت
جمال بقلق : وده برده اللي هيحصل ياعم شفيق لو فتحنا معها الموضوع تاني بعد يوم ولا اتنين وانا خايف عليها ياعم شفيق ليحصل حاجه
عم شفيق : شوف يا جمال خلي الموضوع ده علي الله وان شاء الله هو هيحله من عنده
جمال بقلق : يارب ياعم شفيق يتحل انا املي في ربنا كبير ان الموضوع ده يتحل ونجمه توافق تتجوز
عم شفيق : ان شاء الله يا جمال هيتحل وربنا مش هيخيبلك املك يلا بقي نلعب ومتشيل هم ان شاء الله خير
جمال : يارب يبقي خير يلا نلعب وجيت عينيه علي طبق عم شفيق اللي فيه الكيكه ولقي فيه نص خرطه الكيكه والتفت له بس انت مش هتاكل الكيكه بتاعتك دي الاول ياعم شفيق
ونظر عم شفيق لطبق الكيكه اللي قدامه علي الترابيزة والتفت لجمال وقال : لا ياجمال دي حته الصغيرة هبقي اقولها لما نخلص لعب
جمال : طيب يلا بقي نلعب
عم شفيق : يلا ونظر للطاوله
في شقة نجمه :
في غرفة نجمه :
وقاعده نجمه علي كرسي مكتبها ونظره في الكتاب اللي قدامها علي المكتب وبتذاكر ورن تليفونها وبطلت قراءة وقالت لنفسها بضيق : تلقيه مروان هو اللي بيتصل تاني انا مش عارفه ماله هقوله ماتتصلش بي علشان عاوزه اذاكر وهو مصير برده انه يتصل انااحسن حاجه اعملها اني اقفل تليفوني خالص علشان يبطل يزعجني ونظرت لتليفونها لقيت سلمي هي اللي بتتصل وبابتسامة ايه ده دي سلمي هي اللي بتتصل اما اشوف عاوز ايه وفتحت الخط الو
سلمي : الو ايوه يانجمه
نجمه : ايوه ياسلمي
سلمي : انا بعت لك المحاضرة بتاعت النهارده علي الواتس اهو
نجمه باستغراب : بتعتها
سلمي : ايوه بعته لك نجمه
نجمه بدهشة : بس انا موصليش حاجه يا سلمي
سلمي : لا نجمه بعته لك تشوفها كده تلقيكي انت بس اللي مخدتش بالك
نجمه : طيب يا سلمي استني معايا كده لما اشوفها
سلمي : طيب يانجمه انا معاكي اهوه
نجمه : طيب وشالت التليفون من علي ودنها ونظرت فيه لقيت رساله من سلمي علي الواتس وحط التليفون علي ودنها تانيه اه ياسلمي ابعت
سلمي : طيب يا نجمه قولي لي انتي هتروحي بكرة الشركه امتا علشان تمضي العقد
نجمه : هروح بكرة الساعه 10 ياسلمي علشان امضيه
سلمي باستغراب : عشره وبدري كده ليه يانجمه
نجمه بضيق : اعمل ايه بقي يا سلمي مروان بيه هو اللي قالي اجي في الميعاد ده ولو اتاخرت دقيقة مش هيقابلني
سلمي باستغراب : مش هيقابلك
نجمه بغضب : ايوه
سلمي : شكله بيحب المواعيد المظبوط يانجمه
نجمه بضيق : آه ياحبيبتي بيحب المواعيد المظبوطه ماهو بيحبها وتجي علي دماغي انا ويصحني من النجمه
سلمي : معلشي يا نجمه اصحي بدري بقي وخلاص ورحي علشان دي فرصة ما تتعوضش يانجمه علشان كده اصحي بدري ورحي الشركه
نجمه : ما عنديش حل غير كده ياسلمي اني اصحه بدري وروح الشركه
سلمي : طيب اسيبك بقي تنامي علشان تصحي بدري
نجمه : طيب يا سلمي وشكرا ياحبيبتي انك بعت لي المحاضره
سلمي : بتشكرني علي ايه يانجمه ده احنا اصحاب يلا تصبحي علي خير
نجمه : وانتي من اهله
سلمي : سلام
نجمه : مع السلامه وقفلت الخط وحطت التليفون علي المكتب كويس ان مروان محاولش يتصل بي تاني علشان انا ماكنتش هرد عليه بس وبقلق هو باين عليه زعل علشان كده ماتصلش بي تاني ماهو اللي غلطان انا مش عارفه ايه اللي جره وكان عصبي كده ليه معايا بس انا برده غلطانه ماكنش المفروض اتكلم معها بالشكل ده واعصبه اكتر ماهو متعصب اكلمه اعتذرمنه لابلاش احسن زمانه دلوقتي عصبي ولو اتصلت بيه هيتعصب عليه وانا مش هسكت علشان كده اسيبه احسن لما يهدها ولما اروح له الصبح الشركه ابقي واعتذر منه علي طريقة كلامي معها ونظرت للكتاب كفاية مذاكرة النهارده اقوم انام علشان اصحه بدري بكرة ان شاء الله وقفلت الكتاب اللي قدامها وقامت من علي الكرسي وطفت النور ورايحه عند السرير شكل بابا هيطول عند عم شفيق علشان كده انام احسن ونامت
في عربية مروان :
وسايق مروان العربية ونظره علي الطريق وقال لنفسه بابتسامة : انا بحب المجنونه دي ومستغرب ليه يامروان ما انت بقيت مجنون زيها علي العموم انا مرتاح دلوقتي لما عرفت اني انا بحبها وحاسس
براحه غربية عمري ماحسيت بها قبل كده زي ما
اكون كنت بدور علي حاجة ومش عارف ايه هي وغمضه بس هي نجمه عرفت الشاب ده مين وعرفته امتا وازاي اتقدم لها لازم اعرف كل ده قبل ماقولها اي حاجه اديني وصلت ووقفت العربية قدام بيت نجمه والتفت علي الكرسي اللي جانبه واخذ الجاكيت ونزل من العربية ونظر علي بيت ورفع راسه نفسي اشوفك يانجمه بس مش هينفع اطلع لها علشان مايصحش وبعدين والدها زمانه فوق دلوقتي ولو طلعت هيسالني
انا جاي ليه ومش هعرف اقوله دلوقتي غير لما اتكلم مع نجمه الاول وبعدين ابقي اقوله علي العموم عم شفيق هيساعدني اشوفها اما واطلعه والتفت علي بيت عم شقيق وراح لعنده ودخل البيت وطلع مسرعا علي السلم ووصل قدام شقة عم شفيق ورن الجرس
في شقه عم شفيق :
في الانتريه :
سمعوا عم شفيق وجمال وهما قعدين بيلعبوا صوت جرس الباب
ونظر عم شفيق لجمال وقال : ده صوت جرس الباب انا هروح اشوف مين ياجمال
ونظر له جمال وقال : لا خليك انت ياعم شفيق انا هروح افتح
عم شفيق : لا ياجمال خليك انا هفتح يمكن تكون نجمه
جمال : ياريت يا عم شفيق تكون هي علشان انا مابعرفش اللعب من غيرها
عم شفيق : ولا انا كمان ياجمال واللعب بيحلو كده لما بتبقي قاعده معانا بيجي لي نفس كده اللعب والله
جمال : معاك حق يا عم شفيق وانا كمان كده
قدام باب الشقة :
وقف مروان وقال لنفسه : هو عم شفيق نايم ولا ايه اما اضرب الجرس تاني يمكن يفتح ورن الجرس
جوه الشقه :
في الانتريه :
سمعوا عم شفيق وجمال صوت جرس الباب
وبينظر عم شفيق لجمال وقال : اما اروح افتح لها
وبينظر له جمال وقال : طيب
وراح عم شفيق عند باب الشقه وفتحه وقال: معلشي يانجمه ونظر قدامه لقي مروان وبدهشه مروان
ونظر له مروان وقال بابتسامة : ازيك ياعم شفيق
عم شفيق بابتسامه : الحمد لله ازيك انت
مروان : الحمد لله ياعم شفيق
عم شفيق بابتسامه : اتفضل يامروان
مروان بابتسامة : شكرا ياعم شفيق ودخل الشقة ووقف جانب الباب وهو بينظر له وحشتني والله ياعم شفيق
وقفل عم شفيق باب الشقة والتفت له وقال بابتسامة : وانت اكتر والله ياحبيبي تعال وفتح ذراعيه الاتنين
وراح مروان لعنده وحضنه بابتسامة
وحط عم شفيق ايديه علي ضهره مروان وهو حضنه وقال بابتسامة : تعرف انت لو ماكنتش مشغول الفترة اللي فاتت دي وانا مقدر الظروف اللي حصلت كنت زعلت منك
وطلع مروان من حضنه ونظر له وقال بابتسامة : وانا مقدرش علي زعلك ياعم شفيق علشان كده جيت اشوفك ومقدرتش استني للصبح
وحطت عم شفيق ايديه علي ذراعيه مروان وقال : بس برده يامروان كنت ارتاح زي ماقوتلك وتعال لي الصبح
مروان : متقلقش ياعم شفيق انا كويس وماكنتش اقدر استني للصبح علشان اشوفك اصل انت وحشتني اوي وبعدين انت كنت مستني نجمه ولا ايه
عم شفيق : لا ماكنتش مستني ولا حاجه بس كنت فكرها جايه تقعد معايا شويه
مروان بابتسامة : اهااا
عم شفيق : بس انت جيت في وقتك علشان عاوزك في موضوع
مروان باستغراب : موضوع
عم شفيق بابتسامه : ايوه يامروان
مروان : وانا كمان عاوزك في موضوع ياعم شفيق وانت الوحيد اللي هتقدر تساعدني فيه
عم شفيق باستغراب : موضوع
مروان : ايوه
عم شفيق بابتسامه : اه يعني مانتش جاي تشوفني علشان وحشتنك زي مابتقول
مروان : لا ياعم شفيق انت وحشتني والله فعلا فجيت علشان اشوفك وكمان اتكلم معاك في الموضوع
عم شفيق : خير يامروان
مروان : خير ياعم شفيق انا كنت عاوزك
وقطع جمال كلامه وهو قعد في الانتريه وقال بصوت مرتفع : يلا ياعم شفيق انت هتقعد تكلم مع نجمه كده وسيبني تعال يلا انت وهي علشان تعلبني
وسمعوا عم شفيق ومروان وهما واقفين قدام باب الشقة صوت جمال
والتفت عم شفيق لوراها وقال بصوت مرتفع : طيب جاي اهوه
وسمع جمال صوت عم شفيق وهو قعده علي الكرسي في الانتريه وقال بصوت مرتفع : طيب
ونظر مروان لعم شفيق وقال باستغراب : هو انت عندك حد ياعم شفيق
ونظر له عم شفيق وقال بابتسامة : اه يامروان ده جمال ابوه نجمه
مروان بدهشة : ايه والده نجمه
عم شفيق بابتسامه : ايوه وقعدين نلعب طاوله تعال ومسك ايده مروان وماشي
وحط مروان ايده التانيه علي دراعه عم شفيق ووقفه وهو بينظر له وقال : استني بس ياعم شفيق
ونظر له عم شفيق بابتسامه
مروان بقلق : انا كنت عاوز اقعد معاك لوحدنا ياعم شفيق علشان عاوزك في موضوع مهم بس
عم شفيق باستغراب : بس ايه يامروان
مروان : بس اظهار مش هينفع اتكلم معاك فيه دلوقتي
عم شفيق بدهشة : ليه يامروان مش هينفع ماتكلم انا هسمعك وبعدين مافيش حد غريب ده جمال اللي جوه وانت عارفه وشوفته قبل كده لما كان عندي
مروان : ايوه ياعم شفيق انا عارفه بس مش هينفع اتكلم قدامه علشان مش عاوزه هو بذات يعرف دلوقتي
عم شفيق باستغراب : هو بذات
مروان : ايوه ياعم شفيق علشان كده كنت عاوز اتكلم معاك لوحدنا
عم شفيق بدهشة : ليه يامروان هو ايه الموضوع علشان مش عاوز جمال هو بذات يعرف
مروان بصوت منخفض : اصل كنت عاوز اشوف نجمه ياعم شفيق
عم شفيق بابتسامه : اهااا تشوف نجمه
مروان : ايوه
عم شفيق بابتسامه : هو ده الموضوع المهم يامروان يا انا افتكرت ان فيه حاجة خطيرة ولا حاجه لقدر الله
مروان : ماهو فيه حاجة خطيرة فعلا ياعم شفيق انا عاوز اشوف نجمه واتكلم معها في موضوع مهم وماينفعش يتأجل لصبح علشان كده جيت لك تساعدني
عم شفيق باستغراب : حاجه خطيرة وبقلق في ايه يامروان ايه اللي حصل انت كده قلقتني
مروان : متقلقش ياعم شفيق بس انا لازم اشوف نجمه ضروري
عم شفيق بقلق : طيب ماتصلتش بيها ليه ما انت معاك رقمها
مروان : ما انا كلمتها ياعم شفيق بس هي مردتش عليه
عم شفيق باستغراب : مردتش عليك
مروان : ايوه اصلها مضايقه مني
عم شفيق بدهشة : ايه مضايقه منك
مروان : ايوه
عم شفيق باستغراب : ليه هو انت عملت ايه تاني وبعدين دي كانت من ساعتين ثلاته كانت قاعده تقول فيك شعر يامروان ايه اللي حصل علشان نجمه مضايقه منك
مروان : اصل ياعم شفيق
وقطع جمال كلامه وهو قعده في الانتريه وقال بصوت مرتفع : يلا ياعم شفيق انت نستني ولا ايه لما شوفت نجمه
وسمعوا عم شفيق وجمال هما وافقين قدام باب الشقة صوت جمال
والتفت عم شفيق وراها وقال بصوت مرتفع : طيب ياجمال جايلك اهوه
وسمع جمال وهو قعده في الانتريه صوت عم شفيق وقال بصوت مرتفع : طيب يلا
عم شفيق : بقولك ايه يامروان تعال نروح لجمال تسلم عليه وبعد كده اخدك نروح نقعد في غرفتي لوحدنا وتحكي ايه اللي حصل بينك وبين نجمه علشان هي
مضايقه منك
مروان : طيب ياعم شفيق
عم شفيق بابتسامه : تعال ومشي
ومشي مروان وراها
في غرفة الانتريه :
قاعد جمال علي الكرسي وقال لنفسه : وبعدين
بقي عم شفيق بتكلم مع نجمه في ايه ده كله ليكون بيكلمها في موضوع الجواز علشان كده اتاخر لا متعقدتش هو عارف انه لو كلمها هتضايق وهتتعصب وده مش كويس علشان صحتها امال بيتكلم معها في ايه ده كله وكل شويه يقولي جاي جاي ومابيجيش ده مصدق شاف نجمه ولا ايه علشان يخلص مني بابتسامة اظهار خايف لكسبه تاني علشان كده قاعد يتكلم مع نجمه بره اما انادي عليه تاني والتفت وراها ونظر للباب الغرفة وبصوت مرتفع يلا لقي عم شفيق جاي ايه ياعم شفيق ده كله بره
ودخل عم شفيق الغرفة ونظر لجمال وقال : معلشي ياجمال اني اتاخرت عليك بس
وقطع جمال كلامه وقال بابتسامة : بس ايه ياعم شفيق انت خايف اني اكسبك ولا ايه وبيتلفت لقي مروان جاي فإستغراب وقام من علي الكرسي وهو بينظر له
ودخل مروان الغرفه ونظر لجمال بابتسامة والتفت لعم شفيق ووقف جانبه
ونظر له عم شفيق والتفت لجمال وقال : مروان
يا جمال هو اللي كان علي الباب مش نجمه
جمال بابتسامة : اهااا ونظر لمروان اهلا وسهلا يامروان بيه
مروان بابتسامة : اهلا بك يا استاذ جمال بس بلاش بيه دي قولي يامروان وبس زي ما عم شفيق مابيقولي
جمال بابتسامة : لا ماينفعش اقول لحضرتك كده
مروان : ليه يا استاذ جمال انا زي ابنك فقولي يامروان بس من غير القاب
عم شفيق : مروان معه حق ياجمال هو زي ابنك زي مانجمه كده بنتك فقوله يا مروان بس هو هيبقي مرتاح كده
جمال : بس ياعم شفيق
ونظر له مروان وقطع كلامه وقال : مابسش يا استاذ جمال قولي يامروان بس لوسمحت علشان زي ما قال عم شفيق انا هكون مرتاح كده
جمال : طيب بما ان حضرتك هتبقي مرتاح كده خلاص هقولك كده علي فكرة عم شفيق قال انك لعبت معه طاولة
مروان : اه فعلا انا لعبت معه مرة ونظر لعم شفيق بس ماكملنش الدور والتفت لجمال
جمال : طيب ايه رايك تكمله معايا
مروان باستغراب : اكمله مع حضرتك
ونظر عم شفيق لمروان والتفت لجمال بابتسامة
جمال : ايوه اصل عم شفيق قاعد يحكي لي علي طريقه لعبك وانك ذكي وكنت هتكسبه
والتفت مروان لعم شفيق وقال بابتسامة : ده عم شفيق بيبلغ بس يا استاذ جمال ونظر له يا هو اللي معلمني العبها وهو اللي كان هيكسبني مش انا لو كملنا الدور علشان هو بيلعب كويس اوي
عم شفيق : لا يامروان ان مش ببلغ ولا حاجه انت بتلعب كويس اوي ولو كان كملنا الدور كنت انت اللي هتكسبني والتفت لجمال صدقني ياجمال هو بيلعب كويس وكان هو اللي هيكسب الدور
جمال : اذا كان كده بقي اتفضل وشاور بايده علي الطاولة لعبني الدور ده مكان عم شفيق
مروان بقلق : بس والتفت لعم شفيق
جمال باستغراب : ايه مش عاوز تلعبني ولا ايه
مروان : لا طبعا يا انا لي الشرف ان العب حضرتك بس
والتفت عم شفيق لمروان
وبينظر جمال لمروان وقال بدهشة : بس ايه انت خايف ولا ايه اني اكسبك
مروان بابتسامة : خايف مش انا اللي اخاف يا استاذ جمال هو صحيح اكيد حضرتك بتلعب كويس زي عم شفيق ونظر له بس انا متعودتش اخاف من حد غير من اللي خلقني وبس علشان انا بمعملش حاجه غلط علشان اخاف بس مش معني كلامي ده اني بقلل من حضرتك لا بالعكس انا بحترم حضرتك وعم شفيق جدا ونظر لعم شفيق وعمري في حياتي ماقللت من حد علشان احنا كلنا زي بعض ومش حد احسن من حد غير بأعماله وبس اللي بيعملها وحكايه ان حضرتك تكسبني دي ما حدش يقدر يحددها فينا غير لما نلعب انا وحضرتك وانا عن نفسي مابحبش اخسر في اي حاجه بعملها حتي اذا كنت بلعب وإذا خسرت في حاجه بفضل وراها لغاية مااكسبها ومش اي مكسب لا اكسبها بتفوق
والتفت عم شفيق لجمال وقال بابتسامة : مش قوتلك ياجمال انه خصم قوي ومافيش زيه ونظر لمروان
ونظر جمال لمروان بابتسامة
وبينظر مروان لعم شفيق وقال بابتسامة : انت اللي خصم قوي ياعم شفيق
عم شفيق : قوي ايه بقي بعد اللي انت قولته ده يامروان يا انت اللي قوي ويتخاف منك كمان
ونظر جمال لعم شفيق وقال بنرفزه : هنشوف ياعم شفيق اذا كان هو قوي ويتخاف منه ولا لا ونظر لمروان
وزي ما قال ياعم شفيق اللعب هو اللي هيحدد مين اللي هيكسب فاتفضل نلعب علشان انا عاوز العب معاك
وبينظر مروان لجمال وقال بابتسامة : وانا كمان عاوز اللعب مع حضرتك يا استاذ جمال بس وبقلق ونظر لعم شفيق
جمال باستغراب : بس ايه انت هترجع في كلامك ولا ايه اللي انت قولته من شويه
مروان : لا طبعاً شوف يا استاذ جمال حضرتك متعرفنش كويس بس لما تعرفني هتعرف اني عمري ما قولت كلمه غير لما ببقي قدها وبنفذها مهما حصل بدام قولتها يبقي لازم انفذها
جمال : مادام كده بقي اتفضل نلعب
مروان : طيب انا هلعب مع حضرتك بس انا عاوز اتكلم مع عم شفيق شويه علي انفراد قبل ماالعب مع حضرتك ونظر لعم شفيق
جمال : طيب مش مشكلة انا هستنك لعم تخلص مع عم شفيق علشان نلعب
مروان بابتسامة : طيب وانا مش هتاخر علي حضرتك هتكلم مع عم شفيق وهجي علشان نلعب
وبينظر جمال لمروان وقال : طيب
ونظر عم شفيق لمروان وقال : اتفضل يا مروان وشاور بايده نقعد بره ونتكلم
ونظر مروان لعم شفيق وقال : طيب والتفت لجمال بابتسامة عن اذنك
وبينظر جمال لمروان وقال بابتسامة : اتفضل
ونظر عم شفيق لجمال وقال : مش هنتاخر عليك يا جمال
والتفت له جمال وقال : طيب ياعم شفيق
وخرج مروان من الغرفة
وخرج عم شفيق من الغرفة ونظر لمروان لقي واقف وقال : تعال يامروان نقعد في اوضتي
مروان : طيب ياعم شفيق
ودخل عم شفيق الغرفة ونظر جانب الباب وسرج النور والتفت لمروان وقال : تعال يامروان اتفضل وشاور بايده
ونظر له مروان وقال بابتسامة : شكرا ياعم شفيق ودخل الغرفة ووقف جانب الباب ونظر علي الغرفة
وقفل عم شفيق الباب والتفت لمروان وقال : ايه يامروان واقف كده ليه تعال ومشي
والتفت له مروان وقال بابتسامة : طيب ياعم شفيق ومشي وراها
ووقف عم شفيق جانب كرسي والتفت لمروان وقال : اقعد بقي يامروان وشاور بايده علي الكرسي اللي قصده وهو بينظر لمروان وقولي نجمه مضايقه منك ليه
ووقف مروان جانب ونظر لها وقال : طيب ياعم شفيق
ووقف مروان قدام الكرسي وقعده عليه ونظر لعم شفيق وقال : علي فكرة ياعم شفيق انا اتصلت بك مرتين
عم شفيق باستغراب : اتصلت بي
مروان : ايوه
عم شفيق بدهشة : بس تليفوني اهوه يامروان علي الكوميدينو وشاور بايده عليه ونظر له
ونظر مروان علي الكوميدينو لتليفون
والتفت له عم شفيق وقال باستغراب : ازاي ماسمتعوش لما انت اتصلت بي
مروان : ماهو لما انا اتصلت بك ياعم شفيق كان غير متاح
عم شفيق علشان كده ماسمعتوش الشبكه وحشه يامروان المهم قولي ايه اللي حصل بينك وبين نجمه علشان مضايقه منك
مروان : شوف ياعم شفيق انا اتصلت بنجمه علشان وبيحكي له علي اللي حصل
وبينظر له عم شفيق باستغراب
وحكي له مروان علي اللي حصل وقال : وهي كانت مخنوقه ومضايقه لما كنت بتكلم معها
عم شفيق بدهشة : مخنوقه ومضايقه
مروان : ايوه بس معرفش ليه
عم شفيق بقلق: طيب انت مسالتهاش يامروان هي ليه مخنوقه ومضايقه
مروان : ما انا سالته ياعم شفيق بس هي في الاول مرضتش تقول بس بعد كده قالت لي ان انت ووالدها عاوزين تجوزها
عم شفيق : اهااا ده صحيح يامروان انا وجمال فعلا فتحنا مع نجمه موضوع الجواز ده وهي كانت ساعتها مضايقه ومتعصبه
مروان بضيق : ومين العريس اللي متقدم لها ده ياعم شفيق وبيشتغل ايه ونجمه ليه وافقه عليه هي بتحبه
عم شفيق بابتسامه : بتحب ايه يامروان مافيش شاب متقدم لنجمه ولا حاجه
مروان باستغراب : مافيش حد متقدم ليها
عم شفيق : ايوه
مروان بابتسامة : يعني هي كان بتقولي الحقيقة
عم شفيق باستغراب : حقيقة حقيقة ايه يامروان
مروان : اصل ياعم شفيق وبيحكي له علي اللي حصل
وبينظر له عم شفيق بدهشة
وحكي له مروان علي اللي حصل وقال : بس ياعم شفيق وهي لما مرضيش تقولي وقالت لي ان انا كذبت عليك وان فيه حاجة انا بقي افتكرت ان فيه شاب متقدم لها وهي كانت بتكذب عليه ومرضتش تقولي بس وبابتسامة طلعت بتقول الحقيقة والتفت علي شماله وماكنتش بتكذب عليه وان فعلا مافيش حد متقدم لها
وبينظر له عم شفيق وقال : نجمه فعلا بتقول لك الحقيقة يامروان مافيش حد متقدم لها وهو فيه ناس كتيرا تقدمه لها بس هي اللي بترفض
والتفت له مروان وقال باستغراب : بترفض
عم شفيق : ايوه يامروان
مروان بدهشه : طيب وبترفض ليه ياعم شفيق
عم شفيق : علشان مش عاوزه تسيب جمال لوحده
مروان بدهشة : ايه مش عاوزه تسيب والدها
عم شفيق : ايوه يامروان مش عاوز تسيب جمال وهي رافضه خالص الكلام انها تتجوز
مروان باستغراب: طيب اما هي رافضه ياعم شفيق انت ووالدها ليه فتحتوا معها الموضوع ده
عم شفيق : احنا فتحنا معها علشان بنحاول نقنعا يامروان انها تتجوز علشان ماينفعش تفضل طول عمرها كده بس
مروان بدهشة : بس ايه يا عم شفيق
عم شفيق : هي رافضه برده انها تكلم في الموضوع ده مرضتش تسمعنا انا وجمال
مروان باستغراب : طيب هي ليه مرضتش تقول كده
عم شفيق : مش عارف يامروان يمكن علشان انتم اتخانقتم فمرضتش تقولك
مروان : يمكن برده ياعم شفيق بس هي لدرجتي متعلقه بالوالدها
عم شفيق : اه يامروان نجمه والدتها اتوفت لما كانت صغيرة ومعشتش معها وبعد وفاتها جمال بقي كل حاجه لها بقي هو الاب والام في نفس الوقت ومتعلقه بي اوي ومش راضيه تسيبه علشان كده هي رافضه تجوز
ونظر مروان للارض بحزن
وبينظر له عم شفيق وقال باستغراب : بس انت متهم اوي كده ليه اذا كانت نجمه متقدم لها عريس يامروان
والتفت له مروان وقال : بصراحه ياعم شفيق انا بحب نجمه
عم شفيق بدهشة : ايه بتحبها
مروان : ايوه ياعم شفيق وعاوز اتجوزها
عم شفيق بابتسامه : تتجوزها
مروان : ايوه
عم شفيق بابتسامه : انت بتكلم بجد يامروان
مروان : اه بتكلم بجد ياعم شفيق هو الكلام ده فيه هزار يعني
عم شفيق : لا مافيش بس انا مش مصدق اللي قولته
مروان باستغراب : ليه ياعم شفيق هو انت مش موافق ولا ايه
عم شفيق بابتسامه : لا طبعاً موافق يامروان ومبسوط اوي من اللي انت قلته ده وانت ونجمه رائقين علي بعض اوي وانا مش مصدق من كتر الفرحه مش اكتر بس
مروان بدهشة : بس ايه ياعم شفيق
عم شفيق : نجمه رافضه الجواز يامروان وحتي رافضه الكلام فيه زي ماقوتلك من شويه دلوقتي
مروان : انا هتصرف ياعم شفيق وهخليها توافق
عم شفيق باستغراب : هتخليها توافق ازاي بس يامروان وهي رافضه ان حد يتكلم معها في الموضوع ده
مروان : ياعم شفيق نجمه بتحبني
عم شفيق بدهشه : ايه بتحبك
مروان بابتسامة : اه ياعم شفيق بتحبني
عم شفيق باستغراب : وعرفت ازاي يامروان هي قالت لك انها بتحبك
مروان : لا ياعم شفيق مقلتليش وهي اساسا متعرفش انها بتحبني
عم شفيق بدهشة : متعرفش
مروان : ايوه ياعم شفيق متعرفش ولا انا كنت اعرف اني بحبها غير قبل ماجي لك بشويه
عم شفيق باستغراب : ازاي ده يامروان نجمه متعرفش انها بتحبك امال انت عرفت منين انها بتحبك بما انها هي متعرفش وبعدين انت عرفت ازاي انك بتحبها وانت ماكنتش تعرف انت كمان
مروان : انا يا عم شفيق اول مرة احب في حياتي وماكنتش اعرف ايه هو الحب ده علشان كان كل وقتي لشغل وبس ولما بقيت اشوف نجمه بقيت احس بحاجات عمري ماحسيت بيها قبل كده
عم شفيق باستغراب : حاجات
مروان : ايوه ياعم شفيق لما بشوف نجمه بحس بشعور غريب عمري ماحسته قبل كده وبقي مبسوط ولما بتبعد عني كانت بفتكرها دايما وبقي مضايق ومتلخبط وببقي عاوز أشوفها عارف في الفترة اللي متعتش شوفتها فيها كنت حاسس اني ناقصني حاجه ونجمه ماكنتش بتروح من بالي لحظه ياعم شفيق ماكنتش عارف ايه اللي بيحصل معايا ده ونجمه كمان كده ياعم شفيق
عم شفيق بدهشة : كده
مروان : ايوه هي كمان بيحصل معها نفس اللي بيحصل معايا ده
عم شفيق باستغراب : وانت عرفت منين يامروان
مروان : هي اللي قالت لي ياعم شفيق لما كانت عندي في المكتب النهارده
عم شفيق بدهشة : قالت لك
مروان : ايوه ياعم شفيق وانا كمان قولتها كده
عم شفيق بابتسامه : طيب وعرفت ازاي يامروان ان انت بتحب نجمه وانت ماكنتش عارف ايه اللي بيحصل معاك ده زي ما انت قلت
مروان : عرفت من اخويا كريم
عم شفيق باستغراب : من اخوك
مروان : ايوه كريم اخويا كان قاعد يتكلم عن الحب واللي كان بيقوله هو بظبط اللي بيحصل معايا ده يا عم شفيق فعرفت اني بحب نجمه علشان كده جيت لك علشان تساعدني ياعم شفيق اني اقابل نجمه
عم شفيق : طيب يامروان اساعدك مش مشكلة بس نجمه مش هتوافق لما تطلب منها الجواز
مروان : انا مش هطلب منها الجواز ياعم شفيق
عم شفيق بدهشة : ايه مش هتطلب منها الجواز
مروان : ايوه
عم شفيق باستغراب : ازاي يعني يامروان مش هتطلب منها الجواز مش انت قلت انك عاوز تتجوزها
مروان : اه ياعم شفيق انا عاوز اتتجوزها بس انا الاول اخليها تعرف انها بتحبني وبعد كده اشوف رايها ايه
عم شفيق : حتي لو عرفت يامروان انها بتحبك مش هتوافق انها تتجوز صدقني وتسيب جمال يا انا حتي لما كنت بتكلم معها وبقعنها قولتها ان العريس اللي هيتقدم لك هنشرط عليه انه يجيبك تزورنا انا وجمال برده مرضش وقامت قايمه وسيبني
مروان باستغراب : تشرطوا عليه
عم شفيق : ايوه وبرده رافضه يامروان وانا وجمال مش عارفين نعمل ايه علشان نقنعها انها توافق بس انها تتجوز
مروان : انا هخليها توافق ياعم شفيق مش هي مش عاوزه تسيب والدها
عم شفيق : ايوه مش عاوز تسيب جمال
مروان : انا مش هخليها تسيبه
عم شفيق بدهشة : ايه مش هتخليه تسيبه
مروان : ايوه ياعم شفيق مش هخليها تسيبه انا عارف كويس احساس فقدان الاب علشان عيشته بعد وفاته والدي الله يرحمه ومش هخلي نجمه تحس انها فقدت والدها لما بعدت عنه علشان كده انا مش هبعدها عنه وهخليها تسيبه
عم شفيق باستغراب : ازاي يعني يامروان وانت هتاخدها لما تتجوزها
مروان : هقولك ياعم شفيق وحكله علي اللي هيعمله وبكده ياعم شفيق نجمه مش هتسيب والدها وانت تقدر تشوفها زي ما انت عاوز
عم شفيق بابتسامه : معاك حق يامروان هو ده الحل فعلا انا هقدر اشوفها زي منا عاوز ونجمه مش هتسيب جمال كده بس
مروان باستغراب : بس ايه ياعم شفيق
عم شفيق : انت ذنبك ايه يامروان علشان تعمل كل ده
مروان : انا بحب نجمه ياعم شفيق وعاوز اتجوزها ومستعد اعمل اي حاجه علشانها وكمان وبابتسامة بحبك ياعم شفيق وعاوزك تبقي جانبي دايما علي طول وانا بشكل ده اقدر اشوفك وقعد معاك كمان
عم شفيق بابتسامه : وانا كمان بحبك يامروان وعاوزك تبقي دايما جانبي انت ونجمه علي طول وبعدين اذا كان كده تعال اتكلم مع جمال في الموضوع
مروان : لا ياعم شفيق خليني اتكلم مع نجمه الاول وبعدين ابقي اتكلم مع والدها
عم شفيق : لا يامروان اتكلم مع جمال الاول واطلب منه ايده نجمه وشوفوا هيقول ايه وبعدكده ابقي اتكلم مع نجمه هي دي الاصول لازم تدخل الباب من بابه بما انك عاوز تتجوز نجمه يامروان
مروان بقلق : انت معاك حق يا عم شفيق بس ممكن مايوفقش
عم شفيق باستغراب : وميوافقش ليه يامروان انت شاب محترم وابن ناس طيبين وبتحب نجمه وهي كمان بتحبك وانا متاكد انك هتشلها في عنينك يبقي ميوافقش ليه بقي تعال بس متقلقيش انا معاك وان شاء الله هيوافق
مروان : طيب ياعم شفيق وقام من علي الكرسي ونظر له
وقام عم شفيق من علي الكرسي وماشي وقال : اه يامروان ووقف مكانه ونظر له متقولش لجمال علي اللي نجمه عملته معاك في الكافيه او اي حاجه حصلت بعد كده
مروان : انا اكيد مش هقوله ياعم شفيق علي اللي نجمه عملته معايا في الكافيه علشان ميزعلش من نجمه وبعدين نجمه عملت كده للسبب يعني ماعملتش كده وخلاص وعلي العموم انا مش هقوله برده ياعم شفيق بس
عم شفيق باستغراب : بس ايه
مروان باستغراب : بس ليه مقولوش علي اللي حصل بيني وبين نجمه بعد كده
عم شفيق : علشان لو عرف ممكن ميوافقش انك تجوز نجمه يامروان
مروان بدهشة : ايه ميوافقش
عم شفيق : ايوه يامروان ميوافقش
مروان : بس هو من حقه يعرف ياعم شفيق ان انا عارف نجمه منين
عم شفيق : ماهو عارف يامروان
مروان بدهشة : ايه عارف
عم شفيق : ايوه يامروان جمال عارف انك عارف نجمه
مروان باستغراب : عارف منين ياعم شفيق هي نجمه قالتلوا
عم شفيق : لا نجمه مقولتوش انا اللي قولته يامروان
مروان بدهشة : ايه انت اللي قولته
عم شفيق : ايوه اصل وحكي له علي اللي حصل فقولته ساعتها علشان كنت مش مصدقه ان انت اللي عملت المسابقة وانك رئيس مجلس الاداره وجمال برده لما قولته ماكنش مصدقه زيي
مروان : طيب ياعم شفيق بس هو برده كده ميعرفش اني انا ونجمه نعرف بعض قبل كده هو ميعرفش غير انا مين بس
عم شفيق : ايوه انا عارف يامروان بس انت لو قولته مش هيوافق
مروان : بس هو لازم يعرف ياعم شفيق ان انا ونجمه نعرف بعض قبل كده ماتجي تقابلني في الشركه علشان تقدم في المسابقه ده من حقه ياعم شفيق انه يعرف
عم شفيق بقلق : بس يامروان
وقطع مروان كلامه وقال:مابسش ياعم شفيق انا مش هرضه اني ابني حياتي مع نجمه علي كذب من اولها علشان كده لازم اقول الاستاذ جمال اني اعرف نجمه قبل كده صحيح مش هقوله أن نجمه عملته معايا في الكافيه بس ده علشان لو عرف هيزعل من نجمه ومش هتقدر تستحمل ان والدها يزعل منها وهتزعل وانا مش عاوزها تبقي زعلانه بس هقوله اني اعرف نجمه قبل كده علشان لو عرف بعد ما اتجوز نجمه ان احنا كنا نعرف بعض ومقولهوش هيزعل وهيضايق مني انا ونجمه ومش بعيد يقطعنا علشان كده ياعم شفيق لازم اقوله ولو موافقش هحاول اقعنه لغاية مايوافق انا عاوز ابني حياتي مع نجمه علي الصدق والثقة علشان دول اساسا علاقة الزواج ياعم شفيق طول مافيه صدق وثقة بين الطرفين الزواج هينجح وهيستمر وعاوز جوازي مع نجمه ينحج ويستمر علشان انا بحبها وعاوز اعيش معها بقيت عمري
عم شفيق بابتسامه : تعرف يامروان وحط ايده علي كتفه وهو بينظر له انت كبرت في نظري اوي بعد اللي قولته ده واحترامك اكتر من الاول يامروان فعلا الصدق والثقة هما اساسا الزواج زي ما انت قلت وانت ونجمه تستهلوا بعض ومتقلقش انا معاك وان شاء الله جمال يوافق
مروان بابتسامة : ان شاء الله ياعم شفيق وربنا يخليك لي
عم شفيق بابتسامه : ويخليك لي يلا تعال علشان نتكلم جمال
مروان : يلا ياعم شفيق
وخرج عم شفيق من الغرفة ووقف مكانه والتفت علي مروان
وخرج مروان وراها ونظر له بابتسامة
وبينظر له عم شفيق وقال بابتسامة : تعال يامروان
مروان : طيب
ومشوا مروان وعم شفيق
في غرفة الانتريه :
قاعد جمال علي كرسي الترابيزة وقال لنفسه باستغراب : هو عم شفيق ومروان اتاخروا كده ليه كل ده بيتكلموا انا هفضل قاعد كده ولا ايه بتكلموا في ايه كل ده اما اروح اشوفهم وقام من علي الكرسي علشان لو هيتاخروا اكتر من كده امشي وخلاص بقي انا عندي مدرسه الصبح ولازم انام بدري والتفت علي يمينه وماشي ونظر قدامه لقي عم شفيق ومروان عند باب الغرفة فوقف مكانه وهو بينظر لهم
ودخل عم شفيق الغرفة ونظر لجمال وقال باستغراب : ايه ياجمال واقف كده ليه
ودخل مروان الغرفة ووقف جانب عم شفيق ونظر له والتفت لجمال
ونظر جمال لعم شفيق وقال : كنت جي لكم اصل انتم اتاخرتم والتفت لمروان فقلت اجي اشوفكم لو هتتاخروا اكتر من كده امشي انا بقي علشان انت عارف ياعم شفيق اني عندي مدرسه بكره فلازم اصحه بدري
مروان : معلشي يا استاذ جمال انا اسف علشان خليتك تنظر
ونظر جمال لمروان وقال بابتسامة : لا مافيش مشكلة المهم انكم جيتم يلا بقي علشان نلعب وشاور بايده علي الطاولة
مروان : طيب بس قبل مانلعب كنت عاوز اتكلم مع حضرتك في موضوع مهم
وبينظر جمال لمروان وقال باستغراب : تتكلم معايا والتفت لعم شفيق
مروان : ايوه يعني لو ماكنش عند حضرتك مانع
وبينظر جمال لمروان وقال : لا معنديش مانع ولا حاجه باستغراب بس موضوع ايه ده
عم شفيق : طيب نقعد الاول علشان نعرف نتكلم ونظر لمروان
وبينظر جمال لعم شفيق وقال : طيب ياعم شفيق نقعد
ونظر عم شفيق لمروان وقال بابتسامة : اتفضل يامروان وشاور بايده قدامه
والتفت له عم شفيق وقال بابتسامة : شكرا ياعم شفيق ومشي
وقعد جمال علي الكرسي اللي كان قعده عليه ونظر لعم شفيق ولمروان وقال باستغراب : موضوع ايه ده اللي انت عاوز تكلمني فيه خير
ونظر مروان لعم شفيق والتفت لجمال وقال بابتسامة : خير ان شاء الله باربتاك الموضوع اللي عاوز اتكلم حضرتك فيه بخصوص الانسه نجمه
جمال بدهشه : نجمه والتفت لعم شفيق
والتفت له مروان ونظر لجمال وقال بتوتر : ايوه
ونظر له جمال وقال باستغراب : بخصوص نجمه ازاي يعني مش فاهم
والتفت له عم شفيق وقال : مروان يقصد ياجمال
وبينظر مروان لعم شفيق وقطع كلامه وقال : معلشي ياعم شفيق وشاور بايده انا اوضح للاستاذ جمال انا قصدي ايه
وبينظر عم شفيق لمروان وقال : طيب يامروان
ونظر جمال لعم شفيق والتفت لمروان وقال بدهشة : هو فيه ايه
وبينظر مروان لجمال وقال : انا هقول لحضرتك انا يسعدني ويشرفني اني اطلب ايد الانسه نجمه من حضرتك
جمال بصدمه : ايه
ونظروا له مروان وعم شفيق بدهشة ————
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عرض جواز)
