رواية عذاب الحب الفصل العاشر 10 بقلم مارلي إيهاب
رواية عذاب الحب الجزء العاشر
رواية عذاب الحب البارت العاشر
رواية عذاب الحب الحلقة العاشرة
في العزاء كان عتمان بيحاول يشد روان اللي كانت بتصرخ و تميم اللي بيعافر مع العساكر علشان يسبوه واحمد اللي ماسك عتمان ومحمد اللي بيتفرج علي اللي بيحصل وهو مستمتع
وائل قرب بهدوء ومسك ايد عتمان اللي ماسك روان
وائل بحدة
من الواضح ان مش عامل اعتبار للحكومة اللي واقفة وبجح لما اقول تجي معايا علي القسم يبقي يا روح امك هتجي و متعرضنيش و بتقل ادبك وتقولي ملكش دعوة وخليك في حالك مفكر نفسك مين علشان تتكلم مع ظابط بالمنظر ده
عتمان بتوتر
انا مقصدش يا حضرة الظابط اقسم بالله بس اعمل اية دي بنت اخويا و خايف عليها و علي سمعتها وبعدين انا هاخدها تعيش معنا معززة مكرمة
وائل بحدة
وهي مش موافقة واخواتها مش موافقين يبقي خلصنا يا عسكري مدحت
مدحت
امرك يا فندم
وائل بهدوء
هتوه علي البوكس شكله هيشرف معانا شوية
عتمان بخوف
خلاص يا باشا حقك عليا انا خلاص هسيبها و مش هقرب منها تاني
وائل ببرود
انا ما برجعش في كلمتي يلا يلا يا تميم كفاية لغاية كدة.
تميم نظر لاخواته بدموع وهز راسه لظابط بموافقة ومشي مع العساكر اما مدحت مسك عتمان وركبه البوكس مع تميم وائل ركب جنب السواق وطلعوا علي القسم
عتمان بغل
بقي انا اركب البوكس بسببك يا ابن الكلب
مدحت
احترم نفسك يا جدع انت و مسمعش صوتك لغاية ما نوصل مش ناقصين قرف
عتمان بضيق
في اية يا عم انت بتكلمني كدة ليه انت حيالله عسكري لا انت ظابط ولا وكيل نيابة علشان تتكبر و تتكلم معايا كدة
مدحت ضرب عتمان علي قفاه وقال بعصبية
بس يا روح امك عندي الصلاحية اعمل اللي انا عايزة ولو سمعت صوتك هخلي ليلك زي وشك بظبط سامع ولا لاء
عتمان بتوتر
خلاص يا باشا حقك عليا انا مقصدش
تميم كان ينظر من الفتحة اللي في الشباك ولا يركز معهم دموعه تنزل بصمت علي ما حدث معه من مصائب
/////
كانت روان منهارة في حضن روفان اللي بتبكي هي وندي
احمد نظر لمحمد بضيق
انت اية يا اخي معندكش من الاحمر شوية طيب بخاطر مراتك اللي ممواته نفسها من العياط
محمد ببرود
اعملها اية يا احمد ما انا قولتلها الباقية في حياتك و اخدت بخاطرها اعمل اية تاني اكتر من كدة
احمد بحتقار
لا كتر خيرك يا محمد يلا يا جماعة نمشي خلاص محدش هيجي يعزي بعد اللي عمك عمله خلونا نروح
محمد
انا بقول كدة برضه اصل انا جعان ومن الصبح مكلتش كفاية كدة وكفاية انهم مشيوا بدري
احمد بعصبية
ياعم انت عايز تخرجني عن شعوري ليه ما تغور تروح و انت مش بتقدر مشاعر الناس اكل اية و بتاع اية دلوقتي صحيح اللي عنده دم احسن من اللي عنده قصور
محمد ببرود
اية هو علشان حماتي ماتت مش هاكل ولا اشرب الحي ابقي من الميت يا اخويا خلي المثالية بتاعتك تنفعك يلا يا ندي
ندي بعياط
روح انت انا هبات في بيت ماما علشان لو حد جه يعزي مينفعش اروح علي الاقل لحد ما التالت يعدي
محمد بعصبية
ولله وانا مين يعمل ليا الاكل ان شاءلله و يشوف طلباتي و طلبات عيالي
احمد بضيق
معلش يا ندي روحي انتي و احنا لو في حد جه هنكلمك
روفان بدموع
معلش يا ندي روحي انتي
ندي نظرت لجوزها بقهر ودموع
طيب بس لو في حاجة جدت عرفوني
روفان بدموع
حاضر
محمد بضيق
ما تخلصونا بقي يا جماعة مش ناقصة هي الاوفر اللي انتم عاملينه ده
ندي بعياط
اتفضل امشي يا سيدي
محمد اخدها وخرج وتحت نظراتهم المستحقرة ليه
ندي بعياط
حرام عليك انت ليه بارد كدة مش مقدر مشاعري ليه يا محمد هو امي كانت اذيتك قبل كدة علشان تعمل حركاتك دي..
محمد ببرود
انا مش عارف انتي عايزة مني اية يا ندي مش العزة وجينا و الدفنة و حضرت اعمل اية تاني اجيب تراب و ادفن نفسي جنبها علشان اباين ليكم اني بحبها
ندي نظرت ليه بدموع
متشكرة يا ابن الاصول علي اللي عملته يلا خلينا نمشي
احمد و روفان وروان خرجوا واقفوا في الشارع
احمد بحزن
خليكم هنا هروح اجيب العربية و نمشي علي طول
روفان بدموع
ماشي يا احمد
احمد ذهب ليأتي بسيارته
ورفان قالت لروان بدموع وهي تحتضنها
روفان بدموع
روان انا مش عايزكي تخافي استحالة عمك يقدر يعمل ليكي حاجة يا روان
روان بدموع
مبقتش تفرق يا روفان صدقيني انا مبقاش يهمني اي حاجة اصل انا يعتبر خسرت كل شئ امي و اخويا وحتي الانسان اللي حبيته سابني فاضل اية تاني اخسره
روفان بدموع
حببيتي تميم هيخرج منها صدقيني
روان بكت وصرخت فيها وقالت
بس بقي متقوليش حاجة فيها امل علي الفاضي تميم مش هيخرج يا روفان مش هيخرج اخوكي هيحصل امك و هياخد اعدام فاهمه
روفان ببكي
طب اهدي طيب متعمليش في نفسك كدة علشان خاطري
احمد جاب العربية ونزل بقلق وقال
في اية يا روفان مالكم
روان ببكي
انا عايزة اروح لو سمحتم انا محتاجة ارتاح
احمد بحزن
طيب يا روان اركبي
روان سابتهم وركبت في الخلف واحمد مسك ايد روفان اللي كانت منهارة من البكاء
احمد بحزن
اهدي يا روفان انتي الكبيرة لازم تبقي اقوة علشان خاطر اختك يا روفان مش لازم تبقوا انتم اللي الاتنين ضعفاء
روفان ببكي
مش عارفة كان مكتوب لينا فين النصايب دي احنا طول عمرنا في حالنا عمرنا ما اذينا حد ليه يأذونا بالمنظر ده حرام عليهم اقسم بالله مين بيكره تميم بالمنظر ده علشان يلبسه تهمه زي دي
احمد بحزن
خلينا نتكلم في الموضوع ده في البيت علشان اختك تعبانة و محتاجة ترتاح يلا اركبي وامسحي دموعك دي
روفان بدموع
حاضر يا احمد
وفعلا احمد وروفان ركبوا العربية وطلعوا علي شقة ناهد
/////
في القسم
وائل لعتمان
كنت بقي بتقول اية للعسكري في البوكس سمعني
عتمان بتوتر
ولا حاجه يا حضرة الظابط
وائل ببرود
ازاي ولا حاجة انا سامعك بودني تعرف اني دلوقتي ممكن اعملك محضر انك تطاولت علي موظف حكومي اثناء تاديه عمله و احبسك
عتمان بخوف
انا اسف يا باشا اوعدك مش هتتكر تاني انا راجل كبير مش حمل ياباشا حبس ومرمطة
وائل ببرود
ولما انت مش قدها فتحت صدرك ليه من الاول و عملت فيها عنتر ابن شداد ما كنت تلم نفسك و تحترم سنك علشان ماقلش منك
عتمان بخوف
انا اسف يا باشا اقسم لك بالله ما هقرب من روان ولا هاجي جنبها دي ما هما كانت بنت اخويا و مقدرش اذيها
وائل ببرود
طب امضي يا اخويا
عتمان بخوف
امضي علي اية يا باشا
وائل بهدوء
تمضي علي المحضر هو اه لسه متعملش بس سيب امضتك علشان هعمله علشان هي كمان تمضي عليه ولا تحب تشرف معانا لغاية لما نستدعيها بعد تلات ايام
عتمان بخوف
لا طبعا يا باشا امضي امضي
وائل بهدوء
طب امضي يا اخويا واكتب بياناتك
وائل حدف ليه الدفتر وعتمان مضي وكتب بياناته ووائل قال
تاخد بعضك وتغور و مشوفش وشك تاني مفهوم
عتمان بخوف
مفهوم يا باشا هو احنا قد الحكومة السلام عليكم يا باشا
عتمان خرج بيجري و وائل ولع سجارة وقال
يا عسكري
امرك يا فندم
وائل بهدوء
دخل تميم
امرك يافندم
العسكري خرج وكان تميم قعد علي الارض و العسكري التاني ماسك ايده
العسكري
سيبه يا بني الباشا عايزه
العسكري فك الكلبشات والعسكري مسك تميم وخبط علي الباب وقال
المتهم تميم يا فندم
وائل بهدوء
تمام اخرج انت وهات قهوة و سندوتشات هنا
العسكري
امرك يا باشا
خرج العسكري و وائل قال بهدوء
اقعد يا تميم
تميم قعد وكان ساكت
وائل بهدوء
تميم انا مش عارف اقولك اية بس انت موقفك صعب وانا عايزك تتكلم معايا بصراحة علشان لو في ايدي حاجة اعملها اعملها يا تميم
تميم بكسره
انا كلي اللي اعرفة قولته يا وائل بيه مفيش حاجه خبتها
وائل بهدوء
التحاليل طلعت ايجابيه تقدر تقولي ازاي و انت بتقول شايفها من اسبوع يعني المدة قريبة وكافية انها تحمل منك
تميم بدموع
انا قولت لحضرتك اني شوفتها في الشارع مش اتقبلنا في شقة
وائل بهدوء
تميم طيب احكيلي كانت علاقتك بيها عاملة ازاي يا تميم في الاول خالص الموضوع كان تتطور معاكم ازاي اخر حاجة
تميم نظر لوائل بدموع
وائل بحزن
بلاش تعتبرني الظابط دلوقتي يا تميم اعتبرني صديق او اخ انت صعبان عليا و حاسس انك برئ و في نفس الوقت الادلة اللي قدامي مقيدني يا تميم قولي بصراحة علاقتك بيها كانت عاملة ازاي بخصوص قربك منها
تميم بدموع
يمكن حصل وقتها تتطاولت كتير بينا بس عمر ما حصل علاقة كاملة كان ممكن حضن بوسه كنا احنا الاتنين صغيرين لسه الحماس و اخدنا وانا بسنت كانت اول تجربة ليا بس لما بعدت عنها في اول سنه كنت مضايق وزعلان بس بعد كدة خلاص كل حاجه بقت تمام و نسيتها و اخر مرة شوفتها فيها كانت من اسبوع وسلمت سلمنا علي بعض وكل واحد راح في حالة
وائل بهدوء
طيب يا تميم افتكر كويس كانت بتكلمك ازاي وقتها يعني كانت بتحن للذي ماضي ولا كانت عادي اول اصل المفروض انكم كنتم مرتبطين و سبتوا بعض المعاملة متبقاش زي ما هي ولا انت اية رايك.
تميم نظر للارض بدموع و افتكر مقابلته مع بسنت
فلاش باك
كان تميم ماشي علي الكورنيش وبيكلم انس في التليفون
تميم بابتسامة
ياعم ما تشلش هم ان شاء الله هنلقي شغل اصبر بس الصبر حلو
انس بابتسامة
يا عم اديني صابر و مستني فرج ربنا
سمع صوت انثوي
تميم ازيك
تميم نظر لمصدر الصوت وقال بهدوء
مع السلامة يا انس هكلمك بعدين
قفل تميم مع انس وقال بهدوء
ازيك يا بسنت
بسنت بدموع
وحشتني يا تميم
تميم باحراج
بسنت انا مش عارف اقولك اية بس
بسنت بدموع
انت نستني يا تميم معقول بعد الحب اللي كان بنا
تميم بحزن
بسنت انا في حكم الخاطب دلوقتي احنا اللي كان بنا مكنش حب ده كان مجرد تجربة بنا
بسنت بدموع
تجربة يا تميم مجرد تجربة و كلام الحب اللي كان بنا اتنسي من ساعة ما نقلت
تميم بهدوء
انتي قدامك العمر لسه هتقبلي الشخص اللي يكمل حياتك غيري انا بحب واحدة يا بسنت مش بحبها بعشقها يا بسنت انا اسف ده غصب عني
بسنت بدموع
انا مصدقت اشوفك يا تميم
تميم بحزن
ارجوكي يا بسنت بلاش تحرجني اكتر من كدة يا بسنت
بسنت بدموع
ماشي يا تميم انا اسفة بعد اذنك
مشيت بسنت بسرعة وهي بتبكي و تميم وضع يده علي وشه بتعب
باك
تميم بتردد وتعب
هي قالت لي يعني قالت لي
وائل بهدوء
اتكلم يا تميم قالت اية حتي لو معملومة تافة بنسبة ليك ممكن ليا انا تبقي مهمة لو سمحت
تميم بحزن
قالت انت وحشتني و بعدين انا قولتلها اني بحب واحدة تانية وان علاقتي انا وهي كانت مجرد تجربة مش اكتر واني بحب واحدة تانية وبتدين مشيت
وائل بهدوء
مردتش علي كلامك
تميم بحزن
لا قالت انا اسفة ومشيت
وائل بهدوء
تعرف اية عنها يا تميم يعني هي من النوع اللي بيحب يصاحب شباب ولا اخلاقها كانت اية
تميم بحزن
لا كانت اخلاقها كويسة جدا مش معني انها عرفت واحد واتكلمت معه شوية ان ده يقلل من اخلاقها
وائل بهدوء
واللي كانت حامل منه انت بتقول مش ابنك يبقي ابن مين وهي لما شافتك قالت انها لسه بتحبك و حشتها يعني لما هي بتحبك سلمت نفسها لراجل تاني ليه ولو نسيتك وحبت غيرك اية اللي يخليها تقولك انها بتحبك انا عايز اجابات لكل ده يا تميم
تميم بحزن
انا معرفش بس اقسم بالله ما انا ابو الطفل ولا انا اللي قتلها انا مقتلتهاش وهقتلها ليه اذا كان مفيش بيني وبينها اي حاجة
وائل بهدوء
انا حاولت يا تميم القي ثغرة واحدة بس مش لقي انا كلمت حد اعرفه يجبلي معلومات و تحركات بسنت في اخر فترة في حياتها علشان اعرف اكتر ولو في حاجه تفدنا في الموضوع بتاعك بس موعدكش بحاجة وخصوصا ان كل حاجه ضدك و كل الادلة ديناك ومتقلقش علي اختك عمك ميقدرش يعمل حاجة
تميم بدموع
انا مش عارف اشكرك ازاي يا حضرة الظابط
وائل بهدوء
مفيش داعي للشكر انا بعمل شغلي
الباب خبط ودخل العسكري و كان معه صنية فيها بعض السندوتشات و فول وطعمية
وائل
حط الصنية عندك وروح انت
العسكري
اخد المتهم معايا علشان تاكل براحتك يا باشا
وائل بحدة
قولتلك روح انت
العسكري
حاضر يا باشا
خرج العسكري ووائل قال بهدوء
يلا يا تميم بسم الله انت مكلتش من الصبح
تميم بدموع
بالف هنا انا مليش نفس
وائل بهدوء
والدتك الله يرحمها يا تميم مش معني انك حزين عليها انك تهمل في صحتك هي اكيد مش هتكون مرتاحة في نومتها وانت بتعمل كدة
تميم بدموع
وهي برضه مش هتبقي مرتاحة وهي سايبني و عارفة مصيري اية يا حضرة الظابط
وائل بحزن
يمكن ربنا يدبر وتخرج علي خير يا تميم
تميم بدموع
مش هخرج وانا متاكد من ده انا بس مستيني اسمع الحكم النهائي واللي انا متاكد منه اعدام علي حاجه انا معملتهاش متتعبش نفسك يا حضرة الظابط انا متاكد ان اللي لبسني القضية دي عامل كل احتياطاته علشان خاطر مخرجش منها وانا شم هخرج منها
وائل بحزن
متفقدش الامل يا تميم
تميم بدموع
الامل هو اللي مش عايزني يا حضرة الظابط مش عايز يكون في امل و يكسرني بعد كدة
وائل بحزن
طب علشان خاطر والدتك الله يرحمها كل لقمة
تميم بدموع
اسف مش قادر اكل اي حاجة الله يخليك ابعتني علي الحجز لو حضرتك مش عايزني في حاجه انا محتاج ارتاح
وائل بحزن
طيب يا تميم
ثم نادي علي العسكري
يا عسكري
دخل العسكري بسرعة
امرك يا فندم
وائل
خد الاكل ده دخله الحجز الانفرادي بتاع تميم وخد تميم كمان
وائل لتميم
انا قولت تفصل في حجز لوحدك احسن ما يتجمعوا عليك تاني ويعملوا ليك حاجه
تميم بحزن
متشكر يا حضرة الظابط بعد اذنك
العسكري خد الاكل و تميم ودخل تميم الحجز وقال
ادخل يا خويا مش عارف الظابط وائل متعاطف معاك علي اية و انت مستهلش جاتك القرف
خرج العسكري بعد ما حط الاكل و قال كلامه
تميم جلس في زوايا ضامم رجله لصده ودموعه تنزل وهو بيقول بقهر
سامحيني يا امييييييييي
///////
في بيت ندي كانت قاعدة في اوضتها بتبكي ابنها حمادة قاعد بيوسيها وفجاة سمعوا صوت اغاني شغاله وصوتها عالي خرجت ندي بسرعة وقفلت التليفزيون وقالت بصدمة وبكي
اية اللي انت بتعمله ده يا محمد اغاني وانا امي لسه ميتة مبقاش ليها كام ساعة انت اية يا راجل معندكش دم مش حاسس بيا ولا بالنار اللي في قلبي انا عملتلك اية علشان تاذيني و تاذي نفسيتي بالمنظر ده حرام عليك
محمد لابنه حمادة
ادخل اوضتك يا حمادة
حمادة دخل اوضته ومحمد نظر لندي ببرود
محمد ببرود
بلاش وش بقي يا ندي خلاص امك ماتت اعملها انا اية يعني و بعدين انا واحد ما بحبش النكد ادخلي غيري الاسود اللي انتي لبسه ده جايب ليا اكتئاب والبسي لون فوشيا كدة ولا اقولك البسي بدلة رقص اهو نفرفش بدل العكننة بتاعة الصبح والصويت جالي وش
ندي بعصبية ودموع
تصدق انك راجل ناقص صحيح فيه اية هي اللي راحت دي كلبة وانا معرفش. دي امي يا عديم الانسانية امي اللي كانت فاتحة بيتها ليك وانت بتروح تلغ فيه امي اللي اما كنت بتحتاج فلوس كانت بتاخد من تميم و تديك في اية يا محمد ما تتظبط ولا انت الرجولة معدتش عليك و مش عارف الرجالة في المواقف اللي زي دي بتعمل اية روح اتعلم من احمد جوز روفان شوفه بيعمل اية واعمل زيه
محمد مسح علي شنبه وقال ببرود
بتقولي عني مش راجل واروح اتعلم من سي احمد شكلك عايزة تتربي من اول وجديد وانا هربيكي يا ندي علشان تعرفي ان الله حق تمام اوي انا عمري ما مديت ايدي عليكي بس هعملها انهاردة وبعدين اللي انتي فرحانة بيه اوي في السجن و اخره اعدام يا ندي و مجرم يا ماما ده كفاية اني سايبك علي زمتي لغاية دلوقتي
ندي بدموع
روح يا اخي. منك لله
محمد بهدوء قام دخل الاوضة من غير ولا كلمة و ندي قعدت علي الكنبة تبكي بقهر وفجاة شافت محمد خارج من الاوضة ومعه حزام
محمد ببرود
كنتي بتقولي اني مش راجل واروح اتعلم من احمد مش كدة انا بقي هربيكي من اول وجديد يا ندي
ندي برعب وعياط
انت هتضربني يا محمد انت اتجننت
محمد ببرود
زودي غلطك واه اضربك واجب عليا لما مراتي تغلط اربيها
وفجاة رفع الحزام ونزل بيه عليها و ندي صرخت و حمادة ابنها خرج وشاف اللي ابوه بيعمله وكانت صرخاتها تزاد من قوة الحزام اللي نازل عليها
حمادة قرب بسرعة ومسك ايد ابوه وقال
اية اللي بتعمله ده يا بابا ابعد عنها
محمد بعصبية
ابعد يلا من وشي بدل ما اضربك معاها
حمادة بعياط
حرام عليك يا بابا سيبها علشان خاطر ربنا يا بابا علشان خاطري
محمد بضيق
ماشي يا اخويا بس اعرفي انك لو عملتي اي غلطة يا ويلك يا ندي
محمد خرج من البيت وحمادة حضن والدته ببكي وهي كمان كانت تبكي علي ما حدث لها
/////
في بيت ناهد الباب خبط واحمد راح يفتح وقال بصدمة
معلم سيد
//(((
هنا انتهي حلقتنا اسفة علي التاخير يا جماعة بس انا بدرس ومش بينفع اكتب كل يوم انا كنت في اول بارت لو لحظتم التنزيل كل اسبوع بس حسيت المدة كبيرة فا كل لما ابقي فاضية ان شاءلله هكتب بارت البارت ده 2725 كلمة
مين اكتر شخصية استفزتكم
وياتري اية اللي هيحصل عتمان عم تميم هيسكت و هيسيب روان في حالها
وياتري المعلم سيد رايح يعزي عادي ولا ليه غرض تاني
ياتري بعد اللي محمد عمله في ندي هتقعد في البيت وتنسي اللي حصل. ولا هتاخد موقف منه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عذاب الحب)
