رواية عذاب الحب الفصل الخامس عشر 15 بقلم مارلي إيهاب
رواية عذاب الحب الجزء الخامس عشر
رواية عذاب الحب البارت الخامس عشر
رواية عذاب الحب الحلقة الخامسة عشر
مالك بعصبية
انت مش قدي يا فهيم بلاش تخليني اتعصب عليك
فهيم بهدوء
لا انا قدك و قد عشرة زيك يا مالك بيه متخلنيش ازعلك انت مهما كان عقيد و مكانتك حساسة في الدولة بلاش تخلي معلومات تخرج كدة و لا كدة تضيع انا قولتلك اللي فيها تشوف حل يا اما مش هقع لوحدي
مالك بضيق
ماشي انا هتصرف بس انت هتساعدني
فهيم بهدوء
سوري يا باشا انا مش همد ايدي في اي حاجة تاني اللي جاي كله انت اللي هتعمله علشان انا مش ناقص جرائم تانية
مالك بعصبية.
انت عايزني اعرف حد غيرك انت مجنون عابزنا نبقي تحت راحمة الناس يا فهيم احنا عايزين نكفي علي الخبر مش ننشره و ناجر ناس احنا منعرفهمش كدة هنتفضح فكر كويس مش من مصلحتنا حد تاني يعرف حاجه
فهيم فكر لبعض الدقائق وقال بهدوء
ماشي يا باشا بس مش هعمل لوحدي انت هتشاركني في كل حاجه
مالك بضيق
ما انا مشاركك عايز اية اكتر من كدة
فهيم
اقصد مش مجرد انك ترمي اوامرك ليا وخلاص لاء انت كمان اللي هتقولي اعمله هتعمله معايا من حيث الفعل يعني لو قولتلي خلص علي حد هتيجي تقتله معايا
مالك بعصبية
لا انت اتجننت بقي ما انا كدة هتعرف يا غبي
فهيم بهدوء
بقولك اية يا باشا انا لولا اني محتاج القرش و الجنية انا مكنتش اشتغلت معاك و ندمان اني سمعت كلامك و قتلت بس اعمل اية مكنش قدامي حل غير كدة علشان خاطر اهلي انا لا مجرم ولا حرامي انا كنت شغال في الحراسة بس هو ضيق الحال متحسسنيش اني مجرم و انت الباشا انت زيك زي في كل حاجه
مالك بضيق
انا ما اجبرتكش يا فهيم انت اللي عملت كل حاجه بإرادتك و اخدت تمن اللي عملته
فهيم بسخرية
ايوة صح اخدت تمن اللي عملته بس علشان انا احتاجت الفلوس و لما طلبتها منك رفضت تديني ولا مليم و عرضت عرضك المبجل كان لازم اتصرف واجيب الفلوس و انت كنت عارف اني هوافق علشان انقذ حياة امي بس انسي اني ممكن اقتل تاني فاهم
مالك بضيق
انت مشترك في جريمة قتل تميم يعني لما ياخد اعدام انت السبب في موته لان انت القاتل
فهيم بعصبية.
وانت معايا مش لوحدي يا مالك بيه انا بلعن اليوم اللي جيت اشتغل معاك فيه اسمع بلاش تتعمل فيها واحد شريف و تشيلني ذنب واحد انا كنت مضطر علشان احمي امي من الموت
مالك ببرود واستفزاز
وانا كنت مضطر اخليك تقتل بسنت علشان متفضحش.
فهيم نظر له بغل وغضب وخرج من المكتب بسرعة وركب عربيته وذهب سريعا
في القسم كان تميم قاعد مع وكيل النيابة و بيحقق معه تاني
تميم بتعب
يا باشا هو ده كل اللي حصل انا لا نقصت كلمة ولا زودت كلمة اقسم بالله
وكيل النيابة حسام بهدوء
شوف يا تميم اكنا بندور بس مفيش اي دليل ظهر بس احنا مش هنسكت غير لما نلاقي اللي عمل كدة انت فرصتك بقت قوية قوي لانك ممكن تخرج برائة
تميم ابتسم بامل
يارب يا باشا ربنا يسمع منك
حسام بهدوء
حضرة الظابط وائل بيحاول يساعدنا هو كمان و بيدور معانا و الفضل يرجع ليه بعد ربنا يعني لولا كلامه كان زمانك اتحكم عليك بالاعدام لا قدر الله
تميم ابتسم
الحمدلله انا مش عارف اشكره ازاي هو تعب جدا معايا علشان يحاول يثبت برائتي ربنا يخليه يديله كل اللي بيتمناه علي اللي بيعمله معايا ده
حسام بهدوء
يارب يا تميم انت دلوقتي هترجع الحبس تاني لغاية ما نشوف في اخبار جديدة ولا لاء يا عسكري
العسكري
امرك يا باشا
حسام بهدوء
خد تميم ورجعه علي الحجز
العسكري
امرك يا باشا يلا معايا يا متهم
العسكري مسكه من ايديه ورجعه علي الحبس و تميم اتنهد بتعب وقال
يارب حلها من عندك بقي انا تعبت
///////
في بيت روان
روفان بعتاب
بس لنتي كنتي صعبة قوي مع ندي يا روان
روان بعند
انا مش غلطانة انا كل كلمة قولتها كنت صح فيها
روفان ابتسمت
يا روان ندي ام واي كان اللي عملته غلط بس غصب عنها انتي عارفة يعني اية ام تبقي في اختيار بين ابنها و اخوها و انتي عارفة كويس ان ندي لو خسرت حمادة عمرها ما هتقدر تجيبه تاني دي جابت حمادة بعد سبع سنين جواز مش سهل عليها تضيع حياة ابنها
روان بدموع
وسهل عليها اخوها يضيع و يموت بسببها
روفان
لا طبعا مش سهل عليها بس تميم خلاص الحمدلله ربنا فتح اكتر من باب و بنتمني يخرج برائة قريب وسامح ندي متجيش عليها بقي يا روان اكتر كفاية تأنيب الضمير اللي حاسة بيه
روان بضيق
حاضر يا روان هعمل اللي انتي عايزة
روفان بابتسامة
انا همشي هروح اخد الولاد من الحضانة و اجيبهم هنا
روان بهدوء
ماشي يا روفان متتاخريش
روفان بابتسامة
مش هتاخر مع السلامه
خرجت روفان وجلست روان وهي تنظر في صورة تميم و هي تتذكر كل ما حدث في بضعة ابام قليله
///////
في احدي الحارات الشعبية التي بيوتها علي وشك السقوط والدوشة الكثيرة و البائعين يبعون في الشارع وقف فهيم بالعربية و نزل منها و هو مضايق وقفه واحد وقال وهو يمسك مطوة في ايديه ويوجد في وجهه خياطة بسبب ضربه مطوة كبيرة قال ببرود وهو يدخن
اية يا برنس شايف معاك عربية جايبة من فترة كدة يا تري العز ده جه منين دا انت كنت بتشحت و تستلف من اللي رايح و اللي جاي يا فهيم
فهيم ببرود
خليك في حالك يا شبح علشان مشوهش وش امك اكتر ما هو هو متشوة خليك في حالك و ملكش فيه
قفل سيارته ودخل احدي العمارات المهلوكة و وقف امام احدي الشقق و طلع المفاتيح ودخل سمع صوت امه التي تقول بطيبة
اخيرا جيت يا فهيم اية يا بني بقالك اسبوع مدخلتش البيت
فهيم قرب من والدته وقبل يديها وقال بابتسامة
معلش يا اما بس كان عندي شغل مكنش ينفع اسيبه بس اديني جييت يا امل متزعليش نفسك و هفضل قاعد معاكي
امل بابتسامة
الحمدلله يا ابني انا هقوم بقي احضرلك الغداء
فهيم بابتسامة
معلش يا اما انا اكلت من بره متتعبيش نفسك انا عايز ادخل اريح و انام ساعتين كدة علشان اصحي و افوق و اقعد معاكي
امل بابتسامة
طيب يا ابني ربنا يعينك و يقويك يا ابن مصطفي قادر يا كريم
فيهم بابتسامة
يارب يا اما بعد اذنك
امل بابتسامة
اتفضل يا ابني
فيهم دخل غرفته وقف امام المرآة و هو يفك زراير قميصه ويخلعه و يتذكر الدافع الذي دفعه لتنفيذ امر مالك
فلاش باك
في المستشفى كان يقف فهيم وهو بيقول لدكتور بقلق.
قولي يا دكتور في اية امي مالها اول مرة تجي ليها الاعراض دي واول مرة يغمي عليها و تنزف دم في اية
الدكتور بعمليه
مع الاسف الست الوالدة عندها سرطان الثدي و هي لسه في الاول بس محتاجين نعمل عملية في اسرع وقت علشان خاطر نلحق الحالة و الوارم
ما يتنشرش في جسمها اكتر وساعتها مش هنقدر نعمل حاجه يا استاذ
فهيم بصدمة ودموع
بس جه من اية هي مكنتش بتشتكي من حاجة خالص اتاكد يمكن في حاجة غلط
الدكتور بعمليه
يا استاذ مفيش اي حاجة غلط دي حالة والدتك العملية هتتكلف 350 الف ولازم تتعمل في خلال الاسبوع ده يا اما هنتجه للكيماويّ و الست الوالدة مش هتستحمل الكيماويّ
فهيم بدموع
بس انا معيش المبلغ ده.
الدكتور بهدوء
اتصرف يا استاذ انا هعمل اية انا بلغتك بحالتها و انت شوف بقي هتقدر تعمل اية
وتركه و ذهب وفهيم جلس وهو يحاول كبت دموعه وخرج من المستشفى الحكومية سريعاً وركب تاكسي ووصل لفيلا مالك وخبط والخادمة فتحت له
دخل فهيم بسرعة بدون اخذ اي اذن واتجهه للمكتب و دخل بسرعة
مالك بعصبية
انت اتجننت ولا اية يا فيهم ازاي تدخل كدة
فيهم بدموع
لو سمحت يا باشا انا امي بتموت و محتاج فلوس ضروري 350 الف و هخدهم سلف او هشتغل ببلاش بس ارجوك اديني الفلوس
مالك بخبث
طيب اهدي بس وبعدين انا هديلك مليون جنية بس تعمل اللي هقولك عليه يا فهيم
فهيم بدموع
هعمل كل حاجه بس عايز 350 الف مش عايز حاجه تانية
مالك بخبث
حتي لو هتقتل يا فيهم
فهيم بصدمة
لا طبعا قتل انا مستحيل اعمل كدة
مالك بخبث
خلاص روح شوف غيري يديلك المبلغ ده وسيب امك تموت انا عملت اللي عليا و عرضت عليك عايز تعمل اللي بقوله هديلك الفلوس و زيادة مش هتعمل روح شوف غيري استلف منه و مفيش حد هيرضي يديلك مبلغ زي ده
فهيم بعصبية
لا هلقي انا استحالة اقتل انا شغال حارس علشان احمي مرات حضرتك من اي خطر مش شغال مجرم
مالك ببرود
خلاص براحتك يا فهيم انا مش هجبرك علي حاجة
خرج فهيم بعصبية وهو مصدوم من طلب مالك وراح يشوف حد يستلف منه ولكن كلهم قلفوا الباب في وشه ولم يري طريقة غير تنفيذ ما طلبه مالك مقابل المال حتي يعمل عملية والدته وفعلا بعد التنفذ اخد المليون جنية وعمل العملية لولدته ولكن يعيش شعور الندم و الخوف والقلق
باك
فهيم بدموع
يارب انت عارف اني كنت مضطر اعمل كدة علشان امي
سمع صوت رساله علي هاتفه من مالك فتح الرسالة و اتصدم من المكتوب
انا عرفت الطريقة اللي هنخلي تميم يلبس القضية دي و مش هيبقي فيها راجعة يا فهيم اخطف اخته روان
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عذاب الحب)
