رواية عذاب الحب الفصل السادس والعشرون 26 بقلم مارلي إيهاب

حسن اول ما سمع كلام سلوي نزل بسرعة لدور تميم اللي كان قاعد ومتعصب قرب منه و مسكه من هدومه وادله بوكس في وشه تميم اتصدم وقام رد الضربه باقوي منه و الاتنين مسكوا في بعض وجهه تميم اتعور تميم زقه بعيد وحسن قال بعصبية
وحياة امك لا يكون اخر يوم ليك في الدنيا دي
طلع حسن مطوة
بتول بخوف
اهدي يا حسن انت لازم تسمعه
تميم بعصبية
انت بقي مفكر انك هتخوفني بالبتاعة اللي معاك دي
حسن بعصبية
انا هوريك يا كلب وهعرفك ازاي تفكر في واحدة تخص غيرك انا هربيك من اول يوم جيت فيه هنا و انا مش مرتاح ليك
تميم بعصبية
ليك حق مترتحش ليا انت مش بترتاح غير لولاد الحرام اللي زيك بس هما دول اللي بيبقوا علي قلبك زي العسل و بعدين اللي عنده معزة يلمها يا حبيبي هي اللي جات ليا برجليها و لما رفضتها جت عملت الحوار ده علشان تنتقم مني انت اللي مش مالي عينيها وفي نظرها لا مؤاخده مش راجل
حسن اتعصب و قرب من تميم بالمطوة و لسه هيضربه مسك تميم ايده و ادله بالروسيه في دماغه اكتر من مرة لحد ما دماغه نزفت دم وسابه واخد الطقم اللي اشتراه وبص لسلوي اللي عاملة نفسها بتعيط
تميم بسخرية
انتي واحدة رخيصة اخرك تنامي مع الرجالة ملكيش قيمة في المجتمع لو مفكرة نفسك باللي انتي عمليته ده انتصرتِ عليا تبقي بتحلمي
مشكلتك انك فكرتي اني هريل عليكي زي شوية #### دول بس مش انا اللي اعمل الحرام
قال تميم كلامه وخرج وخرجت وراه بتول وقالت بحزن
انت رايح فين
تميم بعصبية
وانتي مالك حلي عني انتي التانية مش نقصاكم علي المسا
بتول بحزن
وانا ذنبي اية تكلمني كدة
تميم بعصبية
بقولك اية سبيني في حالي لو سمحتي وابعدي عني انا غلطان من الاول اني وافقت ارجع و اعيش معاكم انتم مش شبهي ولا انا شبهكم
بتول بحزن
عارفة انك مش شبهنا وانك نضيف ومش معايز تغضب ربنا وعارفة ان سلوي بتكذب عارفة كل ده يا تميم بس انت هتروح فين حالتك متسمحش ليك تروح في حتة و لو فضلت في الشارع ممكن يتقبض عليك و تتتكشف اهدي لو سمحت
تميم بعصبية
لو هموت مش راجع وفري علي نفسك.
بتول سكتت شوية وهو لاحظ سكوتها و لسه هيمشي
بتول بهدوء
استني يا تميم انا عندي مكان ممكن تروح تقعد فيه وامان زي ده كنت مدريه عن اللي جوه دول علشان لو حصل اي حاجه اهرب عليه تقدر انت تروح تقعد فيه
تميم
وانتي ليه بقي بتعملي معايا كدة بتساعديني ليه
بتول بحزن
علشان صعبان عليا و مش عايزة حالك يوصل وبيبقي زي حالنا يا تميم بلاش كلام كتير تعالي هو بعيد عن هنا بنص ساعة تقريبا
تميم بتعب
يعني علشان اروح شغلي محتاج ساعة ونص كمان مشي
بتول معلش بقي هتعمل اية بس العمارة دي فيها ميزة ان في شارع جنبها و الشارع ده لما بتخلصه بتلقي مواصلات تقدر تركب منها بدل ما تمشي المدة دي كلها
تميم ابتسم
انا اسف انفعلت عليكي وانتي ملكيش ذنب
بتول بابتسامة
عادي متخدش في بالك
سكتوا الاتنين لغاية ما وصلوا العمارة وكانت في حتة مقطوعة مفيهاش اي حس
تميم بقلق
هو انا هدخل العمارة دي و اعيش فيها لوحدي
بتول بمشاكسة
اوعي تقول انك خايف
تميم بقلق
ما انا لازم اخاف مش شايفة شكلها عامل ازاي
بتول ضحكت
يا عم متقلقش تعالي هي فيها نور بس الاحسن انك متولعش النور و تخليها ضلمة علشان متلفتش الانتباه لو في حد معدي
تميم بصدمة
امال اعمل اية يبقي سكوت و كمان ضلمه
بتول بابتسامة
متقلقش اجمد العمارة مفيهاش حاجة هي فيها لمبه صغيرة كدة ابقي شغلها ونام عليها هتنفع معاك جامد يلا انا هرجع انا
تميم
وانا هسيبك تمشي لوحدك ازاي في وقت زي ده
لا طبعا انا هاجي اوصلك
بتول
اقعد يا عم تجي توصلني ازاي ارهنك انك لو جيت معايا ما تعرف توصل تاني لوحدك
تميم بتصميم
مليش دعوه انا مش هبقي متطمن وانا سايبك في وقت زي ده و حته مقطوعة كدة تمشي لوحدك
بتول بابتسامة
متقلقش متعودة
تميم بقلق
لا لا مش هينفع حتي لو متعودة رجولتي وشهامتي متسمحش ليا بحاجه زي دي وانا هعرف اوصل لوحدي تاني متقلقيش يلا بينا
بتول اتنهدت
يلا يا سيدي انت عندي جدا
تميم بهدوء
مش حكاية عند عايز ابقي مطمن مش اكتر
بتول ملقتش رد ترده سكتت لغاية ما قربوا من العمارة بتاعة بتول وقف تميم وقال
مش عايزك تقولي لمصطفي اني هناك عايز ارتاح شوية مع نفسي
بتول بهدوء
حاضر يا تميم اللي انت عايزه يلا روح انت بقي انا وصلت انا
تميم بهدوء
طيب انا واقف لغاية ما اشوفك دخلتي العمارة
وهمشي علي طول
بتول ابتسمت
حاضر يا سيدي تصبح علي خير
وفعلا مشيت بتول ودخلت العمارة وتميم رجع علي العمارة اللي اتلغبط فيها ولكن قدر يوصل
في العمارة بتول كان مصطفى ماسك في حسن
بتول قربت منه وقالت
اهدي يا مصطفى
مصطفى بعصبية
اهدي اية و زفت اية الراجل جبته ووثقت في شوية نسوان مش رجالة خلتوه مشي و هو ميعرفش حد هنا راح فين ها
امير بعصبية
وانت مالك بيه هو من باقية اهلك
مصطفى اتعصب ولسه رايح يمسك في امير بتول وقفت قدامه وقالت
خلاص اهدي هو ان شاء الله هيهدي كدة و هيرجع صدقني يا مصطفى اديك قولت ملوش مكان تاني يروحه يعني ملجأه هنا يا مصطفى
مصطفى بعصبية
انا رايح ادور عليه
بتول
مش هتلقيه
مصطفى نظر لها باستغراب
ليه ان شاء الله
بتول بتوتر
اقصد يعني اكيد اول حاجه هيعملها انه يبعد نهائي عن العماير علشان ميشوفناش تاني و لا يبقي ليه علاقة بينا يا مصطفى شغل دماغك يبقي هدور علي الفاضي و هتتعب نفسك هو هيجي بنفسه اقعد بقي
نجوي
ايوة يا مصطفى ريح شوية انت جاي تعبان من الشغل اقعد هو هيلف لفه وهيرجع
مصطفى بصلهم بعصبية ونزل للمكان اللي بيقعد فيه مع تميم و بتول قربت منه وقالت
متزعلش نفسك يا مصطفى
مصطفى بحزن
ازاي بس يا بتول انا اعتبرته اخويا صدقيني ومكنتش عايزه يمشي ممكن في اي وقت يتقبض عليه
بتول
انا اتصرفت و ووديته مكان محدش يعرفه بس هو مش عايز يعرف حد علشان كدة مش هقدر اقولك لكن علشان مقلقش عرفتك ان هو كويس
مصطفى
طيب ما تقولي العنوان
بتول
مش هقدر يا مصطفى اعذرني انا اديته كلمه
مصطفى
انا مش. اي حد يا بتول انا صاحبه
بتول
مش مهم صاحبه او لا المهم انه محتاج وقت لوحده من غير ضغطات من حد علشان كدة سيبه كام يوم لوحده يرتاح فيهم وبعدين يرجع تاني هنا وهو اوعي تقول حاجه للي بره كأننا منعرفش حاجة عنه
مصطفى
حاضر با بتول تصبحي هلي خير
بتول
وانت من اهل الخير
خرجت بتول من الاوضة ودخلت الاوضة اللي بتنام فيها و كانت فارشه ملاية علي الارض وهتنام عليها
وقعدت تفكر بعد ما نامت علي الارض
معقول في رجالة بالرجولة دي و الشهامة دي مش عايزني امشي لوحدي في وقت بليل و انا بنت حرام خايف عليا و قلقان عليا مش عارفة ليه حاسة بحاجة غريبه جوايا كان ممكن ارفض عادي و كان ممكن مهمتمش بيه و اسبيبه يمشي في حاله و انا ميخصنيش حاجه ليه عملتي كدة يا بتول
////
في القسم كان تم القبض علي افراض العصابه
لارا بصدمة
انت ظابط معقول طول الفترة دي كنت بتخدعني يا ياسر ولا اقول يا ادهم
ادهم ببرود.
قولي يا ادهم بيه
لارا بصدمة
انت ازاي قدرت تخدعني بالمنظر ده بجد انت ممثل شاطر
ادهم
طيب ميرسي طبعا يا لارا انتي عارفة ان انتي و عبد الحميد مش هتشوفوا الشمس تاني علشان تبقوا تتعلموا الادب و ان القذرة اللي بتعملوها في الدرا دي مش علي الحكومة واننا مصحصحن كويس قوي
لارا بتريقة
وانت تفتكر بقي ان باقي افراد العصابة دي هتسيبك تبقي بتحلم
ادهم بتريقة
انا فهد الداخلية هخاف من شوية جرابيع زيكم
لارا
ماشي خلينا نشوف الجرابيع. دول هتعمل معاهم اية
ادهم
هتشوفي لما يشرفوا جنبك في القسم يا عسكري تعالي خد الاستاذه علي الحجز
العسكري
امرك يا بيه
العسكري اخدها و ادهم قعد يخلص شغله
/////(
تاني يوم كان احمد في شركة بيدور علي شغل ودخل للمدير سامي
سامي
شوف يا استاذ احمد عم حضرتك موصي عليك جدا وانت مترضاش لينا الاذيه و
احمد
تمام شكرا لحضرتك بعد اذنك
سامي
استني يا استاذ احمد انا مخلصتش كلامي
احمد
في اية بعد اللي حضرتك قولته انا فهمت خلاص
سامي
اسمعني بس انت ايوة متقدرش تشتغل هنا بس تقدر تشتغل في فرنسا شركة تبع واحد صاحبي. اقدر اتوسط ليك هناك و تسافر
احمد بفرح
بجد يا فندم
سامي. بهدوء
طبعا بس في الدرا مش عايز حد يعرف حاجه
احمد
متقلقش حضرتك كله هيبقي تمام
سامي
خلاص جهز ورقك وورق مراتك و انا هتكفل بالباقي
احمد بفرح
انا مش عارف. اشكر حضرتك ازاي
سامي
متشكرنيش يا استاذ احمد انت زي ابني
احمد بفرح
شرف ليا يا فندم. بعد اذنك
سامي
اتفضل
خرج احمد من الشركة وهو في قمة سعادته ورجع علي البيت وقالهم علي كل حاجه وروقان فرحت جدا وقالت
طيب كويس قوي انا هاخد روان بكرة و نجهز باسبور ليها
روان بصدمة
حيلك حيلك ليه هو انا قولت اني هسافر
روفان باستغراب
امال. هتقعدي هنا لوحدك لا طبعا يا روان
روان
لا لا سافروا انتم انا مش هسيب بيت ماما الله يرحمها
روفان
صدقني مش هينفع يا روان اسمعيني
روان قامت منهية النقاش وقالت.
سفر مش هسافر يا روفان
دخلت اوضتها وقفلت عليها اما احمد بص لمراته بحيرة
///////
فبي بيت اهل رفيدة كان يجلس راجل
احمد والد رفيده
اهلا نورتنا يا استاذ بجد
ده بنوري يا استاذ احمد انا يشرفني و يسعادني اني اطلب ايد الانسة رفيدة
رفيدة لسه خارجة بالصنية اتصدمت من العريس
وقالت بصدمة
انت بتعمل اية هنا
هنا حلقتنا خلصت عارفة انها صغيرة بعتذر هحاول اعوضكم واحدة تانية بكرة باذن الله
ياتري روان هتغير رايها و هتسافر ولا لاء
يا تري مين العريس اللي راح يتقدم
وهل بتول هتحب تميم و هل تميم ممكن يحبها