رواية عذاب الحب الفصل التاسع والعشرون 29 بقلم مارلي إيهاب

///////
في الجراج كان واقف تميم و هو تعبان عوض قرب منه وقال
مالك يا تميم يا ابني شكلك تعبان كدة ليه
تميم بتعب
مفيش يا حاج بس انا تعبان شوية تقريبا داخل علي دور برد
عوض
طيب خلاص روح انت ارتاح انهاردة
تميم بتعب
لا لا انا شوية و هبقي كويس هروح بس اشوف اي صيدلية و هشتري منها علاج و هبقي كويس
عوض بضيق
يا ابني اسمع الكلام روح النهارده لان شكلك تعبان قوي و لو لقيت نفسك تعبان بكرة متجيش كمان خليك لغاية ما تبقي كويس
تميم بتعب
حاضر يا حاج شكرا
عوض
لا شكر علي واجب يا ابني يلا مع السلامة
خرج تميم و كان حاسس بسخونية شديدة وبصداع
تميم بتعب
انا هروح اجيب حبيتين مسكن
وادخل يده في جيبه وشاف ان الفلوس اللي معاه يدوب علي قد المواصلات تنهد بتعب وركب المكروباص وراح علي العمارة و اول ما دخل نام علي الارض بتعب
تميم بتعب
مش قادر اه ومد ايده وكب ازازة المياة علي راسه وبيحاول يفوق ولكن مفيش فايدة تمدد علي الارض بتعب وراح في النوم
بعد ساعتين كان تميم نايم دخلت بتول بقلق بعدما ذهبت لرؤيته في العمل مثل كل يوم ولكن لم يكون موجودا قلقت رأته ينام في. الارض و بيخطرف بالكلام وبيقول
روان وحشتيني ندي روفان عاملين اية من غيري
رفيده صدقيني انا معملتش حاجة انا مظلوم وحشتيني كان نفسي نتجوز بس ملحقتش انا اسف انا عارف اني اذيتك كتير وخليتك تستني بس غصب عني انا اسف
كان بيخطرف بالكلام و بتول تنظر له و الدموع في عيونها قربت منه ووضعت يديها علي جبينه وقالت بخضة
يا خبر ده حرارته مرتفعة جدا انا لازم اجبله علاج
خرجت بتول بسرعة علي اقرب صيدلية واشترت علاج ورجعت ليه وبدات تعمل ليه كمدات و هي بتحاول تسيطر علي دموعها وجابت قماشة و بلتها و حطتها علي راسه وهو بيحاول يفتح عيونه ويشوف مين ده
تميم بتعب
بتول
بتول بدموع
ايوة يا تميم قوم خد الدوا
تميم بتعب
مش قادر اقوم تعبان حاسس ان جسمي مكسر
بتول بدموع
معلش يا حبيبي قوم
وضعت بتول يديها تحت راسه وقومته وجابت الحبوب والمياه وضعتهم في فمه وقالت بحزن
اشرب يا تميم
تميم شرب العلاج ورجع تمدد تاني علي الارض
وبتول بتعمل ليه كمادات وهو نايم
بتول بحزن وهي بتمشي يديها علي وجهه وتراه نائم بعمق
بتول بدموع
انت الوحيد اللي لفت نظري من يوم ما شوفتك حسيت بشعور غريب كنت بحاول اتجاهل الشعور ده بس مع الوقت الشعور ده كبر جوايا يا تميم بس بتوجع لما بشوف حبك للي اسمها رفيدة بتوجع يا تميم انا بحبك معرفش حبيتك امتي بس قلبي بيتوجع لما احس ان واحدة واخدة عقلك و تفكيرك و حبك ليه مش بتشوفني زي ما بتشوفها يا تميم طب انت ممكن تديني فرصة تحبني انا مليش ذنب اني من الشارع وان مليش ام ولا اب مليش ذنب يا تميم
كان تميم نائم لا يشعر بيها قربت منه وهي تبكي بقهر
وامسكت وجهه بيديها وقالت ببكاء
عايزة فرصة واحدة يا تميم اثبتلك فيها حبي نفسي تسمح ليا اقرب منك بس انت بترفض رغم اني مبينتش ليك اي حاجه انت ليه كل لما تشوفني بتفضل تقولي متجيش ليه مش بتحب تبصلي وانت بتتكلم معايا انت بتقرف مني علشان انا لقيطة ليك حق مش انت لوحدك اللي بتعمل كدة يا تميم كل اللي بيعرف اني مليش اهل بيبصلي كدة بس اقسم بالله انا ماليا ذنب
احست بيه يتحرك بعدت يديها عن وجهه وهو قال بتعب وهو بيحاول يفتح عيونه
تميم بتعب
عايز اشرب
بتول بسرعة راحت جابت المياة و وضعت يديها خلف راسه ورفعتها ومسكت زجاجة المياه وبدات تشربه وهو كان حاسس بتعب شديد في جسمه
بتول بدموع بعد ما شرب قالت
عامل اية دلوقتي يا تميم
تميم بتعب
مش قادر تعبان
وضعت بتول يديها علي جبهته و قالت بخضة
هي مالها السخونية بتزيد ليه انا هكلم مصطفي
وطلعت التليفون الزراير اللي معاها و اتصلت علي مصطفى وقالت بخضة ودموع
تعالي عند تميم بسرعة
مصطفى بقلق
في اية يا بتول حصل حاجه
بتول بدموع
تعبان قوي عنده سخونية شديدة عملت ليه كمادات و ادتله علاج بس لسه السخونية حاسة انها بتعلي مش بتنزل هات دكتور يا مصطفى يشوفه
مصطفى بعصبية
دكتور اية انتي كمان عايزة توديه في داهية انا جاي و هتصرف
قفل مصطفى معاها و في خلال نص ساعة وصل كان لسه تميم السخونية زايدة عنده و تعبان وبيخطرف بالكلام
بتول بخوف
هنعمل اية يا مصطفى
مصطفى
متقلقيش هيبقي كويس انا هخليه يا اخد دوش ساقع و السخونية دي هتنزل بقولك روحي انتي علشان محدش يشك في حاجه
بتول بدموع
مش همشي و اسيبه كدة
مصطفى بضيق
روحي وانا هتصل بيكي الساعة داخلة علي سابعة و انتي كدة اتاخرتي يا بتول و انتي عنده من العصر روحي بقي علشان لو فاق هيخليني امشي معاكي يلا روحي واقسم بالله اول ما يبقي كويس هتصل بيكي
بتول هزت راسها و نظرت لتميم بدموع وخرجت واما مصطفى حاول يفوقه
مصطفي وهو بيخبط علي وجهه وقال
قوم يا تميم خد دوش علشان السخونية تنزل قوم
اصحي يا ابني
مصطفى جابت التيرمومتر و قاس درجة الحرارة وكانت 52
مصطفى
يا نهار اسود اية كل ده
حمله علي كتفه بصعوبة شديدة ودخله الحمام او المكان اللي عاملينه هما حمام وبدا بسكب المياه البارده علي جسده وهو يرتدي ملابسه
تميم بتعب فتح عيونه بصعوبة
اه انت بتعمل اية غرقتني
مصطفي
ما ده المطلوب يا صاحبي خد دوش و انا هجبلك هدوم تلبسها خلي السخونية دي تنزل شوية
تميم هز راسه بتعب وخرج مصطفى وجاب الهدوم ووضعها له وخرج اما تميم خلع ملابسه المبتله واخد دوش وبعد دقايق خرج وكان فاق بسيط ومدد جسده علي الارض
مصطفى
حمدلله علي سلامتك يا تميم
تميم بتعب
الله يسلمك يا مصطفى
مصطفى بهدوء
خلينا نقيس درجة حرارتك دلوقتي
وضع الترموميتر في فمه قال بهدوء
40 خد العلاج و ان شاء الله علي الصبح كدة هتفوق بس متروحش الشغل بكرة مش هيحصل حاجة
تميم بتعب
هو مديني اجازة كتر خيره النهارده و بكرة
مصطفى بهدوء
طب الحمدلله خد العلاج
واعطاه الحباية و شربها وفي خلال دقايق نام
و مصطفى خرج بره العمارة و اتصل علي بتول اللي قالت بقلق
ها عامل اية كويس
مصطفى
كويس صدقيني و درجة حرارته نزلت وعلي بكرة باذن الله هيبقي كويس متقلقيش انتي
بتول بدموع
انا عايزة اروح اقعد معاه بكرة يا مصطفى
مصطفى بتوتر
مش عارف يا بتول هيوافق تفضلي معاه وبعدين هتقعدي معاه بتاع اية انتي ناسية انه مش زينا و ممكن يشك فيكي ويعرف انك مايله ليه و يبعد عننا خالص
بتول بخوف بكاء
لا خلاص مش هاجي بس كلمني علي طول يا مصطفى
مصطفى بحزن
حاضر هتصل بيكي كل شوية و هطمنك عليه ارتاحي انتي و نامي يا بتول
بتول بدموع
حاضر مع السلامه
قفلت بتول مع مصطفى وقالت ببكاء وهي تجلس علي الارضية الباردة
ليه يا رب تخليني احب واحد مش هيبقي ليا في يوم من الايام طول عمري قلبي مقفول و مش بحب حد ليه احب واحد بيحب واحدة و عمره ما هيبص ليا انا موجوعة قوي يا رب
بدات في البكاء بهسترية حتي بعد قليل نامت من كثرة البكاء
……..
في صباح يوم جديد في القاهرة صحيت روان من النوم واخدت دوش و جهزت نفسها وارتدت الاسود و خرجت من الشقة وراحت علي شركة قدمت فيها حتي تعمل و اليوم الانترفيو قعدت مستنية دورها وبعدين ساعة كانت بتنفخ بغيظ وقالت للسكرتيرة
هو في اية يا انسة انا هبات هنا ولا اية ساعة و الاستاذ مدخلش اي حد من المتقدمين هو في اية بظبط لما مش هيقابل حد ادلنا المعاد ده ليه ولا الناس تحت امركم
سمعا صوت من وراها بيقول بهدوء
اهدي شوية يا انسة
نظرت روان خلفها وهي تري واحد يرتدي قميص و البنطلون و معه اثنان رجال وقال بهدوء
انا متأسف بس كان ورايا اجتماع دخلي الانسة يا اميرة
اميرة السكرتيره
حاضر يا فندم
دخل المدير وبعدين السكرتيرة قالت
اتفضلي معايا يا انسة
اخدتها المكتب ودخلت و المدير قال
اتفضلي اقعدي يا انسة شوفي الانسة تشرب اية
قعدت روان وقالت
شكرا مش عايزة حاجة
المدير
اتفضلي اخرجي انتي
خرجت اميرة و المدير قال
معاكي ادهم السيوفي فين السي في بتاعك
روان بهدوء اعطته السي في وهو نظر فيه وقال باعجاب ماشاء الله امتياز عندك خبرة عن الشغل ولا دي اول مرة تشتغلي
روان بهدوء
دي اول مرة اشتغل
ادهم بهدوء
تمام يا انسة روان هتسيبي رقم تليفونك مع السكرتيرة و بكرة او بعده بالكتير هتتوصل معاكي و تقولك اذا كان في قبول ولا لاء
روان بهدوء
تمام مفيش مشكلة بعد اذنك
اخدت روان السي في وخرجت وهي تشعر بخنقة و دموع وهي بتقول
اكيد هترفض ما انا مشتغلتش قبل كدة لان تميم مكنش مخليني محتاجة اي حاجة كنت هشتغل ليه لكن دلوقتي مليش حد ووحيدة
رجعت علي البيت وهي مضايقة
//////
في بيت وائل كان يجلس مع والدته و مرات خاله و ريهام التي تتجنب النظر له بيتفرجوا علي الماتش
ماجدة بضيق
ما تقلب يبني الزفت ده بقي و خلينا نتفرج علي حاجه عدلة
وائل ببروظ.
مش قادرين تستحملوا اليوم اللي قاعد فيه ما انا ببقي سايب التلفزيون ليكم كل يوم
سارة بابتسامة
اتفرج براحتك يا ابني سيبك من امك
ماجدة بضيق
يا بنتي اية لازمة يفرجنا احنا علي الكورة احنا لينا فيها يعني ولا بنفهم فيها
وائل بضيق
يا ماما انا قولتلك اتفرجي علي الكورة انا الماتش شغال و مش هقلب غير لما يخلص انا متفرجتش عليه امبارح بعد اذنك بقي يا ريت متشتيش تركيزي
ماجدة بضيق
اتفرج يا خويا اتفرج انا داخلة انام بلا وجع دماغ
سابتهم ماجدة ودخلت الاوضة اما سارة قالت
وانا كمان هدخل اريح شوية اتفرجوا انتم
دخلت سارة غرفتها و لسه ريهام هتقوم قال
اية انتي كمان هتدخلي
ريهام بهدوء
ايوة مش بتفرج علي الكورة انا مليش فيها
وائل ببرود
عادي يا حبيبتي يبقي ليكي فيها علشان بعد الجواز متزهقيش اقعدي اتفرجي معايا
ريهام بغيظ نظرت له و سابته ودخلت اوضتها ورزعتها جامد
وائل ببرود
مالهم. دول يلا مش. مهم اتفرج. انا
///////
في بيت عتمان و فتحي ابنه
فتحي بضيق
سمعت ان جوز اختها و مراته وعيالهم سافروا يا بوي احنا هنسيب البت دي ماشية علي حل شعرها ولا اية
عتمان
لا طبعا يا ولدي بس اصبر علي رزقك انا بس هفكر في فكرة زينة و بعدين اقولك نعمل اية و هتتجوزها متقلقش.
فتحي وهو يضع يديه علي صدره ويقول
انت خابر يا بوي اني بحبها و اني طلبتها للجواز من مالك زمان ورفض و دلوقتي جه الوقت اللي اتجوزها فيه
عتمان
يا ولدي متحملش هم هتتجوزها يعني هتتجوزها
فتحي
ربنا يخليك ليا يا بوي
///////
في بيت رفيدة دخل ولدها وقال ببرود
انا وافقت علي مالك و كتب الكتاب و الدخلة الاسبوع اللي جاي
رفيدة بصدمة
اية
///
يا تري رفيدة هتوافق ولا لاء
وهتتجوزه و لا هتعمل حاجه
ويا تري اية سر الجواز السريع ده
وهل ممكن تميم يحب بتول في يوم
وهل فتحي و عتمان هيقدروا يقربوا من روان