رواية عذاب الحب الفصل الثالث عشر 13 بقلم مارلي إيهاب
رواية عذاب الحب الجزء الثالث عشر
رواية عذاب الحب البارت الثالث عشر
رواية عذاب الحب الحلقة الثالثة عشر
في ارض المحكمة كان الجميع يقفوا مذهولين من الصدمة التي حلت بهم واولهم تميم الذي انزل راسه ينظر للأرض حتي لا يروا الاخرون صوت بكائه
روان بنهيار
اية يا حقيرة اللي انتي بتعمليه ده بتشهدي علي اخوكي يا واطية خدتي كام علشان تشهدي عليه
القاضي بعصبية خبط بايده وقال
اسكتي انتي في محكمة مش عايز اسمع نفس يا اما هحطك في الحجز جنبه
احمد بحزن
اسكتي يا روان دلوقتي
روان جلست تبكي بقهر هي و روفان
القاضي
اتفضلي يا مدام
ندي كانت تمشي وجسدها كله يرتعش من الرعب و شفتيها زرقاء وقفت في المكان المخصص لها.
القاضي بهدوء
قولي اقسم بالله العظيم اقول الحق
ندي كانت بتحرك شفتيها حتي تقدر علي الكلام
ودموعها تنزل بقهر وتنظر لعيون تميم الذي ينظر لها بصدمة
القاضي بهدوء
انت حد جبرك انك تجي تشهدي علي اخوكي
ندي بدموع وقهر
ل. ا يا سيادة القاضي ب. س صعب عل. يا اجي اشهد علي اخويا
القاضي بهدوء
قولي اقسم بالله العظيم انا هقول الحق
ندي بدموع وهي تنظر في الارض
اقسم بالله العظيم انا هقول الحق
القاضي بهدوء
احكيلي بقي شوفتي اية علي اخوكي مع المجني عليها بسنت
ندي بدموع وهي ترتعش
كنت عارفة انه علي علاقة بيها و كنت بحاول اخليه يبعد عنها بس هو مكنش بيسمع كلامي و كان مصر انه يقرب منها
القاضي بهدوء
وانتي كنتي بتحاولي تبعديه عنها ليه
ندي بدموع
علشان هو مكنش بيحبها هو كان بيتسلي معاها مش اكتر و هو قالي كدة انه شايف بنت جميلة ومعجبة بيه ليه يسبها
روفان بعصبية وعياط
اية اللي انتي بتقوليه ده حرام عليكي
القاضي بعصبية
اي حد هسمع صوته هيتحبس جنبه مفهوم كملي كلامك يا مدام عمره قالك انه راح ليها البيت
ندي بدموع
لا مقليش كدة كل اللي كان بيقوله انه ماشي معاها و بيقابلها في مناطق بعيدة عن الناس و مرة فتحت التليفون القديم بتاعه علشان اتكلم مع واحدة صحبتي وفتحت الشات علشان اطمن كان بينهم رسائل يعني مينفعش اي اتنين متجوزين حتي يقولوه علي التليفون
القاضي بهدوء
فين التليفون ده
ندي ببكاء
التليفون ده اتحرق و اترمي من زمان
القاضي بهدوء
عندك حاجة تانية عايزة تقوليها
ندي ببكاء
لا يا فندم
القاضي بهدوء
اتفضلي مكانك نادي يا ابني علي الشاهد التاني
الشاهد سماح احمد جاره المجني عليها
سماح نظرت في عين هدي ام بسنت اللي كانت بتبكي بقهر
القاضي بهدوء
قولي اقسم بالله العظيم انا هقول الحق
سماح بتوتر
اقسم بالله العظيم انا هقول الحق يا بيه
القاضي بهدوء
شوفتي تميم قبل كدة دخل الشقة بتاعة المجني عليها
سماح بتوتر
كتير يا بيه اصل انا المطبخ بتاعي باصص علي المنور عندهم و كانوا يعني لامواخدة في اوضاع مش كويسة و هي ربنا يرحمها يعني كانت بتدخله الشقة و بتفتح باب الشقة وهي كانت بقميص نوم يا بيه
القاضي بهدوء
وانتي بقي كنتي قاعدة مراقبها علي طول بتشوفي مين داخل و مين خارج
سماح بتوتر
لا يا بيه بص انا اصلي بسيب باب شقتي مفتوح فا جت في مرة وانا خارجة ارمي الزبالة لقيتها بتدخلوه الشقة وهي بقميص النوم قفلت الباب وسكت يا باشا وقولت انا عندي ولايا مليش دعوة بس هي كانت استغفرالله العظيم ماشيها بطال
القاضي
شوفتيه كام مرة
سماح بتوتر
شوفتهم مرة واحدة وهو داخل الشقة و مرة و هو في المنور
القاضي بهدوء
عندك حاجة تانية تقوليها
سماح بتوتر
لا يا بيه
قاطع وائل القاضي بهدوء
وائل بهدوء
لو سمحت يا سيدي القاضي تسمح ليا اقول كلمة
القاضي بهدوء
انت مين
وائل بهدوء
انا المقدم وائل اللي ماسك قضية تميم
القاضي بهدوء
اتفضل يا حضرة الظابط
وائل بهدوء
الست سماح لما كنت في المستشفي وقت حدوث الجريمة سألتها علي اخلاق البنت دي و قولتلها عمرك شوفتها ماشية مع حد طريقتها في الشارع مع الناس اجابتها كانت مختلفة تماما سيدي القاضي قالتلي البنت في قمة الادب و الاخلاق مش عارفة ازاي تعمل غلطة زي علي انها تحمل من الحرام ازاي بقي. دلوقتي بتقولي كانت ماشية بطال وانتي قولتي انها كانت علي خلق يا مدام سماح
سماح عرقت والمياه كانت تنزل من وجهها
القاضي بهدوء
ردي يا مدام علي سؤال حضرة الظابط الكلام ده حصل
سماح بتوتر وخوف
لا يا فندم انا مقولتش ليه كدة كلامي متغيرش
القاضي بهدوء
انتي عارفة انك بتكدبي مقدم في المباحث الجنائية
سماح بتوتر
مقصدش اقسم بالله يا بيه بس انا فعلا مقولتش كدة
القاضي بهدوء
رد يا حضرة الظابط
وائل ابتسم
ولله يا فندم انا ممكن اجبلك صورة من التحقيق دلوقتي حالا ونشوف اذا كانت قالت ولا لاء
القاضي بهدوء
اية رايك يا مدام سماح
سماح بتوتر وخوف وعيونها دمعت
لا يا باشا انا افتكرت يا باشا انا فعلا قولت الكلام ده لحضرة الظابط بس ده لاني مكنتش عاوزه اوسخ سمعة البت قصاد الناس لكن هنا انا في محكمة وبقسم بالله مش هقسم بالكذب
يا بيه
القاضي
اية رايك في الكلام ده يا حضرة الظابط
وائل بهدوء
رائ ان لما الشاهد يغير شهادته اذا كان في تحقيق عادي او شهادة في محكمة يبقي واحد كذب و مدفوع ليه علشان خاطر يغير كلمته اللي في التحقيق
سماح بتوتر وخوف
صدقني ابدا انا مخدش جنية حرام ابدا انا بقول الحقيقة بس
القاضي بهدوء
واحنا اية يخلينا نصدقك و انتي كذبتي في الاول مش يمكن شهادتك دي زور و انتي لا شوفتي حاجة و بتقولي كلام انتي حافظاه
سماح بدموع
ابدا يا بيه اقسم بالله
وائل بهدوء
تسمحلي يا سيدي القاضي اتكلم شوية معاها
القاضي بهدوء
اتفضل
وائل بهدوء
كانت لبسه قميص نوم لونه اية يا سماح اكيد شوفتي لونه مش كدة وشكله و تميم كمان كان لابس اية و لونهم وشكلهم
كل اللي في القاعة ضحك ما عدا اهل تميم و بسنت
سماح بتوتر
القميص لونه احمر يا باشا
وائل بابتسامة
وشكله
سماح بتوتر
كان مفتوح من الصدر و طوله من قبل الركبة و عليه وردات كدة لونها احمر
وائل بهدوء
تميم
سماح بدموع
كان لابس قميص وبنطلون عادي
وائل ابتسم
ايوة شكلهم اية عايز اعرف
سماح بدموع
كان لابس قميص ابيض و بنطلون كحلي مقطوع من البناطيل بتاعة الشباب
وائل بهدوء
يا تميم عندك هدوم نفس الوصف ده
تميم بصوت محشرج والدّمْع في عيونه
انا عندي قميص ابيض و بنطلون كحلي بس مش مقطوع انا مش بلبس بناطيل مقطوعة
وائل بهدوء
تمام يا تميم يا ام بسنت بنتك عندها قميص نفس الوصف ده
هدي ببكاء
انا بنتي مش بتلبس اي قمصان نوم و معندهاش اساساً ولو روحتوا فتشتوا في دولابها مش هتلقوا حاجه غير بيجامات عادية
خالص يا بيه حسبي الله ونعم الوكيل في اللي بيجيب في عرض وشرف بنتي
وائل بهدوء
اية رايك يا سماح في كلام جارتك حبيبتك ام بسنت مش صاحبتك دي برضة يا سماح
سماح بتوتر
يا باشا مفيش ام عايزة تقضح عيالها
وائل بهدوء
صح انتي صح يا سماح بس تفتكري لو روحنا فتشنا زي ما مدام هدي بتقول هنلقي القميص اللي بتقولي عليه
سماح بتوتر
اكيد لا لان عدة علي الموضوع ده سنتين يا حضرة الظابط يعني ممكن تكون رميته او عملت في اي حاجة
وائل
وانتي بتقولي اكيد ليه احنا الشعب عمتاً الهدوم بتقعد بالسنين عندنا و مش بتترمي هي هترمية ليه اية اللي مأكدلك يا سماح انها رمته مثلا
سماح بدموع
انا بقول ممكن تكو
وائل بهدوء
تؤ تؤ تؤ انتي قولتي يا سماح اكيد لا انا مركز طب بلاش السؤال الرخم ده قوليلي اليوم اللي جه فيه بالتاريخ كدة
سماح بدموع وتوتر
انا مش فاكرة يا باشا اليوم. وكان امتي
وائل بخبث ابتسم
يا سماح يعني فاكرة لون القميص وشكله و هدوم تميم ومش فاكرة اليوم اللي حضر فيه يا سماح قولي كان موجود امتي بظبط
سماح بدموع غمضت عنيها وسكتت شوية وقالت
جه سنة 2021 شهر اكتوبر 9 قبل يوم عيد ميلاد ابني سعيد
المعلم سيد بسرعة
تسمح ليا اتكلم بعد اذنك يا بيه
القاضي بضيق
انت مين انت كمان
المعلم سيد
تميم. كان شغال عندي يا بيه وفي اليوم ده اللي الست قالت عليه قعد بتاع شهر في اسكندرية في محطة الرمل كان بيخلص ليا شغل هناك و حتي يوميها حاولت ليه فلوس كاش حاولي الفين جنية علشان احتاجهم في الشغل اللي باعته ليه الست دي كدابة يا بيه وبعدين تميم كان شغال معايا من ست سنين لما كان قاعد في منطقة اللي اسمها بسنت دي وكان بيمشي من عندي من الورشة الساعة واحدة واتنين بليل لما بيكون عندنا شغل و كان نعه انس بيروحوا سوا دايما يعني طول الوقت معانا و الامانة لله يا باشا عمره ما رفع نظره علي اي واحدة ست معدية يا باشا دي شهادة ربنا يحاسبني عليها اقسم بالله ما كدبت بحرف و حتي يا باشا هوري لحضرتك الرسالة اهي دقيقة هدور عليها
وفعلا فضل سيد يدور علي الرسالة لحد ما لقها بعد نص ساعة
المعلم سيد قرب بسرعة وقال
اتفضل يا باشا دي الرسالة اللي تم التحويل فيها في اليوم ده
وائل كان مبتسم بفرح
القاضي بص في الرسالة وكان كلام سيد مظبوط
اتفضل اقعد مكانك دلوقتي
وائل بهدوء
دلوقتي يا سيدي القاضي اللي بان ان سماح بتكدب و ان في حد دافع ليها علشان خاطر تشهد شهادة زور و تعلق حبل المشنقة علي رقبة انسان و ممكن كمان شهادة الاخت تبقي كمان مزورة وكدب لان مهما كان عمر ما في اخت هتشهد علي اخوها و تلف حبل المشنقة علي رقبته يبقي واخدين فلوس تمن شهادتهم دي السؤال الاهم هنا مين اللي دافع ليكم علشان تشهادوا زور
سماح ببكاء
انا مش بكدب يا باشا انا
القاضي بعصبية
اخرسي ولا كلمة لسه ليكي عين بس قوليلي الاول مين اللي دافع ليكي علشان خاطر تقولي الكلمتين دول و لو كدبتي هدخلك السجن و مش هتخرجي باقية عمرك كلها
سماح بعياط
انا يا بيه جه امبارح واحد وطلب مني اقول الكلام اللي قولته في الاول قبل ما الظابط بيتكلم وادني 100 الف جنية وانا معرفش لا شكله ولا حاجة هو واحد بعتلي رسالة علي التلفون وقالي تقولي الكلام ده وبعدين لما حاولت اسأله قالي ميخصكيش وبعتلي 50 الف جنية وقالي لو مروحتيش شهادتي هتزعلي مني و هتحصلي بسنت انا وافقت علشان بنتي علي وش جواز و انا محتاجة اتفضل دي الرسائل اللي بعتها
القاضي بهدوء
دي مكلمك من علي الماسنجر مش من رقم فون
خد يا حضرة الظابط اكشف لي علي الحساب ده فوراً
القاضي
طيب ف بعتلك الفلوس ازاي
سماح بدموع
انا لقيت كيسة قدام البيت فيها فلوس يا باشا و قالي دي اول دفعة و التانية بعد الشهادة
القاضي
يا عسكري خدها علي الحجز دي متحولة للتحقيق
لغاية ما نشوف هنعمل معاها اية وابعت حد بيتها يجيب الفلوس منه
كانت سماح تصرخ وبتقول وهي بتعيط
انا اسفة يا باشا مش هعمل كدة تاني ابوس ايديك ياباشا
ولكن العسكري خرجها بره و حطها في الحجز
وائل بهدوء
سيدي القاضي بان قدامنا دلوقتي ان في حد مصر انه يلبس القضية لتميم وانه اللي شهدوا شهدوا زور وكذب مش كدة يا مدام ندي
ندي بقهر ودموع
ايوة يا حضرة الظابط
القاضي بعصبية
وانت بقي ادولك كام علشان تبيعي اخوكي
ندي ببكاء
ما اخدتش فلوس يا باشا انا ابني مخطوف مني الصبح راح المدرسة عادي علشان وراه امتحان كلموني وقلولي ان ابني اتخطف و بعتوا ليا صورته واني لو مقولتش كدة هيموتوا ودي صور اتفضل انا عايزة ابني انا كان صعب عليا اختار بين اخويا و ابني ضنايا
محمد كان ينظر ليها بغضب و غيظ
القاضي نظر للصورة وقال بهدوء
هو اية اللي بيحصل ده انا مش فاهم كل ده يحصل انهارده
ندي بقهر ودموع
تميم مظلوم وطول عمره ماشي جنب الحيط عمره ما عاكس واحدة يا بيه بالعكس طول الوقت بيقولنا انا مستحيل اتسلي بواحدة انا عندي. بدل البت تلاته و اللي هعمله في بنات الناس هيترد ليكم اخويا مظلوم وفي حد مصر انه هو اللي يلبس القضية دي.
القاضي بهدوء
طب اقعدي و متخفيش علي ابنك ان شاءلله هيرجع ليكي و هيبقي في حضنك
القاضي بهدوء
قولي يا تميم مين بيكرهك اوي كدة علشان يلبسوك قضية زي دي وانت قتلتها بجد ولا لاء و الطفل ابنك ولا لاء وقبل ما تتكلم قول اقسم بالله هقول الحق
تميم بدموع
اقسم بالله العظيم انا هقول الحق
انا معرفش مين بيكرهني اوي كدة لدرجة انه يلبسني قضية زي دي بس انا مقتلتهاش و عمري ما لمستها يا سيادة القاضي و الطفل ده مش ابني انا اخري لو خرجت معاها امسك ايديها و بنخرج في اماكن عامة مش مقفولة
القاضي بهدوء
طيب الحكم بعد المداولة
كلهم اتجمعوا عند تميم قدام الصندوق الحديدي و ندي قربت بدموع وبكت
سامحني يا تميم انا اسفة بس ده ابني الوحيد اللي جبته بعد عذاب سنين مقدرش اعيش من غيره لو كانزا هددوني بيا صدقني يا كنت خلتهم يعملوا اللي هما عايزينه لكن ابني مقدرتش
سامحني
تميم بحنان مسح دموعها وقال
انا مسامحك اه في الاول كنت مصدوم منك بس بعد ما عرفت ان ابنك في خطر مسامحك انتي و ابنك افديكم بروحي يا ندي
رفيدة كانت تجلس بجانب اهلها تريد ان تذهب الية
احمد مسك ايديها وقال بعنف
لا يا رفيدة قولتي عايزة اجي وفضلتي تزني جبتك انما تروحي ليه ابدا اترزعي يلا و متتحركيش من مكانك
رفيدة سكتت بدموع وجلست بجانبهم
وائل بهدوء قرب بهدوء من تميم اللي اول ما شافه قال بدموع
انا مش عارف اشكرك ازاي يا وائل بيه
وائل بهدوء
انا معملتش حاجة يا تميم ده شغلي
روان بدموع وفرح
هو كدة هيتحكم ليه برائة مش كدة
وائل بهدوء
لا طبعا
كلهم اتصدموا حتي تميم ونظروا له بهتمام
وائل بهدوء
يا جماعة الموضوع كبير مش صغير بالعكس دلوقتي هي فرصة كويسة قوي هيتم تاجيل الحكم و هيتم التحقيق في القضية من اول وجديد و اللي هيمسك الموضوع النيابة بس علي الاقل في امل انه حتي ياخد حكم مخفف لو ما اخدش البرائة
احمد بهدوء
بتهمة اية يا اخد حكم مخفف
وائل بهدوء
بص يا استاذ احنا لسه مش عارفين احنا كل الادلة اللي موجودة بتدين فيه ودلوقتي هنشوف المحكمة هتقول اية و لو النيابة معرفتش تجيب القاتل الحقيقي هيتم تقفيل القضية ضد مجهول او تميم اللي هيلبسها برضه ولكن بحكم مخفف احنا شهادة الست دي فرقت معانا جدا لان معني كلامها ان تميم مش القاتل الحقيقي و القاتل الحقيقي عايز يلبسها ليه باي طريقة
احمد ابتسم
ان شاءلله خير
القاضي دخل هو المستشارين وكل واحد قعد في مكانه
القاضي بهدوء
حكمت المحكمة بتأجيل القضية رقم 9500 لشهر مايو القادم و التحقيق في القضية من جديد رفعت الجلسة
كلهم فرحوا ان لسه في امل وتميم سجد لله في الحبس وهو بيبكي حاسس انه انتصر ولو في جزء بسيط.
روان راحت للمعلم سيد وقالت بدموع
انا مش عارفة اشكر حضرتك ازاي يا معلم. اللي عملته ده حاجه كبيرة قوي بنسبة لينا
المعلم سيد بابتسامة
يا ست البنات مهما كان تميم عشر عمر وانا مقبلش ابقي عارف حاجه زي دي و مقولهاش اصلا انا في حكاية الفلوس دي مش بنسي اي تاريخ يخصهم دماغي دفتر ماشاءالله ربنا يخرجهلكم علي خير بالاذن
احمد قرب منها بعد ما المعلم مشي
تصدقي انا نسيت اشكره ده كلنا كان لازم نشكره لما نروح نبقي نشكره تعالي
في بيت مالك كان بيكلم فهيم و هو متعصب و بيكسر في كل حاجه
مالك بعصبية
يعني اية يا فيهم يعني اية القضية اتجلت انت بتهزر معايا و ازاي الكلبة دي متقوليش ان اتحقق معاها قبل كدة ومين الظابط ده اللي حقق معاها و كان حاضر ليه اصلا
فهيم بخوف
اسمه وائل يا باشا
مالك قفل في وشه بعصبية
انت اللي جبته لنفسك يا وائل وحياة امك لا احسرك علي اليوم اللي دخلت في كلية شرطة وانت يا تميم متفرحش كتير هتلبسها يعني هتلبسها
هنا ينتهي الحلقة
ياتري مالك هيعمل اية
وهل ندي ابنها هيرجع ليها و هل محمد ليه دخل بخطف ابنه
وهل خطف ابنها يديها الحق انها تشهد علي اخوها وليها عذرها
وهل مالك ممكن ياخد حكم مخفف ولا برائة
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عذاب الحب)
