رواية عذراء في الحب الفصل التاسع 9 بقلم جروح لا تنتهي

رواية عذراء في الحب البارت التاسع

رواية عذراء في الحب الجزء التاسع

رواية عذراء في الحب الحلقة التاسعة

عائشه وعنيها حمرا ودموعها نازله : اخرس خالص اياك تقول فى حقى كلمه اياك وبصت على ابوها وراحت عنده وبكل قوة انت مستحيل تكون اب حقيقى انت رميت بنتك لحيوان انت مش متخيل كميه العذاب اللى انا عشته معاه محستوش محستوش وانا بنطفى يوم بعد يوم معاه ولا حسيتو ومكنتوش عايزين تتكلموا وكان عجبكوا
خالد بغضب : كتر خيرى انى وافقت اتجوزك على
قاطعته عائشه بصوت عالى
عائشه : على اى ها قولى على اى عالكلام اللى انت طلعته عليا عشان تتجوزنى
خالد بتوتر: انا مقلتش ح
عائشه : لا قلت واخترعت الكلام استغليت ثقتهم فيك عشان مصلحتك
خالد : وانا اى مصلحتى
عائشه : انا عشان توصلى لانك كنت عارف انى مستحيل اتجوزك وكنت عارف ان بابا بيحبينى وعمرة ما هيغصبنى على حاجه عشان كدا عملت كدا
منير : انتى اى اللى بتقوليه دة
عائشه بحسرة : بقول الحقيقه اللى مكنتوش بترضوا تسمعوها منى لانها هتصغركوا قدام نفسكوا اوى انا عمرى ما فكرت اخون ثقتك اللى انت حطتها فيا كنت دايما قدامى فكل خطوة بخطيها عمرى ما عملت حاجه تقلل من قيمتك وعمرى ما فكرت اعمل حاجه تزعلك منى بس للاسف انت موثقتش فيا ولا فى تربيتك وصدقتك كلام قاله ابن اخوك ليك دا زى ما يكون ما صدقتوا مسمعتوش منى اى حاجه واصدرتوا فرمان قتلنى بالحياه
منير بحزن: بس خالد قال
عائشه بوجع : انه شافنى مع واحد فالشارع وانتوا صدقتوه ومسمعتوش منى مسمعتش عمتو وهى بتترجاك متجوزهوليش وبتقلك كداب بس انت صدقته
منير بص لخالد : اى الكلام دة حق يا ابن اخويا
خالد بتوتر: لا دى كدابه عشان
جواد بغضب : لحد هنا وكفايه جدا هى مرتى دلوقتى وتصدقوا متصدقوش مهيمنيش واتفضلوا من هنا
معتز : ياترى يا ابويا لسه مصدق ان بنتك تخون ثقتك
منير بحزن : سامحين
عائشه قاطعته : المسامح ربنا بس للاسف اللى بيتكسر عمرة ما بيتصلح وانتوا كسرتوا فيا حاجات كتير عن اذنكوا
خالد بغضب: انا عايز بتى
جواد بغضب: انا مستحملك من بدرى متخلنيش اندمك عاللحظه اللى فكرت تقرب من بيت القناوى
خالد : هاخد بتى منك هاخدها يا عيشه
عيشه بقوة: اعلى ما فى خيلك اركبه ونتقابل فالمحاكم
منير بوجع: روحنى يا ولدى
معتز : يلا يا حاج وخرجوا ولسه هيركبوا
معتز بغضب: انت رايح فين
خالد : مروح
معتز: لحد هنا وكفايه روح من هنا مش عايز اشوف وشك تانى
خالد بغيظ: ماشى يا ابن عمى ماشى وسابهم ومشى
***************************#
بالداخل
هنيه : اى اللى سمعته دة وانت كنت عارف انها هربانه من اهلها ووافقت تتجوزها
جواد : ايوة كنت عارف
مرام بسخريه : اى يا جواد مخلتش فيك عقل ولا ايه
جواد بغضب: مرام
هنيه : وانت يا حاج
خلف : ايوة كنت عارف
فلاش باااااك
جواد : انا قررت اتجوز يا حاج
خلف بفرحه: حقك يا ولدى بس مين
جواد : الدكتورة
خلف؛ يا زين ما اخترت
جواد : بس فى مشكله عندها
خلف : اى هى
جواد : قص له ظروفها وما سمعه
خلف : دا قرارك يا ولدى وانت لو هتكون سند بجد ليها اتوكل على الله
جواد : هكون يا حاج هكون
بااااااك
هنيه بحسرة: يا حسرتى عليك يا جواد لو الناس فالبلد عرفوا هتبقى لبانه فى حنكهم يا ولدى
حنين : اى اللى بتقوليه دة يما
هنيه : اخرسى انتى انتى اللى جبتيها واكيد كنتى عارفه
جواد : يوووووة خلاص خلصنا والموضوع دة مش عايزة يتفتح تانى فاهمين
وسابهم ومشى ورجع خطوتين واياك حد يضايقها بكلمه اياك
********************
فى غرفه عائشه واقفه ودموعها نازله ومحستش غير وجواد حضنها من ورا ودافن وشه فى رقبتها
جواد : دموعك بتقتلنى كفايه
عائشه ببحه من العياط نزلت ايده من على وسطها : بعد اذنك هروح انام عشان تعبانه
جواد استغرب تصرفها بس راح وراها وقعد وراها وبيمشى ايده على شعرها : كل حاجه اتعرفت خلاص لى بتبكى
عائشه : فعلا كل حاجه بانت واتعرفت
جواد حس انها فصدها حاجه من كلامها شدها ليه يا خدها فى حضنها بس هى قامت وقعدت
عائشه: جواد لو سمحتى سبنى لوحدى
جواد بغيظ: مالك يا عيشه فى اى
عائشه بنفاذ صبر: يوووووه انا اللى هطلع واريحك
لسه هتمشى بس وقفت على صوته العالى
جواد بصوت عالى: استنى عندك
عائشه ببرود : نعم
جواد مسك دراعها وضغط عليه: انا مستحمل عشان الضغط اللى حصلك انهاردة بس دة ميدقيش الحق انك تسوقى فيها و تسيبى الاوضه وانا موجود فيها
عائشه بوجع : عايز اى يا جواد
جواد : عايز اعرف اى اللى حصل غيرك معايا
عائشه : انت اتجوزتنى لى يا جواد
جواد : يعنى اى اتجوزتك لى
عائشه : هقلك انا صعبت عليك اكيد حنين حكتلك حكايتى فصعبت عليك مش كدا
جواد بغضب: انتى مجنونه اولا حكايتك عرفتها منك
عائشه باستغراب: منى
جواد : ايوة سمعتك وانتى بتتكلمى مع معتز وطلبتك من معتز
عائشه: اه يعنى فعلا صعبت عليك
جواد بغضب: انتى مجنونه انا من قبل ما اعرف الحكايه دى كنتى عارفه انى بحبك وعايز اتجوزك بس انتى اللى رفضتى
عائشه افتكرت فعلا لما رجعت من المستشفى لما رفضته
جواد : انا اتجوزتك عشان بحبك مش عشان الكلام الفارغ اللى بتقليه ولانى بحبك كنت عارف انك اتجوزتينى عشان ابقى سندك مش عشان بتحبينى زى ما بيقولوا ضل راجل ولا ضل حيطه
عائشه : لا يا جواد انا موافقتش لانى كنت خايفه
جواد: خلاص خلصنا الكلام وسابها ومشى وعى قعدت عالارض صدقنى يا جواد انا حبيتك من قبل ما نتجوز ورفضى ليك كان خوف لما تعرف ماضيا وانى هربانه من اهلى فاقت على صوت مرام وهى بتصقف
مرام وهى بتصقف: برافوا برافوا تمثيل هايل
عائشه : قصدك اى
مرام : ضحكتى عالكل ورسمتى الطيبه وانتى ميه من تحت تبن
عائشه : انتى بتقولى اى
مرام : انا عارفه انتى اتجوزتى جواد لى عشان تكوشى عالفلوس وتجبيله العيل اللى نفسه فيه
عائشه: انتى اكيد مجنونه لو سمحتى اتفضلى اخرجى برة الاوضه
مرام بضحك : طالعه بس خلى بالك انا مبسبش حقى بسهوله
وسابتها ومشت
##########################
عائشه فضلت قاعدة مستنيه جواد بس ماجاش بس سمعت صوته طلعت تجرى وفتحت الباب وكان واقف عند اوضه مرام
عائشه بفرحه : جواد
جواد بغيظ منها : انا هنام عند مرام هو مكنش عايز ينام عند مرام بس حب يضايقها
بصتله كتير وهو واقف راحت سابته ودخلت اوضتها وقفلت الباب جامد وهو ابتسم وقال فى سرة : مجنونه
#############################
صباح يوم جديد
الكل شغال وبينضفوا
عائشه: هو فى اى
حنين : فى ضيوف جايين اليوم لابيه
عائشه : هو جواد فين
حنين: لسه منزلش هو منمش معاكى ولا اى
عائشه بتوتر: احم لا نام عند مرام هى نزلت
حنين : لا
عائشه بغيظ : طب انا هشوف هعمل اى وانشغلت مع اللى بيشتغلوا بس لاخظت تجنب هنيه ليها وعرفت انها اكيد كلام امبارح واللى عرفته هو اللى غيرها راحت وراها وقررت تتكلم معاها
عائشه : مالك يا ماما
هنيه: مليش
عائشه: بتتجنبى الكلام معايا ومش راضيه تبصى حتى فى وشى
هنيه: له مفيش حاجه متهيقلك
عائشه بحزن مسكت ايديها : انا عارفه انك زعلانه منى بسبب اللى حصل بسببى امبارح واللى عرفتيه بس صدقينى والله انا مظلومه والدنيا جت عليا كتير واستحملت لحد ما تعبت والله تعبت انتى زى امى بتعوضينى عنها متعمليش معايا كدا ارجوكى
هنيه بحزن : سامحينى يا بتى الكلام اللى اتحكى يعنى انا ام واخاف على ولدى
عائشه : صدقينى والله انا مظلومه وعمرى ما هأذيكوا ولو حسيت ان جواد ممكن يتأذى بسببى هبعد
هنيه مشت ايدها على وشها ربنا يسعدكوا يا حبيبتى
##########################
بعد مدة جواد نزل وكانت مرام ماسكه ايدة
وعائشه قاعدة هى وحنين واول ما شفتهم لفت وشها
مرام حبت تغيظها : روحيه هاتيلنا نفطر انا وجواد
جواد بص لقى عائشه قاعدة ومش عطياه اهميه حب يغيظها اكتر : ايوة يا خاله انا جعان
هنيه : يعنى اخرت يا ولدى فالنوم اكدة مش عوايدك
مرام : اى يا عمه كان تعبان وارتاح فالنوم عندى
عائشه بغيرة: عن اذنكوا انا داخله المطبخ
روحيه : اى يا بتى مريحتيش لى انا من الصبح واقفه
عائشه مسكت خيارها : والنبى سبينى انا لو فضلت برة هفرقع فيهم كلهم وبتقطم فالخيارة
جواد : هتفرقعى فى مين بالظبط
عائشه بغيظ : ملكش دعوة
جواد : طب اعمليلى شاى
عائشه : خاله روحيه هتعملك انا طالعه
جواد وهو بيضغط على اسنانه : انا قلت اعمليلى كوبايه شاى وهاتيهالى المكتب بنفسك فااااهمه
عائشه بتوتر: فاااهمه
روحيه بضحك : هههههه كنتى زى الكتكوت قدامه
عائشه بغيظ: متتضحكيش
روحيه : طب اعمليلوا الشاى ووديه ليجى يعلقك
********************#********
فالمكتب
جواد قاعد وماسك الورق فايدة وبيشوفه وهى دخلت
عائشه : الشاى
جواد بفرحه داخليه : حطيه ومتمشيش
عائشه : لى عايزنى باى
جواد : افرض الشاى معجبنيش هرجعك تعملى غيرة (هو عايزها تفضل معاه بس مش عايز يقلها كدا )وبدأ يشرب فالشاى وهى بتلف فالاوضه
عائشه : هما مين الضيوف اللى جايين
جواد ؛ المهندسه اللى هتيجى تشوف الارض
عائشه بغيرة : اللى كانت بتكلمك امبارح
جواد بمكر: ايوة هتيجى انهاردة
عائشه بتوتر: هى متجوزة
جواد : لا
عائشه : وهتقعد قد اى
جواد : لو عجبتها الارض هتقعد كتير
عائشه : هنا
جواد : ايوة
عائشه سكتت بس افتكرت بياته عند مرام وتأخيره فالصحيان
عائشه : هو انت اخرت لى فالنوم انهاردة لى
جواد عارف ان الغيرة هتموتها : عادى راحت عليا نومه
عائشه : تلاقيك سهرت انت ومرام
جواد مقدرش يمسك نفسه فضحك بالصوت العالى : قولى انك غيرانه
عائشه: لا طبعا غيرة اى
جواد بمكر: امال اى الاسئله اللى بتسأليها دى
عائشه : ولا حاجه انا طالعه وسابته وطلعت
بعد مدة من مناغشت جواد لعائشه ومضايقتها
الكل قاعد
حنين : اسكتوايا جماعه الجاحدة دى لما تتعصب مش بتشوف قدامه
هنيه: لى يا بتى
حنين بمكر : هحكيلهم
عائشه وهى بتكتم صوتها: اياك يا حنين اياكى
حنين بضحك : فى يوم كان عندنا امتحان وكانت مادة عيوش بتكرها جدا المهم كنا قاعدين بنراجع وفى واحد حب يستظرف جى وبيجر ناعم راحت عيشه قامت وقالتله اى
عائشه : بس يا ماما دا انا حبيبتك
حنين بضحك : قامت وقربت منه الولد طبعا فكر انها استجابت ليه بس فجأه مسكت قميصه وبصوت عالى قالتله وايمنات الله ان ما اختفيت من وشى لاعمل وشك خريطه الناس تحدد المكان اللى عايزة تروحوا من عليها
هنيه بضحك : كملى يا بتى كملى ههههههه
حنين بانهيا من الضحك : المهم دخلنا الامتحان وعائشه محلتش كويس فجينا خارجين كانت بتقول انا مالى ومال التعليم انا عايزة اتجوز انى عايزة اتجوز فين الواد بتاع الصبح انى هتجوزه المهم صدف ان الواد كان معدى جنبينا اول ما لمحها طلع يجرى وهى بكل براءة بتنادى عليه تعال بس هنتفاهم
الجميع : ههههههههه
جواد بغيرة: وكنتى هتتفاهمى على ايه ان شاء الله
عائشه بخبث: كنا هنتفق نتجوز ههههههه
جواد لسه هيرد سمع صوت فارس صاحبه
فارس: ازيكوا يا جماعه
هنيه بفرحه: اهلا يا ولدى اخيرا شفناك
فارس: اعمل اى ابنك مقحرطنى فالشغل
خلف : اتفضل يا ولدى
جواد : امال فين انسه لين والمهندس
لين من وراهم : انا هنا اهو الكل بص عليها وعيشه بتفصصها من فوق لتحت حنين قربت عليها : لا حلوة
عائشه بغيظ : وجميله
جواد : اتفضلى يا انسه لين امال فين المهندس
حازم : انا هن ومكملش لانصدامه من الواقفه امامه عيشه
عيشه بصدمه: حازم