رواية عذاب الحب الفصل الثاني 2 بقلم مارلي إيهاب
رواية عذاب الحب الجزء الثاني
رواية عذاب الحب البارت الثاني
رواية عذاب الحب الحلقة الثانية
في صباح يوم جديد في كمبوند كبير كان قاعد مالك هو بيتكلم في الفون بعصبية
يعني اية يعني يا فهيم انت هتهزر معايا بقولك البت دي انا زهقت منها وجبت اخري انت لازم تعمل اللي اقولك عليه بقولك تخلض يبقي تخلص هي واللي في بطنها انا مش ناقص وجع دماغ و لا قرف فاهم الموضوع ده يخلص النهارده
فهيم
امرك يا مالك بيه كل اللي حضرتك امرت بيه هعمله بس متنساش حلوتي يا مالك بيه
مالك بضيق
ليه يا خويا هو انا اكلت حقك قبل كدة وانا زي ما قولتلك كل حاجه تخلص النهارده انا مش ناقص وجع دماغ
فهيم
امرك سلام يا باشا
سلمي بتكبر
في اية يا مالك صوتك عالي كدة ليه
مالك ببرود
وانتي مالك انتي هتحسبيني انا حر في بيتي
سلمي بضيق
وانا مراتك ويا مالك ولازم تقدر اني عايشة معاك في البيت
مالك بضيق
بقولك اية يا سلمي انا دماغي وجعاني اتفضلي روحي شوفي انتي رايحة فين
سلمي بعصبية
بقي كدة يا مالك
مالك بضيق
انتي سمعتي انا قولت اية ولا اقولك انا رايح شغلي خليكي انتي
مالك مسك متعلقاته و لسه هيخرج سمع سلمي
مالك احنا لازم نتكلم احنا مش هنفضل كدة طول الوقت انا تعبت منك و زهقت
مالك ببرود
مش عجبك روحي علي بيت اهلك و متوجعيش دماغي يا سلمي
قال كلامه و خرج وركب عربيته المرسيدس موديل السنه وطلع علي امن الدولة
وبعد نص ساعه وصل ودخل مكتبه وقعد بتكبر
مالك بتكبر
يا عسكري يا عسكري انت يا زفت
العسكري بخوف
نعم يا فندم
مالك بعصبية
انت مش مرزوع بره مش بتتحرك اية اللي يخليك متردش من اول مرة يا غبي
العسكري بحزن
اسف يا فندم انا صدقني مسمعتش حضرتك يا فندم ولله
مالك بعصبية حدفه بالكوباية اللي قدامه وجات في صدرة ووقعت علي الارض اتكسرت و العسكري من صدمه متكلمش
مالك بعصبية
امشي غور هاتلي القهوة بلا قرف وتمسح الشاي اللي اتكب من الكوباية وتلمه الازاز انت اللي تلمه
العسكري بدموع
حاضر يا فندم بعد اذنك
خرج العسكري وهو مكسور اما مالك مسك تليفونه وبيتصفح مواقع التواصل الاجتماعي
والعسكري جاب مقشة وابتدا ينضف و يمسح الارض وخرج من غير ولا كلمة
وبعد شوية جاب ليه القهوة وقال
حضرتك تؤمر بحاجة تانية
مالك ببرود
اخرج بره
العسكري
حاضر
خرج العسكري و مالك قفل تلفونه و ابتدا يمسك الملف اللي قدامه و مركز فيه
دخل إحدى الظباط واسمه سليم يختلف عن مالك في الكثير طيب القلب ويعامل الجميع برحمة
سليم بهدوء
مالك بقولك
مالك
اممم
سليم
انت عرفت ان عرفات اتقبض عليه
مالك بهدوء
عرفت
سليم بهدوء
وعرفت مين اللي بيحقق معه
مالك بهدوء
سمير
سليم بهدوء
وانت عارف انه هيحاول يخرجه بكل الطرق لانه شمال يا مالك
مالك بهدوء
اعمله اية يعني يا سليم
سليم باستغراب
يعني اية نعمله اية نروح للواء و نحاول معه نمسك احنا القضية و نحقق معه
مالك بهدوء
لو اللواء عايزنا نمسك القضية كنا مسكنها ية سليم علشان متحرجش نفسك ولا تحرحني معاك عايز تروح تجرب جرب انا مش فارق معايا يخرجه و يطلعه براءة او لا مش. فارق. معايا
سليم بصله بضيق وخرج من غير ولا كلمة
في أحد المناطق الشعبية
باب خبط علي احد الشقق فتحت بنت ولسه هتصرخ كان دخل الشقة وكتم فمها حاولت تبعده ولكن مقدرتش كان لابس جونتي و كتم نفسها وهي حاولت تبعده ولكن مقدرتش لغاية ما التقت أنفاسها الاخيرة وطلعت للي خلقها
وقعت علي الارض اما هو خرج بدون ما احد يحس بشئ
ركب عربيته واتصل علي مالك وقال
فيهم
كله تمام يا مالك بيه و البت البقاء لله
مالك ابتسم بخبث
هبعتلك فلوسك علي حسابك
فهيم
من يد ما نعدمها يا باشا سلام
مالك قفل الخط و هو فرحان انه تخلص من هذا العقبة
في الحارة كان تميم في الورشة وشغال هو وانس
المعلم سيد
تميم تعالي عايزك
تميم بهدوء
حاضر يا معلم
سيد و تميم دخلوا المكتب و قال سيد
مش عايز تبقي في مكانة اعلي من كدة يا تميم
تميم باستغراب
تقصد اية يعني يا معلم
سيد بخبث
يعني بدل ما تبقي صبي في ورشة تبقس صاحب ورشة
تميم بهدوء
وده بقي تمن اية بظبط
سيد بخبث
اختك روان عايز اتجوزها
تميم حاول يتمالك اعصابه وقال
وحضرتك مش عارف انها مخطوبة وعلي وش جواز ولا اية
سيد بخبث
اية يعني كل شئ قسمه و نصيب قولت اية ده غير اني هخليك حاجة تانية
تميم ببرود
لا معلش يا معلم مش هينفع وبعدين انت بتغريني باية انت مش واخد انت فاتح ورشة في حتة شعبية و الرجل عليها مش كتير زي ما انت عارف وحتي لو كتير انا مش ببيع اختي علشان خاطر المصلحة وبعدين انت متجوز بدل الست تلاته و عندك بدل العيال سبعة ماشاء الله يعني اما اختي دي لسه اول جوازة ليها والعريس ده اول بختها وهي اول بخته مش هخليها تسيبه علشان تتجوزك انت
سيد بغيظ
بقي كدة ده اخر كلام عندك
تميم ببرود
معنديش غيره
سيد بغيظ
يبقي ملكش اكل عيش هنا يا تميم و تتفضل من هنا بقي و من غير مطرود
تميم ببرود
وماله
تميم خرج من الورشة متعصب و انس قال
تميم في ايه انت رايح فين
ولكن تميم مردش علية وانس دخل للمعلم وقال
هو في ايه يا معلم هو تميم راح فين
سيد بعصبية
اتطرد يا سيدي تحب تحصله
انس بصدمة
طب ليه هو عمل حاجه
سيد بعصبية
وانت مال اهلك غور علي شغلك بلا قرف ووجع دماغك مش عجبك اتفضل في ستين داهية وراه
انس اتعصب
انت بتكلمني كدة ليه ولا علشان شغال عندك هتقل ادبك معايا وانا هسكت وياعم غور انت وشغلك في ساعة واحدة مفكر نفسك فاتح الورشة في جردن سيتي
قال كلامه وخرج وهو متعصب واتصل علي تميم اللي رد وقال
ايوة يا انس
انس بعصبية
انت ياعم انا مش بنادي عليك مش بترد ليه يا تميم
تميم بضيق
انا مضايق مكنتش قادر ارد عليك وعلي العموم انا مش جاي الشغل تاني
انس بعصبية
ولا انا سيبت الشغل
تميم بصدمة
ليه ياعم
انس بعصبية
بكلمه بقوله في اية قعد يهلفطت بالكلام ويهني روحت قولتله غور انت و شغلك
تميم
ليه كدة يا انس انت عارف مش هنلقي حاجه بسهولة
انس بحزن
انت عارف اننا دايما مع بعض يا تميم و ان شاءلله هنلقي شغل لينا احنا الاتنين متشلش هم حاجه
تميم بضيق
ان شاءلله انا هقفل دلوقتي وهبقي اكلمك بعدين علشان نتفق و ننزل ندور علي شغل
انس بهدوء
تمام مستني مكالمتك سلام يا صحبي
تميم بحزن
مع السلامه
قفل انس ومالك طلع بيته وكانت ناهد قاعدة مع روان و بيهزروا واستغربوا لما شافوا مالك بيقفل الباب
ناهد بقلق
اية يا تميم اللي رجعك بدري مش بعويدك انت تعبان
تميم بضيق
لا يا ماما اطردت
ناهد بصدمة
يا لهوي يا تميم ليه كدة يا ابني حصل اية
تميم بعصبية
الزفت سيد حاطط عينيه علي اختي وقال اية عايز يتجوزها و تسيب خطيبها مقابل يجبلي ورشة
ولما رفضت طردني
روان بصدمة
ازاي الكلام ده هو اتجنن
ناهد بحزن
معلش يا ضنايا بكرة تلقي شغل تاني في مكان احسن من ده
تميم بحزن
انتي عارفة اللي مزعلني ان انس كمان اتاخد فب الرجلين وساب الشغل يا ماما لما المعلم سيد هانه وقل منه
ناهد
ربنا ينتقم منه الظالم الراجل ده مش بيرحم اي ست حاطط عينيه علي كله كدة حسبي الله ونعم الوكيل فيه قوم يا حبيبي غير هدومك و كل لقمة كدة وريح شوية
تميم بضيق
مليش نفسي يا ماما بعد اذنك
دخل تميم اوضته وهو مضايق غير هدومه واتصل علي رفيدة
رفيدة بحب
وحشتني يا تميم
تميم بحزن
وانتي كمان يا رفيدة
رفيدة لاحظت انه زعلان
مالك يا تميم في حاجه
تميم بحزن
اتطردت من الشغل يا رفيدة
رفيدة بصدمة
ليه بس يا تميم
تميم حكي ليها كل حاجه
رفيدة ابتسمت
خلاص متزعلش نفسك يا تيمو اقولك تجي نخرج انا و انت نروح اي مكان متقلقش مش هصرفك هنقعد علي الكورنيش نتكلم سوا اية رايك
تميم بابتسامة
شايفك بتتكلمي بقلب جامد مش خايفة حد من اهلك يشفوكي
رفيدة بحب
لا اصل هما عند عمي في الاسكندرية مش موجودين و بعدين الكورنيش بعيد عن المنطقة دي بيجي نص ساعة قولت اية
تميم بابتسامة
تعالي يا ستي نخرج
رفيدة بفرح
هجهز في ثواني يا تيمو
تميم بابتسامة
طيب وانا كمان هجهز علي طول واكلمك و هستناكي علي اول الشارع
رفيدة بحب
طيب يا قلبي مع السلامه
تميم بابتسامة
مع السلامه
قفل تميم مع رفيدة و ابتدا يلبس احسن حاجه عنده وحط برفان وسرح شعره وكان وسيم جدا حاول يتخلص. من شحم اللي في ايده ولكن كان صعب اتنهد بص في المرايا وهو بيبص لنفسه برضه
خرج وناهد قالت باستغراب
رايح فين يا تميم يا ابني
تميم بابتسامة
مفيض هخرج شوية مش عايز اقعد في البيت ويمكن القي شغل و انا ماشي
روان بخبث
بقي متشيك كدة و طالع ولا كانك عريس رايح يتجوز علشان تدور علي شغل يا تيمووو
قالت الاسم بخبث وهو بصلها بابتسامة و تحذير
خليكي في حالك وفي خطيبك و ملكيش دعوة بيا انتي فاهمة
ناهد باستغراب
في اية يا روان انتي عارفة حاجه ولا اية
تميم بهدوء
هتعرف اية يعني يا ماما يلا انا ماشي
ناهد باستغراب
مع السلامه يا ابني ربنا يستر طريقك
تميم خرج وطلع علي اول الشارع و اتصل علي رفيدة
رفيدة
خمس دقايق وهبقي عندك
تميم بهدوء
مستنيكي
بعد خمس دقايق كانت واقفة قدام تميم اللي بص للبسها بغيظ
رفيدة لاحظت وقالت
في اية بقي يا تميم بتبصلي كدة ليه
تميم بضيق
انا قولتلك ميت مرة متلبسيش بناطيل ضيقة كدة يا رفيدة و تدخلي شعرك جوه الحجاب مش نصه بره لبسه الحجاب ليه بقي علي لبسك ولا شعرك اللي مخرجه بره
رفيدة بضيق
يوة يا تميم يا اخي ما انا لبسي واسع اهو وبعدين الحجاب ده الموضة ما كل البنات بتعمل كدة ولا انت لازم تطلع ليا حجة علشان تتخانق معايا و تضايقني
تميم بضيق
انا اسف ليكي يا رفيدة يلا بينا
رفيدة مشيت معه وهما الاتنين كانوا ساكتين ومحدش فيهم بيتكلم رفيدة اتعصبت منه وقالت
انا هروح مفيش داعي للخروجة دي بعد اذنك
رفيدة لسه يدوب اتحركت من جنبه وهو مسك ايديها وقال بحزن
في اية يا رفيدة
رفيدة بضيق
انت بتسأل اول ما تشوفني تتخانق معايا علي اللبس و التاني ماشي معايا ساكت وقالب وشك يبقي مفيش داعي للخروجة
تميم بحزن
معلش انا مضايق بسبب حكاية الشغل يا رفيدة استحمليني مش قادرة تستحمليني شوية
رفيدة بابتسامة
انا استحملك العمر كله يا تميم ده انت الحب و العشق عمري ما حبيت راجل غيرك ولا يملي عيني غيرك يا تميم بس بزعل لما بحس انك مش عجبك لبسي رغم انه محتشم ومش ضيق بس بتحسسني اني غلط و الطرحة معاك حق فيها بس انا مش هعمل حاجه زي دي تاني و هدخل شعري في الطرحة انا ميهمنيش غير انك متزعلش نفسك يا تميو لو سمحت علشان خاطري.
تميم بابتسامة
خاطرك غالي عندي اوي يا رفيدة
رفيدة بهدوء
طيب تعالي نقعد علي الدكة دي و نتكلم بهدوء
تميم بابتسامة
طيب يا ستي اقعدي
رفيدة بابتسامة
قولي بقي يا تميم بتخطط ليه
تميم بهدوء
مش عارف بس هدور في الورش اللي جنبنا انا و انس يمكن حد يرضي يشغلنا
رفيدة بهدوء
هيشغلوك اكيد انتم خبره هيرفضوكوا ليه
تميم بهدوء
مفيش شغل في البلد يا رفيدة وكل واحد ماسك في شغله بايده و سنانه اوعي و المرتبات قليلة فبالتالي مفيش شغل
رفيدة بابتسامة
ان شاءلله هتلقي.
تميم بابتسامة
المهم قوليلي انتي اهلك رحوا اسكندرية ليه و سابوكي
رفيدة بهدوء
اصل مرات عمي اتوفت انهارده وانا مش بحب اروح اسكندرية بابا اخد ماما وليان و اياد وراحوا و انا قاعدة لوحدي في الشقة
تميم بابتسامة
خدي بالك من نفسك هيفضلوا في اسكندرية قد اية
رفيدة بهدوء
مش عارفة بس اكيد لغاية التالت ما يخلص
تميم بابتسامة
الله يرحمها تعالي اما اروح اشتريلك دره
رفيدة مسكت ايده وقالت
اقعد انا مش عايزة حاجة وبعدين الفلوس اللي معاك وفرها لغاية ما تلقي شغل
تميم ابتسم
معايا متقلقيش كنت مدكن قرشين كدة للحوجة يلا تعالي
رفيدة بابتسامة
واية يعني برضه اللي معاك وفرهم برضه
تميم بابتسامة
يا بت اسمعي الكلام ومتتعبنيش قومي
رفيدة بابتسامة
طيب يلا
راح تميم و اشتري جوزين دره مشوي و هي فضلوا يتكلموا كتير وبعد ساعتين وصلها تميم لاول الشارع وروح علي بيته
في بيت البنت اللي اتقلت
كانت البنت قاطعة النفس وامها كانت بتصرخ بقهر وعياط.
يابنتي يا اني الحقوني يا ناس بنتي يارب اية اللي حصلك يا حبيبتي الحقوني يا ناس
مالك يا ست ام بسنت في اية يا اختي بتصرخي كدة ليه بسم الله الرحمن الرحيم مالها البت اطلب يا سعيد الاسعاف
ام بسنت بعياط
البت قاطعه النفس يا اختي ووشها ازراق زي الاموات بنتي راحت مني بنتي ااااه يارب ليه كدة مليش غيرها يارب دي سندي وضهري يارب ليه كدة كنت خدني هي وسيبها بدل ما تكفني هي اكفنها انا ياااااارب الرحمة
ام سعيد بعياط
اهدي يا اختي اهدي ان شاء لله خير وهتبقي كويسة متخفيش الاسعاف وصلت اهي قومي
الاسعاف دخلت وشالتها وركبت امها معاها وصلوا المستشفى و بعدين نص ساعة خرج الدكتور وهو بيقول
البقاء لله المدام ماتت هي و الجنين ودي جريمة لانها. ماتت مخنوقة و هتتحول علي المشرحة علشان نعرف الخنقة دي حصلت ازاي
ام بسنت بصدمة وعياط
جنين جنين اية دي انسة
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عذاب الحب)
