رواية عذاب الحب الفصل الثلاثون 30 بقلم مارلي إيهاب

رفيدة كانت تقف امام والدها بصدمة وقالت
ازاي يعني يا بابا انا مش موافقة اتجوز الراجل ده لو اخر راجل مش هتجوزه
احمد بحدة
انتي مش هتمشي كلامك عليا يا رفيدة وانا خلاص اديت كلمه لمالك و هتتجوزيه الاسبوع الجاي و مسمعش ليكي نفس و كل اللي يطلب منك تعمليه و انتي ساكته
رفيدة بدموع
انا مش عايزة يا بابا بكره الراجل ده ارجوك يا بابا متعملش فيا كدة متظلمنيش كدة
احمد
هو انا علشان عايز اجوزك ابقي بظلمك يا رفيدة انا عايز مصلحتك و مصلحتك مع مالك راجل محترم و قادر يفتح بيت و في مركز مرموق في الدولة عايزه اية تاني انتي كنتي اصلا تحلمي تتجوزي واحد زي ده
رفيدة بكت وقال
مش عايزة انا مش عايزة
ليلي بضيق
ما خلاص بقي يا رفيدة ابوكي ادله معاد يعني انتي تجهزي نفسك علشان تتجوزي مش هنفضل نعيد و نزيد في الكلام
رفيدة بدموع
طب خلوها خطوبة ليه جواز مرة واحدة
احمد
هو مش عايز خطوبة هو سمعته كويسة وسط الناس و واحد في الاربعين يعني مش هيروح يخطب زي شاب في العشرينات هو عايز جواز علي طول
رفيدة بعصبية ودموع
ودي حاجه متشككش فيه يعني كلام مش مترتب علي بعض اية اللي مش عايز اعمل خطوبة علشان سني كبير انت بتقول اية يا بابا ولما هو سنه كبير رايح يطلب واحدة صغيرة في السن ليه
احمد بعصبية
بلاش تطلعي اي عيب في الراجل مفيهوش غلطة وانا سألت عليه في المكان اللي عايش فيه و الناس كلها بتشكر في اخلاقه ياريت بقي مسمعش منك اي اعتراض انتي فرحك الاسبوع اللي جاي وده اخر كلام عندي
خرج احمد بره الاوضة و ليلي كمان وتركوها تبكي بقهر
في الشارع كانت روان بتتمشي بليل وقبلت انس صديق اخوها الانتيم وقال بهدوء
ازيك يا روان
روان بهدوء
الحمدلله يا انس انت فين يا ابني مختفي بقالك كتير محدش بيشوفك
انس بضيق
هعمل اية بس يا روان اديني عايش في الدنيا مستني ربنا يخدني
روان بصدمة
اية اللي بتقوله ده يا انس حرام عليك استغفر ربنا مفيش حاجة تستدعي انك تقول كدة
انس بحزن
انا تعبان يا روان تميم كان مهون عليا كتير دلوقتي انا بقيت مقطوع من شجرة من كل النواحي حتي الشغل مش لقي و بقيت عاطل كمان
روان قعدت جنبه علي الدكة امام النيل
بكرة ربنا هيفرجها يا انس متفقدش الامل و تميم ربنا يرحمه ان شاء الله هتلقي شغل و كل حاجة هتتحسن بس انت اصبر
انس بحزن
اصبر اكتر من كدة يا روان انا بقيت حاسس اني عجزت من كتر ما شيلت الهم
روان
بكرة هتدبر يا انس بص هو في شركة انا عملت فيها انترفيو النهارده وكانوا طلبين عمال مكانيكيا للعربيات الملاكي اصل هي شركة يعني للاستراد و التصدير السيارات و عندهم في الشركة جزء للصيانه اية رايك تقدم فيها
انس بحزن
بس دول اكيد عايزين ناس متخصصين و معاهم شهادة انتي عارفة انا دبلوم تجارة
روان بامل
جرب يا. انس مفيهاش حاجة يعني روح بكرة و جرب
انس بامل.
يعني ممكن يوافقوا
روان
ليه لا بما انك عندك خبره ليه لا
انس بهدوء
ان شاء الله هروح اقدم امال انتي كنتي بتقدمي علي وظيفة اية
روان بهدوء
حسابات انت عارف انا متخرجة من تجارة ولقيت ان القاعدة في البيت وحشة جدا علشان كدة قولت ادور علي شغل و اشتغل
انس بابتسامة
ربنا يوفقك يا روان انتي تستهلي كل. خير
روان بهدوء
شكرا يا انس ده عنوان الشركة اللي هتروح تقدم عليها هو العنوان بعيد شوية بس ما يتوهش يعني يلا انا همشي علشان متأخرش سلام
انس اخدها منها الكارت وقال
سلام خدي بالك من نفسك
روان ابتسمت له و مشيت اما هو قال بهدوء
يارب اتقبل انا خلاص تعبت من كتر السلف من الناس
وقام روح علي بيته
اما في بيت ادهم كان قاعد و معاه وائل
وائل بابتسامة
اتصلت علي مكتبك الصبح قالوا انك مرحتش النهارده الجهاز
ادهم بهدوء
كنت في الشركة و اتنفخت انا عارف كان مالي انا ومال الشغل ده لولا ان ابويا كان موصيني علي الشركات بتاعته دي كان زماني بعتها و خلصت
وائل
حرام عليك يا اخي ده شقي و تعب ابوك. كله فيها
ادهم
علشان كدة انا مستحمل و بروح اشوف الشغل فيها بس بتعب لا عارف اديي شغلي حقه ولا الشركة حقها
وائل
طب ما تخلي حد مدير معاك. يا ادهم
ادهم.
انت عارف انا مش. بثق في حد يا وائل علشان اخليه يمسك. مجموعة شركات السيوفي
وائل
ربنا يعينك يا ادهم ان شاء الله كل حاجه هتبقي تمام
ادهم
سيبك مني المهم عملت اية مع حبيبتك
وائل بهدوء
لسه مدياني الطريحة مش عايزة تكلمني و بتعاملني معاملة زي الزفت
ادهم بهدوء
استحمل انت اللي جبته لنفسك يا وائل
وائل
اما نشوف انت هتعمل اية كل يوم مع بنت شكل مش ناوي تعقل بقي و تتجوز بدل المسخرة بتاعة كل ليلة انا جايبك من النايت كلاب ليك حق متعرفش توفق بين الشغلتين
ادهم ضحك
يا عم اهو بتسلي شوية علي ما تجي البنت اللي احبها و ساعتها بقي هبقي ليها هي لوحدها ومش هكلم حد
وائل بهدوء
ربنا يهديك يا ادهم وتلقي البنت دي قريب علشان تتلم
ادهم بهدوء
ان شاء الله المهم عملت اية في المهمة الجديدة سمعت انها صعبة
وائل
لا صعبة ولا حاجه دي في شوية عيال من بتوع الشوارع عاملين قلق و هربانين وان شاء الله هقبض عليهم
ادهم بابتسامة
ان شاء الله قوم خلينا ننزل شوية انا زهقت من قعدة البيت و برضه نشوف وشوش جديدة
وائل بابتسامة
هتاخدني فين بس يا ادهم البت كدة كدة مخصماني
ادهم
متقلقش هنروح نغير جوي في اي حتة و هنرجع مش لازم نروح نايت كلاب يعني
وائل بهدوء
ماشي يلا بينا
في بيت مالك كان قاعد بيبتسم وهو بيكلم احمد وبيقول بخبث
انت عارف يا عمي وجهه نظري تجاة الخطوبة انا مش عيل كل كام يوم اخرج مع خطيبتي و نفضل نتكلم ونتعرف علي بعض انا بحب الحاجه تبقي رسمي علي طول و نتعرف علي بعض في بيتنا وانا مش فاضي للخروجات و المكالمات
احمد. بهدوء
مفهوم يا بني وانا معنديش اعتراض ولا رفيده عندها اعتراض ان شاء الله كل حاجه كتب الكتاب هيبقي في المعاد اللي انت حددته بس احنا متفقناش انت عليك اية واحنا علينا اية اية رايك تجي بكرة و نتفق علي كل حاجه
مالك بهدوء
انا مش عايزيكم تجيبوا حاجه انا حتي شنطة هدومها مش عايزها انا الفيلا متكاملة مش ناقصها غير العروسة و كمان العفش اللي فيها كله جديد انا مجدده علشانها متتعبش نفسك و تجهزها
احمد باستغراب
ازاي بس يا مالك مينفعش دي بنتي ولازم اجهزها
مالك بابتسامة
صدقني انا مجهز كل حاجه واحنا اهل مفيش بنا الكلام ده ولا اية
احمد بهدوء
اللي تشوفه يا ابني بس انا كان نفسي اجهز بنتي زي اي عروسة
مالك بابتسامة
تتعوض في ليان ان شاء الله انت عرفت رفيدة علي موضوع الفرح انا مش هقدر اعمل فرح خالي لسه متوفي
احمد بتوتر
ايوة عرفتها و هي معندهاش مشكلة
مالك بخبث
تمام يا عمي ان شاء الله هجيلكم قبل كتب الكتاب وهتكون كل حاجه جاهزة و لو محتاجين اي حاجه انا موجود
احمد بهدوء
متشكر يا ابني مع السلامه
مالك بخبث
مع السلامه
قفل احمد. مع مالك وليلي قالت بتوتر
انا قلقانة يا احمد طريقته غريبة وبعدين لا عايز يعمل فرح ولا خطوبة و البت هتتجوز سوكيتي كدة يعني ولا اية انا شكة ان في حاجة في الموضوع ده
احمد بضيق
مفيش حاجة يا ليلي متقلقناش علي الفاضي و بعدين هي هتتجوز و هتعيش عيشة مكنتش تحلم بيها نهائي
ليلي بقلق
ماشي بس طريقته مخوفاني يا احمد
احمد بهدوء
هو بس بيحاول يعوضها عن حكاية الفرح و الجواز السريع ده بانه يجيب العفش و الجهاز كله لوحده
ليلي بقلق
ربنا يجيب العواقب سليمة يارب
احمد بهدوء
متقلقيش ان شاء الله خير
ليلي
ان شاء الله
/////
تاني يوم الصبح كان تميم قاعد مع مصطفى بيفطروا وكان باين علي تميم تعب بسيط
مصطفى بهدوء
انا كلت الحمدلله متنساش تاخد علاجك يا تميم علشان تفوق كدة
تميم بهدوء
مين اللي جاب العلاج ده انت ولا بتول انا بصراحة مش فاكر شوفت مين الاول
مصطفى بتوتر
انت شوفت بتول يا تميم
تميم بهدوء
ايوة كانت موجوده امبارح و فاكر انها عملت ليا كمادات كمان
مصطفى بتوتر
ايوة هي جات ولما لقيتك تعبان يعني جابت ليك العلاج ده علشان تبقي كويس
تميم باستغراب
وهي اية يجبها عندي بدري كدة المفروض اصلا ان في المعاد ده انا ببقي في الشغل عرفت منين اني موجود هنا
مصطفى بتوتر
عادي يعني ممكن جاية تتطمن علي المكان و تشوف في حد قاعد معاك. ولا لاء يا تميم
تميم بشك
انت عارف حاجه و مخبيها عني يا مصطفى مش عارف حاسس ان في حاجة غريبة.
مصطفي بتوتر
لا حاجه غريبة ولا حاجه هي جات تشوف المكان يمكن حد شاركك فيه ولا حاجه
تميم بهدوء
حد هيشاركني ازاي يا مصطفي علشان انا مش فاهم
مصطفى بتوتر وبان علي ملامحه و هو ينظر لملامحه التي يدل عليها الشك وعدم التصديق
مصطفى بتوتر
يعني حد من ولاد الشارع دخل يقعد معاك و انت طيب وممكن توافق يعني
تميم بتعب
امم كلامك غير مقنع وفي حاجه انت عارفها بس مخبيها بس براحتك علشان لو اللي في دماغي صح صدقني مش هيبقي ليا مكان وسطكم ابدا
مصطفى بحزن
ليه يا تميم وبعدين اية اللي في دماغك
تميم نظر له بحدة وقال
انت فاهم كويس انا بتكلم عن اية يا مصطفى بلاش ملوعة معايا انا
مصطفى بحزن
لا بجد عايز افهم منك انت اية اللي في دماغك علشان لو غلط اصححه ليك
تميم بضيق وغيظ
بتول بتحبني يا مصطفى صح هي قالت كدة امبارح بس انا كنت بين الا وعي ومش مركز و كنت عايز اتاكد
مصطفى بحزن
وفيها اية يا تميم
تميم بعصبية قام وقف
يعني اية فيها اية انت مجنون
مصطفى بحزن
لا مش مجنون انا بقول فيها اية يعني لو بتحبك وقالت ده
تميم بغضب
انا مش عايز الحب دي و مش معاها هي بذات ولا مع اي حد تاني فاهم انا استحالة
مصطفى بدموع
هي مش ذنبها انها اتولدت لقيت نفسها ملهاش اهل يا تميم انت المفروض متحسبهاش علي حاجة زي دي
تميم بغضب
انا اصلا واحد محكموم عليه بالموت فاهم يعني اية بالموت يعني لا انفعها ولا انفع غيرها و انا بحب واحدة و انت عارف كدة كويس بتتكلم وكانك مش عارف حاجه وبعدين انا استحالة ارتبط باي واحدة منهم كفاية قوي وانا شايف كل واحدة بتبقي في حضن كل واحد شوية ازاي يا مصطفى
مصطفى بعصبية
بتول مش زي سلوي ولا نجوي يا تميم متقارنهاش بيهم
تميم بغضب
وانا اية يخليني اصدقك ان شاء الله
مصطفى مسح علي وجهه بعصبية
انت شايف ان اللي انت بتقوله ده كويس يا تميم انت بتغلط جامد انت مشوفتش حاجة وحشة من بتول و لا عمرك شوفتها مع حد ليه ما تديهاش فرصة
تميم ضحك بتريقة ووجع
انت ليه محسسني ان انا عايش حياتي عادي حبيبي انا محكوم عليا بالاعدام و معيش بطاقة حتي تثبت هويتي ولا عايزني اعمل علاقة معاها في الحرام زي ما انتم بتعملوا و تبقي الحياة سهلة
مصطفى بضيق
لا يا تميم انا مطلبتش منك كدة بس انت مش عارف ربنا كتب ليك اية مش يمكن ربنا يظهر براءتك وتخرج منها
تميم بتريقة
ليه هو مش المفروض انا بالنسبة للحكومة ميت وبعدين سيبك من ده انا بحب روفيده و استحالة احب غيرها فاهم
مصطفى بضيق
ماشي يا تميم المهم انك متمشيش و بتول انا هخليها تبعد عنك خالص
تميم بغضب
ياريت يا همشي و اللي يحصل يحصل انا مش كل ما اروح حتي يطلعلي عفريت فيها انا عايز اعيش. مرتاح
مصطفى بحزن
حاضر انا ماشي
خرج مصطفى وهو حزين و اتصدم اما شاف بتول واقفه تبكي بصمت و باين علي ملامحها الصدمة و الالم و انها استمعت لكل كلام تميم
قرب منها بحزن ومسك ايديها وشدها بعيد عن العمارة و قال بحزن
بتول اهدي شوية مينفعش اللي انتي بتعمليه ده
بتول وضعت يديها علي وجهها تبكي بنهيار وبتقول
انا كنت عارفة استحالة يديني فرصة استحالة يحبني انا بنت الشارع و جاهلة و لقيطة ومشرفش اي حد ليه حق يقول كدة
مصطفى بدموع وهو بيطبطب علي كتفها
بتول انتي اقوي من كدة واحنا مش ذنبنا حاجة يا بتول دة قدرنا و نصيبنا ملناش ذنب فيه ربنا هيعوضك بلاحسن من تميم ميت مرة متزعليش نفسك.
جلست بتول علي الارض و ضمت رجليها لصدرها و وضعت راسها عليهم وهي تبكي بنهيار شديد و مصطفى يتأملها بحزن لا يعرف كيف يشفي جرحها لا يعلم كيف يطايب خاطرها الذي انكسر الي اشلاء قرب اليها و جلس بجانبها وقال بحزن
عياطك و انهيارك يا بتول مش هيغير حاجة اهدي وانتي حاولي تقربي منه وهو هيحبك
بتول بخوف وهي تمسح دموعها وقالت
لا لا ده قال لو قربت منه ممكن يبعد و هيسبني و هيمشي انا عندي اتأمله من بعيد احسن من يبعد عني و ما شوفش خالص مقدرش يا مصطفى
مصطفى بحزن
سبيها علي ربنا يا بتول و ان شاء الله خير
بتول بدموع
و نعمه بالله يا مصطفى انا راجعة العمارة بتاعتي
مصطفى بحزن
خدي بالك من نفسك يا بتول
بتول هزت راسها و مشيت وهي باين علي وجهه الحزن الشديد دخلت العمارة و كانوا كلهم قاعدين
سلوي بخبث
مالك يا بتول شكلك معيطة جامد انتي كنتي فين من الصبح و مصطفي كمان مبانش من الصبح
بتول بضيق
احترمي نفسك يا سلوي وبعدين مصطفى مش موجود من امبارح مش من الصبح و بعدين ملكيش فيه كنت فين
حسن
مالك يا بتول بتتكلمي معاها كدة ليه
بتول بعصبية
انتم هتحاسبوني ولا اية يا حسن يا خويا اللي مش عاجبه القاعدة هنا يغور في ستين داهية انتم هنا قاعدين بالفلوس و انا صاحبة المكان و بقولكم في ستين داهية كلكم
قالت كلامها ومشيت ودخلت الاوضة اللي بتنام فيها و قعدت تعيط بوجع و مسكت ايدها تعضها تكتم صراخها بوجع
//////
في بيت روان تليفونها رن و كانت نايمة وصحيت بنزعاج وقالت
الو
السلام عليكم الانسة روان عبد الرحمن
روان بهدوء
ايوة انا
انا سكرتيرة مستر ادهم و حضرتك اتقبلتي في الانترفيو. تقدري تجي كمان الساعة الشركة علشان تستلمي الشغل
روان بفرح
بجد
السكرتيرة
طبعا يا فندم وهاتي CV بتاعك. معاكي علشان هناخد نسخة منه
روان
حاضر مع السلامه
قفلت روان وقالت بابتسامة
الف حمد وشكر ليك يارب
قامت بسرعة اخدت شاور و لبست هدومها وكانت سوداء كالعادة خرجت من البيت ركبت تاكسي ووصلت علي الشركة بعد نص ساعة راحت وكان في تلاته موظفين واقفين مستنين المدير
روان بخنقة داخلها
اوف بقي هو كل مرة اجي فيها افضل مستنية كدة
قرب منها شاب من اللي واقفين وقال
صباح الخير
روان بجدية
صباح النور
انا حسام من المقبولين في الانترفيو
روان بهدوء
اهلا وسهلا
حسام حس ان معاملتها جدية و كائنها مش عايزة تتكلم
حسام باحراج
بعتذر لو ضايقتك انا بس متعود في اي مكان جديد اتعرف علي الموجودين
روان بهدوء
ولا يهمك
حسام بابتسامة
بعد اذنك
سابها حسام و بعد عشر دقايق وصل ادهم ودخل المكتب و الاربعة دخلوا المكتب وراه و معاهم السكرتيرة
ادهم بهدوء
اسف علي التاخير يا جماعة اتفضلوا اقعدوا
اقعدوا كلهم و ادهم للسكرتيرة
اتفضلي انتي يا ساندي
ساندي بدلع
حاضر يا فندم بعد اذنك
روان بصتلها بقرف ادهم خد باله منها و ابتسم ابتسامة خفيفة وقال
اتفضلي يا ساندي
خرجت ساندي وقال ادهم بجدية
شوفوا يا شبابا انا اختارتكم انتم الاربعة لان انتم كنتم افضل اللي اتقدموا لوظيفة كلكم في الحسابات اي غلطة هتبوظوا الدنيا كلها الناس اللي معندهاش خبره هتتدرب اول شهر و هياخدوا مرتبات عادي زي اللي عندهم خبرة انا مش هبقي موجود في الشركة علي طول ولكن مدرين القسم بتاعكم هيبلغني بكل حاجه مفيش تاخير غير مسموح بالاجازات غير يوم الجمعة فقط او في سبب شديد يمنعكم من الحضور تمام
كلهم ردوا
تمام يا فندم
ادهم بجدية استاذ محمود مدير الحسابات هيجي دلوقتي و هياخدكم معاه القسم علشان تتعرفوا علي الشغل واحدة واحدة
حسام بابتسامة
لو سمحت يا فندم هو مواعيد العمل هتبقي امتي يعني هتبقي من 8 الصبح
ادهم بهدوء
ايوة من 8 لحد 5 باذن الله
شوية و الباب خبط و دخل محمود رجل كبير في الخمسين من عمره
ادهم
خد الشباب يا استاذ محمود وعرفهم الشغل هيمشي ازاي
محمود
حاضر يا استاذ ادهم اتفضلوا معايا يا شباب
خرجوا كلهم معاه وبعد نص ساعة دخلت ساندي و قالت
في واحد اسمه انس عايز يقدم علي وظيفة الميكانيكا يا فندم
ادهم بهدوء
دخليه
خرجت ساندي و دخل معاها انس و هو متوتر
ادهم بهدوء
اتفضل استريح
انس قعد و كان متوتر ادهم ابتسم وقال
مالك متوتر كدة ليه اول مرة تشتغل
انس بتوتر
لا مش اول مرة انا بشتغل من صغري مكانيكي بس بصراحة انا معييش شهادة يعني غير دبلوم
ادهم بابتسامة
ده اللي موترك ييا سيدي متقلقش بما انك عندك خبره خلاص مش مهم الشهادة انت بقي بتشتغل في العريبات النقل الكبيرة ولا الملاكي
انس هدي شوية
ملاكي بقالي اكتر من 10 سنين شغال في المجال. ده
ادهم بابتسامة
خلاص ابدا شغل و ربنا يوفقك و نجرب فترة كدة شوف هترتاح في الشغل هنا ولا لاء
انس بابتسامة
ان شاء الله يا فندم
ادهم بهدوء
مش عايز تسأل علي المرتب
انس بابتسامة
اكيد هسأل بس اتثبت الاول و تتاكدوا اني بفهم في الشغل
ادهم بابتسامة
المرتب هنا بييبدا من 3000 جنية و كل ما تثبت نفسك في الشغل كل ما مرتبك هيعلي
انس
ان شاء الله يا فندم
ادهم
لو تحب تشتغل من النهاردة مفيش مشكلة
انس بفرح
ياريت يا فندم
ادهم بابتسامة دس علي زر الاستدعاء ساندي
ساندي بدلع
نعم يا فندم
ادهم بهدوء
اسمعي خدي استاذ انس وديه لقسم الصيانه و قولي استاذ مدحت انه شغال من النهارده
ساندي بابتسامة
حاضر يا فندم اتفضل معايا
انس بابتسامة
متشكر جدا لحضرتك
ادهم بابتسامة
لا شكر علي واجب اتفضل
خرج انس مع ساندي وادهم تليفونه رن وكان صاحبة اكمل
اكمل بضيق
انت فين يا ابني اللواء قالب الدنيا عليك تعالي
ادهم بهدوء
طيب جاي اهو سلام
قفل ادهم وخرج من الشركة بسرعة وراح علي الجهاز
///////
هنا ينتهي البارت و البارت طويل المرة دي اتمني تتفاعلوا التفاعل ضعيف جدا علي الرواية قولوا توقعتكم
يا تري ممكن تميم يحب بتول و لا استحالة
وهل بتول هتستسلم ولا هتحارب علشان يحبها
هل وائل ممكن في مهمته يعرف ان تميم عايش هو مصطفى ولا هيكونوا بعيد عنهم