رواية عذراء في عصمة عجوز الفصل الثالث 3 بقلم مروة ماجد
رواية عذراء في عصمة عجوز الجزء الثالث
رواية عذراء في عصمة عجوز البارت الثالث
رواية عذراء في عصمة عجوز الحلقة الثالثة
بسم الله الرحمن الرحيم والصلاه والسلام على رسول الله صلى الله عليه وسلم
أموره بتحط راسها فى الأرض وعاوزة تقول لزين حقيقه جدو حسين وهو اصلا يبقى بالنسبه ليها ايه ، ولسه أموره بتفتح بوقها علشان تتكلم زين قال
خلاص متزعليش انا عارف ان جدو حسين ده زى ابوكى وانه بيعتبرك زى بنته تمام ، اهم حاجه بقى انى عاوز اشوفك كتير الايام الجايه علشان لما اسافر للكليه هتوحشيتى اوى
أموره بتحس براحه ان زين نسى الموضوع الاصلى ، وبتفضل أموره مع زين يشوفوا تنسيق الكليات ويتكلموا عن المستقبل الجميل اللى فى انتظارهم ، وزين اخد رقم الموبيل الجديد بتاع أموره واللى برضو جابه ليها جدو حسين
وفى اخر اليوم زين بيروح وأموره بتروح على بيت حسين ، اللى قاعد على الكرسى وبيقرا فى كتاب فى الادب
حسين كان وسيم اوى لكنه عنده هيبه ووقار تبينه اكبر من سنه
أموره
مساء الخير يا جدو ، يارب مكنش اتاخرت عليك
حسين
لا ابدا المهم تكونى اتبسطى مع صحبتك
أموره اتلخبطت ووشها ظهر عليه الخوف وقالت بصوت مخنوق
ااااا اه الحمد لله ، تحب احضر العشا نتعشى سوا
حسين
متتعبيش نفسك انا جهزت ساندوتشات خفيفه ومجهزها ليكى واعملى حسابك تنامى بدرى علشان بكرة الصبح هنروح نقدم ليكى فى كليه الطب
أموره فرحانه اوى وحاسه ان فعلا حسين بيوفى بوعده، والايام الحلوة هتبدا تهل عليها
لكن جدو حسين عنده شويه أوامر ولازم أمورة تلتزم بيهم
حسين
أموره فى شويه شروط لازم تلتزمي بيهم وانتى فى الكليه علشان نكون مرتاحين
أموره بخوف من طريقه كلامه وخايفه تكون عملت حاجه زعلته
خير يا جدو ، انا تحت امرك فى اى حاجه
حسين بيحك دقنه ولسه بيضايق من كلمه جدو
اولا ،….. محدش يعرف اننا متجوزين ، الموضوع ده تنسيه خالص ، لحد ما تخلصى دراستك وبعدها نشوف ربنا عاوز ايه
ثانيا…. انا اللى هاوصلك الكليه كل يوم بعربيتى وارجع اجيبك ، ومفيش اختلاط كتير مع بنات ومفيش اختلاط نهائى من شباب ، انتى فاهمه يا أمورة ملكيش اى كلام مع اى زميل شاب علشان الموضوع هيزعلنى منك
أموره اتنفست براحه لأنها اصلا مبتحبش الاختلاط ، وأهم حاجه عندها ان الاوامر مفيهاش اسم زين ، ومن هنا اعتبرت انها تكلمه عادى
وتمر الايام واتقبلت أمورة فى كليه الطب ، واتقبل زين فى كليه الشرطه ، ولساهم مع بعض على التليفون أصحاب ويعرفوا كل حاجه عن بعض
وبدأت أمورة تهتم بدروسها وشايفه المستقبل فاتح ليها درعاته ، وترجع كل يوم تعبانه تلاقى جدو حسين مجهز الاكل ومنظف البيت وعاوزها تحكى ليه عن يومها كان ماشى ايه
ورغم انه يجيبها بالعربيه ولكنه عاوزها تتعشى وترتاح الاول وبعدها تحكى اللى عاوزاه
والكليه بدات تعرف البنت المنطويه على نفسها واللى برضو متفوقه اوى فى دراستها لكن الكل عارف ان والدها بيوصلها كل يوم بالعربيه الاخر موديل وساعات كتير مكنش بيرجع وبيفضل قاعد فى مكتبه الكليه يقرأ كتب لحد ما أموره تخلص محاضرتها
وبقت أموره بالنسبه لشباب الجامعه خط احمر
وفى يوم حسين وصل أمورة الكليه ورجع …..
وبد ما خلصت كليتها وقفت فى نفس المكان تستنى حسين ولكنه اتصل بيها وقال
الو ، أمورة معلش العربيه عطلت منى ، معلش بقى هاتى تاكسي وتعالى بسرعه وبلاش تأخير لو سمحتى
أموره
حاضر يا جدو متخافش عليا انا خلاص كبرت واعرف اتصرف لوحدى
وقفلت أموره مع جدو حسين ، وفجأه تليفونها بيرن برقم زين اللى بيقول
امورتى وحشانى يا ام لسان طويل ، انتى فين يا قمر
أموره بفرحه
اخيرا تليفونك اتفتح كل شويه ارن والاقيه مغلق
زين
امال يا بنتى هو انا برضو من عامه الشعب زيك ، يا بنتى انا فى كليه الشرطه مفيش موبيلات وهرى زى الناس العاديه كدة
أموره
اممممم بقالك كام شهر فى الكليه وخلاص شايف نفسك عليا امال لما تتخرج هتعمل فينا ايه
زين
ولا اقدر اعمل حاجه ، هو انا برضو اقدر ازعل امورتى ، المهم يا موزتى انتى فين انا نازل يومين اجازة وعاوز اشوفك ناااااو
أموره بفرحه وعيونها بتلمع بتقول
تصدق حماتك بتحبك ، جدو حسين عربيته عطلت ومجاش النهاردة ، يلا بقى تعالى وخدنى نتفسح فى اى مكان ، واعمل حسابك تليفونى خلاص هيقف نسيت اشحنه ، هتلاقينى قدام البوابه الرئيسيه
زين
تمام يا فندم علم وينفذ
وبسرعه زين بياخد تاكسي ويروح الكليه لاموره ، والبنت الشقيه واقفه وقلبها بينبط من الفرحه ، ولسه برضو متعرفش ان ده اسمه الحب ♥
وياااااا لسوء الاقدار ،،،،،،،،،
حسين عند الميكانيكى بيصلح العربيه وعينه على الساعه وبيعد الوقت وعارف أن أمورة فى السكه راجعه البيت
وبعد نص ساعه المفروض انها كده خلاص وصلت البيت ، لكن حسين بيتصل بيها يطمن عليها ، لكن للاسف موبيل أموره اتقفل
حسين بيجرب الاتصال اكتر من مرة وبرضو مفيش رد ، حسين رايح جاى مش على بعضه حتى الميكانيكى اخد باله وقاله
حسين بيه ، على فكرة العربيه مفيهاش حاجه ، انا صلحت العطل ممكن لو عندك مشوار مهم تاخدها دلوقتى وترجعها بكرة اشتغل براحتى
حسين بلهفه
بجد ، طيب تمام اوى متشكر
ودفع حسين الحساب على وعد انه يرجع العربيه بكرة تكمل تصليح ، وبسرعه قرر انه يرجع الكليه تانى يدور على اموره اللى تليفونها اتقفل لاول مرة
واخيرا وصل زين لبوابة الجامعه ومن بعيد بيشوف أموره واقفه مستنياه ، وللأسف فى نفس اللحظه بيوصل جدو حسين ولسه بيحاول يركن على جنب لكنه بيشوف من بعيد ……
يا ترى العجوز هيعمل ايه مع عذراء قلبه اللى عايشه دور بنته
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عذراء في عصمة عجوز)
