رواية عدت لأنتقم الفصل الثالث 3 بقلم يارا عبدالسلام
رواية عدت لأنتقم الجزء الثالث
رواية عدت لأنتقم البارت الثالث
رواية عدت لأنتقم الحلقة الثالثة
_عجبني تمثيلك اووي يا بنت عمران…دا انا صدقتك ..
بصيت لمصدر الصوت بصدمه:حمزه!
حمزه قرب منها بثبات وقعد جنبها..
_خلصتي انتقام ؟
بصتله بجمود:لسه شويه كمان لما تشوفهم كلهم متدمرين
_كفايه بقى ضيعتي عمرك كله في سراب وانتقام ملهوش اي لازمه انتى لى بتعملى كدا
_علشان اخد حق ابويا وانت اكتر واحد عارف احنا مرينا بايه وأمى مرت بايه وانا واخويا
_عارف كل دا بس انتى سيبتيني وضيعتى نفسك علشان الانتقام
_واسيب اي حد في سبيل انى اريح ابويا في تربته
_اتغيرتي يا ملك
_الدنيا بتغير وتخليك مش قادر تكمل ولا تواجه لكن لازم تستمر على متضعش..
حمزه:انتى لي بتعملى كدا لي بتخليني ابعد مع انى دائما جنبك وفي ضهرك ودخلت معاكي في اللعبه دي علشان بحبك انتى لي جو الانتقام اثر عليكي كدا لي.
بصيتله بوجع:انت محستش اللي احنا حسيناه انت اه عارفه بس مجربتش انك تحس انك تايه وضايع وملكش سند
_اخوكي موجود وانا موجود وبحبك وعاوزك جنبي متبقيش انانيه
_انا مش انانيه هم اللي وحشين …
_طيب ارجعى يا ملك ارجعى ملك بتاعت زمان
_مش هقدر يا حمزه مش هقدر الا لما اشوف العمده وعيلته كلها بتدمر قدامى..
_تمام يا ملك اللي تشوفيه
القطر جه وركبوا وحمزه حس ان الكلام بقاش فيه فايده
وصلوا القاهره بعد ١٢ساعه في القطر ..
_هتيجي
_لا أنا هروح ارتاح شويه علشان تعبت
_خلاص هستناك باي..
سابته ومشيت وهوا بص في اثرها بحزن على اللي عملاه فيه وفي نفسها بسبب انتقام من وجهة نظره مفيهوش فايده..
روحت وقابلتها امها
_عملتى اللي في دماغك يا ملك
_ماما لو سمحتى أنا تعبانه ومش عاوزا اتكلم دلوقتي لما حسام يجي ابقى صحيني
دخلت ونمت نوم عميق اول مره بعد تلات سنين احس بالراحه دي …
عند طارق ..
كان قاعد واحاسيس كتير في دماغه حاسس ان ملهوش لازمه في الدنيا يمكن الحيوانات ليها فايده اكتر منه كفايه كلام أبوه ليه اللي اثبتله أن كل اللي عمله أبوه في الناس اتردله فيه في ابنه الوحيد..
*أنا لازم ابعد لازم اروح في مكان تاني محدش يعرفني فيه ولا اشوف حد فيه..
عند ملك
كانت قاعده مع حسام اخوها بتحكيله كل اللي حصل وهوا قاعد مستمعلها..
_ارتاحتى كدا خلاص
_لسه مش هرتاح اووي الا لما اشوفه مكسور قدامى وحزين
_واشمعنا ابنه
_علشان كان بتاع بنات وقولت اخد حق البنات اللي كسرها دي بالمره أنا في الاول كنت مشدوداله قبل ما اعرف هوا ابن. مين كانت مشاعري صادقه ناحيته لكن لما عرفت أنه ابن السبب في موت ابويا طبعا نسيت اي مشاعر وقررت استغل حبه ليا في الانتقام
_وحمزه
_ماله!
_انتى مش واخده بالك انك ممرمطاه معاكى عالفاضى وانتى مش بتحبيه
_حمزه زيك وصديقى المقرب غير كدا مفيش حاجه ناحيته علشان كدا لازم ابعد عنه علشان يشوف حياته ..
_طلعتى انانيه اووي يا ملك مكنتش متخيل فيكي كدا..
بصيتله بجمود وشربت القهوه اللي قدامى ودخلت اهرب في عالمى الخاص عالم الانتقام .!
بعد مرور أسبوع
صحيت من النوم على خبط شديد عالباب..
فتحت الباب لقيت حمزه
_حمزه في اي
_طارق
_ماله
_انتحر
_اي؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عدت لأنتقم)
تعليق واحد