رواية عرض جواز الفصل الرابع والثلاثون 34 بقلم أسماء صلاح
رواية عرض جواز الجزء الرابع والثلاثون
رواية عرض جواز البارت الرابع والثلاثون
![عرض جواز](https://camo3blog.com/wp-content/uploads/2024/06/عرض-جواز-213x300.jpg)
رواية عرض جواز الحلقة الرابعة والثلاثون
وسايق كريم العربيه وبينظر قدامه وقال لنفسه بقلق : يا ترى ايه اللي ملخبط مروان بالشكل ده
و مخليه متضايق كده انا مش عارف ازاي مش فاهم ايه اللي بيحصل معاه ليكون عارف ايه اللي بيحصل معاه مش راضي يقول لي لا لا ما اعتقدش مروان مابيحبش علي حاجه لما بساله والغريب ان مروان زكي بيفهم اللي بيحصل حواليه من غير ما حد يقول له يبقى ازاي مش فاهم هو بيحصل معاه ايه و متلخبط ليه يا ترى بيحصل معاه ايه علشان مش قادر يفهمه كده ونظر من شباك العربية وباستغراب ايه ده نجمه رايحه فين ونظر قدامه ووقف العربيه جانب نجمه
وماشيه نجمه بضيق
وفتح كريم باب العربية ونزل منها وبينظر لها وقال : نجمه
ووقفت نجمه والتفت وراها لقيت كريم وقالت بدهشة : ايه ده كريم
وراح كريم لعندها وهو بينظر لها ووقف قدامه وقال : ازيك يانجمه
نجمه قالت بابتسامة : الحمد لله انت بتعمل ايه هنا
كريم قال : لا ما فيش انا كنت رايح الشغل وشفتك بالصدفه انت رايحه فين
نجمه قالت : رايحه الجامعه
كريم قال : طيب تعالى اوصلك
نجمه قالت : لا شكرا يا كريم ما فيش داعي انا هاخد تاكسي
كريم قال : ما فيش داعي ايه بس يا نجمه تعالي اوصلك
نجمه قالت : لا يا كريم مش عايزه اتعبك روح انت شغلك علشان ما تتاخرش وانا هاخد تاكسي
كريم قال : ما فيش تعب ولا حاجه يا نجمه هتتعبيني فين ده انا هوصلك مش اكتر يبقى فين التعب ده وبعدين ما تقلقيش مش هتاخر على الشغل تعالي يلا
نجمه قالت : لا يا كريم مش هينفع روح انت
كريم قال باستغراب : مش هينفع
نجمه قالت : اه مش هينفع يا كريم امشي احسن وانا هاخد تاكسي
كريم قال بدهشة : ليه مش هينفع هو انتي خايفه مني ولا ايه
نجمه قالت : لا طبعا يا كريم مش خايفه منك وانا لو كنت خايفه منك ما كنتش اساسا واقفت اتكلم معاك دلوقتي
كريم قال باستغراب : امال مش عايزه تركبي معايا ليه
نجمه قالت بضيق : علشان مش عايزه حد يتكلم عليا يا كريم ويقول ان انا بنت مش كويسه عشان ركبت معاك العربيه
كريم قال بدهشة : مين ده يا نجمه اللي هيقول انك مش كويسه وبعدين خلي حد يتكلم كده وشوفي انا هعمل لك في ايه
نجمه قالت : طب وليه يا كريم انا مش عايزه مشاكل روح انت وانا هركب تاكسي وبعدين انا ما قلتش لبابا انى هركب معاك وما ينفعش هركب معاك من غير اذنه علشان انا ما عدتش عايزه اعمل تصرف اندم عليها تاني كفايه اللي حصل
كريم قال باستغراب : كفايه اللي حصل
نجمه قالت بضيق : ايوه كفايه اللي حصل قوي لغايه كده
كريم قال بدهشة : طيب هو ايه اللي حصل عشان يبقى كفايه يا نجمه كل ده علشان قلت لك اوصلك وبعدين مش مشكله يا ستي اتصلي بباباكي وقولي له وبعدين مش هتلاقي تاكسي دلوقتي انتي شايفه الطريق زحمه قد ايه
نجمه قالت : لا يا كريم مش هينفع اتصل ببابا عشان تلاقيه دلوقتي في الحصه وبعدين ما تقلقش انا هلاقي تاكسي فمشي انت
كريم قال : هتلاقي تاكسي فين يا نجمه انتي مش شايفه الطريق ما هو لو كان في تاكسي كنت لقيتي وبعدين مش مشكله اتصلي بعمك وقولي له بما ان باباك في الحصه
نجمه قالت : عمي
كريم قال : اه عمك اللي انا وصلتك قبل كده انتي وهو قولي له انا هوصلك بما انك يا ستي ما انتيش عايزه تركبي العربيه معايا غير لما تاخدي اذن وعلى فكره انا مبسوط انك مش عايزه تركبي العربيه معايا غير لما تاخدي اذن حد من اهلك ده يدل انك محترمه و اخلاقك عاليه يا نجمه زي ما ماما بتقول
نجمه قالت باستغراب : زي ما مامتك بتقول هي والدتك بتقول عني كده
كريم قال بابتسامه : اه يا نجمه دايما بتقول عنك كده والله يلا بقى اتصلي بعمك وقولي له انك هتركبي معايا العربيه لو وافق ا بقى واصلك لو ما وافقش استنى معاكي لما تلاقي تاكسي وتمشي عشان انا مش هينفع اسيبك في الطريق كده يلا
نجمه قالت : بس يا كريم
كريم قال : مابستش يا نجمه اتصلي يلا
نجمه قالت : طيب ونظرت لشنطتها وفتحتها وطلعت منها تليفونها
ونظره نجمه لتليفونها وبتتصل بعم شفيق
في شقه عم شفيق :
في البلكونه :
قاعد عم شفيق على الكرسي واخلص كوبايه الشاي اللي في ايده وبينظر على الشارع والتفت الكوبايه الشاي اللي في ايده وقال لنفسه : اما اقوم اغسل الكوبايه واقعد قدام التلفزيون شويه وخرج من البلكونه ورايح على المطبخ ورن تليفونه وهو على الكوميدينو في الغرفه وسمعه وهو ماشي فوقف مين اللي بيتصل بيا ده ما اروح اشوف مين وراح عند غرفته ودخل تلاقيه مروان هو اللي بيتصل واخذ تليفونه ونظر فيه لقي يا نجمه هي اللي بتتصل وباستغراب نجمه بتتصل بيا ليه ده كانت عندي من شويه ما افتح اشوفها عايزه ايه و فتح الخط الو
نجمه قالت : الو ايوه يا عم شفيق
عم شفيق قال : ايوه يا نجمه يا حبيبتي بتتصلي ليه انتي كنت عندي من شويه في ايه
نجمه قالت : لا يا عم شفيق ما فيش حاجه بس
عم شفيق قال باستغراب : بس ايه يا نجمه
نجمه قالت : انا قابلت كريم وانا ماشيه على الطريق وعاوز يوصلني فقلت استاذنك قبل ما اركب معاها علشان كده اتصلت بك يا عم شفيق
عم شفيق قال بدهشة : كريم مين يا نجمه اللي عايز يوصلك ده وقعد على السرير
نجمه قالت : كريم يا عم شفيق اللي وصلنا قبل كده انا وانت ونظرت لكريم بابتسامة
وبينظر لها كريم بابتسامه
عم شفيق قال : اهاااا اخو مروان
نجمه قالت بضيق : اه يا عم شفيق هو
عم شفيق قال : طيب وقابلتيه فين ده
نجمه قالت : على الطريق يا عم شفيق ما انا قلت لك قابلته فين يعني وهو مصير يوصلني فقلت اكلمك علشان استاذن منك
عم شفيق قال : طيب يا نجمه مش مشكله خليه يوصلك ده اخو مروان يعني واكيد زي مروان في اخلاقه وبعدين انا شفته قبل كده وهو باين عليه محترم خليه يوصلك يا نجمه
نجمه قالت بضيق : طيب يا عم شفيق
عم شفيق قال : طيب اديهوني اسلم عليه
نجمه قالت : طيب يا عم شفيق والتفت لكريم اتفضل يا كريم عمي عايز يكلمك ومدت ايدها بالتليفون
كريم قال باستغراب : يكلمني
نجمه قالت : ايوه اتفضل
كريم قال بدهشة : طيب والتفت للتليفون واخذه منها
وبتنظر نجمه لكريم
كريم قال : الو ايوه يا عمي ازاي حضرتك
عم شفيق قال : الحمد لله يا كريم تسمح لي اقول لك يا كريم كده من غير القاب
كريم قال : اه طبعا يا عمي اسمح لك يا بالعكس انا هكون مبسوط لو قلت لي يا كريم بس من غير القاب
عم شفيق قال بابتسامه : طيب يا كريم مروان عامل ايه
كريم قال باستغراب : مروان
وبينظر له نجمه بضيق ونظرت الناحية التانية
عم شفيق قال : ايوه عامل ايه
كريم قال بدهشة : هو حضرتك تعرف مروان
عم شفيق قال : اه طبعا اعرفها هو ماقالكش ولا ايه
كريم قال باستغراب : لا الحقيقه ما قاليش انه يعرف حضرتك
عم شفيق قال : مش مشكله تلاقيه نسي يقول لك ولا حاجه ما هم شغلياته كتير وعلى فكره هو كلمني عنك
كريم قال بدهشة : كلمك عني هو حضرتك بتكلمه
عم شفيق قال : اه بكلموا انا معايا رقمه بس بقى له فتره ما اتصلش بيا
كريم قال : معلش يا عمي هو مشغول شويه علشان كده ما اكلمكش
عم شفيق قال : مش مشكله يا كريم انا مقدر مشغولياته انا هبقى اكلمه
كريم قال : طيب يا عمي تسمح لي اوصل نجمه
عم شفيق قال : اه طبعا وصلها يا كريم و معلش هنتعبك معانا
كريم قال : لا ولا تعب ولا حاجه يا عم شفيق ما تقولش كده ده نجمه زي اختي
عم شفيق قال بابتسامه : طيب يا كريم مش عايز حاجه
كريم قال : لا شكرا يا عمي
عم شفيق قال : طيب مع السلامه
كريم قال : مع السلامه يا عمي
وقف عم شفيق الخط وقال لنفسه بابتسامة : باين عليه طيب زي مروان بس نجمه باين اللي قاله لها مروان خليها تفكر كويس قوي قبل ما تعمل اي حاجه علشان كده اتصلت بيا تستاذن ان كريم يوصلها بس كويس انها بدات تاخد بالها من تصرفاتها وتعمل حساب لكل خطوه بتخطيها وبيتلفت على الارض جات عينه على الكوبايه اما اقوم اغسل الكوبايه
على الطريق :
ووقف كريم قدام نجمه وبينظر لها وقال: اتفضلي يا نجمه تليفونك ومد ايده
والتفتت له نجمه وقالت : طيب ونظرت لتليفونها واخذته
كريم قال : يلا عمك وقالي اني اوصلك اتفضلي
و شاور بايده
ونظرت له نجمه وقالت بابتسامه : طيب
ووقف كريم جنب العربيه ونظر لنجمه وقال بابتسامة : اتفضلي يا نجمه
ونظرت له نجمه وهي ماشي وقالت بابتسامة : طيب ورايحه عند باب العربيه من الناحيه الثانيه
ونظر كريم لباب العربيه وفتحه وركب العربية
ووقفت نجمه عند باب العربية اللي قدام ومد ايدها وفتحته وركبت العربية وحطت الكتب علي رجلها
وبينظر لها كريم وقال : هوصلك جامعه ايه يا نجمه
نجمه قالت : جامعه القاهره يا كريم
كريم قال بابتسامه : طيب ونظره قدامه وتحرك
وبيسوق كريم العربية وبينظر علي الطريق والتفت لنجمه وقال : ممكن اسالك سؤال يانجمه ونظر علي الطريق
والتفت له نجمه وقالت : اه طبعاً ياكريم اتفضل
ونظر لها كريم وقال : هو عمك يعرف مروان مين
والتفت علي الطريق
نجمه قالت بضيق : شافه يا كريم لما كان هو وصلني علي البيت
والتفت له كريم وقال باستغراب : بيوصلك هو مروان وصلك علي البيت ونظر علي الطريق
نجمه قالت بغضب : ايوه وصلني
ونظر لها كريم وقال بدهشه : وصلك امتا ده يانجمه والتفت علي الطريق
نجمه قالت : وصلني في اليوم اللي انت عملت فيها حادثة لما والدتك قولته يوصلني
والتفت لها كريم وقال : اهااا صح دي ماما قالت لمروان يوصلك ساعتها بس ونظر علي الطريق والتفت لنجمه عمك شاف مروان فين هو كان عندكم يا نجمه ونظر علي الطريق
نجمه قالت : لا يا كريم عم شفيق ماكنش عندنا هو ساكن قصدنا في نفس الشارع اللي انا ساكنه فيه
والتفت لها كريم وقال : اهااا بس شكل عمك بيحب مروان اوي لدرجة انه معه رقمه و بيكلمه ونظر علي الطريق
نجمه قالت باستغراب : معه رقمه
ونظر له كريم وقال : ايوه هو قالي انه معه رقم مروان وبيكلمه ايه هو انتي متعرفيش ولا ايه انه بيكلم مروان والتفت علي الطريق
نجمه قالت بدهشة : لا معرفش ان عم شفيق معه رقم وبضيق الاستاذ ده وبيكلمه
والتفت له كريم وقال بابتسامه : الاستاذ ده ونظر علي الطريق
ونظرت نجمه قدامها وقالت لنفسها بدهشة: عم شفيق جاب رقم مروان منين وبعدين ماليش ليه انه معه رقمه تلقيه مرضش يقولي علشان انا مضايقة من مروان فمرضش يضايقني اكتر طيب جاب رقمه منين تلقيه خده من مروان لما كان بيكلمه يصلحه علشان تطرده من الشقة
والتفت لها كريم وقال بابتسامه : هو انتي زعلانه من مروان ولا ايه يانجمه ونظر علي الطريق
نجمه قالت : ها وبغضب وهزعل منه ليه يعني ولو سمحت يا كريم ماتجيبليش سيرته
والتفت لها كريم وقال باستغراب: ليه يانجمه هو مروان عمل ايه وبعدين يا انتي متعش بتشوفيه يبقي زعلانه منه ليه ونظر علي الطريق
نجمه قالت باستغراب : وانت عرفت ازاي اني معتش بشوفه يا كريم
ونظر لها كريم وقال : هو اللي قالنا انا وماما ان معتش بيشوفك والتفت علي الطريق
نجمه قالت بحزن : اهااا ماهو فعلا كده يا كريم انا معتش بشوفه
والتفت لها كريم وقال : طيب زعلانه ليه منه بقي بما انك معتيش بتشوفه يانجمه ونظر علي الطريق
نجمه قالت بحزن : انا مش زعلانه منه ولا حاجه يا كريم بس ممكن تستعجل شويه علشان متاخرش عن المحاضره
والتفت لها كريم وقال : ما انا لو استعجلت وزودت السرعه ممكن اعمل حادثه يا نجمه زي اللي انا عملتها فيك والمره دي بقى مش ضامن اللي انا هعمل فيه حادثه دى هيسامحني زي ما انت سامحتيني ولا لا ونظر علي الطريق
نجمه قالت بحزن : طب وعلى ايه يا كريم بلاش تستعجل علشان مانعملش حادثه لا قدر الله بدل ما توصلني على الجامعه نوصل على المستشفى خلينا
ماشيين كده احسن
والتفت لها كريم وقال بابتسامه : انا بقول كده بردك يا نجمه ونظر على الطريق
ونظرت نجمه من شباك العربية بابتسامه خفيفه واتذكرت مروان وسرحت بحزن
في عربية مروان :
وسايق مروان العربية وبينظر علي الطريق وقال لنفسه بضيق : انا مضايق كده ليه بالرغم ان ما فيش حاجه حصلت يعني علشان ابقى متضايق كده و اتعصب على كريم كمان انا مش عارف ايه اللي بيجري لي ده انا بس لو افهم ايه اللي بيحصل معايا ده وايه سبب اللخبطه اللي انا فيها دي كنت ارتاح والقي حل بس مش فاهم اللي انا فيه ده ايه ووصل على الشركه ووقف العربية وفتح باب العربيه ونزل وماشي بس انا لازم افهم ايه اللي بيحصل معايا ده وليه بيحصل كده معايا لازم اهدي علشان اقدر افكر كويس ودخل الشركه ورايح على مكتبه علشان طول ما انا عصبي مش هقدر افهم حاجه لازم اهدى وافكر كويس في اللي بيحصل معايا ده واكيد هلاقي حل
في مكتب نجوى السكرتيره :
قاعده نجوى على كرسي مكتبها وبتنظر قدامها بالصدفه لقت مروان بيه جاي وقالت لنفسها : مروان بيه وقامت من على الكرسي
ورايح مروان ناحيه مكتبه
وبتنظر له نجوى السكرتيره وقالت : صباح الخير يا فندم
ووقف مروان والتفت لها وقال : صباح الخير
يا نجوى وراح عند مكتبه ووقف قدامه وفتح الباب ودخل المكتب وقفل الباب وراها
وبتنظر نجوي السكرتيره لمكتب مروان بيه وقعده علي كرسي مكتبها ونظرت قدامها علي المكتب وبشوف شغلها
وخرج الاستاذ شهاب من مكتبه وراح علي مكتب مروان بيه ونظر لنجوي ووقف قدامها وقال : نجوي
والتفت له نجوى السكرتيره وقالت : ايوه يا استاذ شهاب
الاستاذ شهاب قال : مروان بيه وصل
نجوي السكرتيره قالت : ايوه وصل من شويه
الاستاذ شهاب قال بقلق : طيب هو معه حد
نجوى السكرتيره قالت : لا يا استاذ شهاب مش معه حد
الاستاذ شهاب قال بقلق : طيب انا عاوزه اقابله
نجوي السكرتيره قالت : طيب يا استاذ شهاب لحظه واحدة هبلغه وقامت من علي الكرسي
الاستاذ شهاب قال : طيب
ورايحه نجوي السكرتيره علي مكتب مروان بيه
وبينظر لها الاستاذ شهاب وهي ماشيه بقلق
ووقفت نجوي السكرتيره امام مكتب مروان بيه وخبطت علي الباب
وقعد مروان علي كرسي مكتبه وناظر علي مكتبه والتفت للباب وقال : ادخل
ودخلت نجوي السكرتيره المكتب ونظرت لمروان بيه ورايحه لعنده
وبينظر لها مروان وقال : في ايه يانجوي
ووقفت نجوي مكانها وهو بتنظر له وقالت : الاستاذ شهاب بره وعاوز يقابل حضرتك
مروان قال : طيب خليه يا تفضل
نجوى السكرتيره قالت : حاضر يافندم والتفت وراها ومشت
وخرجت نجوي السكرتيره من المكتب قدام الباب ونظرت للاستاذ شهاب وقالت : اتفضل يا استاذ شهاب
ونظر لها الاستاذ شهاب وقال : طيب وراح لعندها ودخل المكتب
وقفلت نجوي السكرتيره باب المكتب
ونظر الاستاذ شهاب لمروان بيه وقال : صباح الخير يافندم
مروان قال : صباح الخير اتفضل وشاور بايده علي الكرسي اللي جانب المكتب
وراح الاستاذ شهاب لعنده الكرسي اللي شاور عليه مروان بايده وهو بينظر له ووقف وقال : شكرا يافندم وقعد علي الكرسي
مروان قال : في ايه يا استاذ شهاب
الاستاذ شهاب قال : كميه الكتاب يافندم اللي انا نزلتها زي حضرتك قولت خلصت وأصحاب محلات الكتب طالبين كمية تانيه وعملت اللي حضرتك قولت عليه
مروان قال : طيب كويس
الاستاذ شهاب قال : لا يافندم للأسف مش كويس خلاص
مروان قال باستغراب : مش كويس ليه ايه اللي حصل
الاستاذ شهاب قال : أصحاب المحلات الكتب اللي احنا بنتعامل معهم
مروان قال بدهشة : مالهم
الاستاذ شهاب قال: بيكلموني كل شويه وبيقولوا لي ان الناس كتير بتسال علي الكتب بتاعتنا ولما مش بتلقي الكتب بتاعتنا موجوده بتمشي من المحل ومش بتشتري كتب تاني
مروان قال بابتسامة : طيب كويس
الاستاذ شهاب قال باستغراب : كويس ازاي بس يافندم بقول لحضرتك بيدخلوا المحل علشان يسألوا علي الكتب بتاعتنا بس أصحاب محلات الكتب مش عارفين يعملوا ايه يبقي كويس ازاي بس يافندم
مروان قال بابتسامة : كويس علشان حصل اللي انا عاوزه
الاستاذ شهاب قال بدهشة : اللي حضرتك عاوزه
مروان قال بابتسامة : ايوه
الاستاذ شهاب قال باستغراب : تقصد ايه يافندم
مروان قال : اقصد ان انا عاوز الناس تعمل كده
الاستاذ شهاب قال بدهشة : ليه يا فندم انا مش فاهم
مروان قال : انا هفهمك يا استاذ شهاب انا قوتلك ما تنزلش كتب تانيه بعد الكتب اللي انت نزلتها دي علشان كنت عاوز الناس تعمل كده لما مايلاقوش الكتب بتاعتنا في السوق يسالوا اكتر ولما هيسالوا هيدورا اكتر يا استاذ شهاب زي ما عملوا كده دلوقتي وبشكل ده الطلب علي الكتب بتاعتنا هيبقي اضعاف اضعاف غير لما تبقي موجودة في السوق علشان كده انا عملت كده وقوتلك ماتنزلش ولا كتاب تاني السوق بعد كميه الكتب اللي انت هنزلتها دي
الاستاذ شهاب قال : اهاااا يعني حضرتك كنت عارف ان ده هيحصل
مروان قال : لا انا كنت متوقع ان ده هيحصل علشان محدش يعرف ايه اللي هيحصل في الغيب الا ربنا سبحانه وتعالى
الاستاذ شهاب قال : اهااا طبعاً يا فندم بس تعرف يا فندم انا مبسوط اوي اني بشتغل في الشركه هنا وان حضرتك رئيسي علشان يافندم حضرتك ذكي ودايما بتفكر لبعيد بذكاء وتخطيط وانا كل يوم بتعلم من حضرتك حاجه يا فندم
مروان قال : طيب يا سيدي شكرا واحنا كلنا هنا بنتعلم من بعض يا استاذ شهاب علشان ده شغلنا كلنا مش شغلي انا لوحدي احنا عيلة وهدفنا واحد وهو تكبري الشركه دي مش كده ولا ايه
الاستاذ شهاب قال : اه طبعاً يا فندم
مروان قال : طيب خلينا في المهم ابعت لاصحاب محلات الكتب كميات الكتب كلها
الاستاذ شهاب قال : يعني انزل الكتب كلها يافندم
مروان قال : ايوه نزلها كلها
الاستاذ شهاب قال : حاضر يافندم
مروان قال : طيب اتفضل اعمل اللي انا قوتلك عليه ولو في حاجه ابقي بلغني
الاستاذ شهاب قال : حاضر يافندم وقام من علي الكرسي بعد اذنك يافندم
مروان قال : اتفضل
والتفت مروان للتليفون المكتب ورفع السماعه وبيتصل بنجوي السكرتيره
في مكتب نجوي السكرتيره :
وقعدة نجوي السكرتيره علي كرسي مكتبها وبتنظر للاستاذ شهاب وهو ماشي ورن تليفون المكتب والتفت له ورفعت السماعه وقالت : الو
مروان قال : نجوي
نجوى السكرتيره قالت : ايوه يافندم
مروان قال :بلغي الاستاذ لبيب والاستاذ يونس
والاستاذ حمزه والاستاذ رشاد ان عاوزهم في غرفه الاجتماعات بعد 10 دقائق و بلغهم يجيبوا معاهم اعمال الكتاب اللي متقدمين في المسابقة
نجوى السكرتيره قالت : حاضر يافندم
مروان قال : طيب وقفل الخط ورجع بضهره علي الكرسي وسنده راسه عليه وغمض عنينه بتنهيد واتذكر نجمه
في مكتب نجوى السكرتيرة :
وقفلت نجوي السكرتيره الخط وبتتصل بالاستاذلبيب
في مكتب الاستاذ لبيب :
قعد الاستاذ لبيب علي كرسي مكتبه وبيشتغل ورن تليفون مكتب والتفت له ورفع سماعه وقال : الو
نجوي السكرتيره قالت : الو ايوه يا استاذ لبيب انا نجوي صباح الخير
الاستاذ ليبب قال : صباح الخير يانجوي في ايه
نجوي السكرتيره قالت : مروان بيه عاوز حضرتك
في غرفة الاجتماعات
الاستاذ ليبب قال باستغراب : مروان بيه عاوزني في غرفة الاجتماعات
نجوى السكرتيره قالت : ايوه يا استاذ لبيب
الاستاذ ليبب قال : ليه في حاجه يانجوي
نجوي السكرتيره قالت : معرفش يا استاذ لبيب بس هو طلب مني ابلغك تجيب معاك اعمال الكتاب اللي مقدمين في المسابقة
الاستاذ لبيب قال : اهااا طيب يانجوي هو عاوزني انا بس
نجوى السكرتيره قالت : لا يا استاذ لبيب مروان بيه طلب مني ابلغ الاستاذ رشاد والاستاذ يونس والاستاذ حمزه كمان انه عاوزنهم
الاستاذ ليبب قال : طيب يانجوي انتي اتصلت بيهم
نجوي السكرتيره قالت : لا يا استاذ لبيب لسه ماتصلتش بيهم
الاستاذ ليبب قال : طيب ما تتصليش يانجوي انا هبلغهم
نجوي السكرتيره قالت : طيب يا استاذ لبيب سلام
الاستاذ ليبب قال : مع السلامه وقفل الخط اكيد مروان بيه عاوزنا علشان يعرف من احسن عمل من الاعمال اللي تقدمت في المسابقة ماهو فات شهر علي المسابقة علشان كده هو طلبنا اما اقوم اروح للاستاذ رشاد والاستاذ يونس والاستاذ حمزه اشوفهم عملوا ايه في اعمال الكتاب وراح علي قسم المراجعه الكتب ووقف قدام الباب وخبط عليه
وبينظر الاستاذ يونس في الروايه اللي علي مكتبه والتفت للباب وقال : ادخل
ودخل الاستاذ لبيب وبينظر لهم وقال : صباح الخير ووقف مكانه
والتفتوا له الاستاذ لبيب والاستاذ رشاد والاستاذ يونس وقالوا : صباح الخير يا استاذ لبيب
الاستاذ رشاد قال : اتفضل يا استاذ لبيب
الاستاذ ليبب قال : لا انتم اللي تتفضلوا معايا
الاستاذ حمزه قال باستغراب : نتفضل معاك
الاستاذ ليبب قال : ايوه يلا
الاستاذ يونس قال بدهشه : نتفضل معاك علي فين
يا استاذ لبيب
الاستاذ لبيب قال : تتفضلوا معايا علي غرف الاجتماعات مروان بيه عاوزنا
الاستاذ رشاد قال باستغراب : عاوزنا ليه خير
الاستاذ لبيب قال : خير ان شاء الله يا استاذ رشاد هو عاوزنا علشان المسابقة ما هو عده شهر علي المسابقة هاتوا يلا اعمال الكتاب اللي قدموا فيها و تعالوا معايا علي غرفة الاجتماعات
الاستاذ رشاد قال : طيب يا استاذ لبيب اتفضل انت واحنا جايين وراك
الاستاذ لبيب قال : طيب بس ماتتاخروش علشان مروان بيه زمانه منتظرنا
الاستاذ رشاد قال : حاضر يا استاذ لبيب مش هنتاخر احنا هنجي وراك علي طول
الاستاذ لبيب قال : طيب والتفت وراها وماشي
وخرج من المكتب وراح علي غرفة الاجتماعات ووقف قدام الباب وخبط عليه ودخل وبينظر ملقش حد وقال لنفسه باستغراب : امال مروان بيه فين ووقف مكانه تلقيه لسه في مكتبه وهجي بعد شويه اما ارواح اقعد اعقبال ما يجي هو والاستاذ رشاد والاستاذ يونس والاستاذ حمزه وراح عندها ترابيزه الاجتماعات وشده كرسي وقعد عليه
في قسم المراجعه :
وبينظر الاستاذ رشاد للاستاذ حمزه والاستاذ يونس وقال : يلا يا استاذ حمزه وانت يا استاذ يونس خذوا كل اعمال الكتاب اللي معاكم ومتنسوش اي عمل والا مش هيحصل كويس ونظر علي مكتبه وبتاخد اعمال الكتاب من عليه
الاستاذ حمزه قال : طيب يا استاذ رشاد بس مروان بيه مستعجل ليه كده يا النهارده اول يوم في الشهر ماكنا يخليها بكرة يعني فيه ايه مش هيحصل حاجه ونظر علي مكتبه وبياخد اعمال الكتاب من عليه
الاستاذ يونس قال : مش هيحصل حاجه ازاي يعني يا استاذ حمزه لا طبعاً هيحصل دي مسابقة ولازم لها ميعاد محدد وبعدين انت عارف مروان بيه بحييب قده ايه المواعيد المظبوط ونظر علي مكتبه وبياخد اعمال الكتاب
الاستاذ حمزه قال : طيب والتفت قدامه علي المكتب
واخذ الاستاذ رشاد كل اعمال الكتاب اللي علي مكتبه واللاب توب بتاع نجمه وهو مفتوح وحطتهم عليه وقام من علي الكرسي ونظر لهم وقال : مش وقته الكلام ده مروان بيه زمانه مستنين يلا
الاستاذ حمزه قال : طيب يا استاذ رشاد والتفت علي مكتبه وشال اعمال الكتاب وقام من علي الكرسي ورايح لعنده الاستاذ رشاد يلا التفت للاستاذ يونس وهو ماشي يلا يا استاذ يونس
الاستاذ يونس قال : طيب وقام من علي الكرسي والتفت علي مكتبه واخذ اعمال الكتاب من عليه والتفت لهم يلا ماشي
وبينظر لهم الاستاذ رشاد وقال : اوعوا تكونوا نسيتم عمل مروان بيه هيزعق لنا لو حصل ده
ووقف الاستاذ حمزه قصده وقال : لا يا استاذ رشاد انا جيبت كل الاعمال اللي معايا
الاستاذ رشاد قال : طيب والتفت للاستاذ يونس وانت يا استاذ يونس جبت الاعمال كلها
ووقف الاستاذ يونس قصده وهو بينظر له وقال : اه يا استاذ رشاد جيبتها كلها
الاستاذ رشاد قال : طيب يلا نروحوا وربنا يستر ومشي
ومشوا الاستاذ حمزه والاستاذ يونس وراها
وراحوا علي غرفة الاجتماعات ووقفوا قدام الباب
وخبط الاستاذ حمزه علي الباب
وقعد الاستاذ لبيب علي الكرسي والتفت للباب وقال : ادخل ودخلوا
ونظر لهم الاستاذ لبيب وقال : كويس انكم جيتهم
وشده الاستاذ حمزه كرسي وهو بينظر للاستاذ لبيب وقال باستغراب : امال مروان بيه فين يا استاذ لبيب وقعد عليه وحط الاعمال قدام علي الترابيزة
ونظر الاستاذ رشاد للاستاذ لبيب وقال : اه يا استاذ لبيب مروان بيه فين والتفت لاعمال الكتاب وحطها علي الترابيزة واللاب توب بتاع نجمه وشده الكرسي وقعد عليه ونظر للاستاذ لبيب
وبينظر لهم الاستاذ لبيب وقال : زمان مروان بيه جاي دلوقتي
وشده الاستاذ يونس كرسي وحط اعمال الكتاب قدامه علي الترابيزة وقعد علي الكرسي وبينظر للاستاذ لبيب
وبينظر الاستاذ حمزه للاستاذ لبيب وقال : طيب
وبينظر لهم الاستاذ لبيب وقال : انما انتم عملتوا ايه خلصتم كل اعمال الكتاب
الاستاذ حمزه قال : اه يا استاذ لبيب خلصنهم هو احنا نقدر برده مانخلصهاش
الاستاذ لبيب قال :طيب كويس
الاستاذ رشاد قال : هو مروان بيه اتاخر ليه هو في الشركه يا استاذ لبيب
الاستاذ لبيب قال : اه جيه الشركه ونجوي السكرتيره اتصلت بي وقالت لي انه عاوزنا
الاستاذ رشاد قال : طيب ما تتصل بنجوي يا الاستاذ لبيب تبلغ مروان بيه ان احنا في غرفة الاجتماعات يمكن مروان بيه عنده حد ومايعرفش ان احنا في غرفة الاجتماعات
الاستاذ لبيب قال : طيب وقام وبيتصل بنجوي
في مكتب نجوي السكرتيره :
وقعدة نجوي السكرتيره علي كرسي مكتبه
وبتنظر قدامها علي المكتب وبتشتغل ورن تليفون
مكتبها والتفت له ورفعت السماعه وقالت : الو
الاستاذ ليبب قال : الو ايوه يانجوي انا الاستاذلبيب
نجوي السكرتيره قالت : ايوه يا استاذ لبيب
الاستاذ ليبب قال : بلغي مروان بيه انا احنا في غرفة الاجتماعات زي طلب مننا
نجوي السكرتيره قالت : حاضر يا استاذ لييب
الاستاذ ليبب قال : طيب سلام
نجوي السكرتيره قالت : مع السلامة
وقفل الاستاذ لبيب الخط ونظر لهم وقال : هتبلغه اهي
الاستاذ رشاد قال : طيب
في مكتب نجوى السكرتيره :
قامت نجوي السكرتيره من علي كرسي وراحت علي مكتب مروان بيه ووقفت قدام الباب وخبطت عليه
وقعد مروان علي كرسي مكتبه ومغمض عنينه و بتذكر نجمه وسمع صوت خبط ففتح عنينه والتفت علي الباب وقال : ادخل
ودخلت نجوي السكرتيره ونظرت له ووقفت مكانها وقالت : مروان بيه
نظر لها مروان وقال : ايوه يانجوي في ايه
نجوي السكرتيره قالت : انا بلغت الاستاذ لبيب وهو بلغ الاستاذ حمزه والاستاذ يونس والاستاذ رشاد وهما دلوقتي في غرفة الاجتماعات مستنين حضرتك يافندم
مروان قال : طيب يانجوي وقام من علي الكرسي وهو بينظر لها وماشي مش عاوز حد يخش عليه يانجوي وانا في غرفة الاجتماعات فاهمه
نجوى السكرتيره قالت : حاضر يافندم بس
وراح مروان لعندها ووقف قدامها قال باستغراب : بس ايه
نجوي السكرتيره قالت : لو حد اتصل يافندم
مروان قال : ماتحاوليش الخط مش عاوز اي ازعاج مفهوم
نجوي السكرتيره قالت : حاضر يافندم
مروان قال : طيب وخرج من المكتب
وراح مروان علي غرفة الاجتماعات ووقف قدام الباب وفتحه ودخل وقفل الباب وراها
ونظروا له الاستاذ لبيب والاستاذ رشاد والاستاذ يونس والاستاذ حمزه وقاموا
ونظر لهم مروان وراح لعندهم ووقف قدامهم وقال : اتفضلوا اقعدوا ونظر للكرسي وشده وقعد عليه
وبينظر لهم مروان وجيت عنينه علي اللاب توب
بتاع نجمه اللي قدام الاستاذ رشاد وتذكر نجمه لما كانت عنده في المكتب
وبينظروا له الاستاذ لبيب والاستاذ رشاد والاستاذ يونس والاستاذ حمزه والتفتوا لبعضهم باستغراب
ونظروا لمروان بيه
وبينظر الاستاذ لبيب لمروان بيه وقال : مروان بيه في حاجه
وسرح مروان بتفكيره في نجمه
ونظروا الاستاذ لبيب للاستاذ حمزه والاستاذ رشاد والاستاذ يونس باستغراب والتفتوا له ونظروا لمروان بيه
وبينظر الاستاذ رشاد لمروان بيه وقال : مروان بيه
ونظر مروان للاستاذ رشاد وقال : ها
الاستاذ رشاد قال باستغراب : حضرتك كويس يا فندم
وبينظر مروان للاستاذ رشاد وقال : اه كويس ونظر لهم المهم عملتم ايه قراتم الاعمال الكتاب كويس
الاستاذ رشاد قال : ايوه يافندم قرانها و اختارنا احسن عمل فيهم بس الراي الاخير لحضرتك طبعاً
وبينظر مروان للاستاذ رشاد وقال : طيب ونظر لهم بس قبل ماعرف العمل اللي انتم اخترتوا ده عاوز اعرف كل حاجه عن كل عمل فيهم وايه مشكلته وليه انتم ماخترتهش والعمل اللي انتم اخترتوا ده اخترتوا ليه وهو بيتميز عن الاعمال التانية في ايه يلا اتفضلوا اشرحوا لي بقي وشاور بايده
الاستاذ حمزه قال : طيب يافندم انا هبدا الاول بعد اذنك طبعا و هشرح لحضرتك الاعمال اللي معايا وايه مشكلتها
وبينظر مروان للاستاذ حمزه وقال : اتفضل يا استاذ حمزه
وبينظر الاستاذ حمزه لمروان بيه وقال : طيب ونظر للأعمال اللي قدامه واخذ عمل والتفت لمروان بيه بخصوص العمل ده يا فندم وبدا يشرح
في المطبعه :
وقف فاتح امام المكنه وبيشتغل والتفت وراها بالصدفه ملقاش كريم على مكنته ووقف شغل وقال لنفسه باستغراب : هو كريم مجاش ليه لغاية دلوقتى وبقلق ربنا يستر والاستاذ فتوح مايزعقلوش لما يجي يمكن يكون هو مستاذن منه قبل ما انا اجي بس هيستاذن ليه وبعدين هيجي بدري قوي كده ليه علشان يستاذن مش معقول ونظر قدامه امال ما جاش ليه وبيفكر
وماشي الاستاذ فتوح وبينظر على العمال وهم بيشتغلوا وقال لنفسه بدهشه : هو كريم ما جاش لغايه دلوقتي ليه يمكن راح لمروان بيه في الشركه بس كان بلغني زي ما بلغني المره اللي فاتت لما كان رايح له تلاقيه اتاخر عشان المواصلات زحمه وزمانه جاي وبيلتفت قدامه لقي فاتح واقف مابيشتغلش فاراح له ووقف جنبه وهو بينظر له ايه يا فاتح مابتشتغلش ليه
والتفت له فاتح وقال بارتباك : ها لا انا بشتغل أهو يا استاذ فتوح
الاستاذ فتوح قال : طب يلا اشتغل
فاتح قال بقلق : حاضر ونظر للمكنه بتاعته وبيشتغل
وبينظر له الاستاذ فتوح وهو بيشتغل ومشي
وبيشتغل فاتح وقال لنفسه : اما اتصل بكريم اعرف ما جاش ليه وبقلق بس استاذ فتوح واقف ممكن يشوفني و يخصم لي اليوم اعمل ايه بس انا خايف ليكون كريم تعبان ولا حاجه لازم اطمن عليه برده ده صاحبي وممكن يزعل لو ما اتصلتش بيه اعمل ايه بس وبيفكر ايوه اتصل بيه رنه واحده من غير ما الاستاذ فتوح يشوفني ولو ما ردش خلاص ما عدتش اتصل بيه تاني بس اشوف الاستاذ فتوح مشي الاول بعيد عني شويه ولا لا علشان مايشوفنيش وانا بتصل والتفت وراها بالراحه لقي الاستاذ فتوح اعطي له ظهره واقف بعيد شويه والتفت قدام بالسرعه كويس اهو مشي بعيد شويه واطلع تليفونه وبينظر حواليه وبخوف والتفت التليفون وبيتصل بكريم يا رب يكون كويس الرقم الذي طلبته غير متاح حاليا ايه ده رقمه مش متاح تلاقيه مفيش شبكه ولا حاجه طب اعمل ايه دلوقتي وحطي تليفونه في جيبه اسال عليه الاستاذ فتوح تلاقيه عارف هو ما جاش ليه بما انه هو اللي ماسك المطبعه اكيد عارف يعني كريم ما جاش ليه والتفت وراها ونظر للاستاذ فتوح وراح لعنده ووقف وراها استاذ فتوح
والتفت الاستاذ فتوح وراها لقي فاتح وقال : ايه يا فاتح في ايه سايب شغلك ليه
فاتح قال بقلق : انا رايح اشتغل اهو يا استاذ فتوح بس كنت عايز اسال حضرتك هو كريم ما جاش ليه
الاستاذ فتوح قال باستغراب : كريم
فاتح قال بقلق : ها ايوه يا استاذ فتوح هو ما جاش ليه
الاستاذ فتوح قال بدهشه : وانت بتسال ليه يا فاتح
فاتح قال باربتاك : ها ما فيش يا استاذ فتوح انا بس عايز اطمن عليه ليكون تعبان ولا حاجه
الاستاذ فتوح قال باستغراب : تعبان
فاتح قال بتوتر : ايوه علشان كده بسال حضرتك هو ما جاش ليه
الاستاذ فتوح قال بدهشه : وايه اللي خلاك تفكر انه تعبان يا فاتح
فاتح قال باربتاك : ها اصل اتاخر يا استاذ فتوح وهو دايما بيجي على ميعاد الشغل من ساعه ما اشتغل هنا علشان كده سالت حضرتك
الاستاذ فتوح قال لنفسه بقلق : فاتح معاه كريم فعلا متاخرش عن الشغل من ساعه ما اشتغل هنا ليكون تعبان فعلا انا لازم اتصل بالشركه واطمن عليه
وبينظر له فاتح باستغراب وقال : استاذ فتوح
الاستاذ فتوح قال : ها ايوه يافاتح في ايه
فاتح قال باربتاك : ها ما فيش يا فندم بس هو كريم مااستاذنش من حضرتك انه هيتاخر
الاستاذ فتوح قال: لا ما استاذنش يا فاتح هيستاذن ازاي واحنا لسه فاتح من شويه روحي انت شوف شغلك وانا هعرف هو اتاخر ليه
فاتح قال بقلق : حاضر يافندم والتفت قدامه وماشي
وبينظر له الاستاذ فتوح وهو ماشي بقلق
وماشي فاتح وقال لنفسه بخوف : ربنا يستر ياكريم ما استاذنش من الاستاذ فتوح الاستاذ فتوح هيزعق له وهيخصم له انا مش عارف ايه اللي اخرك يا كريم بس يا رب تكون بخير وراح عند المكنه بتاعته ووقف قدامها وبيشتغل
ووقف الاستاذ فتوح وقال لنفسه بقلق : يا رب يكون كريم بيه كويس مايكونش تعبان ولا حاجه بس تاخيره ده مايطمنش ده مواعيده فعلا مظبوطه على الشغل زي ما قال فاتح انا ازاي مافكرتش في كده اما اروح اتصل بمروان بيه اساله على كريم بيه واطمن عليه
وبينظر فاتح قدامه لقي الاستاذ فتوح ماشي بسرعه وقال لنفسه بقلق : شكل الاستاذ فتوح مضايق من كريم جامد ربنا يستر وما يحصلش مشكله يا ترى اتاخرت ليه يا كريم والتفت للمكنه بتاعته وبيشتغل
ودخل الاستاذ فتوح مكتبه والتفت وراها وقفل الباب ونظره قدامه وراح عند مكتبه والتفت للتليفون وبيتصل بالشركه
في شركه الشناوي :
في مكتب نجوى السكرتيره :
قاعده نجوى على كرسي مكتبها وبتشوف شغلها ورن تليفون مكتبها والتفتت له ورفع سماعه وقالت : الو
الاستاذ فتوح قال : الو ايوه يا نجوى
نجوى السكرتيره قالت : مين معايا
الاستاذ فتوح قال : انا الاستاذ فتوح يا نجوى من المطبعه
نجوى السكرتيره قالت :اهاا اهلا يا استاذ فتوح
الاستاذ فتوح قال : اهلا بكي يا نجوى مروان بيه
موجود
نجوى السكرتيره قالت : اه مروان بيه موجود
الاستاذ فتوح قال : طيب انا عايز اكلمه
نجوى السكرتيره قالت : مش هينفع يا استاذ فتوح حضرتك تكلمه
الاستاذ فتوح قال باستغراب : مش هينفع
نجوى السكرتيره قالت : ايوه يا استاذ فتوح مش هينفع
الاستاذ فتوح قال بدهشه : ليه يا نجوى مش انتي بتقولي ان مروان بيه موجود
نجوى السكرتيره قالت : ايوه يا استاذ فتوح موجود بس مش هينفع تكلمه علشان في اجتماع
الاستاذ فتوح قال : في اجتماع
نجوى السكرتيره قالت : ايوه يا استاذ فتوح في اجتماع
الاستاذ فتوح قال بقلق : بس انا عايزه ضروري يا نجوى بلغيه بس ان انا عاوزه اكلمه
نجوى السكرتيره قالت : مش هينفع يا استاذ فتوح ابلغه
الاستاذ فتوح قال : ليه يا نجوى مش هينفع تبلغيه انت هتقولي له بس ان انا على التليفون وهو هيكلمني
نجوى السكرتيره قالت : يا استاذ فتوح هو مانع احول له اي اتصال
الاستاذ فتوح قال بقلق : طيب حاولي يا نجوى تبلغيه الموضوع ضروري والله
نجوى السكرتيره قالت : يا استاذ فتوح والله ما هينفع هو طلب مني ما حدش يخش له وانا لو دخلت له هيرفدني وحضرتك ما يرضاكش ان انا اترفد
الاستاذ فتوح قال : لا مايرضينيش طبعا طب والعمل انا عايزه ضروري
نجوى السكرتيره قالت : خلاص قول لحضرتك عايزه في ايه وانا ابلغه اول ما يخرج من غرفه الاجتماعات
الاستاذ فتوح قال : لا مش هينفع يا نجوى لازم انا اكلمه
نجوى السكرتيره قالت : وانا مش هينفع ادخل له يا استاذ فتوح انت عارف مروان بيه كويس بدل قال كده يبقى مش عايز حد يخش مهما كان هو مين
الاستاذ فتوح قال : طيب يا نجوى خلاص انا هتصل بيه تاني
نجوى السكرتيره قالت : طيب يا استاذ فتوح
الاستاذ فتوح قال بقلق : طيب سلام يا نجوى
نجوي السكرتيره قالت : مع السلامه يا استاذ فتوح
وقفل الاستاذ فتوح الخط وقال لنفسه بقلق : على الله يكون كريم بيه كويس ومش تعبان قوي بس ازاي مروان بيه في الشركه وسايب اخوه وهو تعبان يمكن راح الشركه علشان الاجتماع ده باين عليه اجتماع مهم ما ينفعش يتاجل علشان كده مانع اي اتصال او حد يدخل له هبقى اتصل بيه تاني يمكن يكون الاجتماع خلص اما اشوف شغلي بقى ونظر على المكتب وفتح ملف قدامه وبيشتغل
في شركه الشناوي :
في مكتب نجوى السكرتيره :
قاعده نجوى على كرسي مكتبها وقالت لنفسها باستغراب : هو الاستاذ فتوح عاوز مروان بيه ضروري قوي كده ليه هيكون ايه اللي حصل يعني عشان عاوزه ضروري كده تلاقيه عايزه علشان شغل مهم علشان كده هو عاوز يكلمه ضروري على العموم لما يخرج من غرفه
الاجتماعات هبقى اقول له ان هو اتصل ما اشوف شغلي ونظرت على مكتبها
وبتشوف شغلها
في غرفه الاجتماعات :
وبينظر الاستاذ حمزه لمروان بيه وقال : بس يا فندم دول الاعمال اللي معايا
مروان قال باستغراب : امال بقيت الاعمال فين معقول ما فيش حد في المسابقه قدم غير اللي معاك دول وشاور بايده على الاعمال
الاستاذ حمزه قال : لا يا فندم مش دول الاعمال بس اللي تقدموا للمسابقه بس احنا يا فندم قسمنا اعمال الكتاب كل واحد خد اعمال يخلصها ولما يخلصها يديها للتاني علشان يقراها عشان الوقت كان قصير فاضطرينا ان احنا نقسم الاعمال
مروان قال باستغراب : وقت ايه القصير يا استاذ حمزه ده شهر يعني مش قليل علشان تخلصوا فيهم الاعمال دي
والتفتوا الاستاذ لبيب والاستاذ رشاد والاستاذ يونس لمروان بيه نظروا للاستاذ حمزه بقلق
ونظر مروان الاستاذ لبيب وقال : هو انت مابلغتهمش يا استاذ لبيب ولا ايه ميعاد انتهاء المسابقه
والتفت له الاستاذ لبيب وقال : لا يا فندم بلغتهم طبعا
وبينظر لهم مروان وقال بدهشة : اما انتم عارفين بميعاد انتهاء المسابقه امال بتقولوا ان الوقت قصير ايه ده شهر معقول انتم مستقلين شهر على الاعمال اللي قدامكم دي لا انتم اكيد بتهزروا
الاستاذ حمزه قال : لا يا فندم احنا مش بنهزر شهر قليل جدا فعلا على الاعمال دي علشان كل عمل فيهم محتاج وقت اكتر دي مسابقه يا فندم يعني لازم نقرا كل كلمه في كل عمل من دول ولو ماعملناش كده يبقى ملهاش لازمه المسابقه
والتفتوا الاستاذ لبيب والاستاذ رشاد والاستاذ يونس للاستاذ حمزه ونظروا لمروان بقلق
وبينظر مروان بيه للاستاذ حمزه وقال بدهشه : ملهاش لازمه ازاي يا استاذ حمزه وبعدين هو حد منعك انك تشوف شغلك وانا عارف انها مسابقه ولازما تقراوا كل كلمه فيها وشهر مش قليل عشان تخلص الاعمال دي وبعدين بما انك محتاج وقت اكثر ما جيتش قلت ليه جاي دلوقتي تقول لي بعد ما المده خلصت وشاور بايده
الاستاذ حمزه قال : ما احنا يا فندم قلنا كده للاستاذ لبيب ونظر له ان احنا محتاجين وقت عليه والتفت لمروان وهو قال لنا حضرتك ما ينفعش تطول المسابقه اكثر من كده
ونظر الاستاذ لبيب لمروان بيه وقال: ايوه يا فندم هم قالوا لي فعلا وانا قلت لهم ان ماينفعش تطول المسابقه اكثر من كده علشان هتتنسى الاستاذ رضا قال ليه كده علشان الدعايه بتاعه المسابقه فاتفقنا انا وهو ان شهر كويس جدا علشان المسابقه تنتهي فيه وحضرتك وافقت على كده
ونظر مروان للاستاذ لبيب وقال: ايوه انا وافقت على الميعاد وانا شايفه مناسب جدا ونظر لهم وفعلا لو المسابقه طولت اكتر من كده هتتنسى ويبقى ملهاش لازمه زي ما حضرتك قلت يا استاذ حمزه وبعدين ما جيتش تقول لي ليه حضرتك انك محتاج وقت وقلت للاستاذ لبيب انا مش قلت لكم انكم تحت اشرافي انا مش تحت اشراف الاستاذ لبيب وشاور عليه
والتفتوا الاستاذ لبيب والاستاذ رشاد والاستاذ يونس للاستاذ حمزه بقلق
وبينظر لهم الاستاذ حمزه ووطي راسه بقلق
وبينظر مروان للاستاذ حمزه وقال بضيق : ما ترد علي حضرتك انا مش قلت كده ولا حضرتك ما كنتش موجود وبعدين بما ان الوقت قصير خلصت الاعمال دي كلها ازاي ولا ماخلصتش كلها وشاور بايده
والتفتوا الاستاذ لبيب والاستاذ رشاد والاستاذ
يونس والاستاذ حمزه لمروان بيه بقلق
ونظر الاستاذ رشاد لمروان بيه وقال : لا يا فندم الاعمال كلها خلصت
ونظر مروان الاستاذ رشاد وقال : ما هي الاعمال كلها خلصت امال وقت ايه اللي قصير انا عايز افهم بما ان الاعمال كلها خلصت على الوقت
الاستاذ رشاد قال : ايوه يا فندم هي خلصت على الوقت فعلا بس احنا عملنا فيها مجهود اكبر علشان تخلص على الوقت
مروان قال : مجهود اكبر يعني ايه يا استاذ رشاد ماهو ده شغلكم انتم اول مره تشتغلوا الشغل ده يعني ولا ايه علشان تقول لي مجهود اكبر ولا حضراتكم مش عايزين تشتغلوا ونظر لهم وعايزين تقعدوا على مكاتبكم وخلاص امال الشركه بتدي لكم مرتباتكم على ايه مش علشان تشتغلوا لو مش عايزين تشتغلوا قولوا لي
وبينظروا الاستاذ لبيب والاستاذ حمزه والاستاذ يونس والاستاذ رشاد لمروان بيه ووطوا راسهم
وبينظر لهم مروان وقال بضيق : ردوا عليا لو مش عايزين تشتغلوا ماتشتغلوش انا مش بفرض حد على الشغل
وبينظر الاستاذ لبيب لمروان بيه وقال : لا يا فندم طبعا عايزين نشتغل وهم ما يقصدوش كل اللي هم يقصدوه ان المسابقه دي للكتاب المبتدئين وزي ما حضرتك عارف ان الكاتب المبتدئ بالعمل بتاعه محتاج يتراجع مره واثنين وثلاثه مش زي الكاتب المحترف اللي بيكتب على طول علشان كده هم كانوا محتاجين وقت اكتر يعني هم ما يقصدوش يا فندم ان هم ما يشتغلوش
وبينظر مروان للاستاذ لبيب وقال بضيق : معنى كلامك ده يا استاذ لبيب ان حضرتهم ونظر لهم ما رجعوش الاعمال دي مره واثنين وثلاثه علشان الوقت قصير مش كده حضراتكم
الاستاذ يونس قال : لا يا فندم احنا رجعناها مره واثنين وثلاثه يا فندم
وبينظر مروان للاستاذ يونس وقال : يبقى فين المشكله بقى انا عايز افهم بتقولوا ان الوقت قصير ليه ولا انتم مضايقين علشان اشتغلتوا
الاستاذ رشاد قال : لا يا فندم احنا مش متضايقين ده شغلنا وكان لازم يخلص
وبينظر مروان الاستاذ رشاد وقال : يبقى خلاص ما فيش مشكله نكمل بقى حضراتكم
الاستاذ رشاد قال : اه طبعاً
وبينظر الاستاذ يونس لمروان بيه وقال : طيب يا فندم انا هشرح لحضرتك الاعمال اللي معايا
وبينظر مروان الاستاذ يونس وقال : يا ريت بدل ما بنضيع وقت كده اتفضل يا استاذ يونس اشرح وشاور بايده
وبينظر الاستاذ يونس لمروان بيه وقال : حاضر يافندم ونظر على الاعمال اللي قدامه واخذه عمل منهم والتفت لمروان بيه العمل ده يا فندم وبدا يشرح
في عربيه كريم :
ونظر كريم وهو سايق العربية لنجمه وقال لنفسه : اما اسال نجمه كده هي اتخنقت هي ومروان في الكافيه ليه واعرف هي عملت ايه علشان مروان مش طايقها كده ممكن تقول لي نجمه ممكن اسالك سؤال والتفت على الطريق
وبتنظر نجمه من شباك العربيه وسرح بتفكيرها في مروان
والتفت لها كريم باستغراب وقال : نجمه والتفت على الطريق
وبتنظر نجمه من شباك العربيه وسرح بتفكيرها في مروان
وبينظر كريم على الطريق وقال لنفسه بدهشه : هي ما بتردش ليه والتفت لنجمه وبصوت مرتفع نجمه
والتفتت له نجمه وقالت : ها ايوه ياكريم
كريم قال باستغراب : ايه مالك ونظر على الطريق
نجمه قالت : ها لا ما فيش
والتفت لها كريم وقال بدهشه : ما فيش ازاي انتي مش معايا خالص هو انتوا ايه حكايتكم النهارده
نجمه قالت باستغراب : حكايتنا
والتفت لها كريم وقال بابتسامه : ايوه انت سرحانه هنا ومروان سرحان هناك هو ايه الموضوع بالظبط ونظر علي الطريق
نجمه قالت بدهشه : ايه هو سرحان
والتفت لها كريم وقال بابتسامه : ايوه كان سرحان واحنا بنفطر على السفره ولما سالته بردك قال لي ما فيش زيك كده هو انتم متفقين مع بعض ولا ايه يكون الجواب واحد ونظر على الطريق
نجمه قالت : وهنتفق ليه يعني يا كريم هو انا بشوفه علشان اتفق معاه وبعدين انا ما كنتش سرحانه ولا حاجه
والتفت لها كريم وقال : ما كنتيش سرحانه ايه يا نجمه انت ما كنتيش معايا خالص بدليل اللي انا كنت قاعد انادي عليك وانت ولا هنا ونظر على الطريق ولا انت كنت سمعاني ومش عايزه تردي علي والتفت لها
نجمه قالت : لا طبعا يا كريم مش هرد عليك ليه يعني وبعدين انت كنت عايزني في ايه
والتفت كريم على الطريق ونظر لنجمه وقال : كنت عايزه اسالك سؤال
نجمه قالت : طيب اتفضل اسال
والتفت لها كريم وقال : كنت عايز اسالك لما اتقابلتي انت ومروان اول مره في الكافيه اتخانقتوا ليه ونظر على الطريق
نجمه قالت باستغراب : في الكافيه وانت عرفت منين ان انا قابلته في الكافيه
والتفت لها كريم وقال : من والدتي يا نجمه هي اللي قالت لي ونظر على الطريق
نجمه قالت : هااا
والتفت لها كريم وقال : طيب قولي لي بقى اتخانقتوا ليه
نجمه قالت : طب انت ما سالتوش ليه احنا اتخانقنا ليه
ونظر لها كريم وقال باستغراب : اسال مين اه تقصدي مروان
نجمه قالت : ايوه ما سالتوش ليه
ونظر لها كريم وقال : ما هي ماما سالته يا نجمه بس هو كان متعصب وما رضاش يقول والتفت على الطريق
نجمه قالت : اه كان متعصب ما هو ده الطبيعي
والتفت لها كريم وقال باستغراب : تقصدي ايه يا نجمه ان ده الطبيعي يعني
نجمه قالت بضيق: اقصد ان ده طبيعته هو عصبي على طول بس ما كنتش اعرف انها توصل بيه انه يتعصب على والدته دي مهما كان والدته ازاي يتعصب عليا يعني
والتفت لها كريم وقال : لا يا نجمه هو ما تعصبش على ماما هو كان متعصب من نفسه وبعدين مروان يا نجمه عمره ما اتعصب على ماما ولا انا كمان على فكره
نجمه قالت : طيب انت ممكن ما تتعصبش على مامتك بس هو ما اعتقدش
ونظر لها كريم وقال بدهشة : ليه طيب يا نجمه
نجمه قالت : علشان هو شخص عصبي ما بيعرفش هو بيقول ايه او بيعمل ايه
والتفت لها كريم وقال : لا يا نجمه مروان مش كده مروان عارف كويس هو بيعمل ايه وبيقول ايه وما بقولش الكلمه غير لما بيكون قدها ويقدر ينفذها ونظر على الطريق وهو صحيح عصبي زي ما انت بتقولي والتفت لنجمه بس لما بيكون غلطان بيعتذر على طول حتى لو كان عصبي وما بسيبش اللي غلط فيه غير لما يكون مسامحه على اللي عمله معاه ونظر على الطريق
نجمه قالت بحزن : ايوه واتذكرت اللي قاله لها مروان انها بنت مش كويسه
والتفت لها كريم وقال باستغراب : ايه سكت ليه سرحت تاني ولا ايه
نجمه قالت بحزن : لا يا كريم ما سرحتش ولا حاجه
والتفت لها كريم وقال : طيب كويس قولي لي بقى انتوا اتخنقتوا ليه في الكافيه
نجمه قالت بحزن : ابقى اساله يا كريم احنا اتخانقنا ليه ونظرت من شباك العربية
والتفت لها كريم وقال باستغراب : مالك يا نجمه انتي كويسه
والتفتت له نجمه وقالت بحزن : اه يا كريم كويسه
ونظرت من شباك العربيه
ونظر لها كريم وقال لنفسه بدهشه : مالها نجمه زي لما تكون زعلانه من حاجه يمكن اتضايقت لما سالتها هي ومروان اتخانقوا ليه في الكافيه والتفت على الطريق بس هتضايق من ايه ما هي كانت بترد عليا دلوقتي يعني لو اتضايقت ما كانتش اتكلمت معايا يا ترى مالها اما اسالها مالها التفت لها لا بلاش احسن لضايقها اكتر ونظر علي الطريق لا اسيبها احسن لما تتكلم لوحدها علشان مضايقهاش اكتر والتفت عليها ونظر على الطريق
في المطبعه :
في مكتب الاستاذ فتوح :
قاعد الاستاذ فتوح على كرسي مكتبه وبيشتغل وقال لنفسه : اما اتصل بالشركه كده يمكن مروان بيه خلص الاجتماع بتاعه والتفت على التليفون وبيتصل بالشركه
في شركه الشناوي :
في مكتب نجوى السكرتيره :
قاعده نجوى السكرتيره على الكرسي مكتبها وبتشتغل ورن تليفون المكتب والتفتت له ورفعت السماعه وقالت : الو
الاستاذ فتوح قال بقلق : الو ايوه يا نجوى مروان بيه خلص الاجتماع
نجوى السكرتيره قالت : ايوه يا استاذ فتوح لا لسه ما خلصش الاجتماع
الاستاذ فتوح قال : لسه
نجوى السكرتيره قالت : ايوه يا استاذ فتوح لسه مروان بيه غرفه الاجتماعات
الاستاذ فتوح قال بقلق: لسه في غرفه الاجتماعات هو الاجتماع طول كده ليه
نجوى السكرتيره قالت : ما اعرفش يا استاذ فتوح والله الاجتماع طول ليه بس مروان بيه لسه في غرفه الاجتماعات
الاستاذ فتوح قال : طيب يا نجوى اول ما يخرج مروان بيه من غرفه الاجتماعات بلغيني انا اتصلت وخليه يكلمني ضروري
نجوى السكرتيره قالت : حاضر يا استاذ فتوح هبلغه
الاستاذ فتوح قال : طيب يا نجوى مع السلامه
نجوى السكرتيره قالت : مع السلامة وقفلت الخط
شكل الموضوع مهم قوي ومستعجل علشان كده الاستاذ فتوح اتصل تاني وبعدين مروان بيه طول في الاجتماع قوي كده ليه مش مشكله لما يطلع هبقى بلغه وخلاص هعمل ايه يعني انا ما اقدرش ادخل استنى بقى لما يطلع ونظرت على مكتبها وبتشتغل
في غرفه الاجتماعات :
وبينظر الاستاذ يونس لمروان بيه وقال : بس يا فندم انا شرحت لحضرتك كل حاجه في كل عمل فيهم
وبينظر مروان للاستاذ يونس وقال: طيب يا استاذ يونس والتفت للاستاذ رشاد اتفضل يا استاذ رشاد اشرح لي الاعمال اللي معاك
وبينظر الاستاذ رشاد لمروان بيه وقال : حاضر
يا فندم بخصوص بقى الاعمال اللي معايا ونظر للاعمال واخذ عمل منهم والتفت لمروان بيه وبدا يشرح
في عربية كريم :
والتفت كريم وهو سايق لنجمه باستغراب ونظر علي الطريق لقي وصلوا علي الجامعه فوقف العربية قدام الجامعه ونظر لنجمه وصلنا يانجمه
والتفت له نجمه وقال بحزن : ها
كريم قال : وصلنا علي الجامعه اهو ونظر علي الجامعه
والتفت نجمه وعلي يمينها لقيت الجامعه ونظرت لكريم وقال : طيب ياكريم شكرا
كريم قال بابتسامة : بتشكرني علي ايه انا معملتش حاجه بس انتي كويسه
نجمه قالت : اه ياكريم كويسه ليه ما انت سالتني قبل كده ياكريم وانا قلت لك ليه سالتني تاني
كريم قال : علشان شكلك مش كويسه يانجمه علشان كده سالتك لو مش كويسة انا ممكن ارجعك البيت
نجمه قالت : لا ياكريم انا كويسه متقلقش
كريم قال بابتسامة : طيب
نجمه قالت : طيب ابقي سلملي علي طنط
كريم قال : حاضر دي هتفرح اوي لما اقولها اني شوفتك دي كانت قلقانه عليكي اوي لما مارديش
عليها لما كانت بتتصل بكي لدرجة انها كانت عاوزني اجيب لك البيت
نجمه قالت باستغراب : تجي لي البيت
كريم قال بابتسامة : ايوه علشان اطمن عليكي اذا كنتي كويسه ولا لا واقولها
نجمه قالت بابتسامة : اهااا طيب هي مجيش ليه ولا ماكنتش عاوزه تجي تشوفني
كريم قال باربتاك : لا طبعاً يانجمه ازاي تقولي كده دي ماما بتحبك اوي وكانت هتجي لك بس انشغلك شويه فقالتي اروح انا اشوفك واطمن عليكي ولا انتي بقي ماكنتيش عاوز تشوفني
نجمه قالت : لا طبعا ياكريم انت تشرف في اي وقت و علي فكرة انا كنت بهزر انا عارفه اني طنط بتحبي وانا كمان بحبها والله ابقي سلملي عليها
كريم قال بابتسامة : طيب هقولها
نجمه قالت : طيب سلام
كريم قال بابتسامة : مع السلامه يانجمه
ونظرت نجمه للكتب اللي علي رجلها وشالتها والتفت للباب العربية وفتحته ونزلت ومشت
وبينظر لها كريم وهو في العربية لغاية ما دخلت الجامعه والتفت قدامه وقال لنفسه : اما اروح انا بقي علي المطبعه وتحرك
جوه الجامعه :
ورايحه نجمه علي كليتها ورن تليفونها وهو في شنطتها وسمعته وطلعت التليفون ونظرت فيه لقيت سلمي هي اللي بتتصل وقالت لنفسها : سلمي وفتحت الخط الو وماشيه
سلمي قالت : الو ايوه يا نجمه انتي فين اوعي تقولي لي انك مش جايه النهارده كمان
وماشيه نجمه وقالت : لا جايه يا سلمي
سلمي قالت : جايه امال انتي فين مجاتيش ليه
نجمه قالت : مجيتش ايه ما انا هنا اهو
سلمي قالت : هنا فين يابنتي ما انا في المدرج اهو ومش شايفكي يبقي هنا فين بقي انتي شكلك كده بتقولي كده وما مش جايه
نجمه قالت : هقولك كده ليه يعني ياسلمي ما انالو مش جايه كنتي هقولك بس انا في الجامعه ووصلت اهوه علي الكليه ووشويه وهتلقيني عنك في المدرج
سلمي قالت : طيب بس انتي اتاخرتي ليه يا انتي كنتي بتوصلي قبلي ايه اللي جرلك اليومين دول
وطلعت نجمه علي السلم وقالت : مجرش حاجه يا سلمي هيجري لي ايه يعني
سلمي قالت : مجرركيش حاجه ازاي انا حاسكي متغيرة يانجمه ومش زي عوايدك
نجمه قالت:ولا متغيرة ولا حاجه يا سلمي وطلعت علي السلم انتي بس اللي بتهيلك ورايحه علي المدرج
سلمي قالت : بتهيلي
نجمه قالت : اه بيتهيلك
سلمي قالت : لا يا نجمه مش بتهيا لي هو انا لسه هعرفك النهارده انا عارفاكي كويس على فكره عشان تقول بتقولي لي بتهيا لي انا عارفاكي كويس على فكره وانت فعلا متغيره
نجمه قالت : لا يا سلمى مش متغيره ولا حاجه ودخلت المدرج ووقفت وانت فين بقى انا في المدرج اهو
ونظرت لها سلمى وهي قاعده وقالت : اه شفتك انا هنا اهو وشاورت لها بايدها
ونظرت نجمه على يمينه لقت سلمى قاعده بتشاور لها وقالت : طب اقفلي يلا وانا جايه لك سلام
سلمى قالت : سلام وقفلت الخط
وقفلت نجمه الخط ونظرت لسلمى وراحت لعندها وقعدت جنبها ونظرت لها وقالت : هو الدكتور لسه ما دخلش ولا ايه يا سلمى
سلمى قالت : لا لسه يا نجمه ما دخلش بس انتي ما قلتليش ايه اللي اخرك كده
نجمه قالت : ما فيش ما كنتش لايقه مواصلات علشان كده اتاخرت
سلمى قالت : اه دي المواصلات بقت صعبه قوي وخصوصا الصبح مش عارفه ليه بقعد نص ساعه علشان الاقي تاكسي
نجمه قالت : ما انا كده بردك يا سلمى ونظرت قدامها لقيت الدكتور دخل والتفتت لسلمى اهو الدكتور دخل
والتفتت سلمى للدكتور ونظرت لنجمه وقالت : طيب يا نجمه نبقى نكمل كلامنا بقى بعد المحاضره ما تخلص
نجمه قالت : ماشي يا سلمى ونظره للدكتور
في شركه الشناوي :
في غرفه الاجتماعات :
وبينظر الاستاذ رشاد لمروان بيه وقال : دي كل الاعمال اللي معايا يا فندم الورقيه اما بقى بخصوص العمل اللي مكتوب على اللاب توب ده ونظر للاب توب
وبينظر مروان للاستاذ رشاد وقال : ماله العمل ده
وبينظر الاستاذ رشاد لمروان بيه وقال : الكاتبه اللي كاتبه الروايه عندها اسلوب مميز في الكتابه ويشد القارئ لما يقرا لها غير بعض الاعمال اللي احنا قراناها والاحداث بتاعه الروايه متسلسله وما فيش فيها حشو زياده خالص كل الاحداث مرتبطه ببعضها بس
مروان قال باستغراب : بس ايه يا استاذ رشاد
وبينظر الاستاذ رشاد لمروان بيه وقال : بس يا فندم الفكره بتاعه الروايه اللي هي كاتباها مختلفه هو صحيح الاختلاف حلو في حد ذاته بس مش دايما يا فندم الاختلاف بيبقى كويس والكاتبه دي موهوبه بس محتاجه تشتغل على نفسها اكثر علشان الموهبه لوحدها مش كفايه يا فندم وده مش راي لوحدي ده راي الاستاذ حمزه والاستاذ يونس كمان ونظر لهم
وبينظر الاستاذ حمزه لمروان بيه وقال : ايوه يا فندم فعلا رايي انا كمان بس
مروان قال باستغراب : بس ايه
وبينظر الاستاذ حمزه لمروان بيه وقال : بس يا فندم في بعض الكتاب ما بيعرفوش يشدوا القارئ بكتابتهم بس الكاتبه دي عندها اسلوب يشد القارئ حتى لو كاتبه ايه وده اللي هيميزها لو اشتغلت على نفسها شويه وانا لما رجعت الروايه اللي هي كاتباها لقيت فيها بعض الاخطاء بس مش كثير زي اللي في الروايات الثانيه بس يا فندم
مروان قال : طيب والتفت للاستاذ يونس وانت يا استاذ يونس رايك ايه
وبينظر الاستاذ يونس لمروان بيه وقال : انا رايي زي راي الاستاذ حمزه والاستاذ رشاد هي فعلا عندها اسلوب يميزها عن باقي الكتاب التانيين بس لازم تشتغل على نفسها علشان الاسلوب لوحده مش كفايه يا فندم لازم تطور الاسلوب وده مش هيحصل غير لما تشتغل على نفسها علشان تقدر تقدم احسن من كده ولو ما عملتش كده ما حدش هيقرا لها يا فندم هو ده رايي
مروان قال : طيب ايه العمل بقى اللي انتم اخترتوا
وبينظر الاستاذ رشاد لمروان بيه وقال : هو في ثلاث اعمال يا فندم كنا محتارين هنختار اي واحد فيهم
وبينظر الاستاذ يونس لمروان بيه وقال : ايوه يا فندم احنا كنا محتارين ومش عارفين نختار اي واحد فيهم بس لما قعدنا تناقشنا مع بعض اخترنا عمل واحد
وبينظر الاستاذ حمزه لمروان بيه وقال : واختارنا العمل ده علشان بيتميز اكتر عن الاعمال الثلاثه علشان كده احنا اخترناه
وبينظر مروان للاستاذ حمزه وقال : طب كويس
صاحب العمل ده بقى مين
وبينظر الاستاذ رشاد لمروان بيه وقال : صاحب العمل ده يا فندم نجمه جمال
والتفت له مروان بصدمه وقال : ايه ——————
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عرض جواز)