رواية عذاب الحب الفصل الرابع 4 بقلم مارلي إيهاب
رواية عذاب الحب الجزء الرابع
رواية عذاب الحب البارت الرابع
رواية عذاب الحب الحلقة الرابعة
في القسم كان تميم واقف و بيقول بعصبية
هو في اية محدش عايز يفهمني اية اللي بيحصل ليه
الظابط بعصبية
اخرس يا روح امك بدل ما اجي اخرسك
تميم بضيق
انت بتتكلم معايا كدة يا حضرة الضابط
الظابط
انت هتعلمني اتكلم ازاي ولا اية يا روح امك
تميم بعصبية
هو انت بتشتمني بروح امي يعني متجبش سيرة امي علي لسانك
الظابط اتعصب وقال بعصبية
يا عسكري
امرك يا بيه
الظابط بعصبية
خد الواد ده وروقه عايزة يخرج يبقي ناسي اسمه اية
العسكري
امرك يا بيه قدامي يا متهم
تميم بعصبية
اهدي يا عم انت كدة انا مش رايح في حتة غير لما اعرف اية اللي بيحصل ده هو في اية بظبط
الظابط بعصبية
اعمل اللي قولتلك عليه يا عسكري
تميم بعصبية
هو انت مفكر اني هسمح لحد انه يمد ايده عليا الحركات دي اعملها علي المجرمين مش انا يا حضرة الظابط
الظابط قام بعصبية وضرب تميم بالقلم وقال
وانت كمان مجرم و ابن كلب و****** يا ابن ******
تميم ضرب الظابط بالبنية في وشه رجعه لورا
والظابط اتعصب جدا ومسك في تميم والاتنين ابتدوا يضربوا بعض بقوة و العسكري بيحاول يبعدهم عن بعض ولكن مش قادر دخل الظابط وائل وقال بعصبية
اية اللي بيحصل هنا ده يا مدحت
مدحت بعد بسرعة
انا لازم اعمل فيه محضر يا باشا ده مد ايده عليا وانا بقوم بشغلي
وائل
في اية وانت ازاي تمد ايديك علي ظابط انت مجنون ولا اية
تميم بضيق
هو اللي مد ايده عليا و شتمني ومش. عايز يقولي فيه اية
وائل
انت عارف دي فيها حبس قد اية علشان تمد ايدك علي ظابط اثناء تأديه عمله
تميم بعصبية
هي فين عمله ده غير انه عمال يشتمني و شتم امي و ضربني
وائل بضيق
روح انت يا مدحت علشان التحقيق هيبدا
مدحت بغيظ
و حقي يا باشا
وائل
نتكلم بعدين اتفضل
خرج مدحت و العسكري
وائل قال
شوف بقي يا تميم القضية اللي انت متهم فيها قضية قت*ل
تميم بصدمة
قتل ليه انا معملتش حاجة اقسم بالله
وائل بهدوء
الاول قولي تعرف المجني عليها بسنت احمد السيد
تميم
لا معرفش حد بالاسم ده
وائل بهدوء
متاكد يكون في علمك لو كدبت انت كدة بتضر نفسك
تميم حاول يفتكر
طيب ممكن حضرتك تقولي بس اي حاجه تانيو غير اسمها صورة مثلا مش فاكر
وائل بهدوء
دي صورتها تعرفها
تميم بتوتر
ايوة صح دي كانت جارتي من اربع سنين
وائل بهدوء
اية علاقتك بيها
تميم بتوتر
مفيش اي علاقة بنا
وائل بهدوء
ازاي بس يا تميم افتكر كويس
تميم بتوتر
صدقني مكنش في بيني وبينها حاجه
وائل
يعني مكنتش مرتبط بيها وقت ما كنت ساكن قصادها يا تميم وكل يوم كنتم بتخرجوا سوا و والداتك متبقاش صاحبة امها
تميم غمض عنيه بوجع
دي حاجات قديمة جدا انا وهي مكناش في علاقة جدية كان مجرد كلام بس ووعدنا بعض وعود وبعد ما نقلت نسيت كل حاجه حتي هي نسيتها
وائل بهدوء
ولو انت كنت بتحبها سبتها ليه
تميم بتوتر
انا مكنتش بحبها ولا حاجه كنت مفكر كدة لكن بعد ما نقلت لقيتها مش مأثرة في حياتي و مكنش حب
وائل
نقلت ليه من منطقتها
تميم
الايجار زاد علينا و كنا عايزين حاجه اهدي شوية دورنا في مكان تاني و نقلنا
وائل بهدوء
تعرف ان بسنت اتوفت وهي حامل في شهرين يا تميم وانها ماتت مخنوقة
تميم بخوف
انا معرفش حاجه اقسم بالله
وائل بهدوء
امتي اخر مرة شوفتها يا تميم
تميم بتوتر
من اربع سنين قبل ما انقل
وائل بهدوء
كداب يا تميم في ناس شافكوا سوا و انتم واقفين علي الكورنيش من يومين ودي صوركم اللي جبناها من الكاميرا شوفت قولتلك بلاش كذب
تميم بتوتر
انا مش بكذب يا حضرة الظابط انا فكرت ان حضرة بتسألني اخر مرة شوفتها كانت امتي و احنا مرتبطتين
وائل بشك
سؤالي كان واضح وصريح يا تميم قولي بقي كنت واقف معاها ليه و اتفقتوا تتقبلوة امتي
تميم بحزن
احنا متفقناش ولا حاجه يا حضرة الظابط احنا اتقابلنا صدفة يا باشا و بعدين سلمت عليا وسلمت عليها ومشينا علي طول
وائل
في ناس بتقول انهم كانوا بيشوفكوا قريبين من بعض جدا يا تميم
تميم بحزن
اقسم بالله يا باشا ما حصل انا حتي ايديها مكنتش بمسكها ازاي اقرب منها
وائل
مع الاسف كل حاجه ضدك اول حاجه انت كنت علي علاقة قوية بيها من اربع سنين و تاني حاجة كنت بتخرج معاها و لسه كنت معاها من يومين و حصل الجريمة امبارح يا تميم
تميم بصدمة
طيب اكيد تقرير الطب الشرعي هيأثبت برائتي
وائل
لا لان مكنش في بصمات نهائي في الشقة و ده صعب المهمة و كل حاجة ضدك انت دلوقتي هتتحبس اربع ايام علي ذمة التحقيق لغاية ما تتحول للنيابة
تميم بصدمة
انا معملتش حاجة اقسم بالله ده ظلم انا مقتلتهاش ولا كلمتها اصلا.
وائل بهدوء
ملوش فايدة الكلام ده يا تميم القضية محسومة انت تقوم محامي شاطر يقدر علي الاقل يجبلك حكم مخفف بدل الاعدام علي الاقل خمسة وعشرين سنه
تميم بدموع
انا مقتلهاش يعني اتحبس مظلوم
وائل
كان نفسي اصدقك واساعدك بس زي ما قوللتك كل حاجه ضدك بس لسه في فرصة تثبت اذا كان الجنين اللي في بطنها ابنك لو لا احنا هنعمل تحليل DNA و هنحاول نشوف النتيجة هتطلع ولا لاء. يا عسكري
العسكري دخل وقال
نعم يا فندم
وائل بهدوء
خده علي الحجز يا عسكري
العسكري
امرك يا بيه امشي قدامي يا متهم
العسكري حط الكلبشات في ايده واخده معاه وكان واقف بره محمد و ندي و روان و ناهد و كمان روفان و احمد و الحريم كانوا منهارين من العياط
احمد بقلق
تميم قولي في اية
تميم بصله بصدمة وعدم تصديق ومكنش قادر يتكلم
احمد بقلق
انطق في اية حصل اية
العسكري
يلا قدامي يا متهم
ناهد بعياط
ابوس ايديك يا ابني اصبر دقيقة بس اطمن عليه تميم في اية قولي يا حبيبي
تميم بصدمة
متهم في جريمة قتل
البنات صرخوا بصدمة و احمد قال
قتل قتل مين اتكلم يا تميم
العسكري بعصبية
يا عم اوعي انت وهي متجبوش ليا المشاكل قدامي يا متهم
ناهد مسكت ايد ابنها بنهيار
اصبر يا شويش الله يخليك سبنا نفهم في اية علشان خاطر ربنا
العسكري بعصبية
يا ستي ابعدي بقي متخلنيش اتعصب عليكي
تميم بعصبية
اتكلم بادب يا عم انت متخلنيش اغبي عليك زي اللي مشغلك
العسكري بعصبية
متزودش قضيتك انت هتاخد فيها اعدام يا اخويا قدامي
العسكري خده ناهد قعدت علي الارض تعيط هي روان
احمد بقلق
اهدوا يا جماعة و انا هشوف محامي شاطر يجي يشوف في اية
ناهد بعياط
ابني يا احمد بيضيع مني اتصرفوا انا مش عارفة اعمل حاجه
احمد بقلق
حاضر صدقني هعمل كل اللي اقدر عليه يا حماتي اهدي بس
روان بعياط
ماما اهدي لو سمحتي هتتعبي يا ماما
ناهد بعياط
ليه يارب كدة احنا عمرنا ما اغضبناك ولا عملنا حاجه يارب خرج ابني من المصيبة دي يارب متوجعش قلبي عليه
روان بعياط
يارب يا ماما تميم ابن حلال و طيب وربنا مش هيسيبه
في مكتب مالك دخل وائل عليه وقال
اية يا عم محدش بيشوفك ليه
مالك بهدوء
اعمل اية بقي مشاغل يا حضرة الظابط سمعت انك ماسك قضية جامدة في اية
وائل بضيق
يا عم جريمة قتل بنت عملت علاقة مع واحد و كانت حامل منه وتقريبا الواد اللي عملت معه كدة خلص عليها وشاكين في واحد و كل الادلة ضده و هو بينكر
مالك بتريقة
ما هو لازم ينكر طبعا دي جريمة قتل هي لعبة دي فيها اعدام
وائل
اكيد هينكر بس مهما كان غلط البنت مكنش ينفع يقتلها و يقتل ابنه بدم بارد ده انا هفضل وراه لغاية ما ياخد اعدام بس مش ناقص غير حاجه واحدة بس يا مالك
مالك بهدوء
اية هي
وائل
انا كلمت الدكتور كان واخد عينه دم من الجنين في بطن امه لان الجنين كان في الشهر التاني قالي انه علي قد ما يقدر هيعمل تحليل DNA
وهنشوف هينطبق علي تميم ولا لاء
مالك بهدوء
بس حتي لو مطلعش ابنه ده. ميمنعش انه هو اللي قتلها
وائل
اكيد بس علي الاقل هيبقي في خيط تاني مين اللي عمل كدة يمكن ميكونش هو اللي قاتل
و ابو الجنين هو اللي قاتل
مالك بهدوء
اه معاك حق يا وائل ان شاءلله خير و المجرم يتعاقب علي اللي عمله
وائل بهدوء
ان شاءلله يلا يا معلم انا هرجع مكتبي بدل ما اللواء يضايق انا كنت جاي اسلم عليك و امشي
مالك بابتسامة
حبيبي يا وائل
وائل ابتسم ليه وخرج بهدوء مالك كلم فهيم وقال
اسمعني كويس ونفذ اللي هقولك عليه يا فهيم مش عايز غلطة
في القسم
ناهد بعياط
حرام عليكم واقفين بتتفرجوا اعملوا حاجه ابني بضيع مني مليش غيره يارب بعد ابوه ده اللي احنا متحامين فيه يارب يارب خرجه ده غلبان و معملش حاجه يارب متحرقش قلبي علي ضنايا يارب
روفان بعياط
اهدي يا ماما صدقني هيخرج منها هيخرج مالك معملش حاجة متخفيش
احمد جه و معه المحامي
ناهد بعياط راحت علي ايد المحامي تبوسها المحامي شال ايده بسرعة وقال
في اية يا مدام
ناهد بعياط
ابوس ايديك ورجلك يا بيه خرج ابني ده غلبان دع ميعرفش يموت فار هيموت بني ادم يا بيه ابوس ايدك خرجه ده غلبان و معملش حاجه صدقني
المحامي بحزن
انا هعمل كل اللي اقدر عليه يا حاجة علشان يخرج بالسلامه اطمني بعد اذنك
دخل المحامي عند الظابط و ناهد قعدت تعيط تاني
محمد قرب من احمد وقال بضيق
هو مين هدفع حق الليلة دي محامي و مصاريف ملهاش اول من اخر
احمد بحتقار
انا يا خويا مش عايزين منك جنية اسكت ولا اقولك خد مراتك وامشي من هنا وجودك ملوش لازمة
محمد بضيق
ليه الغلط ده بس يا احمد مش عيب عليك
احمد بحزن
انت بني ادم معندكش ريحة الدم ولا الاحساس هما فيهم اللي مكفيهم مش ناقصيين رخامة و حرقة دم ياريت تسكت بقي
محمد رجع لمراته وهو مضايق من اسلوب تحمد معه
محمد لندي اللي منهارة من العياط
انتي بتعيطي ليه انتي كمان يا وليه
ندي بعياط
يعني اخويا يبقي محبوس و في قضية قتل و عايزني اعمل اية يا محمد
محمد بضيق
متعمليش يا اختي يلا علشان نمشي
ندي بصدمة
نمشي نروح فين يا محمد انت اتجننت ولا اية
محمد
هنروح بيتنا يا اختي وجودنا ملوش لازمة بدل ما نتزنق و ندفع في ام الليلة دي يلا خلينا نفلت بجلدنا و نروح بلاش احراج
ندي بصدمة
واخويا واخواتي و امي يقولوا اية علينا
محمد بعصبية
اللي يقول يقول انا مالي يلا يا بت قدامي بلا اخوكي بلا زفت خلينا نمشي مش ناقصة
كان مالك خارج من مكتبه وسمع كلام محمد و ابتسم بخبث
احبابه كتير اوي تميم ده حظك زي الزفت انه وقعك معايا يا تميم
قال كلامه وخرج من القسم وكمان محمد وندي خرجوا وراه
بعد نص ساعة خرج المحامي وبصلهم باسف
ناهد برعب
قولي اية اللي حصل متخببيش عليا علشان خاطر ربنا
المحامي بحزن
مع الاسف الادلة كلها ضده وحتي لو خد بدل الاعدام حكم مخفف مش اقل من خمسة و عشرين سنه سجن مش قدمنا غير اننا نستني تحليل DNA ونشوف هنعمل اية لو طلع الطفل مش ابنه ساعتها ممكن نحاول نشوف حل يخرجه من النصيبة دي انا خدت اذن علشان اتكلم معه ولكن الظابط قالي بكرة مش انهارده
احمد بحزن
شكرا يا متر اتفضل
ناهد كانت بتعيط بصمت
احمد بحزن
يلا يا امي خلينا نروح قعدنا هنا ملوش اي لازمة
وعلشان ترتاحي انتي تعبتي انهارده قوي
ناهد بعياط
اروح ازاي وضنايا مرمي مع المجرمين هو انا يجلي قلب ادخل البيت وابني نظري مش في البيت يجلي قلب ارتاح و ابني مش مرتاح و متبهدل ازاي يا احمد يارب كنت خدني قبل ما اشوف اللحظة دي حياة ابني علي المحك انا متاكدة ان ابني ميعملش كدة ليه يتهموه ده غلبان و يجري علي ولاية ومين البت دي اصلا ابني ميعرفش حد ولا عمره كلم بنات
احمد بدموع مسك ايديها وباسها
ابوس ايديك يا امي كفاية بلاش تتعبي نفسك اكتر من كدة وانا هوعدك هقوم محامي اكبر من ده كمان يترافع عنه و يحاول يخرجه مش هسكت وهعدل كل اللي اقدر عليه بس الله يخليكي اهدي و قومي معايا و اوعدك بكرة الصبح هجيبك يلا يا روفان ساعدوها
روفان وروان قربوا منها وساعدوها تقوم وسندوها لغاية العربية و كانت منهارة
وصلوا البيت و دخلت ناهد اوضة ابنها وقعدت علي السرير ومسكت اخر تشيرت كان لبسه علي السرير
و روان و روفان كانوا معاها
ناهد بعياط بحرقة حضنت التيشريت وقبلته
يا حبيبي يا ابني يا حرقة قلبي عليك ربنا يفك كربك ويخرجك منها يا ابني دا انا اموت لو حصلك حاجه يا ابني مقدرش اعيش من غيرك يا حبيبي يارب انا اول مرة اطلب منك حاجه ابني يارب خرجه يارب ده غلبان و بيطيعك يارب خرجه بالسلامة
متوجعش قلبي عليه
روان بدموع
كفايه يا ماما لو سمحتي صحتك
ناهد بعياط
انا هنام علي سرير تميم حبيبي لغاية ما يجي الصبح و اروح اشوفه
نامت ناهد علي السرير و روان غطتها
روان بدموع
روحي انتي يا روفان لاحمد لو محتاح حاجه انا معاها
روفان بدموع
حاضر
نامن ناهد و تليفون تميم رن لانه كان سايبه في البيت مسكته روان وكانت رفيدة
روان بدموع
الو
رفيدة بتوتر
تميم موجود
روان بدموع وكسره
تميم اتحبس يا رفيده
رفيدة بصدمة
اية
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عذاب الحب)
