رواية عذاب امرأة الفصل الثالث عشر 13 بقلم ريمو حسني
رواية عذاب امرأة البارت الثالث عشر
رواية عذاب امرأة الجزء الثالث عشر
رواية عذاب امرأة الحلقة الثالثة عشر
الشخص:مش معقول مدام يارا
يارا:انت!!!
بتعمل اي هنا
مهند:انا صاحب المكان اللي حضرتك هتقابليه
يارا:تمام
مهند:يوسف اخباره اي وحشني والله
يارا بحزم:الحمد لله ممكن بقى حضرتك تقولي هتاجره بكام
مهند:عيب يا مدام مفيش الكلام ده يوسف صاحبي واخويا وانتي مرات اخويا المكان كله تحت امرك
يارا:ميصحش طبعا اعتبر انك متعرفنيش وقولي ايجار المكان بكام
مهند:تمام شوفي اللي يريح حضرتك وانا تحت امرك
واتفقوا على سعر مناسب ويارا مشيت
(مهند صديق يوسف عنده ٢٨ سنة)
اتصل مهند بيوسف رد عليه
يوسف:الندل اللي وحشني ومش بيسال
مهند بضحك:حبيبي عامل اي
يوسف:الحمد لله بس اي فكرك بيا
مهند بمرح:انت دايما على بالي يا بيبي
يوسف:ولااا اتعدل
مهند:خلاص يا باشا اي مبتهزرش
:ينفع اللي مراتك بتعمله ده
يوسف باستغراب :مراتي عملت اي وانت شوفتها فين
مهند باندهاش :هي مقالتلكش انها بتاجر مكان عشان تعمله سنتر
يوسف بتمثيل:اه طبعا يا ابني قالتلي اومال مثلا هتنزل من غير ما تقولي ده انا اك*سر دماغها
مهند:يا مسيطر انت
يوسف بغرور:اومال فاكر صحبك اي يعني
:بس برده اي مزعلك يعني مش فاهم
مهند:عايزة تأجر المكان بفلوس
يوسف بفهم:ايوا يا ابني معاها حق مينفعش
مهند:انت اخويا ومفيش بينا الكلام ده بس هي عندت قولتلها تمام
يوسف:اه معلش هي عندية شوية وكمان مفيش حاجة برده يا سيدي احنا اخوات بايجار او من غيره
مهند:بس
يوسف:مبسش حصل اللي حصل بقى انسى
مهند :تمام المهم نشوف بعض قريب
يوسف :ان شاء الله يا صحبي
:سلام
مهند:سلام
يوسف قفل معاه وقال بغضب:عايزة تشتغلي ومن غير ما ترجعيلي كمان وعايشة حياتك عادي بنت*** والله لوريكي
سامية جت:مالك بتكلم نفسك ليه اكيد السنيورة عملت حاجة
يوسف بغضب:نزلت بدور على مكان للسنتر عشان تبدا شغل
سامية :ومن غير اذنك كمان دي فلتت منها خالص
يوسف:والله لندمها
سامية:هتعمل اي
يوسف مردش وقام لبس ونزل جري يروح عندها
عند يارا روحت البيت ودخلت
اتفاجات ان النور مطفي
يارا باستغراب:يا ماما بابا انتوا فين يا بنات
:هم فين وبدور على حاجة تنور بيها وفاجاة النور اتفتح
الجميع:هابي بيرث داي يارا
يارا مصدومة وفرحانة لانها كانت ناسية خالص انه عيد ميلادها ومبسوطة بوجود باباها ومامتها والبنات واحمد وطارق وهند ودينا ومازن ويزن ولاد طارق
(هند مرات طارق ودينا مرات احمد)
مرام وملك ومريم:كل سنة وانتي طيبة يا مامي وحضنوها وهي حضنتهم بفرحة
قامت سلمت مصطفى ونورة
مصطفى:كل سنة وانتي طيبة يا حبيبتي
نورة بحب:كل سنة وانتي طيبة يا يويو ربنا يصلح حالك يارب
حضنتهم يارا وقالت بحب:ربنا يحفظكوا ليا يارب
وسلمت على هند ودينا اللي حضنوها
هند :ليك وحشة والله
دينا:وحشتيني يا يارا
يارا:انتوا كمان وحشتوني انتوا اللي مش بتيجوا يا ندلة انتي وهي
هند :والله انا وطارق كل واحد بيروح الشغل واما يرجع يكون عايز ييجي وانا كمان بس الاولاد
يارا باستغراب:مش عايزة تجيبيهم ليه
هند:الوضع كان متوتر هنا شوية وكدة مكنش ينفع وانا كنت عايزة اجي وطارق بس لازم حد يقعد كل مرة انا اللي بضحي بقى
يارا:يسلام على التضحية
طارق جه من ورا هند وحضنها:مراتي المضحية
وحضن اخته وقالها:كل سنة وانتي طيبة يا قلبي
يارا:وانت طيب يا طروقة
ووجهت نظرها لدينا وقالت :طب دي وست مضحية حضرتك اي ظروفك
دينا بمرح بنفس طريقة احمد:خلاص بقى يا يويو سماح يلا عشان ناكل هموت من الجوع
بصت يارا لاحمد ودينا بحسرة:انا مش عارفة ازاي هو في اتنين اهبل من بعض يتجوزوا
قرب عليها احمد ومسكها من خدودها :مش انا ودودو اتجوزنا
يارا:اه
احمد : يبقى في يا حياتي
ضرب*ت يارا كف على كف وقالت :ربنا يهديكوا
احمد بص لدينا وهم الاتنين بصوا لفوق وقالوا:امين ان شاء الله
الكل ضحك عليهم
قرب احمد من يارا وحضنها وقال:كل سنة وانتي طيبة يا بوم*ة
يارا بضحك:وانت طيب يا احمودي
احمد بغرور مصطنع:انا احمد مصطفى يتقالي احمودي
يارا رفعت حاجب:مش عجبك
احمد لسة هيرد دينا جت وقالت :ابو حميد
احمد :كدة كملت لا عجبني يا اختي عجبني
وقرب من اخته وهمس:ياريت تعيشي فرحتك ونركن المشاكل على جنب وكل مشكلة وليها حل بس انسي انهاردة
هزت يارا راسها بهدوء
وقعدوا يحتفلوا في فرحة وجو عائلي جميل
طارق :نستاذن احنا بقى
مصطفى :ليه يا ابني ما تباتوا معانا
يارا :ايوا باتوا معانا خلينا نقضي بقيت اليوم مع بعض
احمد :اول مرة تقولي حاجة صح
بصتله يارا بغيظ وقال:قصدي اول مرة تقول حاجة صح يا طارق
طارق كان هيقومله
احمد بسرعة:قصدي اول مرة انا اقول حاجة صح
وبص لدينا وقال:سكتيني عشان متقرايش على روحي الفاتحة كمان شوية
الكل ضحك عليه
يارا:جبان
طارق:مش اد الكلام بتقوله ليه
قاطعهم رن الجرس
يارا انا هفتح قامت فتحت لقت يوسف في وشها لسة هتتكلم محستش بنفسها غير وهو مس*كها من شعرها
يارا بصراخ:سيبني انت بتعمل اي
الكل قام بخضة
طارق طلع واتصدم:سيبها يا حيو*ان وراح يبعده
احمد طلع راح جري يسلك شعر اخته من ايد يوسف
يوسف بغضب:عايزة تنزلي تشتغلي يا ر*وح امك ده انتي بتحلمي وطالبة الطلا*ق كمان الظاهر اني دلعتك كتير انتي تخشي من سكات تلمي حاجتك وتجيبي البنات وتيجي انتي فاهمة ولا لا
يارا ضرب*ته في رجله عشان يبعد :رجع لورا
واخواتها شدوها
يارا بغضب:انت اتجننت ازاي تتجرا تعمل كدة ايوة هشتغل وهطلق*ني برضاك او غص*ب عنك بتستقوى عليا يا*****
فاكرني هسكتلك
احمد لسة هيقرب عشان يض*ربه هو وطارق يارا منعتهم:انت تاخد نفسك وتمشي من هنا زي الشاطر وتتطلقني احسلك
مصطفى:يا ابني كفاية مشاكل بقى وكل واحد يروح لحاله
البنات كانوا مرعوبين وماسكين في هند ودينا ونورة ماسكة مازن ويزن
نورا بعدتهم عنها وقربت بغضب ولاول مرة ضرب*ته بالالم:سبها بقى كفايا بهدلة اي فاكر هتضر*بها وترجعلك تاني انت اي شيطا*ن فاكرها ملهاش حد تبقى غلطان
مصطفى بحنان شدها وهمس:اهدي عشان صحتك
يوسف بسخط:وانتي يا حماتي بدل ما تعقلي بنتك وترجع بيتها بتحرضيها اكتر
نورا:اعقلها في حالة اذا كانت غلطانة او مكبرة الموضوع على مفيش مش واحد رخي*ص ضرب*ها وهان* ها وماشي ورا كلام امه واخته ومعملش حساب للعشرة اللي بينهم واقولها ارجعي انت بتحلم
يوسف:تمام انا مش ماشي غير ببناتي ولو امهم عاوزة تيجي تمام مش عايزة براحتها
يارا:البنات مش هيروحوا في حتة
يوسف:لا هييجوا ولا تحبي اروح اطلقك دلوقتي واخدهم منك خالص واكمل بتريقة:معلش يا حبيبتي اصلك عندك اضطرابات نفسية وانا اخاف عليهم منك انا مش ماشي من غيرهم
مريم برعشة:ماما انا مش عايزة اروح معاه يا ماما هو وحش
يارا :متخافيش يا حبيبتي
يوسف:يلا مش همشي من غيرهم والا هنفذ اللي قولتلك عليه
يارا دماغها شلت عن التفكير ومش عارفة تعمل اي هي مش عايزة تروح معاه وهو هياخد منها بناتها وبصت لباباها وهو بصلها بحزن من حالة بنته ومفيش في ايدهم حاجة واخواتها ماسكين نفسهم بالعافية عشان مينفذش اللي في دماغه
يارا بكس*رة :تمام هيروحوا معاك
الكل كان واقف حزين جدا وهو ابتسم بانتصار
وهي خدت البنات وفهمتهم براحة ولبستهم وطلعوا
يارا:اتفضل
وحضنت بناتها
قام وعدل هدومه وقال بغرور:بيتي مفتوح ليكي يا مراتي
يوسف:يلا يا بنات
بصوا ليارا هزت راسها بابتسامة حزينة ومشيوا معاه
وهي قعدت بصدمة ومش عارفة تتصرف والكل خايف عليها ومرة واحدة بدات تعيط بطريقة هيستيرية وبصوت عالي ومكنتش قادرة تتنفس
مصطفى بخوف:يارا حبيبتي بلاش تعملي كدة
احمد:اهدي عشان خاطري هيرجعوا والله
طارق:انتي كدة بت*موتي نفسك بالبطيء اهدي عشان نلاقي حل
نورا حضنتها وقالت:كفاية يا بنتي نفسك مش كدة
دينا وهند خدوا الولاد جوا عشان ميخافوش
يارا :خدهم خدهم مني ومش هيخليني اشوفهم
مصطفى:كل حاجة هتتحل بس اهدي عشان صحتك
شوية وهديت
وقالت بكس*رة:ارجعله!!!
الكل بص بصدمة
مصطفى:نعممم لا طبعا
نورا :ولو اطلقتي هتبقي تشوفيهم كل فترة وفترة الا كرامتك
احمد وطارق:ايوا معاهم حق انتي لسة صغيرة انتي بالنسبالنا طفلة والبنات تبقي تشوفيهم كل فترة وفترة
مصطفى:انتي لو رجعتي كدة بتقطعي علاقتك بينا كلنا
بصتلهم يارا بصدمة من اللي بيقولوه وانه محدش فاهمها ومقدرتش ترد وعدى الليل بصعوبة عليها وكل دخل نام
صباح يوم جديد
الباب خبط عند يوسف وقام فتح
يوسف بصدمة:انت
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عذاب امرأة)
