رواية عذاب امرأة الفصل الحادي عشر 11 بقلم ريمو حسني
رواية عذاب امرأة البارت الحادي عشر
رواية عذاب امرأة الجزء الحادي عشر
رواية عذاب امرأة الحلقة الحادية عشر
قرب منها مصطفى تحت نظرات يوسف اللي على وشه ابتسامة خبث وهو متأكد من رد فعل مصطفى
ونظرات القلق من احمد وطارق
وفجأة مصطفى حط ايده على كتف بنته وضمها ليه بحب وقال:قولت اللي عندك ولا لسة في حاجه هتقولها تاني
يوسف بغضب:يعني اي
مصطفى بفخر :يعني تبقى غلطان لو واحد ***زيك فكر انه يخليني اشك في بنتي ومعنديش ثقة فيها دي بنتي وانا اللي مربيها والحمد لله كل مرة بتثبتلي اني عرفت اربي سواء هي أو أخواتها
الباقي والدور على ناس عايزة إعادة تربية من اول وجديد
يارا كانت بتبص لابوها بفرحة وانه مخذلهاش وواثق فيها
وكمل مصطفى:من غير حتى مسالها اذا كان ده حصل ولا لا انا عارف الإجابة العب غيرها مكنش لي لازمة اللي عملته دي مش رجولة خالص
اتنفس كل من احمد وطارق براحة بعد رد فعل مصطفى
يوسف بغضب:بنتك مش متر….ولسة جاي يكمل ك*ف جامد نزل على وشه من يارا اللي في لمح البصر كانت قدامه
يارا: ده عشان بتشكك في تربية ابويا ليا
ك*ف كمان على وشه
:وده عشان تتكلم مع ابويا كويس وبطريقة افضل من كدة
وك*ف تالت لسة هينزل على وشه بس مسك ايدها بعن*ف
اخوها قرب عشان يبعده بس هي شاورتله يقف زقت يوسف ونزل الك*ف التالت على وشه
(جدعة يا بت يا يارا)
يارا:وده عشان متفكرش انك تشكك في شرفي تاني ولا تقربلي تاني انا اشرف منك ومن عشرة زيك ومفيش راجل يشكك في شرف وأخلاق مراته ده اذا كنت راجل اصلا
كل اللي استفدته من اللي اللعبة الزبا*لة اللي عملتها دي اني اتاكدت اكتر من حقا*رتك وكل مرة بتنزلي من نظري عن المرة اللي قبليها
احمد بابتسامة مستفزة قرب من اخته وباسها وبص ليوسف قال:ما تيجي تتغدى معانا يا يوسف حتى ترم عضم وشك اللي ورم ده اصل انا عارف اختي اما بتاخد حقها بتاخده بضمير
كتم طارق ضحكته على كلام اخوه وقرب من اخته على الناحية التانية:كدة يا يارا ده إكرام الضيف واجب ينفع كدة ميصحش لازم نقدمله حاجة
احمد بضحكة:هنقدمله اي اكتر من كدة يا طروقة صوعبت عليا والله يا سوفا
مصطفى كان واقف مبسوط وبيبص لاولاده وهم واقفين في ضهر بعض وسند لبعضهم وازاي بياخدوا حقهم
يوسف واقف ودانه بطلع دخان من غضبه ومصدوم انها مدت ايدها عليه
(هو انت لسة شوفت حاجه ده انا هدلعك اخر دلع بس اصبر 🤭🤭)
نورا طلعت وقالت بتمثيل وهي بتمنع نفسها تضحك:اي ده انت كويس يا ابني اي اللي عمل في وشك كدة
يارا قعدت على أقرب كرسي ببرود وهي متابعاه ونظراته ليها كلها غضب وغل
يوسف قرب منها وهي قاعدة ببرود تام وقف أخواتها قدامها
طارق :عندك يا باشا رايح فين
يوسف:دي مراتي وعايزة تتربى وهندمها على اللي عملته وازاي تمد ايدها على جوزها اللي المفروض ربنا امر بطاعته واحترام
احمد جاب اخره وبص لاخوه:كدة كتير غلط وانا كنت مستنيه يغلط
(والله يا ابني انا اكتر منك 😂)
وفي ثواني كان نزل ضر*ب في يوسف وبيضرب*ه جامد في وشه تحت صراخ يوسف
(صوت يا سوفه صوتوا عليك يا بعيد )
يارا قاعدة بتبص كأنها في فيلم ومستنية نهايته
مصطفى قال طاعة الزوج والاحترام اللي انتي بتقول عليهم دول كانت بتقدمهملك اما كانت في بيتها بس انت قدمتلها اي بقى غير الض*رب والإه*انة بس
ربنا وصانا عليهم وانت عملت اي بقى وبطالب بطاعتك واحترامك وانت بتعاملها كدة
وكمان هو في زوج يعمل كدة مع مراته ده ربنا قال
(استوصوا بالنساء خيرا)
طارق بعد احمد عنه بصعوبه ويارا قامت وقالت:الفيلم خلص لم اللي باقي من كرامتك وامشي(ده اذا كانت موجودة اصلا)
قرب منها يوسف وهو بيقول بفحيح افاعي:والله لتندمي وزي ما قولتلك هتيجي راكعة ليا وانتي بنفسك اللي هتترجيني عشان ارجعك برضاكي او غص*ب عنك هترجعي الظاهر ان الزوق مش نافع معاكي ووقف وظبط هدومه وقال:انا كدة عملت اللي عليا متزعليش من اللي جاي
يارا ببرود عكس اللي جواها:لو خلصت يلا هوينا
بصلها يوسف بغيظ من قوتها وعدم خوفها منه ولا من كلامه ومشي ورزع الباب وراه
احمد وهو بيقعد على الكرسي باهمال :يالهوي اي ده نو كرامة
طارق :والله عندك حق بس انا قلقان منه
مصطفى بشرود:يا ترى اي هيحصل تاني
يارا واقفة بهدوء وفي دماغها الف حاجه بتفكر فيها
ونورا بتبص على بنتها بحزن على اللي بيحصلها ووشها الباهت من التعب وبتدعي في سرها ربنا يستر عليكي يا بنتي
فاق الكل من تفكيره اما قربت يارا من مصطفى وباست ايده وحضنته
يارا بحب:شكرا ربنا يحفظك لينا ومنتحرمش منك ابدا يا حبيبي
مصطفى:حبيبتي انا واثق فيكي واي اب عارف تربية ولاده وواثق فيهم استحالة يشك لو اي حصل قدامه ومش كل حاجه بالضر*ب والع*نف
وحضنها بحب وهي عنيها دمعت وبتحمد ربها وفخورة انها عندها اب كدة
احمد بمرح:احم لو مش هقطع عليكوا اللحظة يعني يا حاج هو احنا م هنتغدى
يارا بغيظ:ابو شكلك وقامت قربت منه وعضته
احمد بصراخ:يا بنت ال
برقتله يارا :يا بنت اي
احمد بخوف:يا بنت القلب يا حبيبة قلب اخوكي انتي 😂😂
مصطفى بحسرة :يا ابني انت هتعقل امتى كبرت وجوزتك قولت هتعقل بعد الجواز مفيش فايدة
هتعقل امتى بس
احمد:اما اخلف حاضر يا حاج هعقل
كلهم ضحكوا عليه
عند يوسف روح البيت وهو في قمة غضبه قابل اخته في وشه
ميرا:عملت اي اكيد اترعبت
يوسف بغضب :اخفي من وشي دلوقتي انا مش طايق نفسي
ميرا :وانا عملت اي وكمان جاي تتشطر عليا روح اتشطر على مراتك يا اخويا
سامية:اي في اي صوتكوا عالي ليه وجهت نظرها ليوسف وشهقت :يالهوي اي اللي عمل فيك كدة
يوسف:قولتلك دي جبروت وقوية ومفيش حاجة بتنفع معاها
سامية:ومين اللي عمل في وشك كدة
يوسف بحرج وغضب:بنت… مدت ايدها عليا واخوها كمان والله لندمها
(يا عم اتنيل اقعد على جمب اجري)
سامية بحركة شعبيه وهي بتضرب على صدرها:يا مصيبتي مقص*وبة الرقبة ازاي اتجرات وعملت كدة
يوسف :مستقوية هي وأخواتها وابوها ولسة مصممة على الطلا*ق
سامية:هي تطول اصلا انها كانت تتجوزك الف واحدة تتمناك ده انت زين الرجال
(يا اختي اتوكسي انتي وابنك قال زين الرجال قال بعد العلقة دي)
تعالي يا ضنايا عشان اعالجك
يوم جديد في بيت مصطفى
كانوا قاعدين كلهم بيفطروا واحمد وطارق كمان
قطع الصمت يارا
يارا بهدوء:بابا
مصطفى بانتباه :نعم يا حبيبتي
يارا :**********
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عذاب امرأة)
